Tifozat e Super Kampiones TIRONA <3>

[OO7]

urime Pra Teuta 1-0 Llacifacet (ju Tirona)

[Bledari]

Skutho me vjen keq por kesaj rralle u mundet perseri nga Durresaket hajt po he se do keni rast her tjeter (nese keni fuqi :P)

[Qerim]

Une mendoj se tirana nuk eshte e interesuar per te dale kampione. Qellimi kryesor i sponsoreve dhe i stafit drejtues eshte te afirmohen ne Evrope. Ata e dine se ne Champions Liege nuk kane shance. Prandaj tirana do mundohet te hyje ne grupet uefa.

[BlueBaron]

Donatorët i tërheqin veshin Menekinit ...


Tirana e "epokës" së trajnerëve italianë nuk po funksionon ashtu siç ishte parashikuar më parë. Dje, donatorët, të indinjuar nga humbja e pësuar në Durrës, kanë bërë një analizë për mbarëvajtjen e deritanishme të skuadrës së tyre, duke i kërkuar llogari për humbjen e pësuar stafit drejtues të skuadrës. Tirana, pas disa rezultateve jo fort të kënaqshme, apo edhe lojërave të dobëta që e kanë karakterizuar në këtë fillim sezoni, regjistroi javën e fundit të papriturën më të madhe, duke humbur ndeshjen me Teutën. Madje as sulmi nuk ka funksionuar fare.

Trajneri i Tiranës, Leonardo Menekini, në deklaratën e tij pas ndeshjes kontestoi golin e vendësve dhe foli me superlativa për disa minuta të mira të skuadrës së tij. Sidoqoftë, me gjithë optimizmin që është shprehur për të ardhmen, ecuria e deritanishme e kampionëve nuk lë shumë vend për atë që kërkon tifozeria bardheblu dhe që donatorët kanë investuar gjatë këtij sezoni. "Sigurisht, jemi të pakënaqur nga ecuria e deritanishme, si për lojërat, ashtu edhe për rezultatet. Kështu që menduam të diskutonim për problemin në fjalë me stafin drejtues të trajnerëve, pas humbjes së fundit në Durrës," - u shpreh donatori i bardhebluve, Agron Papuli.

Starti i fazës së parë jo vetëm që s'është aspak premtues, por tifozët bardheblu duhet të shfletojnë historinë për ta parë se në cilin sezon Tirana ka fituar me kaq vështirësi një apo 2 ndeshje në 6 javë. Për këtë arsye, donatorët, duke parë pozicionin e papëlqueshëm në tabelë dhe njëkohësisht duke parë ndeshjet aspak spektakolare, kanë arsye pse të mërziten. Tirana e tyre nuk ka asgjë të përbashkët me atë ecuri që të gjithë kishin bluar në mendje në këto javë të para, kur dihen se në skuadrën kampione mbizotërojnë emra të mëdhenj në krahasim me ekipet e tjera rivale. Pikërisht, në mbledhje ata i kanë kërkuar më konkretisht se cilat janë arsyet e ecurisë stafit italian që drejton Tiranën.

Mësohet se gjatë analizës së djeshme trajneri Menekini ka kërkuar më shumë kohë dhe gjithashtu lojtarë të tjerë, duke argumentuar se nuk mund të bënte lëvizjet e duhura gjatë lojës, sepse stoli është shumë i varfër dhe se puna po vazhdon për konsolidimin e grupit. Para se trajneri të largohej drejt Italisë, është përcaktuar mes palëve një analizë e dytë, në një nga ditët e fundit të javës. Sigurisht, më e gjatë dhe më e hollësishme, ku do të jenë të pranishëm të gjithë drejtuesit, sepse dje mungonin drejtuesit e klubit, Muça e Starova, të cilët ndodhen në Rumani për të gjetur lojtarë të tjerë. "E kemi lënë që të gjithë së bashku të diskutojmë sërish, pasi italianët do të qëndrojnë pak ditë dhe do të kthehen në mesjavë. Do të presim të kthehet edhe Starova nga Rumania dhe të shohim se çfarë lojtarësh ka parë dhe që do të propozohen, me qëllim që ekipi të pasurohet edhe më shumë me elementë të tjerë. Gjatë ditëve të para të javës nuk do të diskutojmë më për ndonjë gjë të re," - thekson ndër të tjera donatori Papuli, pas mbledhjes së djeshme.

