Çfarë mendimi keni për doktrinat e kishës Katolike?

[Manulaki]

Mary,

Kishat Katolike ne Amerike jane SHUME me ndryshe sesa kishat katolike ne cdo vend tjeter, sidomos ne Evrope dhe vendet latine. Kjo eshte per shkak te influences se madhe te kishave biblike ne Amerike.

Megjithate, doktrina dhe mesimet e kishes katolike vijne nga Vatikani, jo Washington D.C.

Shume kisha katolike ne Amerike kane predikim, gje qe nuk e gjen gjekundi ne Evrope.

Elton80, ti me duket ngaterron politiken dhe fene, me besimin.
Feja dhe politika si nga Vatikani, si nga Washington DC, kane nje emerues te perbashket. Nuk vijne nga Perendia. Nese ti mendon se George Bush eshte i krishtere me i mire se Papa, (per nga pozicioni politik qe kane) atehere nuk di c'te te them.
Ajo qe une po kembengul eshte se ne cdo kishe (cfaredo emri qe ajo ka) doktrina kuptohet ose keqkuptohet, perdoret ose keqperdoret. Shkurt, nuk mund t'ia veshesh fajin njerezor, asaj qe eshte e Perendise. Nese nje kishe protestante ka 10 prifterinj dhe nje kishe katolike ka po 10. Dhe ne te dyja kishat gjysmat e prifterinjve predikojne veten e tyre, gjysmat predikojne Zotin. Si do themi? Kisha eshte e atyre qe predikojne veten e tyre, apo e atyre qe predikojne Zotin? Ja pra kjo eshte ajo qe po them.
Kujto ate qe Zoti i premtoi Abrahamit: "Nese ka 10 te drejte ne kete qytet, une nuk do ta shkaterroj..." dhe kujto dhe 10-virgjereshat, 5 te mencura, dhe 5 budallaqe. Keshtu eshte cdo kishe, ka te mencurit dhe budallenjte e vet. Por kjo nuk do te thote se doktrina e kishes, apo fjala qe ajo sjell eshte ajo e budallenjve prandaj Krishti tha: "Kush ka veshe te degjoje!" Nese dikush eshte i prirur te degjoje budallalleqet, nuk ia ka fajin KISHA, por zemra e vet.

Nese une shkoj ne kishe (katolike, protestante, ortodokse) dhe degjoj ungjillin. Me pas degjoj komentet e priftit. Si thua ti, cila quhet Fjala e Perendise e dhene nepermjet Kishes ne kete moment, dhe cila eshte fjala njerezore e dhene nga njeriu?

[marcus1]

Do doja të jap edhe unë mendimin tim në lidhje me këto diskutime që po bëhen. Nga njëra anë shoh theksimin që Eltoni bën në gabimet e doktrinave të kishës Katolike dhe nga ana tjeter shoh përpjekjet e Manulakit të mbrojë doktrinat e saj.

Në radhë të parë dua të përsëris edhe një herë diçka që është thënë me mijëra herë, se në të gjitha kishat ndodhen besimtarë të vërtetë. Por çdo të thotë kjo, se doktrinat e të gjitha kishave janë të drejta para Perëndisë? Në asnjë mënyrë! Është hiri i Perëndisë që "nuk e thërrmon kallamin e thyer dhe nuk e shuan kandilin që bën tym" (Mat. 12:20), dhe jo drejtësia e doktrinave të kishave të ndryshme. Pra, mendimi im është se si kisha Katolike, si ajo Ortodokse, si Protestante ka shumë doktrina të gabuara, dhe madje besoj se udhëheqësit e këtyre kishave mbajnë përgjegjësi të madhe për ecurinë e besimtarëve të thjeshtë, dhe janë pikërisht ato doktrina të gabuara që udhëheqësit e këtyre kishave predikojnë që largojnë më shumë besimtarët nga Zoti.

Konkretisht, kisha katolike është e mbushur me doktrina të gabuara, të cilat nuk janë veçse tradita njerëzore dhe këto tradita bëhen shpesh herë pengesë në predikimin e ungjillit. Unë nuk them se në këto kisha nuk predikohet ungjilli, por se ky ungjill shpesh herë mbulohet nga traditat njerëzore, duke rezultuar kështu në një ungjill të vakët, të dobët, pa forcë, pa zjarr. Por e përsëris edhe një herë, kjo kishë ka nxjerrë gjigandë të besimit, megjithëse këto gjigandë në shumicën e rasteve janë përndjekur nga kjo kishë. Por duhet të kemi kujdes dhe të mos biem në grackë dhe të themi se meqë kjo kishë ka nxjerrë gjigandë në besim, atëherë edhe doktrinat e saj janë të shëndosha. Jo, shumë nga doktrinat e kishës katolike janë të paktën jo biblike.

