Mbahen zgjedhjet vendore në Maqedoni, pjesmarrja 45%

[Albo]

Përfundojnë zgjedhjet vendore në Maqedoni, të parat që u kryen në bazë të ligjit të ri të decentralizimit

Maqedoni, 45 % e votuesve në zgjedhje

Regjistrohen incidente të vogla, kryesisht në Shkup e Tetovë. Zgjedhjet do të përsëriten në katër zona

Shekulli

Janë zhvilluar në një frymë disi të tensionuar zgjedhjet e djeshme lokale në Maqedoni. Sipas të dhënave paraprake thuhet se kanë votuar gati 45 për qind e elektoratit, e cila nuk është konsideruar si një pjesëmarrje e kënaqshme, pavarësisht se këto janë konsideruar zgjedhje shumë të rëndësishme për përparimin e Maqedonisë. Në votime ishin regjistruar si votues të ligjshëm gati 1.7 milion vetë. Ndërsa pozita, pra dy partitë në pushtet si ajo socialdemokrate dhe partia shqiptare Bashkimi Demokratik për Integrim i kanë konsideruar zgjedhjet normale, ndryshe janë shprehur partitë e opozitës, kryesisht opozita shqiptare. Kjo e fundit ka folur për manipulime në zgjedhje dhe madje edhe mbushje të kutive të votimit nga partitë në pushtet. Ndërkohë Ministria maqedonase e Punëve të Brendshme njofton për 11 incidente, nga të cilat dy më të rëndat kanë ndodhur në Shkup e Tetovë. Por burime të medias në Maqedoni njoftojnë se këto incidente nuk kanë qenë aq të mëdha sa të ndikojnë aq shumë në procesin zgjedhor. Incidentet e regjistruara kanë qenë të vogla dhe kryesisht në njësi zgjedhore që nuk kanë ndonjë elektorat të madh. Flitet për njësitë me gati 100-200 votues kështu që nuk pritet që njohja apo jo e rezultatit në këto qendra të ndikojë në rezultatin e përgjithshëm. Kështu në disa fshatra të Malësisë së Tetovës flitet për manipulime votash, veçanërisht akuza kundër BDI që mendohet se ka mbushur vetë fletët e votimit. Kutitë e votimit janë mbyllur në kohën e parashikuar, pra në orën 19.00 dhe nuk ka patur nevojë të shtyhet, pasi ata votues që kanë dashur të votojnë nuk e kanë lënë këtë veprim për ta kryer në orët e vona. Ndërkohë bëhet e ditur se në katër qendra votimi, zgjedhjet do të përsëriten për shkak të disa parregullsive. Vëzhguesit, të cilët si rrallë herë kanë qenë më të shumtë në këto zgjedhje, do ta japin qëndrimin e tyre rreth procesit sot. Rezultatet e para zyrtare do të dalin pas tre ditësh nga Komisioni Qendror i zgjedhjeve, që është dhe institucioni që do të thotë fjalën e fundit. Gara më e ashpër zhvillohet në kryeqytetin e vendit në Shkup si dhe në qytetin ku mbizotërojnë shqiptarët pra në Tetovë. Sipas të dhënave gati 300 000 shqiptarë ishin regjistruar për të votuar në këto zgjedhje, për të marrë pushtetin në gati 16 komuna, kryesisht në Tetovë, Strugë dhe fshatrat afër Shkupit, ku ata kanë edhe shumicën e popullsisë. Votimi u krye për 84 bashki, në gati 2,976 qendra votimi. Numri i bashkive, ishte shumë më i vogël nga 123 bashki që ishin më parë në bazë të ligjit të mëparshëm. Ligji i ri për decentralizimin solli një ndryshim të madh në ndarjen zgjedhore, gjë që hasi në kundërshtimin e maqedonasve. Këta të fundit mendojnë se ligji i ri është rregulluar në favor të shqiptarëve. Këto votime janë shtyrë dy herë pas protestave të shumta për ligjin e ri të decentralizimit që u prezantua në gusht të vitit të kaluar. Ky ligj u jep shqiptarëve më shumë të drejta dhe kontroll në çështjet lokale, duke ndryshuar kufijtë e komunave zgjedhore dhe duke futur gjuhën shqiptare si gjuhë të dytë zyrtare. Një referendum u zhvillua më 7 nëntor i iniciuar nga maqedonasit në opozitë, por rezultati i referendumit dështoi për shkak të mospjesëmarrjes së madhe në të. Kryesisht Partia Demokratike Shqiptare e Arbën Xhaferrit bëri thirrje për mospjesëmarrje në zgjedhje dhe rezultati negativ i referendumit i hapi rrugën më në fund zgjedhjeve vendore.

