Ali Pashe Tepelena-figure Kombtare

[Dreri]

"Arjaniti"
dihet historikisht konflikti i Skenderbeut me Lek Dukagjinin
Dy prijesa keta me emer
Fama e Lek Dukagjinit eshte pergojuar qellimisht nga historian te ndryshem per te nxjerrur me ne pah famen e Skenderbeut.
Ndryshimi midist tyre ishte Lek Dukagjini me formim kulturor europian ndersa Skenderbeu me formim kulturor oriental
Lek Dukagjini asnjehere nuk bashkoi ushtrine e tij me turqit kunder Skendebeut, ai njehere e kercnoi ate se do ta bente pasi ky i fundit nderhyre me force per ti marre keshtjellen e Shatit dhe per te ua dorzuar venedikasve, per kete papa e kercnoi Leken me c'kisherim.
Skenderbeu shihte tek Lek Dukagjini here here krahun e tij te djathte here here rivalin me te rrezikshem.

[Arjaniti]

Po Dreri ndoshta keni shume te drejte pasi i vetmi liber qe une kame hasur konfliktin ndermjet GJergjit e Lekes ka per qellim hyjnezimin e te parit dhe s,para futet ne detaje dytesore.
Mos valle Serbet bene me shume kur Skenderbeu u nis te ndihmonte Hunjadin?

[ken0]

Postuar më parë nga Jonian


Se bashku me Hobhauzin, ai viziton Smirnen dhe rrenojat e Trojes antike si dhe kalon me not ngushticen e Hellespontit.

Tema është shumë interesante, dhe ndërsa isha duke e lexuar këtë artikull, më ra në sy një detaj:

Këtu shkruan se Lord George Gordon Byron ka vizituar rrënojat e Trojës antike!!!! Ky është një trillim !!! Në atë kohë, nuk është ditur asgjë për rrënojat e Trojës antike para se shkencëtarit gjerman Heinrich Schliemann t'i lindte idea për kërkimin e Trojës, e kjo ka ndodhur diku rreth vitit 1871 - diku 47 vite pas vdekjes së Byron-it!


E kjo jep dyshimin mbi vërtetësinë e këtij artikulli! Mund të ketë ndodhur që autori i këtij artikulli të ketë mbledhur informata të pasakta, apo vetëm spekulime!!!


Për mua Ali Pashë Tepelena mund të konsiderohet si një figurë kombëtare dhe historike!

[arbTP]

Jam regjistruar vetem per t'u pergjigjur Albo e Bled, injoranca eshte nje gjendje e fituar e njeriut, per ta evituar ka 2 menyra mjaft efikase e para dhe me e veshtira eshte te studiosh, e dyta dhe me lehte eshte ta fshehesh.
Nuk e di ku i keni formuar dijet tuaja mbi ApT, ndoshta thjesht duke lexuar shkrime qe gjenden rendom ne internet.Nuk kam ndermend te jap keshilla, por bej disa emra Ilir Ushtelenca dhe Elizabeth Fleming per nje pikamje historike dhe mjaft te dokumentuar, per nje pikpamje romanike mjafton Sabri Godo( bej keta emra sepse nuk kam ndermend te jap fakte ketu)
Tani per ti dhene Cezarit ç'eshte e Cezarit, gjendja juaj varet nga shume element te jashtem, vijini vre duke lexuar.
Ali nuk ngriti flamurin shqiptar, po nuk e beri, dhe vetem per nje arsye te thjeshte, ishte inteligjent, si mund te dalesh hapur kur per kundershtar ke nje perandori boterore, qofte dhe i semure por jo aq sa te lejonte shkeputjen e copes me pjellore te ballkanit.Synimi i ApT ishte krijimi i nje dinastie ne krye te Pashallekut te Janines.Te thuash pse nuk ngriti flamurin eshte si ti kerkosh llogari I.Qemalit pse nuk e ngriti flamurin me pare.
Skenderbeu ishte princ bir princi, i njohur dhe i respektuar si i tille, ApT ishte jetimi i nje bujari (edhe pse nje nga familjet me fisnike te epirit) te rene nga vafti.Nje djal qe shihte sarajet e te atit nga larg.


