Qëndrimi i qeverisë gjermane ndaj Kosovës

[Veshtrusja]

Po Gjermania, cfare qendrimi mban ne lidhje me "statusin"?

Capf: Sovraniteti e vetmja zgjidhje për Kosovën

30.01.2005
Deutsche Welle
Anila Shuka

Në një intervistë me programin shqip të Dojçe Veles, deputetja socialdemokrate gjermane Uta Capf thote se është parimisht dakord me raportin e Grupit Ndërkombëtar të Krizave. Rezerva ka shprehur Capf vetëm për sa i përket rolit të Serbisë në propozimet që bën ICG-ja ku zevendespresidentja e Shoqates se Evropes Juglindore, Capf, eshte antare e bordit të kuratorëve. Me të bisedoi korrespondentja e Dojçe Veles në Berlin, Anila Shuka:

DW: Zonja Capf, Grupi i Ndërkombëtar i Krizave, ku ju jeni edhe antare bordi, ka dalë me një propozim për pavarësinë e Kosovës. Cili është mendimi juaj?

Capf: Jam dakord me ta. Si antare e bordit e kam diskutuar intensivisht këtë temë. Sovraniteti si status përfundimtar është i pakthyeshëm. Zgjidhje tjetër nuk ka. Këtë kam vite që po e them. Por gjithçka është ndërlikuar nga ngjarjet e marsit dhe për shkak të mosrealizimit të standardeve. Për këtë arësye në raport është caktuar një lloj kornize kohore, ku parashikohen hapa të ndërmjetme, të cilët parimisht janë të drejta. Ka vetëm një pikë shumë të ndërlikuar në këto propozime, kur thuhet: në rast nevoje të vendoset edhe pa Serbinë. Nuk jam fort e sigurtë, në se kjo zgjidhje do të funksionojë pa Serbinë. Në një rast të tillë do të propozoja një hap të ndërmjetëm: një sovranitet të kufizuar, para sovranitetit përfundimtar.

DW: Si e mendoni ju konkretisht rolin e Serbisë në bisedime?

CAPF: Duhet bërë ç’është e mundur për të ingranuar edhe Serbinë në dialogun për statusin e ardhshëm. E rëndësishme do të jetë, që Serbia të mos dalë e humbur, por që si shpërblim të fitojë diçka, me të cilën mund të dalë edhe para popullsisë së vet, që anon më tepër nga nacionalizmi. Evropianët duhet t’u bëjnë serbëve një ofertë më të fortë. Një gjë e tillë nuk ka ndodhur deri tani, sepse ata kanë rrefuzuar me forcë tribunalin për krime lufte.

DW: Mund të supozohet, që evropianët t’u ofrojnë serbëve një marrëveshje asociimi në BE?

Capf: Diçka e ngjashme do të ishte gjithsesi e nevojshme, sepse nuk ka se si t’u thuhet atyre: Lëreni ju atë që ju takon me ligj, në bazë të 1244, e si shpërblim nuk do të merrni asgjë. Duhet të jetë një ofertë, prej të cilës të dyja palët të kenë përfitim.

DW: Sipas mendimit tuaj, a do të hynte edhe Kosova e pavarur menjëherë në proçesin e integrimit evropian?

Capf: Ajo që po ndodh në Kosovë është një lloj pseudo-proçesi integrues. Problem është që deri tani ata nuk po i përmbushin disa kritere të rëndësishme, që luajnë rol si për gjykimin e statusit ashtu edhe për asociimin në Bashkimin Evropian.Është fjala për mbrojtjen e serbëve, të drejtat e pakicave dhe çështjen e kthimit.

DW: E si do të zgjidhen probleme të tilla, sipas mendimit tuaj?

Capf: Kosovarëve u kërkohet shprehimisht edhe në propozimet e ICG-së që të gjejnë zgjidhje për këto probleme – ky është kushti bazë. Së dyti, që ata të mos kenë aspirata të mëtejshme territoriale, pra, të mos kërkojnë të bashkohen me Shqipërinë apo të përvetësojnë a të bashkohen me territore të tjera fqinje, veçanërisht me Maqedoninë dhe, që i gjithë proçesi të mbikqyret nga bashkësia ndërkombëtare. Këto janë tri parakushte, që unë i quaj të drejta, por që për kosovarët janë shumë të vështira. Me to u dalin detyra të mëdha përpara.

