2,5 mil euro vlen vota e Nanos

[ganoid]

Para disa ditesh ishte hap nje debat rreth votes se dy institucioneve kryesore Shqiptare kryeministrit dhe presidentit. Te dy do te votojne ne zgjedhjet per reformen ne OKB. Tek keto zgjedhje jane dy variante njeri Italian (kete e mbeshte presidenti) dhe i dyti Gjerman (kete e mbeshtet kryeministri). Keta te fundit sipas asaj qe lexova sot tek shekullu duket se po paguajne me investim voten e marre.

Ja sec cthote shekulli:

TIRANË-Republika Federale e Gjermanisë ka miratuar dhënien e një shume prej 2.5 milionë euro për vendin tonë. Në një njoftim zyrtar të bërë ditën e djeshme, Christian Jetzlsperger, referent për bashkëpunimin ekonomik në ambasadën gjermane në Tiranë ka bërë të ditur se gjatë dy ditëve që lamë pas në Tiranë është zhvilluar takim në kuadër të bashkëpunimit ekonomik..... etj etj.

[DefectivDoll]

Gjermania dhe japonia kane peshe ne bote dhe jo italia qe po plaket me shpejt se qimet e mija...Pastaj kjo do duket mire nga amerikanet...pra duhet votuar plani gjerman.

[Eros26]

Gjermania dhe japonia kane peshe ne bote dhe jo italia qe po plaket me shpejt se qimet e mija...Pastaj kjo do duket mire nga amerikanet...pra duhet votuar plani gjerman.

Me sa di une te dyja projektet (si italiani dhe gjermani) jane pro serbe dhe si te zgjidhet njeri apo tjetri, uji ne mullirin e serbit do shkoj.
Qeverise Italiane mendoj se i takon kjo vote, sepse ka qene gjate gjithe periudhes se tranzicionit qe ka kaluar Shqiperia, partneri me i mire dhe me i afert.

Qeveria gjermane hyri ne loje ne kete moment te fundit, kur i duhet vota e Shqiperise per ne Keshillin e Sigurise dhe kjo ka ardhur apostafat ne momentin e duhur, para zgjedhjeve tona elektorale.
Sic eshte shkruar me lart, Nanoja ka nevoje per investime te huaja ne kete vit elektoral dhe Gjermania duket me e angazhuar t'i ofroje keto fonde.
Por kjo nga ana tjeter ka sjelle dhe ftohjen e italianeve. Jane bllokuar shume projekte me financim qeverine italiane, te cilat ishin parashikuar te nismonin kete vit.
Nejse dihet qe politika eshte pazar, ka plot "kollare", "brryla", populli eshte ai qe e vuan ne kurriz.

[Eros26]

Pergjigja e Italise ne lidhje me perzgjedhjen nga ana e Nanos te projektit Gjerman ne Keshillin e Sigurimit.
Materiali me poshte duket qarte se eshte thjesht nje perkthim i materialeve te sherbimit sekret italian, i vendosur ne gojen e kryeredaktorit te gazetes TEMA.


Deklarata e Agron Dukës ka alarmuar disa diplomatë të
huaj në Tiranë

Cigaret, të huajt testojnë Nanon

Kryeministri Fatos Nano po vëzhgohet nga diplomatë të huaj në Tiranë për qëndrimet e tij rreth skandalit të fundit të trafikut të cigareve. Dyshimet kanë lindur pasi të akuzuarit kryesorë për skandalin e trafikut të cigareve, po përpiqen të tërheqin vëmendjen e opinionit publik me deklarata politike, duke vënë në lëvizje prokurorinë, të shmangë pistat e vërteta të hetimit. Pas deklaratave të djeshme të Agron Dukës, shërbimi sekret perëndimor që ka ofruar dosjen e trafikut të cigareve, i ka kërkuar kryeministrit Fatos Nano një raport zyrtar mbi ecurinë e hetimeve dhe përgjegjësit që fshihen pas saj. Shqetësimi është rritur pasi ministri i Bujqësisë Agron Duka ka deklaruar publikisht se nuk ka asnjë lidhje me pronarin e anijes 'Eni'. Sipas hetimeve më banale të kryer (nga kush?) në Shijak dhe Durrës, verifikohet lehtësisht jo vetëm lidhja e ngushtë e ministrit Duka me këtë person, por nëse prokuroria nxiton, ajo mund të sigurojë dokumente për bizneset e tyre të përbashkëta. Trafiku më i fundit i cigareve që tronditi opinionin para zgjedhjeve, nis me linjat e kontrabandës së cigareve, të instaluara në Kinë. Malli prodhohet në Kinë, me cilësi jo dhe aq të mirë dhe është i destinuar për Qipro dhe Maltë. Trafikantët shqiptarë që e blejnë atë kryesisht në Qipro, e çojnë atë në drejtim të Malit të Zi dhe Sllovenisë dhe pastaj bëjnë operacionin e futjes në Shqipëri. Shërbimi sekret perëndimor ka dhënë dhe shifrat marramendëse të fitimit që ka pala shqiptare e trafikut. Sipas tyre malli në Kinë blihet me çmimin 1 me 10, në raport me vlerën e tij reale. Kështu përfitimi i trafikantëve është i shumëfishtë, pasi ata fitojnë dhe nga evazioni fiskal, edhe nga çmimi që e sigurojnë mallin.
Dy anijet kryesore që janë raportuar si të përfshira në këtë trafik janë "Eni" dhe "Fati".
Kryeministri Fatos Nano ka marrë një kërkesë zyrtare për të raportuar mbi ecurinë e hetimeve, por ai nuk i është përgjigjur. Skandali pritet të shpërthejë nëse verifikohen dyshimet se pronari i anijes për të cilin është thënë zyrtarisht se është arrestuar, nuk është ndaluar ende. (nga infoja ime dyshohet se rri ne nje hotel). Ky lajm është ende i pakonfirmuar por burimet perëndimore dyshojnë tek arrestimi i tij. Nëse kjo është e vërtetë, atëherë skandali bëhet i plotë dhe kryeministri Fatos Nano mund të marrë penalitete të forta nga ndërkombëtarët. (ky eshte nje kercenim)

