Pyetje te veshtira!

[marcus1]

Kisha të drejtë kur thoja se ti Elton zgjedh disa pjesë nga shkrimet e mia dhe të tjerat i lë pa komentuar. Dhe jo vetëm kaq, por vë në gojën time fjalë që nuk i kam përmëndur. Hidhi edhe një herë sy me kujdes shkrimeve të mia dhe shih se sa pika ke lënë pa përgjigjur, hidhi edhe nje herë sy shkrimeve të tua dhe shih se sa fjalë që nuk i kam përdorur unë ke vënë në gojën time.

Me që ra fjala, po fjala "i zgjedhur" a ndodhet në Dhjatën e Re, jo vetëm për popuj, por edhe për individë?

Një gjë do të të them, mos ji i shpejtë në gjykim ndaj të tjerëve.

Me sa shoh, po vjen momenti të tërhiqem nga ky diskutim, pasi e shoh se vetëm dëm bën tek të gjithë ne që marrim pjesë apo thjesht lexojmë këto shkrime.

[Manulaki]

Nuk po e kuptoj kete diskutim. "Cdo te ishte bere sikur?". Nese besojme ne faktin qe Zoti eshte i plotfuqishem, i gjithedijshem, sovran, i perjetshem, i drejte.... etj, si mund te bejme kete lloj pyetjeje? A eshte pyetje qe lind nga besimi "Sikur" apo nga mosbesimi? C'duam te inkurajojme me "sikur" besim, apo mosbesim? Ne fund te fundit si eshte me mire, pa pergjigje dhe me besim ne Zotin, apo me pergjigje te cale qe ndikon keq dhe ne besim?
Elton80, une jam e re ketu, dhe nuk dua te jap ndonje gjykim. Por nuk mendoj se eshte dicka e urte dhe e matur pyetja qe ke sjelle "Sikur?" Madje do te thosha se eshte pyetje pak "katolike" (vete ke sjelle pyetjen se ne doktrinen katolike njerezit nuk jane te sigurt per shpetimin). E pra nese sjell pyetje me "Sikur" nuk po behesh vecse pjese e atyre tradicionaleve qe vene ne dyshim vepren dhe planin e Zotit per individet dhe popujt.

Matrix, faleminderit per pergjigjen tende. Une kam te njejtin besim si ty dhe te bazuar ne ato vargje dhe fjale te Zotit. Por kam degjuar dike (i krishtere dhe mesues teolog) qe ka thene pikerisht ate qe solla me siper. Dhe e shtrova pyetjen mos ndoshta dikush dinte ne lidhje me kete teori. Pra nese vertet dikush mendon qe Juda nuk trashegoi ferrin, ku e besojne nje gje te tille, ku e mbeshtet Fjala e Perendise nje gje te tille. Personi (personat) qe e shtroi kete ide, bazohej ne faktin qe Juda ishte i zgjedhur dhe se zgjedhja, ashtu si shpetimi, nuk varen nga veprat, por jane dhurate e Perendise.

Me respekt M.P

[marcus1]

Gjoni 5:21 Në fakt ashtu si ati ringjall të vdekurit dhe u jep atyre jetën, po kështu edhe Biri i jep jetën kujtdo që do. (në Greqisht fjalët e nxira janë: se osous theli që do të thotë se u jep jetën atyre që Ati do, pra është në dëshirën e Atit)

Gjoni 6:36-39 Por unë jua thashë: (vini re këtu, ja u ka thënë edhe herë tjetër.) ju më keni parë por nuk besoni. Gjithçka që më jep Ati( përkthimi i saktë nga Greqishtja është: Këdo që më jep Ati. Opion mou dhini o Pateras) do të vijë tek unë, dhe atë që vjen tek unë, nuk do ta nxjerr kurrë jashtë sepse unë kam zbritur nga qielli jo për të bërë vullnetin tim, por vullnetin e Atij që më ka dërguar. Ky është vullneti i Atij që më ka dërguar: që unë të mos humbas asgjë (përkthimi është i gabuar. Nga Greqishtja është: që unë të mos humbas asnjë. na min hathi kanenas) nga të gjitha ato që ai më ka dhënë. (përsëri përkthimi është i gabuar. Në Greqisht është: apo osous mou exi dhosi, pra nga të gjithë ata që ai më ka dhënë), por të gjithë t’i ringjall në ditën e fundit.

