Ndarja e popullit Shqiptar nga ai "Kosovar" dhe anasjelltas!?

[RoughCensorship]

Se pari kam nje pyetje per juve albanino. Jeni ju per Pavaresine e Kosoves? Nese po,, atehere si mendon se do te arrihet kjo paveresi, me bashkimin e tokave Shqiptare.

Karta e OKB's thote se dy shtete me emer te njejte,flamur, hymn, etj nuk mund te egzistojne. Nuk di se pse i frigoheni ketiij termi aq shume. Nuk ka per qelllmin copetimin e kultures apo popullit Shqiptar. Zvicra dhe Austria, dhe me sa me duket mua edhe Gjermania kane nje histori te njejte nga aspekti i prejadhjes, por tash jan etre shtete te cilat kane te njejten kutlrure dhe flasin te njejten gjuhe. Ne jo vetem qe duhet friguar ketij termi, por duhet edhe perqafuar. Mua nuk me pengon kur me therrasin Kosovar. Mburrem se jam shtetas i Kosoves. Me mire qe dikush te me therret Kosovar se Shqiptar i Kosoves. DMth, me kete term, une qenkam vetem nje popull perberes i Kosoves.

Ky term eshte ka perdoret me qellim nga politikanet tane. Per arsye te larte-permendura. PO te behemi te Pavarur edhe flamurin duhet nderruar.

ari, kujdes more djale, se po ben ca krahasime, me duken pa vend.
ne jemi shqiptare, dhe jo vetem nuk kemi fuqine(si numerike dhe ekonomiko-politike) te gjermaneve; dhe per me teper, nuk kemi as poziten gjeografike e shtrirjen e ketij populli(gjerman).
pastaj, ata nuk kane as histori te ngjashme me tonen; nderkohe qe gjermanet 2 here rrjesht u zotuan te shkaterrojne njerezimin mbare, shqiptaret per heren e njemijtte sakatoheshin dhe masakroheshin.
pastaj, une e konsideroj fjalen kosovar si te thuash "shkodran", "korçar", "çam" etj etj...pastaj, tjeter gje si ke deshire te thirresh ti.
sa per punen e simboleve; kosovaret jane therrur per ato simbole ne shekuj, e si mund t'i bien me shqelm papritur?kosovaret kane dhene per shqiperine burra, jane masakruar per kete gje; dhe mendoj se bashkimi me shqiperine(nje pjese tjeter e kombit) do te ishte nje çmim qe kosova e meriton, dhe jo vetem kosova, por e meritojme dhe ne te tjeret; pse ore, kujton ti se vetem ju e keni pasur enderr per tu bashkuar?
po, nese ajo qe thua behet per te mashtruar opinionin nderkombetar, jam dakord edhe une; por zor se kjo mundesi te pranohet prej popullit shqiptar; çdo gje qe kemi bere, çdo lufte, e kemi bere nen ate flamur, nen ato simbole, nen ate himn.
pastaj, nese kosova del shtet i pavarur, dhe nuk deshiron bashkim me shqiperine, eshte tjeter histori. flamurin nuk ka nevoje ta nderroje, sepse ka shume shtete sot ne bote me te njejtin flamur; dhe nese ka nje rezolute te tille te okb-se per kete çeshtje(mua nuk me rezulton), atehere shume shpejt OKB ka per te pare qe:
o rezolutat e veta nuk pijne uje, dhe shqiptaret bejne perjashtim,
ose kosova duhet ti bashkangjitet trungut meme
ose, me me pak gjasa kjo, kosova nuk pranohet ne OKB, gje qe eshte e pamundur qe te ndodhe; sepse as okb, e asnje fuqi tjeter nuk mund te detyroje shqiptaret te nderrojne simbole, dhe aq me teper t'u diktoje se çfare simbolesh te zgjedhin, pra, do te fillojne e te bashkohen copat e "puzzle"-it derisa te formojne shqiperine ne trajten e saj te vertete.
nga ana tjeter, nese BE, ndergjegjesohet per egzistencen e nje faktori shqiptar ne mes te evropes, dhe arrin ta pranoje ate ne gjirin e vet, do te kemi renie automatike te kufijve dhe si pasoje shkrirjen e kombit shqiptar ne nje truall te vetem, qe me kalimin e kohes do te vije e te kompaktohet dhe te fillojne e te sherohen ato plage historike. gjithsesi, nje faktor i tille shqiptar, eshte aresyeja e rrenimit te identitetit grek, sllav etj ne ballkan, --- uuuuuuhuuuu, jemi te paperballueshem, prandaj do te behemi. don Zoti qe ky te jete shekulli i shqiptarise, dhe ne te jemi gjalle per ta perjetuar...