Megjithatë, për hir të atyre besimtarëve të vërtetë që ndodhen në këto kisha, unë nuk do rrija duke vënë në dukje këto gabime doktrinore, por do lutesha me ta, do adhuroja Perëndinë bashkë me ta, do i inkurajoja në Krisht, do inkurajohesha nga ta në Krisht, me nje fjalë do i konsideroja vëllezër dhe motra të dashura në Krisht.

Përsa i përket diferencës së kishave Katolike me ato protestante, (e kam fjalën këtu për kishat ungjillore, dhe jo per disa kisha protestante të vdekura) unë mendoj, në kundërshtim me Matrix, se këto kisha janë më të gjalla se kishat Katolike dhe jo thjesht një zbukurim i Katolicizmit. Kishat ungjillore janë të mbushura me besimtarë që kanë pranuar Krishtin në jetën e tyre. Këto besimtarë mund të jenë të cekët në besim, por ata vazhdojnë të jenë fëmijë të Perëndisë. Kurse kishat katolike dhe ortodokse, (nuk e di në Amerikë se si është,) janë të mbushura jo vetëm me besimtarë fetarë që nuk kanë njohur asnjëherë Krishtin në jetën e tyre, por edhe me priftërinj që nuk e njohin Krishtin, dhe këta nuk janë të pakët, por do thoja shumica e tyre është e tillë. Këto fjalë mund të duken pak të rënda, por mendoj se janë të vërteta, pasi e shoh shumë mirë gjëndjen në Greqi.

Së fundi, dua të them se kisha në fund të kohërave do jemi të gjithë ne, bijtë dhe bijat e vërtetë të Tij, që sot jemi pjestarë të kishave të ndryshme, por që atëhere do jemi një dhe të pandarë, do jemi.....kjo që përshkruhet më poshtë:

Pike se pari do te shfaqet qe toke e re qe do ta zevendesoje kete te vjetren. Pastaj do te ndodhe gjeja me ngazellyese dhe me misteriozja: Te gjithe te shpenguarit do te
behen Nje!
Duket sikur, te pakten per mua, ne bashkimin tone dhe te berit nje, ne te gjithe se bashku do te zbulojme se jemi bere nje vajze – nje vajze e lavdishme, e bukur dhe e fejuar!

Kush eshte valle kjo grua e re, e panjolleshme dhe e bukur?

Ajo eshte Gruaja me e bukur qe ka jetuar ndonjehere! Ajo do te mbarte brenda Saj te gjitha dhuratat e Zotit te Saj. Ajo do te kete te kombinuara te gjitha tiparet personale te Zotit qe i dha Asaj, jeten e Tij. Te gjitha ato porcione te natyres hyjnore qe jane vendosur tek secili nga te shpenguarit, tani do te lidhen se bashku dhe do te formojne nje Plotese komplete dhe te lavdishme per Zotin.

[Elton80]

Elton80, ti me duket ngaterron politiken dhe fene, me besimin.
Feja dhe politika si nga Vatikani, si nga Washington DC, kane nje emerues te perbashket. Nuk vijne nga Perendia. Nese ti mendon se George Bush eshte i krishtere me i mire se Papa, (per nga pozicioni politik qe kane) atehere nuk di c'te te them.

Kam nja 1 ore qe po mundohem ta kuptoj kete por nuk e shoh dot lidhjen se nga e nxore kete apo per cfare po flet.

Une po i thosha Mary-t se doktrina e katolikeve vjen nga vatikani, dhe jo nga ndonje vend tjeter, dhe katoliket duhet te ndjekin mesimet qe dalin nga qendra e kesaj kishe, pra vatikani.

Ajo qe une po kembengul eshte se ne cdo kishe (cfaredo emri qe ajo ka) doktrina kuptohet ose keqkuptohet, perdoret ose keqperdoret. Shkurt, nuk mund t'ia veshesh fajin njerezor, asaj qe eshte e Perendise.

Nuk ka asnje keqkuptim ketu. Askush nuk po keqkupton doktrinen e kishes katolike, pervec teje.

