Berisha: Largohem nga politika nëse PD humb zgjedhjet

[ArberXYZ]

Kreu i PD-së tha në një takim me mediat se do të largohet nga skena politike, nëse opozita nuk vjen në pushtet


“I qëndroj asaj që kam deklaruar. Po humbëm, do të merrem me jetën time private”



Lideri i opozitës, Sali Berisha, premtoi dje qartë, për herë të parë, se në rast se koalicioni i opozitës do të humbasë zgjedhjet, ai do të japë dorëheqjen nga jeta politike në vend. Është më i qartë se kurrë se ç’do të bëjë personalisht kryetari i opozitës, Sali Berisha, nëse ndërkombëtarët do të konfirmojnë fitoren e socialistëve për një mandat të tretë. “Atë që kam deklaruar, i përmbahem. Kam deklaruar se në rast në këto zgjedhje, (humbim) që është e paimagjinueshme se të gjithë shqiptarët ia kanë dhënë fitoren, unë kisha vendosur që të merresha me jetën time private. I përmbahem plotësisht asaj”, - deklaroi dje Berisha në tryezën e organizuar nga Instituti i Medias, me përfaqësues të medias së shkruar dhe elektronike. Kryetari i Partisë Demokratike ka sqaruar se ai nuk ka hyrë në politikë nga politika, por nga një shkenca e mjekësisë. Pak kohë më parë në një emision televiziv, ai ishte shprehur se ishte ndierë shumë më i sigurt në politikë, sesa në punën e tij të mëparshme si kardiolog. Para viteve ‘90, Berisha ka qenë një ndër kardiologët më të mirë të vendit, çka nuk përjashtohet mundësia që një ditë ai të veshë sërish bluzën e bardhë, në rast se opozita humbet zgjedhjet e afërme parlamentare. “Do të bëj një qartësim. Unë nuk kam hyrë në politikë nga politika. Unë në politikë kam hyrë nga shkenca. Unë kam qenë një studiues shumë i apasionuar me publikime punimesh origjinale në revistat më serioze të botës. Është kjo për të cilën qëndroj në politikë dhe nuk qëndroj në politikë për karrige, sepse unë kam patur një dhe nuk mund ta kem më të madhe sesa ajo. Jam njeri i dorëheqjeve. Unë kam qëndruar në politikë, por nuk qëndroj as si eminencë gri, pasi jam njeri i dritës, jo i hijes. Unë kam një fushë të pafundme të pasioneve të mia private, me të cilat nuk e di se me cilën të merrem përpara”, - tha ai. I pyetur për rrethanat në të cilat ai do të mund të jepte dorëheqjen përballë faktit se cilës fitore i referohej, Berisha sqaroi se ajo nënkuptonte vetëm koalicionin e opozitës në qeverinë e ardhshme. “Që të jem i sinqertë, është koalicioni. Unë nuk kam parashikuar dhe nuk jam përpjekur për një mazhorancë absolute të PD-së, por për një fitore të një koalicioni. Në rast se koalicioni im vjen në qeverisje. Fitorja është koalicioni në qeveri, me kushte që qeveria të jetë e vogël. Jemi zotuar për një qeveri të vogël”, - tha ai. Prej kohësh lideri i opozitës, Sali Berisha, është shprehur se ai do të jepte dorëheqjen nga politika, në rast se ndërkombëtarët do të shpallin fitues socialistët pas zgjedhjeve të lira dhe të ndershme. Në çdo takim me ndërkombëtarët, Berisha i ka mëshuar pikërisht këtij fakti. Se opozita do të njohë çdo rezultat që del nga zgjedhje të lira dhe të ndershme.

