Ndarja e popullit Shqiptar nga ai "Kosovar" dhe anasjelltas!?

[ornament]

Dita ne pergjigjen tende ka mungese respekti dhe revolte (bolshevike) kjo se nderon nje konservator, aq me teper nje vajze.

Kosovaret vijne ne shqiperi (jo vetem per pushime) per te njejtat aresye qe vijme ne ne ket forum. Gjithashtu maredheniet me fqinjet (jo vetem jugosllavine) jane te domosdoshme, mbylljen enveriste e provuam, ajo s'dha rezultate te favorshme, per me teper jeni ju konservatoret- djathtiste emigrante, haha!, qe ishit per hapjen e shqiperise drejt perendimit. Apo ty te duken shqiptaret me perendimore se serbet.

[AsgjëSikurDielli]

E na trego se pse vijme ne ne Forum ornament?

Sinqerisht,

Star.

[Dita]

ornament,

mund ta ndjesh si mungese respekti menyren me te cilen jam shprehur une vetem nese dhe ti kur me je drejtuar je shprehur ne te njejten menyre.

i madhi Lasgush thoshte dikur per njerin nga poetet e realizmit socialist: buri e partise.

ashtu ngjan edhe ti ornament....vazhdo me sukses detyren qe te kane caktuar....provokim dhe acarim


edhe per mua vlen pyetja qe ka bere edhe StarCraft: Pse vijme ne ne forum?

[ornament]

Dita, me "mungese respekti", une quaj "platforme politike", ose 'buri e partise' siç e ka thene Lasgushi dhe qe TI s'ke kuptu gje.
Ti Drita nuk te intereson tema, sepse ti i ke zgjidhjet e gatshme per te, (nuk kuptoj çfare pret per ta zgjidh sa me pare) Gjerave ti ja u di kuptimin e zgjidhjen, je ti qe vepron me "platforme" e "etiketime" partie, jo une. Kete une quaj mungese respekti, jo ndaj meje (une s'te llogaris as TY, as Kerkend, keshtu mos ki frike se nuk me fyen), por ndaj temes dhe LLOGJIKES SE DISKUTIMIT.

Une Dita di kete, qe S'DI ASGJE (prandaj une marr pjese ne forum, per ti dhene nje kuptim gjerave, ne menyre qe te gjithe te avancojme, mesojme) ndersa TI, S'DI ASGJE (po si une), por KUJTON s'e di. Ketu eshte ndryshimi midis nesh. Dija jote, jane preferencat e tua, paragjykimet e tua, partishmeria qe duket sheshit, patriotizmi qesharak, mesimet dhe zgjidhjet e partise, ti je BURIA E PARTISE.

Pse je ti BURI ? Sepse ti z'gjykon, s'lexon, s'shpjegon, s'pyet, Ti veç shpalos opinione, jep zgjidhje, etiketon njerez, copy/paste artikuj pa fund, etj, etj. A s'eshte kjo nje platforme politike.

Ti je per BASHKIMIN, e kosoves me shqiperine, po une s'pashe PSE? A na sjedh lumturine, pasurine, e te mira te tjera ky bashkim ti s'the gje.
Ti je per mos pasjen e marredhenieve me Jugosllavine, prap une s'pash Pse? aresyet per kete. Pyetjeve specifike qe une te bera, ti s'u pergjigjesh, as shembuj konkret s'jep kurre. Ti nuk llogjikon vete, sepse partia jote, klani yt mendon per ty, ti veç zbaton, shtron, copjon, TI MILITON! A kupton Dita cili nga ne eshte BURI.

Tani pyetja qe ju te dy shtroni, ka kohe qe ja kam ba vetes, ajo lidhet me psikollogjine e njeriut, tonen, te tereve. Duke qene sot i lodh, s'po e çoj me gjate, po s'do te rri pa u pergjigj.

ps, <TY> (e perdorur ne shkrim) nenkupton nje MENTALITET, jo PERSON.

[baobabi]

Duke marre shkas nga postime te fundit ia kushtova kete post Etikes.

Ornament. E ke gabim kur mendon se po sulmon "mentalitetin" pa cenuar "personin". Etika duhet ruajtur ne cdo rast. Mentaliteti eshte pjese perberese e personit dhe personi eshte bartes i mentalitetit. Me mire thuaji tjetrit hundederr se sa rrugac. Per te ruajtur Etiken ne diskutim nuk eshte lehte.

Cili eshte burimi i kundershtimeve. Eshte vete bota e tille. Nga njera ane secili do qe te jete autentik ne mendimet e veta dhe nga ana tjeter deshiron qe te jete pergjithesues.

Me ndihmen e etikes behet e mundur qe te ruash autenticitetin tend dhe te pergjithesosh gjithashtu.

Le te kthehem tek ceshtja.

Dita mbron pikepamjen se "shqiptar" dhe "kosovar" jane e njejta gje.

Kjo per faktin se Dita vete nuk sheh dallim.

Por kjo nuk do te thote se keshtu eshte per te gjithe.

Edhe une jam me mendimin se ka dallim.

Cilat jane sipas meje.

Ato qe arrij te shoh une jane se shqiptaret dhe kosovaret kane jetuar ekonomikisht, politikisht, dhe ana kulturore me teper te ndare se sa te bashkuar.

Kjo menyre e te jetuarit ka krijuar edhe identitetin e vecante si te shqiptareve ashtu edhe kosovareve.

Vete kosovaret kerkojne te vetqeverisen dhe jo t'i bashkangjiten shqiperise.

Ata kane partite e tyre, institucionet e tyre etj etj.

Dhe mardheniet me shqiperine do te vendosen mbi baze te ketyre perfaqesive.

Se si do te jete ecuria e mardhenieve ne te ardhmen do e tregoje koha.

Integrimi ne Europe do tu krijoje shqiptareve dhe kosovareve mundesi qe te rrisin kontaktet dhe te integrohen edhe nga pikepamja kombetare si nje komb i vetem se bashku me shqipfoles te tjere ne Mal te Zi, Maqedoni dhe Greqi.