DW: Në se Kosovës do t’i jepej pavarësia, ashtu siç parashikohet në propozimin e ICG-së, cilat do të ishin pasojat në zona të tjera të ngjashme konfliktuale, qoftë në Republika Srpskën, shqiptarët e Maqedonisë, Malit të Zi apo Serbisë, apo të shkojmë pak më tutje në konfliktin ruso-çeçen?

Capf: Ky është një shqetësim që mbetet në sfond. Prandaj edhe Rusia është shumë e vëmendshme në këtë çështje. Sa i përket Malit të Zi, nuk shoh ndonjë problem, sepse aty nuk ka patur konflikte ndëretnike. Sa i përket Maqedonisë, kjo do të varet nga partia shqiptare qeverisëse e Ali Ahmetit, të cilën e gjykoj relativisht racionale dhe të arësyeshme. Ata e dinë shumë mirë, që Maqedonia do të humbasë shumë, në qoftë se do të fillojnë përsëri konflitket dhe shqiptarët e Maqedonisë do të kërkojnë t’i bashkangjiten Kosovës. Shumëçka do të varet nga kosovarët, që duhet t’u thonë „Po!“ parakushteve të caktuara.

DW: Qeveria gjermane deri tani nuk ka lëvizur ende nga formula e vjetër: „Standarde para statusit“. A është kjo formulë tashmë vetëm për deklaratat zyrtare?

Capf: Qeveria gjermane shprehet zyrtarisht brenda kuadrit të konsensusit ndërkombëtar. Grupi i Kontaktit deri tani nuk ka rënë dakord për një procedurë të tillë, për shkak të pozicionit rus. Në qoftë se raporti i Grupit të Krizave do të merret seriozisht, atëherë duhet të diskutohen edhe propozimet e bëra aty. Pastaj do të shihet se sa mund të ecet. Aq më tepër kur, me sa kam lexuar në shtyp, duket se po bëhen hapa përpara edhe në Çeçeni, të cilës Rusia ka ndër mend t’i japë statusin e autonomisë së zgjeruar. Në qoftë se një zgjidhje e tillë do të jetë e pranueshme, besoj, se me këtë do të fitohej një hapësirë e re. Sepse tashmë e di çdo kush, si rusët ashtu edhe serbët, që në qoftë se kosovarëve nuk u tregohet drita në fund të tunelit, atëherë do të ketë përsëri trazira të mëdha dhe gjithçka e arritur deri tani do të fundoset.

DW: Gjermania është një nga vendet më me reputacion në Kosovë, pra fjala e saj do të zinte shumë peshë. A ka një iniciativë nga qeveria gjermane për të gjetur një zgjidhje të përshtatshme të statusit?

Capf: Në qeverinë gjermane ekziston vetëdija, se duhet të ketë një zgjidhje që nuk është as kthim pas e as status-quo. Ekziston edhe kujdesi për të mos u prononcuar haptazi parakohe. Unë di, që ka shumë bisedime për të gjetur një zgjidhje konsensusi të paktën fillimisht në grupin e kontaktit. Nuk dua të shprehem, sepse as edhe qeveria federale nuk është deklaruar. E di që janë duke shqyrtuar me shumë kujdes, se cilat janë zgjidhjet që vijnë në pyetje. Por e di që si amerikanët ashtu edhe gjermanët e vlerësojnë pozitivisht një zgjidhje të ngjashme me këtë që është skicuar në raport. Nuk është e thënë të zbatohet një për një, mund të ketë edhe variacione, si për shembull, me faza kalimtare, pra, një protektorat evropian.

[Veshtrusja]

Eshte interesant kur krahason mendimet para dy muajsh ne krahasim me ato te sotcmet nga Gjermania. Me vjen mire qe dallojn permiresim.

Deputet gjerman vlerësojnë faktin se në Kosovë po punohet për të
garantuar sigurinë e pakicave

03.03.2005
Deutsche Welle
Bekim Shehu

Delegacioni i Bundestagut kryesohet nga udhëheqësja e grupit parlamentar të të gjelbërve Krista Sagei


Një delegacion i Bundstagut gjerman i kryesuar nga Krista Sagei, udhëheqëse e grupit parlamentar të të gjelbërve, po qëndron sot në Kosovë për të parë nga afër zhvillimet këtu dhe përshtypjet e tyre gjatë qëndrimit në Kosovë për t'i përcjell më pas në Ministrinë e Punëve të Jashtme të Gjermanisë. Kjo për faktin që në përbërjen e delegacionit gjerman, bëjnë pjesë edhe përfaqësues të komisionit për politikë të jashtme dhe të mbrojtjes. Kryesuesja e delegacionit, Krista Sagei, pas një takimi që zhvilloi me kryeministrin e Kosovës Ramush Haradinaj, tha se nga ai është njoftuar për angazhimin e qeverisë në përmirësimin e gjendjes së pakicave në Kosovë gjë që për delegacionin gjerman është një çështje shumë e rëndësishme.

