Tifozat e Super Kampiones TIRONA <3>

[BlueBaron]

Vllaznia - SK Tirana 1 - 3 (Abilio 39'/ Rraklli 51', Patushi 70', Sene 73')


Vllaznia: Orges Shehi, Admir Teli, Suad Lici, Elvis Kraja, Amarildo Belisha, Viorsin SInani, Abilio Neves DOs Reis, Hasim Djokovic, Jose Junior, Franc Ahi, Edmond Doçi. Trajner: Agim Medja

SK TIRANA: Blendi Nallbani, Elvis Sina, Rezart Dabulla, Papa Sene, Alban Tafaj, Ervin Bulku, Altin Rraklli, Devi Muka, Ansi Agolli, Egert Bakalli, Saimir Patushi. Trajner: Sulejman Starova. Ne stol: Isli Hidi, Erbim Fagu, Gentian Hajdari, Eleandro Pema, Fjodor Xhafa, Eldorado Merkoçi.

45' del Ansi Agolli futet Fjodor Xhafa.
72' dalin Rraklli dhe Devi Muka futen Hajdari dhe Merkoci.


SK TIRANA ka zberthyer brenda ne Loro Boriçi te Shkodres ekipin e Vllaznise. Tre golat e shenuar nga Altin Rraklli, Saimir Patushi dhe Pape Sene kane qene kunderpergjigjia e golit te te vetem te shenuar me penallti nga ana e brazilianit te Vllaznise Abilio. Tirana eshte finaliste e Kupes se Shqiprise, ndersa Vllaznia nuk mundi te shkoje me tej se gjysem finalja.


Me TY u linda, me TY u rrita, vetem TIRONA n'stadium bertita !!!

[BlueBaron]

Finalja e Kupes se Shqiprise.

11 Maj 2005 - SK Tirana - Teuta.

[Moltisanti]

Finalja e Kupes se Shqiprise.

11 Maj 2005 - SK Tirana - Teuta.

Ec aty te hongsha zemren ,s'mahena fare edhe pse ekipi nuk ka qene ne formen e tij me te mire ,aty ku duhet fitojme bindshem ,ndaj nje vllaznie te forte te fitosh 3--1 ne loro borici s'osht e lehte !!!

Gjithsesi urime cunave tirones

[BlueBaron]

Sporti Shqiptar.

Tirana e ka fituar edhe ndeshjen e dytë gjysmëfinale ndaj Vllanzisë dje dhe e sheh veten tashmë në finale të Kupës së Shqipërisë. Me fitoren 3-1 brenda në "Loro Boriçi", bardheblutë e Starovës kanë konfirmuar edhe një herë tjetër se janë jo më kot ata që bëjnë "ligjin" në futbollin shqiptar. Me këtë fitore, përveçse kanë siguruar finalen, bardheblutë kanë mbyllur edhe "gojët e liga" që prej dy javësh kanë "brumosur" njerëzit me idenë se rezultati i kësaj ndeshjeje ishte i trukuar në favor të Vllaznisë. Megjithatë, 90 minutat e djeshme kanë qenë një futboll i pastër, i cili ka nxjerrë fitues pikërisht më të mirët.

Ndeshja ka filluar me një tension te të dy ekipet. Kjo shihej qartë edhe në momentet e para të lojës, por shpejt rrjedha e lojës do të vërtetojë atë që nuk bëhej fjalë për kompromis. Miqtë, falë edhe rezultatit të ndeshjes së parë, ndryshe nga sa ishte deklaruar, do të luanin në këtë takim me një sulmues të mirëfilltë, Rrakllin, dhe me Mukën pas tij. Xhafa është në stol, i gatshëm për çdo moment që do t'i nevojitej Starovës. Nga ana tjetër, te Vllaznia i gëzohen faktit se më në fund Medja do t'i kishte të gatshëm të gjithë lojtarët. Dy-tre raste të krijuara shpejt të krijojnë përshtypjen se do të kemi një ndeshje me emocione. Agolli e Muka në dy momente për pak sa nuk kalojnë në avantazh ekipin e tyre, por kundërpërgjigjen menjëherë Sinani e Teli, që janë fare pranë thyerjes së Nallbanit. Loja fiton emocione dhe kjo vërteton edhe një herë se nuk bëhej fjalë për trukim të ndeshjes. Atëherë kur dukej se pjesa e parë do të mbyllej në barazim, vjen dhe goli i parë i takimit. Abilio është penguar në mënyrë të parregullt brenda zonës nga Patushi dhe gjyqtari Lulaj nuk ngurron të japë 11-metërsh. Vetë braziliani është i sigurt në ekzekutimin e tij dhe Vllaznia e sheh veten në fund të pjesës së parë në avantazh, që do të thoshte se tashmë gjithçka ishte vënë në baraspeshë.