Une po them qe ajo kishe nuk predikon ungjillin, por predikon nje ungjill tjeter qe eshte ndryshe nga ungjilli qe na shpeton.

Ti vazhdon e kembengul se kjo s'eshte e vertete. Prandaj te thashe qe ose nuk biem dakord se cili eshte ungjilli ose ti nuk e di cfare meson kisha katolike per shpetimin.

Problemi qendron se njerezit genjehen ngaqe kisha katolike beson tek trinia, kryqezimi, ringjallja. Keto gjera i besoj edhe djalli. Ku eshte ndryshimi atehere?

Ndryshimi qendron se kisha katolike meson se vepra e krishtit ne kryq nuk mjafton per shpetim, por per t'u shpetuar duhet besuar se krishti vdiq dhe u ringjall per ne PLUS te jesh anetar i kishes katolike, te besh vepra te mira, te rrefehesh tek prifterinjte katolike, te pagezohesh ne kishen katolike, etj, etj.

Cdo gje plus qe i shtohet hirit te krishtit, e hedh poshte ate, prandaj kisha katolike predikon nje ungjill tjeter.

A ka kisha te tjera qe e predikojne nje ungjill tjeter? Sa te duash! Po deshe te flasim per ato, flasim, s'e kam aspak problem, por ne kete teme po flasim per kishen katolike dhe po e krahasojme doktrinen e kesaj kishe me mesimet e bibles.

A ka besimtare te rilindur brenda kishes katolike? Padyshim, por une kembengul se rilindja e tyre nuk erdhi duke ndjekur mesimet e kishes katolike.

Pse duhet te mbrojme nje sistem te korruptuar, jobiblik dhe ja jete duke e krahasuar me korruptimin qe mund te kete ne kisha te tjera?

Nese edhe te tjerat jane te korrupuara dhe nuk predikojne ungjillin e hirit, atehere le t'i eksozojme per ate qe jane, por une s'mund te justifikoj nje sistem te tille fetar qe Zoti e urren thjesht sepse ka edhe te tjere qe nuk e ndjekin biblen.

Por kjo nuk do te thote se doktrina e kishes, apo fjala qe ajo sjell eshte ajo e budallenjve prandaj Krishti tha: "Kush ka veshe te degjoje!" Nese dikush eshte i prirur te degjoje budallalleqet, nuk ia ka fajin KISHA, por zemra e vet.

Ti kujton se te gjitha kishat predikojne te njejten gje, pavaresisht se cfare emri kane? Sa gabim! Padyshim qe jo! JAm dakord me ty qe te gjithe njerezit jane pergjegjes vete per ate qe degjojne dhe nga kush e degjojne dhe per vendimet qe marrin, dhe ashtu eshte nuk ia ka fajin kisha, por kisha e ka fajin per ato qe meson gabim, kur ato nuk perputhen me biblen, dhe ne per kete po flasim nese mesimet e kishes katolike perputhen apo jo me biblen.

[Labeati]

Ti kujton se te gjitha kishat predikojne te njejten gje, pavaresisht se cfare emri kane? Sa gabim! Padyshim qe jo! JAm dakord me ty qe te gjithe njerezit jane pergjegjes vete per ate qe degjojne dhe nga kush e degjojne dhe per vendimet qe marrin, dhe ashtu eshte nuk ia ka fajin kisha, por kisha e ka fajin per ato qe meson gabim, kur ato nuk perputhen me biblen, dhe ne per kete po flasim nese mesimet e kishes katolike perputhen apo jo me biblen.

... Arsyeja e mosarsyes qe i behet arsyes tende, me ben qe me arsye te vajtoj mosaresyen tende......

[Matrix]

elton80:
Matrix,

Mesimet e tua vijne nga njerez qe e kane egon e fryre dhe mendojne se vetem ata e njohin Zotin apo e ndjekin Zotin tamam.

Cilet jane keta mesues, me ego te fryre qe me paskan influencuar?
Do te ta dija per nder qe te me ndihmoje te shpetoja prej tyre.

LiveinTwoPlaces: Përsa i përket diferencës së kishave Katolike me ato protestante, (e kam fjalën këtu për kishat ungjillore, dhe jo per disa kisha protestante të vdekura) unë mendoj, në kundërshtim me Matrix, se këto kisha janë më të gjalla se kishat Katolike dhe jo thjesht një zbukurim i Katolicizmit.

Ndoshta jam gabim, por nuk mendoj se ka ndonje gjalleri neper kishat biblike. Ato sic e thashe, jane thjesht modifikime njerezore te katolicizmit. Me fund te fundit, ato jane po aq idhujtare sa katolicizmi, ndonese nuk kane per zot papen, por biblen.

