Tifozat e Super Kampiones TIRONA <3>

[BlueBaron]

Unë prandaj e kam përcaktuar që tani rezultatin 3-0, të cilën besoj se do ta arrijmë," - shprehet Patushi.

... SK Tirana kualifikoht per ne turin tjeter te Kupes se Shqiprise, pas fitores 3 - 0 ndaj ekipit te Lushnjes. Koha e rregullt ka perfunduar me rezultatin 1 - 0, me gol te shenuar nga Xhafa ne minuten e '58. Ne kohen shtese ka shenuar per Tiranen perseri Xhafa ne minuten e '104 dhe Pape Sene ne minuten e '113. Ne pjesen e dyte ka dale me karton te kuq Vrapi i Lushnjes ...

[BlueBaron]

Sporti Shqiptar.


Kampionët kualifikohen me vështirësi në gjysmëfinale, pasi shënojnë dy herë gjatë minutave shtesë.

Tirana, kryesuesja e kampionatit, është tashmë një nga gjysmëfinalistet e Kupës së Shqipërisë. Bardhebluve u janë dashur 120 minuta për të siguruar kualifikimin përballë një Lushnje, që në disa raste e vuri vërtet në vështirësi ekipin e Starovës, madje duhet thënë se gjatë 90-minutëshit janë kërcënuar ndjeshëm ambiciet e Tiranës. Megjithatë, në fund të fundit, Tirana fiton me rezultatin e pastër 3-0 e kështu pret e fundit një biletë për në katërshen e skuadrave që do ta vazhdojnë garën për më tej. Dje, në "Qemal Stafa", Tirana kishte bërë disa ndryshime taktike në mbrojtje e në mesfushë. Ishte rikthyer pas disa kohësh Çipi dhe përpara kishte kaluar E. Bulku. Mbi gjithçka tjetër në përballjen e djeshme me lushnjarët, përveç kualifikimit, tifozët prisnin një Tiranë shumë më agresive në lojë se në ndeshjet e fundit. Megjithatë, loja e tyre gjatë gjithë kohës nuk u ngrit në lartësinë e duhur, duke përjashtuar disa momente, që vërtet dhuruan emocione, por duhet thënë se ishin më shumë meritë e lojtarëve të veçantë. Në pjesën e parë, lushnjarët tregohen më të rrezikshëm dhe krijojnë disa raste për gol. Kryeqytetasit janë shumë të mefshtë në mesfushë por edhe në mbrojtje tregohen të tillë. Loja jo fort e pëlqyeshme e tyre solli reagimin e tifozerisë. Ndërkohë, Lushnja, gjatë fraksionit të parë, ishte më kërkuese dhe me rastet e krijuara mund të kishte shënuar një gol. "Lagunarët" mbrohen me kujdes dhe dalin rrezikshëm në portën kundërshtare. Pjesa e parë mbyllet me rrjeta të paprekuar dhe, meqë Tirana largohet pa arritur dot të shënojë një gol, u duk se kualifikimi në pjesën e dytë do të ishte shumë i vështirë. Dhe kjo në fakt ndodhi, edhe pse 45-minutëshin e fundit lushnjarët e luajtën vetëm me 10 lojtarë. Merkoçi pengohet në afërsi të zonës nga Vrapi, që ishte lojtari i fundit, dhe Jareci nuk ngurron ta ndëshkojë atë me të kuqe. Lushnja vetëm pak minuta më pas ndëshkohet nga Xhafa që arrin të realizojë një gol vërtet të bukur, pas një aksioni model të bardhebluve. Goli solli "frymëmarrje" të menjëhershme në radhët e kryeqytetasve. Në fakt, Tiranës i mbeti të mbrohej më fort, sepse pësimi i një goli mund të ishte fatal për të, por edhe të sulmonte me qëllimin që të siguronte kualifikimin. Deri në fund të pjesës së dytë, përpjekjet e bardhebluve janë më të mëdha, por, nga ana tjetër, edhe ekipi i Josës, ndonëse me një lojtar më pak, e vë disa herë në rrezik portën e Hidit. 90-minutëshi mbyllet me fitoren minimale të Tiranës, por duke përfshirë edhe ndeshjen e parë, gjithçka ishte e barabartë. Në kohën shtesë vjen kapitullimi i "lagunarëve", që u duk qartë se ranë edhe fizikisht. Ata pësojnë nga një gol në çdo minipjesë të shtesës dhe detyrohen t'i japin lamtumirën kupës. Tirana, në krahasim me 3 gjysmëfinalistët e tjerë, e arriti më me vështirësi kalimin në gjysmëfinale, megjithatë thuhet se fituesi nuk gjykohet. Kryeqytetasit, që kryesojnë kampionatin, përmbushin misionin e tyre edhe në kupë.