...se zoti vete e tha me goje qe shqiperia do te rroje...




zotrules

[iliria e para]

Kjoftë mallkue kush qet ngatrrime
ndër kta vllazën shoq me shoq
kush e dan me gjuhë e shkrime
ç'ka natyra vet përpoq!

[Arb]

Kjo është edhe arsyeja se pse edhe unë preferoj emrin Dardani dhe dardansa,
Tung

Dardansa apo Dardanë?

[dodoni]

Ke të drejtë Arb, Dardanë duhet të thuhet e jo Dardansa, por ky është vetëm një lëshim rasti i imi. Shpresoj nuk do ta përsëris këtë gabim në të ardhmen.

Tung

[Llapi]

Shqiptaret kane liri por jane pa shtetesi!



Agim Vuniqi, Michigan, USA

Emisioni shume here i degjuar dhe i percjellur nga femijte "Kolovajza per femije", qe emitohej vazhdimisht ne valet e "Radio Prishtines per cudi ishte model i organizimit poilitik te shqiptareve, sidomos pas shuarjes se autonimise. Qe nga atehere ne politike u inkuadruan shume njerez, ishte "hygjymi" me i madhe i intelektualeve ne politike. Ishin rreshtat e gjate te pritjes per tu nenshkruar ne letrat e prera disa here nga letra baze e standardizuar, ishte koha e kalimit masiv te komunisteve e jo komunisteve nga LSPP-ja dhe LKJ-ja ne LDK, ishte levizja me masive politike, kjo mbase komunizmi veq kishte filluar te shkaterrohej dalengadale. Ky ishte padyshim nje projekcion i shkelqyeshem i intelektualeve shqiptare, i atyre qe inicuan kete e qe asnjeri prej tyre nuk jane ne te. Nuk ishin te pakte edhe te burgosurit e ndergjegjes qe e kishin gjete veten ne kete levizje.

Meqe te gjitha institucionet e atehershme kosovare ishin shkaterruar, nuk vazhduan kontinuitetin institucional ne kushte te reja, por te gjithe ama te gjithe bartesit e funkcioneve udheheqese "shoqerore-politike" u angazhuan ne poste te reja ne dege, nendege dhe aktive te LDK-se. Nuk mbeten pa u inkudruar edhe kuvendaret qe e shiten Kosoven, ata qe pranuan heshtazi edhe pse nen presionin e tankeve shitjen e lire te Kosoves, Nuk ishin te pakte ata drejtore qe kishin dhane "ndihma" financiare "Zajam za preporod Serbije" e tash ishin pjesetare te kesaj levizjeje, aty e gjeten veten edhe hajnat "legal" e "jo legal".

Veteknaqesia nuk kishte fund

Ishte ky vetemashtrimi me i madhe kolektiv, ishte kjo pasoje edhe i edukimit socialist te shumices se intelektualeve shqiptare. Ketu nuk duhet perjashtuar perpjekjet e disa prej tyre, qe tentuan politikisht ta konceptonin kete angazhim duke i dhene bile nje fuqi institucionale dhe vendimmarrese, ngase veq kishin filluar gabimet fillestare te kuvendareve te rinje, te cilet vec kishin pranuar integrimin politik te Elektroekonomise dhe te Trepces, edhepse me vone vendimet e marra i hodhen poshte. Angazhimi i tyre i metejme ishte shprehje e vullnetit te popullit, si Deklarata Kushtetuese e 2 Korrikut, Kushtetuta e Kacanikut..., nga keta doli edhe qeveria e Bukoshit, pasuese e asaj te Jusuf Zajnullahut, "lindi" edhe presidenti shqiptar Ibrahim Rugova.

