Afat mbi deficitin e buxhetit te Greqise

[Veshtrusja]

Ministrat e financave të BE vënë 2006 si afat të fundit për uljen e deficitit të buxhetit për Greqinë

18/02/2005
Southeast European Times

Ministrat e financave të BE vendosën të enjten (17 shkurt) t'i japin afat Greqisë deri në 2006 për të sjellë deficitin e buxhetit nën 3 përqind të tavanit të GDP të aplikueshëm në vendet e eurozonës. Po të dështojë ta bëjë këtë, vendi do të ndeshet me gjoba deri në gjysëm miliard euro.

"Duke pranuar se rregullimi buxhetor i nevojshëm për të korigjuar plotësisht situatën në 2005 mund të dalë i kushtueshëm ekonomikisht, këshilli (i ministrave të financave të BE) vendosi të shtyjë afatin e 2005 në 2006," thanë ministrat e financave në një deklaratë pas takimit në Bruksel.

Greqisë i është kërkuar gjithashtu të paraqesë një raport në mars mbi masat që ajo planifikon për të reduktuar deficitin e saj buxhetor, i cili qëndronte në 5.5 përqind të GDP në 2004.

Komisioneri i financave të BE, Zhoakin Almunia u tha gazetarëve të enjten se Greqia do të përpiqet ta sjellë deficitin në 3.6 përqind këtë vit dhe se ajo është zotuar të marrë masa shtesë për të siguruar që e çara e saj fiskale në 2006 të mos e kalojë 3 përqind të kufirit të eurozonës.

Në deklaratën e tyre, ministrat e financës së BE përshëndetën angazhimin e autoriteteve greke për të vazhduar me konsolidimin fiskal dhe për t'ju përmabjtur me rigorozitet buxhetit të 2005 të miratuar nga parlamenti.

Duke përmendur një zyrtar të BE, edicioni i lajmeve me bazë në Bruksel, Euobserver tha se ministrat kishin rënë dakord që financat e Greqisë do të mbikqyreshin këtë vit për të siguruar se autoritetet i binden angazhimeve të tyre.

Ministri grek i ekonomisë dhe financave Jorgos Alogoskufis përshëndeti vendimin e homologëve të tij europianë për t'i dhënë vendit të tij dy vjet në vend të një, për të shkurtuar shpenzimet publike dhe për të kontrolluar deficitin e vet të buxhetit.

"Vendimi i sotëm në thelb miraton strategjinë tërësore të Greqisë për të përmbushur detyrimin e saj për sjelljen e deficitit nën 3 përqind brenda dy vjetëve," citoi Reuters t'u thoshte Alegoskufis gazetarëve në Bruksel. "Ne kemi tani një vit shtesë që e kishim kërkuar që nga fillimi. Kemi një kohë shtesë që na nevoitet në rast se nuk ja dalim për ta sjellë deficitin nën kontroll gjatë 2005."

Vendimi i së enjtes, megjithatë, është veprimi më i ashpër që BE ka marrë ndaj një vendi anëtar. Në rast se Greqia dështon të sjellë deficitin buxhetor në 2006 nën 3 përqind, ajo ka gjasa të paditet dhe të gjobohet me deri në 0.5 përqind të GDP, që është baraz me 500 milion euro. Ajo do të bëhet kështu vendi i parë i BE që do të ndëshkohet për thyerjen e paktit të stabilitetit dhe rritjes, rregullat që janë në bazat e euros.

Problemet e Greqisë nisën pas daljes të vitit të kaluar të të dhënave se Athina kishte paraqitur statistika ekonomike të gabuara për disa vjet para futjes së euros në 2002. Një revizion i të dhënave të buxhetit të vendit tregoi se deficitet e vendit nuk do ta lejonin atë të bashkohej me eurozonën.

Në lajme të tjera, një analizë e re e PricewaterhouseCoopers lëshuar të mërkurën parashikon që ekonomia greke do të ngadalësohet këtë vit me rritje të GDP vlerësuar në 2.75 përqind. Ngadalësimi pjesërisht do të jetë rezultat i masave strukturore që qeveria ka miratuar për të ulur deficitin buxhetor, thotë raporti.

[land]

Une di qe para se te prezantohej dhe te adoptohej monedha e perbashket, madje edhe kur flitej vetem per ECU, keshillohej qe Greqia t'i shtonte nje zero shkembimit valutor me dhrahmine; dmth qe vlera reale e dhrahmise duhej te ishte te pakten 10 here me e vogel sec paraqitej prej makines financiare greke. Te mos habitet Evropa tani qe nje shtet i futur me zor ne BE, i cili nuk plotesonte as edhe kushtin themelor per anetaresim ne BE,- vullnetin per t'u anetaresuar dhe per t'u ndertuar, te krijoje te tilla lojra teatrale.
Fundi i fundit, pse habitet Evropa nga nje Greqi, borxhi i jashtem i se ciles shkon ne 70 miljard dollare, dhe qe nderkohe perfiton mbi 5.5 miljard Euro ne vit nga fondi i perbashket Evropian?
Ne 2006, Evropa t'i krehe bishtin Greqise, se nuk eshte mesuar kjo Evrope te pranoje gabimet, dhe as qe ka dhene ndonjehere prova te tilla.
Per mua, ta gezojne Greqine, se e kane hak.
Pershendetje bijte e shqipes.

[Humdinger]

Une di qe para se te prezantohej dhe te adoptohej monedha e perbashket, madje edhe kur flitej vetem per ECU, keshillohej qe Greqia t'i shtonte nje zero shkembimit valutor me dhrahmine; dmth qe vlera reale e dhrahmise duhej te ishte te pakten 10 here me e vogel sec paraqitej prej makines financiare greke.

Kjo është thjeshtë lëvizje mekanike dhe nuk zgjidh problemin e Greqisë.
Faktikisht Greqia është përkëdhelur së tepërmi nga Europa dhe ka marrë fonde fantastike prej saj, për zhvillim. Vetëm për emigrantët e huaj që jetojnë në Greqi, ajo ka marrë miliarda.
Ku janë??!!