“Dushkut, të detyruar t’i përgjigjemi me Dushk”

Kryetari i opozitës, Sali Berisha, ka deklaruar dje se ai ishte i detyruar që t’i përgjigjej mazhorancës me të njëjtën monedhë për zbatimin e formulës së Dushkut, pas refuzimit që kjo e fundit i bëri amendamentit për njësimin e votës së kandidatit me atë të subjektit. “Unë ndiej keqardhje për qëndrimin që mbajti qeveria. Dërguam një amendament dhe katër muaj kemi bërë përpjekje për të unifikuar votën e partisë me kandidatin. Përgatitëm amendamentin për t’iu kundërvënë kësaj, sepse në fakt, të cënosh forcën elektorale të votës, absolutisht prek atë që quhet ndershmëri e zgjedhjeve.
Në qoftë se se ju keni lexuar aleancat, që të gjithë ne i bëmë duke lëshuar zona të lira në pëputhje me amendamentin që çuam në Kuvend. Jemi të detyruar t’i drejtohemi me të njëjtën monedhë ”, - tha Berisha, duke siguruar se sërish votat e opozitës mbeten brenda opozitës, ashtu sikurse edhe ato të pozitës. Duke iu përgjigjur pyetjes së përfaqësuesve të medias, Berisha siguroi gjithashtu se PD-ja nuk e ka bazuar fitoren e saj në përzgjedhjen e individëve të fortë. “Nuk jemi bazuar në individë të fortë. Dominojnë qarqe të shoqërisë civile dhe botës akademike. Nuk është lista më e mirë që kemi bërë, por më e mira deri më sot”, - tha ai.

“KLSH-në do t’ia lë opozitës”

Berisha ka premtuar dje se qeverisja e ardhshme demokratike do t’i sigurojë një rol të rëndësishëm opozitës. Berisha duket se ka ndryshuar qëndrim edhe në këtë drejtim, duke pasur parasysh se në kohën e qeverisjes demokratike, qëndrimi i kësaj të fundit ndaj opozitës linte për të dëshiruar. Por kësaj herë, kryetari i opozitës premtoi se ai do të ishte i gatshëm që t’i linte opozitës edhe drejtimin e Kontrollit të Lartë të Shtetit, në rast se kjo e fundit do ta kërkonte. Aktualisht, në drejtimin e Kontrollit të Lartë të Shtetit është eksperti Robert Çeku, i cili është zgjedhur me votat e mazhorancës në muajin nëntor të vitit të kaluar. Gjatë këtij votimi, grupi parlamentar i Partisë Demokratike dhe ai republikan nuk morën pjesë gjatë votimit. Ndërkohë dje Berisha premtoi se opozitës socialiste do t’i sigurohen edhe instrumente të tjerë kontrolli. “Jam shumë i vendosur për një rol shumë të rëndësishëm të opozitës. Jam i vendosur që t’i jap Kontrollin e Lartë të Shtetit, në rast se opozita e kërkon. Jam i vendosur që t’i jap opozitës instrumente të tjera të fuqishme të kontrollit. Të mbroj interesin publik”, - tha Berisha.


Sondazhi, ditën e zgjedhjeve, jo i përshtatshëm

Qendra e sondazheve GALLUP, në bashkëpunim me lëvizjen “Mjaft”, do të shpallin ditën e 3 korrikut vetëm pesë minuta pas mbylljes së kutive të votimit, rezultatin paraprak të zgjedhjeve. Demokratët nuk janë kundër shpalljes së këtij sondazhi, por nuk mund të pajtohen me kohën e bërjes publike. Duke pasur parasysh se procesi i numërimit do të bëhet një ditë më pas, (në datën 4 korrik) demokratët shprehen se gjithçka e bërë publike më përpara do të sillte konfuzion. Edhe dje lideri i opozitës, Sali Berisha, ka qartësuar faktin se PD-ja nuk është kundër sondazheve, por në të njëjtën kohë e ka cilësuar si të panevojshme publikimin e këtij rezultati paraprak pikërisht ditën e zgjedhjeve, në një kohë kur mund të bëhet një ditë më pas gjatë procesit të numërimit. “Lidhur me sondazhin, unë nuk jam në favor. Le ta shpallin gjatë procesit të numërimit, por ama ta distancosh në një kohë që mund të ndezësh gjakra në mënyrë të panevojshme. Ky distancim njëditor mendoj se është pak si jo i përshtatshëm”, - tha dje Berisha.

