Pyetje te veshtira!

[Matrix]

I dashur vëlla, po të ndiqnim mëndjen tonë sigurisht që do të zgjidhnim atë që na duket me e llogjikshme, me e sigurtë, më njerëzore. Por është Hiri i Tij që na zgjodhi në mënyrë që ta zgjedhim edhe ne Atë.

Ashtu eshte vella.
Eshte pikerisht siguria njerezore, mendore, intelektuale, siguria e rene njerezore, ajo qe te ben t'i qendrosh larg Krishtit.

Te besosh Krishtin, do te thote ta besh Ate SIGURINE tende.
Te heqesh dore nga cdo siguri tjeter.

Te besosh Krishtin, do te thote ta besh Ate LLOGJIKEN tende.
Te heqesh dore nga cdo gje tjeter e llogjikshme.

[Elton80]

Vellezer te dashur,

Nuk duhet abuzuar me faktin se mendja jone s'i kap te gjitha gjerat dhe te themi se Zoti paracakton njerez per shpetim e denim. Ky eshte nje justifikim, jo dicka qe mendja jone s'e kap.

Arsyeja pse mendja jone se kap eshte pasi kontradikton shkrimet e shenjta, jo sepse thjesht "s'ka kuptim", pasi une jam dakord me ju qe shume gjera s'kane kuptim, por duhen marre me besim, por kjo s'eshte nje prej tyre.

Deri tani nuk kam pare asnje varg qe te thote qe Zoti paracaktoi disa per shpetim qe nga themelimi i botes.

Kemi pare vargje qe ata qe Ati ia sjell Krishtit ai nuk i humbet dhe nuk i kthen prapsht. Ashtu sic permenda Livein, vargjet qe ti solle nga Gjoni nuk kane te bejme me paracaktimin, por thjesht thone se Jezusi nuk refuzon asnje nga ata qe Ati i jep. Ti me thua mua qe une bej shpjegime te sterholluara, por une thjesht po them qe nga ato vargje qe ti permende, nuk del dot ne ato konkluzione qe del ti pa shtuar dicka qe ato vargje nuk e thone.

Gjithashtu kemi pare vargjet ne lidhje me enet, por nuk thuhet qe ato vargje flasin per shpetimin. Ato mund te flasin per sherbimin. Shembulli i Faraonit tregon se ishte Faraoni ai qe e ngurtesoi zemren i pari, dhe pastaj ai korri ate qe kishte mbjelle.

Po te jete se Zoti cakton disa per demin, atehere ai cakton kunder vullnetit te tij te shfaqur qarte ne Bibel.

Ju lutem te me thoni se c'mendoni ju per keto vargje:

Gjoni 3:16,17

Sepse Perëndia e deshi aq botën, sa dha Birin e tij të vetëmlindurin, që, kushdo që beson në të, të mos humbasë, por të ketë jetë të përjetshme.

Sepse Perëndia nuk e dërgoi Birin e vet në botë që ta dënojë botën, por që bota të shpëtohet prej tij.

Cdo te thote kushdo qe beson ne te, nese jo te zgjedhurit nuk besojne dot??? Dhe nese paracaktimi eshte i vertete, atehere vargu 17 s'eshte, pasi ai thote qarte se Zoti nuk e dergoi Birin qe te denoje boten, por nese shumica e botes nuk eshte e paracaktuar, atehere cfare tjeter solli ardhja e birit per ata njerez?


1 Tim 2:3,4

Sepse kjo është e mirë dhe e pëlqyer përpara Perëndisë, Shpëtimtarit tonë,

i cili dëshiron që gjithë njerëzit të shpëtohen dhe t`ia arrijnë njohjes të së vërtetës.



2 Pjetrit 3:9

Zoti nuk vonon plotësimin e premtimit të tij, siç disa besojnë që ai bën; por është i durueshëm ndaj nesh, sepse nuk do që ndokush të humbasë, por që të gjithë të vijnë në pendim.