Gjoni 6:41-44 Judenjtë pra murmurisnin për të, sepse kishte thënë: “Unë jam buka që zbriti nga qielli”, dhe thoshnin: “Vallë, a nuk është ky Jezusi, biri i Jozefit, të cilit ja njohim babanë dhe nënën? Si thotë pra ky: “Unë zbrita nga qielli?” Atëherë Jezusi u përgjigj dhe u tha atyre: “Mos murmurisni midis jush. Askush nuk vjen tek unë po qe se Ati që më ka dërguar nuk e tërheq dhe unë do ta ringjall atë në ditën e fundit.

Gjoni 6:60-65 Kur i dëgjuan këto, shumë nga dishepujt e tij thanë: “Kjo e folur është e rëndë, kush mund ta kuptojë?” Por Jezusi, duke e ditur në vetvete se dishepujt e vet po murmurisnin për këtë u tha atyre: “Kjo ju skandalizon? Ç’do të ishte po ta shihnit, pra, Birin e njeriut duke u ngjitur atje ku ishte më parë? Është Fryma që jep jetë, mishi nuk vlen asgjë; fjalët që po ju them janë frymë dhe jetë. Por janë disa midis jush që nuk besojnë” ; në fakt Jezusi e dinte që në fillim kush ishin ata që nuk besonin, dhe kush ishte ai që do ta tradhtonte; dhe thoshte: “ Për këtë arsye ju thashë se askush nuk mund të vijë tek unë, nëse nuk i është dhënë nga Ati im.”

Gjoni 10: 25-30 Jezusi ju përgjigj atyre: “Unë jua kam thënë, por ju nuk besoni; veprat që bëj në emër të Atit tim, janë ato që dëshmojnë për mua. Por ju nuk besoni, sepse nuk jeni nga delet e mia, siç jua kam thënë. Delet e mia e dëgjojnë zërin tim, unë i njoh dhe ato më ndjekin; dhe unë u jap atyre jetën e përjetshme dhe nuk do të humbasin kurrë, e askush nuk do t’i rrëmbejë nga dora ime. Ati im, që m'i dha, është më i madh se të gjithë; dhe askush nuk mund t'i rrëmbejë nda dora e Atit tim. Unë dhe Ati jemi një.

Gjoni 17:2, 6-9 (nga lutja e Jezusit ndaj Atit ) Sepse ti i ke dhënë pushtet mbi çdo mish, që t’u japë jetë të përjetshme të gjithë atyre që ti ja ke dhënë............Unë ja kam dëftuar emrin tim njerëzve që ti m'i ke dhënë nga bota; ishin të tutë (vini re këtu, është në kohën e shkuar. Që kur ishin të Tijtë? Që para krijimit të botës.)dhe ti mi ke dhënë; dhe ata e kanë zbatuar fjalën tënde. Tani ata kanë njohur se të gjitha gjërat që ti më ke dhënë vijnë prej teje, sepse ua kam dhënë atyre fjalët që më ke dhënë mua; dhe ata i kanë pranuar dhe kanë njohur se me të vërtetë unë dola nga ti, dhe kanë besuar se ti më ke dërguar. Unë lutem për ta, nuk lutem për botën, por për ata që më ke dhënë, sepse janë të tutë. (Uauuuuu. Si ka mundësi që nuk lutet për botën?! Lum si ai që nuk skandalizohet nga një Zot i tillë!)

[Elton80]

M.P.

Nuk po flasim per per "sikur". Besoj se mbaruam me ate pyetje, dhe nuk ishte ndonje gje e madhe. Nuk eshte se une jam aq i sigurt per ate qe thashe, prandaj thashe "sikur". Ishte thjesht nje pyetje per te pare cfare mendonit, asgje me shume. Tani ndodhemi pas fakteve, keshtu qe s'ngre shume peshe ajo.

Meqe ra fjala per Juden, pergjigjen e ke tek Veprat 1:25

për të marrë shortin e kësaj shërbese dhe apostullimin, nga i cili Juda u largua për të shkuar në vendin e tij``.

Vendi i tij per te cilin flet ishte ferri.

Mateu 25:41

Pastaj ai do t`u thotë edhe atyre që do të jenë në të majtë: "Largohuni nga unë, të mallkuar, në zjarr të përjetshëm, të përgatitur për djallin dhe engjëjt e tij.