Thanë pas ndeshjes ...
... Sulejman Starova, trajner i Tiranës: - Jam i kënaqur me kualifkimin, por jo me lojën. Megjithatë fitorja dhe kualifikimi ishin shumë të rëndësishme për ekipin tonë. Ne vinim pas një humbjeje në kampionat me Dinamon, prandaj edhe takimin e sotëm e duhet ta fitonim patjetër. Ky kualifikim rrit dëshirën për të rikuperuar të metat dhe defektet e fundit, e njëkohësisht edhe për të na rikthyer në formë lojtarët e dëmtuar. Tashmë duhet t'i kthehemi kampionatit për të vijuar rrugën drejt titullit. E thashë që loja, pavarsisht nga kualifikimi nuk ishte në nivelin që kërkohet prej Tiranës, kështu që duhet të përmisohemi më shumë në këtë aspekt. Vetë kështu edhe tifozët duhet të në përkrahin në fushë.
... Mirel Josa, trajner i Lushnjës: - Ne u eleminuam, por në përgjithësi zhvilluam një ndeshje të mirë. Krijuam shumë raste para portës kundërshtare. Mund të kishim shënuar të paktën një gol, e nëse do ta bënim këtë, natyrisht që misioni i kualifikimit mund të na lehtësohej në pjesën e mbetur. Pas daljes së Vrapit me karton të kuq, që ishte një moment i diskutueshëm dhe që duhet parë edhe nga pamjet televizive, ne na u vështirësua shumë synimi në këtë sfidë. Tirana mbetet Tiranë, kështu që shënoi vetëm pak minuta më vonë. Më tej, kundërshtari arriti të sigurojë kualifikimin, në kohën shtesë.

Të veçanta...
- Në tribunën "VIP" ishin të pranishëm donatorët e Tiranës, Halili- Papuli-Ngjela-Nuri, si dhe presidenti i Partizanit, Xhani.
- Për të përkrahur Lushnjën kishin ardhur shumë tifozë, aq sa numri i tyre ishte i barabartë me numrin e tifozëve të Tiranës. Në tribunën përballë lushnjarët kishin hapur një flamur të madh me ngjyrat e skuadrës së tyre.


... Starova o pleher ik shporru nga Tirana. Ju sponsore, hajdute te Rames jeni kryeplehrat e Tiranes ...


FALEMINDERIT EL SAIED, MIREL JOSA, NEVIL DEDE, INDRIT FORTUZI, SUAD LICI, MAHIR HALILI!!!

[KOKASHTA]

Yyyyyyyyyyyyyy ! Posht tirona ! Tirana eshte skuadra qe urrej me shume , sepse eshte { Dmth ka qene me perpara se tani s`eshte me } taman si REAL MADRITI . Blen te gjithe lojtaret me te mire dhe sfiton gje ! ...PARA VLLAZNIA !

[BlueBaron]

... Sa te lezetshem jane keto te vegjlit . Ne Shqipri kemi fituar gjithçka, kemi 75 vjet qe jemi skuadra me e mire e Shqiprise. Jemi Numri 1 ...

... Ec TIRONA ...
... Perpara çuna ...


... Starova o pleher ik shporru nga Tirana. Ju sponsore, hajdute te Rames jeni kryeplehrat e Tiranes ...


FALEMINDERIT EL SAIED, MIREL JOSA, NEVIL DEDE, INDRIT FORTUZI, SUAD LICI, MAHIR HALILI!!!

[miki_al2001]

Yyyyyyyyyyyyyy ! Posht tirona ! Tirana eshte skuadra qe urrej me shume , sepse eshte { Dmth ka qene me perpara se tani s`eshte me } taman si REAL MADRITI . Blen te gjithe lojtaret me te mire dhe sfiton gje ! ...PARA VLLAZNIA !

une nuk jam nga tirana por ama jam tifoz i tiranes.kam jetuar mbi 10 vjet ne Tirane dhe jam kenaq me kete ekip.Nuk e di se cmund te fitonte me teper.Blen cdo lojtare thua dhe sfiton asgje kur ajo per 10 vjet ka fituar mbi 70 % te titujve dhe sfitoka gje.Interesante me duket llogjika juaj.3 here rrjesht kampione.Edhe kete vit ajo eshte kampione dhe ne cerekfinale te kupes dhe sfitoka gje.Kur gjith ekipet e quajne sukses vetem pse rivalizojne me Tiranen.E quan te suksesshem elbasanin pse eshte i dyti apo vellaznine pse eshte e 3 .Une me sa di qellimi eshte te jesh kampion qe Tirana po e realizon dhe per kete vit.