"Vjedhja" institucionale

Qe nga viti 1991 filloi "vjedhja" institucionale e popullit (edhe pse kjo u deshmua me shume vonese), Bukoshi me nje vendim te qeverise 17/91 te mbeshtetura ne nenet 1,2,3,..dhe 10 te Kushtetutes se Kacanikut obligoi shqiptaret ne krejt rruzullin e tokes qe te ndajne nga 3 perqind nga te ardhurat personale. Per tu treguar akcioni me i efektshem me mijera aktiviste u angazhuan ne kete drejtim, "polli" edhe ideja, u formua Fondi Humanitar Gjithekombetare. Qytetaret shqiptare qe ishin ne Zvicer me viza te perkohshme 4 dhe 9 muajshe detyroheshin qe te jepnin nga 500 SFR, ndersa ata me viza "B" dhe "C" nga 1000 SFR, u hap edhe kontoja ne banken popullore, ne Aarau, akcioni kishte edhe propaganden percjellese, mjetet tuboheshin "per te blere arme". Te gjithe besonin atehere se ka filluar nje pune e madhe, duke mos ditur se po krijonin kapitalistin dhe milionerin e pare shqiptare urologun-kirurg Bujar Bukoshin, i cili u lansua ne opinion permes nje flakareshe qe ia dha kolegut serb.

Lulzimi i "biznis-patriotizmit" dhe "kryetarlleku" si tapi

Qe nga ajo kohe filloi te lulezoje "biznis-patriotizmi" dhe turizmi politik i "burrave", por, edhe i grave deri ne Kine e Japoni. Filloi edhe copezimi politik "shumepartizmi", u formuan shume parti politike "si kepurdhat pas shiut", keshtu u krijuan mundesite per me shume kryesi e kryetar, nganjehere kishte edhe mosmarreveshje "coptoheshin" trupat partiak jo vetem ne dege e nendege por edhe ne "krahe". Ai qe merrte postin e kryetarit nuk kishte me mundesi te nderrohej, kryetarlleku ishte tapi e "Republikes se Kosoves".

Lulzimi i shkences dhe i historise familiare

Filloi "lulzimi" shkencor, te gjithe profesorat univerzitar u inkuadruan ne akcionin e pajtimeve, filloi te zhvillohet historia familiare e fisnore ne emer te kombetares, "pollen" shume "heronje familiar", i humbi "fija lemshit" nuk dihej me kush eshte hero e kush trathetare, me nje fjale me histori filluan te merren te gjithe, por gjithnje fjala i shkonte me teper atij qe kishte "marka te gjermanit" me shume.

Lulezimi i ekonomise se tregut, fajdja si nocion bankar

Dalengadale filloi te zhvillohet edhe ekonomia e tregut, ngehen koken celulat e para bankare "fajdet", nuk ishin te rralla rastet kur edhe shume "funkcionar politike" te asaj kohe qe ishin te afert me qeveritar t'u ndajne kredina biznismeneve te posa lindur, qe "kredinat" qeveritare shpesh jipeshin ne shtetet prej nga behej importi i te mirave materiale. Meqe kredinat dhe interesi nuk kthehej me kohe angazhoheshin edhe "forcat muskuloze" te njerezve me biografi te dyshimte.

Koha e "transakcioneve bankare" marka per dinare

Meqe ishte koha kur ne fuqi ishte "dinari" shume deviza qeveritare kembeheshin ne dinare permes "Keshllit per Financim" dhe "Keshillit Republikan per Ndihma Emergjente", merrte "fryme" fuqishem tregu i devizave "markat gjermane" kembeheshin per dinare, gjithnje duke pasur kujdes ne provizion. Ngritej larte treguesi finaciar i shume firmave private, te gjithe ama te gjithe kishin be "hygjym" ne Kompleksin tregtar, aty ku kishte seline Keshilli Republikan per Ndihma Emergjente, "firmashat" e Prishtines donin "t'i dilnin ne ndihme" popullates se shperngulur nga Drenica pas akcioneve ushtarake dhe policore te forcave serbe qe kishin djegur cdo pllemb te Drenices, lidheshin kontrata, fryheshin cmimet, nuk ishte me rendesi cilesia e mallit, cdo gje shitej, e me se shumti marmelada.