[xhelil]

KOSOVA & SHQIPERIA

Nje ceshtje teper madhore dhe qe percakton per mendimin tim se sa te zotet dhe largepames jane shqiptaret.
Nuk jam ne gjendje qe te jap direktiva dhe ide se si do te shkoje kjo pune por jame ne gjendje qe te diskutoj bashke me juve mendimin tim,duke pasur parasyshe qe te respektoj te gjitha mendimet e antareve.
Koptohet qe ka shqiptare qe mendi#ojne se kosovaret jene ndryshe nga shqiptaret po mire :
Kush jane shqiptaret ?
A mud te behet kombi shqiptare nga shqipfolesit ?
Te gjithe ato shqipfoles qe si gjuhe te nenes kane shqipen jane shqiptare.
Kush i thote bukes buke dhe ujit uje eshte shqiptare.
Une dua qe te shpreh mendimin tim se duhet te mendojeme se para se gjithash jemi qenie njerezore qe kemi specifika te vecanta per sa i perket potencialit njerezore,nivelit te ndergjegjes,logjikes,kultures.
Cdo indivite eshte nje bote ne vete dhe vepron si e tille deri kur te nderroje jete,ka dhe shume gjera por per te bere te qaret idene mjaftojene.
Pra ne nje fare menure ne jemi krejtesishte te drushem nga njeri tjetri por kur nje kosovar dhe nje shqiptare shqipnie jane bashke dhe i krahason me nje angles ose gjerman ato jane shume te ngjajshem ne shume gjera.
Jane zakonet,kultura dhe gjaku qe na bashkon me shume se cdo gje tjeter ne shqiptaret kudo qe jemi ne bote.
Per mua SHQIPTARET jane njelloj kudo qe jetojne ne Shqiperi ,Cameri, Kosove ,Mali i Zi,Turqi e kudo qe ka shqiptare.
Kam qejfe qe kur diskutojme per shqiptare e kam fjalen per ato qe e quajne veten shqiptare se njoh njerez ketu ku po banoj perkohesishte qe e deklarojne vete qe nuk jemi shqiptare dhe ai njeri qe ben nje deglarate te tille sigurishte qe nuk eshte shqiptare.
Ne duhet qe te respektojme nje gje qe gjithe shqipatret nuk mund te jene ne nje mendje ne nje shkalle te laret ndergjegjeje dhe kulture dhe arsimimi,keshtu eq te gjitha keto kane efektet negative dhe pozitive.
Duke i pare gjerat ne prespektive shqiptaret jen futur punes per nje bashkim mabareshqiptare qe do te vije vetem me pune shkollim dhe respekti per njeri tjetrin.
Faleminderit per mirekuptimin.
Rrofshin e qofshin shqiptaret kudo ku jane e punojne.

[Dita]

ornament,

Ky eshte pikerisht toni me te cilin prita reagimin tend, as me shume e as me pak. Me shume se sa c'te thashe nuk ben. Lasgushi ka folur edhe per mua.
Dija ornament eshte dicka qe perftohet gjithe jeten dhe une nuk jam nga ata njerezit qe shet mend di, se nuk ma lejon as mosha ta bej ate gafe, por une shpreh ate qe mendoj dhe ate qe ndiej.

Nese vazhdon me ofendime, nga ky diskutim do te largoj te gjithe postimet qe permbajne fyerje personale. PO ta le ne dore vazhdimin e debatit.


Baobabi, ke te drejte ne dicka, une mendoj se gjenetikisht populli ne te dy anet e kufirit ka te njejten prejardhje, jemi shqiptare, kemi gjuhen dhe zakonet karakteristike qe na bejne te kuptojme te shkuaren e perbashket historike. Fakti qe ne kemi qene te ndare se paku qe prej vitit 1912 ka bere qe dy pjeset e kombit tone te kene kaluar ne faza te ndryshme te zhvillimit politik, ekonomik e kulturor. Synimi sllav e ka kerkuar kolonizimin e jetes shqiptare ne Kosove, shnderrimin e gjuhes dhe zvetenimin e vlerave kulturore shqiptare.

Dhe kjo ka bere qe ne fillim te shekullit te ri ne te shohim se ndryshojme prej tyre, por perseri te dyja palet jemi shqiptare. Ne fillim te shekullit 20 Kosova ishte shqiptare, dhe qe prj atehere megjithe perpjekjet serbe popullsia shqiptare vetem se eshte shtuar dhe shumefishuar. Pra ne fund te shek. 20 e fillimin e shek 21, kjo popullsi eshte perseri shqiptare, po aq sa c'ishte ne vitin 1912.

Tek tema shume e diskutuar gjate ketij viti ne forumin shqiptar: Si vjen bashkimi kombetar, kam dhene mendimin tim ne lidhje me identitetin kosovar.

Baobab, pergjigja jote neutrale me shtyu qe te kaloj ketu mendimin tim.

Je i lutur ta komentosh ate. (Mund ta gjesh dhe ne kete link, postimi 11):

http://www.forumishqiptar.com/showth...p?threadid=241




Per bashkimin! Postimi #11

Eshte hapur edhe nje teme tjeter mbi Identitetin Kosovar.

Ka shkruar edhe Albo tek tema qe kam hapur une mbi Ceshtjen shqiptare ne Kosove.



E kam vrare mendjen keto dite nese dhe si do te mund te pergjigjesha nese me pyesnin nese ekziston identiteti kosovar.


Nese do te pyeteshin shqiptaret ne Kosove, besoj se do te shfaqeshin dy prirje:

1.qe jemi shqiptare dhe si rrjedhim duke u perkufizuar si te tille do te jemi dakord me idene e bashkimit me Shqiperine

2. qe jemi kosovare, pra duke nenkuptuar ne menyre te tille nje deshire per t'u paraqitur si te vecante nga shqiptaret.


Duhet te kemi parasysh se te dy keto prirje jane reale, dhe me besoni e dyta ka marre nje ngjitje duke u nisur qe prej vitit 1999.

Cilet jane faktoret qe kane shtyre ne kete drejtim?
Une mendoj si me poshte:


- Krimet qe kryen banditet shqiptare me urdher dhe me porosi nga SHIK-u i Shqiperise neper shtepite e kosovareve

- rrembimet qe iu bene vajzave shqiptare ne Kosove dhe dergimi i tyre per te plotesuar tregun prostitucionit ne perendim

- rrembimet e personave, futja e elementeve te mafies nga Shqiperia me qellim te percaktuar - pervec perfshirjes se tregut te Kosoves edhe perkeqesimit te figures se shqiptareve te Shqiperise ne Kosove. Per perkeqesimin e figures se shqiptareve te Kosoves ne Shqiperi ishin kujdesur per vite me radhe organet e Sigurimit te Shtetit qe e vazhdonte veprimtarine e vet ne bashkepunim dhe per llogari te UDB-se. Fatmiresisht kjo pershtypje ka ardhur duke u permiresuar qe prej 1999.

