Tifozat e Super Kampiones TIRONA <3>

[BlueBaron]

Dabulla: Tirana më e fortë se Nova Gorica !!!

Mbrojtësi beson se këtë të mërkurë fusha do t'i japë të drejtë ekipit të tij ...


Tirana humbi ndeshjen e parë me rezultatin 2-0, por të paktën para takimit të kthimit në kryeqytet e njeh mirë kundërshtarin, Nova Goricën. Pikërisht për këtë arsye, duke përmenduar edhe faktorin fushë, kampionët e vendit shpresojnë të përmbysin rezultatin e disfavorshëm dhe të jenë ata në turin e dytë të "champions"-it. Mbrojtësi lushnjar Rezart Dabulla, para sfidës së dytë të ditës së mërkurë me sllovenët beson te kualifikimi. "Nova Goricën e njohim më mirë tani. Atë ndeshje që humbën në fushën e tyre e kemi harruar dhe po mendojmë vetëm për këtë të radhës. Mendoj se anë pozitive është fakti se e dimë se cili është kundërshtari dhe asnjë futbollist nuk mendon se kualifikimi është i paarritshëm. Mjafton që në fushën tonë të ndreqim disa nga gabimet që bëmë atje dhe fitorja mund të arrihet me siguri. Tirana luajti një pjesë të dytë të dobët, që i shkaktoi humbjen, por turi ka katër pjesë. Në "Qemal Stafa" mjafton të luajmë edhe ne një pjesë të mirë, mos themi se do të shkëlqejmë në të dyja, dhe kualifikimi do të arrihet me siguri," -, shprehet mbrojtësi.
Rezart Dabulla përmend si anë negative gabimet që u bënë në fushën e Nova Goricës, çka e dënuan disi Tiranën, por për këtë takim beson se kundërshtari nuk do ta ketë më superioritetin e atyre minutave. "Ne dëshirojmë që gjithçka t'ia lëmë fushës së lojës. Përpara ndeshjes së kthimit një gjë është e sigurtë. Nova Gorica nuk do të ketë në asnjë moment superioritetin e atyre minutave të pjesës së dytë, kur arriti të shënojë dygolëshin e ndeshjes. Përkundrazi, Tirana mendoj se gjatë këtij takimi do ta kontrollojë lojën, pa iu futur fare anës së fushës favorizuese. Ne e kemi pasur të mjaftueshme kohën për të njohur njëri-tjetrin sepse prej disa sezonesh luajmë bashkë. Kurse tani pas tërë atyre përgatitjeve na duhet të nxjerrim një ndeshje të bukur, që të mbetet në kujtesën e tifozëve. Mendoj se kjo e së mërkurës është takimi i duhur, për vetë zhurmën që u bë pas humbjes së parë. Prandaj besoj se të tërë do të jemi në gjendje t'i japin tifozërisë sonë kënaqësinë e një ekipi serioz si në ndeshjet kombëtare ashtu edhe në arenën ndërkombëtare," - thotë Dabulla.
Në fakt Tirana në krahasim me dy sezonet e shkuara këtë herë e ka pasur kundërshtarin më të fortë dhe rezultati i arritur në takimin e parë e bën disi më të vështirë misionin e saj, për të qenë në turin e dytë. Në fakt i ngjashëm është turi i para dy sezoneve kur u mnund nga Dinamo e Tbilisit dhe bardheblutë e përmbysën rezultatin prej 3 golash në Tiranë. "Po është e vërtetë, - thotë Dabulla, - që e kemi një rast të ngjashëm. Mendoj se kjo Tirana është më e fortë dhe që të kalojë turin duhet të mundë me një rezultat më të thellë Nova Goricën. Përsa i përket kësaj të fundit dua të them se ka një ekip më të mirë se ato të kundërshtarëve të dy sezoneve të shkuara, por jo më të mirë se Tirana. Që ekipi ynë është më i fortë, kuptohet se në futboll duhet edhe pak fat, të mërkurën besoj se fusha do t'i japë të drejtë Tiranës," - përfundon idenë e tij, Rezart Dabulla, mbrojtësi lushnjar që luan sezonin e tij të shtatë me kryeqytetasit.

[BlueBaron]

Tirana, 90 minuta për të treguar se sa vlen ...


Tirana i ka mbyllur dje përgatitjet dhe sot në orën 20.30 do të zbresë në "Qemal Stafa" për përballjen e dytë të Ligës së Kampionëve. Në Nova Gorica të Sllovenisë kampionët e vendit zhvilluan një ndeshje të dobët, që solli atë humbje të padëshiruar me rezultatin, 2-0. Kësisoj, misioni i bardhebluve është ndërlikuar disi pas humbjes dramatike një javë më parë, në fushën sllovene. Megjithatë, sot mendohet një ndeshje tjetër. Riaftësimi i disa prej lojtarëve i ka rritur shpresat për një lojë më të mirë dhe kualifikimi cilësohet i arritshëm.