Rugova të takohet me Tadiç

Partia Demokratike është për zgjidhjen e statutit të Kosovës. Në të njëjtën kohë, ajo favorizon dialogun Prishtinë-Beograd. Ky është qëndrimi që ka bërë publik dje lideri i opozitës, Sali Berisha. Lidhur me këtë çështje, Berisha shtoi se ai ishte në favor të një takimi mes presidentit të Kosovës, Ibrahim Rugova, dhe presidentit të Serbisë, Boris Tadiç. Berisha deklaroi gjithashtu dje se PD-ja do të mundësojë integrimin e Shqipërië në Bashkimin Evropian dhe në NATO. “Programi i qeverisë së ardhshme do të bazohet plotësisht mbi kërkesat e Bashkimit Evropian për Shqipërinë”, - tha ndër të tjera Berisha. Ndërsa partner i rëndësishëm i saj do të jenë Shtetet e Bashkuara të Amerikës.


“Media të botojë përgënjeshtrimet”

Nuk do të hapen procese gjyqësore ndaj medias, në rast se kjo e fundit nuk do të jetë korrekte ndaj PD-së, por do të kërkohet funksionimi i një prej parimeve bazë të gazetarisë, ajo e përgënjeshtrimit. Kryetari i Partisë Demokratike, Sali Berisha, deklaroi dje se, në rast se një media boton lajme absolutisht të trilluara dhe atribuon deklarata që ai nuk i ka bërë ndonjëherë, atëherë PD-ja do të kërkojë përgënjeshtrim”. Në rast se kjo media do të respektojë këtë etikë, atëherë ne do të kemi marrëdhënie korrekte me çdo media. Rregullimi i përgënjeshtrimit nuk cënon pavarësinë e shtypit”, - sqaroi dje Berisha, lidhur me raportin që PD-ja do të kishte kundrejt pushtetit të katërt. Në këto kushte, lideri i opozitës sqaroi edhe pozicionin e PD-së kundrejt heqjes së akreditimit ndaj “NEWS 24”.


Media
Jo gjyqe, por përgënjeshtrime
Kryetari i Partisë Demokratike, Sali Berisha, ka deklaruar dje se nuk do të hapen procese gjyqësore ndaj medias. Në rast se kjo e fundit nuk do të jetë korrekte ndaj Partisë Demokratike. Berisha theksoi se do të kërkohet funksionimi i një prej parimeve bazë të gazetarisë, ajo e përgënjeshtrimit



Dialog Prishtinë-Beograd

Berisha deklaroi se Partia Demokratike është për zgjidhjen e statutit të Kosovës. Në të njëjtën kohë, ajo favorizon dialogun Prishtinë-Beograd. Në të njëjtën kohë, qeveria e ardhshme do të mundësojë integrimin e Shqipërisë në BE dhe NATO. Ndërsa partner strategjik do të jetë SHBA-ja.


Gallup, sondazhi jo atë ditë

Kryetari demokrat është pro sondazhit që pritet të publikojë GALLUP në bashkëpunim me lëvizjen “Majft”, por nuk është dakord me kohën se kur do të publikohet. Sipas Berishës, do të ishte jo e përshtatshme që GALLUP të shpallte rezultate paraprake ditën e zgjedhjeve, në një kohë që procesi i numërimit do të bëhet një ditë më pas.


KLSH-në për PS-në

Berisha theksoi se qeverisja e ardhshme demokratike do t’i siguronte një rol të rëndësishëm opozitës. Ai siguroi se PD-ja ishte e gatshme që t’i linte drejtimin e KLSH-së, në rast se ajo do ta kërkonte. Berisha premtoi edhe për instrumente të tjerë kontrolli në favor të opozitës.