[Albo]

Zgjedhjet lokale ne Maqedoni, ravijezojne Decentralizimin e ri te vendit

E Marte, 15 Mars 2005

Sipas rezultateve te para, te njoftuara nga shtabet zgjedhore partiake, koalicioni per Maqedonine se bashku deklaron se ka fituar ne Veles, Demir-Hisar, Demir-Kapi, Karbinc, qender Zhupa, Vraneshnice, Kavadar, Pllasnice, Rosoman, Staro nga Gorican, Strumice dhe Resnje. Bashkimi Demokratik per Integrim,(BDI), ka fituar ne Bogovine, Gostivar, Zajaz dhe Osllome. Koalicioni PPD-PDSH njofton se ka fituar ne Saraj, Vrapcishte dhe Studenican kurse opozita e bashkuar maqedonase ne Vallandove, Gradsko, Novaci dhe Mogille


Opozita kundershton

Koalicioni ne pushtet ne Maqedoni kundershtoi dje, te njihte fitoren e nje kandidati te opozites si kryetar i Bashkise se Shkupit dhe kerkoi organizimin e nje raundi te dyte zgjedhjesh. Kandidati i opozites, Trifun Kostovski, "ka fituar 48,5% te votave dhe ne Shkup do te zhvillohet nje raund i dyte", tha Nikolla Curciev, sekretari i pergjithshem i Bashkimit Demokratik dhe social te Maqedonise, SDMS, nje nga partite e koalicionit ne pushtet. "Jane vene re parregullsira te medha", tha Andrej Zirnovski, zedhenesi i Partise liberale qe ben pjese gjithashtu ne koalicionin ne pushtet.

Sipas rezultateve te organizates joqeveritare, MOST, pas raundit te pare te zgjedhjeve bashkiake, Trifun Kostovski ka fituar 53 % kundrejt 37 % te fituar nga Risto Penov qe ben pjese ne koalicionin ne fuqi.

Zgjedhjet vendore, ne ambient demokratik

Subjektet pjesemarrese ne zgjedhjet vendore kane vleresuar se procesi zgjedhor eshte realizuar ne ambient korrekt dhe demokratik. Jane verejtur incidente, nderprerje te procesit zgjedhor, mbushje te kutive dhe agjitim, por te gjitha keto fakte nuk kane

ndikuar drejtepersedrejti ne rezultatet perfundimtare, thone perfaqesuesit e partive politike , pjesemarres ne zgjedhjet vendore te 13 marsit. Zedhenesja e BDI-se, Ermira Mehmeti thote se kjo parti ne rrethin e pare ka fituar ne komunat e Gostivarit, Bogovines, Osllomese dhe Zajazit: "Ne komunen e Tetoves kandidati i BDI-se Hazbi Lika eshte ne epersi prej 3ooo votash kundrejt kandidatit te PDSH-PPD-se Vebi Bexheti" - ka deklaruar Ermira Mehmeti. Nenkryetari i PDSH-se, Menduh Thaqi ka theksuar se koalicioni PDSH-PPD ne rrethin e pare ka fituar ne tri komuna: Saraj, Studenican dhe Vrapcishte. Gjithnje sipas Thaqit, kandidatet e koalicionit kane gjasa reale per te fituar ne rrethin e dyte.

Per SHkupin

Kandidati i pavarur per qytetin e Shkupit, i perkrahur nga opozita maqedonase, Trifun Kostovski, eshte fitues ne rrethin e pare: "I falenderoj te gjithe qytetaret e Shkupit pa dallim perkatesie politike dhe kombetare. Besimi qe m´u dha do te me detyroje qe Shkupin ta shnderroj ne nje metropol te vertet meqe Shkupi meriton te jete qender qe do t´i lidhe te gjitha vendet e Ballkanit" - ka deklaruar Trifun Kostovski.