Fati, lojtari i 12-të përballë sllovenëve.
Sot Tirana synon përmbysjen e rezultatit. Për të arritur këtë synim ekpi ynë duhet të ketë edhe pak fat. Sipas trajnerit bardheblu, përveç anëve të tjera, ekipi kërkon edhe fat në lojë, me qëllim që të përmbysë disfavorin e ndeshjes sllovene. "Në takimin e dytë përballë Nova Goricës duhet të kemi fatin me vete. Përveç ndryshimeve të planifikuara, pra të luajmë në sulm dhe gjithashtu besimit se do të përmbysim rezultatin, duhet edhe pak fat. Në ndeshje të tilla vendos edhe një moment, pasi Tirana duhet të shënojë patjetër gol," - shprehet trajneri. Bardheblutë gjatë javës së fundit kanë planifikuar ndryshime të posaçme për këtë ndeshje. Sipas "timonierit" bardheblu, një Tiranë sulmuese duke e vënë në presion kundërshtarin mund të sjellë rezultatin e dëshiruar. "Ne ishim në presion gjatë takimit të kaluar, kurse këtë herë duhet të jetë Tirana që t'i bëjë presionin kundërshtarit," - mendon njëshi i stolit bardheblu, Starova.

Kampionët, më shumë vëmendje në sulm.
Sot Tirana do të bëjë të pamundurën që ta fitojë ndeshjen, me qëllim që të paktën t'i afrohet objektivit, për të mos e zhgënjyer tifozërinë. Gjatë javës së fundit skuadra kampione ka bërë disa ndryshime dhe përballë Nova Goricës pritet një Tiranë me karakter sulmues. Kështu, Rraklli nuk do të jetë më i vetëm në sulm, por mund të ketë përkrah ose Salihin, ose Merkoçin. Kapiteni Muka do të qëndrojë pas dy sulmuesve dhe këtë herë dy lojtarët e krahëve të mesfushës, Sina dhe Ahmataj do të vihen që nga minuta e parë në ndihmë të sulmit e jo të mbrojtjes si në Slloveni. Kështu e ka menduar trajneri Starova pjesën "ofensive" dhe qëllimi është që të shënohet gol sa më shpejt të jetë e mundur. "Një gol në pjesën e parë, - komenton Rraklli, - do të rihapë gjithçka."
Kampionët do t'i luajnë të tëra kartat që të përmbysin humbjen e fundit megjithëse nga të gjithë, kualifikimi mendohet i vështirë.

Mbrojtja, meraku i vetëm i Starovës.
Në mbrojtje Tirana pritet të rreshtojë 3 lojtarë e jo 4 si në Nova Gorica. Rikthimi i Patushit në qendër të mesfushës, i cili së bashku me E. Bulkun i jep më shumë siguri anës mbrojtëse është parashikuar të sjellë ndryshime, në krahasim me një javë më parë. Megjithatë, përveçse ka deklaruar këto ndryshime, në vija të përgjithëshme, Starova nuk ka bërë asgjë konkrete. Gjithçka do të vendoset sot. Starova i ka paralajmëruar gjatë analizave të fundit të gjithë lojtarët.

[BlueBaron]

... Lojtaret e superpagum te Tirones duhet ta tregojne veten sonte se sa i vlejne kembet. Nqs nuk arrijne te kualifikohen jane lojtare pa vlere, dmth lojtar KOT. Tirana duhet t'i prishe kontratat te gjitheve dhe te mori lojtare qe e ndjejne pergjegjesine e fanelles dhe qe kane shpirtin e gares. Nuk na duhen copa druni ne ekip qe din me rraf vetem Rrogozhinen e Laçin, se Elbasoni e Dinamo ja tregun venin ...

[TiLoNcE]

qeka nxef keq Skuthi

FOrca Tirona,tregoje veten si Kamipone!

FITORE!

[dodoni]

I urojme fitore Tirones sot dhe kualifikim per ne turin e dyte.

Forca Tirona

[BOKE]

Min e 40' e pjeses se pare dhe 2-0 per Tironen. Ne te 37' Rraklli dhe ne te 40' Muka.

Vjen edhe goli i 3-te. Salihi ne te 44'-ten. Pjesa e pare 3-0.

Te shohim si do shkoje pjesa e dyte.

[ArberXYZ]

Fantastike!!!!

Per 7 minuta bam bam bam tre gola. Fati qenka me ne sot.

DO ZOTI FITOJME!!!

[Taulant _NYC]

Javash cuna te presim rezultatin perfundimatar ............

[viganv]

Ishalla e mbajm rezultatin

[ArberXYZ]

Edhe 5 minuta!!!!