- Destabiliteti i jashtezakonshem politik ne Shqiperi, mungesa e theksuar e rendit dhe e forces se shtetit mbi popullsine.
Tmerret ne politiken shqiptare, metodat e eliminimit fizik qe fatkeqesisht jane perhapur gjeresisht dhe ne Kosove dhe qe kane cuar ne shuarjen e zerit te disa intelektualeve atdhetare e demokrate qe kane dhene shume per Kosoven.
Frika se Kosova mund te bjere ne duart e banditeve dhe greko- e serbofileve qe drejtojne Shqiperine.


Pra te jemi te ndergjegjshem se figura jone si shqiptare Shqiperie pavaresisht mirenjohjes se jashtezakonshme qe ushqejne shqiptaret e Kosoves per ne, eshte e rrezikuar.

Duhet te luftojme qe kjo te mos ndodhe me tej. Perndryshe eshte ne rrezik dhe qellimi yne i madh, ai i bashkimit real (qe vjen me pare se ai formal).



Ne analizen e mesiperme u mundova te marr vendin e nje shqiptare Kosove dhe te paraqes gjendjen aty.


Nese do te shikoja me nje sy te paanshem, sic do te bente nje evropian(e) (qe besoj se ka syte me te ftohte ne kete bote!) do te shikoja se keto levizje ne qendrimin e dy pjeseve te popullsise shqiptare ne te dy anet e kufirit jane dicka reale. Nese do te beja pjese ne ate pjese dashamirese qe ka ndihmuar ne clirimin e Kosoves, do ta thoja fjalen time: Kini kujdes o shqiptare! Beni me shume per njeri-tjetrin!
Per kete do te thoja se i duhet ditur shume per nder veprimtarise se Michael Steiner, shefit te ri te misionit te UNO-s ne Kosove. Puna e tij deri tani ka ndikur ne reduktimin e percarjes ne mes te faktorit shqiptar, ne permiresimin e rendit dhe venien nen kontroll te krimit.


Nese do te beja pjese ne palen dashakeqe qe ne te gjithe koherat ka punuar kundra ceshtjes shqiptare, do te rrija e heshtur, nuk do te thoja asgje, do ta lejoja madje veprimtarine dhe perhapjen e mafies shqiptare ne Kosove, sepse do ta shikoja si nje potencial te madh per te minuar perpjekjet madhore per Bashkimin Shqiptar.



Kosovar ka sjelle shembullin e ndarjes se Cekise e Sllovakise.



Une do te sillja shembullin e ndarjes se faktorit gjerman ne disa shtete ne Evrope.

Ne fund te Luftes se Pare Boterore u bene perpjekje ne Austri me grupe te ndryshme nacionaliste per te bere bashkimin me Gjermanine. Nderkohe qe kjo, permes traktave te paqes ne te cilet u vendos dhe krijimi i shtetit Austriak pas renies se perandorise dhe ndarjes nga Hungaria, ishte nje mase e ndaluar.


Dhe kjo deshire per bashkim vinte edhe pse Austria dhe Gjermania prej shekujsh kishin pasur nje rrjedhe krejt tjeter ne histori.


Shembull tjeter.
Ai i tirolezeve jugore (apo Südtiroler) qe sot ndodhen nen Italine. Edhe fati i tyre u percaktua me perfundimin e Luftes se Pare Boterore. Austria me pas deri ne shpalljen e Republikes se Dyte ne vitin 1955 nuk pati mundesine te kujdesohej sic duhej per fatin e austriakeve qe mbeten nen Itali. Nje mashtrim i metejshem erdhi gjate kohes se nazizmit dhe bashkepunimit te nje pjese te mire te ketij faktori tirolez me strukturat naziste. Mendohej se do te arrihej bashkimi i madh me Gjermanine dhe Austrine, nderkohe qe Hitleri i kishte rregulluar me pare punet me Duce-n dhe e kishte varrosur ceshtjen tiroleze njehere e pergjithmone. Tirolezet rane viktime e besimit te tyre tek vellezerit me te medhenj dhe luftuan me se koti ne frontet e shumta ne lindje te Evropes, perfshi edhe Rusine.
Austria me pas, pas Luftes se Dyte Boterore beri shume per te permirusuar statusin e tirolezeve ne Itali. Per njefare kohe ka pasur dhe nje si lloj ngrirje dhe nje acarim ne marredheniet me shtetin italian. Meqe nderrimi i kufijve ishte i pamundur, u arrit me e mundshmja, nje province autonome brenda territorit italian. Me kete tirolezet mbeten te kenaqur, per arsye se ata kerkesa madhore qe ishte mbuluar nga zhgenjimi i shpresave ne vite, nuk qendronte me ne plan te pare. Ata kishin arritur dhe kishin lejuar integrimin brenda Italise.

Nese sot pyet nje tirolez jugor se cfare e ndien veten se je: nje Austriak apo nje Italian, pergjigja do te ishte: Une jam Tirolez Jugor. Pra ata e kane krijuar identitetin e tyre dhe sot perfaqesohen ne parlamentin evropian me deputete te vet.

Bashkepunimin me Austrine e kane te madh - partite vendase si te majtat ashtu edhe te djathtat bashkepunojne me simotrat e tyre ne Austri- megjithate ata flasin se nuk jane austriake.




Pra duhet vrare mendja mire kur flasim per bashkim.


Se pari duhet te sheshojme ndasite dhe secili prej nesh te mundohet te krijoje dhe te zgjeroje rrethin e miqve dhe te njohurve me pjestare te popullit tone ne anen tjeter te kufirit.

Projekti me arsimin do te ishte shume i mire. Une ate ne postimin tim te meparshem e kam paraqitur ne planin universitar, por mendoj se duhet te zhvillohet ne te gjitha nivelet e arsimit, ne njehsimin e sistemit arsimor, ne zhvillimin e nje programi te perbashket qe te mundesoje pergatitjen me nivel ne te anet e kufirit qe nga klasa e pare fillore deri ne programe pasuniversitare.



Mendimet e tjera qe ka sjelle Kosovar jane me shume vlere dhe ndoshta sic propozon dhe Antoni do te na duhet t'i diskutojme vec e vec sesa qendrojne.



Por edhe nese bashkimit i dalin pengesa, kjo eshte dicka qe nuk duhet te na tute perpara dickaje akoma me te rendesishme, qe eshte PAVARESIMI i KOSOVES.

Ajo qe ka frike Evropa duket se eshte forcimi i faktorit shqiptar dhe fqinjet tane paraqesin si gogol mundesine e bashkimit ne nje shtet te vetem. Dhe me kete ne goje mundohen te pengojne pavaresimin e Kosoves.