E dyta shihej si një luftë e vërtetë sportive. Starova ndien rrezikun e eliminimit dhe vendos të guxojë. Largon nga fusha Agollin, që po luante mirë në pjesën e parë, dhe fut në vend të tij një sulmues, Xhafën. Devi Muka lirohet nga kjo lëvizje dhe fillon të marrë në dorë fatet e skuadrës së tij. Pikërisht një "galopim" i tillë në krahun e djathtë i kapitenit bardheblu ka nxjerrë të lirë në zonë Rrakllin, që edhe një herë tjetër "çon për vdekje" shkodranët. Një gol që ka sjellë një habi te vendësit, që ishin përgatitur për bërë një pjesë të dytë shumë të fortë. Megjithatë, vendësit reagojnë dhe Abilio në dy raste mund të kishte kaluar sërish në avantazh ekipin e tij. Por pa kaluar shumë minuta, janë miqtë që godasin sërish. Edhe një herë tjetër vendimtar është një kros nga e djathta e sulmit të Tiranës. Mbrojtja e Vllaznisë harron për të dytën herë se ka lojë edhe pas shpine, nga ku këtë herë i ndëshkoi Patushi. Ky gol ka mjaftuar që ndeshja të mbyllej. I treti me autor Papa Sene ka rikonfirmuar edhe një herë tjetër se kuqeblutë nuk dinë të vendosen në fushë.

Përfundimisht 3-1 për Tiranën, e cila ka vërtetuar kështu edhe një herë se mbetet numri 1 i futbollit shqiptar. Ndërsa Vllaznia, pasi ka humbur finalen, duhet të kapë tani "trenin" e fundit, që do ta çonte në Kupën Intertoto.


Thanë pas ndeshjes.

Agim Medja, trajner i Vllaznisë: "Sot kishim shpresuar shumë në një paraqitje ndryshe të ekipit ndaj Tiranës. Në dy ndeshjet e fundit me këtë skuadër kemi luajtur përgjithësisht mirë, prandaj mendonim se mund të bënim diçka për të siguruar finalen. Por tani është e kotë ta analizojmë pse humbëm. Kemi humbur mundësinë për të qenë në finale dhe për këtë jemi të dëshpëruar. Ç'ndodhi në pjesën e dytë? Sigurisht, përveç ndonjë dobësie në lojën tonë, ishte edhe merita e Tiranës, që arriti të dominojë në fushë edhe falë kualiteteve që ka. Në këtë eliminim tonin ndoshta ndikoi edhe gjithë ai presion i madh që u ushtrua ndaj këtij takimi. Nuk na mbetet gjë tjetër, veçse që Vllaznia të gjejë forca për të rritur lojën e saj pas këtij momenti të keq ku ndodhemi tani."

Sulejman Starova, trajner i Tiranës: "Arritëm një fitore minimale në ndeshjen e parë dhe, meqë ajo nuk na siguronte asgjë, na bëri ta vlerësojmë siç duhet ndeshjen e kthimit. Vllaznia luajti mirë në pjesën e parë dhe na vuri shumë në vështirësi. Por në pjesën e dytë bëmë një lëvizje taktike të detyruar, duke futur në fushë një tjetër sulmues dhe pas golit të Rrakllit përfituam falë edhe hapjes së Vllaznisë në prapavijë. Më vjen mirë edhe për faktin që me këtë fitore mbyllëm edhe ato fjalë që qarkulluan gjatë gjithë këtyre ditëve. Sa për Vllazninë më vjen keq që nuk arriti t'i kënaqë sot tifozët e saj, por i uroj të kapë "trenin" e fundit për në Europë, që është vendi i tretë në kampionat."


