Ultranacjonalisti maqedon Lubo Boshkvoksi akuzohet për vrasje

[StterollA]

SHKUP (1 Maj) - Ish ministri i Brendshëm i Maqedonisë, Lube Boshkovski dhe gjashtë oficerë të forcave të sigurisë akuzohen nga policia për vrasjen e gjashtë pakistanezëve dhe të një indiani, gjatë vitit 2002 në vendin e quajtur Vreshtat e Reshtakut, të cilët u quajtën prej maqedonasve si terroristë muxhahidinë. Zëdhënësja e ministrisë së Brendshme Mirjana Kontevska tha në një konferencë shtypi se vrasja u krye për të tërhequr vëmendjen e komunitetit ndërkombëtar. Burime nga policia thonë se prokuroria kishte urdhëruar një shef policie të gjente disa emigrantë që mund të dukeshin si terroristë islamikë. Viktimat që do të kalonin në Europë përmes Maqedonisë ishin rrëmbyër e vrarë e më pas forcat e sigurisë thanë se kjo ishte një goditje kundër terrorizmit global. Kontevska tha se vetëm një mendje e sëmurë do të mund ta jepte urdhrin për vrasjen e emigrantëve. Sipas saj, askush s'ka të drejtë të marrë jetën e dikujt në emër të shtetit, duke iu referuar ish zv/ministrit Boshkovski, që njihet si nacionalist ekstrem. Burime policore thanë se dy nga 4 oficerët e arrestuar janë ish gjeneralë në forcat policore. Më parë Boshkovski kishte deklaruar për gazetarët se nuk kishte dhënë asnjë urdhër për eliminimin e ndonjë grupi. S'ka urdhra për vrasjen e civilëve. Boshkovski, në koferencën e sotme për shtyp tha se paralajmërimi për marrjen e imunitetit të tij si deputet dhe për parburgimin e tij është "skenar i montuar i rregjimit totalitar". Mësohet se ministria e Punëve të Brendshme ka arrestuar 6 persona, me akuzën për vrasje. bm/bm (BalkanWeb)

[StterollA]

SHKUP (1 Maj) - Grupi parlamentar i VMRO-DPMNE-së sot do të parashtrojë kërkesë për thirrjen e seancës urgjente të Kuvendit, ku do të debatohet për çështjen e imunitetit të Lube Boshkovskit. Deputetët e kësaj partie vlerësojnë se me vendimin e miratuar dje për heqjen e imunetit të Lube Boshkovskit nga ana e Komisionit për çështje të mandatit dhe imunitetit dhe çështjeve të rregullores "janë shkelur dispozitat e Kushtetutës së Republikës së Maqedonisë dhe Rregullores së Kuvendit, si dhe Ligjit për procedurë penale". Duke iu referuar nenit 64 nga Kushtetuta, koordinatori i grupit parlamentar të VMRO-DPMNE-së, Koce Trajanovski në konferencën e sotme për shtyp tha se deputeti nuk mund të arrestohet pa miratim të Kuvendit, në seancë plenare. Qëllimi i anashkalimit të Kuvendit dhe Rregullores në këtë rast, sipas grupit parlamentar të kësaj partie, është të tërhiqet vëmendja e opinionit nga falsifikimi zgjedhor. ro/ro (MIA/BalkanWeb)

[StterollA]

Nuk gjendet Boshkovski


Kuvendi i Maqedonisë pritet që sot, e mërkurë, të diskutojë heqjen e imunitetit deputetit të partisë opozitare VMRO-DPMNE, ish ministrit të Punëve të Brendshme, Lube Boshkovski, pasi më herët një komision parlamentar ia hoqi atë.


Ndërkohë, policia maqedonase ka bërë të ditur se nuk ka mundur të ndalojë zotin Boshkovski, me gjithë një urdhër për arrestimin e tij të lëshuar nga Gjykata Hetuese për, siç thuhet, përfshirjen e tij në rastin “vreshtat e Rashtakut”, kur në vitin 2002 u vranë gjashtë pakistanezë dhe një indian.