Livein,

Eshte e vertete qe une s'jam pergjigjur gjithe pyetjeve te tua, por as ti nuk i je pergjigjur pyetjeve te mija. Prandaj, nuk e kuptoj pse zemerohesh kaq shpejt. Te gjithe po bejme shume pyetje dhe po themi shume gjera, prandaj do durim t'i pergjigjemi te gjithave.

Persa i perket "fjaleve qe po ve ne gojen tende" nuk e di per cfare po flet. Nuk di te kem vene fjale ne gojen tende. Nese te kam cituar gabim, me thuaj, por nuk kam cituar gje gabimisht me qellim. Te lutem me thuaj per cfare po flet.

Persa i perket terheqjes nga diskutimi, nese kjo te skandalizon ty, atehere po terhiqem une i pari. Nuk e di pse po e merr kete vendim, sidoqofte eshte puna jote.

Megjithate dua te them se nje i krishtere s'duhet te kete frike te flase per asgje por t'i pergjigjet pyetjeve te ndryshme.

P.S. Zgjedhja eshte edhe per individe, jo vetem per popujt, por zgjedhja e individeve nuk ka te beje me heqjen e petaleve ne nje lule, "do ta zgjedh, s'do ta zgjedh", por ka te beje me paranjohjen, jo paracaktimin.

1 Pjetrit 1:2

të zgjedhurve sipas paranjohjes së Perëndisë, Atit, me anë të shenjtërimit të Frymës, për t`u bindur dhe për t`u spërkatur me gjakun e Jezu Krishtit; hiri dhe paqja u shtoftë mbi ju.

[marcus1]

Persa i perket "fjaleve qe po ve ne gojen tende" nuk e di per cfare po flet. Nuk di te kem vene fjale ne gojen tende. Nese te kam cituar gabim, me thuaj, por nuk kam cituar gje gabimisht me qellim. Te lutem me thuaj per cfare po flet.

Persa i perket terheqjes nga diskutimi, nese kjo te skandalizon ty, atehere po terhiqem une i pari. Nuk e di pse po e merr kete vendim, sidoqofte eshte puna jote.

Megjithate dua te them se nje i krishtere s'duhet te kete frike te flase per asgje por t'i pergjigjet pyetjeve te ndryshme.

Nuk është nevoja të shkoj në shkrimet e tjera, pasi edhe në këtë shkrim jep përshtypje tjetër nga ato që kam dashur të them unë. Ku thashë unë se u skandalizova? Shihe edhe një herë shkrimin tim. Unë thashë se diskutime të tilla bëjnë dëm tek të gjithë ata që i lexojnë. Pra diskutime të tilla nuk ndërtojnë.

Një i Krishterë nuk duhet të ketë frikë të flasë, por duhet të ketë edhe urtësinë se kur duhet të flasë. Përse Jezusi nuk i përgjigjej Pondit Pilat kur Ai e pyeste nëse ai ishte mbret? Mos vallë kishte frikë? Prandaj i dashur vëlla, duhet të mësohesh të mos nxitohesh dhe të gjykosh para kohe.

Diskutimi ynë pas kompjuterave shpesh nuk lejon që të kuptojmë edhe ndjenjat e të tjerëve, prandaj po të them se nuk jam zemëruar fare, ashtu siç mendon ti.

Tani, hidhi një sy shkrimeve të Biblës që kam sjellë më lart.

[Elton80]

Gjoni 5:21 Në fakt ashtu si ati ringjall të vdekurit dhe u jep atyre jetën, po kështu edhe Biri i jep jetën kujtdo që do. (në Greqisht fjalët e nxira janë: se osous theli që do të thotë se u jep jetën atyre që Ati do, pra është në dëshirën e Atit)

Shume e vertete. Ata qe Ati do eshte e tere bota. (Gjoni 3:16).

1 Tim 2:5

Sepse kjo është e mirë dhe e pëlqyer përpara Perëndisë, Shpëtimtarit tonë,

4 i cili dëshiron që gjithë njerëzit të shpëtohen dhe t`ia arrijnë njohjes të së vërtetës.

Kjo eshte ajo qe Ati do, dhe jo qe vetem disa te shpetohen.