Koalicioni qeveritar "Per Maqedonine se bashku" , ne rrethin e pare ka fituar 14 poste te kryetareve te komunave ndersa ne rrethin e dyte jane kualifikuar edhe

4o kandidadte tjere. "Me rendesi eshte qe kishim zgjedhje demokratike. Ky ishte prioritet i koalicionit qeveritar dhe kjo shenon fitoren me te rendesishme meqe nga keto zgjedhje ne nje fare menyre varet edhe procesi per antarsimin e Maqedonise ne NATO dhe BE " - ka deklaruar kryeministri i Maqedonise Vllado Buckovski. Komisioni shteteror i zgjedhjeve eshte i obliguar qe te merkuren te shpalle rezultatet e para zyrtare nga zgjedhjet vendore te 13 marsit.

Skeda e Zgjedhjeve

*1.711.293 maqedonasit votuan ne zgjedhjet lokale.

*Afro 300 000 zgjedhes shqiptare ishin thirrur ne keto votime

*Qendrat e votimit u hapen ne oren 07:00 lokale dhe u mbyllen ne 19:00 te dielen

*Ishin 2 976 qendra gjithsej.

*379 kandidatet per kryetare komune dhe per 446 lista te keshilltareve ne 84 komuna si dhe ne Shkup.

*Zgjedhjet vendore u ndoqen nga 5.192 vezhgues vendas dhe 393 te huaj.

*Balotazhi zhvillohet me 27 Mars

[Albo]

Vazhdon procesi i zgjedhjeve vendore ne Maqedoni

E Marte, 15 Mars 2005

Nga Jasmina Mironski -

Maqedonasit votuan ne zgjedhjet lokale, te shtyra dy here radhazi, dhe qe perbejne etapen e fundit te marreveshjes se paqes se vitit 2001, qe i dha fund shtate muaj konflikti mes trupave maqedonase dhe guerriljes shqiptare. Afro 1,7 milione votues jane thirrur te zgjedhin kryetaret e tyre te bashkive dhe keshilltaret bashkiake ne keto zgjedhje, qe konsideroheshin, si nje test per stabilitetin e vendit dhe per angazhimin e Shkupit ne sigurimin e ndarjes se pushtetit mes shumices maqedonase dhe pakices shqiptare. Votimi filloi ne oren 07:00 lokale ne 2 976 qendra dhe eshte mbyllur ne oren 19:00 lokale, njoftoi nje zedhenes i Komisionit Zgjedhor, Zoran Tanevski. Keto zgjedhje pasojne nje ligj decentralizimi, te miratuar vitin e kaluar dhe qe ka si qellim te forcoje kompetencat lokale te pakices, shqiptare vecanerisht, qe perfaqeson 25 per qind te popullsise prej afro 2 milione banoresh.

Afro 300 000 zgjedhes shqiptare jane thirrur ne keto votime, qe do te mundesonin rritjen e pushtetit te tyre ne rajonin e Tetoves, Struges (perendim) dhe ne fshatrat prane Shkupit. Marreveshja e paqes e nenshkruar ne Oher ne vitin 2001, nen drejtimin e komunitetit nderkombetar, kishte vecanerisht si qellim te nxiste shoqerine multietnike ne Maqedoni. Zgjedhjet lokale jane shtyre dy here rradhazi per shkak te nje polemike mbi ligjin e decentralizimit, qe vleresohej si teper i favorshem ndaj pakices shqiptare.

Pika kulminante e polemikes arriti nentorin e kaluar, me nje referendum qe opozita shpresonte ta shfrytezonte per ndryshimin, nenkupto abrogimin e ketij ligji. Po per shkak te pjesemarrjes se pamjaftueshme referendumi deshtoi, duke shkaktuar kenaqesine e komunitetit nderkombetar, i cili kishte paralajmeruar se nje hedhje poshte e ketij ligji do te vononte integrimin euroatlantik te Maqedonise. Suksesi i ketyre zgjedhjeve, ne te kundert, i ka mundesuar vendit qe te forconte ambicien e tij per te arritur qysh ne fund te vitit statusin e vendit kandidat ne BE, me qellim nje pranim te mundshem ne vitin 2010. Nese asnje nga kandidatet per kryetare bashkie nuk do te fitoje shumicen ne raundin e pare, brenda 15 ditesh do te organizohet nje raund i dyte, ndersa keshilltaret bashkiake zgjidhen me nje raund te vetem, sipas sistemit proporcional. Zgjedhjet bashkiake jane monitoruar nga disa qindra vezhgues lokale dhe te huaj dhe rezultatet e para priten te merkuren e kesaj jave. Qytetare te regjistruar ne listen e vetme zgjedhore kishin mundesi te votonin per 379 kandidatet per kryetare komune dhe per 446 listat e keshilltareve ne 84 komuna si dhe ne Shkup.