Vete termi "Kishe Biblike" eshte tregues i idhujtarise se tyre. Kisha nuk ka nevoje per prapashtesa "Biblike", "Katolike","Ortodokse", "Protestante" etj...

Ne Bibel une nuk kam gjetur ne asnje vend qe apostujt te mbillnin "Kisha Biblike".
Atehere kush i ngriti keto Kisha Biblike?

Po keshtu nuk kam gjetur terma te tilla si "Kisha biblike e Efesit" etj..
Atehere nga erdhen keto kisha biblike, pervecse nga modifikimi qe ju be katolicizmit, nga njerez qe dashur pa dashur, ishin ushqyer ne kishat katolike?

Dhe nje here dua te them, se jam dakord se ne cdo Kishe ka njerez qe i jane perkushtuar Krishtit. Ne kete aspekt cdo Kishe (biblike, katolike, ortodokse, protestante) eshte e njejte. Por nuk mendoj se do ja vlente t'i renditnim Kishat sipas numrit te besimtareve ne to, sepse:
1)Asnjeri nga ne nuk e njeh cdo kishe
2)Asnjeri nga ne nuk i njeh zemrat e besimtareve qe jane aty

Per kete arsye, nuk mendoj se do ishte e drejte te thonim se Kishat Biblike jane me te gjalla se Kishat Katolike, etj...

Tek Zoti ka vetem dy gjendje:
"I gjalle" ose "I vdekur".

Dhe jo: "Me i gjalle" apo "Me i vdekur" etj... Kjo eshte thjesht relativizem njerezor.

[Manulaki]

.....Dhe nje here dua te them, se jam dakord se ne cdo Kishe ka njerez qe i jane perkushtuar Krishtit. Ne kete aspekt cdo Kishe (biblike, katolike, ortodokse, protestante) eshte e njejte. Por nuk mendoj se do ja vlente t'i renditnim Kishat sipas numrit te besimtareve ne to, sepse:
1)Asnjeri nga ne nuk e njeh cdo kishe
2)Asnjeri nga ne nuk i njeh zemrat e besimtareve qe jane aty

Per kete arsye, nuk mendoj se do ishte e drejte te thonim se Kishat Biblike jane me te gjalla se Kishat Katolike, etj...

Tek Zoti ka vetem dy gjendje:
"I gjalle" ose "I vdekur".

Dhe jo: "Me i gjalle" apo "Me i vdekur" etj... Kjo eshte thjesht relativizem njerezor.

Fjalet me me vend te shkruara ne kete teme!
Te pershendes, vella!

[Elton80]

Tek Zbulesa 2,3 Zoti i drejtohet 7 kishave dhe i pergezon apo qorton ato ne baze te gjendjes se tyre shpirterore dhe gjerave qe po benin apo nuk po benin.

Ato kisha perfaqesojne gjithashtu 7 periudha ne historine e kishes deri ne ardhjen e Krishtit per kishen.

Sa per kuriozitet, cila periudhe perkon me lindjen e kishes katolike? E dini cfare i thote Zoti atyre?

Sa here permendet ne ato 2 kapituj shprehja: "Kush ka veshe, le te degjoje ate qe Fryma u thote KISHAVE..."

Zotit i intereson shume se cfare meson nje kishe.

Kisha Katolike eshte nje kishe e vdekur pasi nuk meson jeten por veprat e tyre dhe traditat. Ata besimtare qe jane te rilindur ne ate kishe, jane rilindur duke mos ndjekur mesimet e asaj kishe.

Zoti ka vetem nje urdherim per ata besimtare qe gjenden ne ate kishe:

Zbulesa 18:4

Pastaj dëgjova një zë tjetër nga qielli, duke thënë: ``Dilni prej saj, o populli im, që të mos bëheni pjestarë të mëkateve të saj, dhe të mos merrni nga plagët e saj,


Lexoni nje here Zbulesen 17 & 18. Cila eshte lavirja per te cilen flitet pervec se kishes katolike!

[marcus1]

Ndoshta jam gabim, por nuk mendoj se ka ndonje gjalleri neper kishat biblike. Ato sic e thashe, jane thjesht modifikime njerezore te katolicizmit. Me fund te fundit, ato jane po aq idhujtare sa katolicizmi, ndonese nuk kane per zot papen, por biblen.

