Heronjte e diteve tona

[Redi]

Ne lumin Ticino afer Pavia ne Itali, mbytet nje 35-vjecar pasi shpeton 3 persona nga mbytja, njeri prej te cileve ishte nje femije shqiptar 10 vjec. Gjithashtu ai shpetoi edhe te atin e djalit dhe nje grua qe ishin hedhur per te shpertuar femijen.

Te tilla raste heroike jemi mesuar qe ti lexojme neper libra apo ti shohim neper filma.

Por c'eshte e verteta keto jane raste qe ndodhin perdite ne cdo moment.

Cfare mendoni per te tille njerez, te cilet sakrifikojne veten e tyre per te shpetuar jete te tjera?

A do ta benit ju nje gje te tille?

A dini ju raste te tjera te ngjashme?


Klikoni ketu per te lexuar artikullin origjinal.

[Tironce_Moderne]

o redi une sakrifikoj, po ta di qe bej 1 sakrific, ku shpetoj te tjeret dhe veten e kam te "garantuar" qe do shpetoj..
Kesaj i thone, rro ti o vlla, e te vdes une!!!

[s0ni]

Njeri nuk shpeton njerezit me mend qe do vdesi vete. Kur fut ne rrezik veten e vete nuk thote hajde se po vdes qe te shpetoj keto. Ndjenjat per te shpetuar njerezit ne rrezik jane te castit. Dhe ne cast hidhesh e ndihmon ato ne rrezik me mendje qe do shpetosh edhe vete.

[Brari]

Ka pasur dhe do ket heronj..
Humanizmi lind heroizmin..

Ja dhe nji shembull kuptimplot fisnikerie e humanizmi..

shekulli
--------------
Familja shqiptare e Lulëzimit, studentit të shkëlqyer të "La Sapienza"-s, trondit thellë opinionin italian
Vdes studenti, fal tetë organe

Altruizmi i rrallë i familjes Hajdaraj. Shpëtojnë tetë italianë me trupin e djalit të vdekur

Ened Janina
ITALI- Vdes në një aksident studenti shqiptar dhe familja vendos t'i fal organet e tij jetësore tetë shtetasve italianë. Ngjarja e rrallë ka ndodhur në Romë të Italisë. Familja e Lulëzim Hajdarajt, një studenti shqiptar që ka vdekur aksidentalisht ka pranuar që t'i falë organet e djalit të saj spitalit ushtarak të kryeqytetit italian. Këto organe do t'u shpëtojnë jetën dhe sytë tetë shtetasve italianë, të cilëve do t'u transplatohen organet e Lulëzimit.
"Lulëzimi im do të jetojë së bashku me tetë qytetarë të tjerë italianë",- ka thënë në një intervistë televizive në stacionin e të rinjve MTV (EmTiVi) nëna e studentit. Gjesti altruist dhe ndjenja e lartë e humanitetit që ka treguar familja Hajdaraj ka lënë gojëhapur mediat dhe shtetin italian. Familja Hajdaraj, edhe pse e hidhëruar për vdekjen e djalit të saj, ka pranuar kërkesën e spitalit italian për dhurimin e organeve. Trupi i pa jetë i Lulëzimit ndodhet ende në Itali dhe pritet që në orët e para të ditës së sotme të rikthehet në atdhe. Së bashku me të do të kthehen edhe prindërit e tij. Lajmi është pohuar nga mediat italiane dhe zëdhënësja e Ministrisë së Punëve të Jashtme, Lidra Zegali. Lulëzimi, i cili kishte lindur më 17 nëntor të vitit 1975, prej disa kohësh studionte në Itali. Ai ishte në vitin e fundit në Universitetin "La Sapienza" të Romës, dega Ekonimi dhe Tregti.
Ngjarja
Rreth një javë më parë, Lulëzimi ishte duke u kthyer në shtëpinë e tij në Romë me motor. Papritur një autoveturë, e cila po drejtohej nga një çift italian e ka përplasur atë. Si pasojë e përplasjes, 27- vjeçari shqiptar u plagos rëndë. Ai kishte dëmtime të rënda në trup dhe hemorragji të madhe gjaku. Menjëherë Lulëzimi u transportua për në spitalin ushtarak të Romës, ku mori edhe ndihmën e parë mjekësore. Me gjithë përpjekjet e mjekëve ai ra në një koma të thellë. Pas disa ditësh në gjëndje kome, mjekët italianë, vërtetuan se truri i Lulëzimit kishte vdekur. Goditjet e shumta që kishte marrë kishin bërë që koka të çahej dhe truri i tij të mos furnizohej më me gjak në mënyrë të rregullt. Ky kishte qënë edhe shkaku që truri i tij kishte vdekur. Ndërkohë, edhe pse truri i Lulëzimit mund të konsiderohej i vdekur, organet e tjera vitale të tij punonin normalisht. Gjatë kësaj kohe në Itali kishin shkuar edhe vetë prindërit e 27- vjeçarit Lulëzim Hajdaraj. Mjekët italianë u propozuan atyre që të dhuronin organet e Lulëzimit. Pasi e kishin vlerësuar kërkesën e bërë nga mjekët italianë, prindërit e Lulëzimit, e kishin pranuar atë. Mjekët italianë bënë menjëherë ndërhyrjen në trupin e studentit 27 -vjeçar. Sipas tyre, këto organe do t'i shpëtonin jetën disa qytetarëve të cilët rrezikonin që të vdisnin nga sëmundje të zemrës, mushkrive, veshkave, mëlçisë apo të humbnin shikimin. Mjekët e kanë konsideruar Lulëzimin si një djalë plot vitalitet dhe që gëzonte një shëndet të përkryer.
Italia
Ky lajm ka tronditur mbarë opinionin italian. Kanalet televizive kanë transmetuar një kronikë që fliste për vdekjen aksidentale të 27- vjeçarit shqiptar, Lulëzim Hajdaraj. Gjithashtu ky televizion i ka transmetuar mbarë Italisë bujarinë e prindërve të Lulëzimit që pranuan shkatërrimin e trupit të tij vetëm për të shpëtuar jetë të tjera. MTV ka transmetuar edhe intervistën e nënës së Lulëzimit ku ajo pranonte kërkesën e mjekëve italianë që nga trupi i djalit të saj të shkuleshin tetë organe jetësore. Televizioni italian ka zhvilluar edhe një hetim në shkollën ku studionte Lulëzim Hajdaraj, Universiteti La Sapienza i Romës, dega Ekonomi dhe Tregti. Emisioni tregon se Lulëzimi ka qënë një student i shkëlqyer në mësime. Të gjitha rrethet studentore dhe pedagogjike të universitetit kishin një opinion mjaft të mirë për 27- vjeçarin nga Shqipëria. Edhe sjellja e tij ka qënë e shkëlqyer ndërkohë që sjellja e prindërve të tij i ka lënë të habitur të gjithë. Trupi pa jetë i Lulëzimit pritet që të vijë në Shqipëri orët e parë të ditës së sotme. Ndërkohë që nesër pritet që të bëhet edhe varrimi i tij. Ligji për dhurimin e organeve ka hyrë pak kohë më parë në fuqi në Itali dhe u shoqërua me debate të forta.

[Estella]

Eshte nje vendim i momentit qe nje njeri ben....