Të veçanta.

Ndeshja e djeshme nuk ka pasur ndonjë interesim kushedi se çfarë. Atë e kanë ndjekur jo më shumë se 4 mijë tifozë, të cilët gjithsesi kanë dalë të zhgënjyer nga "Loro Boriçi". Gjysma e tyre madje janë larguar që në momentin e shënimit të golit të dytë nga Patushi.
Ajo që ka rënë në sy gjatë takimit të djeshëm ka qenë mungesa e donatorëve të Tiranës në Shkodër. Asnjëri prej tyre nuk ka preferuar të udhëtojë drejt Veriut për të qenë në takimin e shumëpërfolur.
Reagimi i tifozëve shkodranë pas ndeshjes ka qenë shumë i ashpër. Ata e kanë kontestuar gjatë paraqitjen e skuadrës së tyre në këtë takim.
Takimi i djeshëm u duk sikur do të ishte vërtet model i "fair-play", por bukuria atij iu prish disi nga zënka e minutës së 70-të mes Gjokoviçit dhe Mukës. Ka mjaftuar një ndërhyrje e rëndë ndaj kapitenit bardheblu, që ky i fundit të reagojë keq, por gjithçka është zgjidhur shpejt dhe është shoqëruar me dy kartonë të verdhë për të dy protagonistët e kësaj zënke.


Me TY u linda, me TY u rrita, vetem TIRONA n'stadium bertita !!!

[EuroStar1]

Tirona je gjithmone ne zemra tona.na mungo vetem noi pjesmarrje ne fazen eliminatore ne champions league dhe jemi tamom.

[bayern]

Di na njoni si me gjet bluzen e Tirones?

[BlueBaron]

SK TIRANA - Partizani 4 - 0 (Agolli 23', Xhafa 49', Rraklli 65', Patushi 71')


SK TIRANA: Nallbani, Dabulla, E. Bulku, Tafaj, Sina, Patushi, Bakalli, A. Agolli, (Hajdari 46'), Muka, Rraklli, Xhafa, (Merkoçi 61'). Trajner: S. Starova

Partizani: E. Agolli, Gallo, Delain, Pinari, Peqini, (Metaj 26'), (Lila 76'), Doku, (Progri 69'), Bakaj, Allmuça, Hallaçi, Bylykbashi, Halili. Trajner: S. Mema



