Italia mund te terheqe trupa nga Iraku

[Hyllien]

Presioni i brendshem mbi qeverine Italiane u rrit pas vrasjes se agjentit Nicola Calipari nga trupat Amerikane. Italia mund te zvogeloje numrin e forcave ne Iraq duke filluar qe nga Shtatori. Koalicioni duket se do te dobesohet edhe me pas largimit te trupave Italiane. Shtete te rendesishme si Hollanda, Ukraina dhe Polonia gjithashtu kane urdheruar largimin e trupave nga Iraku

Trupat e Koalicionit ne Irak:

Qendrojne: SHBA 150,000 ; Anglia 8,850; Korea e Jugut 3,600; Italia 3,000; Australia 900 (mbase 1,350 deri ne prill); Rumania 800, deri ne 900; Japonia 600; Danimarka 500; Bullgaria 380; El Salvadori 380; Gjeorgjia 300, deri ne 800; Mongolia 180; Azerbaixhani 150; Latvia 120; Lituania 100; Sllovakia 100; Çekia 90; Shqiperia 70, numri mund te rritet; Estonia 50; Tonga 40; Kazakistani 30; Maqedonia 30; Moldovia 25

Ne ikje: Hollanda 1,500; Ukraina (1,650 largohen ne Tetor); Polonia 1,700 (do ta gjysmoje numrin)


Te Larguar: Spanja 1,300; Tailanda 460; Hungaria 300; Honduras 370; Republika Dominikane 300; Nikaragua 115; Portugalia 127; Zelanda e Re 60; Filipinet 50; Norvegjia 10

(Times Online)

[I-amëshuar]

Tërheqja italiane nga Iraku e lidhur me zgjedhjet e ardhshme në vend

*Sipas shtypit italian*
Data e Publikimit: 16/03/2005
Autori i Lajmit:
24 ore

Kryeministri italian, Silvio Berluskoni njoftoi tërheqjen e pjesshme të trupave italiane nga Iraku duke filluar nga shtatori për shkak të zgjedhjeve që do të
zhvillohen në gadishull në fillim të prillit, vlerëson sot shtypi kombëtar.
"Njoftimi i djeshëm i Berlusconit synon të arrijë një efekt të menjëhershëm në kuadër të zgjedhjeve lokale" më 3 dhe 4 prill, kur rreth 42 milionë italianëve u është bërë thirrje për të zgjedhur kryetarët e 14 nga 20 qarqet, shkruan gazeta italiane me tirazhin më të lartë "Corriere della Sera".
Sipas një sondazhi të kohëve të fundit, i cituar nga gazeta, 70 për qind e italianëve kërkojnë tërheqjen e trupave nga Iraku.
"Që nga shtatori do të fillojmë të pakësojmë në mënyrë progresive numrin e ushtarëve tanë sepse e kërkon opinioni ynë publik", njoftoi Berluskoni dje në mbrëmje për kanalin televiziv publik RAI. "Unë kam biseduar me Tony Blair sepse opinionet tona publike prisnin këtë vendim", shtoi ai. "Sondazhet dhe 'efekti Blair' pas zgjedhjes së kryeministrit", shkruan "Corriere della Sera". "Kryeministri ynë dhe Blair u druhen votimeve", pohon nga ana e saj e përditshmja "La Repubblica", pranë opozitës së qendrës së majtë. "Fakti është se për Berluskonin situata ka arritur në një pikë kritike, sepse sondazhet që konfirmojnë opinionin kundër të italianëve ndaj misionit në Irak vijnë njëri pas tjetrit", shkruan "La Repubblica".
"Këto sondazhe rëndojnë më shumë tani, në këtë periudhë zgjedhore, sesa më parë", përfundon gazeta. Berlusconi e bëri njoftimin e tij të njëjtën ditë kur shumica e drejtuar nga ai votoi një shtyrje prej gjashtë muajsh të misionit të rreth 3 000 ushtarëve italianë të dislokuar në Irak, ndërsa opozita votoi kundër.
Sipas shtypit italian, Blair dhe Berlusconi po përballen me të njëjtin problem, një opinion publik të heshtur për qëndrimin e trupave kombëtare respektive në Irak dhe kjo në prag të zgjedhjeve të rëndësishme. Problemi i dytë është se ata duhet të menaxhojnë aleancën e tyre me presidentin amerikan George W. Bush.

[Klevis2000]

BOT: TERHEQJA E TRUPAVE NGA IRAKU, VENDIM AUTONOM

Ministri i Jashtem holandez Bernard Bot ka deklaruar se terheqja e trupave nga Iraku eshte nje vendim qe i perket qeverise se cdo vendi. Holanda nderkohe ka vendosur te terheqe trupat e saj nga Iraku. Sipas Bot, parlamenti ka marre nje vendim autonom dhe te pakthyeshem. Nderkohe sot kryeministri italian Berluskoni ka deklaruar se ne shtator do te terheqe 3 mije trupa nga Iraku.

