Pyetje te veshtira!

[...ne udhe...]

Ne radhe te pare pershendetje te gjithe motrave/vellezerve ne Krisht. Gezohem qe ka nje vend ku te krishteret mblidhen bashke per inkurajim dhe per te diskutuar per ceshtje te ndryshme te besimit. Gjithashtu, me pelqen dhe kjo teme sepse pavaresisht se ka mendime te ndryshme e rendesishme eshte qe secili eshte i sinqerte dhe diskutimi behet duke u mbeshtetur mbi Biblen. Mendimet e njerzve mund te ndryshojne, por fjala e tij qendron, dhe ajo eshte plotesisht e pajisur per cdo nevoje qe ne kemi ne ecjen tone.

Une besoj se ungjillizimi eshte nje detyre e gjithsecilit ta beje vazhdimisht ne/me jeten e tij sic e thote shume drejt Astriti.

Ju uroj nje dite te mbare.

[marcus1]

...në udhë....,

Me që je ...në udhë..., atëhere je edhe udhëtar apo jo? Me që je udhëtar në udhë, më lejo të të thërras udhëtar. Kështu do të jetë më e lehtë për mua të të drejtohem ty.

Pra, udhëtar, mirë se erdhe në forumin tonë dhe të uroj t'ja kalosh sa më mirë me ne, si dhe të kontribosh sa më shumë në këtë forum.

Përshëndetje të shenjta,

Liveintwoplaces, ose Livein.

[Seminarist]

Kujt i pershtatet me se shumti pershkrimi i Gruas ne Zbulesen 12?




1 Pastaj një shenjë e madhe u duk në qiell: një grua e veshur me diellin, dhe me hënën poshtë këmbëve të saj, dhe mbi krye të saj një kurorë me dymbëdhjetë yje.

2 Ishte shtatzënë e bërtiste nga dhembjet dhe mundimet e lindjes.

3 Dhe u duk një shenjë tjetër në qiell: dhe ja, një dragua i madh i kuq që kishte shtatë kokë dhe dhjetë brirë, dhe mbi kokat e tij kishte shtatë kurora.

4 Dhe bishti i tij tërhiqte pas vetes të tretën pjesë te yjeve të qiellit dhe i hodhi mbi tokë. Dhe dragoi qëndroi përpara gruas që ishte gati për të lindur, për të gllabëruar birin e saj kur ta kishte lindur.

5 Dhe ajo lindi një bir mashkull, i cili duhet të qeverisë gjithë kombet me skeptër të hekurt; dhe biri i saj u rrëmbye pranë Perëndisë dhe fronit të tij.

[Matrix]

Per mendimin tim i pershatet Kishes

Kurora me dymbedhjete Yje(Apostujt)
E veshur me Diellin (Krishtin)
Me henen poshte kembeve(Kisha rrezaton driten e Krishtit ashtu si Hena ate te Diellit)
Bertiste nga dhimbjet e lindjes(Persekutimet)

Ceshtja e Birit Mashkull.

A lind Kisha Krishtin?

Po.

Maria ishte anetarja e pare e Kishes dhe rrjedhimisht perfaqesuesja e Kishes.(E para perfaqeson te teren. Psh Frytat e Para perfaqesonin gjithe Frytat). Ajo eshte besimtarja e pare qe i besoi Krishtit dhe keshtu u be Prototipi i Kishes, Eves se Re.

Virgjeria e saj i korrespondon Virgjerise se Kishes.

Maria eshte me e lumura ne mes te grave(Gjithe brezat do te me lumerojne), po keshtu dhe Kisha.(Lum ai qe ben vullnetin e Atit tim, Lum ai qe beson pa me pare etj...).

Ajo eshte Mbreteresha qe rri ne te djathte te Mbretit, e thirrur per te harruar shtepine e atit te saj (Psalmet).


etj...

Pra Kisha(Maria) lindi Krishtin.
Ne vazhdimesi, shenjtoret(Krishterit e rinj) lindin ne Kishe, rriten ne Kishe dhe forcohen ne Kishe.