Ne te gjithe Republiken e Maqedonise jane te hapura 2.976 qendra votimi, te cilat do te qendrojne te hapura prej ores 07:00 deri ne oren 19:00. Sipas Komisionit Shteteror te Zgjedhjeve, qendrat e votimit jane hapur ne oren 07:00 pa probleme, me perjashtim te nje numri te vogel ku jane paraqitur probleme te natyrave te ndryshme si mungese fletesh votimi apo incidente ndermjet subjekteve te interesuara per zgjedhjet kryesisht perfaqesuesish te partive politike, por edhe Shtabet Zgjedhore vendore te partive edhe Komisioni Shteteror i Zgjedhjeve vlereson se behet fjale per disa raste te pakta.

Ne oret e para te mengjesit pjesemarrja e votuesve ka qene e vogel dhe perllogaritet prej 5 deri ne 9 per qind, ndersa ne nivel republike zedhenesi i Keshillit Qendror te Zgjedhjeve Zoran Tanevski, ne oren 11:00 deklaroi se kjo perqindje ishte 7.71 per qind. Si zakonisht interesimi i qytetareve per te votuar me i madh ishte ne oret e pasdites. Zgjedhjet do te konsiderohen si te suksesshme, nese ne nje komune del te pakten 30 per qind e trupit votues. Qendrat e votimit jane mbyllur ne ora 19:00, ndersa rezultatet jozyrtare nga subjektet politike dhe Komisionet Komunale priteshin qe te jepeshion menjehere ose 2 ose 3 ore me vone. (Pershtatur nga ATSH)

[Albo]

Zgjedhjet ne Maqedoni, prove per qendrueshmerine

E Marte, 15 Mars 2005

Zgjedhjet ne Maqedoni shihen si nje prove e rendesishme per qendrueshmerine e saj dhe per angazhimin e Shkupit lidhur me ndarjen e pushtetit midis shumices maqedonase dhe pakices shqiptare.

Keto zgjedhje vendore kane te bejne kryesisht me decentralizimin dhe ndarjen e pushtetit. Kater vjet me pare, Maqedonia u zhyt ne konflikt dhe perballej me mundesine e nje lufte civile. Shqiptaret perbejne nje te katerten e popullsise dymilioneshe te Maqedonise. Kriza perfundoi me marreveshje per paqe te arritur me ndermjetesimin e qeverive perendimore. Ne qender te marreveshjes ishte premtimi per decentralizim, i cili do t'u jepte shqiptareve pushtet te vertete ne zonat ku ata jetojne.

Duke filluar nga muaji korrik, qeverite e reja vendore qe po zgjidhjen aktualisht do te kene shume me teper kompetenca ne ceshtjet e edukimit, te policise, te rrugeve dhe te sistemeve sanitare. Shqiptaret do te mbizoterojne ne ato zona ku ata jane shumice. Ketu perfshihet Tetova dhe qytete te tjere ne afersi te kufirit te Maqedonise me Shqiperine dhe Kosoven.

Zoran Tanevski, zedhenesi i komisionit zgjedhor, thote se fushata per te 85 keshillat vendore ishte e fuqishme dhe pergjithesisht kaloi pa incidente. Balotazhi per kandidatet per kryetare komunash qe nuk fitojne shumicen ne raundin e pare do te zhvillohet me 27 mars.

"Keto zgjedhje, mund te thuhet se jane nje lloj prove per perparimin demokratik ne shoqerine tone. Dhe, duke patur parasysh se Maqedonia synon te behet anetare e NATO-s dhe e Bashkimit Evropian, neve na duhet te tregojme se kemi arritur standarde te rendesishme demokratike," tha zoti Tanevski.

Qe pas shkeputjes nga Jugosllavia ne vitin 1991, hapat e Maqedonise persa i perket zhvillimit te zgjedhjeve te drejta kane qene per t'u patur zili. Zgjedhjet e tanishme u monitoruan nga rreth dy mije vezhgues zyrtare dhe jo-zyrtare.