Cdo te thote "nuk do qe ndokush te humbase per qe te GJITHE te vijne ne pendim" nese ai vete ka paracaktuar se shumica te humbase???


Mateu 23:37

Jeruzalem, Jeruzalem, që i vret profetët dhe i vret me gurë ata që të janë dërguar! Sa herë kam dashur t`i mbledh bijtë e tu ashtu si i mbledh klloçka zogjtë e vet nën krahë, por ju nuk deshët!


Ja pra deshira e Zotit duket qarte se cfare donte ai, por ATA NUK DESHEN! Cdomethene ata nuk deshen, nese Zoti vete i kishte paracaktuar ata te silleshin ne ate menyre? Sipas interpretimit tuaj ata s'kishin mundesi t'i bindeshin atij, pasi Zoti vete e kishte vulosur se cfare do benin ata?

ATehere pse qan Krishti per Jeruzalemin qe ata nuk po ktheheshin tek ai, kur ai vete e kishte marre kete vendim para themelimit te botes?

A kane kuptim keto per ju vellezer?


1 Gjonit 2:2

Ai është shlyesi për mëkatet tona; dhe jo vetëm për tonat, por edhe për ata të të gjithë botës.

E sheh? Krishti nuk vdiq per nje elite njerezish gjoja te paracaktuar, por per te gjithe boten.

A thuhet dot me qarte se kaq? Si mundet dikush te debatoje me keto vargje? Cfare ka te paqarte ne to?

Ezekieli 33:11

U thuaj atyre: Ashtu siç është e vërtetë që unë rroj", thotë Zoti, Zoti, "unë nuk kënaqem me vdekjen e të pabesit, por që i pabesi të ndryshojë rrugën e tij dhe të jetojë; konvertohuni, konvertohuni nga rrugët tuaja të këqija. Pse vallë duhet të vdisni, o shtëpi e Izraelit?

Po ne qofte se Zoti s'do i kishte zgjedhur ata, si mund te konvertohen ata? Si mund t'i urdheroje Zoti ata te konvertohen, kur ai vete e ka vulosur fatin e tyre.


Sic e thashe qe ne fillim, Zoti e di se cfare vendimi do marri secili, por qe te jete gjykates i drejte, i jep mundesine te gjithe njerezve qe te pendohen.

Shpresoj qe te me jepni nje pergjigje bindese per vargjet e mesiperme.

[Matrix]

Elton

Te gjithe jemi dakord me faktin se Zoti i do te gjithe.
Por ajo, qe besoj se ti e ke gabim, eshte se ti mundohesh te shpjegosh rruget e Tij ne forma njerezore, duke e veshur Ate me cilesi njerezore (te rena).

Pra, nje Zot qe rri dhe pret ne ankth qe njerezit te kthehen tek Ai...

Ai vertet ka dashuri per te gjithe, por kjo dashuri nuk eshte nje dashuri emocionale.
Ai ka drejtesi, por drejtesia e Tij nuk eshte racionale.

Por ja me thuaj:
Ku ishte drejtesia e Zotit (flas per drejtesi racionale) kur Ai permbyti gjithe Boten ne kohen e Noes?
Ku ishte dashuria e Zotit? (Flas per dashurine emocionale)
A nuk vdiqen aty kalamaj, kafshe dhe qenie krejt te pafajshme?

Po kur shkaterroi Sodomen, a nuk u vrane njerez te pafajshem?
Ku ishte drejtesia?(Gjithmone duke ju referuar drejtesise njerezore, ku i miri shperblehet, i ligu denohet).Per dashuri as nuk behet fjale...

Zoti tha se nqs do gjej aty 10 njerez te pafajshem, do ta fal qytetin.
A nuk kishte aty 10 femije?
Megjithate, Ai i gjeti dhe ata fajtore...

Syte e Tij depertojne cdo gje. Ai gjen te meta dhe tek engjejt...

