Tifozat e Super Kampiones TIRONA <3>

[bayern]

Mori fund edhe aventura e ktij viti.

[Bledari]

me vjen keq per Tironen pjesen e pare lujti shkelqyshem pjesen e dyte lujten si lojtare fillestare.

[BlueBaron]

Zhgënjen Tirana, kualifikimi sa larg !!!
Tirana në një ditë tërësisht të errët, pëson dy gola nga sllovenët, që ndiejnë erën e turit tjetër ...

"Tirana ka qenë jashtë lojës së saj, që njihet prej vitesh." Kështu ka thënë sapo ka përfunduar takimi, Shkëlqim Muça, një nga simbolet e futbollit të Tiranës në vite. Një lojë që nga fillimi e deri në fund të takimit, kur fërshëlleu gjyqtari armen, nuk është parë asgjë e bukur, për të mos thënë se gjithçka ka qenë një çorientim i plotë i skuadrës sonë, Tirana, në një ndeshje që është parë nga 2.000 spektatorë, një numër i konsiderueshëm për një qytet të vogël prej 15.000 mijë banorësh. Tifozët e paktë, megjithatë, nuk kanë pushuar së inkurajuari skuadrën e vet, që edhe pse nuk ka treguar ndonjë nivel kushedi se çfarë, madje ka qenë disi e përgjumur gjatë gjithë kohës. Sidoqoftë, kanë arritur të shfrytëzojnë përgjumjen më të madhe të skuadrës sonë, e cila nuk ka ditur të shfaqë asnjë vlerë, madje ka zhvilluar një nga lojërat më të dobëta, për të mos thënë më të dobtën edhe në kampionatin e fundit. Një Tiranë e tillë, e parashikuar se do të ishte sulmuese, madje me një Rraklli të deklaruar, mbështetur nga Salihi dhe Muka e një sulm pra që pritej më shumë rezultativ. Përkundrazi, Tirana është mbyllur gjatë gjithë kohës në mbrojtje. Po të ishta kaq do të qe mirë, por mbrojtja ka qenë një çekuilibrim i vërtetë. Duke i munguar krejtësisht fantazia skuadrës së Tiranës, veçanërisht në mesin e fushës. Kjo ka bërë që "mbështetja" e mbrojtjes sonë prej mesfushës më shumë ka çorientuar sesa ka ndihmuar. Ali Mema ka qenë pranë meje në stadiumin "Nova Gorica", është mërzitur mjaft dhe ka thënë se duhet të ndryshonte diçka gjatë 90 minutave në taktikën e lojës. "Unë nuk po shoh profesionalizëm sonte në këtë ndeshje nga Tirana," - thotë një mjeshtër që prej vitesh e ndjek Tiranën, duke qenë edhe kampion edhe titullar kombëtareje. Po kështu, edhe tifozët kanë qenë jo pak. Mbi 100 tifozë shqiptarë, kosovarë, të ardhur nga Italia shumica. Midis tyre Rifat Bytyçi një pej tyre, prej 40 vitesh që jeton në Slloveni, ka pasur emocione, sepse ka parë për herë të parë një ekip shqiptar në Slloveni, por ai njihte mjaft mirë Dostin, Gjergji Pemën, Kliton Bozgon, që luajnë në Slloveni. Por i zhgënjyer në fund kur ka parë që, ndryshe nga ç'di prej shqiptarëve që luajnë në Slloveni, sot ka parë vetëm disa "manekinë" në fushë. Por para se të ndihet fërshëllima e fundit, topi i përplasur në traversën tonë, disa raste të humbura nga ekipi slloven kanë qenë një ngushëllim, ose mëshirë e kundërshtarit ndaj nesh, në një ndeshje që mund të përfundonte më keq, më shumë se humbja 2-0. Ka qenë pranë meje në shkallët e tribunës së Nova Goricës edhe Milan Osters, një nga lojtarët titullarë të kombëtares sllovene, i cili i ka dhënë fitoren ekipit të tij, 1-0 kur luajti në Shqipëri për eliminatoret e kampionatit botëror. Ai së bashku me Zahoviçin, pra, kanë shënuar të tre golat kundër Shqipërisë, në favor të Sllovenisë. Ostres me të vërtetë tha se ndryshe e ka parë kombëtaren, ndonëse kemi fituar ndaj jush. Po kjo kampione e Shqipërisë nuk bëri asgjë ndaj një Nova Goricës, që duhej ta kishte mundur me sy mbyllur. Më duket se ka qenë një iluzion. Të gjitha mendimet, mbresat, pas kësaj ndeshjeje, i ka deziluzionuar tifozët, ata që kanë ardhur nga Shqipëria, ose ata që kanë ardhur nga Kosova. Gjithçka ka përfunduar keq e më kaq për ekipin tonë dhe unë nuk e di nëse kjo skuadër, duke luajtur kështu do të mund të kalonte më tej. Tirana në të vërtetë dukej e paqartë sonte. Rezultati për më shumë, loja që ka paraqitur, ka qenë një zhgënjim i vërtetë. Nuk e di por ndoshta ndoshta mrekullia mund të ndodhë në "Qemal Stafa", vetëm nëse Tirana do të zhvillojë një ndeshje ashtu siç ka ditur të luajë. Kështu siç luajti, duke qenë në një taktikë të tillë, kaq regresive në mbrojtje, kjo është më shumë për t'u quajtur antifutboll se sa lojë e Tiranës sonë, një Tirane që ne e njohim prej shumë vitesh.