Gjordji Ivanov, profesor i politikes ne Universitetin e Shkupit, thote se gara per Shkupin ishte vecanerisht interesante sepse ky post ka rendesi kombetare. Profesor Ivanov thote se prania e tre kandidateve shqiptare ka te ngjare t'ja mohoje kryebashkiakut te tanishem nje fitore qysh ne raundin e pare. "Nuk mendoj se Risto Penov do te mund te fitoje ne raundin e pare. Sepse me pare, kandidati qe ka patur sukses gjithnje ka fituar me voten e shqiptareve. Por tani, votat e shqiptareve do t'u shkojne kandidateve shqiptare." Profesor Ivanov parashikon se dy kandidatet maqedonas qe do te konkurojne ne raundin e dyte do te perpiqen shume per te siguruar mbeshtetjen e shqiptareve.

Diplomatet pergjithesisht e vleresojne lart Maqedonine per perparimin e arritur ne aspektin e pajtimit etnik. Ish udheheqesi i kryengritjes shqiptare te vitit 2001, Ali Ahmeti, tani kryeson Bashkimin Demokratik per Integrim, parti qe ben pjese ne koalicionin qeverises. Kjo parti ndodhet perballe nje sfide elektorale nga nje tjeter parti e shqiptareve te Maqedonise.

[Albo]

ODIHR: Parregullsi në zgjedhjet vendore në Maqedoni

Shekulli

SHKUP - ODIHR ka kritikuar ashpër zgjedhjet e zhvilluara të dielën në Maqedoni. Gjatë një deklarate për shtyp në Shkup, kryetari i misionit të ODIHR, Julian Peel Yates ka deklaruar se gjatë vëzhgimeve në zhvillimin e zgjedhjeve lokale janë shënuar parregullsi të shumta të cilat kanë cënuar tërë procesin zgjedhor. 360 vëzhguesit e huaj, nga 39 vende të botës kanë vëzhguar se ka pasur votime në grup, të cilat kanë kompromentuar votën sekrete. “Janë zhdukur skeda dhe kuti votimi, tensione dhe kërcënime rreth qendrave të votimit”, -thuhet në deklaratën për shtyp të ODIHR. Mbarëvajtja e zgjedhjeve është konsideruar e dobët në 1 nga 10 qendra votimi, ndërsa sistemi i numërimit është konsideruar negativ në 1 në çdo 5 qendra votimi. Një nga parregullsitë më të mëdha sipas vëzhguesve të ODIHR-it është numri i skedave, të cilat në shumë qendra votimi, janë më të shumta në numër se numri i votuesve. Kjo është konferenca e parë për shtyp e vëzhguesve ndërkombëtarë në zgjedhjet lokale në Maqedoni.

[Albo]

Komisioni Qendror Zgjedhor njofton zgjedhjen e vetëm 16 kryetarëve të komunave. Në zgjedhje morën pjesë 57.96% e elektoratit

Maqedoni, shpallen rezultatet e para zyrtare

Shekulli

Partia shqiptare BDI ka fituar tre komuna, ndërsa koalicioni “Për Maqedoninë së bashku” ka fituar 10 vende