Ka shume mundesi sipas mendimit tim qe nese vjen dita ne te cilen do te diskutohet vertet ne nje tryeze nderkombetare per Kosoven e Pavarur te vihet si kusht qe Kosova dhe Shqiperis te mos bashkohen dhe per kete te firmosin perfaqesues te shtetit shqiptar dhe perfaqesues te Kosoves.

Nese kjo ndodh, atehere perseri mos tutemi. Qellimi paresor eshte largimi perfundimtar i Kosoves nga juridiksioni serb, apo gjithcka tjeter qe ka mbetur nga lidhja me ish-Jugosllavine (qe tanime as si term nuk ekziston).

Qellimi paresor eshte dhe duhet te mbetet ky. Kosova si shtet i pavarur do t'i kete me pas mundesite e hapura dhe Shqiperia do ta kete deren e hapur per te.


Une e kam thene edhe ne postimin tim te meparshem, bashkimi formal eshte i veshtire, por per bashkimin real mund te punohet fare mire.
Per kete bashkim real Kosovar eshte shprehur shume qarte.

[loti]

keni té derjt té mendoni dhe té jepni mendimet tuja lidhur me kété,por KOSOVA ishte dhe do té jet si Kosové(as me shqiprin e as me serbin apo federaten SNZ)do té jemi té pavarur dhe sovran,té hapur pér té gjithé fqinjet tan ,krse lidhur me shqiprin do té bashkohemi vetem me kultur,arsime,shkec,turizem kurse politikish do té jemi shumé lagé.Ne Kosovaret jemi dhe dot é mbesim sa do paké"si na quani ju veté"" "shkrdhatkosovare" term ky qé éshté shumé i popullarizuar tash te ju né Shqipri pér fat té keq.e them kété nga perjetimi. sepse kam shumé miq né shqipri. ju pérshndes kudo qé jeni

[iliria e para]

Se shpejti Evropa behet NJÊ.
Ashtu qe nuk do te eksistojne me ajo forme ,komb-shtet ne te ardhmen. Ashtu qe nuk do te kete kufinje ne mes Kosoves-Shqiperise dhe trojeve tjera etnike.
Ja sot psh Austria me Gjermanine. Aty e kalon "kufinjet" 100 here ne dite pa ditur se i ke kaluar. Ate qe Hitleri se beri me lufte e bene vet europjanet. Pa marr parsyshe statusin final te Kosoves, trojet shqiptare do te behen NJE.

[Llapi]

Duke shfletuar librin e Nexhmedin Spahiut "Drejt kombit kosovar"


Shkruan:

Fadil SHYTI

VIZIONI REAKSIONAR I NJË ANALISTI PACIFISTO RUGOVIST

Duke shfletuar librin e Nexhmedin Spahiut "Drejt kombit kosovar", lexuesi aty do të gjejë "zbulime epokale", që jo rrallë i ka lexuar e dëgjuar nga elaboratet famëkeqe të kishës dhe të shkencës historike serbomadhe, në raport me kombin shqiptar.

Vet titulli i librit paralajmëron që "analisti i famshëm", paska marrë mundimin që prej një kombi shqiptar siç ekziston në shekuj, t´i bëjë dy kombe, por siç e shkruan edhe vet pa dorashka, këtë do ta arrijë me ndihmën e pushtuesve, sigurisht dje të okupatorëve serbo-malazezë e maqedon, ndërsa sot me pushtimin e Kosovës nga ushtritë e NATO-s.

Nga kjo objektivë "vizionare" analisti po del hapur me qëndrimin se robëria paska qenë fatlume për shqiptarët, sepse si burim i saj tani i kemi mundësitë që nga një komb sa ishim, tani të bëhemi dy, ose "në dhashtë Zoti e me na prirë fati"- që kjo robëri të zgjatet më tej, shikuar nga kjo optikë "shkencore", ne do t´mundemi të bëhemi tri e më shumë kombe, kuptohet për aq sa jemi të copëtuar nga shtetet fqinje të Ballkanit, po aq kombe do të krijojmë!!!

Ide tragjikomike e vizionarit reaksionar rugovist, apo jo?!...

Autori i këtij libri, që s´ka redaktor as lektor, vetëm tregon vendin e botimit dhe vitin; Mitrovicë, 2004.

Në librin "Drejt Kombit Kosovar" - siç thotë autori, " kam përmbledhur në rend gadi kronologjik disa analiza dhe komentet e mia politike të botuara në shtypin shqiptar e të huaj në periudhën Maj 1999- Korrik 2004,

analizat dhe komentet politike shprehin shqetësimet e mia për rrjedhat politike në Kosovë dhe përpjekëjet e mia për të kontribuar drejt një vizioni kombëtar, libri u kushtohet njerëzve të vizionit dhe të sakrificës, veprat e të cilëve përbëjnë themelet e Kombit Kosovar".

Secili ka të drejtë t´i shprehë pikëpamjet e veta mbi të kaluarën, të sotmen dhe të ardhmen e kombit tonë, por në emër të kësaj lirie demokratike, sot po bëhen shkelje flagrante jo vetëm mbi të gjallët por edhe mbi dëshmorët e kombit tonë.

Dëshmorët tanë nuk ranë si vizionarë të Kombit Kosovar, ata ranë si vizionarë të Kombit Shqiptar.

Asnjëherë, në historinë e kombit tonë, ne nuk i kemi ndarë heronjtë në heronjë kosovarë e në heronjë vlonjatë, në heronjë dibranë apo në heronjë ulqinakë, por i kemi përfshirë me një emër madhor, ata/ato ishin heronjë e heroina të Shqipërisë Etnike, ishin dëshmorë të lirisë kombëtare.

Jam i bindur që për këtë ndarje, dëshmorët do ta mallkonin autorin dhe prijatarët e tij "vizionarë" të kombeve të reja nën ombrellën e robërive...

"Kosova ç´ka qenë, ç´ është e ç´do të bëhet dhe si do të bëhet"

(Editorial në "Kohën Ditore", 26 shtator, 1999.

F. 2:

"Në qoftë se synimi shqiptar në Kosovë është Kosova të jetë shtet i Pavarur, atëhere kjo nuk mund të arrihet për pa u formësuar kosovarët si komb.

Kushtet ekzistuese pas okupimit të saj nga ushtritë e NATO-s, janë ideale për këtë. Vetëm se duhet ditur të shfrytëzohen"- shkruan N. Spahiu.

Unë, do t´i thosha "analistit ndërkombëtar", a nuk po të lejon verbësia e "politikës së hollë", ta shiqosh se shqiptarët e Kosovës, prej kohësh i kanë plotësuar karakteristikat e formësimit si komb, por jo të një kombi të veçant i "shpikur" nga elaboratet reaksionare, por një komb me të gjitha atributet shqiptare.

