Tifozat e Super Kampiones TIRONA <3>

[miko]

Urime dhe prej meje Tiranes !!!

Kampionia e Shqiperise beri nje ndeshje te bukur dhe mori nje kalifikim te merituar.CSKA eshte nje ekipi i forte por gjithsesi ju uroj suksese te metejshme.

Gjithe te mirat

[ArberXYZ]

Ndonese jam tifoz i Partizonit urime Tirones!!!!

Bravo çuna, bejme tifoz per ju si te ishte kombetarja!!!

Edhe une jam me Vllaznine, po ne te tilla ndeshja bej tifo si per Kombetaren.

[Gerdi]

TIRONA TIRONA TI JE ZEMRA JOOOOOOOOONE TI PER NE , TI PER NE je gjithmone kampion hejjjjj !

ju pershendes te gjitheve me kengen e pajtim struges - tirona kampion

[Moltisanti]

Forca Bardh E Blut ,ma Knoqen Shpirtin Mrom Kur Kom Mor Vesh Rezultatin 3--0 ,nuk Kishte Gzim Me T'modh !!!

Hallall Gjithe Cunat ,tashi Te Menojme Vetem Per Bullgaret ,s'do Te Thote Qe Kalum 1 Tur Edhe Te Harrojme Cska E Sofies ,biles Ksaj Rradhe Kena Short Shume Te Favorshem ,nji Ekip Qe Pak A Shume Eshte I Te Njejtit Nivel Me Tironen !!

Shpresojme Per Nji Fitore 2-0 Te Merkuren Ne Qemal Stafa ??

[inter_forever]

I dha Klani golat dhe festen ne fund te ndeshjes ....

Ahmataj paska qene vendimtar ...Golin e pare komplet merite e tij kur shpertheu ne zone...edhe goli dyte kros i tij ishte...
Pastaj portieri Hidi i pakalushem ...
Shto edhe fatin qe ka qene me Tiranen ne kete ndeshje...

Pashe qe ishte nderprere loja ...se cfare ishte hedhur ne fushe ...
Dini gje ka ndonje ankese nga sllovenet ...se mos na bejne ndonje surprize kelyshat , se UEFA me ne e ka doren e ''bute'' ...

Nesje...

hallall per gezimin qe na dhane.....

[BlueBaron]

Tirana ne turin e dyte te Liges se Kampioneve ...


Tirana shkon në turin e dytë të Ligës së Kampionëve, falë një 8 minutëshi të artë në fundin e pjesës së parë të ndeshjes së kthimit përballë Nova Goricës. Brenda këtij afati të shkurtër kohor u shënuan të tre golat e kualifikimit. Një skuadër që tregoi karakter në fushë deri në sekondën e fundit, pasi ajo fitore dhe ai kualifikim nuk ishin krejt të rastësishëm. Mjafton të kujtohen deklaratat e protagonistëve dhe drejtuesve bardheblu, para ndeshjes. Gjatë tërë ditëve të javës së kaluar u fol vetëm për besim dhe optimizëm se rezultati do të përmbysej dhe se loja e zhvilluar në Nova Gorica do të harrohej një herë e përgjithmonë. "Ne kishim pak fat, por synimi ynë ishte të dilnim te goli dhe t'i ruheshim kundërshtarit që do të sulmonte me kundërsulm. Nisur nga loja ishim ne në fakt që shënuam me anë të kundërsulmit, megjithatë duhet të gëzohemi me këtë sukses dhe të ndreqim të metat para se të luajmë ndeshjen e turit të dytë," - u shpreh Starova. Përveç trajnerit Starova që përjetoi për herë të parë emocionet e këtij kualifikimi, donatorët që ishin po ashtu të gjithë të emocionuar, Rrakllit që festoi ditëlindjen në një mbrëmje magjike, në fushë gëzuan edhe 4 protagonistë të tjerë:

Salihi: Duhet ta përsërisim këtë sukses ...
Hamdi Salihi është prezantuar para tifozëve bardheblu, duke luajtur një ndeshje të madhe. Ai e ka bërë mjaft mirë detyrën dhe me golin e tretë i ka siguruar kualifikimin ekipit tonë kryeqytetas. Kësisoj, "pengu" i ndeshjes së parë ka marrë përgjigjen e duhur gjatë mbrëmjes së mërkurë, kur kampionët e vendit arritën të thyenin sllovenët, në një natë të paharrueshme për ta. "Jam ende i emocionuar, sepse ne arritëm një rezultat të paimagjinueshëm që në pjesën e parë. E kisha menduar dhe besuar kalimin e turit, por tre gola për pak minuta, as që e kisha çuar ndër mend. Nuk e përmbajta veten kur shënova para publikut golin e kualifikimit. Ishte goli im i parë dhe shpresoj të pasohet me shumë të tjerë, pasi detyra ime është vetëm të shënoj. E kam thënë se Tirana është skuadra më e mirë në Shqipëri dhe jo më kot preferova të luaj me të. Eshtë luks të luash përkrah sulmuesve si Rraklli, Muka dhe Merkoçi. Jam vetëm 21 vjeç dhe kam akoma për të mësuar. Tani po mendojmë të përsërisim suksesin në turin e dytë për të vazhduar rrugën që kemi nisur," - thekson sulmuesi i talentuar Hamdi Salihi, që shënoi në paraqitjen e tij të parë në "Qemal Stafa" me fanellën bardheblu.