Në fakt, pritej një ndeshje derbi pa emocionet e dikurshme, së pari për vetë pozitat e dy skuadrave në renditje, por edhe për sa i përket kontigjentit të lojtarëve që ka secili prej 2 ekipeve më të sukseshme në aktivitetet kombëtare. Kështu, ajo që konsiderohet ndeshja më e madhe e tërë historisë së futbollit tonë, derbi Tirana-Partizani mbyllet me një fitore bindëse të kryesueses së kampionatit, 4-0, e cila pret prej disa javësh të kurorëzohet për të 22-ën herë. Ndoshta javën tjetër, në Durrës nuk do të presë më. Megjithatë, në "Qemal Stafa" u pa një ndeshje derbi për t'u harruar nga të kuqtë, që, siç dihet, këtë kampionat e kanë humbur edhe më tepër motivin e fitores, sidomes pas eliminimit nga kupa. Sidoqoftë, për diçka më shumë se pjesa e parë, djemtë e Memës u përpoqën ta ndalnin Tiranën, mbase në shenjë respekti për tifozët e tyre të zhgënjyer. Kësisoj, ndeshja nisi e barabartë dhe e fortë. Gjysma e parë e lojës krijoi përshtypjen se bardheblutë përballë një Partizani që mbartte jo pak elementë të rinj në përbërje, nuk do ta fitonte lehtë derbin. Një goditje e fortë dhe e saktë e A. Agollit dhe një pakujdesi e E. Agollit kaloi kryesuesit e kampionatit në epërsi gjatë fraksionit të parë të ndeshjes. Trajneri Starova, në 45-minutëshin e dytë bëri një ndryshim taktik. Në qendër të mbrojtjes u vendos Hajdari dhe E. Bulku kalon në rolin e tij të zakonshëm, në mesfushë, për t'i dhënë më shumë forcë sulmit. Dhe gjithça rezultoi efektive. Gjatë pjesës së dytë Partizani i nënshtrohet plotësisht "fuqisë" së kampionatit, pasi ndëshkohet edhe tri herë të tjera dhe largohet nga fusha me një humbje tjetër, tepër dëshpëruese për ata pak tifozë që ishin të pranishëm në shkallët e stadiumit. Megjithëse trajneri Mema u përpoq gjatë gjithë lojës të mbante të tijtë në linjë, diferencat në fushë ishin të dukshme. Duhet pranuar që rezultati u diktua në sajë të kualiteteve që ka fituesja e kurorës së 22-të (ende e pashpallur zyrtarisht). Që të tre golat e pjesës së dytë ishin të bukur, si ai i Xhafës, i Rrakllit, apo i fundit, që u shënua nga Patushi. Por ai i treti, që e shënoi Rraklli me kokë, duhet veçuar dhe marrë si model nga mënyra e ekzekutimit, ngaqë është parë ndoshta rrallë në fushat tona, dhe gjithashtu një gol i tillë nuk i shkon aspak për shtat një ndeshjeje derbi. Ishte i veçantë nga mënyra sesi topi nëpërmjet dy lojtarëve të vetëm, kaloi nga gjysmëfusha e Partizanit dhe përfundoi brenda pak sekondash në rrjetën e të kuqve, pas vetëm dy pasimeve të shpejta. Rraklli, në afërsi të mesfushës, nxjerr të lirë kapitenin Muka, që e përpunon mirë topin nga e djathta dhe kroson në zonë për sulmuesin, i cili ka ardhur shumë shpejt dhe kërcen duke goditur dhe shënuar me kokë. Bashkë me portierin e Partizanit, edhe 5 lojtarët e tjerë që mbronin dolën që të gjithë jashtë loje, falë klasit të këtyre dy futbollistëve. Pra, në përballjen e fundit zyrtare mes Tiranës e Partizanin "folën" kualitetet, duke lënë menjanë traditën dhe frymën që ka karakterizuar një ndeshje të tillë derbi.


Deklaruan.

Sulejman Starova, trajner i Tiranës: "Fituam një ndeshje të rëndësishme derbi, falë përkushtimit të lojtarëve në fushë. Jam i kënaqur më shumë me faktin që futbollistët i zbatuan detyrat taktike, çka na solli jo vetëm fitoren, por edhe lojën e mirë. Pavarësisht nga emrat, praktikisht lojtarët e Partizanit luajtën dhe nuk toleruan në fushë. Megjithatë, në vija të përgjithshme, ekipi ynë po vjen në ngritje gjatë ndeshjeve të fundit dhe kjo mendoj se është diçka tepër pozitive. Trajneri asnjëherë nuk mund të jetë i kënaqur, pasi një fjalë thotë se e mira nuk ka fund."

Sulejman Mema, trajner i Partizanit: nuk u prononcua.


Të veçanta ...
- Pritej një interesim i vogël i dy tifozerive dhe ashtu ndodhi. Ndërkohë, tifozët e Tiranës ishin më të shumtë në numër, për vetë pozitat e dy skuadrave në tabelë.
- Ishin të pranishëm në tribunën "VIP" donatorët e Tiranës, por mungonte presidenti i Partizanit.
- Një tifoz i huaj, i deklaruar i kampionatit tonë, ambasadori hungarez në Tiranë, kishte ardhur disa minuta para për të ndjekur derbin.
- Deputeti i PD-së, Bamir Topi, si gjithmonë, nuk i mungoi këtë herë derbit, duke bërë tifo për ekipin e tij të zemrës, Tiranën.
- Patushi, pas një gjesti antisportiv në fushë, u ndëshkua me karton të verdhë, por krijoi edhe shumë zhurmë në radhët e tifozerive.