------

[Astrit77]

Per mendimin tim pershkrimi aty i pershtatet me shume Izraelit, e cila ne Dh.V. eshte pikturuar si gruaja e Zotit, (Is. 54:5,6; Jer. 3:6-8; 31:32, Ez. 16:32; Hos. 2:16).
një grua e veshur me diellin, dhe me hënën poshtë këmbëve të saj, dhe mbi krye të saj një kurorë me dymbëdhjetë yje. Krahasuar me Zan. 37:9-11 tregon se flet per Izraelin.

Kisha tek Zbulesa pershkruhet tek 19:7 duke u quajtuar nusja e Qengjit.

Krishti lindi nga Izraeli dhe Ai ishte nje Izraelit. Shpesh here Izraeli ne Dh. V. eshte pershkruar si nene qe lind (Is. 26:17,18; 54:1; 66:7-12; Hos. 13:13; Mik. 4:10; 5:2-3; Mateu 24:8)

Dragoi u perpoq ta vriste Jezusit (gllaberonte) nepermjet Herodit i cili vrau te gjithe femijet e vegjel 2 vjec e poshte ne krahinen ku lindi Jezusi.

Pershendetje!

[Seminarist]

Bravo


dmth Kisha eshte paralel me Marien, edhe Kisha e gjen personifikimin me te perkryer tek Maria.


Te gjitha atributet e Izraelit, Kishes personalizohen tek Maria.


Izraeli lindi Krishtin. Maria lindi Krishtin. Izraeli e lindi Krishtin ne Marien. Krishti takoi Izraelin ne Marien. Ate cfare Krishti do te behet per Izraelin e merr nga Maria, ndersa ate qe Izraeli kerkon te gjeje tek Krishti, e gjen tek Maria.


Krishti e lindi Kishen, qe eshte Izraeli i Ri. E lindi kur u bashkua me Marien. Kisha eshte Trupi i Krishtit hyjnor te patrup por qe mori trup (mish) nga Maria.


Keshtu qe e gjithe lavdia e Izraelit edhe Kishes personifikohet edhe personalizohet tek Maria.

Nqs njeriu eshte kurora e krijimit te Zotit, Maria eshte kurora e njerezimit. Ashtu sic nuk eshte idhujtari te qenit e njeriut kurore e krijimit, keshtu nuk ka pse te jete idhujtari te qenit kurore e Maries per njerezimin, Izraelin edhe Kishen.


Perderisa Kisha lavderohet, lartesohet, nuserohet, shperblehet, behet mbretereshe e Mbretit te mbreterve - e te gjitha keto se bejne ate nje idhull - te gjitha keto atribute gjehen te personalizuara e pesonifikuara tek personi i Maries, sepse ato atribute Kisha i fitoi nepermjet saj prej Krishtit.


Keshtu qe askush nuk pse te tmerrohet nga keto atrubute te Maries. Ato jane biblike po ashtu. Kush do te shohe Marien, le te shohe Kishen, edhe anasjelltas.

[Seminarist]

Ka edhe dicka:


shprehja - e vertete - Kisha lind Krishtin, verteton shpetimin si proces.


Qellimi i Kishes (edhe anetareve te saje) eshte lindja e Krishtit, edhe sic e shohim, ky eshte nje proces qe shkon nepermjet nje udhe sprove e persekutimi te gjithefarellojeshem deri ne fund te koherave.


Nqs nuk ka Krishtlindje, fruti per te cilin ka qellim ekzsitenca e Kishes, atehere nuk ka Kishe. Kjo eshte Vepra e shpetimit.

[Matrix]

Astrit

Ajo qe mendoj une eshte se Gruaja e veshur me diellin dhe Nusja e qengjit jane e njejta grua, vetem e pare ne kohe te ndryshme.

E para eshte Kisha ne bote (ne mundime), e dyta eshte Kisha ne lavdi, duke nuseruar

Eshte sikur te shohesh dy fotografi te ndryshme te se njejtes Vajze.

[Matrix]

11 Në të vërtetë po ju them: ndër ata që janë lindur prej gruas nuk ka dalë kurrë ndonjë më i madh se Gjon Pagëzori; por më i vogli në mbretërinë e qiejve është më i madh se ai.