PS:shpresoj qe te mos editohem

[kastriot]

Te habit fakti se me sa deshire disa "shqiptare" pervetesojne propaganden greke qe hedh balte mbi Aili Pashe Tepelenen, ndersa te huajt, si ne rastin e mesiperm e ngrene ne piedestalin e nje Napoleon Bonaparti.
Shume flasin per "krime" ose "despotizem" te Aliut por "harrojne" me dashje se despotizmi ne kete kohe ishte ulur kembekryq ne mes te Europes ndersa Sulltani dhe Amerikanet ishin te impenjuar perkatesisht ne vrasjet masive te armeneve dhe indianeve te amerikes. Per krimet e fuqive koloniale ane e mbare botes nuk eshte nevoja te shkruhet me gjate. Cdo njeri me nje arsim fillestar duhet ti njohi keto ngjarje.

[arbTP]

Ky eshte nje nga ata libra te cilit une i referohem
Autorja e nisi studimin per nje institut grek ne amerike, ajo vet u habit pse ne Janine askush nuk e kujtonte per mire Aliun, pas kerkimesh dhe dokumentash del ne konkluzione mjaft interesante, qe per me shume jane teper afer qendrimit te historiografise shqiptare.Per Aliun flitej keq sepse ishte gjithmone nje hap perpara te gjithe aleatve dhe armiqve te vet, psh: ambasadori freng u nderesue kunder Aliut kur morri vesh qe ky i fundit ishte ne dijeni te te gjitha info qe ai trasmetonte dhe merrte. Pastja nga nje here (dhe duke pasur parasysh koherat) Aliut vet i vinte per mbare qe te qarkullonin fjale per egersine e tij, ishte thjesht propagande qe i shtynte armiqte apo armiqte potencial te mendoheshin mire.Apo edhe per faktin qe nuk toleronte njeri qofte ky sulltani, Napoleoni apo Cari te prekte interesat e tij, edhe nese e bente do vinte dita qe do hakmerrej.
Pastaj eshte normale qe greket mundohen ta denigrojne figuren e tij, a nuk eshte Aliu (nje shqiptar dhe myslyman) qe perkrahu dhe ndihmoi pavarsine greke?

Qeveria shqiptare i eshte shume borxhlie figures se tij, ne Janine , edhe pse janiniotet nuk e duan egziston nje muze i pasur per ApT, ne Tepelene, vendlindjen e pashait mezi u ndertua nje monument, edhe ky fale tepelenasve , se te ishte per qeverine.....

Eshte njeri qe krahasoi ApT me Zanin : s'di ça te them.... pa ndytur gojen

[kalivo]

Auron Tare


Portreti i ekspozuar në muzeun e famshëm, ku historia e artit prek kufijtë 5 mijë vjet qytetërim, është relizuar nga piktori gjerman me origjinë çifute Jacob Ritter von Hartman, në shek.XVIII. Në këtë muze edhe dy tablo me temë shqiptare të panjohura më parë për studiuesit dhe publikun shqiptar, nga piktori i njohur Gerome.


