Nis debati pozite-opozitë në lidhje me uljen e taksave

[Dr Rieux]

EDITORIALI, 22.02.2005

Fitorja e parë e qytetarëve

Nga Mero Baze

Politika shqiptare duhet të mbajë shënim këtë fundjavë
si datë të themelimit të debatit politik në vend. Për
herë të parë në 14 vite pluralizëm, në Shqipëri, dy
forcat kryesore politike u përplasën me njëra-tjetrën
duke debatuar mbi një platformë ekonomike të ofruar
nga opozita mbi paketën fiskale në vend. Komiteti i
Orientimit të Politikave në opozitë, mbrojti para një
auditori të zgjedhur paketën e re fiskale që ofron
opozita, e cila ka tendencën të përgjysmojë efektin
financiar të taksave aktuale, t'i thjeshtojë ato dhe
t'i bëjë pjesë të jetës së përditshme të çdo qytetari.
Qeveria hodhi poshtë e shqetësuar ofertën e opozitës,
duke këmbëngulur tek vlerat e taksave që ajo aplikon
dhe tek tendenca për të rritur bazën e taksimit të
qytetarëve. Diferenca e ndjeshme në qëndrime e dy
ofertave për Paketën Fiskale, është në të vërtetë
fillimi i një debati real politik në vend, i cili nuk
ka në thelb biografinë e klasës politike, të shkuarën
apo problemet biografike të saj, por ofertën ekonomike
për qytetarët. Debati, edhe pse është ende larg
qytetarëve, për shkak të nivelit të lartë në të cilin
zhvillohet, është në të vërtetë lajmi më i mirë që
opozita po u çon qytetarëve në fillim të kësaj fushate
elektorale. Mesazhi i madh dhe i drejtpërdrejtë, është
se beteja do të zhvillohet për xhepat e qytetarëve,
për mirëqenien e tyre, për distancën nga korrupsioni,
për lehtësimin e biznesit dhe stimulimin e atyre që
hapin vende pune.
Fitorja e parë politike e opozitës ishte fakti që
paketa e re fiskale u mbështet nga industrialistët dhe
ndërtuesit shqiptarë. Por, po kaq shumë, këtë ofertë
të opozitës, e zbukuron dhe kundërshtimi i prerë i
qeverisë. Do të ishte shumë më e shëmtuar të ndodhte
si zakonisht që PS-ja të deklaronte se edhe ajo do të
shkonte te kjo alternativë e opozitës. Qeveria u
tregua së paku e sinqertë duke mbrojtur projektin e
saj për mosuljen e taksave dhe për gjithë efektet që
ka paketa e saj fiskale në mungesën e vendeve të punës
dhe problemeve që u hapen atyre që sapo fillojnë një
biznes në Shqipëri. Tashmë opozita e ka më të thjeshtë
të bëjë diferencën në ofertë për një biznesmen që sapo
çel biznesin dhe i thua që tre vjet s'ke taksa, me një
biznesmen që sapo hap biznesin tani, i shfaqet në derë
policia tatimore dhe i kërkon taksat për një vit
parapagim; diferencën mes atyre që ndërtojnë dhe
paguajnë dy herë TVSH, dhe atyre që nesër nuk do ta
kenë këtë barrë; diferencën mes atyre që sot
shkurtojnë vende pune dhe atyre që nesër janë të
stimuluar t'i hapin ato. Fitorja e opozitës nuk është
vetëm pse e ka fituar këtë debat, por mbi të gjitha,
pse e ka themeluar atë. Kjo është fitorja e parë që u
dhurohet qytetarëve shqiptarë prej politikës
shqiptare.

[manoklla]

Mir mer mirr thuj temes por buxhetin e bo qeveria jo opozita se cu pa qe ka nje sundues dhe nje te sunduar? matufe dreqi.

[Dr Rieux]

Karalloi, programi i PD-se nuk eshte buxhet, por politike alternative ekonomike, ne kete rast fiskale. Njerezit kane mundesi tani ta hedhin voten duke u nisur dhe nga programet ekonomike, qe jane te drejtperdrejte per xhepat e tyre, sesa nga retorika politike.