Komb- I, 1 m.sh -E, -ET. 1. Bashkësi e qëndrueshme njerëzish, e formuar historikisht në bazët të bashkësisë së gjuhës, të territorit, të jetës ekonomike dhe të formimit psiqik, që shfaqet në bashkësinë e kulturës.

Kombi shqiptar, E drejta e kombeve për vetëvendosje, Baballarët e kombit. vjet. deputetët reaksionarë në parlamentin e rregjimit zogollian.

Fjalor i Gjuhës së sotme Shqipe, f.852

Kombëtar,-E mb.1. Që ka të bëjë me kombin, që i përket kombit, i kombit që ka të bëjë me kombësinë, i kombësisë. Pavarsia kombëtare, Zgjimi (çlirimi) kombëtar. Çështja kombëtare, Festë kombëtare, Flamuri kombëtar.

2. Që shpreh veqoritë e një kombi që karakterizon pjestarët e një kombi, që është krijuar nga pjestarët e një kombi. Kultura kombëtare, Gjuha kombëtare, Arti kombëtar, Valle (veshje) kombëtare, Vetëdija kombëtare, Veqori (tipare) kombëtare.

Fjalor i Gjuhës së sotme Shqipe, Prishtinë, 1981, f.853

Ndërsa, siç shkruan sociologu dhe juristi ynë Rexhep Ahmeti, i cili bukur gjatë është marrë me çështje të kombit tonë, Ay konstaton:

1. "Kombi është grup i madh njerëzish me karakteristika të përbashkëta si janë prejardhja (gjenetika), historia, gjuha, zhvillimi ekonomik, psikologjia, kultura, territori, organizimi "etj.

2. "Kombi është populli në shkallën më të lartë të zhvilimit ekonomik, social, shtetroro-juridik, kulturor" etj.

Pastaj, del me qëndrimin e tij programatik, i bazuar nga përvoja jetësore individuale dhe kolektive se:

3. "Siç po e tregon përvoja, parakusht për zhvillimin normal të kombit qenka edhe organizimi adekuat shtetëror i tij, ashtu siç dëshiron të vendosë ai vetë për jetën dhe fatin e tij".

4. "Kur të piqet kombi e realizon organizimin, vetëveten". (R. A.)

Nga këto sqarime modeste që i parashtrova, lexuesit e nderuar le të logjikojnë dhe të konstatojnë drejt se a jemi ne shqiptarët e Kosovës me karakteristika të tjera, kombëtare siç dëshiruan e do të dëshironin të na paraqesin armiqtë tanë shekullorë dhe vazalët e tyre të hapur e të maskuar prapa tezave të tyre "kombëtare"?!

Po, Kosova mund të bëhet shtet edhe pa ndryshimin e këtyre karakteristikave, që e përbëjnë Identitetin e saj shqiptar, tipare kombëtare që i barti në shekuj, pa përçudnimet gjuhësore, tradicionale, kulturore, vetëdijësimore etj.

Autori, më tej shkruan:

F.131; "Kombi është projekt politik. Projekti i rilindasve shqiptarë është realizuar vetëm pjesërisht. Pavarsia e Kosovës e përkohëshme apo e përjetëshme, është shmangie nga ky projekt".

Nga këto teza mund të konstatoj:

E sqarova më lartë, duke iu referuar fjalorit tonë shkencor dhe sociologut e juristit tonë të nderuar, se ç´është Kombi.

Por, nëse nga aspekti teoriko-politik, autori i referohet vizionit të rilindasëve, të cilët luftuan për një Shqipëri Etnike në Ballkan, sipas të drejtës natyrore, ashtu siç Zoti na krijoi, këtu ka të drejtë; sepse nuk është i kënaqshëm as i drejtë krijimi i Republikave shqiptare në Ballkan, kjo dihet nga të gjithë se vërtetë është një tërheqje nga presionet e faktorëve të jashtëm; nga diplomacia ndërkombëtare, nga ata që të parët e tyre e krijuan dhe tani e konsiderojnë si të pazgjidhur Çështjen Shqiptare, pra është një devijim ( me kompromise politike) nga projekti madhorë kombëtar.

...Dhe, pikërisht për këtë po na hakmirret çdo ditë e në çdo orë, historia!

Shikuar, nga ky prizëm historiko-politik, ( nëse s´po kemi mundësi tani për tani të bëjmë ndryshe) a nuk do të ishte më mirë që tani të përkrahet Unioni Shqipëri-Kosovë, kur politika shqiptare edhe me fajin e vet, momentalisht s´po ka mundësi që ta çojë përpara deri në fund, parimin e vetëvendosjes deri në shkëputje nga shtetet e huaja.

Shqipëria londineze, është shteti amë, përse të mos bëjmë atë që do të ishte më e mundshme përkohësisht, Unionin, e kjo do të çonte drejt Ribashkimit territorial të kombit; populli ynë thotë: "prej borgjlisë të keq, merre bishtin e sopatës".

Edhe kombi gjerman e "gëzoi" një okupim gjysmëshekullor nga fuqitë e huaja, por tek ai komb me histori dhe me kulturë të madhe, nuk doli asnjë analist i hollë politik e të kërkoj "krijime kombesh" të reja gjermane.

Përkundrazi, në Kushtetutën e parë gjermane, të vitit 1949 shkruan:


Kushtetuta e Bonit 1949 Preambel (prijfjala) * I vetëdijshëm për përgjegjësinë para Zotit dhe njerëzimit, i cytur nga vullneti për ruajtjen e tërësisë së vetë kombëtare dhe shtetërore dhe si pjestar i barabartë në një Europë të bashkuar për t`i shërbyer paqes në botë populli gjerman në krahinat: Baden, Hamburg, Hesen, Nidazaksen, Nord-hain-Vestfalen, Rainland-Falc,Shlesvih-Holshtain, Vytemberg-Baden dhe Vytemberg-Hohencollern në saje te dhunës ligjvënëse me qellim që jetës shteterore për një kohëkapercyell t`i jipet një rend (krahim) i ri, ka bestuar (vendosur) këtë kushtetutë të Republikes Federative Gjermane. Ai ka vepruar edhe për ata gjermanë, bashkëndikimi i të cilëve ishte ndrydhur. Prej gjithe popullit gjerman kërkohet në një vetëvendimmarrje (vetevendosje) të lirë të përfundojë bashkimin dhe çlirimin e Gjermanise. * Das Bonner Grundgesetz, Dr. Hermann von Mangold, ripërpunuar nga Dr. Friedrich Klein, Vëllimi i Parë, botuar nga Franz Vahlen GmBH, 1966, faqe 39. Dr. Dr. Miahel Saks vë në dukje se vetëm pas 03.10.1990 u bë i nevojshëm një ndryshim i kësaj prijesfjale, shih Dr. Miahel Saks, Grundgesetz, Komentar, faqe 65, botuar nga C.H. Beck`sche Verlagsbuchhandlung München 1996. Ndërsa verzionin i ri të kësaj prijesfjale në kushtetutën e tashme gjermane po e dhëmë këtu me poshtë. Preambel (Prijfjala) * I vetedijshëm për përgjegjësinë para Zotit dhe njerëzimit, i cytur nga vullneti si pjestar i barabartë në një Europë te bashkuar për t`i shërbyer paqes në botë populli gjerman në saje të dhunës ligjvënëse ka dhënë (qitur) këtë kushtetutë. Gjermanët në krahinat: Baden, Vyrtemberg, Bajern, Berlin, Bradenburg, Bremen, Hamburg, Hesen, Meklenburg-Vorpomen, Nidazaksen, Nordhain-Vestfalen, Rainland-Falc, Zaarland, Zaksen,Zaksen-Anhalt, Shlesvih-Holshtain dhe Tyringen në një vetëvendimmarrje te lirë kanë përfunduar bashkimin dhe çlirimin e Gjermanisë. Kështu që kjo kushtetutë vlen për gjithe popullin gjerman. *Dr. Miahel Saks, Grundgesetz, Komentar, faqe 63, botuar nga C.H. Beck`sche Verlagsbuchhandlung München 1996.

Politikanët shqiptarë, do të duhej të mësonin nga kjo kushtetutë, do të duhej ta respektonin kushtetutën e Republikës së Shqipërisë, e pse jo edhe në kushtetutën e ardhshme të Republikës së Kosovës, kjo duhet të sanksionohet dhe të zbatohet, nëse kjo objektivë historike arrihet me sukses, pra nëse Kosovës do t´i njihet Pavarsia, nga shtetet e botës.

Jo, okupimi i gjatë shekullor, kurrsesi nuk i jep të drejtë autorit, N. Spahiu dhe prijatarëve të tij, që tani të përfitojnë politkisht nga kjo fatkeqësi gjithëkombëtare, e të dalin me "teza historike", për krijimin e kombeve të reja brenda kombit shqiptar.

Këta, siç po shihet, po fitojnë poste të larta "pushtetore" dhe çmime ndërkombëtare, "Saharov", ëndërrojnë pastaj edhe për çmimin "Nobel" për paqe, nga të huajt, por mos të harrojnë se dëme të pallogaritshme po i shkaktojnë Kombit Shqiptar.

Prandaj, të mos harrojnë se për këtë, do t´i dënoj historia!

Nisur nga kjo ide madhore e rilindasve do t´jua përkujtoja "analistëve kosomopolitikë", vargjet poetike të dy atdhetarëve të mëdhenj rilindas; Ndre Mjedjes dhe të Luigj Guarkuqit.


Qoftë mallkue, kush qet ngatërrime,

Te këta vllazën shoq me shoq,

Kush i ndanë me gjuhë e shkrime,

Çka natyra vet i përpoq!...

(Ndre Mjedja).

...Dhe më tej, atdhetari, "vigani liberator" siç do ta quante Noli, do të shkruante:

Kur e humb gjuhën një popull shqim mbaron,

Në njëmijë çeta ka me u shpërnda,

Gjuha njerëzit i bashkon,

I lidhë si vëllau me vëlla!...

(Luigj Gurakuqi).


I mllefosur nga rrethanat e reja që u krijuan në Kosovë, pas luftës së lavdishme të UÇK-së, apartçiku rugovist, nuk harron pa i akuzuar padrejtësisht, udhëheqësit kryesorë të kësaj lufte, Thaqin dhe Haradinajn.

Ky trumbeton, kinse janë Thaqi dhe Haradinaj ata që e ndryshuan Flamurin tonë kombëtar!!!

Kjo miopi politike s´ka aspak bazë të vërtetë.

Po, a nuk e di i tërë opinioni kombëtar dhe ndërkombëtar se Ibroja, tërësisht pa mbështetje ligjore, prej vitesh po e mbanë në rezidencën e tij presidenciale, një tjetër flamur, do të thosha një flamur krahinorist, flamur që se ka mbështetjen as të Parlamentit as të Qeverisë së Kosovës, sepse atë flamur nuk e ka votuar, asnjëra palë.

Për këtë shkelje ligjore, sikur Kosova të kishte kushtetutë e të zbatoheshin ligjet, presidenti teknokrat do të duhej të nxirrej para gjyqit.

Unë, do t´i pyesja lexuesit e nderuar; kur i ka parë dikush nga shqiptarët apo ndërkombëtarët, liderët e partive të dala nga lufta çlirimtare, të jenë paraqitur me këtë flamur apo me ndonjë flamur tjetër, pa qoftë edhe partiak, nga zyret e tyre apo në vende publike ( përveq me rastin e zgjedhjeve) hera tjera jo, kurrën e kurrës?!

Këta burra të mëdhenjë të kombit e nderuan dhe i dolën zot Flamurit Kombëtar që sot e përfaqëson shtetin shqiptar.

Kush po luan me fatet e këtij populli, kush janë përçarësit e vërtetë të tij, tani po shihet si në dritën e diellit...

Mjerisht, që edhe ti z. Spahiu, ke hyrë prej kohësh në këtë valle të rrezikshme e cila çon në përçarje të thellë kombëtare, sipas motos politike berishjane, kinse jugu e urren veriun dhe anasjelltas, por lufta çlirimtare e Kosovës me Vise të robëruara tregoi se këto ishin vetëm "gjepura politike", por fatkeqësisht kombi ynë nga ato sllogane partiake, nuk kaloi pa pasoja...

Po i rikëthehem citimit nga libri ,"Drejt Kombit Kosovar"

F.2:

"Sado që pjesa e popullit (etnisë) shqiptare që mbeti jashtë kufijëve të shtetit shqiptar të vitit 1913 u përpoq ta injoroj si fakt lënien jashtë kufirit shtetëror gjatë kësaj kohe dhe ta kuptoj të qenët jashtë kufijve si okupim të përkohshëm, zgjatja e madhe e kësaj "përkohësie", bëri të krijoheshin themelet edhe për një komb tjetër, nga gjiri i popullit shqiptar, pra themelet e kombit kosovar".