Ashtu siç rrin yjet
yjet perreth hones
ashtu rrin tifozat
tifozat rreth TIRONES ...


Me TY u linda, me TY u rrita, vetem TIRONA n'stadium bertita !!!

[BlueBaron]

Tirana "firmos" titullin e 22-të.

Takimi midis Teutës së Durrësit dhe Tiranës ka dhuruar plot 8 gola, por mbi gjithça tjetër ka përcaktuar fituesen zyrtare të këtij edicioni. Tirana, kampionia në fuqi, është kurorëzuar dje në "Niko Dovana" për të 22-ën herë. Fitorja përballë Teutës e bëri kështu ekipin kryeqytetas "mbretëreshën" e kampionatit tonë, pasi diferenca me rivalët e saj historikë po thellohet gjithmonë e më shumë gjatë këtyre sezoneve. Rreth 1500 sportdashës nga të dyja skuadrat e kanë ndjekur takimin mes Teutës dhe Tiranës, shumë pak për një ndeshje tradicionale, pas së cilës është përcaktuar fituesja e një kampionati të gjatë.
Megjithatë, dje u pa një ndeshje me shume gola, por me pak histori. Bardheblutë e kanë zgjidhur që në 27 minutat e para takimin me dy golat e shënuar nga Merkoçi dhe Rraklli. Në fushën e lojës është parë një Tiranë e vendosur për ta fituar takimin përballë një Teute, së cilës i ka munguar shpirti i saj luftarak. Durrsakët realisht nuk pretendonin asgjë, çka i ka dhënë mundësi ekipit kryeqytetas të kontrollojë dhe të vendosë diktaktin e vet në fushë. Një 90-minutësh që foli vetëm më gjuhën e golave, si dhe shumë raste të tjera nga të dyja skuadrat. Pjesa e parë ka qenë më e bukur për sa u përket golave të shënuar, por edhe ritmi i saj ka qenë shumë i lartë. Ndërkohë, pjesa e dytë i ka ngjarë më shumë një ndeshje stërvitore. Gara është përqendruar më shumë mes Rrakllit dhe Daniel Xhafës, që synonin kreun e golashënuesve. Tre gola të Rrakllit dhe tre të Daniel Xhafës kanë qenë një tregues i kësaj lufte brenda ndeshjes, ku portierët kanë qenë dhe lojtarët më të dobët në fushën e lojës. 5 gola në pjesën e parë dhe 3 në pjesën e dytë ishin bukuria e kësaj ndeshjeje, e cila i ka sjellë titullin Tiranës. Për t'u veçuar është goli perfekt i Daniel Xhafës në minutën e 41-të, pas një goditjeje model për sa i përket ekzekutimit. Tirana ka fituar dhe ka siguruar titullin kampion, që e ka festuar me sportdashësit e saj në shkallët e stadiumit "Niko Dovana". Vështirë se kjo ndeshje mund të quhet test para finales së kupës, pasi realisht Teuta ruajti rezerva për finalen e kupës, në një kohë që edhe Tirana nuk luajti me "marshin" e 5-të në "Niko Dovana". Testi i vërtetë në mes të dy ekipeve do të jetë finalja e së mërkurës në Elbasan, ku durrsakët nuk do të kenë xhentilesën e takimit në Durrës, përballë një Tirane që do të synojë trofeun e dytë në sezon.


Muka: Tirana, thjesht më e mira.