[tironci_to]

ku ka si tirona mer amon. e pat te merkuren me lushnjen ca i bom. se u hapen shum bythesh lushnjaret. un e pash neshjen ne kohe shtes qe bom dy gola kena lujt loj perfekte. ska si tirona titullin 22 e morem tashti duhet menojm per champions league

[BlueBaron]

Tiranës i mjaftuan diçka më shumë se 10 minuta lojë në "Tofik Jashari" për të shënuar dy gola, ose më mirë të themi për të siguruar tri pikë të plota. Kurse, nga ana tjetër, Shkumbini gjatë 80-minutëshit të mbetur vetëm sa arrin të shkurtojë diferencën, pas një goli të shënuar me 11-metërsh. Në fund të 90-minutëshit, peqinasit dalin nga fusha me humbje, ashtu si në katër ballafaqimet e deritanishme me kryeqytetasit, që kryesojnë bindshëm tabelën e klasifikimit. Pra, Tirana, pas 3 ndeshjeve në kampionat, i rikthehet fitores në javën e parë të fazës së fundit, falë rezultatit të favorshëm, 2-1, që arriti me Shkumbinin në fushën asnjanëse të Shijakut. Bardheblutë, të kushtëzuar nga mungesat e disa titullarëve, edhe këtë herë dolën me ndryshime të tjera në formacionin bazë. Trajneri Starova, në fund të ndeshjes, pranon se Rraklli është sakrifikuar për shkak të mungesave të shumta, qoftë prej të dëmtuarve, apo edhe të skualifikuarve të këtij takimi (Muka mungonte vetëm për këtë arsye). Megjithatë, eksperienca e lojtarit të kombëtares i jep Tiranës shumë shpejt epërsinë e kërkuar nga Starova. Rraklli, pas një goditjeje fluturimthi, shënon një eurogol. Kurse Xhafa vetëm pak minuta më pas bën të njëjtën gjë, teksa finalizon në mënyrë të shkëlqyer një aksion model. Pra, dy gola të shpejtë, qoftë si meritë e kualiteteve, qoftë edhe e lojës në grup. Nuk kanë kaluar 12 minuta lojë dhe këtu Shkumbini e sheh veten në disavantazh të dy golave, çka për të gjithë të pranishmit në stadium do të thotë "mision i pamundur" për djemtë e Sejdinit. Aq më tepër, trajneri Starova largon nga fusha Rrakllin dhe kërkon nga të tijtë të qetësojnë lojën, duke mos dashur të rrezikojë në pjesën e mbetur të këtij takimi. Nga këto lëvizje, pritej një Shkumbin më kërkues dhe ashtu ndodhi. Peqinasit deri në fund të takimit e kërkojnë më shumë golin, ndërsa Tirana mbrohet me kujdes dhe kërkon golin e tretë me anë të kundërsulmit. Me gjithë rastet e shumta që krijuan te porta e Hidit, duhet thënë se sulmi peqinas nuk ishte në lartësinë e duhur, sepse Begeja dhe Ivanaj shpërdoruan shumë raste. Kjo erdhi ndoshta falë edhe eksperiencës së mbrojtësve të Tiranës. Bardheblutë e vizitojnë më radhë portën peqinase, por rastet që krijojnë janë shumë më të rrezikshme. Disa minuta para përfundimit të ndeshjes, një gol i Shkumbini rihap takimin. Megjithatë, deri në fërshëllimën e fundit ekipi që drejtohet nga Sejdini i gëzohet vetëm këtij goli. Kështu, Tirana i rikthehet fitores falë kualiteteve dhe mentalitetit fitues të kësaj skuadre. Bardheblutë nuk e dominuan lojën, por e treguan superioritetin e tyre vetëm atëherë kur duhej ta bënin një gjë të tillë. Pra, teksa shënuan brenda 10 minutave dy gola mjaft të shpejtë dhe, nga ana tjetër, kur nuk e lejuan kundërshtarin të barazonte rezultatin gjatë 80 minutave të mbetura. Kështu, tripikëshi i mban të sigurt në krye të klasifikimit kampionët në fuqi, pavarësisht se edhe Elbasani ka fituar përballë Laçit dhe i ndjek nga pas, ashtu siç ka ndodhur gjatë tërë këtij edicioni futbollistik.

[Moltisanti]

URIME CUNAVE TE TIRONES PER ATE FITORE TE VESHTIRE NE PEQIN !!

MENDOJ SE KAMPJONATI KA MOR FUN ME KOH ,ELBASONI SA VJE E PO BIE,, MEZI FITOI ME LACIN 1--0 !!

MORRI KUQ SURPRIZA E JAVES FITUN NE LUSHNJE 3--1 ,,URIME PER FITOREN MAJENI FORT VENIN E 6TE LOL !!

NEJSE CUNA NE TI GEZOHENA TITULLIT 22 ,,SE EDHE PAK PO AFROHEN 3 YJET ,SE DY I KENA !!