Si i shkaterroi Zoti ata qe preken arken e beselidhjes?
Cfare Zoti qenka ky keshtu?

Por me Gjon Pagezorin si u soll?
Po me te krishteret e hershem?
Si valle "i braktisi" ata neper persekutime...

Ne rast se Ai nuk zgjedh per shpetim, si do te shpetojne ata qe vdesin pa pasur mundesi ta njohin Krishtin, femijet e vegjel, femijet e abortuar, handikapatet, ata qe kane lindur neper vende ku Ungjilli nuk eshte predikuar. Ose ata qe e degjojne Ungjillin, por nuk mund ta pranojne, sepse predikuesi "nuk eshte i afte t'ua mbushe mendjen"...?

Krishti flet duke ju referuar Gjyqit te Fundit:
-Kur te vije Biri i Njeriut, do te jete si ne kohen e Noes. Atehere njerezit hanin,pinin, martoheshin dhe martonin, derisa erdhi permbytja dhe i fshiu te gjithe...


Zoti ka dashuri te pakufijshme, ka drejtesi te padepertueshme, por ato jane aq te thella, sa ne nuk mundemi t'i prekim dot as me zemer, as me mendje...

Dhe mbi te gjitha dashuria dhe drejtesia e Tij jane nje Person:
Quhen Jezus Krisht.

Dhe lum ai qe nuk skandalizohet prej Tij!

[marcus1]

Shumë faleminderit Matrix. Mesazhi yt ishte me të vërtetë i goditur dhe i mbushur me frymë. Për mua ishte një ushqim i vërtetë i frymës, pasi nuk u more me kush ka të drejtë dhe kush nuk ka, por na solle pak ushqim nga vetë Ushqimi, Jezu Krishti.

[marcus1]

Livein, vargjet qe ti solle nga Gjoni nuk kane te bejme me paracaktimin, por thjesht thone se Jezusi nuk refuzon asnje nga ata qe Ati i jep.

Vëlla Elton, krahaso atë që ke thënë më sipër, pra që vargjet thonë se Jezusi nuk refuzon asnjë nga ata që Ati i jep, me vargjet nga Gjoni. Thonë se Jezusi nuk refuzon, apo thonë se njerëzit nuk mund të vinë tek Ati nëse nuk është dhënë, apo nuk i tërheq Ai? Nga varet pra shpëtimi, nga njeriu apo nga Zoti? Që t'i kthehemi temës, duke parë këto vargje a del se çdo gjë ndodh sipas planit të përjetshëm të Perëndisë, apo se Perëndia ka disa plane në mëndjen e Tij dhe historia shkruhet nga mënyra se si do reagojë njeriu ndaj veprës së Perëndisë? Pra çdo gjë është përcaktuar nga Perëndia apo njeriu?


po kështu edhe Biri i jep jetën kujtdo që do. (në Greqisht fjalët e nxira janë: se osous theli që do të thotë se u jep jetën atyre që Ati do, pra është në dëshirën e Atit)

Çfarë thotë këtu? Se Krishti nuk refuqon ato që i jep Ati????

Askush nuk vjen tek unë po qe se Ati që më ka dërguar nuk e tërheq dhe unë do ta ringjall atë në ditën e fundit.

Po këtu? Se Krishti nuk refuzon ata që i jep Ati????

“ Për këtë arsye ju thashë se askush nuk mund të vijë tek unë, nëse nuk i është dhënë nga Ati im.”

Po këtu? Se Krishti nuk refuzon ata që i jep Ati????

ishin të tutë

Po këtu????

Unë lutem për ta, nuk lutem për botën, por për ata që më ke dhënë, sepse janë të tutë.

Dhe mos harro, më poshtë thotë se nuk lutet vetëm për ata, por edhe për të gjithë ata që do besojnë më vonë.