Pisha: Mos u çudisni, sepse kjo është Tirana ...
Arian Pisha zhvilloi ndeshjen e tij të dytë zyrtare me Tiranën dhe të parën para publikut bardheblu. Ish-kapiteni i Dinamos ishte heroi i mbrojtjes gjatë fitores së pastër me rezultatin 3-0, përballë Nova Goricës. "Të them të drejtën kisha besim te vetja dhe nuk u befasova fare për rezultatin që arritëm në fund. Isha më shumë i befasuar në fillim nga ai numër i madh tifozësh që kishin ardhur për të na përkrahur dhe që për ne ishin lojtari i 12 në fushë. Dua t'ua dedikoj atyre suksesin e parë me Tiranën. Do të më mbetet për shumë kohë në memorien time, si një paraqitje e jashtëzakonshme, e cila përfundoi si më bukur," - shpjegon Pisha. Mbrojtësi elbasanas për paraqitjen e tij me fanellën bardheblu dhe për skuadrën që do të luajë vetëm pas pak ditësh shprehet: "Për vete jam përpjekur të bëj detyrën, ndërsa Tirana mbetet skuadra e vetme që mund ta përfaqësojë Shqipërinë në Europë dhe këtë e them jo pse kam kaluar këtu, por sepse prej shumë sezonesh po paraqet një futboll mjaft cilësor dhe me premisa të mëdha."

Ahamataj: Ky sukses, i veçantë për të gjithë ...
Edhe mesfushori i krahut të djathtë, Julian Ahamtaj, ishte një ndër më të mirët në fushë për kampionët tanë. Ish-kapiteni i Elbasanit gjatë sezonit të shkuar, shënoi golin e dytë të ndeshjes, kontriboi te i pari dhe përjetoi me kënaqësi kualifikimin e madh me fanellën bardheblu. "Para ndeshjes e pata deklaruar se Tirana nuk do ta përsëriste më atë që bëri në Nova Gorica. Çdo ekip mund të luajë një ndeshje të dobët, por ekipe si Tirana dinë të luajnë dhe të fitojnë në momente të rëndësishme, atëherë kur publiku e kërkon me çdo kusht një gjë të tillë. Goli ishte pjesë e tërë skuadrës që luajti për atë qëllim dhe unë jam bashkë me ta në këtë sukses, që të mos harrojmë, e arritëm bashkë me tifozët tanë të mrekullueshëm. Ata na dhanë më shumë zemër dhe ne besoj se u'a shpërblyem besimin, por nuk mendoj se championsi ka përfunduar me kaq, sepse po mendojmë ta përsërisim këtë sukses edhe përballë CSKA-së së Sofies," - përfundon Ahmtaj.

Bakalli: Ndeshja më emocionuese e karrierës ...
Egert Bakalli ka ardhur gjatë gjysmës së dytë të sezonit, por dje përjetoi kualifikimin e tij të parë me fanellën bardheblu. Në ndeshjen e kthimit ai luajti disa minuta në pjesën e dytë, mëse të mjaftueshme për të gëzuar bashkë me kolektivin. "Ky ishte suksesi im i dytë në Ligën e Kmapoionëve, sepse kam arritur të kaloj një tur edhe me Dinamon. Por emocionet e këtij kualifikimi ishin shumë më të mëdha, madje në tërë karrierën time. Për vetë forcën e kundërshtarit dhe ecurinë e dy ndeshjeve të këtij turi, kalimi u bë shumë më i bukur dhe interesant. Mendoj se Tirana ka mundësi për të bërë akoma në Europë."

[BlueBaron]

Shampanjë dhe birra në festën e madhe bardheblu ...


Kjo është një nga ato ngjarje që ndodhin 1 herë në 6 mijë vjet", ka thënë në ekstazë e sipër një nga lojtarët bardheblu, menjëherë sapo drama e së mërkurës në mbrëmje kishte përfunduar. Tirana ktheu rezultatin e ndeshjes së parë (0-2) me tre gola të shkëlqyer dhe tani e sheh veten në turin e dytë të Ligës së Kampioneve.