Zëdhënësja e policisë në Shkup, Mirjana Kontevska, tha se policia nuk ka arritur që të ndalojë zotin Boshkovski:

“Nuk u gjet në shtëpinë e tij. Ai duhej t'i dorëzohej gjykatësit hetues. Janë njoftuar të gjitha vendkalimet kufitare, por nuk është njoftuar se ai ka kaluar legalisht kufijtë”, tha Kontevska.

Policia thotë se aksioni për kapjen e zotit Boshkovski vazhdon.

Ndërkohë një nga avokatët e tij, Stavre Xhikov, ish prokuror i përgjithshëm i tha BBC-së se z. Boshkovski është në duart e policisë:

“Ne kemi njoftime të tilla. Se sa të vërteta janë këto njoftime, do të tregojë koha”, tha Xhikov.

Prokuroria thotë se nga faktet e gjetura gjatë hetimit të rastit ka dyshime se gjatë periudhës shkurt – mars të vitit 2002, zoti Boshkovski, siç thuhet, ka “kryer vrasje”.

Prokuroria gjithashtu në sqarimin e saj pohon se zoti Boshkovski ka nxitur gjashtë persona të tjerë, atëherë punonjës të Ministrisë së Punëve të Brendshme që të kryejnë vrasje të cilët gjithashtu hetohen nga organet përkatëse.

Nga hetimet e bëra, të cilat janë prezantuar nga vetë policia javën që shkoi, u tha se shtatë personat e vrarë ishin emigrantë ekonomikë të cilët pasi ishin vrarë qëllimisht, ishin prezantuar si terroristë, me qëllim që Maqedonia të përfshihej në luftën kundër terrorizmit.

Por, siç komentohet në Shkup, kjo është bërë edhe për të justifikuar aksionet e atëherë ministrit Boshkovski kundër guerrilasve shqiptarë, të cilët ai i konsideronte si terroristë.

Njoftohet se familjet e personave të vrarë do të kërkojnë dëmshpërblim nga qeveria e Maqedonisë.

Vetë zoti Boshkovski ka hedhur poshtë këto akuza ndërsa avokatët e tij thonë se kanë vërejtje për procedurën se si ai po ndalohet.

Prokurori publik, Sterio Zikov, citohet të ketë deklaruar se vendimi për ndalimin e zotit Boshkovski është urgjent sepse ka frikë se ai mund të largohet nga vendi, pasi ai ka edhe shtetësi kroate.


BBC

[StterollA]

Boshkovski gjendet në Kroaci

Ministri maqedonas i punëve të brendshme, Hari Kostov ka deklaruar sot se ish udhëheqësi i ministrisë së tij, Lube Boshkovski ilegalisht ka kaluar kufirin dhe gjendet në Kroaci.

Mediat në Shkup kanë transmetuar një intervistë të zotit Boshkovski dhënë televizionit kroat në të cilën ai hidhte poshtë akuzat e ngritura ndaj tij.

Lube Boshkovski, për të cilin është lëshuar një fletë-arresti ndërkombëtar, akuzohet se në vitin 2002 ka qenë pjesë e konstruksionit të vrasjes së gjashtë pakistanezëve dhe një indiani, për të cilët u tha se ishin emigrantë ekonomik, por që u prezantuan si terroristë.

Zoti Boshkovski ka edhe shtetësi kroate dhe sipas ligjeve në Kroaci, ai nuk mund të ekstradohet, por vetëm të hetohet atje.

Por zyrtarët në Shkup kanë deklaruar se do të bëjnë përpjekje që hetojnë zotin Boshkovski.


BBC

[Diabolis]