[Klevis2000]

IRAK, TERHIQEN 137 TRUPAT E PARE UKRAINAS

Sot u terhoqen 137 trupat e para ukrainase nga Iraku. Presidenti i sapozgjedhur Viktor Jushcenko ka premtuar se deri ne tetor do te terhiqen 1.300 trupat e Ukraines. Ne muajin maj do te largohen edhe 590 ushtare te tjere, ndersa trupat e fundit do te largohen brenda tetorit.Ne Irak deri tani jane vrare 17 ushtare ukrainas.

[inter_forever]

E njof mire politiken e qeverise italiane .
Deklaratat pompoze te Berluskonit ne emisionin ''Porta a porta'' se qe '' nga shtatori do terhiqen trupat italiane nga Iraku '' , jane mashtrime elektorale .
Behen per faktin se tani jane zgjedhjet lokale.

Menjehere pas disa oresh Berluskoni pergenjeshtroi ato qe kish thene...'
''Do fillojme te terhiqemi nga Iraku ne shtator , sepse deri atehere do jete vendosur siguria atje'' ...Pra nese do kete akoma pasiguri( qe eshte e padiskutushme ) atehere aty do rrine akoma...

Jo vetem kaq por deklaroi qe '' nese do pakesojme trupat , do e bejme duke rene dakort me Aleatet'' ...

Asgje e re nga Berluskoni , qe si gjithmone i flet goja para mendjes...
Kujtoj gafen qe beri ne mbledhjen e UE , ku tha nje barcalete lidhur me nazistat e u be skandal per 2-3 muaj...

[manoklla]

U gzu klevisi se po ikin ca trupa. Aty i rri gjith diten mendja, se si te dobesohet amerika. so sad.

trupat do ikin ngadale se lufta ne irak mbaroi dhe nuk ka me aq nevoje. nuk eshte e rendesishme se po ikin, por qe vajten ne irak si aleate te amerikes.

[Shpirt Njeriu]

Bush: vendimi i Italisë për të filluar tërheqjen nga Iraku nuk përbën një grusht për koalicionin
Scott Stearns
16-03-2005



Presidenti Bush thotë se vendimi i Italisë për të filluar tërheqjen e trupave nga Iraku nuk përbën një grusht për koalicionin ndërkombëtar, që mbështet formimin e qeverisë së re në Bagdad. Italia është vendi më i fundit anëtar i koalicionit që njofton planet për të filluar kthimin e ushtarëve të vet në atdhe.

Presidenti Bush tha se e kupton arsyen që partnerët e koalicionit mezi presin të tërhiqen nga Iraku, megjithatë ai po u bën thirrje aleatëve që të qëndrojnë në koalicion deri sa Iraku të jetë në gjendje të vetë-mbrohet më mirë. “Njerëzit duan kthimin në atdhe të trupave të tyre, por ata nuk i duan trupat të kthehen në atdhe në se një gjë e tillë ndikon misionin e koalicionit. Ne kemi bërë shumë përparim.”

Presidenti Bush i telefonoi sot udhëheqësit italian, Solvio Berluskoni, një ditë pasi kryeministri njoftoi planet për të filluar në muajin shtator tërheqjen e 3 mijë trupave italiane nga Iraku në qoftë se forcat e sigurimit në atë vend mund të marrin përsipër më shumë përgjegjësi në fushën e sigurimit.

Kryeministri Berluskoni, një prej aleatëve më të ngushtë evropianë të presidentit Bush në Irak, ka qënë nën presion në rritje për t’i tërhequr trupat pas vrasjes së një oficeri të zbulimit italian nga trupat amerikane.

Presidenti Bush tha se kryeministri Berluskoni e siguruoi atë që vendimi për të filluar planifikimin e një strategjie tërheqjeje nuk ndryshon angazhimin e Italisë në të ardhmen e Irakut. “Së pari ai më tha se donte që unë ta dija se politika e tij nuk ka ndryshuar. Në fakt ai më tha se çdo tërheqje do të bëhet në këshillim me aleatët dhe në varësi të aftësisë së irakianëve për t’u vetë-mbrojtur.”

I pyetur në se vendimi i Italisë do të thotë se koalicioni po shpërbëhet, presidenti Bush tha se përkundrazi, ai mendon që vendet anëtare të koalicionit janë të kënaqura me zgjedhjet në Irak dhe se ata shikojnë se po bëhet përparim drejt krijimit të një qeverie të re.

Zoti Bush tha se solidarizohet me atë që e quajti si ndjenjë entuziazmi rreth zhvillimeve në Irak, duke e cilësuar betimin e asamblesë së re kombëtare në Bagdad si një moment të ndritur në historinë e Irakut. Presidenti tha se ushtria e re e Irakut po bën përparim në stërvitjen e forcave të saj dhe në kalimin e komandës nga komandantët civilë tek ata ushtarakë.

14 vende janë tërhequr nga koalicioni që prej ndërhyrjes ushtarake të udhëhequr nga Shtetet e Bashkuara në Irak para 2 vjetësh. Italia është vendi me kontigjentin e katërt më të madh, pas Shteteve të Bashkuara, Britanisë dhe Koresë së Jugut. 160 trupa holandeze u kthyen këtë javë në atdhe në kuadër të një tërheqjeje graduale nga Iraku. Ukraina dhe Polonia po e pakësojnë numrin e trupave të tyre në Irak. Kryeministri britanik, Tony Blair, tha në Dhomën e Komuneve se nuk ka ndonjë afat për trupat britanike dhe italiane që të tërhiqen nga Iraku para se qeveria e re të jetë në gjendje të vetë-mbrohet.