Gjoni 6:36-39
Gjoni 6:41-44
Gjoni 6:60-65

Te gjitha keto vargje pergjigjen nga Gjoni 12:32

Dhe unë, kur të jem ngritur lart nga toka, do t`i tërheq të gjithë tek unë``.


Ato vargje qe ti citon nuk thone qe Zoti terheq disa dhe nuk terheq te tjere. Ato thone qe te gjithe ata qe Zoti i terheq dhe vijne tek Krishti ai nuk i nxjerr jashte dhe nuk i refuzon. Pra konteksti nuk ka te beje me sa terheq apo ke terheq Zoti, por me faktin se Krishti nuk nxjerr jashte asnje prej atyre qe Ati sjell tek Ai.

Patjeter qe eshte Ati ai qe na sjell tek Krishti. Vetem nje farise do mendonte ndryshe, por kjo s'do te thote qe njerezit jane robota ne kete mes dhe nuk kane asnje vullnet. Ati i terheq te gjithe njerezit, por jo te gjithe i pergjigjen thirrjes, por Krishti nuk refuzon asnje nga ata qe shkojne tek ai.

Po te kishin ato vargje ate kuptim qe ti po sygjeron, atehere i bie qe Krishti refuzon ata te tjeret qe *mund* te shkojne tek ai. Ose ata te pazgjedhurit i bie qe te mos kene mundesi fare per shpetim dhe kjo nuk me duket e drejte, madje kontradikton vete deshiren e Zotit i cili thuhet shume qarte qe do qe TE GJITHE njerezit te shpetohen, jo vetem nje pjese.

Gjoni 10: 25-30 Jezusi ju përgjigj atyre: “Unë jua kam thënë, por ju nuk besoni; veprat që bëj në emër të Atit tim, janë ato që dëshmojnë për mua. Por ju nuk besoni, sepse nuk jeni nga delet e mia, siç jua kam thënë. Delet e mia e dëgjojnë zërin tim, unë i njoh dhe ato më ndjekin; dhe unë u jap atyre jetën e përjetshme dhe nuk do të humbasin kurrë, e askush nuk do t’i rrëmbejë nga dora ime. Ati im, që m'i dha, është më i madh se të gjithë; dhe askush nuk mund t'i rrëmbejë nda dora e Atit tim. Unë dhe Ati jemi një.

Shume e vertete. ATa nuk ishin nga delet e Jezusit prandaj s'e degjuan. Por nuk thuhet gjekundi se ata ishin te penguar qe te beheshin delet e tij. Dmth, ai po thote nje fakt ,qe ata akoma s'i perkisnin atij, prandaj edhe s'e degjonin, por nuk thote gje qe ata ishin paracaktuar per te mos degjuar. NE te kundert, nese Krishti vete s'do i kishte zgjedhur, cfare kuptimi do kishte ai varg?

Nqs Krishti vete s'do i kishte zgjedhur vargu do ishte pak a shume keshtu: "ju nuk jeni delet e mia, dhe ne fakt as mund te beheni ndonjehere pasi une s'ju kam zgjedhur..."! Kjo s'ka kuptim vella.

Gjoni 17:2, 6-9 (nga lutja e Jezusit ndaj Atit ) Sepse ti i ke dhënë pushtet mbi çdo mish, që t’u japë jetë të përjetshme të gjithë atyre që ti ja ke dhënë............Unë ja kam dëftuar emrin tim njerëzve që ti m'i ke dhënë nga bota; ishin të tutë (vini re këtu, është në kohën e shkuar. Që kur ishin të Tijtë? Që para krijimit të botës.)dhe ti mi ke dhënë; dhe ata e kanë zbatuar fjalën tënde. Tani ata kanë njohur se të gjitha gjërat që ti më ke dhënë vijnë prej teje, sepse ua kam dhënë atyre fjalët që më ke dhënë mua; dhe ata i kanë pranuar dhe kanë njohur se me të vërtetë unë dola nga ti, dhe kanë besuar se ti më ke dërguar. Unë lutem për ta, nuk lutem për botën, por për ata që më ke dhënë, sepse janë të tutë. (Uauuuuu. Si ka mundësi që nuk lutet për botën?! Lum si ai që nuk skandalizohet nga një Zot i tillë!)