Thanë pas ndeshjes ...

Sulejman Starova, trajneri i Tiranës - "Humbëm sepse dy lojtarë nuk i kishim në formë. Kishim dy futbollistë të dëmtuar, Merkoçin dhe Patushin. Nuk bëra zëvendësime, sepse nuk kisha besim te lojtarët e stolit. Këta kisha më të mirët dhe mendova se do të shpalosnin më të mirat e tyre."

Pavel Pini, trajneri i Nova Goricës - "Ne në fillim kishim pak frikë, sepse nuk e njihnim mirë kundërshtarin. Loja eci ashtu siç deshëm ne, pasi në fund morëm një rezultat të kënaqshëm. Megjithatë, për kualifikimin nuk duhet të harrojmë se kemi edhe ndeshjen tjetër, në Tiranë."

[viganv]

Me vie shum keq qe humbi Tirana edhe pse ne pjesen e pare luajten shume mire

[BlueBaron]

... Sa lojtar pa nerv, sa lojtar pa shpirt gare, sa lojtar lekist, sa lojtar pa gjak ...

Super Kampionia Tirona eshte dhjere si ekip sa e mori ne dore Eda Rama dhe Donatoret e Leshit bashke me legenin Cim "By-th-qir" Muça. Te shofesh lojtaret e Tirones ne fushe sikur po shef nai ekip me gabel nga bregu lumit qe lujne per here te pare me kpuce dhe ne fushe me bar. Edhe ato japin me shume, megjithese emocionohen nga fusha dhe kpucet qe kane vesh.

E pra Tirona mromshme eshte shume vite drite larg asaj qe drejtonte El Sayed qe e nderoi ket skuader. Te menosh qe ato legena qe ishin mrome ne fushe do kthejne rezultatin nuk ka by-the ku te rrije. Nuk mund te krahasohen ato sumçe me Tironen anti - Tbilis qe i thyu brinjet gjeorgjianeve mu ne mes te Tirones.

Harrom i qofte Nevil Dedes buka qe ka honger te Tirona. Harrom i qofshin brohoritjet e Tifozeve te Tirones atij bukeshkali. Harrom i qofte FANELLA BARDH & BLU. Harrom i qofte atij legeni gjithçka qe ka more nga Tirona, qe e la ekipin 4 dite para neshjes ...

Edi Rama IK !!!
Cim Muça IK !!!
Donatore jeni plehra !!!