Loja me "parlament-pa parlament" dhe biznisi "turistik"

Nuk mbaroi me kaq "kolovajza politike", u krijuan dy here parlamente, e dy here u zgjodhen kryesite, nuk u mbajte asnje mbledhje plenare e parlamentaret merrnin rroga. Qe nga ajo kohe filloi edhe "biznisi turistik" fluturonin aeroplana ne te gjitha anet duke bartur refugjatet shqiptare, edhe transporti rrugor ishte mjaft i ngarkuar, "agjentet" turistik ishin stabilizuar ne kufijte e Hungarise, Cekise e Sllovakise, stacionimi i tyre kishte karakter strategjik-sa me afer Gjermanise, Zvicres e Austrise, biznisi zhvillohej mbi tragjedine shqiptare, per kete qellim ishin angazhuar edhe auto-frigorifere, te pazeshmit benin sehir kur do te ndalet kjo tragjedi.

UCK-ja nderroi gjendjen

Rinia shqiptare nuk e perballoi dot kete gjendje, shkeputi zingjirin mafioz dhe ate te roberise, filloi t'i bashkangjitej masovikisht nje
levizjeje te re politike dhe ushtarake asaj te UCK-se, iu bashkangjite liridashesve shqiptare Adem Jasharit, Zahir Pajazitit, Ilir Konushevcit Hakif Zejnullahut, Ardian Krasniqit, Fehmi Lladrovcit e shume trimave shqiptare qe trasuan rrugen e lirise.

Privilegjet institucionale

E prap shqiptaret mbeten ne gjysme te rruges, ata kane nje parlament qe nuk mban mbledhje, kane kryeparlamentarin qe pret dhe percjelle delegacione, kane kryeministrin dhe qeverine multietnike, kane presidentin e presidencencen, kane edhe administraten presidenciale me shume intelektual te fuqishem biologjikisht ne percjellje te vazhdueshme te presidentit (edhe pse si institucion per kete qellim eshte SHPK-ja), te cilet kane edhe vetura luksoze presidenciale me shofere profesioniste presidencial, ndoshta se shpejti do te kane edhe "shtepine e bardhe", por ende jane pa shtet.

Pensionistet kenaqen me 28 euro, invalidet e luftes nuk kane mbrojtje institucionale. Ndersa parlamentaret qe nganjehere mbledhen per te pire kafe, e gati asnjehere per te prodhuar ligje, vazhdimisht ankohen se nuk jane te furnizuar me pako ligjire nga qeveria. Ekonomia e shkatrruar tersisht, e qytetaret knaqen ne vazhdimesi me frytet institucionale dhe demokratike "terrin institucional", por edhe terrin fizik ne vazhdimesi, e parlamentaret vazhdojne te presin ministrat dhe ligjet e tyre, dhe te gjithe marrin rroga.

Dhe shqiptaret kane liri, por ende jane pa shtetesi.

[Llapi]

Rreth debatit për kombin kosovar - Shkruan: Ibrahim Kelmendi


Nga info@besiana.de Më 06 Feb. 2006 18:05

Rreth debatit për kombin kosovar

Ndërkombëtarët s’mashtrohen me pehlivanllëqet “politike” të “kosovarëve”

Faktorët vendosës ndërkombëtarë nuk mund t’i mashtrojmë me truke. Ata as që kanë kërkuar dhe aq më pak kanë vënë kusht, që ne, që tani të formojmë “komb kosovar” dhe pastaj të njohin pavarësinë, pasi e dinë se kombet nuk mund të formohen me vendime politike por me procese bukur të gjata kulturore e historike. Ata nuk kanë kërkuar dhe nuk na kanë vënë kusht që ne, paraprakisht, të “prodhojmë” flamur e himn kosovar