[Veshtrusja]

Shpresoj te marrin pjese ata qe kane mbaruar per ekonomi te kjo teme e ti bejne analize propozimeve te PD-s ne krahasim me propozimet e PS-s.

..biles ndoshta mund te bejne dhe nje krahasim te se kaluares kur ka qen PD-ja ne pushtet se si ka qen ekonomia...
__________________________________________________ _____

Socialistët, kundër uljes së taksave

Rilindja Demokratike
Migen Demirxhi

Socialistët kanë deklaruar se nuk do të ulin taksat për biznesin dhe qytetarët, por do të përqëndrohet vetëm tek administrimi i tyre. Ministri i Financave, Arben Malaj, deklaroi dje se politika e demokratëve për uljen e taksave do të sjellë vetëm rritjen e defiçitit buxhetor.

Por, ndërkohë eksperti i financave, Selami Xhepa, thotë se ulja e taksave nuk do të vijë si një goditje e përqëndruar. Ai shprehet se fillimisht, PD do të evidentojë ato pjesë të administratës që nuk funksionojnë si duhet dhe pas një reforme në administrimin e taksave, do të përqëndrohet në uljen e barrës fiskale.

Gjithashtu, Xhepa thotë se nuk do të ketë rritje të defiçitit buxhetor, sepse impakti që do të vijë nga ulja e taksave, do të jetë gati neutral. Sipas tij, ato të ardhura që humbin nga ulja e TVSH-së, do të zëvendësohen nga rritja e numrit të kontribuesve në skemën e të ardhurave fiskale, nga hapja e bizneseve të reja.

Por ministri i Financave thotë se "në të gjitha sondazhet kombëtare dhe ndërkombëtare, kur diskutojmë për ambientin e biznesit dhe tendencën konkurruese në investimet private vendase dhe të huaja, nuk nxjerrin në asnjë rast si përcaktonjës në vendimmarrjen për të investuar në ekonominë shqiptare nivelin e taksave".

Jo vetëm demokratët thonë se rritja e barrës fiskale po bëhet një pengesë për ekonominë, por edhe studimet e fundit të BERZH apo të Kompaktit të Investimeve kanë deklaruar se niveli i taksave në Shqipëri është, të paktën, dy deri tre herë më i lartë se në vendet përreth rajonit. Eksperti i financave, Selami Xhepa, thotë se rritja e nivelit tarifor të taksave është një politikë e dështuar e të majtëve dhe të paktën, konkretisht deri tani, nuk ka dhënë asnjë përmirësim në rritjen e të ardhurave.

"Që nga viti 1998, pas një kolpoje të vogël të rritjes së të ardhurave, kemi vetëm një gjendje stacionare të nivelit të të ardhurave", thotë ai.

Demokratët, me kohë, e kanë parë uljen e barrës së taksave si një mjet që të çon në zgjerimin e bazës së tatimpaguesve, por socialistët gjithmonë kanë ecur me rritjen dhe futjen e taksave të reja çdo vit në paketën fislale, duke sjellë nga viti në vit uljen e kontributit të të ardhurave fiskale.

Të dhënat tregojnë se Shqipëria vjel vetëm 20% të GDP-së, ndërsa vendet e rajonit, mbi 30% të Prodhimit të Brendshëm Bruto.

Madje studimet e fundit të OCED-së tregojnë se 60% e prodhimit të brendshëm nuk paguan taksa.

Por demokratët janë të bindur se me forcimin e rolit të shtetit ligjor, me një efiçencë më të madhe në luftën kundër ekonomisë informale, ekonomisë cash, me eliminimin e barrierave administrative dhe luftën kundër abuzimit gjatë administrimit fiskal tatimor apo doganor, ata do të bëjnë të mundur uljen e taksave, të cilat do të rrisin më shumë bazën e tatueshme dhe do të fusin bizneset e reja në skemë.

Xhepa thotë se kjo është një politikë e zbatueshme dhe shumë përfituese për ekonominë.