[Ngadhnjyesi]

Nuk mund te krahasohen ato sumçe me Tironen anti - Tbilis qe i thyu brinjet gjeorgjianeve mu ne mes te Tirones.

Per ke Tirone e ke llafin per ate qe u rraf 3-0 ne ndeshjen e pare ne Tbilis? Prit iher t'skualifkohet Tirona masnej hajde shaji nga robt lojtaret.
Ne Qemal Stafa eshte edhe faktori tifoz qe nuk duhet nenvleftesuar. Liverpuli beri 3 gola per 6 minuta. Tirones 2 i duhen per 90'. Gjithcka eshte e mundur ne ndeshjen e kthimit

[dodoni]

Tirana beri nje gabim gjate merkatos, sepse u mjaftua me vetem 25 lojtare ne ekip, duke mos pasur parasysh fare largimin e papritur te ndonje lojtari si Dede, apo edhe demtimet si Patushi e Merkoci.
Mirepo, sic e tha edhe Starova, tani priten disa perforcime te menjehershme.
I urojme nje fitore bindese dhe kualifikim per ne turin e dyte Tiranes.

Tu-tung

[Qerim]

Mua nuk me shqeteson rezultati 2-0, por fakti se ky rezultat u parashikua nga traineri slloven qe para takimit.

Pra sllovenet na njohin mire.Personalisht jam pesimist per nje kualifikim, por nuk i dihet.Vetem nje loje spektakel mund ti mposhte sllovenet.

[BlueBaron]

Tirana dhe mohimi i titullit në 1967 ...


Një vendim i çuditshëm i FSHF-së e pezulloi Tiranën dhe Partizanin tre javë përpara përfundimit. Dinamo përfitoi nga mbështetja e madhe shtetërore.



Eshtë një rast unikal në gjithë historinë e sportit Botëror. Ka ndodhur afro 40 vjet më parë. Në 24 qershor 1967, luhej një ndeshje derbi ndërmjet skuadrave të Partizanit dhe 17 Nëntorit (Tiranës) së asokohe. Ndeshjen e fitojnë bardheblutë me rezultatin 2-1 dhe me një triumf të tillë hedhin përpara një hap të sigurtë drejt fitimit të titullit kampion në vend. Tri ditë më vonë, kryesia e Federatës Shqiptare organizon një mbledhje që sigurisht ishte diktuar nga lart dhe merret vendimi që të dyja këto klube, pra si 17 Nëntori ashtu edhe Partizani do të përjashtohen nga kampionati. Praktikisht Tirana do ta humbiste titullin, sepse kryesonte në tabelën e klasifikimit vetëm me tri pikë më shumë se sa Dinamo, që gjithashtu ishte një ndjekëse shumë serioze për fitimin e titullit.

Shteti.
Në atë kohë Partizani dhe Dinamo ishin klube shtetërore. I pari ishte klubi i Ushtrisë, ndërkohë që Blutë ishin klubi i Ministrisë së Punëve të Brëndshme. Klubet u themeluan në vitet 1948 dhe 1950 dhe që nga ajo kohë i kishin fituar të gjitha kampionatet në Shqipëri duke u alternuar me njëri tjetrin. Në mesin e viteve 60' skuadra e 17 Nëntorit doli në pah me gjithë forcën e saj dhe jo vetëm, që po prishte ekuilibrat e vendosur nga dy klubet shtetërorë, por gjithashtu po afronte rreth vetesh shumë tifozë të cilët simpatizonin skuadrën popullore nga njëra ndeshje në tjetrën. Ky ekip që përbëhej nga djem të rinj lagjesh furnizonte me lojtarë jo vetëm Partizanin dhe Dinamon, por gjithashtu edhe shumë skuadra nga shumë rrethe të tjera të vendit.