Shampanja ...
Lojtarët kanë dalë të mërkurën në mbrëmje nga dhomat e zhveshjes dhe nuk ishte fare e vështirë të dalloje që ishin padyshim të gjithë të lagur në shampanjë. Në dhomat e zhveshjes ka qenë një festë e vërtetë. Lojtarë, trajnerë, drejtues klubi dhe donatorë kanë festuar duke kënduar në kor këngët e "Tironës" dhe në të njëjtën kohë kanë konsumuar sasi të mëdha shampanje dhe birrash. Asgjë nuk ishte kundër rregullave, në fund të fundit pas asaj përmbysjeje historike lejohej gjithçka.

Papuli ...
Një nga donatorët e Tiranës, Agron Papuli, ka qenë padyshim një nga njerëzit që është kthyer në personazh pas ndeshjes. Është parë me këmishë deri në minutat e fundit dhe kur ka dalë nga stadiumi ka pasur në trup një T-Shirt me shenjën e "Wolksvagen". Sipas tij, shampanja dhe birra nuk e kanë lejuar që të mbante këmishën në trup.

Dabulla ...
Me të mbaruar 90 minutat, lojtarët janë sulur tek Dabulla dhe e kanë falenderuar për golin dhe për lojën e shkëlqyer që zhvilloi. Lojtari, pasi ka parë rreth e rrotull,: "Ok, faleminderit për komplimentet, por tani duam të shohim para, shumë para". Të gjithë kanë qeshur pas batutës së mbrojtësit bardheblu.

Festa ...
Rreth 60 minuta pas ndeshjes i gjithë stafi bardheblu, gazetarë dhe tifozë VIP kanë qenë të ftuar në një "party" që ka organizuar Altin Rraklli, sulmuesi bardheblu që shënoi golin e parë në ndeshjen e së mërkurës. Lojtarë, të afërm dhe donatorët kanë festuar deri në orët e para të mëngjesit dhe megjithëse kanë konsumuar litra të tëra alkooli askush nuk ka gjykuar askënd.

Pisha ...
Rreth orës 24.00 afrikanët e Dinamos, Kone dhe Fall, kanë marrë në telefon ish-shokun e tyre të skuadrës, Pisha, i cili më pas ka treguar në konfidencë se çfarë i kishin thënë afrikanët Blu: "Më thanë në telefon që kurrë më parë nuk kisha luajtur kështu. Madje, më qortuan me humor se një prezantim të tillë nuk e kisha bërë asnjëherë me fanelën e Dinamos".

Starova ...
Më së fundi është parë i lehtësuar. Si një njeri të cilit i pëlqejnë shumë sfidat, Starova e ka përjetuar me shumë intensitet ndeshjen e kthimit kundër skuadrës së Nova Goricës. Gjatë gjithë kohës është parë që të bërtiste në drejtim të fushës, madje në ndonjë rast edhe e ka tepruar dhe ka marrë këshillimin e gjyqtarit të katërt dhe atij kryesor. Mentaliteti fitues nuk e ka lënë në baltë: "Ju thashë që përpara ndeshjes, që doja pak fat, shumë pak, dhe ai ishte me ne".

Premio ...
Premio për lojtarët e Tiranës është rritur me 1 milionë lekë të tjera. Çdo futbollist që ka qenë të mërkurën në fushën e lojës do të përfitojë nga donatorët 3 milionë lekë të vjetra për arritjen e madhe që kanë bërë në këtë ndeshje. Lojtarët u dukën edhe më të gëzuar pas një lajmi të tillë.

Stërvitja ...
Dje në 12.00 Starova ka grumbulluar skuadrën për një shkrydhje të lehtë. Në fakt nuk bëhet fjalë për një seancë të vërtetë stërvitore, megjithatë drejtuesit e Tiranës nuk duan të humbasin kohë. Që sot pasdite fillon stërvitja intensive: CSKA është vetëm një javë larg.


Avni Nuri në delir për prezantimin e shkodranit të ri.

"Salihi është më i mirë se vetë Pele"
Në festën e Tiranës nuk kanë munguar edhe batutat, shakatë e mbi të gjitha komplimentet. Avni Nuri dhe Agron Papuli kanë diskutuar gjatë mbi mundësitë që ka Tirana për të kaluar në turin e tretë. "Do ta kemi shumë të vështirë për të kaluar në turin e tretë të Ligës së kampioneve-mësohet t'i ketë thënë Papuli Nurit gjatë mbrëmjes-CSKA duket një skuadër shumë e fortë". Nuri në delir e sipër ka lëshuar batutën e mbrëmjes: "Salihi është më i mirë edhe se Pele në moshën e tij, sigurisht që do të kalojmë në turin e tretë të Ligës së Kampioneve". Salihi në fakt ka qenë ndoshta lojtari më i mirë në fushën e lojës, madje me shpirtin e treguar e ka ndihmuar skuadrën jo vetëm në sulm, por edhe në repartin e mbrojtjes gjatë pjesës së dytë. Shkodrani që ka mbërritur këtë verë në skuadrën bardheblu ka shënuar golin e tretë, kur kishin kaluar dy minuta shtesë nga fundi i pjesës së parë. Kjo për Salihin ka qenë pjesëmarrja e parë në Kupat e Europës dhe ka rezultuar më shumë sesa e suksesshme.