Për ne ishte shumë e rëndësishëm njoftimi se këtu po punohet shumë për të garantuar sigurinë e pakicave në Kosovë. Kjo ka rëndësi shumë të madhe kur kemi parasysh vendimet politike që duhet te merren ne mesin e këtij viti kur të bisedohet për statusin final të Kosovës, tha Krista Sagei. Po ashtu është e rëndësishme sipas saj, që në Kosovë po punohet në plotësimin e standarteve në të gjitha fushat gjë që më vonë me përfundimin e këtij procesi do të garantohen edhe investimet nga jashtë që do të shënonin përmirësim të gjendjes ekonomike në Kosovë. Kryeministri i Kosovës Ramush Haradinaj ndërkaq, nga ana e tij, e ka falenderuar delegacionin e Bundestagut gjerman për angazhmin e Gjermanisë në Kosovë ndërsa i ka siguruar ata, se në Kosovë po krijohet një klimë e qëndrueshme politike. Qëndrimet e Kryeministrit, pas takimit i prezantoi, zëdhënësi i tij, Arben Qirezi.

"U bisedua edhe për aspektet e situatës së sigurisë në Kosovë e cila nga të dy palët u vlerësua si e volitshme. Kryeministri më këtë rast konfirmoi në emër të qeverisë së Kosovës se është krijuar një klimë e volitshme në drejtim të politikës sociale dhe në atë të sigurisë e cila mundëson përparime të mëtejshme dhe implementim me kohë të standarteve në mënyrë që procesi i definimit të statusit final të Kosovës të hapet ashtu siç është paraparë në pjesën e dytë të këtij viti".

Delegacioni i Bundestagut gjerman, i kryesuar nga Krista Sagei, udhëheqëse e grupit parlamentar të të gjelbërve, gjatë ditës së djeshme qëndruan në Prizren ku vizituan trupat gjermane të stacionuara në jug të Kosovës. Gjatë ditës së sotme, ata do të zhvillojnë takime edhe më udhëheqës të tjerë të institucioneve të këtushme dhe poashtu takime do të kenë edhe me përfaqësues të serbëve të Kosovës.

[Albo]

Vota e Gjermanise per pavaresine e Kosoves eshte e rendesishme per tre arsye:

1. Eshte nje nga 5 anetaret e grupit te Kontaktit qe do te vendosi statusin final.
2. Eshte boshti kryesor i Bashkimit Evropian, qe ve vulen e integrimit evropian.
3. Eshte nje nga shtetet evropiane me me shume ushtare paqeruajtes ne Kosove.

Vota pro e Gjermanise per pavaresine e Kosoves ka nje domethenie te madhe jo vetem per ato arsye qe shkruajta me lart, por edhe ne raport me zbutjen apo neutralizimin e qendrimit te boshtit tjeter evropian, Frances. Deri me sot francezet nuk e kane fshehur pakenaqesine e tyre karshi qendrimeve qe ka mbajtur Washingtoni dhe Londra ndaj Kosoves, te cilet kane dhene shenja inkurajuese per aspiratat e shqiptareve. Kjo shkakton tek francezet nje kunder-reaksion karshi qendrimeve te anglofoneve, shtoi kesaj edhe faktin se Franca ka qene nje prej arkitekteve te Ballkanit te Vjeter (ish-jugosllavise), dhe francezet jane duke pelcitur nga marrazi, marraz qe deri me sot e kane mbajtur perbrenda, pikerisht se nuk duan te prishin romancen e maredhenieve franko-gjermane, qe filloi me luften ne Irak 2 vjet me pare. Qendrimi pro pavaresise i Gjermanise, e neutralizon ne nje fare mase voten kunder te Frances dhe e shtyn ate qe te rivleresoje politiken e saj ne Evropen Juglindore.

Persa u perket vendimit gjerman per njohjen e pavaresise se Kosoves, kjo eshte diktuar nga disa faktore qe ne pamje te jashtme jane pak domethenes, por nen kendveshtrimin e politikes se brendshme gjermane jane shume domethenese.