Edhe PD-ja me Dushk

Kryetari i opozitës, Sali Berisha, ka deklaruar dje se ai ishte i detyruar që t’i përgjigjej mazhorancës me të njëjtën monedhë për zbatimin e formulës së Dushkut, pas refuzimit që kjo e fundit i bëri amendamentit për njësimin e votës së kandidatit me atë të subjektit.


Respekt për pakicat

Lidhur me ngjarjen e 28 majit të vitit 1994, Berisha u shpreh se “Qëndrimi im ka qenë ky. Kam shkarkuar 4 zyrtarë të lartë të Ministrisë së Rendit dhe 3 të Drejtorisë së Tiranës. Njëri ndër të cilët sot është deputet i PS-së. Koncepti im për pakicën sot është 8 herë më shumë sa ç’ishte më parë. Unë e kam të pashëruar pakënaqësinë ndaj vetes, kështu që jam i bindur në këtë rol”.


Korrupsioni, Berisha përgjegjës

Kryetari i Partisë Demokratike, Sali Berisha, ka deklaruar dje se ai do të ishte përgjegjësi kryesor i luftës kundër korrupsionit, në rast se ai do të jetë kryeministri i ardhshëm i vendit, duke premtuar në të njëjtën kohë transparencë në prokurimet publike dhe ndryshim të ligjit për koncesionet, sipas standardeve ndërkombëtare.



Aleanca me Metën

Berisha u shpreh gjithashtu se Partia Demokratike nuk do të bashkëpunojë me Lëvizjen Socialiste për Integrim, për krijimin e qeverisë së ardhshme, edhe nëse votat e kësaj të fundit do të ishin vendimtare. Por në njëjtën kohë, ai pohoi se do të ishte i gatshëm të bashkëpunonte me LSI-në, pas një viti për zgjedhjen e presidentit konsensual, me kusht jo Fatos Nanon si kandidat.


Tërheqja nga politika

Në rast se koalicioni i opozitës nuk do të mund të fitojë zgjedhjet e ardhshme parlamentare, atëherë lideri i opozitës, Sali Berisha, do të tërhiqet plotësisht nga jeta politike. “Kam shumë gjëra në jetën time private për t’u marrë”, është shprehur ai, duke kujtuar edhe një pjesë të punës së tij të mëparshme para se t’i futej politikës. Berisha sqaroi se gjithçka ai bënte, nuk ishte për një karrige.


Marre nga gazeta "Shekulli"

[ArberXYZ]

Jam "entuziast" vetem per dicka, qe per here te pare ne jeten politike shqiptare, nje lider partie do te marre pergjegjesine e humbjes se partise se vet.

Berisha tha "se nese PD-ja humbet, une do te jap doreheqjen".

Shembull edhe per te tjeret...

[AndiX]

Jam "entuziast" vetem per dicka, qe per here te pare ne jeten politike shqiptare, nje lider partie do te marre pergjegjesine e humbjes se partise se vet.

Berisha tha "se nese PD-ja humbet, une do te jap doreheqjen".

Shembull edhe per te tjeret...

Në rregull. Kjo është hera e parë që një politikan shqiptar deklaron kështu. Megjithatë problemi më i madh qëndron se Berisha, si zakonisht, nuk do ta njohë humbjen, gjë që do ti "lejojë" atij që të ngelet akoma nëpër ekranet tona me zhurmën që e shkakton shpesh pa nevojë.

[ArberXYZ]

Në rregull. Kjo është hera e parë që një politikan shqiptar deklaron kështu. Megjithatë problemi më i madh qëndron se Berisha, si zakonisht, nuk do ta njohë humbjen, gjë që do ti "lejojë" atij që të ngelet akoma nëpër ekranet tona me zhurmën që e shkakton shpesh pa nevojë.

E pranon apo se pranon Berisha humbjen, po u zgjodh qeveria e re socialste, quhet deshtim. Dhe Berisha duhet te mbaje fjalen, dhe perderisa e ka trumbetuar vete doreheqjen ne rast humbjeje.