Kushdo që viziton The Metropolitan Muzeum në New York nuk mund të mos impresionohet nga koleksionet e famshme të artit, të përzgjedhura me mjaft kujdes përgjatë dy shekujve të fundit. Emra mjaft të njohur të botës së pikturës janë pjesë e koleksioneve të këtij muzeu të njohur, i cili është një nga Tempujt më të rëndësishëm të artit dhe që vizitohet nga mijëra persona të apasionuar mbas pikturës apo arteve të tjera. Një vizitor i thjeshtë e ka vështirë të dalë nga sallat gjigande ku janë të ekspozuara kryevepra botërore, por është akoma më e vështirë të dalësh kur befasisht përballesh me vepra që flasin për historinë apo tema shqiptare.
Eshtë me të vërtetë një suprizë mjaft e bukur kur zbulon që ky Muze i famshëm ka në gjirin e tij edhe disa tabllo “shqiptare” për të cilat nuk është folur më parë apo thellësia e viteve i ka harruar t’i nxjerrë në dritë.
Një portret impresionues i Ali Pashë Tepelenës është një prej tre “pikturave shqiptare” që ndodhen në këtë Muze.
Portreti është pikturuar nga një piktor gjerman me origjinë çifute i quajtur Jacob Ritter von Hartman, (1795–1873), piktor i panjohur deri me sot nga studiuesit shqiptarë.
Piktura është në forme ovale dhe është rrethuar me kornizë fildishi.
Ky portret ekspozohet në The Metropolitan Muzeum në koleksionin e The Moses Lazarus Collection, koleksioni i dhuruar muzeut të famshëm nga Josephine & Sarah Lazarus me 1888, në kujtim të atit të tyre një koleksionist i famshëm hebre i shekullit të 19-të.
Duke kërkuar në të gjitha materialet e botuara deri më sot për Aliun, shikojmë se portreti i ekspozuar në MET është një pikturë e pa njohur më parë, por shumë e ngjashme me portretin e pikturuar nga Leon Dypre.
Dypre një piktor i njohur francez dhe vëllai i konsullit të Prevezës gjatë viteve 1805-1810, arriti të kapë portretin e Aliut gjatë një dite gjuetie në Liqenin e Butrintit kur ai dhe shpura e tij gjuanin rosa sëbashku me oficerët anglezë nga Korfuzi. Për mendimin tim portreti i Dypresë është ndoshta imazhi më i përafërt që ne kemi për Aliun. Nga shënimet personale të Dypresë mësojmë se ai ka qenë mjaft afër Pashait kur skiconte Portretin, i cili më vonë u bë dhe figura qëndrore e tablosë së famshme ku Ali Pasha është në një varkë me disa prej trimave të tij.
Po kështu diçka e ngjashme me këtë portret është edhe ai që gjendet në Muzeun Benakis të Athinës, por duket qartë që portreti i Muzeut Benakis nuk është gjë tjetër tjetër veçse një kopje joprofesioniste e portretit të Dypresë.
Pa dashur të luaj rolin e një specialisti të pikturës vërej se portreti i Aliut në MET është një portret shumë realist përsa i përket detajeve të shprehura në të. Nga literatura e botuar deri me sot nuk njohim akoma të dhëna mbi mundësinë e një takimi të piktorit gjerman dhe të pashait tepelenas gjatë sundimit të këtij të fundit. Megjithëse diçka e tillë mund të ketë ndodhur duke pasur parasysh që territoret e Aliut vizitoheshin shpesh nga artistë apo aventurierë që kërkonin fatin në Lindje. Në portretin e MET Aliu është pikturuar me taxhin bekteshian, gëzofin e lekurës, jelekun si dhe mjekrën e gjatë, të gjitha këto detaje të shprehura nga Dypre, por mbetet shumë e veçantë: janë sytë blu të Aliut, një detaj i pashprehur në Portretin e Dypresë. Ky fakt është shumë interesant po të kemi parasysh që persona historikë si John Hobhause bashkudhëtari i Lordit Bajron dhe person që e ka njohur Aliun nga afër e përshkruan mjaft qartë pamjen e Tij duke theksuar ngjyrën blu të syve. “I shkurtër por trupmadh, i shëndoshë, me sy blu të levizshëm. Mjekra e gjatë, e bardhë aq sa do ta bënte krenar çdo turk.” Këto detaje mjaft realiste të bëjnë të mendosh se autori gjerman ka pasur mundësi ta ketë parë nga afër Aliun ose të jetë bazuar në Portretin e Dyprese, por duke studiuar përshkrimet rreth tij nga një numer bashkëkohësish që kanë pasur mundësinë ta njohin atë.
Shpresojmë që kjo vepër do të jetë pjesë e studimeve të specialistëve tanë të fushës për të përcaktuar më qartë rrethanat dhe historinë e saj si dhe të autorit gjerman i cili me anë të kësaj vepre na sjell një përfytyrim shumë realist të Pashait tonë të famshëm.


Nga literatura e botuar deri me sot nuk njohim akoma të dhëna mbi mundësinë e një takimi të piktorit gjerman dhe të pashait tepelenas gjatë sundimit të këtij të fundit. Megjithëse diçka e tillë mund të ketë ndodhur duke pasur parasysh që territoret e Aliut vizitoheshin shpesh nga artistë apo aventurierë që kërkonin fatin në Lindje.


Megjithëse Gerome nuk e vizitoi Shqipërinë ai është ndoshta piktori i vetëm i huaj që ka pikturuar një numër të madh skenash apo personazhesh ku figura e shqiptarëve vendoset në qendër të tabllove të tij.

