Shqiptarët e Anglisë, votat Toni Blerit

[Shijaksi-London]

Shqiptarët e Anglisë, votat Toni Blerit

Nga Londra
Muhamed Veliu

Emigrantët nga Kosova dhe Shqipëria, të cilët kanë fituar nënshtetësinë angleze, tani me të drejtë vote, do t'i drejtohen kutive të votimit më 5 maj, për t'u dhënë votën laburistëve të Toni Blerit. Sipas një sondazhi të gazetës "Albania", e vetmja në gjuhën shqipe në Britaninë e Madhe, 90 për qind të të anketuarve me të drejtë vote kanë pranuar se do të votojnë për Partinë Laburiste. Sipas gazetës, shumë nga të anketuarit kanë deklaruar se edhe sikur programi elektoral i Toni Blerit të ishte si ai i konservatorëve, që është tërësisht antiemigrantëve, përsëri vota e tyre do të shkonte për Blerin. Emigrantët shqiptarë kanë një arsye më shumë për të votuar për laburistët, të cilët gjatë mandatit të tyre të dytë qeverisës shpallën amnistinë për emigrantët familjarë, që u cilësua si një nga amnistitë më të mëdha në hitorinë e Britanisë së Madhe. Prej saj përfituan një numër i madh shqiptarësh, ndërkohë që një fitore e mundshme e Laburistëve, siç edhe parashikohet nga sondazhet, mund të favorizojë një amnisti të re për emigrantët.

[Pride]

Mir bejne qe do votojne Toni Blerin.
Ai eshte Clirimtari i Kosoves nga barbaret Serb.
Pa ate do ishte e veshtire krijimi i asaj atmosfere politike e diplomatike qe solli si rezultat vendimin per nderhyrje te fuqishme te Natos ne Kosove.
Hallall e ka Voten.
Tani eshte e vertete se dhe hajdutet e Partise Punes Ps-se , perpiqen te flirtojne me Blerin e partine e tije.
Por ketu qendron faji i Pd-s qe nuk diti qe ne fillim te relatonte me partite moderne te mjajta e gjys te majta europiane duke u rrasur pa nevoje ne grupacionet e djathta e duke ja lene hapsiren bosh bandave te Gjinushve e Braceve te zen krushqi me kto forca progresive pa te cilat asnje hap nuk hedh Europa.
Pd duhej me te dy krahet e Politikes europiane te bente krushqi e te mos i jepte shanc PPSH Ps-se , armikes gjys shekullore te demokracise e pluralizmit, arkitektes se Burrelit e Bulqizes, Litarit e telit me gjemba te puthej me te majten europiane.
Kte gaf te Berishes po e paguan shtrenjte Demokrati i thjeshte Shqiptar qe aspiroi per sistemin europian modern me dekada.
Tani jan xhelatet e Enver e Thanasit qe kan ujdisur pipzat me kto formacione politike te se majtes europiane te cilat kan peshe ne Europen e Sotme.

[Shijaksi-London]

ZGJEDHJET NE BRITANI/ Laburistët sigurojnë mandatin e tretë në pushtet

Triumfon Bler, miku i shqiptarëve

Lideri konservator, Howard, drejt dorëheqjes


--------------------------------------------------------------------------------

Nga Londra
Muhamed Veliu


Laburistët e Toni Blerit u kurorëzuan dje fitues të zgjedhjeve të përgjithshme në Britaninë e Madhe. Kjo fitore i dha mundësi Partisë Laburiste të qeverisë vendin edhe për një mandat të tretë katërvjeçar. Ky sukes, që shënon një rekord në historinë politike të Britanisë së Madhe, është një fitore historike edhe për mikun e shqiptarëve, Toni Blerin dhe partinë e tij, që lë sërish në opozitë Partinë Konservatore dhe atë Liberaldemokrate. Fitorja e laburistëve nuk është shumë e thellë, në krahasim me mazhorancen e fituar 5 vite me parë. Nga rezultatet e deritanishme të 630 zonave elektorale mësohet se laburistet kanë fituar 355 vende në Parlament, konservatorët 197, liberaldemokratet 62 dhe partitë e tjera vetëm 13 vende. Rezultati i këtyre zgjedhjeve ka hapur një kapitull të ri në historinë e politikës së Britanisë, pasi u përsërit ajo që ndodhi me Margaret Theçerin, e vetmja kryeministre e pas Luftës së Dyte Botërore e cila fitoi tre mandate elektorale. Në ndryshim me Theçerin, Bler ështe i vetmi kryeministër britanik i cili fiton tre zgjedhje elektorale njëra pas tjetrës. Fitorja e laburistëve në zgjedhje rrit shanset për legalizimin si dhe shtimin e lehtësirave ligjore për emigrantët në Britani, mes të cilëve edhe shumë shqiptarë. Të tre liderët e partive kryesore janë prononcuar në lidhje me rezultatin e zgjedhjeve. Toni Bler tha se "qytetarët britanikë po kërkojnë rikthimin e laburistëve në pushtet me një maxhorancë të reduktuar". Lideri konservator Michael Howard, i cili e ka pranuar humbjen, përshëndeti Blerin për fitoren e partisë së tij dhe kujtoi se tani është koha për të mbajtur premtimet e bëra gjatë fushatës elektorale. Lideri aktual i konservatorëve ka njoftuar edhe vendimin për të dhënë dorëheqjen nga posti i liderit të partisë, pas humbjes në zgjedhjet e përgjithshme. Hoëard, 63 vjeç, tha se ai është shumë i vjetër në moshë për të udhëhequr Partinë Konservatore drejt zgjedhjeve të ardhshme. Ndërsa, lideri i liberaldemokratëve, Charles Kennedy, i kënaqur nga fitorja e 6 deputetëve më shumë se në zgjedhjet e kaluara u shpreh se "Parlamenti i ri është një sfidë e vërtetë, që e drejton Britaninë në një epokë të re të politikës tripartiake".


Vëzhguesit shqiptarë monitorojnë zgjedhjet

Një grup vëzhguesish shqiptarë patën për herë të parë rastin të njihen nga afër me zhvillimin e fushatës elektorale në Britaninë e Madhe, si dhe procesin e numërimit të votave. Të ndarë në grupe ata kanë vizituar dy qendra të ndryshme ku numëroheshin votat. Ekipi vëzhgues, i përbërë nga nënkryetari i Partisë Republikane, Neritan Alibali, si dhe një grup gazetarësh, kanë ndjekur zgjedhjet në veri të Londrës, në zonën e Islingtonit. Ata ndoqën me interes procesin e numërimit, që fillonte me seleksionimin e votave të pavlefshme dhe nxjerrjen e përqindjeve të votuesve, duke ia lënë vendin më pas numërimit të tyre.

[RTP]

URIME!



Fitorja e t.Blerit eshte fitore edhe e jona kur dihet se ai do vazhdoje rrugen qe ka nisur(lidhur me Kosoven).

[Llapi]

Urime Toni Blerit mikut te madhe te shqiptarve dhe Aleatit me Besnik te UÇK-se

[Humdinger]

urime....... dhe punë, për të ligjëruar emigrantët shqiptarë në UK.

[Irfan]

Fal Zoti qe kemi bite e popullit ton shqipetare ne dijaspor e ne veqanti ne AMerike...

İshalla nuk e ka ndryshu mendimin per Kosoven...vetem pavarsi,ndraje devinitive nga Sllavet,nga bashkepunimi i udbes......