[FLORIRI]

Nuk e kuptoj se cfare kerkon te fitoje Berisha me kete trumpetim te tijin.Ndoshta mendon qe simpatizante te tije do te zgjohen nga gjumi i gjate.Mos valle kujton se ka arritur te ndergjegjesoje shqiptaret se personi i tij eshte zgjedhja e vetme per shkatrrimin rrenjesor te se keqes ne shqiperi.Apo tregon pavendosmeri dhe vullnet jo te mire ndaj disfatave.Une nuk kuptova qellimin e berjes publike nga ana e tij.Nuk gjej asnje arsyetim bindes per kete.Nese zgjedhjet fitohen nga PS dhe kete radhe do kaloj nje mandat por kjo nuk duhet te stepi Berishen.Nese ky
ka per qellim te miren e shqiperise edhe ne rolin e opozites patjeter qe do kontriboje.Fundja ne realitet opozita duhet te jete nje strukture qe sherben per zhvillimin duke trumbetuar nga pozicioni qe ka.Berisha ka arritur te binde nje pjese
te mire qe qeveria Nano eshte e korruptuar.Berisha eshte i vetmi qe ka potencaile
morale te largoje Nanon,te tjeret shumica jane laro qe shiten e blihen.

[Brari]

Sipas artikullit me lart Berisha mes tjerash ka thane:

---

Rugova të takohet me Tadiç

Partia Demokratike është për zgjidhjen e statutit të Kosovës. Në të njëjtën kohë, ajo favorizon dialogun Prishtinë-Beograd. Ky është qëndrimi që ka bërë publik dje lideri i opozitës, Sali Berisha. Lidhur me këtë çështje, Berisha shtoi se ai ishte në favor të një takimi mes presidentit të Kosovës, Ibrahim Rugova, dhe presidentit të Serbisë, Boris Tadiç. Berisha deklaroi gjithashtu dje se PD-ja do të mundësojë integrimin e Shqipërië në Bashkimin Evropian dhe në NATO. “Programi i qeverisë së ardhshme do të bazohet plotësisht mbi kërkesat e Bashkimit Evropian për Shqipërinë”, - tha ndër të tjera Berisha. Ndërsa partner i rëndësishëm i saj do të jenë Shtetet e Bashkuara të Amerikës.

---



Koment..

Ka nje Terror ne Kosove kunder LDK-s qe patjeter ...patjeter...patjeter.. Berisha duhet te jete i informuar.. Ky terror eshte poliedrik.. Shpifje, mashtrime, insinuata, vrasje, fishkellima, denoncime etjetj te zeza pafund ne forma e taktika nga me monstruozet..
Kete Terror e udheheq Banda Mafioze e Qose Halit Demaqave e Thaq Veton Mavro-Jakupave.. e cila ishte tmerresisht aktive ne bashkpunimin me PS-ne e Tiranes ne rrezimin e PD-se nga pushteti ne 97-ten..
Ne se do te duhej te ishte kush i ndjeshem per te nuhatur analogjine mes asaj cka ndodhi ne Shqiperi- Vlor -Tepelen-Sarand-Lushnje Pras Tritan Skele Lek Cok e Kanibal Luize.. e 97-tes me ate cka ndodh kto 6 vite ne Kosove.. ky do te ishte Berisha..

Dhe askush me shum se ai nuk do duhej te ishte i zjarrte ne denimin e ketij Terrorit Thaqo Kloso Nano Qosist ne Kosove ndaj Rugoves e Votes se Popullit..

Mirpo Berisha Fle si Ariu kur vjen fjala per te reaguar ndaj ketij terrori e zgjohet si Kendezi kur eshte fjala per ti dhene Rugoves Keshilla.. te Dyshimta..

Per cfar Statusi flet Berisha?