Vendimi.
Në 27 qershor të 1967, në "Sportin Popullor", gazeta e vetme sportive e kohës botohej një vendim të Kryesisë së Federatës Shqiptare të Futbollit, sipas të cilit ndeshja Partizani - 17 Nëntori, që ishte luajtur tre ditë më parë është e pavlefshme për shkak të shfaqjeve jo korrekte që të dyja skuadrat shfaqën në fushën e lojës. Për këtë arsye të dyja skuadrat penalizohen rëndë duke u përjashtuar nga kampionati 1966-1967 për tre javët e mbetura të sezonit. Vendimi hynte në fuqi menjëherë. 17 nëntori në atë ditë kishte 33 pikë ndërkohë që Dinamo 31 pikë.

Ndeshja.
Është luajtur në stadiumin "Qemal Stafa" dhe ka pasur një numër rekord spektatorësh. Ka qënë një derbi i vërtetë, me lojë të pastër fizike, megjithatë një futbollist i Partizanit përjashtohet nga fusha, por pjesa tjetër është komplet brenda normave. Njerëz të asokohe kujtojnë se gjyqtari vërtet ka pasur shumë punë, por kjo është normale për një ndeshje futbolli. Ndeshja ka zgjatur normalisht 90 minuta dhe me rezultatin 2-1 bardheblutë shkuan të lumtur në dhomat e zhveshjeve.

Absurditeti.
Vendimi i asokohe ka qënë krejt i padrejtë, sepse ndeshja nuk ka pasur asnjë gabim teknik dhe ajo ka përfunduar normalisht brenda 90 minutave. Në asnjë rast në gjithë Botën vetëm për kaq dy skuadra nuk kanë marrë dënimin kapital për t'u përjashtuar fare nga kampionati. Çudia tjetër mbetet te fakti që vendimi nuk është marrë nga ana e Komisionit të Disiplinës, por nga Komiteti i përgjithshëm i FSHF. Rezultati mund të vendosej fare mirë në tavolinë, mund të përjashtoheshin të 22 futbollistët që luajtën në fushë bashkë me trajnerët për 3 ose më shumë se 3 javë, mund të dënohej fusha, në këtë rast ajo e Partizanit, por kurrsesi një vendim i këtij tipi nuk pritej. Të dy klubet mund ta përfundonin kampionatin me lojtarë rezervë ose nga skuadra e të rinjve, megjithatë një gjë e tillë nuk ndodhi. FSHF nuk e morri në konsideratë fare këtë fakt.

Ismet Bellova.
Komentatori i mirënjohur Ismet Bellova, (e ka transmetuar ndeshjen për Radio Tiranën), pasi e karakterizon ndeshjen si normale në aspektin agonistik, e kujton kohën, kur u luajt si "kohë të lavdishme". Sipas tij, atëhere futboll luante vetëm skuadra e ministrit të mbrojtjes dhe shefit të shtabit të ushtrisë me atë të ministrit të brendshëm dhe zevendësit të tij. Pas 1944-trës vetëm dy kampionate kish fituar Vllaznia e Shkodrës dhe dy të tjera 17 Nëntori. Nuk mund të lejohej ky i fundit, të fitonte të tretin rradhazi, sepse shpallej ekip "Mjeshtër Sporti", baraz me Partizanin dhe Dinamon. A mund të pranohej kjo, kur ushtria dhe sigurimi mbronin vendin nga rrethimi i dyfishtë borgjezo-revizionit? Kampionatin në fund të fundit e fitoi skuadra e Dinamos dhe të gjithë u habitën që në javët e mbetura Blutë arritën pikërisht 4 pikët e nevojshme për të dalë përpara bardhebluve.