Matrix, thjesht për sqarim dua të them se me termin "kisha biblike" që Eltoni ka përdorur, unë kam kuptuar se ai ka dashur të thotë se këto kisha janë sipas modelit të biblës. Kjo ka qenë ajo që Eltoni ka dashur të theksojë. Fundja e fundit a nuk jemi të gjithë ne që symojnë që kisha të jetë sa më biblike? Përse atëherë sa herë që duam të tregojmë saktësinë e veprimeve tona apo të kishave tona, ne sjellim vargje nga bibla? Kështu pra, pa dashur të komentoj se sa biblike janë ato kisha, ato me të vërtetë duhet të jenë biblike. Jo thjesht një imitim, pasi Jeta nuk mund të imitohet,(kjo është një çështje tjetër që nuk dua ta diskutoj këtu.) por kisha duhet të jetë biblike.

Vete termi "Kishe Biblike" eshte tregues i idhujtarise se tyre. Kisha nuk ka nevoje per prapashtesa "Biblike", "Katolike","Ortodokse", "Protestante" etj...

Ke të drejtë, bibla mund të jetë bërë një farë idhulli për shumë nga ata, por mos harro se vetë fakti që ata dhe të gjithë ne kemi mundësi të lexojmë biblën, na bën që sytë tanë të jenë të hapur me shumë abuzime që kisha katolike ka bërë, dhe besimtarët e kohrave të ndryshme kanë pasur mundësi të marrin ushqim drejt për drejt nga bibla dhe të ndriçohen nga leximi i saj. Unë për veten time këtë sukses ja dedikoj pikërisht Reformacionit. Kishat pra protestante në historinë e kishave u ngjitën një shkallë më lart se kisha katolike. Ato me të vërtetë dështuan t'i kthehen thjeshtësisë së kishës së parë, por ato e ngulën flamurin në një pikë më të lartë se kisha katolike.

Ne Bibel une nuk kam gjetur ne asnje vend qe apostujt te mbillnin "Kisha Biblike".
Atehere kush i ngriti keto Kisha Biblike?

Sa do doja që ashtëquajturat kisha biblike të ishin me të vërtetë biblike!

Po keshtu nuk kam gjetur terma te tilla si "Kisha biblike e Efesit" etj..
Atehere nga erdhen keto kisha biblike, pervecse nga modifikimi qe ju be katolicizmit, nga njerez qe dashur pa dashur, ishin ushqyer ne kishat katolike?

Jam dakort me ty, nuk e diskutoj se është bërë një modifikim i kishës katolike. P.sh. vëndin e priftërinjve e zunë pastorët etj. Në Amerikë sidomos gjëndja duhet të jetë shumë dëshpëruese, por në Evropë, apo në Greqi të paktën kishat ungjillore janë të mbushura me fëmijë të Tij, në kundërshtim me kishën Ortodokse.

Dhe nje here dua te them, se jam dakord se ne cdo Kishe ka njerez qe i jane perkushtuar Krishtit. Ne kete aspekt cdo Kishe (biblike, katolike, ortodokse, protestante) eshte e njejte. Por nuk mendoj se do ja vlente t'i renditnim Kishat sipas numrit te besimtareve ne to, sepse:
1)Asnjeri nga ne nuk e njeh cdo kishe
2)Asnjeri nga ne nuk i njeh zemrat e besimtareve qe jane aty

Ky është dështimi i kishave moderne. Të jesh në një kishë me njerëz të tjerë dhe të mos dish nëse ata janë të shpëtuar. Jo, këto kisha nuk janë aspak biblike. Pali, megjithëse qëndronte larg kishave që ai mbillte, nuk kishte frikë t'i quante besimtarët të shenjtë. Ai nuk thoshte se ne nuk mund të shohim zemrat e njerëzve. Ai e dinte shumë mirë se ata ishin të shenjtë, Ai e dinte shumë mirë se ata ishin pjesë të Nuses së Krishtit.

Fatkeqsisht me kishat Katolike, Ortodokse dhe shume kisha Protestante, kjo gjë nuk ndodh. Ndërsa me shumë kisha ungjillore, ose të paktën ato që unë kam ndër mënd, e di shumë mirë se shumica e tyre janë të shenjtë dhe nuk kam frikë t'u drejtohem në këtë mënyrë. Të shenjtët duken, pamvarsisht se në çfarë kishe ndodhen ata, akoma edhe sikur të mos i kem njohur ata. P.sh. në forum, nuk kam frikë të të quaj ty të shenjtë, nuk kam frikë të quaj Manulakin që i përket kishës Ortodokse të shenjtë, nuk kam frikë të quaj Shpresmirin të shenjtë, që i përket kishës Katolike, nuk kam frikë të quaj Dëshmuesin të shenjtë, Astritin, Eltonin, Freethinker, Inscrite, etj.