Rugova hapur e qarte e ka thene se Status per Rugoven dhe Popullin qe i vete mbas do te thote "KOSOVE E PAMVARUR"..

Ne se Berisha e ka bindur Tadic Cubrilloviq Drashkoviqat qe te heqin dore nga Kosova...athere nxitimi i Berishes per ti thene Rugoves shko ne Beograd se kam fol me ta e jan dakorduar me ti dorzue "Celsat e Kosoves"..pra me ta pranue Pamvaresine.. athere kjo keshille eshte e mirepritur..

Por Berisha ska fuqi te tille e as qe mendon ne Termin "Status per Kosoven" mendon ndonje Pamvaresi.. por e hedh ashtu turbull ne stilin Diplomatik.. sikurse bashibozuket e Nano Islamit..
Per kete lloj sugjerimi Rugova nuk ka nevoje..

Per cfar ka nevoje Rugova ose Kosova e Rugoves ???

Ajo ka nevoje per nje Shqiperi qe nuk do te digjej si mullar sane ne 97-ten.. gje qe Berisha nuk ja realizoi..
Ajo..Kosova dhe Rugova do te kishin Nevoje qe ne Shqiperi te mos ishin ne pushtet vrasesit e Ahmet Krasniqit e Azem Hajdarit...
As kete Berisha nuk e ka realizuar..
Ajo Kosova e Rugova do te donin nje Shqiperi te celnikte te futur ne Nato e te fuqishme ne zerin e saje ne tryezat Diplomatike Boterore..
As per kete Berisha nuk ka bere shume perderisa Shtetin ku ishte kryetar ja rrezuan ca hajno tepelene e Skele Vlore e ministrit te tij Te JASHTEM.. e perseris te JASHTEM.. ja futen prasin ne bir te b.ithes vagabondet e Lushnjes..

Por edhe ne opozite Berisha ska qene i qarte e peerkrahes i Bindur e Korrekt i atyre forcave atdhetare ne Kosove qe po i ekspozohen Krimit Enverist Stalinist tash 6 vite rresht..

Po ben 7 vjet ne Varr Ahmet Krasniqi dhe asnji fjale nuk u tha nga Pd e Berishes per te nxitur Shtetin e qelbur Shqiptar qe te zbardhe Krimin ndaj Ministrit te mbrojtjes se Kosoves.. qe ndodhi ne Tirane..

Athere kujt i hyn ne Pune keshilla e Berishes..

Ik o Berish e shiko mos te te vene ne hale Votat e atyre mijra e mijra Demokrateve te mrekullushem.. qe ti ne 9 votime nga 10 gjithsej ne Shqiperine Pluraliste i lejove te shkojne dem.. nga mungesa e konseguences ne Politiken ne Krye te Pd e te Shtetit Shqiptar..

Edhe tani po me Celibash ne krye te thertores po i con delet e urta ..pra Elektoratin Demokrat .. te behen pre dhe njihere dhe ne 3 Korrik..

Cfar duhej te bente Berisha kto dite per Kosoven.....?

Nje deklarate te tille..

Ne se ne PD do vijme ne pushtet.. asnje kriminel nga ata qe po terrorizojne vllezrit tane ne Kosove.. nuk do ta shohe ROGNERIN.. perkundrazi do ti arrestojme e do ti cojme ne Gjyq te KOmbit..qofshin me Pasosha UNMIKU apo Gjermanije..
Pik..

Kjo i duhet sot LDK-se qe ka marre shumicen e Votave ne Kosove.. nga Miqte e sinqerte qe i ka ..ne se i ka... Ne Shqiperi..
pa per keshilla me takue Tadicin ska nevoj kerkush e aq me shume Rugova..

qashtu..

[miko]

[I]Respekt për pakicat

Lidhur me ngjarjen e 28 majit të vitit 1994, Berisha u shpreh se “Qëndrimi im ka qenë ky. Kam shkarkuar 4 zyrtarë të lartë të Ministrisë së Rendit dhe 3 të Drejtorisë së Tiranës. Njëri ndër të cilët sot është deputet i PS-së. Koncepti im për pakicën sot është 8 herë më shumë sa ç’ishte më parë. Unë e kam të pashëruar pakënaqësinë ndaj vetes, kështu që jam i bindur në këtë rol”.

