e di qe kjo teme + stil eshte prekur nga te tjere megjithate keto kujtime jane te miat! ani, te kam thene dikur qe do e hidhja ketu!
--------------------------------------------------------------------------------------------
Gjyshja mban nje senduk te vjeter poshte krevatit. Une kam gjithmone frike tja marr se sustat e krevatit jane te ndryshkura edhe bejne nga ato zhurmat qe te rrenqethin mishin. Tamam si zhurma qe ben zysh Y. me shkumes kur zemerohet me ne. Ndonjehere e shoh qe e hap sendukun edhe ka ca si lecka aq te vjetra saqe kane marre ngjyre kafe edhe brenda tyre mban ca fotografi qe kane filluar te bardhezohen me shume se c'jane. Ndonjehere kur une i ulem te preheri, nis e me tregon per te gjithe ata ne fotografi qe mua s'me duken fare si njerez po si kukulla. Te njera fotografi eshte edhe gjyshi. Une isha tre vjece kur vdiq. Se di a e mbaj mend nga fotografija apo me verte me eshte fiksuar qe atehere. Ai me donte shume mua, me nxirrte neteve vone neper lulishte qe te pushoja se qari. Pastaj kur vdiq tha amanetin e fundit qe une ti ikja te varri edhe ti coja lule. Fshehurazi kam degjuar mamin te thote qe kur po jepte shpirt tha emrin tim edhe une ne ate kohe kam qene duke fjetur edhe ja kam dhene nje ulurime aq te forte sa erdhen komshinjte. Pastaj une fjeta prap kurse gjyshi vdiq.
Nena na bertet nga dritarja e katit te katert. Pyet se me ca e duam buken. Une i them me vaj e me kripe, ndersa motja e do me sheqer e me uje. Edhe kjo motja ime nuk i ndahet sheqerit. Prandaj eshte aq rrumbullake. Xhaxhi L. sa here e shikon i thote 'Cufo, Cufo o gjumash, shkon ne shkolle avash avash.' Pastaj gjyshja na therret te shkojme ti marrim buket se nuk vjen dot deri poshte. Une nuk dergoj motren se ajo ma lepin vajin tim kshu qe iki vete ti marr. Ndonjehere nena me kerkon ti mbush nje gote me uje. Tamam ne kohen kur une po shof seilor munin. Une kur pertoj i them te iki ta mbushi vete. Ajo thote 'Aaa ju, kur te vdes do me kujtoni.' Une i them 'Mos ki merak nena, se s'do vdesesh kurre ti.' Kshu i thote edhe mami duke qeshur 'Mbaju neno se je e forte ti. Do vesh sa babai ramet paste.' Edhe nena thote 'Te me jeni mire ju, pa jeta ime vate va.' Me vjen keq per nenen kur e shof ashtu te kerrusur duke pare fotografite e atyre njerezve te vdekur. Keto kohet e fundit ka filluar ti shofi me shpesh. Pastaj fillon e flet me to.
------------------------------------------------------------------------------------------------------
Sot nena vdiq. Hallat ishin mbledhur rreth krevatit. Kishin 2 dite qe rrinin ashtu ne pritje se nena nuk po e jepte shpirtin. Une i shkoja ndonjehere afer edhe mundohesha ti flisja po ajo kishte mbyllur syte dhe vetem renkonte. Une i lutesha Zotit tja merrte shpirtin nenes se nuk e shikoja dot ashtu. Pastaj renkima e fundit ishte si clirim, edhe asnje nuk levizi per ca minuta. Pastaj halla e madhe ishte ajo qe tha 'Cohuni ta lajme mamane.'
----------------------------------------------------------------------------------------------------------
Une po mundohesha te kujtoja fytyren e nenes. Si neper mjegull me kujtohet sa e dobet dhe e kerrusur ishte. Me ato rrobat e zeza edhe me shamine e bardhe ne koke dukej akoma me e vuajtur. Sa shume rrudha qe kishte ne fytyre, Me kujtohet kur hiqte protezat, edhe une i thoja 'Nena vuri ato protezat se ma shpifen.' Edhe nena s'ma prishte. Me kujtohet kur i thoja 'Nena hiqe pak shamine te te shof pak floket.' Nena s'ma prishte. Nga shamia dilnin dy gersheta te holla fare, me floke te bardhe te bardhe, dhe te gjata deri te supi. Sa pak floke qe kishte- i dukej pjesa me e madhe e kokes. Pastaj ndonjehere kur i ulesha ne preher edhe keqyrja ate nishanin e madh te shemtuar qe kishte te hunda, i thoja qe do tja prisja me gershere naten se se shikoja dot. Tani mundohem te kujtoj ndonje fjale, ndonje bisede po si per dreq i kam humbur te gjitha kujtimet sonte. Pervec fjaleve te saj 'Kur te vdes do me kujtoni.'
------------------------------------------------------------------------------------------------------
Kur arkivoli po mbyllej me cuan mua dhe motjen ta puthnim. Une u afrova te balli i saj i ftohte dhe e putha lehte. Me dukej sikur do hapte syte nga nje moment ne tjetrin. Me dukej sikur Zoti do bente nje mrekulli vetem per mua. Pastaj te tjeret e moren dhe iken ta varrosnin.
Pėrgjigju Duke Cituar
Krijoni Kontakt