Ministri i Financave këmbëngul se do të ketë reduktim në të ardhurat e buxhetit, në se reduktohet politika fiskale e uljes së taksave. "Gjithmonë ka patur një tendencë në rritje të defiçitit, çka do të thotë një kufizim të të ardhurave në buxhet, për të mbështetur politikat prioritare. Duke rritur të ardhurat pa rritur taksat, ne duhet të orientojmë më mirë buxhetin drejt arsimit, shëndetësisë, pagave, pensioneve dhe infrastrukturës. Ajo që biznesi shqiptar, në ambicien e tij konkurruese, humbet nga cilësia e arsimit, shëndetësisë dhe infrastrukturës, është shumë më penguese sesa premtimi për ulje të konsiderueshme taksash", thotë ministri Malaj.

Sipas ministrit, dy janë pengesat kryesore që ka biznesi në administratën tatimore. E para dhe kryesorja ka të bëjë me rimbursimin e TVSH dhe me tatim-fitimin, por që të dy këta tregues, në 8 vitet e qeverisjes së PS-së, nuk janë përmirësuar. Socialistët i pranojnë gabimet e administratës, por ata mbeten gjithmonë këtu, sepse deri tani nuk ka ndryshuar asnjë nga këto gabime të PS-së në lidhje me biznesin.

[Veshtrusja]

Biznesmeni Edmond Leka shpjegon se targeti është rritja e aftësisë mbledhëse të tatimeve

Leka: Projekti i KOP synon rritjen e të ardhurave


N. Përndoj
Shekulli
28/02/2005


TIRANE - Një javë më parë, Komiteti i Orientimit të Politikave, bëri publik projektprogramin e Partisë Demokratike për paketën fiskale. Kjo platformë synonte shkurtimin e listës së tatimeve dhe taksave. Biznesmeni Edmond Leka ka sqaruar dje arsyet e një vendimi të tillë. Targeti është të rritet aftësia mbledhëse e tatimeve për të rritur të ardhurat ndaj GDP sepse jemi në nivele jo normale. Bota moderne ku ne synojmë nuk ka këto nivele të arkëtimit të të ardhurave ndaj buxhetit të shtetit. Rajoni pozicionohet tek 28-30% në raport me GDP. Sikur ky do të ishte objektivi jonë, sigurisht që do të synohet rritja e të ardhurave ndaj GDP dhe jo një ulje e të ardhurave. Adresohet problemi i informalitetit që është në përmasa mjaft të mëdha ndaj dhe kjo e bën optimiste edhe platformën, sepse ka një përmasë të tillë informaliteti, që reduktimi i informalitetit e lejon që me gjithë uljen e normave të tatimit të rriten të ardhurat në buxhetin e shtetit, - tha dje Leka. Projekti për paketën fiskale synon [b]uljen e shkallës tatimore e TVSH nga 20% në 17% dhe në një fazë të dytë në 15% ose 25% ulje krahasuar me nivelin e sotëm. Do të prezantohet gjithashtu një shkallë e dytë tatimore prej 6% ose një ulje prej 70% nga niveli i sotëm për furnizimet me energji elektrike dhe furnizimet bazë për bujqësinë. Kontributi i sigurimeve shoqërore do të reduktohet në 35% nga rreth 42% që është sot. Tatimi mbi fitimin do të zëvendësohet nga Tatimit i Korporatave duke realizuar një taksim më të drejtë të fitimeve të korporatës dhe të ardhurave nga investimi i aksioneve. Ndërsa shkalla tatimore do të ulet nga 23% në 20%. Një javë më parë anëtarët e KOP-it sqaruan se shkurtimi i taksave dhe tatimeve do të sjellë një rritje të kursimeve dhe të potencialeve investuese si dhe do të rritet ndjeshëm numri i tatimpaguesve individualë në rreth 1.2-1.5 milion. Gjithashtu përmes këtij projektprogrami, KOP synon bërjen publike të deklaratave të të ardhurave personale të politikanëve. Deklarata tatimore, krahas deklarimit të aseteve që ato disponojnë dhe burimeve të tyre, do të jetë një tjetër element i qeverisjes së ardhshme të PD.