"Tirana është ekipi më i mirë në Shqipëri." Kështu ka deklaruar për "Sportin shqiptar" kapiteni i Tiranës, Devi Muka, "truri" i skuadrës së sapokurorëzuar. Më tej, duke festuar me tifozerinë tiranase titullin e 22-të, Muka do të komentonte rreth fitores të bukur gjatë ditës së djeshme: "Ishim të vendosur që ta fitonim titullin përballë Teutës dhe ia arritëm qëllimit. Tirana tregoi në fushën e lojës vlerat e saj më të mira dhe e meritoi plotësisht fitoren në fushën e lojës."
Kurse për sa i përket sekretit të Tiranës, në triumfin e fundit që e siguroi përballë Teutës, kapiteni Muka thotë: "Dihet nga të gjithë se Tirana ka në gjirin e saj futbollistët më cilësorë në vend, pa harruar mbështetjen e fuqishme financiare. Duhet të falënderojmë tërë stafin drejtues për këtë sukses të madh që arritëm."
Ndërsa personalisht për suksesin e djeshëm në "Niko Dovana", fantazisti i Tiranës dhe njëkohësisht një ndër kontigjentët e ekipit të kombëtares sonë shprehet:
"Secili prej nesh synon të ketë sa më shumë trofe dhe unë nuk mund të mos e cilësoj një sukses personal këtë të fundit, sikurse është edhe një sukses i tërë ekipit. Me Tiranën ne fituam një titull, por suksese të tjera na presin më tej," - thotë lojtari kyç i formacionit të Tiranës.
Më tej, Muka thekson se, sido që të luante kundërshtari, Tirana synonte suksesin dhe për këtë ishte shumë e vendosur. Pra, sipas tij, ishte Tirana e fortë dhe jo Teuta në një ditë të keqe: "Mendoj se Teuta nuk qe e motivuar sa skuadra jonë, por nuk besoj se do të luajë më të njëjtin motiv edhe të mërkurën, në ndeshjen finale të kupës. Megjithatë, ju siguroj se Tirana, siç u paraqit në takimin e sotëm, e fortë dhe e denjë për të fituar trofe, ashtu do të jetë edhe në Elbasan. Kam besim të plotë se kupa do të jetë trofeu i radhës në koleksionin e klubit tonë. Objektivi ynë ka qenë dhe mbetet fitimi i të dy trofeve."
Ndërsa rikthehet edhe një herë te tema e kampionatit, "vlonjati fluturues" vlerëson konkurrencën që i ka bërë deri diku Elbasani: "Sigurisht që Elbasani është për t'u vlerësuar më shumë se çdo skuadër tjetër e këtij kampionati. Duke na konkurruar, i ka dhënë bukurinë e nevojshme skuadrës sonë. Kemi para edhe një ndeshje me Elbasanin, të cilën duhet ta fitojmë."
Në fund, lojtari i njohur i kampionatit shpjegon se lojtarët e shumtë dhe cilësorë të Tiranës ishin një tregues i qartë që në fillim të edicionit dhe ky sukses duhet konsideruar tejet normal: "Tirana ka pasur mbi 20 futbollistë cilësorë, gjë që nuk e kanë asnjë prej skuadrave të tjera. Tirana mbështetet financiarisht nga 4 donatorë seriozë dhe përbëhet nga një staf profesionistësh. Pra, sor korrëm gjithçka që kishim mbjellë," - përfundon Devi Muka, i cili në fund beson se skuadra e tij do të bëjë një përfaqësim pozitiv në Europë.


Merkoçi: Tirana mbetet përherë Tiranë.

Tirana mbetet e tillë gjithmonë, Tiranë". I këtij mendimi ishte autori i një dygolëshi në fitoren e fundit të kampionëve të sapokurorëzuar, Eldorado Merkoçi. Futbollisti që më së fundi ka siguruar një vend në formacionin bazë të Tiranës ka treguar vlerat e tij. Pasi ka fituar titullin kampion, Merkoçi do të komentonte të veçantat e këtij titulli dhe forcën e Tiranës, që dy ndeshje para përfundimit të kampionatit shpallet kampione: "Këtë duhet ta dinë të gjithë: Tirana ka një ekip që vështirë se mund ta diskutonte titullin në fillim të këtij sezoni, pavarësisht nga përpjekjet dinjitoze të Elbasanit që na rivalizoi deri në fund. Sigurisht, ishim ekipi më i mirë dhe që meritonim gjithçka.
Ndërsa për sa i përket faktit që ka qëndruar shumë gjatë në stol, Merkoçi thotë: "Tirana ka një ekip me 20 futbollistë cilësorë, ku është vështirë të zgjedhësh. Mendoj se me paraqitjen që kam bërë në këto ndeshje, kam dhënë kontributin tim, duke zënë vend në formacionin e Tiranës. Ndërsa për më tej lojtari nuk lë pa përmendur trofeun e së mërkurës: "Në radhë të parë, duhet të fitojmë kupën. Besoj se do ta fitojmë, pavarësisht se Teuta mund të luftojë më fort se sot. Ndërsa për kupat e Europës, mendoj se do të bëjmë diçka më shumë se gjatë sezoneve të fundit."
Për takimin e djeshëm, përballë Teutës, që në fund kurorëzoi bardheblutë, sulmuesi thekson: "E kontrolluam lojën nga fillimi në fund dhe nuk e vumë në asnjë moment në dyshim rezultatin dhe, sigurisht, as titullin, për të cilin luajtëm mirë dhe shënuam 5 gola."