Shkruan: Ibrahim Kelmendi

Secili debat për secilën ide është i mirëseardhur. Ideja për “komb kosovar” nuk është e re, është plasuar prej dekadash, por jo kaq konkretisht dhe me sforco. Tani kësaj ideje, që po formësohet si propozim e kërkesë, i janë shtuar edhe “flamuri” e “himni”. Bile, këta të fundit kanë prodhuar edhe “përplasje” fizike.
Deri në vitet e fundit kombi shqiptar nuk e kishte këtë hall. Kushdo që merrej me analiza për të gjetur dallime të mëdha (“kombëtare”) në mes të shqiptarëve të Republikës se Shqipërisë dhe “kosovarëve” të Republikës së Kosovës, nuk merrej për serioz. Ndaj tyre nuk reagohej, sikur injoroheshin. Me këtë temë pati filluar të merrej Frrok Çupi (Tiranë), më vonë edhe Nexhmedin Spahiu dhe ndoshta edhe Hysamedin Feraj. Fushatën e Migjen Kelmendi dhe Adrian Klosit kundër gjuhës letrare nuk po e kategorizoj në këtë fushë, pasi ata kanë një shqetësim të tyre specifik...
Edhe para kësaj nisme të konkretizuar gjatë viteve të fundit, ka pasur një përpjekje pararendëse që kombi shqiptar të copëzohet në “albanci” të Republikës s Shqipërisë dhe “shiftari” e “shiptari” të Jugosllavisë. Këtë përpjekje e patën startuar nacionalistët serbë. Meqë ata dështuan, pasoi përpjekja e re për të copëtuar kombin shqiptar në “komb shqiptar” të Republikës së Shqipërisë dhe “komb kosovar”, që dikur përmbante të gjithë shqiptarët që jetonin në trojet e tyre etnike në ish RSFJ. Tani kjo nismë po konkretizohet në “komb kosovar” vetëm të Republikës së Kosovës. Dhe kjo nismë po bartet nga disa shqiptarë, por që nuk i përkasin vetëm një hapësire të kufizuar shqiptare. Gjithsesi ata kanë të drejtë demokratike të iniciojnë, të propozojnë dhe të arsyetojnë, por edhe ne të tjerët kemi gjithashtu të drejtë demokratike të kundërshtojmë. Për të mos u zgjatur rreth tematikës, se kush e ka nisur dhe kush po e konkretizon, unë dëshiroj të spekuloj se motivi kryesor i disave prej atyre bartësve të kësaj “fushate” duhet të jetë: Po u deklaruan shqiptarët e Republikës së Kosovës (ta zëmë nëpërmjet një plebishiti) për “komb kosovar”, për “flamur kosovar”, për “himn kosovar”, atëherë Kosovës do t’i njihet më lehtë sovraniteti shtetëror nga Bashkësia ndërkombëtare (më saktësisht: nga qeveritë që po dominojnë politikën e Bashkësisë ndërkombëtare). Nëse ky është motivi kryesor i tyre, atëherë më duket tepër naiv. Faktorët ndërkombëtarë që po merren me përcaktimin e statusit të Kosovës nuk i mashtrojnë dot pehlivanllëqet “politike” të “kosovarëve” e të shqiptarëve, pasi ata janë më të informuar për gjendjen dhe zhvillimet në Kosovë e në të gjithë hapësirën etnike shqiptare, sesa e njohin dhe janë të informuar vetë shqiptarët. Sikur ata të ishin aq naivë dhe të mashtroheshin nga ky truk i “kosovarëve”, sigurisht që dikush do ua sillte ndërmend, se ne që sajojmë “komb kosovar” për hir të taktikës për të fituar sovranitetin, pasi ta fitojmë atë, do korrigjonim vendimin për formim të “kombit kosovar”, duke iu rikthyer kombit shqiptar dhe bashkimit me Republikën e Shqipërisë. Faktorët vendosës ndërkombëtarë nuk mund t’i mashtrojmë me truke. Ata as që kanë kërkuar dhe aq më pak kanë vënë kusht, që ne, që tani të formojmë “komb kosovar” dhe pastaj të njohin pavarësinë, pasi e dinë se kombet nuk mund të formohen me vendime politike por me procese bukur të gjata kulturore e historike. Ata nuk kanë kërkuar dhe nuk na kanë vënë kusht që ne, paraprakisht, të “prodhojmë” flamur e himn kosovar.