EC ATY TA HONGSHA ZEMREN !!

FORCA TIRONA

[BlueBaron]

Shefi i klubit "Tirana" thotë se projekti i ri do të nisë kur ekipi të shpallet matematikisht kampion.

Tirana duhet të shpallet një herë kampione e Shqipërisë, e pastaj të bëjë plane për Ligën e Kampionëve. Shefi i klubit "Tirana", Shkëqim Muça, u shpreh dje se për një çështje të tillë deri tani ka thjesht mendime të ndryshme, por nuk kanë nisur diskutimet midis drejtuesve të klubit, skuadrës dhe donatorëve për ndonjë plan të mundshëm për kupat e Europës. Argumenti me të cilin është bazuar ideja e tij ka lidhje me faktin e thjeshtë se Tirana duhet ta fitojë së pari matematikisht titullin, sepse vetëm atëherë mund të bëhen plane serioze dhe të sakta për veprimtaritë ndërkombëtare.
- Tirana, me fitoren e fundit, duhet ta ketë bindur opinionin se do të jetë ajo kampione për të 22-tën në Shqipëri. Si e shihni ecurinë e skuadrës suaj në dy kompeticionet e këtij edicioni?
- Ekipi ynë është në krye të tabelës së klasifikimit, pozicion të cilin e mban që nga fillimi i sezonit. Ne si klub kemi hartuar objektivat tona para se të niste gara e këtij edicioni dhe, kur kampionatit po i vjen fundi, them se jemi në rrugë të mbarë drejt realizimit të tyre. Flas duke iu referuar ecurisë së deritanishme. Nuk mund të them asgjë më shumë, sepse është ende shpejt për të thënë se e kemi siguruar titullin, apo kemi fituar kupën. Duhet të presim akoma. Nuk shoh ndonjë arsye për t'u treguar euforikë para kohe.
- Ndër objektivat e Tiranës, përveç titullit, bën pjesë edhe kupa, një trofe që në fakt nuk e keni fituar vitet e fundit. Mos ka ndonjë nënvlerësim për të?
- Jo, nuk mendoj se është ashtu. Kupa e Shqipërisë është trofeu i dytë për nga rëndësia në vend, prandaj bën pjesë si një ndër 2 objektivat e klubit tonë. Jemi në gjysmëfinale dhe synojmë ta fitojmë edhe këtë trofe. Për fitimin e saj janë bërë të gjitha parashikimet në kontratat e lojtarëve. Do të ketë shpërmblime të paracaktuara, ashtu sikurse edhe në rastin e fitimit të titullit.
- Megjithatë, Tirana me 8 pikë diferencë dhe vetëm 8 ndeshje para përfundimit duhet të ketë nisur që tani planet për në Europë. Në të vërtetë, po mendoni për Ligën e Kampionëve?
- Jo, sepse është akoma herët. Ne nuk mund të bëjmë plane përpara kohe, pa fituar një herë titullin kampion. Natyrisht, ka biseda për këtë çështje, por ama asnjë plan të caktuar. Tirana, para se të hartojë apo përmbushë objektivat për kupat e Europës, ose qoftë edhe për edicionin tjetër, duhet të arrijë një herë objektivat e këtij kampionati. E thashë që objektivin tonë kryesor, titullin, nuk e kemi siguruar matematikisht dhe për këtë duhet të presim edhe disa ndeshje të tjera.
- Por nëse Tirana dëshiron të bëjë një figurë sa më të mirë në Europë, a mendoni se do të jetë e mjaftueshme koha për ndryshime të shpejta?
- Së pari, duhet të përfaqësohemi sa më mirë në Europë. Por shpresoj që për ndeshjet e fazës së fundit ekipi ta sigurojë titullin sa më shpejt të jetë e mundur. Vetëm pas kësaj në fillim të muajit maj do të nisim planet tona për kontratat e reja të lojtarëve, si dhe projektin tonë për Ligën e Kampionëve.
- Gjatë këtij sezoni, Tiranës i janë dëmtuar shumë lojtarë. Ky fakt do të merret parasysh në planet e ardhshme?
- Lojtarët e dëmtuar mund ta kenë penguar deri diku skuadrën, por duhet të kemi parasysh një fakt, se nuk ka qenë faji i tyre, sepse dëmtimet nuk janë shkaktuar në sajë të dëshirës së lojtarëve.
- Mirëpo nëse Tiranës nuk i rikuperohen lojtarët e dëmtuar, a do të ketë merkato në fund, ose para përfundimit të sezonit?
- Edhe për këtë çështje mendoj se është akoma herët.

[Duke_Of_Arberia]

Shume zhurme per asjgje çuna, PARTIZONI ngelet gjithmone numer 1