"Ka qënë një sfidë burrërore, vendimi banal"

Xhaçka, flet një nga dëshmitarët e ndeshjes.
Në një intervistë për Radio Tiranën, në vitin l990, ish futbollisti i shquar i 17 Nëntorit, Niko Xhaçka u shpreh se ndeshja, në të cilën ai ka shënuar një gol, ka qenë një derbi i vërtetë. Në përfundim të saj në koridorin pranë dhomave të zhveshjes ka patur replika dhe një zënkë (më saktë janë shtyrë, duke iu hakërruar njëri-tjetrit dy futbollistë, një i Partizanit dhe tjetri i Tiranës). "Nuk mbaj mend të ketë ndodhur kaq e keqe. Vërtet patëm disa sherre të vogla me lojtarët e Partizanit, por gjëra të tilla ndodhin sot pothuaj në të gjitha ndeshjet derbi, ndërmjet skuadrave të një qyteti. Federata sigurisht që duhet të gjente mënyrën se si tja jepte titullin një prej Dinamos apo Partizanit dhe ja doli për bukuri". Shum vetë atëherë thanë që ky mund të ketë qënë edhe një skenar i përgatitur bukur nga e skuadrave të Dinamos dhe Partizanit për të dëmtuar skuadrën e Tiranës. 17 Nëntori, me fitoren atë ditë të 24 qershorit, pothuajse e fuste kampionatin " në xhep", sepse Dinamo barazonte në Kavajë me Besën. Tirana ishte në prag të shpalljes kampion kombëtar për të tretin sezon me rradhë. Kjo ishte Tirana e madhe e viteve '60 me një brez të shkëlqyer futbollistësh dhe drejtues teknik te paharrueshmin Lym Alla, që detyrimisht duhej shpërbërë, ashtu siç u shpërbë.

[BlueBaron]

Synohet gol që në pjesën e parë, që ndeshja të rihapet ...


Tirana duhet të fitojë përballë Nova Goricës për të shpresuar te kualifikimi, prandaj trajneri i skuadrës, Sulejman Starova, po i bën gati planet për të zënë në kurth kundërshtarin e turit të parë të "champions" -it. Në një ndeshje të fundit kontrolli kampionët u testuan nga "timonieri" bardheblu, i cili deri diku e ka formuluar idenë sesi do të dalë në fushë skuadra e tij, pak ditë më vonë. "Ne besojmë te kualifikimi," - shprehet Starova, - por për të shpresuar te ky objektiv duhet të luajmë mirë dhe të fitojmë minimumi ndeshjen e kthimit. Në ndryshim nga ndeshja e kaluar do të përpiqemi të orientohemi më qartë në sulm dhe të shfrytëzojmë në maksimum lojën nga krahët e mesfushës. Në Nova Gorica skuadra nuk u shtri në lojën e saj më të mirë dhe për fat të keq vuajti presingun e kundërshtarit," - shprehet trajneri.

Pikërisht për të mos rënë më pre e presionit të Nova Goricës, duke marrë në konsideratë edhe epërisnë e fushës sonë, trajneri së pari dëshiron të ketë një siguri të madhe në mbrojtje. Dhe ideja e tij në kërë rast është po aq e qartë sa në ditën e parë kur u kthye nga Shqipëria dhe tha se një gol i Tiranës rihap çdo gjë. "Mjafton që Tirana të tregohet e kujdesshme dhe të luajë mirë në mbulimin e ekipit kundërshtar, që nuk duhet lejuar të krijojë në asnjë çast presingun e pjesës së dytë në fushën e vet. Më tej e thashë se sulmuesit e Tiranës kanë përvojë dhe mund të shënojnë në çdo moment, çka do të bënte te realizueshëm objektivin."

Megjithatë Starova shpreson se deri të mërkurën do të rikthehen të gjithë të dëmtuarit, me qëllim që të ketë tërë alternativat mundshme në realizimin me sukses të skemave që ka hartuar këto ditë. Në takimin e parë mungoi Patushi në mesfushë, një pikë referimi gjatë tërë edicionit të shkuar, kur ky lojtar ka qenë pjesë e strategjisë së lojës së bardhebluve. "Shpresojmë që të jenë të gjithë gati për vetë rëndësinë e madhe të ndeshjes," - përfundon në një nga deklarimet e tij para përballjes zyrtare me Nova Goricën, trajneri i bardhebluve, Sulejman Starova.