Ndërkaq, nisur nga ndeshjet dhe rezultatat e dobëta të Tiranës nën drejtimin e trajnerëve italianë po flitet gjithnjë e më shumë për një rikthim të mundshëm të Starovës në krye të skuadrës. Një sezon më parë, gjatë fazës së parë, Tirana regjistroi të vetmen humbje në Elbasan. Këtë fazë, kampionët i kanë të gjitha gjasat të shkojnë e të përballen me kryesuesen e momentit me një diferencë prej 5 pikësh. Nëse trajneri i bardhebluve, Leonardo Menekini, do të jetë dhe do të drejtojë me sukses Tiranën në përballjen e radhës kundër Lushnjës, ndeshja direkte me Elbasanin konsiderohet "basti" i tij i fundit. Ajo ndeshje mendohet se do të vendosë përfundimisht fatin e Leonardo Menekinit në krye të Tiranës.

[BlueBaron]

Mendim Tifozi ...

Donatoret moren nje ekip me 3 veta per cdo post, dhe e kane katandis ekipin ne nji gjysmagjel. Tirona ishte e padiskutueshme dhe te tjeret shume me poshte. Tirona largoi lojtaret dhe ra shume poshte, te tjeret u forcun. Shikoni vetem sulmin. Salihi sado i talentume dhe me prespektive, nuk esht tipi i sulmuesit agresiv(Ag.Kola), te fuqishem(A. Minga), ose tip Tit Dibra. Me nje fjale, te pakten per tani nuk e mban dot at peshe. Alternativa tjeter esht Rraklli, edhe ky mjaft i madh. Kishe lezet me pa ato zezaket e Beses (sidomos Fortunat). Besa i gjeka kto lojtare, kto pasaniket tone(qe jon 4) nuk po gjekan dot dhe na cokan delegacion ne Rumani me tre veta (kryetari i delegacionit, sekretari i partise ...jo, jo, i klubit, keshilltari). Qofsha gabim, por kampionati i vjetshem ishte si inerci e superekipit (per Shqiperi - kuptohemi) dhe qe sa e kane mare ne dore "Dhuruesit"-Cim Muca - Ramam, ekipi po dobsohet dita dites nga kualitetet, por dhe ata qe jane nuk po japin ate qe munden. Zoti e bofte mire, se besimi im tek "Dhuruesit" jo vetem qe esht lekund, por po tretet dita-dites ...

[BlueBaron]

SK TIRONA - PARTIZANI 7 : 3


Sezoni 1985/86. Tirona sapo kishte fitu kampjonatin dhee lunte si kampjone ne fuqi. Ndeshjen e hapjes barazum 0-0 me Lezhen ne Tirone. Por pastaj erdhi shperthimi me gola ne cdo neshje. Ne Kuçove i futem 5, Fierit i futem 6, pastaj erdhi rradha morrit qe hongri 7.

Stadiumi ishte mbush plot, dhe 20-ja, dhe 10-ja. Ndersa 10-shja krahu majt ishte komplet bosh, thonin se kishin bo nji sherr aty dhe e kishin mbyll. Tribuna plot fare.

Pjesa pare 1-1. Pastaj 2-1, 3-1, 3-2, 4-2, 5-2, 5-3, 7-3.