[Dr Rieux]

Taksat dhe stepja e PS

E Marte, 01 Mars 2005

Me idene per te mos mbetur me thjeshte ne nivelin e denoncimeve, por ne ate te nje lideri te opozites qe mendon se se shpejti do te fitoje zgjedhjet qe do ta cojne ne mazhorance, ose ndoshta per te krijuar bindjen se PD eshte tashme e pergatitur per pushtet; se ka perpunuar strategji per daljen nga kriza dhe se eshte e afte te qverise me mire se sa PS aktualisht, Sali Berisha deklaroi disa kohe me pare se forca politike qe perfaqeson do te liroje nga taksat cdo biznes te vogel ne tre vitet e para te ekzistences se tij. Pra, sipas nje modeli te njohur ne disa nga vendet e zhvilluara me shpejtesi ne Azi, Berisha po tenton t'i jape me frymemarrje biznesit fillestar, me idene se mbarevajtja e tij do te rrise investimet, punesimin dhe do te shendoshe ekonomine e brishte shqiptare. Padyshim, ideja e Berishes kishte nje pikepyetje te madhe. Si do te zevendesohen te ardhurat e humbura nga zerimi i taksave te biznesit te vogel dhe mbi te gjitha, kush garanton qe ne rast te nje ligji te tille, pothuajse te gjitha bizneset nuk bejne nje rifillim, duke mbyllur firmat ekzistuese, duke ju dhene atyre emra te rinj dhe duke vijuar aty ku e kane lene. Duke krijuar keshtu nje procedure qe perseritet cdo tre vjet dhe qe i lehteson ato jo pak ne betejen e perhershme me shtetin? Nje shtet, i cili se paku deri me sot, mbahet vetem ne kollonen e doganave dhe te taksave.

Por duket se ne nje pergatitje serioze, Berisha shpjegoi disa here se ky dificit mund te mbushet nga shkurtimi i shpenzimeve qeveritare. Sipas te dhenave te Berishes, pothuajse te gjitha taksat e mbledhura nga biznesi i vogel perbejne nje shume prej 49 milion eurosh ne vit. Nje shume qe deri me sot, nuk e ka pergenjeshtruar asnje institucion tatimor. Po sipas kesaj llogjike, Berisha shtoi se kjo shume e humbur, ose e falur biznesit, mund te zevendesohet nga shkurtimi i kater ministrive, si dhe nga shkurtimi i shpenzimeve te tjera qeveritare. Shpenzime, te cilat lideri i opozites i kishte te detajuara dhe qe padyshim meritojne te debatohen mes ekonomisteve te mazhorances dhe atyre te opozites. Por fatkeqesisht, sic ndodh gjithnje ne raste te ngjashme, ideja e Berishes, e shndruar gati ne nje platforme ekonomike te partise se tij, nuk gjeti asnje pergjigje serioze nga mazhoranca. Me perjashtim te nje mbledhje me ngut te Ministrise se Financave dhe disa batutave te thena sipas stilit te Nanos dhe duke imituar ate, asnje pergenjeshtrim tjeter serioz e madje as edhe nje kundershtim nuk u ngrit per kete ide. Askush nuk ka thene deri me sot, as minimalisht, nese shkurtimi shpenzimeve te mundshme qeveritare eshte i barabarte me gjithe taksen e mbledhur nga biznesi i vogel apo jo. Dicka kane thene te gjithe neper goje, por deri me sot, askush nuk ka dhene pergjigje. Duke e shtuar bindjen se kaosi i mazhorances, veshtire te kthjellohet para votimeve!

[manoklla]

PO me cfare do mbahet shteti po su mbodhen taksat? Me kuotat e anetareve te PD-se?

[Orku]

Jo do mbahet me bakshishet 360 mije euro, te fatosit apo me gjobat dhe tenderat e edi rames.

[Veshtrusja]

PO me cfare do mbahet shteti po su mbodhen taksat? Me kuotat e anetareve te PD-se?