Përsa i përket vargjeve që ti ke sjellë, mendoj se Matrix ka dhënë një përgjigje shumë të goditur. Unë nuk kam thënë asnjëherë se Zoti ka zgjedhur disa për dënim, por kam thënë se Ai na ka zgjedhur neve. Të tjerat janë konkluzione që ti nxjerr nga llogjika jote. Unë nuk e vras mëndjen më shumë se çfarë ka bërë Perëndia me të tjerët. Unë e di se ditën që shkova tek Krishti, ishte Ati që më kishte tërhequr mua, as bukuria ime, as zgjuarsia ime, as vullneti im, as përkushtimi im asgjë që të jetë e imja. Unë di se Krishti vdiq për mua që para krijimit të botës dhe kur them se vdiq për mua, dua të them se që në përjetësi Ai më njihte mua. Tani, në këto çaste unë po qëndroj në vëndet qiellore. Mos harro se këtë e thotë Bibla, që unë dhe ti dhe të gjithë fëmijët e Tij, pra të gjithë ata që kanë Frymën e Tij, ndodhen në vëndet qiellore. Ti e beson se në këto çaste ndodhesh në vëndet qiellore?

[Astrit77]

Deri tani nuk kam pare asnje varg qe te thote qe Zoti paracaktoi disa per shpetim qe nga themelimi i botes.

Elton le te mos nxitohemi ne gjerat qe themi. Meqenese nuk ke pare asnje varg te tille deri tani ja ku eshte edhe ky varg, megjithese nuk eshte i vetmi. Eshte fjalia me e gjate ne Bibel, me mbi 100 fjale, Efesianet 1:2-9:

2 I bekuar qoftë Perëndia, Ati i Zotit tonë Jezu Krisht, që na bekoi me çdo bekim frymëror në vendet qiellore në Krishtin,

3 sikurse na zgjodhi në të përpara se të themelohej bota, që të jemi të shenjtë dhe të papërlyer përpara tij në dashuri,
4 duke na paracaktuar që të birësohemi në veten e tij me anë të Jezu Krishtit, sipas pëlqimit të vullnetit të vet,
5 për lëvdim të lavdisë së hirit të tij, me të cilin na bëri të pëlqyer në të dashurin Birin e tij,
6 në të cilin kemi shpengimin me anë të gjakut të tij, faljen e mëkateve sipas pasurivë së hirit të tij,
7 të cilin e bëri të teprojë ndaj nesh me gjithë urtësinë dhe mençurinë,
8 duke bërë të njohur tek ne misterin e vullnetit të tij sipas pëlqimit të tij, që ai e kish përcaktuar me veten e tij,
9 që, kur të plotësoheshin kohërat, t'i sillte në një krye të vetëm, në Krishtin, të gjitha gjërat, ato që janë në qiejt dhe ato që janë mbi dhe.

Sidoqofte me ka pelqyer ky diskutim qe behet ne kete teme, e kam ndjekur deri diku dhe me vjen keq qe nuk marr dot pjese me shume, per arsye kohe.

Pershendetje te gjitheve vellezer dhe motra ne Krisht!

[Matrix]

13 Pastaj Jezusi, mbasi arriti në krahinën e Cezaresë së Filipit, i pyeti dishepujt e vet: "Kush thonë njerëzit se jam unë, i Biri i njeriut?".

14 Dhe ata thanë: "Disa Gjon Pagëzori, të tjerë Elia, të tjerë Jeremia, ose një nga profetët".

(Ja pra mendja njerezore....)

15 Ai u tha atyre: "Po ju, kush thoni se jam unë?".

16 Dhe Simon Pjetri duke u përgjigjur tha: "Ti je Krishti, Biri i Perëndisë të gjallë".


17 Dhe Jezusi duke përgjigjur u tha: "I lumur je ti, o Simon, bir i Jonas, sepse këtë nuk ta zbuloi as mishi as gjaku, por Ati im që është në qiej.

Mateu 16

[Matrix]

Ja disa vargje rreth paracaktimit:

47 Sepse kështu na ka urdhëruar Zoti: "Unë të vura si dritë të johebrenjve, që ti ta çosh shpëtimin deri në skajin e dheut"".