Përshëndetje


Personalisht duke u bazuar të e gjithë intervista që dha z.Berisha kësaj pyetje nuk i dha një përgjigje direkte,sepse në të vërtetë nuk bëhet fjalë për qëllime politike të ndryshme por për ndërtimin e një demokracie të vërtetë të shëndoshë shqiptare.Mu duk më shumë kësaj pyetje sikur ju shmang taktikën e vjetër duke u munduar të largojë atë imazhin diktatorial që kishte krijuar një pjesë e mirë e popullsisë për vitet e qeverisjes prej tij.Plus që argumenti që solli si shembull që një nga ish të shkarkuarit është tashmë deputet për PS-në nuk tregon asgjë më shumë e asgjë më pak se mospranimin direkt të gabimeve të tij..

Pyetja e gazetarit ishte më e përgjithshme dhe kryetari i opozitës ju përgjigj vetëm duke theksuar se ai ka ndryshuar shumë gjatë këtyre 8 viteve.

Sa mund ti besojmë...



Gjithë të mirat

[asnjanesi]

Autokritike bolshevike, s'ka te share, vetem e vetem qe te marre karrigen e kryeministrit.

Edhe po s'e mori, prap autokritike bolshevike do te degjoni (mesoni, do te thoshte albo), monument i perhershem kulture ne opozite eshte karrige komode!

[Humdinger]

Nuk besohet që ai do ikë.....kështu tha dhe për zgjedhjet e marsit 1992..."po fitoi PD-ja, unë do vesh përsëri bluzën e bardhë"...dhe e pamë si e veshi.
come on, akoma i besoni ??!!

[asnjanesi]

Sot, Wednesday, 18 May 2005

Berisha: Embargo gënjeshtrave të News24

Image“Radiotelevizioni Publik Shqiptar nuk po tregohet i paanshëm, përkundrazi po bën një pasqyrim të njëanshëm të veprimtarisë politike të partive.” Kështu ka deklaruar ditën e djeshme kryetari i Partisë Demokratike, Sali Berisha, në një takim me përfaqësues të medias. Sipas liderit demokrat, televizioni publik shqiptar është një institucion publik, i cili financohet nga taksapaguesit shqiptarë dhe detyra e këtij institucioni është paraqitja në mënyrë të barabartë e veprimtarive politike të partive në vend. Berisha përmendi rastin e transmetimit të kongresit të Partisë Socialiste drejtëpërdrejtë nga TVSH, ndërkohë që kuvendi i Partisë Demokratike u transmetua vetëm 15 minuta.Përfaqësuesit e TVSH-së u kundërpërgjigjën duke deklaruar se e kishin marrë me vonesë njoftimin për fillimin e kuvendit dhe se një televizion tjetër kishte marrë ekskluzivitetin e transmetimit direkt të kuvendit demokrat.

Gjithashtu, lideri Berisha pati një debat dhe me përfaqësues të televizionit News24, të cilëve, siç dihet, u është ndaluar hyrja në selinë e Partisë Demokratike dhe ndjekja e proceseve të kësaj partie nga ky stacion. Përfaqësuesit e News24 e quajtën si një cënim të së drejtës së informimit, ndërkohë që lideri demokrat iu përgjigj, duke i akuzuar për transmetime të deklaratave të pavërteta, madje të vëna në gojën e vetë kryetarit demokrat. Berisha theksoi se, me gjithë respektin që ai kishte për mediat, si dhe hapjen, që kish treguar ndaj tyre, nuk mund të lejonte transformimin e lajmeve dhe tolerimin e deklaratave aspak të pavërteta, që ky televizion kishte trasmetuar herë pas here.