Nëse dyshimet e perëndimorëve për implikim të kryeministrit në bllokimin dhe dështimin e hetimeve vërtetohen, pritet një surprizë e re lidhur me të ardhmen e njerëzve të kryeministrit të përfshirë në këtë trafik, saktësojnë burimet perëndimore në Tiranë (kercenimi i radhes qe pas kesaj kane per te dale dhe aferat e tjera)

[Eros26]

Per mos te hapur shume tema dhe meqenese ne kontekst ky shkrim ka disa pika te lidhura me kete teme, mendova ta vendos ketu nje artikull qe gjykoj se eshte interesant.
Marre nga gazeta Biznesi:
Klodian Tomorri - 08/08/2005

Italianët: Pse kemi mbetur pas grekëve

Ekspertët italianë shohin me shqetësim faktin se kreditë e Romës për Shqipërinë, që arrijnë deri në 600 milionë euro, nuk janë shoqëruar me investime private italiane. Xhelozi për investimet greke në sektorët strategjikë, dhe keqardhje për mungesën e gjigandëve italianë


Konkurenca mes Gjermanisë dhe Italisë për votën shqiptare në OKB ka krijuar një shije të hidhur në Itali, partnerin më të rëndësishëm dypalësh të Shqipërisë përsa i përket kredive dhe tregtisë. Media italiane së fundmi vuri re me keqardhje se Italia mbetet një investitor i vogël në Shqipëri, dhe se kompanitë e saj zotërojnë këtu vetëm biznese në vogla dhe pa rëndësi strategjike.
Gazetari Gabriele Meoni, i të përditshmes ekonomike Il Sole 24 Ore, thotë se kompanitë e mëdha italiane janë ende jashtë Shqipërisë ndërsa vëren se kjo gjë mund të sjellë një “gabim strategjik” të Italisë në Shqipëri.
Gazeta komenton se pozicioni i Italisë përballë Greqisë është shumë i dobët duke parë investimet greke në telekomunikacion, banka dhe energjetikë. Ajo komenton gjithashtu, se edhe Austria tashmë është më përpara se Italia në investimet në sektorin bankar.
Italia dhe Shqipëria janë të lidhura me njëra-tjetrën nga shumë vite bashkëpunimi. Italia mban vendin e parë për sa u përket ndihmave të ofruara për zhvillimin ekonomik të vendit tonë me rreth 600 milionë euro që nga koha e rënies së regjimit komunist, 230 milionë prej të cilave janë të lëvruara vetëm tre vitet e fundit. Megjithatë, në një shkrim të botuar pak kohë më parë në një nga të përditshmet më të mëdha ekonomike në vendin fqinj theksohej se, sipërmarrjet italiane druhen që të investojnë në Shqipëri. Ky fakt duket se nuk u ka pëlqyer shumë institucioneve italiane, të cilat nga ana e tyre u kanë bërë disa herë thirrje bizneseve dhe kompanive të vendit të tyre që të investojnë në Shqipëri. Pak kohë më parë ambasadori italian në Tiranë, Massimo Iannuci do të shprehej: “Është çështje besimi. Ndërmjet sipërmarrjeve italiane mbizotëron një ide e gabuar për situatën në Shqipëri. Ne i ftojmë ata që të mos bazohen tek thashethemet e pavërteta që qarkullojnë, por të vijnë dhe ta verifikojnë vetë gjendjen e Shqipërisë.” Deklaratat e përfaqësuesit më të lartë italian në Shqipëri të lënë të kuptosh se në radhët e zyrtarëve italianw është krijuar një farë shqetësimi nga frika e sipërmarrjeve të mëdha italiane për të investuar në vendin tonë. Po të analizosh me kujdes investimet italiane në Shqipëri të bie në sy fakti se ato nuk janë të drejtura nga sektorët strategjik. Përqindja e madhe që zënë kompanitë italiane në totalin e investimeve të huaja në Shqipëri është në një përpjestim jo të drejtë më investimet në sektorin strategjik. Greqia që është pothuajse në të njëjtat nivele me Italinë për sa u përket investimeve të huaja në Shqipëri, por ajo ka një pjesmarrje shumë më të madhe në sektorët strategjik. Kështu, aktualisht në vendin tonë kompanitë greke dominojnë sektorin e telekomunikacioneve, janë shumë prezent në sistemin bankar dhe po lëvizin gjithmonë e më tepër në sektorin e energjisë.