Vella ai nuk po lutet per boten ne kete lutje, pasi kjo lutje eshte per ata qe besuan, jo per ata qe nuk besuan. Kjo lutje eshte specifike per ata qe besuan dhe do besojne ne Krishtin. Konteksti i lutjes dhe pasazhit nuk ka te beje me shpetimin, por me ata qe besuan tek Krishti.

Dmth, ti me te drejte me qortove mua qe po kapesha pas gjerave qe Bibla nuk i thote ne pyetjen qe bera "po sikur cifutet ta kishin pranuar", por ti tani po ben vete te njejten gje. Dmth, po mundohesh me llogjike induktive te thuash dicka qe pasazhi nuk e thote.

Pasazhi thote qe te gjithe ata qe Ati i dha Krishtit ai i ka shpallur fjalen, etj, etj, por pasazhi nuk thote qe Ati i dha keta njerez Krishtit jashte vullnetit te tyre, apo zgjodhi vetem keta dhe nuk zgjodhi te tjeret.

Dmth, pasazhi nuk ben asnje lloj deklarate se kush eshte i shpetuar dhe si u shpetua. Une nuk skandalizohem nga asgje, por nuk me duket se ti po i interpreton vargjet sakte.

Si i shpjegon ti vargjet qe thone qarte "kushdo qe beson"? Cdo te thote ajo? Vetem te zgjedhurit?

Po pse vella a mund te debatosh me vagjet qe thone qe eshte vullneti i Zotit qe te gjithe te shpetohen? Atehere si zgjidhka Zoti kunder vullnetit te tij? Pse duhet te mos besojme ato vargje, por duhet te kapemi pas vargjeve qe flasin per ata qe Ati i ka dhene, kur nuk thote asgje se cilet i jep apo s'i jep Ati, dhe nuk thote se Ati po i jep ata kunder vullnetit te tyre.

Pra vargjet duhen pare te gjitha ne kontekst per ate qe thone, jo per ate qe nuk thone.

[deshmuesi]

Elton me lejo te te bej vetem nje peytje, ne menyre qe te kuptosh se cfare eshte duke folur Livein.
Si mendon ti: Perendia e di qysh prej fillimit se cilet jane ata qe nuk duan ti besojne dhe nuk duan te vene ne Krishti, apo pret qe kete ta mesoje prej veprimeve te njerzve?
Nese do te arrish te kuptosh kete pyetje do ta kesh shume te lehte te kuposh se cdo te thote parenjohje dhe paracaktim.
Askush nuk eshte i perjashtuar nga shpetimi, Gjon:3:16, por jo te gjithe marin shpetim. Eshte shume e rendesishme qe te mos i keqperdoresh keto te dyja. Eshte tjeter gje te te ofrojne shpetim, dhe tjeter ta maresh ate. Me plot bindje te them se, Zoti e di plotesisht qysh prej fillimit se cilet jane ata qe do e marin shpetimin, prandja dhe i parenjohu dhe i paracaktoi, si dhe cilet jane ata qe do ta refuzojne shpetimin, prandaj dhe i parenjohu dhe i paracaktoi per diten e shkatrimit. Ne fjalet e urta thuhet: Perendia e ruan te ligun per diten e shkatrimit.
Kur Perendia paracakton dicka , duhet te dish se paracaktimi eshte i mbeshtetur ne te VERTETEN, dhe i VERTETI eshte vetem Zoti. Kur Perendia paracakton dike per shpetim dhe dike per shkatrim, si mendon ti: kete e ban jashte njohurise dhe eshte duke i ngrene hakun dikujt? Nese pranon se Perendia eshte i pagabueshem, atehere si mund ti haje haken dikujt? Jzusi tha: Kini frike nga Ai qe ta mer shpritin dhe ta hedh ne Xhehena? Ja pra Perendia di plotesiht rrugen e cdo njeriu, prandja dhe di te paracaktoje fundin e cdo kujt.
Le te te jap nje shembull ku ti te mund te jesh edhe me i qarte.
Le te supozojme per nje cast sikur ti je bosi i nje grupi punetoresh me profesione te ndryshme, dhe ke mare persiper te ndertosh nje fabrike. Pyetja ime eshte: A mund te gaboje ti, qe ne vend te muratoreve, te vije ne pune per te ndertuar murin, hidrauliket? Apo ne vend te elektricisteve, te vije ne pune per te instaluar rjetin elektrik, muratoret? Llogjika na tregon se, ti duke qene sipermaresi i ketij grupi punetoresh, di ti paracaktosh VENDIN e punes, gjithescilit prej ketyre punetoreve, duke e vendosur cdo punetor, simbas ZANATIT dhe profesionit qe ai ka. Pikerisht dhe Zoti Perendi, i cili paranjeh cdo krijese te tij, di te paracaktoje me vertetesi rrugen e cdo njeriu, duke u mbeshtetur jo ne mendimet e njerzve, por ne Njohurine dhe Vertetesine e Vet. Prandaj bibla na deshmon se, gjithshka qe ben Zoti eshte e perkryer dhe perjetshme.
Deshmuesi