Lexoni artikujt e jo thjesht titujt, pastaj komentoni mbi ato qe lexoni...
________________

Berisha takon biznesmenët e Fierit: Do të ketë ulje të taksava

Rilindja Demokratike

Kryetari i Partisë Demokratike, Sali Berisha, ka prezantuar reformën tatimore gjatë një takimi me biznesmenët. Detyra urgjente e qeverisë së ardhshme demokratike do të jetë të presë dorën e zezë të shtetit mbi biznesin. Sipas Berishës, "nuk mund të pranohet që ministri i Ekonomisë të jetë edhe biznesmen nafte, e të merret me futjen në treg të saj dhe si rrjedhim, të zhdoganohet vetëm 20% e saj më pas. Nuk mund të pranohet që ministri i Bujqësisë të merret me ushqimet dhe Shqipëria, sot, nga 11 artikuj, 10 i importon. [Keto jane rezultatet e qeverisjes se Nanos, Tirona-Re.] Unë ju siguroj se kjo situatë do të marrë fund me forcën e ligjit". Ai deklaroi se, "jemi për lirinë e plotë të tregut, jemi për privatizimin e plotë dhe, nëse na dëgjoni sot të kërkojmë hetim mbi privatizimet, kjo nuk do të thotë se duam bllokimin e procesit, përkundrazi, duke e kontrolluar procesin, ju mbrojmë të gjithëve. Nuk mundet të pranojmë ne këto lloj privatizimesh, të cilat bëhen që qeveritarët të mbushin xhepat". Më pas, Berisha ka paraqitur platformën fiskale të hartuar nga PD, që ka në boshtin e saj thjeshtimin dhe uljen e taksave. Berisha bëri ftesë për biznesmenët e Fierit që të japin kontributin e tyre, për të përmirësuar më tepër platformën e PD-së për ekonominë. Sipas tij, "me politikën ekonomike të përzgjedhur nga PD, tentohet t'i jepet përgjigje dhe zgjidhje problemeve të mëdha që kanë qytetarët". Berisha tha në vazhdim se një nga pikat kryesore të projektit ishte reduktimi i taksave dhe tatimeve, duke bërë kështu thjeshtimin e sistemit tatimor.

Kështu, "thjeshtëzimi i sistemit dhe shkurtimi i listës së tatimeve e taksave që aktualisht mblidhen në Shqipëri, nga një listë prej rreth 40 tatimesh e taksash nacionale e lokale, do të reduktohet në një listë prej 3 tatimesh dhe 3 taksash nacionale, 3 tatimesh e 3 taksash lokale, si dhe tarifat lokale. Gjithashtu, Berisha njoftoi biznesmenët e Fierit se parashikohet që pavarësia e pushtetit lokal në zgjerimin e listës dhe në caktimin e shkallëve tatimore, do të jetë absolute. "Në projektin e prezantuar, politikat në lidhje me Tatimin mbi Vlerën e Shtuar do të synojnë konsolidimin e administrimit të saj dhe reduktimin e evazionit fiskal. Kështu parashikohet të ulet shkalla tatimore e TVSH nga 20% në 17% dhe në një fazë të dytë, në 15% ose 25% ulje, krahasuar me nivelin e sotëm. Ndërkohë do të prezantohet një shkallë e dytë tatimore prej 6% ose një ulje prej 70% nga niveli i sotëm për furnizimet me energji elektrike dhe furnizimet bazë për bujqësinë. Ekspertët ekonomikë të KOP kanë parashikuar në projekt që të zgjerohet shporta e furnizimeve që tatohen me 0% për edukimin, veshjen dhe ushqimin e fëmijëve, furnizimet e barnave dhe shërbimeve mjekësore, furnizimet për mediat si dhe shitjen e ndërtesave të banimit", komentoi Berisha.

Shkurtim i posteve ministrore si dhe shpenzimeve të qeverisë

Kryetari i PD-së, Berisha, në mënyrë kategorike ka qenë kundër shpenzimeve qeveritare të stërmëdha dhe të pajustifikuara nga kryeministri Nano. [Te kjo kategori te shpenzimeve te pajustifikuara besoj duhet te hyn edhe ato "vacations" qe ben Nanua kur ti doje qefi per te evituar problemet e popullit.] Për këtë, ai theksoi se do të merren masa për shkurtimin e numrit të ministrive, nga rreth 20 në 14 ministri dhe një reduktim shumë të madh të 21 miliardë lekëve, që harxhojnë ministritë e Nanos e që hanë një pjesë të madhe të parave të qytetarëve taksapagues. Kryetari i PD-së, Berisha, ka akuzuar Nanon se ka ngritur në këmbë një sistem jo efiçent qeveritar, me shpenzime të tepërta, në krahasim me nivelin e jetesës së shqiptarëve, duke u zotuar se do të presë shpenzimet e bujshme prej 21 miliardë lekësh nga 18 ministritë e Nanos.