Mateu 11

Cfare mendoni per kete thenie te Jezusit per Gjonin.

Si ka mundesi qe Gjoni eshte me i madhi nga ata te lindurit prej gruas(A nuk i bie qe te jete me i madh dhe se Krishti???)
Dhe po keshtu, si ka mundesi qe me i vogli ne mbreterine qiellore do jete me i madh se Gjoni?

[Matrix]

Zbulesa - Kapitulli 17

1 Dhe erdhi një nga të shtatë engjëjt që kishin të shtatë kupat, dhe foli me mua dhe më tha: "Eja, do të të tregoj gjyqin e kurvës së madhe që është ulur në ujëra të shumta,

2 më të cilën u kurvëruan mbretërit e dheut, dhe banorët e dheut u dehën me verën e kurvërisë së saj".

3 Dhe më çoi në Frymë në një shkretëtirë, dhe pashë një grua që rrinte mbi një bishë të kuqe, plot me emra blasfemie dhe që kishte shtatë krerë dhe dhjetë brirë.

4 Edhe gruaja ishte veshur me purpur dhe me të kuq të ndezur, e stolisur me ar, gurë të çmuar dhe me margaritarë; kishte në dorë një kupë ari plot me neveritë dhe ndyrësitë e kurvërimit të saj.

5 Dhe mbi ballin e saj ishte shkruar një emër: "Misteri, Babilona e madhe, nëna e lavirave dhe e neverive të dheut".

6 Dhe e pashë gruan duke u dehur nga gjaku i shenjtorëve dhe nga gjaku i martirëve të Jezusit. Dhe, kur e pashë, u çudita me çudi të madhe.

7 Dhe engjëlli më tha: "Përse çuditesh? Unë do të të tregoj misterin e gruas dhe të bishës që e mban atë, e cila ka shtatë krerë dhe dhjetë brirë.

8 Bisha, që pe, ishte, edhe nuk është, dhe do të ngjitet nga humnera dhe do të vejë në përhumbje; dhe banorët e dheut, emrat e të cilëve nuk janë shkruar në librin e jetës që nga krijimi i botës, do të çuditen kur të shohin bishën që ishte, dhe nuk është, ndonëse është.

9 Këtu është mendja që ka dituri: të shtatë krerët janë shtatë male, ku ulet gruaja,

10 dhe mbretër janë shtatë; pesë kanë rënë, një është dhe tjetri nuk ka ardhur ende; dhe, kur të vijë, pak kohë do të mbetet.

11 Dhe bisha që ishte, dhe nuk është më, është edhe ajo i teti mbret, dhe është nga të shtatët dhe shkon në përhumbje.

12 Të dhjetë brirët, që pe, janë dhjetë mbretër, të cilët nuk kanë marrë ende mbretërinë, por do të marrin pushtet si mbretër, një orë, bashkë me bishën.

13 Këta kanë një qëllim, dhe do t'ia japin fuqinë dhe pushtetin e tyre bishës.

14 Ata do të luftojnë kundër Qengjit dhe Qengji do t'i mundë, sepse ai është Zot i zotërve dhe Mbret i mbretërve; dhe ata që janë me të janë të thirrur, të zgjedhur dhe besnikë".

15 Pastaj më tha: "Ujërat që ke parë, ku ulet lavirja, janë popuj dhe turma, dhe kombe, dhe gjuhë.

16 Dhe të dhjetë brirët që ke parë mbi bishën, këta do të urrejnë laviren, do ta bëjnë të shkretë dhe lakuriq, dhe do të hanë mishrat e saj dhe do ta djegin në zjarr.

17 Sepse Perëndia u dha në zemër atyre të kryejnë mendjen e tij, të bëhen në një mendje, edhe t'i japin bishës mbretërinë e tyre, gjersa të plotësohen fjalët e Perëndisë.

18 Dhe gruaja që pe është qyteti i madh, që mbretëron mbi mbretëritë e dheut".

------------------------------------------------------------------------------------------------
Cfare mendimi keni per keto vargje?
Kush eshte kjo lavire?