Rraklli: Nuk patëm konkurrentë.

Një nga futbollistët që ka një meritë të veçantë në kurorëzimin e titullit kampion të Tiranës është pa dyshim sulmuesi i kombëtares sonë, Altin Rraklli, që i është rikthyer kampionatit shqiptar në fillim të këtij sezoni. Një tripletë në takimin e titullit përballë Teutës ishte "dhurata" më e bukur e këtij lojtari, i cili është vënë njëkohësisht në garën e golashënuesit më të mirë. Në një intervistë për "Sportin shqiptar", Rraklli do të komentonte emocionet e titullit kampion dhe synimet e tij si futbollist për sezonin tjetër:
- Si e komenton Rraklli fitimin e titullit 2 javë para përfundimit të kampionatit?
- Në radhë të parë, është meritë e Tiranës që me futbollistët në përbërje bën diferencën me të gjitha ekipet e tjera. Pra, falë mbështetjes së fortë financiare që ka kjo skuadër, unë mendoj se Tirana nuk ka konkurrentë dhe do të ishte më bukur sikur kampionati të kishte ekipe që ta konkurronin denjësisht atë.
- A ishte e lehtë fitorja e fundit në Durrës?
- Ishte një ndeshje e çuditshme, pasi arritëm ta fitonim lehtësisht, ndryshe nga ç'e kishim parashikuar.
- Ç'do të thotë për Rrakllin 3-golëshi i fundit?
- Nuk mendoj se është diçka e pazakontë për mua si lojtar.
- A mendoni se Tirana e dominoi plotësisht këtë kampionat?
- Sigurisht, pa asnjë dyshim. E kemi kryesuar kampionatin në vazhdimësi dhe asnjëherë nuk e kemi vënë në pikëpyetje titullin, që sapo e fituam nga ana matematikore.
- Parashikimi juaj për ndeshjen e kupës?
- Mendoj se do ta fitojmë edhe ndeshjen e kupës, pavarësisht se Teuta mund të paraqitet shumë më mirë se në takimin e sotëm.
- Destinacioni i Rrakllit në sezonin tjetër?
- Jam akoma në dilemë, por tani te Tirana ndihem mirë.
- Po për përfaqësimin e Tiranës në kupat e Europës?
- Eshtë herët për të folur për këtë.
- Sezonin e parë me Tiranën fitoni titullin kampiona. Ç'do të thotë kjo për ju si futbollist?
- Mendoj se është diçka e bukur për të gjithë lojtarët, për tifozët, por edhe për stafin e skuadrës.


Starova: Dinjitozë edhe në Europë.

Mendoj se kemi kurorëzuar me sukses një punë të lodhshme gjatë të gjithë sezonit. Të gjithë kanë kontribuar për titullin që fituam sot. Mendoj se, përveç meritës së stafit dhe të futbollistëve, ky triumf erdhi si rezultat i mbështetjes së fuqishme financiare të donatorëve. Tirana është një ekip që ka kualitete dhe frymë kolektive, të cilat na ndihmuam për të fituar titullin. Do ta respektojmë kampionatin deri në fund dhe do të vazhdojmë punën që kemi nisur për të fituar edhe trofeun e dytë, kupën. Mendoj se në finale nuk do të jetë Teuta që pamë sot, e cila ka arritur të bëjë atë që nuk bënë ekipe e tjera, të futet në zonën europiane. Prandaj parashikoj një ndeshje më të vështirë se kjo e sotmja. Për sa u përket synimeve tona në ballafaqimet europiane, mendoj se është herët për të folur, por mendoj se së bashku me stafin do të mendojmë në kohën e duhur. Nuk di nëse do të ketë përforcime të tjera apo jo, pasi kjo varet nga donatorët. Dëshira ime si trajner është që Tirana të bëjë diçka të mirë në kupat e Europës. Duhet të jemi realistë që ekipet, të cilat konkurrojnë në Ligën e Kampioneve apo në Kupën UEFA, janë profesioniste dhe tepër të forta. Nga ana jonë do të bëjmë të pamundurën për t'u paraqitur sa më mirë në Europë. Tani duhet t'i gëzohemi titullit kampion, pa harruar kupën."