Gerome dhe shqiptarët e Egjiptit
Piktori francez Jean-Leon Gerome, (1824–1904) mund të quhet pa frikë si piktori i dashuruar pas kostumeve shqiptare apo skenave ku “bashibozukët arnautë” janë figurat kryesore. I njohur si një piktor brilant i peisazheve apo temave të Lindjes, Gerome ka qëndruar për një kohë të gjatë në Egjypt ku ka njohur nga afër shqiptarë që u vendosën atje pas ardhjes në pushtet të Mehmet Ali Pashës. Tashmë janë të njohura disa tabllo të Gerome-it të botuara më parë edhe tek ne, por është me mjaft interes fakti që ekzistojnë edhe një numër i konsiderueshëm pikturash të tij me temë shqiptare të panjohura me parë nga studiuesit dhe publiku shqiptar.
Megjithëse Gerome nuk e vizitoi Shqipërinë ai është ndoshta piktori i vetëm i huaj që ka pikturuar një numër të madh skenash apo personazhesh ku figura e shqiptarëve vendoset në qendër të tabllove të tij.
Dy Tablotë që janë ekspozuar në The Metropolitan Museum, “Fishekbërësit” dhe “Lutjet në Xhami” janë pjesë e atyre tablove ku Gerome përjetësoi figurën mjaft romantike të aventuriereve shqiptarë të cilët ai takoi gjatë udhëtimeve në Egjypt

Jean-Léon Gérôme “Kafe ne Kajro, Fishekberesit” 1870s
Blerë autorit më 1881 nga grupi Goupil, Paris.
Shitur për 22,500 Fr koleksionistit Knoedler, Neë York, më 1884
Blerë nga Mrs.Mary J. Morgan, Neë York 1885;
Shitet pas vdekjes të saj tek American Art Association, Neë York, në mars të 1886 Blihet nga Henry H. Cook si “Coffee House — Cairo” për $4800
Henry H. Cook Neë York, ia dhuron The Metropolitan Museum me 1905

Jean-Léon Gérôme “Lutje ne Xhami” 1871
Pjese e koleksionit te “Catharine Lorillard Wolfe Collection”
Dhuruar The Metropolitan Museum, New York nga Catharine Lorillard Wolfe me1887

[Xhuxhumaku]

Varret monumentale mesjetare të bejlerëve të Libohovës kthehen në identitet nga Monumentet e Kulturës

Rigjendet varri i motrës së Ali Pashës

Për restaurimin drejtoria rajonale jep 4.2 milionë lekë

Engjëll Serjani

Sipas një projekti të Drejtorisë Rajonale të Monumenteve të Kulturës në Gjirokastër, një kompleks varresh monumentale që i përkasin shtresës së lartë të aristokracisë mesjetare të qytetit të Libohovës do të restaurohen dhe do të kthehen në identitet me fondin 4.2 milionë lekë të kësaj drejtorie. Drejtori rajonal i monumenteve, arkeologu Vladimir Qirjaqi, shprehet se "Kompleksi i varreve monumentale mesjetare, të ndodhura në lagjen tradicionale Teqe të qytetit të Libohovës, paraqet rëndësi historike jo vetëm për shkak të pamjes së tyre monumentale ndërtuar me mure gruri të skalitur, me parmakë hekuri, qivure guri dhe mbishkrime në gjuhën arabe, por edhe sepse një pjesë e tyre u përket disa figurave me ndikim e peshë në historinë kombëtare, sikurse janë Shanishaja, motra e Ali Pashë Tepelenës; Maliq Pasha; Neki Bej Hibohova; Mufit Bej Libohova etj."