Goli spektakolar i Cim Muçes, mur me mbrojtsit e Partizanit. Ishte mes tre mrbojtsave dhe ja perplasi topin te kembet nje mbrojtsi dhe e nxorri topin perball me Perlatin dhe e palosi pastaj.

Tit Ramadoni mbasi i mori para nja 2-3 mbrojtsa boni nji gol te modh, po ashtu bone dhe Beni me Agustinin.

Kur ishte neshja 5-3 Neptun Bajko hoqi Perlat Musten, per t'ja hudh gjoja fajin atij. Duke dale nga fusha Perlati i bertiti Benit : ''Beno futini 10''. Dhe Beni nuk ja prishi, dhe portierit te ri i futen nja 2 gola per ato pak minuta qe kishin ngel.

Tifozat e morrit i rrejti mendja se benin ndonje gol, po ne i futnim nja 2 mrapa. Kur Tirona ishte ne avantazh 3-1 per çdo gol te morrit nuk bertiste asnjeri sikur ta dinin se mrapa i prisnin te tjerat e Tirones. Ndersa kur shenonte Tirona vinte Agustin Kola dhe Tit Ramadoni afer 20-es dhe bertisnin me sa kishin ne koken GOOOOOOOOOOOOOOOOOOOOOOLLLLL!
Ne ekzaltoheshim ne maksimum biles ate dite sikur nuk ngopeshim duke pa gola kunder morrit te kuq, aq na shijonte ajo fitore.

Tifozat e morrit u largun para mbarimit te neshjes dhe Ne te gjithe therritnim ne kor: ''Iku, iku treni'' se ishin te gjithe katunare. Tifozat e Tirones ato dite i njifje kollaj se ishin te gjithe me ze te ngjirur.

Tifozat e morrit qene mpref keq, se ishte fillim kampionati dhe si çdo vit kishin forcuar ekipin me ca katunare dhe i rrente mendja qe do mundnin Tironen, qe kishte dal kampione nje vit me pare.

Gezimi jone ate dite, ka qene me i modh se me pas bo sex me ndonje top modele. ''Kur rrifshim morrin na u dukte sikur rrifshim diktaturen'' ka thon nji tifoz i Tirones. Per ne qe e kemi pa ate neshje ne stadium ajo atmosfere dhe ai gezim do ngelet i paharrueshem.

O KY Partizoni
O nis per KASHAR
O se 7 me 3
Ja vum orar ZYRTAR.


Tirona e asaj ndeshje: Durim Mersini, Millan Baci, Tur Lekbello, Ner Hodja, Bedri Omuri, Mirel Josa, Cim Muca, Sul Mema, Ben Minga, Agustin Kola, Tit Ramadoni. Trajner: Profesor Ver Shehu.

[BlueBaron]

Foto nga humbja 1 me 0 ne Durres ...

[BlueBaron]

... vazhdim ...

[BlueBaron]

Kampionët, 2 javë kohë për të reflektuar ...

Edhe ata që cilësohen në të vërtetë "galaktikë", futbollistët e Realit të Madridit, momentalisht janë kthyer me këmbë në tokë, pas disa rezultateve të dobëta si në "Champions", ashtu edhe në kampionatin spanjoll. E njëjta situatë te bardheblutë, nëse krahasohen elementët përbërës të këtij ekipi me ato të ekipeve të tjera të kampionatit tonë. Pas eliminimit në "Champions", bardheblutë u futën si pretendentë nr.1 në kampionat, por kanë kaluar 6 javë dhe diferenca e tyre me Elbasanin është jo pak, por 5 pikë. Kampionati është ndërprerë këtë javë, për shkak të ndeshjeve të kombëtares sonë. Për javën e 7-të, që do të luhet më 15 tetor, Tirana duhet të presë një kundërshtar me pretendime për të mbijetuar, siç është Lushnja. Humbja e fundit në Durrës ka sjellë përgjithësisht njëfarë heshtjeje në kampin bardheblu. Megjithatë, nga mendimet dhe deklaratat e tyre, kampionët kuptohet se mendojnë veçse për kreun e nuk po bëjnë llogaritë për të fituar një takim të radhës, siç është ai i së shtunës së ardhshme kundër "lagunarëve". Kështu, nga ana e futbollistëve, kjo kohë konsiderohet e përshtatshme për të reflektuar, pas një starti jo të pëlqyeshëm të tyre në 6 javët e para të edicionit.