[marcus1]

I dashur vëlla Elton,

Për sa i përket vargjeve që kam sjellë nga Gjoni, ti i bën atyre interpretime të stërholluara kurse unë thjeshte sjell vargjet ashtu siç janë. Dhe jo vetëm kaq, por ti nxitohesh përsëri pa marrë mundimin të lexosh më tutje. Po pse valle, duhet të t'i sjell unë vargjet llokum në gojë? E kam fjalën për Lutjen e Krishtit. E ke shumë gabim, Krishti nuk lutet vetëm për ata që kanë shpëtuar, por edhe për të gjithë të tjerët që do besojnë më vonë. Hidhi edhe një herë sy lutjes nga fillimi deri në fund.

I dashur vëlla, dua të them se kur unë diskutoj me dikë për një çështje të Krishterë, qëllimi im është që këto rrahje mendimesh të mos jenë thjesht për të kaluar kohën, por për të fituar diçka te ne që diskutojmë apo ata që dëgjojnë. Nëse ky disktumi e humbet këtë vlerë, ose të paktën, kur unë arrij të kuptoj se ky diskutim e humbet këtë vlerë, unë tërhiqem. Shpresat e mia janë shumë të vogla për të të bindur ty me mendimet e mia, ashtu siç janë edhe shpresat e tua shumë të vogla për të më bindur mua, por meqë mendoj se të tjerët që lexojnë mund të marrin akoma diçka nga ky diskutim, apo mund të kontribojnë akoma, unë mendoj se akoma nuk i ka ardhur fundi këtij diskutimi. E them këtë pasi, përvoja ka treguar se kur diskutimet zgjaten shumë, e vetmja gjë që bëjmë është që të përsërisim të njëjtat gjëra, gjë së cilës, do doja t'i shmangesha.

Ti fillon dhe flet për robotë e ku e di unë se çfarë, gjëra që unë nuk i kam thënë asnjëherë. Ti thua se në këtë mënyrë nuk jemi të lirë, gjëra që unë nuk i kam thënë asnjëherë. Ti do thuash se janë ato që them unë që të bëjnë të mendosh për humbjen e lirisë etj. Unë mendoj se e ke gabim. Çështja është se koncepti yt për lirinë është shumë i kufizuar, dhe kur vjen puna të shohësh lirinë e Zotit, ti nuk mund ta kuptosh atë dhe e kufizon me bindjet e tua.

A jemi ne të lirë? Sigurisht! Por liria jonë ka disa caqe. Pse? Që Zoti të na ruajë. Nëse do ishte që Zoti të na linte krejtësisht të lirë, ne do kishim humbur të gjithë. Është dashuria e Zotit që vendos disa kufinj, në mënyrë që ne të mos humbasim. Ja se si thotë vargu më poshtë:

Dhe ashtu si profetizoi Isaia: ``Në qoftë se Perëndia i ushtrive nuk do të na kishte lënë farë, do të ishim bërë si Sodoma dhe do t`i kishim ngjarë Gomorës``.

Kështu do bëheshim edhe neve nëse nuk do ishim nën mëshirën dhe kujdesin e Tij. Mëshira dhe kujdesi i Tij ka në vetvete dhe një përkufizim lirie. Që t'a bëj më të qartë po sjell një shembull nga jeta e përditshme. Unë jam për vete prind dhe i jap djalit tim liri, por jo liri të pakufizuar. P.sh. unë i jap atij lirinë të dalë përjashta dhe të luaj me biçikletë, por e lejoj atë vetëm tek sheshi dhe jo në rrugë. Nëse unë do t'i jepja atij lirinë e plotë, jeta e tij do rrezikohej nga makinat. Unë i jap djalit lirinë të shohe televizor, por nuk i jap atij lirinë të shohë çdo lloj filmi, pasi kjo gjë do t'a shkatërronte atë.