[BlueBaron]

Kampionë! Përsëri!
Plot 22 herë!
Faleminderit çuna!


Ashtu siç rrin yjet
yjet perreth hones
ashtu rrin tifozat
tifozat rreth TIRONES ...


Me TY u linda, me TY u rrita, vetem TIRONA n'stadium bertita !!!

[miko]

Kampionët në fuqi do të përfitojnë një shumë të majme në rast se fitojnë edhe trofeun tjetër

Tirana, kupa vlen 2 milionë për kokë

Kampionët e kanë përqendruar tashmë tërë vëmendjen e tyre në Elbasan, pasi një fitore e mundshme përballë Teutës u jep atyre trofeun e dytë në Shqipëri. Mirëpo një shpërblim goxha i majmë u dedikohet atyre në rast se fitojnë finalen e kupës. Nga 2 milionë lekë për kokë do të përfitojnë bardheblutë në rast se mposhtin për herë të dytë ekipin e Teutës, pas fitores së fundit që siguruan pak ditë më parë me të njëjtën skuadër. Pra, për lojtarët, fitorja e kampionatit nuk pati ndonjë shpërblim ekstra, përveç shpërblimit të parashikuar në kontratë, siç ka ndodhur për çdo fitore tjetër të mëparshme. Donatorët kanë vendosur të shpërblejnë skuadrën në rast fitoreje në takimin e dytë, atë të kupës, që do të luhet pas dy ditësh në fushën e Elbasanit. Një nga donatorët konfirmon faktin që pas shpërndarjes së rrogave, shpërblimi për secilin futbollist do të jetë 2 milionë lekë për kokë. "Një gjë e tillë në fakt ka qenë parashikuar që kur u nënshkruan kontratat me futbollistët. Kështu, në rast se ekipi fiton kupën në Elbasan, secili lojtar do të marrë si shpërblim 2 milionë lekë. Si gjithmonë, gjatë këtij sezoni ne i kemi likuiduar një për një lojtarët, për çfarëdolloj shpërblimi që ka qenë parashikuar në kontratë. Ndaj edhe në rast se fitohet trofeu i kupës, shpërblimi është përcaktuar dhe do të jetë në dispozicion të skuadrës," - thotë Refik Halili, donatori i skuadrës kryesuese të kampionatit tonë.
Ndërsa vonesa e shlyerjes së pagave të fundit ka qenë pjesë e strategjisë dhe e politikave të Tiranës. Këtë e konfirmon vetë Halili, i cili thotë: "Likuidimet janë bërë një ditë para ndeshjes së rëndësishme me Teutën, sepse fitorja na siguronte titullin kampion, ashtu sikurse u vërtetua më vonë."


Marrë nga www.sportishqiptar.com.al


Urime çuna për titullin Kampion...

Tirana është ekipi më i madh në Shqipëri dhe ky është një fakt i pakundërshtueshëm.Keni arritur të keni mentalitet fituesi dhe bravo ju qoftë.Edhe pse sivjet ne ishin ekip më i mirë (për mendimin tim) mentaliteti dhe përvoja e ekipit tuaj treguan se jo më kot jeni 22 herë kampionë.

Shpresoj vitin tjetër të kënaqeni me vendin e dytë...

Deri atëhere do jem i lumtur të ikni akoma dhe një herë me kokën poshtë nga Ruzhdi Bizhuta.

Gjithë të mirat