Një rrëfim terrori i rremë i Maqedonisë që çoi në vdekje

Nicholas Wood nga Gazeta The New York Times, Maj 17, 2004

Shkup, Maqedoni, Maj 14. Rreth dy muaj mbas sulmeve të 11 Shtatorit 2001 në Nju Jork dhe Uashington, një grup zyrtarësh të lartë u takuan këtu në Ministrinë e Brendshme të Maqedonisë për të vendosur se si vendi i tyre do të merrte pjesë në fushatën e udhëhequr nga Shtetet e Bashkuara kundër terrorit.
Në vend të ofronin trupa për të mbështetur ushtarët Amerikanë që luftonin në Afganistan, ashtu si bënë vendet e tjera të rajonit, zyrtarët e vjetër (të lartë) dhe komandantët e policisë ngjizën një plan të “zbulonin” një përbetim (komplot) terrorist kundër interesave të Perëndimit në Shkup, thonë hetuesit policorë këtu.
Plani, thonë ata, përfshinte tërheqjen e emigrantëve të huaj në vend, ekzekutimin e tyre në një betejë të armatosur të inskenuar, dhe pastaj pohimin se ata ishin një njësi e mbështetur nga Al Qaeda me qëllim sulmimin e ambasadave të Perëndimit.
Në 2 Mars 2002, ky plan u realizua kur Ministri i Brendshëm Ljubçe Boshkovski shpalli se shtatë “muxhahidinë” u vranë herët asaj dite në një shkëmbim zjarri me policinë afër Shkupit. Diplomatëve të Perëndimit ju shfaqën fotografi që tregonin trupat e burrave të vrarë me tesha uniforme dhe armë gjysëmautomatike përkrah.
Në atë kohë, diplomatët në Shkup ngritën pikëpyetje mbi rrëfimin e qeverisë, por u desh deri sa qeveria e udhëhequr nga nacionalistët të humbiste zgjedhjet në Shtator 2002 dhe një administraët e re e qendrës së majtë të vinte në fuqi që polica të fillonte të hetonte përleshjen me vendosmëri. Shtrirja e plotë e përfshirjes së shtetit në incident ka dalë vetëm në dy javët e fundit.
Në 4 Maj, prokurorët e shtetit paditën tre komandantë të vjetër (të lartë) policie për vrasjet, bashkë me dy oficerë policie të tjerë dhe një biznesmen. Zt. Boshkovski, që u votua kundër nga zyra bashkë me kolegët e tij në Shtator 2002, kërkohet për pyetje në lidhje me sulmin, por policia thotë se ai ka lënë vendin dhe besohet se është në Kroaci. Qeveria aktuale ka ngritur gjithashtu pyetje nëse burri që ishte kryeministër në atë kohë, Ljube Gjeorgjevski, dinte rreth planit.
Duke folur në Parlamentin Maqedonas në fund të Prillit, Hari Kostov, që ishte ministër i brendshëm në atë kohë dhe prej atëhere është bërë kryeministër, pyeti Zt. Gjeorgjevski nëse ai kishte dhënë “dritën e gjelbër për operacionin.”
Zt. Gjeorgjievski nuk u përgjigj në këtë rast, por ai dhe Zt. Boshkovski vazhdimisht kanë mohuar çdo lidhje me përbetimin. Megjithatë, ish antarë të administratës së tyre thonë se hetimi ka implikuar shtetin në nivelet më të larta.
“Është monstruoze, dhe nuk ka vërtet asnjë shpjegim tjetër për këtë,” tha Dosta Dimovska, një ish zëvendëskryeministre në qeverinë e Zt. Gjeorgjievski dhe më vonë shefe e agjensisë sekrete Maqedonase. “Dëmi do të jetë vështirë të riparohet.”
Një këshilltar i vjetër i qeverisë dhe ish zyrtar i Ministrisë së Brendshme që foli në kushte anonimati tha: “Atë e bëri shteti. Atë e bëri Republika e Maqedonisë. Dhe ne do na duhet të paguajmë çmimin.”
Në fund të 2001, mbas gjashtë muajsh luftë guerrile me rebelët Shqiptarë etnikë, mardhëniet midis qeverisë nacionaliste Maqedonase dhe botës së jashtme ishin në zbaticën më të ulët. Diplomatët, zyrtarët qeveritarë dhe hetuesit këtu sugjerojnë se qeveria shpresonte të përdorte fushatën kundër terrorizmit të mbas 11 Shtatorin për ti dhënë qeverisë një dorë të lirë në konfliktin e saj me shumicën Muslimane të Shqiptarëve etnikë.
Sipas një përmbledhje më të fundit nga një zyrtar i Ministrisë së Brendshme, mbas takimit të parë planifikues në Nëntor 2001 komandantët e policisë u lidhën me shefin e policisë në Delçevo, një qytet pranë kufirit me Bullgarinë. Delçevo është gjithashtu vendlindja e Zt. Gjeorgjievski dhe një qendër e njohur për trafikun njerëzor.
Zyrtari tha se shefit të policisë ju tha të “gjente një grup Muslimanësh me një përshkrim të caktuar fizik, që të dukeshin si muxhahidinë.”