Siç vlerësova edhe më lartë, do të shtoja se:

Në teorinë politike të pulicistit dhe "ekspertit për çështje ballkanike", të z. Nexhmedin Spahiut, okupimi dhe përshtatja ndaj tij krijojnë kombe të reja!

Rasti i Kosovës, sipas tij nuk paska nevojë fare të hiqet okupimi, pasi që ai po bëka "që të krijohen themelet edhe për një komb tjetër, nga gjiri i popullit shqiptar, pra themelet e kombit kosovar".

Sipas kësaj teorie reaksionare, shqiptarët paskan bërë gabime historike, me përpjekëjet dhe luftërat e tyre që prej vitit 1913 e deri më 2004, se kanë luftuar për çlirim e Ribashkim kombëtar!

Paska qenë dashur ta shfrytëzonin (shqiptarët) kushtin ideal për formimin e kombeve të reja-okupimin dhe ja mbaroi puna e kombit!...

Ironi e teorisë alla nexhmedinspahiane, apo jo?!

Por, ja që shqiptarët e Kosovës dhe të Viseve të tjera të robëruara nuk e dëgjuan "analistin ndërkombëtar" dhe dirigjuesit e tij pacifisto-rugovistë, por i bënë tri luftëra çlirimtare nën emblemat famëmëdha të UÇK-së, UÇK-re dhe UÇPMB-së, të cilat u betuan për Ribashkimin e trojeve shqiptare, ndërsa, z. N. Spahiu, edhe pas këtyre luftërave po teorizon se themelet e robërisë-okupimit, duhet shfrytëzuar për formimin e Kombit të ri Kosovar!

A nuk e kishte dalur dikur para këtyre luftërave edhe Serbia me këtë ide, me parullat: "Albanci" e "Shiptari", kur aludonte se të tjerë janë "Albancat", shqiptarët e Shqipërisë londineze dhe të tjerë janë "Shiptart", shqiptarët e Kosovës.

S´ka dyshim se për ringjalljen e kësaj ideje dhe të tjera teorive të saj antishqiptare Serbia, mesiguri një ditë, z. N. Spahiun, do ta shpërblejë me titullin "shiptar i ndershëm"!...

F. 5:

Çështje të strategjisë!!!

E para:

" Nëse synimi shqiptar në Kosovë është që Kosova të jetë një shtet i pavarur, atëherë kjo nuk mund të arrihet për pa u formësuar kosovarët si komb. Kushtet ekzistuese në Kosovë pas okupimit të saj nga ana e ushtrive të NATO-s, janë idele për këtë. Vetëm se duhet të shfrytëzohen".

F. 6:

" E dyta, klasa e mesme e shoqërisë... Forcimi i kësaj klase do të thotë forcim i kombit kosovar dhe përkrahje e interesave strategjike të Kosovës".

Këtu, z. Spahiu mund të ketë kuptuar intelektualët mikroborgjezë klasën e vet dhe të Ibro "trimit", që aq shumë po lufton për identitetin kosovar, apo më saktë për përçarjen e kombit shqiptar, e të cilëve si duket "analisti ndërkombëtar", ua kushton edhe librin, kuptohet tek parathënja e vet autorit për librin e tij "të famshëm".

F. 129:

"Cilin standard të shqipes do ta mbrojë ligji kosovar?

Krijimi i standardit kosovar të shqipes do të ishte ndoshta më praktik në këtë drejtim .

Në fakt ky do t´mund të ishte standardi themelor për Pavarsinë e Kosovës.

Druaj, që në pritje të një standardi gjuhësor të përbashkët nga Tirana, Prishtina dhe Shkupi, do të zë rrënjë akoma më thellë anarkia gjuhësore e bashkë me të edhe anarkitë e tjera në shoqërinë shqiptare".

Nga kjo mund të konkludojmë që sa frikë e paska ky pinjollë politk i pacifistëve, hapin madhor të njësimit të gjuhës shqipe, vepër kjo madhore e formuluar shkencërisht, çyshë në Kongresin e Drejtshkimit të Gjuhës Shqipe në Tiranë, (1972), kjo kërkohet të pasurohet më tej, por jo me "ndarje gjuhe kosovare" por me bashkim të gjuhës shqiptare, sipas parimit "njësim gjuhe, bashkim kombi"!

Kështu, s´ka rrezik fare për kurrfarë anarkie gjuhësore, përkundrazi!

Profesor, Isa Bajçincës, i lumtë për inisiativën e tij , që standardi gjuhësor të mbrohet me ligj.

E, kjo nuk do të thotë që ligji do ta mbrojë pikërisht standardin gjuhësor që e parashikon "analisti gjuhësor".

Uroj, që kurdoherë dhe në çdo rrethanë të mbrohet standardi gjuhësor që shpie nga uniteti gjithëkombëtar e jo standardet politike gjuhësore, që shpiejnë drejt përçarjeve dhe përçudnimit të gjuhës sonë të bukur shqipe.


Për t´i sqaruar lexuesit për prapësitë e këtij "analisti", për përpjekëjet e tij për të hedhur mjegullnaja rreth krijimit të kombit kosovar, do t´ju referohem ca të dhënave të thukta të politikologut atdhetar, Ukshin Hoti, i cili midis tjerash shkruante:

...historikisht, që nga vetëdijësimi politik nacional për shkak të pozitës gjeopolitike - në dyert e Otrantit, shqiptarët ishin ndodhur midis synimeve strategjike të dy grupacioneve të popujve: të sllavëve që e synonin Persinë si treg dhe Adriatikun si rrugë dhe italo-gjermanëve që dikur e synonin të njëjtën gjë dhe të njëjtën rrugë.

(Republika dhe lufta në kontekst të Evropës, Shkup, 22 Dhjetor, 1991, "Filozofia politike e çështjes shqiptare", f.158).

Heret datojnë fatkeqësitë tona të ndarjes së territoreve shqiptare, ndërsa tani disa po e hedhin vallen së prapthi për ndarje të kombit...

Pastaj, mendimtari ynë i madh, Ukshin Hoti, vijon:

"Shqiptarët në kohën moderne, në thelb kishin mbetur të ndarë për shkak të konfrontimit të interesave strategjike të këtyre dy grupacioneve të mëdha dhe perspektiva e bashkimit të tyre qëndronte te zëvendësimi gradual i botëkuptimeve të tilla gjeopolitike me botëkuptimet mbi maksimalizimin e fuqisë në mbështetje të përsosjes së resurseve të brendshme dhe të avancimeve teknologjike që do t´i zhvlerësonin botëkuptimet gjeopolitike mbi kontrollin e urryer të territoreve të huaja dhe të pikave strategjike".