[BlueBaron]

Publiku, tifozet çfare mbeshtetjeje ...

S'duhet harruar edhe fakti qe publiku padyshim ishte nje lojtar i dymbedhjete per skuadren e Staroves. Stadiumi "Qemal Stafa", i mbushur nga ngjyrat bardheblu si anjehere tjeter "plot 15 mije tifoze me flamuj ne dore), ka shperthyer nga te brohoriturat dhe nga fishekzjarret e kenget per ekipin kampion. Gjithcka Tirana e ka mbyllur brenda 10 minutave te fundit te pjeses se pare, duke ditur te perfitojne nga momenti i dobesise se kundershtareve. Fatmiresisht, edhe pse ekzistonte mundesia qe te ndodhte e njejta gje, qe provoi edhe Milani ne finalen e fundit te Champions League, bardheblute nuk i kane lene sllovenet per te cenuar porten e Hidit. Gje per te cilen, vec nderhyrjeve te kujdsshme te mbrojtjesve me ne krye Hidin, Pishen e Dabullen, u ka ardhur ne ndihme edhe fati.


Ndaj CSKA-se, edhe me shume ...

Futbollistet e Tiranes mund t'i kishin vene kapakun ndeshjes, me rastet e shumta te Salihit, Rakllit e Ahamatajt. Perfundimi i 90 minutave ka qene nje clirim per te gjithe. Lojtare e tifoze kane festuar kualifikimin, qe merr akoma me shume vlere, per menyren sesi erdhi. Te te gjithe lojtaret e Tiranes eshte pare nje loje per jete a vdekje. Nje Hamdi Salihi, i cili gjendej ne cdo cep te fushes, madje duke u kthyer shpesh here edhe ne mbrojtje. RezartDabulla, Arjan Pisha dhe Gentian Hajdari, ndonese ndonjehere kane shfaqur shenja pasigurie, si perfundim kane dale faqebardhe nga testi vendimtar per prapavijen bardheblu, pas zhgenjimit ne Slloveni. Pa harruar pastaj edhe te palodhurin E.Bulku, dy pistonat Ahmataj e Sina, por edhe kembeartin Muka dhe oprtunistin Rraklli, i cili ka festuar 35-vjetorin edhe me nje gol. Me pak fjale, te gjithe lojtaret e Tiranes kane dhene maksimumin e tyre per skuadren bardheblu. Ndonese, mbi te gjitha, meriton nje vleresim portieri Hidi, qe pati meriten e neutralizimit te rasteve me te pastra te slloveneve, nje gol i te cileve mund te kishte hedhur ne ere gjithcka te gatuar. Megjithese vete ai ka dashur te ndaje meritat me skuadren: "Te gjithe cunat treguan karakter, duke sherbyer shume per kete fitore madheshtore, te cilas i shtohen akoma me teper vlerat, per faktin qe erdhi perballe tifozeve tane ne "Qemal Stafa". Tani, shpresojme te ecim edhe me perpara". Duke filluar qe nga ndeshja e radhes ndaj kampioneve bullgare te CSKA Sofjes, te merkuren e ardhshme po ne Tirane, ndoshta nuk do te mjaftoje kaq. Do te duhet akoma me shume.

Koha Jone

[bayern]

Haha e para here qe une edhe inter forver jena me nji ekip. Kulmi fare man.
Tirona na nderoi ksaj radhe per faktin se ndeshjen e pare na flliqen. Me thon realitetin duke pa arritjet e vjetshme te Nova Gorices e cila shkoi deri ne turin e 3-te i kisha hum shpresat fare. Kjo fitore 3-0 na rrit shpresat kunder CSKA-se se Sofies. Megjithse e lujm neshjen e dyte ne Bullgari. Do kenaqesha me nje fitore 1-0 ose 2-0 pra e rendesishme eshte te mos pesojme gol ne ndeshjen e pare edhe shfrytzojme kundersulmin inshAllah po realizojme dicka. Me arrit ne turin e trete eliminator na bi te lujme me ekipe te dores se pare edhe do ishte e mrekullushme.
Para Tirona.

[GeNi_25]

Urime "TIRANE" per kete fitore te arritur kunder Slloveneve dhe kunder Uefas (qe edhe pse sk. Tirana kishte mese 3 vjet rresht qe e kalonte turin e pare u vendos gabimisht apo qellimisht ne vazon e dyte). Le te shpresojme per nje fitore tjeter kunder bullgareve.