Në një intervistë së fundi, ky shef policie, Vlatko Ristov, që ishte gjithashtu një antar i partisë nacionaliste të Gjeorgjievskit, VMRO DPNE, (VMRO DPMNE- shën im) pranoi lidhjen me trafikantin përgjegjës për gjetjen e emigrantëve.
“Unë vetëm kontaktova personat që transportuan ata” përgjatë kufirit me Bullgarinë, tha Zt. Ristov. Ai tha se udhëtimi për në Shkup i grupit u organizua nga një tjetër trafikant njerëzish me bazë në Shkup.
Por më vonë në të njëjtën intervistë, ai mohoi çdo njohje të marrveshjes, dhe tha se kallzimet për përzierjen e tij janë bërë nga kriminelë lokalë që kërkojnë diskreditimin e tij.
Emigrantët – gjashtë Pakistanezë dhe një Indian – shpresonin të gjenin rrugën e tyre në Europën Perëndimore, kur ata u kontaktuan nga trafikantët, dhe ju ofrua mundësia për udhëtimin në Greqi, tha zyrtari i Ministrisë së Brendshme. Paksitanezët më vonë u identifikuan si Muhammed Riaz, Omar Farooq, Syed Bilal, Hussein Shah, Asif Javed dhe Khalid Iqbal. Emri i indianit mbetet i panjohur.
Ata u sollën nga matanë kufirit dhe u strehuan në Delçevo për një natë, mbas së cilës u mbartën për në Shkup dhe u shpunë në një apartament, ku ju dha ushqim dhe veshje. Zyrtari nuk mund të thotë për sa gjatë burrat u mbajtën në apartament.
Në të njëjtën kohë një njësi speciale policie, e quajtur Luanët, e formuar nga dhe nën kontrollin e drejtpërdrejtë të ministrit të brendshëm, u udhëzua të stërvitej për një operacion antiterrorist në bazën e tyre të Katlanovës, një fshat pranë Shkupit.
“Vetëm gjenerali i tyre e dinte se ata nuk ishin terroristë të vërtetë”, tha zyrtari.
Në Shkurt 2002, Zt. Boshkovski befasoi një diplomat Perëndimor me pohime rreth pranisë së muxhahidinëve në zonat e prekura nga konflikti i vitit të shkuar në veriperëndim të Shkupit, diçka që diplomati tha se monitoruesit ndëkombëtarë të pushim zjarrit në rajon nuk mund ta konfirmonin.
Në 2 të natës në 2 Mars, tha zyrtari, shtatë burrat Aziatikë u mbartën me një furgon në një vreshtë në rrethinat e Shkupit dhe u lanë atje. Sapo shoferi i tyre u largua, katër antarë të Luanëve hapën zjarr mbi burrat me armë automatike duke i vrarë të shtatë.
Brenda orëve, Zt, Boshkovski u shfaq përjashta Ambasadës së Shteteve të Bashkuara në Shkup i shoqëruar nga ekipe kamerash televizive, një personel shoqërues i blinduar dhe antarë të Luanëve, ku ai shpalli përleshjen dhe shpjegoi se policia kishte vëzhguar njerzit, që dyshoheshin për lidhje me Al Qaeda dhe rebelët etnikë Shqiptarë, për ti parandaluar ata nga kryerja e sulmeve kundër Ambasadave Britanike, Amerikane dhe Gjermane.
Në një deklaratë dukshëm kontradiktore, ai gjithashtu tha se përleshja ndodhi kur një patrullë rutinë e policisë ishte gjendur në pritë.
Autopsitë që ju bënë burrave po aq mirë sa dhe fotot e bëra nga policët sugjerojnë se të gjitha të shtënat erdhën nga ana e policisë, dhe se policia është përpjekur të inskenojë skenën e krimit.
Të shtatë trupat kanë plagë të shumëfishta plumbash dhe në një rast aq shumë sa 53, sipas Ministrisë së Brendëshme. Më vonë, policia tregoi pamjet e një xhipi Lada me dy vrima plumbash si provë që një përleshje me armë kishte ndodhur.
Një nga armët e gjetura në burrat ishte e re dhe me të nuk ishte shtënë. Në një rast tjetër, tha zyrtari një pistoletë ishte futur brenda xhinseve të një burri në një pozicion që mbulonte katër plagë plumbash, kur pistoleta vetë nuk ishte e dëmtuar, që sugjeronte se është vendosur mbasi burri ishte vrarë. Pozicionet e burrave, dhe veshjet e tyre, gjithashtu sugjeronin se ata ishin zvarritur në atë vend.
“Nuk ishte një punë profesionale,” tha Mirjana Kontevska, zëdhënëse e Ministrisë së Brendëshme.
Nën presionin e diplomatëve të Perëndimit, në verën e 2002 qeveria e Zt. Gjeorgjievski hapi një hetim për përleshjen, por çliroi policinë e përfshirë nga çdo keqveprim, një përfundim që disa diplomatë këtu thanë sugjeron një mbulesë. Një vit e gjysëm tjetër kaluan para se qeveria e re të ngrinte akuzat.
Një avokat për të afërmit e burrave Pakistanezë tani po kërkon zhdëmtimin nga qeveria Maqedonase.