48 Johebrenjtë, kur dëgjuan, u gëzuan dhe lëvdonin fjalën e Zotit; dhe të gjithë sa ishin të paracaktuar për jetën e pasosur besuan.

49 Dhe fjala e Zotit përhapej në mbarë atë vend.

Veprat 13

27 Sepse pikërisht kundër Birit tënd të shenjtë, që ti e vajose, u mblodhën Herodi dhe Ponc Pilati me johebrenjtë dhe me popullin e Izraelit,

28 për të bërë të gjitha ato që dora jote dhe këshilli yt kishin paracaktuar se do të ndodhnin.

Veprat 4.

Nuk e di se cfare mendimi keni per keto?

[inscrite]

Po lexoj nje liber, apo me mire po e rilexoj. Kur e kam lexuar per here te pare ne kohet qe sapo kisha besuar ne Krishtin, me ka tronditur. Kam menduar se eshte pak e cuditshme qe Zoti yne i dashurise te veproje ne kete menyre me bijte e Tij. Flet per jeten e nje motre ne Krishtin e cila aksidentohet ne moshen 17 vjecare duke mbetur e paralizuar per tere jeten. Po e rilexoj dhe te them te drejten me ka bere te mendohem. Ai vjen edhe me dhimbje, edhe me semundje, duket ndonjehere sikur nuk eshte duke degjuar lutjet qe i bejme. Lexoj se si Xhoni (eshte moter, pavaresisht se ka kete emer, ne origjinal Joni), perballet me semundjen e saj, qe ne moshen 17 vjecare e paralizuar krejtesisht, mund te levize vetem qafen. Eshte shume per nje te re aktive dhe plot jete. Dhe ajo lufton ne shpirtin e saj me skandalin qe trondit qenien e saj. Zoti jo vetem lejoi qe t’i ndodhte semundja, por as nuk i degjoi lutjet e saj dhe te miqve te saj per nje sherim te mrekullueshem. Xhoni u skandalizua ne zemren e saj, ndoshta edhe u rebelua. Jo te qenit i skandalizuar sa t’i kthesh krahet Atij, por e tronditur ne shpirtin e saj te re dhe me shume pyetje pa pergjigje ne zemer.

Me vjen ne mendje Jobi, apo Abrahami. O Zot, nuk e marr me mend, dua te them nuk e kuptoj se sa i thelle ka qene besimi i tyre ne Ty qe t’u dorezuan ne ate menyre menjehere. Nje besim si i Jobit qe perulet gjer ne toke per te shqiptuar vetem fjale adhurimi.
Ne skandalizohemi, na mungon nje besim si i Jobit apo Abrahamit per t’u dorezuar teresisht ne krahet e Tij. Eshte vetem dashuria e Tij dhe dashuria per Te qe cdo dite na meson si t’i dorezohemi, si t’i besohemi, si te jemi te Tijet pa kushte. Dhe keshtu ecim me Te, e njohim me shume, e duam me shume, i besohemi me shume. U shtofte dashuria dhe besimi ne zemrat tona, ne menyre qe kur mendja jone te jete plot me pyetje e te mos kemi pergjigje, kur te vije me prova e dhimbje, kur te kemi pare se ka sheruar te tjeret rrotull nesh dhe neve jo, te mund te perulim koken si Jobi, dhe t’i deklarojme vetem dashurine.

(ju kerkoj falje, sepse e di qe kam dale nga tema qe po diskutoni tani, por po i mendoja keto gjera ndersa lexoja diskutimin tuaj te meparshem.)

[inscrite]

Ne lidhje me diskutimin nese planet apo vendimet e Zotit bazohen apo jo ne zgjedhjet tona, dua te sjell nje varg nga Fjalet e urta 19.21, qe thote:
Ka shume plane ne zemren e njeriut, por vetem plani i Zotit do te mbetet i pandryshuar.