Tek Zoti ka vetem dy gjendje:
"I gjalle" ose "I vdekur".

Dhe jo: "Me i gjalle" apo "Me i vdekur" etj... Kjo eshte thjesht relativizem njerezor.

Ke shumë të drejtë vëlla. Unë u shpreha gabim. Atëherë duhet t'a them ndryshe. Zoti ka më shumë fëmijë të tij në gjirin e kishave ungjillore se sa në ato të kishave katolike dhe ortodokse. Ky është mendimi im, me të cilin disa nga ju mund të mos bini dakort.

[Acts17:11]

A MUND TE NGRIHET PYETJA NESE PAPA GJON PALI II ESHTE NE QIELL?



Vdekja e nje pape nga Dave Hunt

Derdhja mbarëbotërore e pikëllimit e kohëve të fundit rreth vdekjes së Papa Gjon Palit II ishte e paparë. Vajtuesit radhiteshin nga përkrahësit e tij më të përulur e deri tek udhëheqësit më të fuqishëm politikë dhe fetarë të ditëve tona, përfshirë këtu Presidentin e Francës Zhak Shirak dhe Kryeministrin anglez Toni Bler. Zhvarcenegeri, Guvernatori i Kalifornisë, e quajti Papën “një fener të virtytit, të forcës dhe të mirësisë”. Ish-presidenti Klinton e quajti atë “një njeri të Perëndisë”, ndërsa ish-presidenti Bush tha se “besnikëria e tij ndaj së drejtës për të zgjedhur dhe lirisë ... i dha njerëzve një spirancë të vërtetë”. ...

Klikoni këtu për të lexuar këtë buletin të plotë!

[marcus1]

Lëvdata të tilla të gjithanshme ngritën pyetje serioze mbi pretendimin e Papës se është “Vikari [Zëvendësi] i Krishtit”. Mbi të gjitha, Krishti ishte dhe ende është “i përçmuar dhe i hedhur poshtë” (Isa. 53:3). Ai u tha dishepujve të Tij se nëse ata do të ishin besnikë ndaj Tij, edhe ata do të merrnin të njëjtin trajtim nga bota: “Nëse bota ju urren, ta dini se më ka urryer mua ... shërbëtori nuk është më i madh se i zoti. Nëse më kanë përndjekur mua, do t’ju përndjekin edhe ju ...” (Gjo. 15:18-20).


Gjon Pali II ia tejkaloi shumicës së politikanëve duke marrë anën e të gjithëve. Gjatë vizitës së tij të vitit 1987 në Los Anxhelos ai i tha rabinit Harvi Fillds nga Tempulli i Bulevardit të Uilshairit dhe ish-rabinit Alfred Uolf se ne të gjithë i shërbejmë “të njëjtit Perëndi ... pavarësisht se çfarë feje [kemi]”.



Sigurisht që të lavdërosh të vdekurin dhe të mos vësh re të metat është e zakonshme nëpër funerale, por edhe udhëheqësit ungjillorë u bashkuan me refrenin “gjithë lëvdimi për Papën”. Ata pak që treguan të vërtetën u dënuan nga të tjerët. Për shkak se iu përgjigj pyetjes së një dëgjuesi përsa i përket faktit nëse Papa ishte apo jo në qiell, prezantuesi i një cikli radiofonik Marti Minto ishte pushuar nga puna në stacionin e radios FJALA të Pitsburgut, një anëtare e Transmetimeve Salem (shiko Rrini zgjuar). E megjithatë, e vërteta është se vetë Papa nuk e dinte nëse do të shkonte në qiell dhe nuk mund t’u jepte asnjë siguri të tjerëve - një fakt ky shumë tronditës për kreun e kishës më të madhe në botë, i cili pretendoi të ishte vikari i Krishtit mbi tokë!