E njëjta gjë ndodh edhe me Atin tonë në qiell. Ai na jep liri sipas moshës sonë. Sa më të vegjël të jemi në besim, aq më pak liri na jep Ai dhe sa më shumë rritemi aq më e madhe është edhe liria e Tij. Është pra mëshira e Tij që na ka bërë që ne të besojmë, jo zgjedhja jonë. Është Ai që na zgjodhi neve, dhe jo ne Atë. Të ishte për ne, do ishim të humbur. Të ishte për ne, edhe tani që jemi besimtar, do kishim humbur me kohë. Por është mëshira e Tij, dashuria e Tij, urtësia e Tij që na mban ne në besim, por që ne shpesh nuk mun t'i kuptojmë gjykimet e Tij.

Unë të them se sipas Biblës Ai na ka zgjedhur, ti thua se fjala zgjedhje ka kuptim tjetër. Unë them se ai na ka zgjedhur që para themelimit të botës, ti thua se duhet interpretuar. Një pyetje kam. A ke frikë ti ti thuash një vëllai apo motre se është i/e zgjedhur? Mendoj se po. Unë nuk kam frikë të përdor vargjet e Biblës dhe t'i them një vëllai se është i zgjedhur që para krijimit të botës.

Ti më flet për paranjohjen, por a nuk isha unë ai që të thashë se për Zotin nuk ka kohë dhe hapësirë? A nuk të thashë unë se Ai në këto çaste ndodhet në fund të kohrave?

Ti më thoje se Zoti nuk është mashtures, duke ungjillëzuar ata që ai nuk i kishte zgjedhur më parë. Dhe unë po të them, sipas teje a nuk është e njëjta llogjikë të ungjillëzosh dikë që e di që më përpara se nuk do besojë. Ti vetë e pranon se Zoti e ka ditur që më përpara se kush do besojë. Pse atëherë Ai ungjillëzonte ata që nuk do besonin? Është njësoj sikur ti të më kërkosh mua diçka duke e ditur që ne fillim se unë nuk do t'a jepja atë gjë. A nuk do ishte marrëzi dhe humbje kohe kjo gjë? Kur Zoti e dinte se kush nuk do besojë, pse ke frikë të thuash se Zoti ka përcaktuar se kush do besojë. Unë them se zoti na ka zgjedhur dhe ti thua se atëherë Zoti paska zgjedhur të tjerët të humbasin. A e thashë unë një gjë të tillë? Jo! Në fakt, përse duhet t'i futem unë një llogjike të tillë dhe të shoh se çfarë ka vendosur Zoti me të tjerët?

Ti më thua se Ai është i drejtë. Dhe unë të them se sipas biblës Ai është poçari dhe bën çtë dojë me enët e Tij. Kurse ti më thua se këto vargje flasin për popuj dhe jo për individë. Çfarë të them.

Unë nuk kam frikë të them se jemi të zgjedhur, çfarë do lloj kuptimi që të ketë. Edhe një herë, ne jemi nën mëshirën e Perëndisë. Nuk varet as nga mundimet dhe përpjekjet tona dhe as nga asnjë gjë e jona. Jemi plotësisht të varur nga Ai. Nëse do ishte për mua, nuk e di se ku do gjendesha tani. Nëse unë them se nuk jam zgjedhur, por unë e zgjodha Perëndinë, kjo tregon se unë jam më i zgjuar apo më i mirë se të tjerët. Ky lloj besim qenderzon njeriun dhe jo Zotin. Jo! Ishte ai që solli rrethanat e tilla që unë të besoj, pasi Ai më njihte dhe më ka zgjedhur që para krijimit të botës. Thjesht tani erdhi plotësimi i kohrave, që edhe unë të besoj.

[Matrix]

Mendoj se te besuarit ne te qenit i zgjedhur para krijimit, te pakten ashtu sic e parashtron Liveintwoplaces, nuk e demton aspak lirine e njeriut, perkundrazi te ben te besosh se ne nuk kemi asnje lloj merite ne shpetim.