Sipas rezultateve paraprake, duket se koalicioni “Për Maqedoninë së bashku” ka fituar më shumë vota në zgjedhjet vendore që u zhvilluan së dielën në Maqedoni. Nga partitë shqiptare, Bashkimi Demokratik për Integrim (BDI) e Ali Ahmetit ka fituar më tepër vota sesa koalicioni i dy partive të tjera shqiptare PDSH/PPD. Kështu zëdhënësi i KSHZ-së Zoran Tanevski doli dje në një konferencë për shtyp ku njoftoi dhe ato që quhen rezultatet e para zyrtare. Sipas Tanevskit, në raundin e parë zgjedhor në Maqedoni janë zgjedhur 16 kryetarë komune. Ndërkohë që sipas rezultateve të përpunuara të 71 komunave (nga 85 që janë gjithsej), në votim kanë dalë 872.681 qytetarë me të drejtë vote, ose ndryshe 57,96 për qind të elektoratit. Zëdhënësi i KSHZ-së, Zoran Tanevski informoi se koalicioni “Për Maqedoninë së bashku” fitoi 10 vende të kryetarëve të bashkimeve, BDI tre, Grupi i Zgjedhësve një, PDSH/PPD një dhe opozita e bashkuar, një mandat të kryetarit të qytetit. Tanevski shtoi se ndërkohë po vazhdojnë të numërohen votat për të nxjerrë rezultatin në qytetin e Shkupit. Ndërkohë në disa zona, që tani është përcaktuar se do të ketë raund të dytë, pasi ka kandidatë që nuk kanë marrë numër të mjaftueshëm votash. Në disa zona kandidatët shqiptarë të BDI-së dhe të PDSH/PPD do të ndeshen në raundin e dytë. BDI sipas KSHZ-së, ka fituar me kandidaten Sanije Sadiku në Osllomej, në Zajas ka fituar po ashtu kandidati i BDI-së Rufat Huseini, dhe në Bogovinjë kandidati i BDI-së Nevzat Elezi. Ndërkohë të konfirmuar që në raundin e parë janë, fitues në Karbinc, Debarce dhe Vraneshticë kandidatët e koalicionit “Për Maqedoninë së bashku”. Ndërkohë sipas një organizate joqeveritare “Most”, në Shkup, që ishte dhe një ndër betejat kryesore, ka fituar kandidati i mbështetur nga opozita e bashkuar Trifun Kostovski. Sipas këtij burimi, Kostovski ka marrë 53% të votave, ndërkohë që kryetari aktual i qytetit Risto Penov ka marrë 37% të votave. Vetë Kostovski njoftoi të dielën në mbrëmje se ai ndihej fitimtar në këto zgjedhje. Por nëse do t’u referohemi rezultateve të shtabeve të partive, partia në pushtet LSDM konsideron se në votime kanë dalë rreth 40 për qind të votuesve dhe se llogarit veten të jetë fituese e zgjedhjeve. Ndërkohë opozita e bashkuar maqedonase thotë se në votime kanë dalë 60% e votuesve.
Incidentet
Procesi i votimit është përcjellë me disa incidente. Sipas informacioneve të Komisionit Shtetëror Zgjedhor ka pasur përleshje fizike midis anëtarëve të këshillit zgjedhor në fshatin Moranë të Shkupit dhe për këtë shkak votimi është ndërprerë. Votimi është ndërprerë edhe në fshatrat Leshnicë e Epërme dhe Tërnovë të Gostivarit. Në këtë fshat persona të panjohur kanë tentuar me dhunë ta konfiskojnë materialin votues dhe më pas këshilli zgjedhor është tërhequr nga vendvotimi. Ministria e Punëve të Brendshme ka raportuar për një person të plagosur në një fshat të Shkupit. Pikërisht për këto incidente Ministria e Drejtësisë me anë të një komunikate njofton qytetarët se në bazë të ligjit penal personat që tentojnë ta pengojnë procesin zgjedhor do të dënohen me burg prej 6 muaj deri në pesë vite, ndërsa ata që këtë e bëjnë me përdorimin e armëve dhe mjeteve shpërthyese do të dënohen prej 1 -10 vite burg.
Zgjedhjet vendore në Maqedoni u mbikëqyrën nga më shumë se 5000 vëzhgues të vendit dhe ndërkombëtarë. Këto zgjedhje po mbikëqyren edhe nga 13 vëzhgues nga Kosova. Po ashtu është bërë e ditur se Kosova ka ndihmuar procesin zgjedhor në Maqedoni me rreth 3000 kuti dhe material tjetër zgjedhor. Zgjedhjet vendore në Maqedoni u organizuan në bazë të ligjit të decentralizimit, ku sipas tij u jepen më shumë kompetenca komunave të reja sa u përket vendimmarrjes.

[Albo]

PDSH terhiqet nga raundi i II i zgjedhjeve

E Enjte, 24 Mars 2005

Partia Demokratike e shqiptareve te Maqedonise e drejtuar nga Arben Xhaferri, deklaroi dje se eshte terhequr nga raundi i 2 i zgjedhjeve qe pritet te zhvillohen kete te diele ne Maqedoni. Koalicioni i partive opozitare shqiptare mes PDSH-se dhe PPD-se kerkoi dje nepermjet nje konference per shtyp perseritjen e raundit te pare te zgjedhjeve ne 16 komuna per shkak te parregullesive dhe incidenteve qe sipas tyre jane kryer nga partia shqiptare ne pushtet Bashkimi Demokratik per Integrim i Ali Ahmetit. Partite opozitare shqiptare i dorezuan Parlamentit maqedonas nje projektligj per anulimin e zgjedhjeve ne 16 zona dhe deri ne nje vendim te ketij te fundit ata kane terhequr kandidatet e tyre per zgjedhjet e raundit te dyte ne 27 mars.