![[xeni] nuk është në linjë](images/tf_ideal/red/statusicon/user-offline.png)
Nano, shumë larg të qenit reformator në politikë
Prof. Isuf Dhamo, As.Prof. Astrit Hoti
Nano tashmë është shumë larg të qënit reformator në politikë e ekonomi. Ai është vetëm një ekuilibrist, që me zor po arrin të shtyjë muajt e fundit të qeverisjes për shkak të vështirësive etike – morale dhe të korrupsionit të lartë të qeverisë së tij. I ndodhur ngushtë, pasi që me përpjekjet për shkëputje të grupit të Metës, qershor 2004, nuk ka më maxhorancën në Parlament, Nano qeveris me ministra që nuk dëshiron t’i ketë në kabinetin e tij. Përballë të keqes më të madhe, rrëzimit të qeverisë, ai zgjodhi atë që iu duk e keqja më e vogël: bashkëqeverisjen me ministrat e korruptuar, të cilët nuk i largonte dot nga qeveria. Tashti që kësaj qeverie po i vjen fundi, themi me bindje që zgjedhja që bëri, mosveprimi dhe moskoordinimi me Gjinushin, Cekën, Xhuvelin, Dulen, qoftë edhe me opozitën pë largimin e më të korruptuarve, është e keqja më e madhe për të – pasi ka sjellë mosbesimin e plotë të opinionit publik, pasojat e të cilës Nano do t’i shikojë në zgjedhjet e afërta të qershor – korrikut 2005. Duke e mbajtur veten për reformator dhe vizionar, Nanos nuk i falet të vazhdojë të qeverisë me modele lejfeniste në pamje e përmbajtje, modele të huajtur nga koha e diktaturës, pavarësisht moshës, si: Memushi, Dokle e Majko, apo me Angjelin dhe Malajn - analizën e të cilit e bëri vetë. Nano me të vërtetë është jashtë kohës. Me mosveprimet e tij tani Nano është përgjegjës: për vjedhjet në Ministrinë e Arsimit dhe të Shkencës, për vjedhjet në Ministrinë e Mbrojtjes, për shitjet e pasurisë kombëtare, për vjedhjet dhe censurën në TVSH, për strategjitë gjysmake të Ministrisë së Ekonomisë e Financave etj. dhe për strukturat e kota që krijojnë këta ministra për t’u shërbyer edhe pas zgjedhjeve atyre, për të ruajtur paratë e fituara me mund nga korrupsioni. Gjithë opinioni publik dhe media duhet të jetë mjaft të ndjeshëm dhe të ndjekin me kujdes veprimet e ministrave të korruptuar. Kjo gjë do sjellë pasoja mjaft negative sidomos në kohën e “rrumpallës “parazgjedhore, e cila do shërbejë si kohë sulmi nga këta ministra për bërjen me ngut të prokurimeve të drejtpërdrejta dhe tenderave dobiprurës për xhepat. Nano dhe pjesa më progresive e qeverisë së tij duhet të përpiqen të paktën të minimizojnë dëmet që do përpiqen të sjellin këta ministra muajt e fundit. Media dhe opinioni publik janë mjaft të ndjeshëm dhe në vrojtim. Ne nuk presim nga ministrat akte qytetarie si në Francë, kur ministri Herve Gejmard jep dorëheqjen i gjendur nën kritikën e medias dhe publikut francez. Jo, e dimë që ministrat tanë e kanë lëkurën shumë të trashë. Kontrolli i Lartë i Shtetit e prokuroria, të mos lejojë që buxhetin e shtetit të varfër shqiptar, krijuar nga taksapaguesit shqiptarë, të super shpërdorohen muajt e pritshëm. Po a do veprojë dot kryeministri i kryqëzuar, apo kjo mënyrë është vetë zgjedhja e tij?
10/03/2005
KATEGORIA: Letrat e Lexuesve
marre nga "Shekulli"
Përgjigju Duke Cituar
Postuar më parë nga 1vjecari
Krijoni Kontakt