[Shpirt Njeriu]

Italia do të fillojë tërheqjen e trupave të saj, mbi 3 mijë ushtarë, nga Iraku duke filluar nga muaji shtator.
Lajmi u dha papritmas nga kryeministri Silvio Berlusconi.

Bullgari po ashtu ka deklaruar se nga fundi i vitit, do të tërheqë 450 ushtarët e saj.

Po ku e lënë koalicionin e drejtuar nga Amerika në Irak, tërheqja e këtyre trupave?

Qeveria italiane, deri tani një nga aleatët më të vendosur të Uashingtonit në Irak, tani i është shtuar listës së atyre që po përkulen para presionit në vendin e tyre dhe po njoftojnë strategjinë e largimit të trupave të tyre nga Iraku.

Kryeministri Silvio Berlusconi i saktësoi fjalët e tij duke thënë se procesi i tërheqjes do të varej nga mënyra se si do të shkonte procesi i formimit dhe trajnimit të forcave irakiane të sigurisë.

Por, me dy aleatët e tjerë, Holandën dhe Ukrainën që po përgatiten po ashtu për tërheqje, njoftimi i Italisë shton prështypjet se koalicioni i reklamuar aq shumë, tani po shpërbëhet.

Dhe në fakt, tani në Uashington mund të shqetësohen se ky hap i Italisë mund ta prëshpejtojë tërë këtë proces.

Dhe nuk ka aspak dyshim se kjo e vë në pozitë të parehatshme administratën e Bushit.

Në të njëjtën masë, nuk ka dyshim se me kalimin e kohës, presioni i ushtruar mbi partnerët e koalicionit, shumë prej të cilëve kanë ndërmarrë angazhime për të përballur kundërshtimin e fuqishëm me të cilin po përballen në vendet përkatëse, është shtuar në mënyrë të vazhdueshme.

Vetë Shteteve të Bashkuara iu desh të përballeshin me problemin e mbajtjes së trupave të veta në Irak për një kohë më të gjatë se ç'kishin planifikuar fillimisht dhe me një kosto shumë të lartë, si për jetët e humbura atje dhe për shumën e parave të shpenzuara.

Këto largime të fundit mund të shtrojnë probleme për komandantët ushtarak të koalicionit, amerikanë dhe të tjerë.

Britania prej kohësh po plotëson boshllëkun e krijuar nga holandezët. D

Dhe gjendja e rendit mbetet e pasigurtë.

Megjithatë, këto largime mund të jenë më pak domethënëse tani se sa që do të kishin qenë para disa muajve.

Në veçanti, Uashingtoni po shpreson se procesi politik në Irak dhe trajnimi i forcave irakiane të sigurisë po përparon, duke i krijuar mundësinë trupave të huaja, madje dhe vetë amerikanëve, të tërhiqen edhe më në plan të dytë.

[leci]

Qeveria italiane ne shtator 2005 do te vendosi mbi prezencen e saj ushtarake ne Irak.
Asnje ushtar-vullnetar nuk do te largohet nga ky vend deri sa situacioni nuk do te jete normalizuar.
Kjo dalje e kryeministrit Berlusconi eshte vetm nje mjet per te zbutur disi opinioin publik dhe per votimet me te cilat se shpejti administrata e tij do ndeshet.
Italia me pjesemarjen e saj ne kete konflikt ka hedhur bazat per nje raport miqesie me Ameriken duke dale ne kete menyre kunder Europes se plakur dhe aksit Gjermani-France.
Dhe fjalet e kryeministrit duken me shume si batuta filmash humoristik,sepse te nesermen mohon ose korrigjon keto fjale.
Por kjo eshte Italia besnike ndaj padronit Amerike.

[fjollat]

Qeveria italiane ne shtator 2005 do te vendosi mbi prezencen e saj ushtarake ne Irak.
Asnje ushtar-vullnetar nuk do te largohet nga ky vend deri sa situacioni nuk do te jete normalizuar.
Kjo dalje e kryeministrit Berlusconi eshte vetm nje mjet per te zbutur disi opinioin publik dhe per votimet me te cilat se shpejti administrata e tij do ndeshet.
Italia me pjesemarjen e saj ne kete konflikt ka hedhur bazat per nje raport miqesie me Ameriken duke dale ne kete menyre kunder Europes se plakur dhe aksit Gjermani-France.
Dhe fjalet e kryeministrit duken me shume si batuta filmash humoristik,sepse te nesermen mohon ose korrigjon keto fjale.
Por kjo eshte Italia besnike ndaj padronit Amerike.

Tu be sa thash me vete: Berlusconi për herë të parë të bëjë diçka me mend.

Ku ta dijsh, njeriu s'është i vendosur. Madje edhe s'ka mend prandaj edhe i ndryshon qëndrimet.