Mesfushori i Tiranës, Egert Bakalli, mendon se për këto ditë pushimi dhe më tej, deri kur të fillojë kampionati, është e mjaftueshme koha për të bërë ndryshimet e duhura. "Jemi në një periudhë pushimi, mirëpo fakti që Tirana nuk po e kryeson kampionatin na shqetëson disi, aq më tepër që e humbëm edhe ndeshjen e fundit në Durrës. Si për humbjen dhe për gjithë ecurinë e këtyre ndeshjeve, ekipi ynë ka kohë që të përmirësohet, duke parë elementët dhe kushtet përkundrejt rivalëve," - thekson mesfushori i Tiranës.

Të mërkurën pasdite do të fillojë stërvitja, kurse deri të shtunën e ardhshme Bakalli thotë se Tirana do të bëjë të gjitha përpjekjet që bardheblutë të dalin para publikut me një mentalitet tjetër, si në lojë, ashtu edhe në rezultat. "Sigurisht, në analizat e fundit është evidentuar më shumë fakti se ka vend për një lojë më të mirë dhe dihet se tifozët tanë e presin me padurim këtë nga ekipi. Por së pari duhet të arrijmë rezultatet dhe të vihemi në krye. Ndeshja e Durrësit ka përfunduar dhe duhet lënë pas, ashtu sikurse të gjitha takimet e tjera. Të shohim përpara, për ndeshjet e mbetura të fazës së parë, që të arrijmë maksimumin në të gjitha drejtimet e mundshme. E thashë se Tirana i ka mundësitë dhe se tani është koha më e mirë për të menduar dhe shmangur gabimet që kemi bërë, sepse është ky është vetëm fillimi," - shprehet mesfushori i kryeqytetasve, Bakalli, i aktivizuar në pjesën e dytë të ndeshjes Teuta-Tirana, ku u regjistrua edhe humbja e parë.

Sidoqoftë, kampionët prapësëprapë shprehen optimistë për të mbrojtur kurorën. Ata e kanë fituar 3 sezonet e fundit titullin kampion dhe janë mësuar me sukseset, por ky start nuk është parë në asnjë nga vitet e fundit.



Dabulla: Po i bien kot në qafë Tiranës ...