Gjon Kardinal O’Konori shpalli: “Mësimi i kishës është se unë nuk e di ... cila do të jetë e ardhmja ime. Unë mund të shpresoj, të lutem, të bëj më të mirën time, për përsëri nuk e di. Papa Gjon Pali II nuk e di plotësisht nëse ai do të shkojë në qiell, dhe as Nënë Tereza e Kalkutës ...”. Kardinali Gjon Krol, udhëheqësi shpirtëror i më shumë se një milion katolikëve të Filadelfias, pranoi se shqetësimi i tij vetjak më i madh ishte mbi “të shkuarit në qiell”. Kardinali Rajcinger (tani Papa Benedikti XVI), i cili kryesoi Kongregacionin për Doktrinën e Besimit, rojtar i bindjeve të pranuara të katolicizmit (komiteti i kardinalëve ose inkuizicioni) dhe pasues i Gjon Palit II, shpreh të njëjtën pasiguri mbi shpëtimin - siç edhe është i detyruar ta besojë.

Ashtu si Papa, kisha që ai drejtoi hedh poshtë me vendosmëri premtimin e Krishtit për “jetë të përjetshme” (Gjo. 3:16) për të gjithë ata që besojnë në Të, që ata kanë “kaluar nga vdekja në jetë” (Gjo. 5:24) dhe që “nuk do të humbasin kurrë” (Gjo. 10:28). Priftëria e saj ofron mesha dhe lutje të panumërta te Maria dhe shenjtorët e preferuar (me mijëra mund të thuhen për papën e vdekur), përkrah pelegrinazhet nëpër vende të shenjta dhe ngre mënyra të tjera për të fituar po ato favore që të shkurtojë vuajtjet në purgator, një fakt ky që e shqetësoi Martin Luterin dhe nxiti Reformimin.


Në një libër tepër të vlerësuar nga 250 udhëheqës ungjillorë Papa shkroi: “Pagëzimi dhe mesha ... krijojnë në njeriun farën e jetës së përjetshme”. Duke mos pranuar mjaftueshmërinë e sakrificës së Krishtit dhe thirrjen e Tij ngadhënjimtare: “U krye!” (Gjo. 19:30), aktet e Vatikanit II fillojnë kështu: “Eshtë nëpërmjet liturgjisë, sidomos në sakrificën hyjnore të meshës ‘që vepra e shpengimit tonë është [ende duke u] përfunduar’”. Roma mallkon cilindo që guxon të rrëfejë sigurinë e plotë të një shpëtimi të përfunduar, të cilën Bibla e premton vazhdimisht (1 Gjo. 5:13).


Përpara vdekjes së tij “teleevangjelisti” kryesor i katolicizmit, Kryepeshkopi Fulton J. Shin (të cilin Gjon Pali II e quajti “një bir besnik të kishës” dhe të cilin Billi Grahëm e lëvdoi si “komunikatorin më të madh” të shekullit të fundit), shpresonte se “Virgjëresha” [Mari] do t’i uronte atij mirëseardhjen në qiell për shkak të më shumë se 40 pelegrinazheve të tij nëpër vendet e saj të shenjta në Lourdes dhe Fatima. Papa Gjon Pali II ishte gjithashtu i përkushtuar tërësisht ndaj Marisë, sidomos “Shënmërisë [sonë] të Fatimës”, shfaqjet e së cilës kanë shpallur se “Të gjitha fetë janë të njëjta ... shumë shpirtra humbasin sepse nuk kanë askënd që të bëjë sakrificë për ta”, një mohim ky i qartë i mjaftueshmërisë së sakrificës së Krishtit për mëkatet tona. Letra e tij apostolike e 16 tetorit të vitit 2002, mbyllet me këto fjalë:



E besoj këtë letër apostolike në duart e përzemërta të Virgjëreshës Mari, duke u gjunjëzuar në frymë para imazhit të saj në faltoren madhështore të ndërtuar për të nga lumturia e tij Bartolo Longo, apostulli i Rozarit. Vullnetarisht i bëj të miat fjalët prekëse me të cilat ai përfundoi lutjen e tij të mirënjohur drejtuar Mbretëreshës së Rozarit të Shenjtë: “O Rozar i Bekuar i Marisë, zinxhir i ëmbël që na bashkon me Perëndinë ... kullë e shpëtimit kundër goditjeve të Ferrit, port i sigurt në lundërthyerjen tonë të gjithanshme, ne kurrë nuk do t’ju braktisim juve. Ju do të jeni ngushëllimi ynë në orën e vdekjes: jotja është puthja jonë e fundit ndërsa jeta largohet. Dhe fjala e fundit nga buzët tona do të jetë emri yt i ëmbël, o Mbretëreshë e Rozarit të Pompeit, o Nënë shumë e dashur, o Strehë e Mëkatarëve, o Ngushëlluese Sovrane e të Pikëlluarve ...
Në jetë dhe në vdekje, totus tuus nëpërmjet së Pamëkatshmes”. E qëndisur brenda gjithë mantelit të tij ishte shprehja Totus tuus sum Maria, “Mari, jam i gjithi i yti”.