Për mendimin tim, faktorët vendosës ndërkombëtarë bazohen në një lloj pragmatizmi, do ta quaja matematikor. Vetëm iluzionistët mund t’iu mveshin atyre drejtësi (demokratike). Ata bëjnë ca llogari matematikore (financiare), duke u mbështetur në raportin e forcave të serbëve dhe shqiptarëve, të vendosmërive të tyre për të çliruar Kosovën përkatësisht për ta mbajtur atë koloni dhe kostoja (financiare) që do t’u shkaktohej po nuk ia dolën të paqësojnë këtë hapësirë. Pra, atyre iu intereson më shumë që të gjejnë zgjidhje që paqëson e stabilizon rajonin dhe jo me çdo kusht zgjidhje të drejtë. Sigurisht që në vendimmarrje të tyre ndikojnë edhe raporti i lobingjeve (serbët e kanë më të fuqishëm), raporti i shteteve që do marrin pjesë në vendimmarrje etj. Kur unë mendoj rreth gjithë këtyre faktorëve, atëherë me rezulton se serbët aktualisht janë më të favorizuar; ata janë më të fortë (ushtarakisht dhe kombëtarisht), ata kanë lobe më me ndikim në ShBA, në BE dhe në shumë shtete anëtare të saj, në Rusi dhe në Kinë. Vetëm iluzionistët mendoj të kundërtën. Të kundërtën e shprehin edhe liderucët tanë, që duan t’i imponohen (bajraktarisht e politikisht) shqiptarëve të Kosovës (fatkeqësisht atyre të Republikës se Shqipërisë nuk u bëhet fort merak, se cili do jetë statusi i Kosovës), duke përhapur iluzione pa mbulesë, se “Bashkësia ndërkombëtare përkrah pavarësinë e Kosovës”. I them këto të vërteta të hidhura që shqiptarët e Kosovës të mos ushqehen me iluzione e dëshira iluzioniste, por të këndellen për realitetin e hidhur dhe të mos sillen si turmë pa tru. Vetëm nëse faktorët vendimmarrës ndërkombëtarë do konstatojnë se shqiptarët e kanë seriozisht me përcaktimin për pavarësimin e Republikës se Kosovës, dhe jo me “ëndrrën për pavarësi” (që po përsëritet deri në banalitet, pa qenë të vetëdijshëm se ëndrra është vetëm ëndërr dhe ajo nuk realizohet), vetëm atëherë do kemi shans që faktorët ndërkombëtarë të na marrin më seriozisht në llogaritë e tyre pragmatike. Diskutimet e zënkat e panevojshme rreth “kombit kosovar”, rreth “flamurit dardan”, rreth “himnit kosovar” (edhe kur nuk e dimë se kush vërtet po i lanson e sajon), aktualisht vetëm se dobësojnë përcaktimin e shqiptarëve për sovranitet shtetëror të Kosovës. Nëse gjatë negociatave (politikanët tanë nuk do të duhej të përdornin vlerësimin “bisedime”) faktorët ndërkombëtarë do na vënin kusht për njohje të sovranitetit shtetëror formimin e “kombit kosovar”, “flamurit kosovar”, “himnit kosovar”, atëherë, dihet, shqiptarët e Kosovës, por edhe minoritarë të tjerë në Kosovë, brenda natës do i miratonim me plebishit për hir të sovranitetit të Kosovës.
Të mira janë të gjitha llojet e teoretizimeve, debateve e polemikave shkencore e politike, bile edhe joshkencore, por racionalizmi dhe renditja e prioriteteve në kohë dhe hapësirë janë të një rëndësie të veçantë.