[StormAngel]

Nje nga fytyrat me te egra te kombit maqedonas dhe njeri nga shqiptaro fobet me te medhenj ne Ballkan arrestohet.Shkak i arrestimit eshte vrasja e emigranteve pakistanez.


Ish ministri i Punëve të Brendshme, ndalohet në bazë të mandadit të nxjerrë nga Ministria maqedone e Drejtësisë

Arrestohet në Zagreb, Lube Boshkovski


Shekulli

SHKUP – Ish-ministri i Punëve të Brendshme Lube Boshkovski, është ndaluar dje në Zagreb, në bazë të një mandat arresti të lëshuar nga Ministria maqedone e Drejtësisë. Lajmi është bërë i ditur nga agjencia maqedone e lajmeve MIA. Burime zyrtare nga Prokuroria shtetërore e Kroacisë, kanë bërë të ditur se, sipas ligjeve kroate, Boshkovski së pari duhet të paraburgoset, e pastaj do të merret në pyetje nga hetues, në lidhje me rastin "Vreshtat e Rashtakut”, ku janë vrarë shtatë emigrantë me kombësi të huaj. Dyshohet se Boshkovski ka dhënë urdhër për vrasjen e këtyre personave, gjashtë prej të cilëve ishin pakistanezë dhe njëri indian.
Dje, zëdhënësja e Ministrisë së Drejtësisë në Zagreb, Vesna Dovraniç, dje konfirmoi se, Ministria kroate e Drejtësisë, javën e kaluar, ka marrë kërkesë nga autoritetet e Maqedonisë, që Drejtësia kroate ta ndërmarrë procedurën penale kundër ish-ministrit të Punëve të Brendshme Lube Boshkovski, lidhur me rastin "Vreshtat e Rashtakut". Ajo theksoi se kërkesa e autoriteteve të Maqedonisë është përcjellë në Prokurorinë shtetërore kroate, e cila duhet të vendosë nëse do të ngrihet proces kundër Boshkovskit. Parlamenti i Maqedonisë, në maj të këtij viti i hoqi imunitetin e deputetit ish-ministrit të Punëve të Brendshme Lube Boshkovski dhe, paskëtaj, është shpallur fletë arrest përmes Interpolit, me akuzën se “në vitin 2002 ka dhënë urdhër për vrasje të shtatë emigrantëve ilegalë, që vinin nga Pakistani”. Por, pas bërjes publike të akuzave ndaj tij, Boshkovski arratiset nga Maqedonia, në maj të këtij viti, dhe deri tani ka qëndruar jashtë vendit. Kroacia është vendi ku fshihen shumë të kërkuar ndërkombëtarë, përfshi këtu edhe dy të akuzuarit nga Gjykata e Hagës: Ratko Mlladiç dhe Radovan Karaxhiç. Shteti kroat është kritikuar vazhdimisht nga shtetet evropiane se nuk bashkëpunon me Gjykatën e Hagës për kapjen e këtyre kriminelëve. Por Zagrebi ka mundur të arrestojë dje Boshkovskin, për të cilin edhe Gjykata e Hagës ka hapur një hetim. Por ky hetim konsiston në një tjetër masakër, ku mendohet se ai ka gisht. Bëhet fjalë për masakrën e Lubotenit, ku forcat maqedone të udhëruara nga Boshkovski mendohet se kanë vrarë, më 12 gusht të vitit 2001, rreth 10 civilë në këtë fshat. Gjithashtu, në atë fshat mbi 20 shtëpi janë djegur plotësisht dhe rreth 100 meshkuj janë keqtrajtuar. Këto sulme, sipas një raporti të organizatës “Human Rights Watch”, janë kryer me urdhër të Boshkovskit pak ditë pasi ishin vrarë 18 ushtarë maqedonas në luftë me guerrilët shqiptarë.