1. Komuniteti i madh i shqiptareve nga Kosova ne Gjermani si emigrante apo si shtetas.
2. Lidhjet e ngushta ekonomike te Gjermanise me Kosoven, ku deri para pak vitesh me pare, kartmonedha ne qarkullim ne Kosove ishte deutch mark gjermane.
3. Nje Kosove e pavarur dhe stabilizimi i rajonit, eshte ne interesin kombetar te Gjermanise, pasi i jep fund emigracionit klandestin dhe kerkesave per azile politike, ul edhe koston e sherbimeve sociale te shtetit gjerman per emigrantet ballkanike apo qe hyjne tranzit nepermjet Ballkanit.
4. Popullsia e re e Kosoves eshte nje burim njerezor per nevojat e nje shoqerie evropiano-perendimore te plakur, ku Gjermania ze vendin e pare ne Evrope per numrin e ulet te lindjeve.
5. Zgjidhja e ceshtjes se Kosoves dhe perfundimi se shpejti i procesit te shperberjes se ish-Jugosllavise, ne syte e gjermaneve dhe BE eshte nje mundesi per te stabilizuar politikisht Ballkanin, qe i hap rrugen integrimit ekonomik te tij dhe vershimit te kapitalit gjerman ne te.

Albo

[edspace]

Vota e Gjermanise per pavaresine e Kosoves eshte e rendesishme per tre arsye:

1. Eshte nje nga 5 anetaret e grupit te Kontaktit qe do te vendosi statusin final.
2. Eshte boshti kryesor i Bashkimit Evropian, qe ve vulen e integrimit evropian.
3. Eshte nje nga shtetet evropiane me me shume ushtare paqeruajtes ne Kosove.
...

3. Nje Kosove e pavarur dhe stabilizimi i rajonit, eshte ne interesin kombetar te Gjermanise, pasi i jep fund emigracionit klandestin dhe kerkesave per azile politike, ul edhe koston e sherbimeve sociale te shtetit gjerman per emigrantet ballkanike apo qe hyjne tranzit nepermjet Ballkanit.
4. Popullsia e re e Kosoves eshte nje burim njerezor per nevojat e nje shoqerie evropiano-perendimore te plakur, ku Gjermania ze vendin e pare ne Evrope per numrin e ulet te lindjeve.
...

Grupi i kontaktit ka detyrë të monitorojë gjëndjen dhe të ndihmojë Kosovën për të plotësuar kushtet e vendosura nga kombet e bashkuara. Grupi i kontaktit mund të japë këshilla por nuk vendos statusin final.

Kosova nuk ka fituar pavarësinë zyrtare akoma e jo më të bëjë diskutime për bashkimin evropian që i takon të ardhmes, pas 10-15 vjetësh.

Ç'lidhje ka numri i ushtarëve paqeruajtës me rëndësinë e vendimit të pavarësisë? Mos vallë Rusia do t'i bindet Gjermanisë mqns Gjermania ka më shumë ushtarë në Kosovë?

Nga një anë thua që Gjermania do të ndalojë emigrantët e nga ana tjetër thua që ka nevojë për njerëz të rinj. Njohja e pavarësisë së Kosovës nuk do shtojë numrin e emigrantëve dhe në fakt e pakëson atë sepse do përmirësohen kushtet ekonomike të jetesës.

Rusia dhe Serbia nuk kanë shumë ndikim mbi Kosovën dhe as mbi vendet e tjera Evropiane. Me përjashtim të fqinjve tanë si Greqia, e mbase Italia, që ndikohen negativisht nga rritja e ndikimit Shqiptar në rajon, të gjitha vendet e tjera Evropiane kanë vetëm interesa ekonomike mbi Kosovën dhe do përkrahin pavarësinë e Kosovës por do ta kushtëzojnë atë në mënyrë që Shqiptarët të mos kërkojnë pavarësi edhe në Maqedoni, Mal të Zi, e Luginën e Preshevës.

Ballkani është dera e Evropës për Lindjen e Mesme dhe kjo është arsyeja kryesore pse ata mbështesin stabilizim e rajonit. Kur të vijë puna e votës, Amerika do mbështesë pavarësi, Evropa do kërkojë pavarësi të kushtëzuar, dhe Rusia e Serbia do kërkojnë ndonjë ndihmë ekonomike, që të mos ngelen duar bosh.