(Republika dhe lufta në kontekst të Evropës), Po aty.

Këtu janë rrënjët famëkëqia por me këto ide madhore mund të gjenden shtegdaljet e ndritura në perspektivën historike, e jo tek akuzat e ndërsjella brenda shqiptare, tek përçarjet lokaliste e krahinoriste, madje tek përpjekëja e disa mjeranëve politikë që ta thellojnë më tej ndarjen kombëtare, kur dihet që nga kjo përfitojnë vetëm armiqtë.

Krejt ndryshe do të ketë vizione në librin e tij N. Spahiu, kur thotë:

"Kosova duhet të bëhet e Pavarur nga Serbia dhe nga Shqipëria".

Me konstatime të tilla jo rrallë paraqitej edhe Ibroja, kur deklaronte:

"Kosova duhet të jetë e hapur si ndaj Serbisë ashtu edhe ndaj Shqipërisë".

Pastaj, me rastin e zgjedhjeve në Kosovë, pa menduar gjatë deklaron:

"Ne, i kemi zgjedhjet nacionale, shpresojmë do të kalojnë mirë" etj, etj.

Jo, nuk mund të quhen zgjedhje nacionale, zgjedhjet kur mbahen në Kosovë, sepse në këto zgjedhje nuk përfshihen të gjitha territoret shqiptare, pra nuk përfshihet tërë kombi shqiptar.

Derisa, dihet shkencërisht që fjala nacional,-e mb, shih kombëtar- E Çështja nacionale, Problemi nacional. Lëvizja nacionale. "Fjalori i Gjuhës Shqipe", Prishtinë, 1981, f. 1195.

Paralelizma të tilla antikombëtare, mund të bëjnë veç maniakët e verbuar të politikës ditore, me "vizione të larta"...

Ndërsa, i madhi atdhetar, Ukshin Hoti, do të konstatonte:

...Prandaj, Republika e Kosovës në njërën anë, pastaj statusi i përmendur i bartësit të shtetësisë së shqiptarëve të sanksionuar me Kushtetutë në Maqedoni si dhe të drejtat e shqiptarëve të garantuara në Republikën e Malit të Zi, paralelisht me zhvillimin e proceseve integrative në Evropë do të duhej t´i krijonin kushtet e nevojshme për bashkimin e popullit shqiptar, veçse jo për inatin e të tjerëve por për hir të vetëvetes dhe të interesave të përbashkëta.

Një gjë e tillë presupozon harmonizimin e politikës së faktorëve të interesuar politikë dhe urojmë që kjo të shpejtohet.

( Republika dhe lufta në kontekst të Evropës) Po aty, f. 160.

Kështu, shkruante me optikën largpamëse atdhetari demokrat, Ay i cili doli me moton e qëndresës: "bëje ose vdis", Ay i cili u hodh pa rezerva për ta realizuar vërtetë Ribashkimin territorial të kombit.

Ndërsa, për katrahurat e brendshme dhe të jashtme të Shqipërisë Etnike, Ukshin Hoti do të shkruante:

" Sindromi sadist dhe kompleksi i Prishtinës ishin nus-produkt të presionit të jashtëm por edhe i vlimeve brenda faktorit politik shqiptar".

Vallë a nuk mund të konstatojmë me të drejtë që edhe sot s´ kanë pushuar së qeni këto presione; kur tani në Kosovë, po shfaqet si hijenë faktori "brahimist", gjegjësisht i ngjajshëm me atë të pashallëkut të Durrësit.

Derisa, pashai i toptanëve po dekorohej me grada, nga Serbia dhe Evropa plakë, a nuk ndodhi kjo edhe me "pashain" nihilist Ibron.
A nuk flasin për këtë shumë dëshmi, shumë privilegje që ia krijoi Serbia, (madje edhe gjatë luftës) këtij "politikani", mallkuesi më i mjerë i luftës çlirimtare, nën ombrellën e pacifizmit, kuptohet në bashkëpunim me ca vende të Evropës; të Italisë, Francës etj?!

Ideatori i vlerave të mëdha, Ukshin Hoti, më tej do të konstatonte:

"Shqiptarët me fjalë të tjera për shkak të pozitës së tyre gjeostrategjike në dyert e Otrantit vazhdimisht ndodhesshin nën presionin e synimeve strategjike të dy grupacioneve të popujve: sllavëve dhe italo-gjermanëve që e synonin Persinë (Iranin) si treg dhe Adriatikun si rrugë".

( Më 5 Nëntor, 1992 në Prishtinë organizuar nga forumi i Intelektualëve Shqiptarë u mbajt një tryezë e rrumbullakët, kushtuar çështjes shqiptare,

Ukshin Hoti, doli me qëndrimin e tij në artikullin "Politikën e drejtojnë interesat e jo emocionet), Po aty, f.164.

Nga të gjitha këto sa u theksuan, le të shpresojmë se lexuesit e nderuar do ta kuptojnë këthjelltësisht se përpjekëjet e kota të "politikanëve modernistë" nuk janë aspak shpikje të tyre të reja, ato janë përpjekëje të nxitura nga qarqe të huaja që të fusin pyka brenda trupit shqiptar, sepse një fjalë urtë jona popullore thoë: "Lisi (Shqipëria), më së miri çahet me pykën e vet"!...

Uroj, që këto pyka të jenë të dobëta, të kalbura nga të reshurat e stuhive historike që kurrë s´ju përballuan, apo të mykura nga qëndrimi i tyre brenda bodrumeve dhe barakave të instaluara enkas nga të huajt për të përhapur tymnaja në rrugën e gjatë dhe të vështirë të popullit tonë, drejt konsolidimit të tij si komb i lirë dhe i Ribashkuar, e për këtë janë përpjekur atdhetarët e mëdhenjë të të gjitha periudhave të historisë, që nga koha e Rilindjes kombëtare e deri në ditët tona.

Uroj, që kjo ide madhore të bëhet realitet; sa më parë aq më mirë, për të gjithë faktorët e brendshëm dhe të jashtëm që janë të interesuar për stabilizimin e kësaj pike neorologjike në rajonin e Ballkanit, Shqipërisë Etnike.

Suedi, 05.01.2005



Na duhet Ribashkimi kombetar ashtu sic e arriten gjermanet e jo ndarja e Shqiperise Etnike ne kombe te reja si kosovare, tetovare, ulqinake. dibrane, çamriote, pra per aq sa jane teritoret tona te pushtuara nga te huajt aq kombe te shpikim ne. Kjo eshte verberi politike apo jo?
Çka mendoni ju te nderuar lexues?