[Shpirt Njeriu]

Policia kroate arrestoi dje ish-ministrin e Brendshëm maqedonas, Ljube Boshkovski, të akuzuar për vrasjen e gjashtë pakistanezëve dhe një indiani në Maqedoni. Autoritetet kroate kanë deklaruar se ende nuk kanë vendosur nëse do ta ekstradojnë ose jo ish-zyrtarin maqedonas, i cili ka nënshtetësi kroate.



Përfundon në pranga arratia e ish-ministrit të Brendshëm maqedonas. Ljube Boshkovski është arrestuar dje në drekë nga policia kroate, jo shumë larg qytetit Rovinj në veriperëndim të Kroacisë. Gjithçka është kryer pas një fletëarresti që autoritetet maqedonase ia kanë përcjellë atyre kroate javën e kaluar, disa muaj pas arratisjes së Boshkovskit. Agjencia maqedonase e lajmeve MIA, njoftoi se sipas ligjeve kroate, Boshkovski do të paraburgoset, ndërsa më pas do të merret në pyetje në rajonin e policisë në Pula lidhur me rastin "Vreshtat e Rashtakut". Gjithsesi, autoritetet kroate kanë bërë të ditur se ende nuk kanë vendosur për gjyqin kundër Boshkovskit, i cili mban edhe nënshtetësinë kroate. Autoritetet maqedonase, nga ana tjetër, kanë deklaruar se do të këmbëngulin për ekstradimin e "nacionalistit të tërbuar", të kthyer në vrasës ordiner.

Akuzat
Nuk ka qenë një fund i parashikuar për ish-ministrin e Brendshëm maqedonas, Ljube Boshkovski, që shpesh është konsideruar nga vetë maqedonasit si "tragjedia më e madhe natyrore" e tyre. Boshkovski akuzohet tashmë për vrasjen e 7 emigrantëve të pafajshëm, 6 pakistanezë dhe një indian, që u ekzekutuan nga grupi special "Luanët" si terroristë. Rasti i "Vreshtave të Rashtakut", nuk do të ishte përmendur nëse hetuesit maqedonasit nuk do të zbulonin se gjithçka kishte qenë një inskenim. Boshkovski dhe njësiti policor i themeluar prej tij, një imitim i tigrave serbë të Arkanit, i kishin rrëmbyer emigrantët në Bullgarinë fqinje. Ata i kishin veshur si terroristë e më pas i kishin vrarë duke e trumbetuar këtë si një fitore në luftën kundër terrorizmit.

Arratia
Çështja u rihap pak muaj më parë nga autoritetet maqedonase, që kërkuan arrestimin urgjent të ish-ministrit Boshkovski. Por, menjëherë pas publikimit të akuzave, Boshkovski u arratis për në Kroaci, ku ka jetuar shumë vite më parë. Parlamenti i Maqedonisë i hoqi imunitetin e deputetit në maj të këtij viti dhe shpalli fletëarrestin përmes Interpolit. Por nënshtetësia e tij kroate u bë shpesh objekt debatesh mes autoriteteve maqedonase e kroate për arrestimin e tij. Pas shumë tratativave, të dy vendet nënshkruan marrëveshjen dhe tashmë i mbetet autoriteteve përkatëse ta dorëzojnë ish-ministrin në Maqedoni për të nisur gjykimin e akuzave kundër tij.