Ja le te marrim anen tjeter.
Ne ne nuk jemi te zgjedhur, por shkuam pas Krishtit me vullnetin tone.

Cfare do te thote kjo?
Jemi me te mire se te tjeret qe nuk shkuan pas Tij?
Kjo do na bente te kishim nje mendim plot repekt ndaj vetes dhe nje mendim gjykues ndaj njerezve te tjere. Pra, rezultati i kesaj do te ishte vetekrenaria.

Nga ana tjeter, jane rrethanat qe Krishti ka krijuar ne jetet tona qe ne ta pranojme Ate, rrethana qe ndoshta Ai nuk i ka krijuar tek te tjeret. Te mendojme ndryshe, i bie qe ne te jemi "me te zgjuar" apo "me te mire" se te tjeret.

Atehere, mos ndoshta te tjeret Ai i ka paracaktuar per ne ferr?
Aspak!
Te besuarit se ti je i zgjedhur, nuk te ben te besosh patjeter se ata qe nuk e kane njohur Krishtin, jane hedhur poshte nga Krishti.

Por, a nuk te con besimi se ne jemi "te zgjedhur" ne besimin se te tjeret jane "te pazgjedhur"?
Ne rast se ndjekim intelektin po.
Por une mendoj se ketu intelekti njerezor, i rene, ndalon.

Ne nuk dime asgje per te tjeret!!!!

Ndoshta ne jemi farat, qe ata te marrin jeten... Kete nuk e dime ende...
Por ndoshta ne mund te jemi dhe fara qe do te bien ne rruge dhe do te na hane zogjte...
A ka rendesi kjo?

E rendesishme eshte qe brenda nesh eshte JETA, dhe kjo jo sepse ne e zgjodhem kete, por sepse Ai vendosi te jetoje brenda nesh dhe na u shfaq. Te kesh brenda JETEN, mjafton. Ai do kujdeset per cdo gje tjeter. Thjesht ne do te shkojme aty ku Ai te na coje...Dhe ne nuk e dime se ku do te na coje Ai....Ky eshte besimi...



Le te qendrojme per pak dhe te marrim te gjitha filozofite njerezore, te gjitha teorite shkencore, te gjitha sistemet ekonomike dhe politike, te gjitha sistemet fetare te botes
dhe...
le t'i vendosim perballe nje grupi te vogel njerezish, qe udhehiqen nga nje ish-marangoz, qe tregon rrefenja, sheron njerez, qe rri me prostituta dhe taksambledhes, qe thote se do te kryqezohet nga liderat fetare dhe politike.

Pra le te shohim keto dy grupe:
1-) Gjithe mencurine mijeravjecare njerezore
dhe
2-) Ish- marangozi i Nazaretit bashke me nje grup te vogel te pafuqishem (te cilet nuk kane besim tek Ai, njeri prej tyre do ta tradhetoje, njeri do ta mohoje, te tjeret do ta braktisin)

Po te ishit ne ate kohe, cilen nga keto dy grupe do te ndiqnit?
Cili nga keta dy grupe, do te ishte me e llogjikshme per t'u ndjekur?

[marcus1]

Pra le te shohim keto dy grupe:
1-) Gjithe mencurine mijeravjecare njerezore
dhe
2-) Ish- marangozi i Nazaretit bashke me nje grup te vogel te pafuqishem (te cilet nuk kane besim tek Ai, njeri prej tyre do ta tradhetoje, njeri do ta mohoje, te tjeret do ta braktisin)

Po te ishit ne ate kohe, cilen nga keto dy grupe do te ndiqnit?
Cili nga keta dy grupe, do te ishte me e llogjikshme per t'u ndjekur?

I dashur vëlla, po të ndiqnim mëndjen tonë sigurisht që do të zgjidhnim atë që na duket me e llogjikshme, me e sigurtë, më njerëzore. Por është Hiri i Tij që na zgjodhi në mënyrë që ta zgjedhim edhe ne Atë.

Elton80, mu kujtua edhe diçka tjetër. Ti më pyet nëse do të refuzonte Krishti dikë që do shkonte tek Ai. Sigurisht që jo. Por a do shkonte te Krishti, dikush që nuk ishte tërhequr nga Ati? Në asnjë mënyrë. Ata njerëz do zgjidhnin atë që duket më e sigurtë për ta.