Rigjendet varri

Brenda këtij kompleksi varresh të vendosura përreth një Mekami është rigjetur varri i motrës së Ali Pashës, të martuar për herë të dytë te një nga pinjollët e dinastisë së bejlerëve libohovitë, të cilët para periudhës së sundimit të Ali Pashës kanë administruar me dekret të posaçëm të Portës së Lartë të Stambollit qytetin dhe vilajetin e Janinës. Sipas mësuesit pensionist, 75-vjeçarit Qazim Zaimi nga qyteti i Libohovës, varri i Shanishasë për herë të parë është identifikuar në fillim të viteve '70 nga gazetari dhe historiani libanez Menahem Begin, i cili vizitoi varret monumentale të Libohovës, së bashku me diplomatin shqiptar Misto Treska dhe historianin e muzeologun e njohur gjirokastrit Lefter Dilo. "Praninë e varrit të Shanishasë gazetari dhe historiani Menahem Begin e kishte lexuar në disa shkrime të vjetra, por kur erdhi këtu së bashku me Misto Treskën dhe Lefter Dilon arriti ta lexojë vetë edhe mbishkrimin në gjuhën arabe në qivurin e varrit. Qivuri i varrit të Shanishasë gjendet edhe sot në mesin e disa qivureve të tjera", tregon mësuesi i vjetër Qazim Zaimi.

Dinastia Libohova

Një nga pinjollët e fundit të dinastisë së bejlerëve libohovitë ka qenë Mufit Neki Bej Libohova, i cili si deputet në Parlamentin osman të Stamollit ka mbrojtur çështjen shqiptare së bashku me Ismail Qemal Vlorën. Në qeverinë e parë të Ismail Qemalit, të dalë menjëherë pas shpalljes së pavarësisë më 1912, u emërua ministër i Brendshëm, ndërkohë që veprimtaria e tij politike ka vazhduar edhe me Kongresin e Lushnjës dhe ka qenë deputet në Parlamentin Shqiptar në vitet '20-'30. Sipas drejtorit rajonal të monumenteve, arkeologut Vladimir Qirjaqi, me një fond të Ministrisë së Kulturës Rinisë dhe Sporteve, aktualisht është duke u realizuar edhe në projekt tjetër në objektet monumentale të Libohovës. "Kompleksi i banesave të tipit peristil italian, i shtrirë në një sipërfaqe rreth 2 500 metra katrore, që ndodhet në qendër të qytetit dhe që i përket dinastisë së familjes së Mufit Bej Libohovës, është duke u restauruar nga firma ndërtimore SKAI, e specializuar për punime restauruese. Projekti me vlerë rreth 10 milionë lekë, i restaurimit të kësaj banesë 150-vjeçare, projektuar dhe ndërtuar nga arkitektë italianë në mesin e shekullit të 19-të, parashikon rindërtimin e mureve, tavaneve të drurit, oxhakëve, rimbulimin e çatisë me pllaka guri dhe restaurimin e oborrit të brendshëm, ndërtuar në stil kuadratik, sipas natyrës së peristilit italian.

Marre GAZETA SHQIPTARE.

[elen]

Ka nxjerre nje kenge grupi tepelenas me te njejtin emer qe e degjon dhe prekesh.
Koka ne Stamboll
trupi ne Janine
se nje varr i vetem
s ta mbante lavdine.

[KNFC]

Ali pasha figure kombetare?me mire do thoja pjese e historise kombetare.nuk eshte mire qe Albo thote a ka prova qe eshte shqipetar,se po na ve ne dyshim krejt historine po nejse.Sa per greket ,politika eshte tjeter gje dhe dihet qe ata sna duan dhe e shtremberojne me shume figuren e Ali Pashes,po populli ne Janine e do,sepse thone eshte njeriu qe beri te famshme Janinen ne bote.(pa fakte,thjesht opinoni njerezish te thjeshte te janines).
Nejse,se dola nga tema.per mendimin tim Aliu eshte thjesht figure e historise kombetare,jo figure kombetare.Them keshtu sepse nese Ali Pasha do ta meritonte te quhej i tille,atehere Shqiperia do ishte vendi i pare Ballkanik qe do ishte cliruar nga pushtimi turk.Ky eshte mendimi im.
Sa per krahasim me GJergj Kastriot Skenderbeun,nuk mendoj se ka vend te krahasohet.
P.s:Me falni po si mund te thuhet qe Skenderbeu nuk kishte idene e nje kombi dhe luftonte thjesht se duhet te luftonte meqe qenkesh luftetar?Pse nen flamurin e sulltanit nuk luftonte dot ai?Apo la privilegjet e oborrit te Edrenese per te bere nje aventure kunder sulltanit?Pse arsyetoni dhe flisni keshtu?Edhe krenarine me te madhe kombetare po mundoheni te na bastardoni????????????????????????