Pakistan: Kapet shqiptari i Bin Laden

[Shijaksi-London]

Faqja 11 - AKTUALITET Mars 9, 2005


Arrestimi në kufirin afgan nga trupat pakistaneze. Shoqëronte raketa dhe mina

Kapet shqiptari i Bin Laden
Grupi i tij pranon se luftonte për "Xhihad"


--------------------------------------------------------------------------------

Nga Londra Muhamed Veliu
Gazeta Shqiptare


Për herë të parë një shqiptar, i cili duket se ishte bashkuar me luftën e shenjtë "Xhihad", është kapur në Pakistan, shumë afër kufirit afgan dhe një ish-kampi stërvitor të militantëve të Osama Bin Laden. Autoritet pakistaneze të sigurimit nuk kanë publikuar asnjë të dhënë rreth militantit shqiptar, që kishte marrë rrugën e largët drejt Indisë, përveçse kanë pohuar se njëri nga katër të kapurit në një aksion, që kishte si qëllim eleminimin e një baze militantësh islamikë, ishte me origjinë shqiptare. Ata vazdojnë të merren në pyetje. Fakti tronditës është bërë publik dje nga gazeta pakistaneze "The News" që i referohet burimeve ushtarake, të cilat për herë të parë kanë pohuar origjinën e të kapurve dhe të vrarëve gjatë operacionit më të fundit ndërmarrë nga ata.

Kapja
Shtetasi shqiptar i dyshuar si militant islamik është kapur nga forcat e sigurimit pakistanez në veri të Waziristan. Lajmin dhe detajet e operacionit i ka publikuar dje gazeta pakistaneze "The News". Shqiptari i cili ka qënë nën shoqërinë e tre personave të tjerë, është mbërthyer pa bërë rezistencë në një operacion sigurie më datën 5 mars. Gazeta nuk bën të ditur emrin e tij apo të dhëna të tjera rreth personave të arrestuar. Personat e tjerë janë me origjinë nga Katari, Somalia dhe Taxhikistani. Burimet zyrtare janë shprehur për "The News" se tre-katër burra së bashku me shtatë të tjerë me origjinë pakistaneze janë duke u intervistuar në një stacion policie. Burimet saktësuan se një nga dy personat e vrarë gjatë operacionit është sudanez. Tjetri nuk është identifikuar, por besohet që të jetë arab ose çeçen. Është hera e parë që identiteti i personave të vrarë apo kapur i bëhet publik mediave vendase thotë gazetari i "The News", Rahimullah Yusufzai, i cili ka mundur eksluzivisht të mësojë përfundimin e operacionit të 5 marsit. Ai e ka publikuar nën titullin "Captured militants are from Qatar, Albania and Somalia" (Militantët e kapur janë nga Katari, Shqipëria dhe Somalia).

Operacioni
Trupat elitë pakistaneze morën pjesë në një operacion në Dewgar, një fshat shumë afër kufirit me provincën e afgane të Khot. Me të kaluar kufirin pranë tij, është një ndër ish-gjashtë kampet afgane në Zhawara Village. Ky vend mbahet mend për një konferencë shtypi të Osama Bin Laden në maj të 1998 ku deklaroi "Xhihad" kundër amerikanëve dhe Izraelit nga platforma e Frontit Islamik. Gazeta pakistaneze sqaron se në këtë operacion në veri të Waziristanit nuk janë përdorur helikopterët dhe forca të mëdha ushtarake siç ndodh zakonisht. Një zyrtar ushtarak që kërkoi të mbetet anonin tha se "janë përdorur pak trupa, pasi kishim mbështetjen dhe informacionin e saktë nga shërbimet inteligjente". Disa nga pakistanezët e kapur, raportohet se kanë pranuar që ata kishin ardhur në zonën ku u kapën për "Xhihad". Katër militantët e huaj të kapur i përkasin katër kontinenteve të huaja shkruan "The News". Dy persona janë plagosur gjatë rrethimit. Njëra prej tyre grua. Trupat ushtarake arritën që të konfiskojnë tre raketahedhëse, 28 granata, dy raketa RPG-7, 8 pushkë automatike, një pushkë si dhe pesë mina antitank.

[FLORIRI]

Edhe keto na duhen ne tani.............medet medet pupupupupu

Pak se ia kemi nxjerr te zite e ullirit me moldavkat e mall....edhe iher te hidhemi me bithe perpjete e te shperthejme autobuzet...hajde degjo dunjane pastaj te kam rixha.

[Irfan]

Vetem te para shqipetar te dashur.....
Disa me lindej e disa me perendim.....

[manoklla]

Per te gjithe u vrame vetem per vendin tone jo. Prapseprape sme mbushet mendja se ndonje shqiptar do e bente kete, gjerisa ti lexoj konfirmimin e emrit. Shqiptar shqiperie jo iher.

[Wordless]

Mua me mbushet mendja qe eshte e mundur. Mos harroni se pas viteve 90 me qindra
femije u jane besuar "misjonareve" Islamike qe vinin ne Shqiperi nga lloj lloj vendesh
gabelesh (Pakistan, Sudan etj) per 50$ ne muaj nga prindrit. Kete femije niseshin
"me studime jashte shtetit", rezultati dihet. Shumica e tyre sot jane ne Shqiperi.
Ka qe i kane akoma trute ne vend e shfrytezojne "shkollen" qe kane bere te hapin
ndonje xhami e te qetesojne shpirterisht besimtaret per te fituar vete buken e gojes,
par ka edhe qe jane te indokrinuar deri ne maj te thojit, e prej tyre mund te presesh
ç'do gje. Kuptohet qe ketyre te fundit as u hyn ne llogari Kombi, per ta kombi i vetem
eshte ai i Islamit (uma~oumma?? siç i thone ne gjuhen Arabe ) dhe se i prishin pune interesave
te Kosoves (qe pavarsia e te ciles varet ne mprehen e briskut) apo te Shqiperise
qe pret konfirmimin e saj ne Boten Perendimore me hyrjen ne Evrope.

Megjithate te shpresojme qe tipa te tille te jene sa me pak?!