[rudo]

SHKUP (14 Mars)-- "Gjykata e Hages akuzoi sot ish-ministrin e Brendshem maqedonas, Ljube Boshkovski, per krime lufte", njoftoi zedhenesja e Ministrise se Drejtesise ne Maqedoni, Mira Ilievska. "Kemi marre nje aktpadi per Ljube Boshkovskin dhe nje person tjeter, gjithashtu te akuzuar per krime lufte", tha ajo. Boshkovski ndodhet nen arrest ne Kroaci pasi akuzohet per vrasjen e shtate emigranteve aziatike ne vitin 2002, per te cilet ai kishte deklaruar se ishin terroriste islamike qe po perpiqeshin te hynin ne shtetet perendimore.Me gjithe kerkesat e Shkupit zyrtar Boshkovski nuk eshte ekstraduar. Gjykata e Hages e ka marre ne pyetje Boshkovskin lidhur me rolin e tij gjate nje perleshjeje mes forcave maqedonase te sigurise dhe shqiptareve ne fshatin Ljubotno, ne afersi te Shkupit, ne vitin 2001. Ne kete perleshje u vrane 10 shqiptare. Me te njejten akuze eshte arrestuar ne Shkup dhe ish-truperoja e ish-presidentit Trajkovski te vdekur ne nje aksident, Johan Tarculovski. Edhe Tarculovski akuzohet nga Gjykata e Hages per vrasjen e dhjete shqiptareve ne fshatin Ljuboten. db/db (NEWS24/BalkanWeb)

[rudo]

A Macedonian ex-interior minister has been indicted by the Hague war crimes tribunal, Macedonian officials say. Ljube Boskovski was indicted for his alleged role in clashes between security forces and ethnic Albanians in 2001 in which 10 people died. He is currently awaiting trial in Croatia over a separate incident involving the deaths of seven South Asian immigrants.
Mr Boskovski denies all the charges against him. Another senior ministry official named as Johan Trculovski was reportedly indicted at the same time. The tribunal has not commented on reports of the indictments, but if confirmed they will be the first brought by the court over incidents in Macedonia. The indictments were apparently received by the authorities in the former Yugoslav republic over the weekend but have only now been made public. They come a day after Macedonians voted in municipal elections.

Paramilitary unit

Investigators reportedly questioned Mr Boskovski last year about the killing of 10 ethnic Albanians in the village of Ljuboten. He commanded his own elite paramilitary police from 2001 to 2003.

Mr Boskovski, who has dual Croatian and Macedonian nationality, was arrested in Croatia last September and charged with the murder of six Pakistanis and an Indian near Skopje in 2002.

Prosecutors allege that he arranged for the seven to be lured from Bulgaria into Macedonia, where they were shot and then had weapons planted on them, so that Macedonia could claim it had foiled an attempted al-Qaeda attack on the US embassy in Skopje. (shif cfare qeni)
BBC News

[I-amëshuar]

Qeveria kroate do te ekstradoje ne Hage ish ministrin e brendshem maqedonas

Autori i Lajmit:
24 ore

"Qeveria kroate eshte gati te ekstradoje ne Hage Ish-Ministrin e Brendshem te Maqedonise, Ljube Boshkovski, i akuzuar per krime lufte nga Gjykata Nderkombetare e Hages". Keshtu deklaroi sot Ministrja kroate e Drejtesise, Vesna Skare Ozbolot. "Do te ekstradohet Boshkovski. Ligji i TPI eshte me i forte se ligji kombetar kroat", ka shtuar ministrja duke nxjerre ne pah rastin e Ljube Boshkovskit qe ka dy nenshtetesi, ate maqedonase dhe ate kroate. Boshkovski duhet te pergjigjet rreth vrasjes se 10 shqiptareve gjate nje perleshjeje mes forcave maqedonase te sigurise dhe shqiptareve ne fshatin Ljubotno, ne afersi te Shkupit, ne vitin 2001. Boshkovski ndodhet nen arrest ne Kroaci pasi akuzohet per vrasjen e shtate emigranteve aziatike ne vitin 2002, per te cilet ai kishte deklaruar se ishin terroriste islamike qe po perpiqeshin te hynin ne shtetet perendimore.