Tirana nuk kryeson dhe nuk ka arritur asgjë mbresëlënëse, përveç një fillimi të keq të këtij kampionati. Kjo shihet në përgjithësi nga loja jo e mirë e bardhebluve në 6 javët e para, e më kryesorja nga rezultatet e arritura, si dhe distanca prej 5 pikësh me vendin e parë. Por ama protagonistët mendojnë se po manipulohet jo pak me Tiranën, e në të shumtën e rasteve nga ata që nuk e duan ekipin kampion janë ngrituar akuza të pabazuara. Mbrojtësi i kryeqytetasve, Rezart Dabulla, ka arritur në këtë konkluzion, teksa pas humbjes së fundit komenton: "Jemi të ndërgjegjshëm dhe e dimë shumë mirë se vërtet nuk kemi ecur ashtu si duhet, por ama dimë gjithashtu se shumë të tjerë nuk ia duan të mirën ekipit tonë. Prandaj ndonjëherë, pa të drejtë, kritikat janë shumë të larta kundrejt nesh dhe se përflitet për gjoja krizë, që në fakt nuk ekziston," - shprehet mbrojtësi i skuadrës kampione në fuqi. E megjithatë, Dabulla pranon dhe thotë se nuk ka asnjë justifikim për këtë Tiranë, që humbet në Durrës përballë Teutës dhe nuk bën startin e duhur në kampionat. Duke qenë se është ende faza e parë, futbollisti shprehet optimist se koha do të tregojë realitetin se kush është në të vërtetë kjo Tiranë, "e sulmuar" ashpër dhe pa të drejtë. Sipas tij, mund të gabosh në disa ndeshje, por një skuadër duhet analizuar në përgjithësi, nëse i arrin apo jo objektivat. "Gjithsesi, them se ne luajtëm mirë me Teutën. Deri kur pësuam golin, kishim mjaft epërsi ndaj kundërshtarit. Edhe më pas e kontrolluam lojën. Gjatë lojës sulmi nuk ishte shumë efikas, gjë që ndodh në një ndeshje, sikurse mbrojtja mund të gabojë në një tjetër. Ndeshja fitohet kur i tërë ekipi luan mirë dhe e kundërta ndodh kur ekipi humbet. Edhe po t'i marrim ndeshjet në përgjithësi që nga java e parë, sërish jemi dakord se nuk kemi qenë aty ku pretendojmë. Nuk është as faji i mbrojtjes, as i sulmit, por thjesht të gjithë së bashku nuk kemi dhënë dhe për pasojë s'e kemi marrë maksimumin tonë. Nga kjo logjikë duhet të përmirësohemi dhe të ndryshojmë," - thekson lojtari i Tiranës.
Ndërkohë, e ardhmja premtohet se do të jetë krejt tjetër. Mbrojtësi i krahut të djathtë e sheh me optimizëm dhe thotë se fytyra e vërtetë e Tiranës do të funksionojë shumë shpejt, që nga kjo javë. "Pse nuk presin edhe pak ata që po e kritikojnë kaq shumë Tiranën? Ne jemi një grup që garantojmë rikthim të shpejtë në krye të tabelës, por edhe në ndeshje të bukura. Eshtë fillimi dhe s'duhet të shqetësohemi aq sa po përflitet këto kohët e fundit." Për të argumentuar më tej idenë e tij se Tirana do t'i rikthehet bindshëm lojës së mirë, bashkë me fitoret e njëpasnjëshme, Dabulla përmend marrëdhëniet e shkëlqyera mes grupit dhe trajnerëve. "Kemi marrëdhënie mjaft të mira qoftë si grup, qoftë edhe si lojtarë-trajnerë. Këta të fundit kanë punuar shumë dhe po e bëjnë një gjë të tillë, edhe pse fillimi nuk është aq i këndshëm. Ne thjesht garantojmë ecuri të mirë, jo fillim të mirë, sepse një fillim i tillë pa ecurinë e mbarë nuk do të na vlente aspak deri në fund. Këtë Tirana e di më mirë nga të gjithë rivalët, edhe sikur të mos drejtoheshim nga ky staf i kualifikuar, mirëpo me punën dhe përkushtimin e të gjithëve do të rikthehet ekipi i vërtetë," - shton Dabulla. Pauza e kampionatit shihet mjaft pozitive nga kampionët. "Na ndihmon shumë për të ndryshuar dhe, më kryesorja, për t'u kthyer në rrugën që na ka karakterizuar gjithmonë," - përfundon lojtari i formacionit bazë të Tiranës, Rezart Dabulla.

[BlueBaron]

... Tirona e vitit te kaluar ishte GALAKTIKE. Tirona e ketij viti eshte cop - cop. El Sayed ishte GALAKTIK, Donatoret dhe Eda Rama jane LEGENA. Po e çojne TIRONEN ne nivelet e Morrit te Kuq dhe Miut Blu. TIRONA eshte Super Klub, Rama & Donatoret po e kthejne ne klub inferior ...

... Komuniste te kuq dhe Ed Hajdut Rama, hiqni duart nga TIRONA ...


TIRONA ZEMRA IME