[ErionB]

Per nje shtet qe te funksionoje patjeter duhen mbledhur taksat. Problemi ne Shqiperine tone te dashur eshte qe taksat jane shume te larta per nej arsye:

Se taksat nuk i paguhen shtetit, por i paguhen kryeministrit dhe klaneve te tije. Ne kete menyre monopolizohet qeverisja dhe nuk lejon zhvillimin e biznesit.

Duke ulur taksat nen qeverisjen e PD (Supozojme se fiton kjo parti) do te thote qe Shqiperia futet ne nje rruge me te vertete demokratike ku shteti funksionon, biznesi eshte i lejuar te operoje brenda rregullave te lojes, dhe qytetari ka mundesi te shijoje frutat e punes se administrates te cilen e financon.
Ulja e taksave do te thote qe c'do biznes taksohet, por nuk gjunjezohet. Nje biznesmen nuk mund te vije dhe ti jape Kryeministrit nje super benz dhe pushime ne hotelet me te shtrenjta te botes per te fituar exluzivitet te plote per nje product, kur ne buxhetin e shtetit shkon nje takse relativisht e larte, por qesharake me fitimet e nje individi, por lejon korrjen e te gjithe taksave te bizneseve me te ulta dhe arrin fondet e nevojitura per zhvillim. Gjithashtu, duke futur kulturen e mbledhjes se taksave, shteti ka ne dore edhe nje instrument me teper per te kontrolluar rritjen e shpejte te ekonomise apo krizat. Shembull Amerika gjate kohes te Klintonit kur interesat bankare dhe taksat u ngriten per te ndaluar rritjen e shpejte ekonomike, dhe veprimi anasjelltas nga presidenti i sotshem.

Gjithashtu, nepermjet sistemit taksor shteti e ka shume me te lehte kontrollin ndaj aktiviteteve te firmave private dhe individit, ne kete menyre mund te stimuloje biznesin per hapje punesh te reja, per kompanite te investojne ne pencionet e punetoreve te tyre duke kursyer nga pagesa e taksave dhe shume e shume gjera te tjera.

Ne te njejten kohe fiton edhe individi, sepse kur te gjithe te paguajne taksen sic duhet jane me te ndergjegjshem per te kerkuar sherbimet ne administrate ashtu sic duhen.

Persa i perket argumentit se nuk mund te ulen taksat se ndikojne te ardhurat e administrates vetem nje shembull ordiner:
Ne shqiperi ke me mijera e mijera makina te parregjistruara per arsye se jane c'mime e shtetit shume shume te larta. Po sikur c'mimet te ulen ne gjysem, dhe keta qe nuk jane te rregjistruar rregjistrohen, a nuk arrime perseri te kemi te njejtat te ardhura si me pare. Duke bere kete, a nuk eshte me mire qe te gjithe te jemi te siguruar e te rregjistruar sesa sic jemi tani qe nje pjese paguan me qime te kokes, te tjeret jane ilegal dhe mbesin peng i nje qeverisje hajdutesh.

Nen shume kritika ndaj opozites, per mendimin tim opozita e ketyre tete viteve ka nje rrol aq te madh per mos te thene me shume se sa ditet e para kur rrezoj komunizmin.
Mbas tete vitesh ne opozite po konsolidohen dhe i kane dhene nje pamje sic duhet opozites (shembull per opoziten qe vjen) duke denoncuar c'do veprim te demshem ndaj popullit shqiptare, kane bere c'mos qe nderrimi i pushtetit te kaloj nepermjet votes e jo armes, dhe tani po sjellin kulturen perendimore te nje fushate elektorale e cila diskutohet ne ide e jo ne vjedhje.