Rozaria, për të cilën ai u bëri thirrje katolikëve që të luteshin vazhdimisht si mënyra për [të pasur] paqe botërore, ofron një ungjill të rremë shpëtimi nëpërmjet Marisë.

Midis “15 Premtimeve [të famshme] të Marisë” të katolicizmit romak, kemi: “Shpirti që lihet në kujdesin tim me anë të recitimit të Rozarit, nuk do të humbasë .... Unë do të çliroj nga purgatori ata që do t’i jenë përkushtuar Rozarit. Ata që janë besnikë për të recituar Rozarin do të ... marrin pjesë në meritat e Shenjtorëve në Parajsë ... në çastin e vdekjes”.

Lutja e tij u mbyll [me fjalët]: “Na mbështet, o Virgjëresha Mari, në udhëtimin tonë të besimit dhe siguro për ne hirin e shpëtimit të përjetshëm”.
Duke pohuar se “Maria është shtegu që të çon te Krishti”, Papa u bëri thirrje të gjithë krishterëve “t’i jepnin vend [Marisë] në jetët e tyre të përditshme, të pranonin rolin e saj providencial në shtegun e shpëtimit”. Ai e mbajti gjithmonë shpatullorin (një praktikë që filloi kur “Zonja jonë e malit Karmel” iu shfaq shenjt Simon Stokut në vitin 1251 m.K. dhe ishte konfirmuar nga papët pasues si Papa Gjoni XXII në vitin 1322), duke e vendosur besimin në premtimin e shkruar mbi të që “kushdo që vdes duke e mbajtur këtë Shpatullore nuk do të vuajë zjarrin e përjetshëm”.


Duke pasur parasysh këto fakte të mirënjohura, lavdërimi i grumbulluar për Papën në vdekjen e tij nga udhëheqës ungjillorë është i pakuptueshëm!

Ne nuk guxojmë të bëjmë shaka me fatin e përjetshëm të shpirtrave. Pjetri, të cilin në mënyrë të gabuar Roma e pretendon se ishte papa i parë, shpalli se “nuk ka asnjë emër tjetër [përveç Jezu Krishtit] ... me anë të të cilit duhet të shpëtohemi” (Vep. 4:12). As Maria, as Buda, askush tjetër përveç Krishti! Por Gjon Pali II i besoi Marisë për shpëtim dhe mbrojtje dhe e mësoi tufën e tij të bënte të njëjtën gjë. Ne tregojmë keqardhje për të dhe të tjerët për këtë gabim.

Nuk kam kohë që të komentoj çdo pasazh më vete, por ky shkrim tregon qartë se ungjilli që kisha katolike predikon është një ungjill tjetër nga ungjilli i Krishtit.

Nëse këto gjëra që lexojmë nuk janë idhujtarizëm, atëhere çfarë janë?

Vëllezër dhe motra, e vërteta nuk mund të mbulohet me gjasme përpjekje për paqe apo bashkim, apo thjesht për të mos bërë armiq. Paqja e botës nuk është paqe e vërtetë. Paqja që bota kërkon është një paqe e rremë, apo një imitim i paqes së vërtetë, që do të thotë se është diçka e vdekur. Paqja është një person dhe ky Person është Jezu Krishti. Kush ka Krishtin ka paqen. Paqja nuk mund të fitohet me përpjekje njerëzore, ajo dhurohet. Paqja e vërtetë është një paqe e brëndshme, dhe jo ajo që papa kërkonte të arrinte këtu në tokë.

Së fundi, po e mbyll me pjesën e fundit të këtij shkrimi interesant duke shtuar edhe unë se Ungjilli(Lajmi i mirë) është një, që Krishti erdhi në tokë, vdiq dhe në të tretën ditë u ringjall nga të vdekurit, që kushdo që të besojë në Të të ketë jetën e përjetshme, dhe të mos ketë nevojë më as për sakrifica, as për ndërmjetës të tjerë, dhe as për vepra të mira, pasi Krishti është Plotësia jonë, Gjithçkaja në Gjithçka. Kush ka Krishtin ka Jetën e përjetshme, kush nuk e ka, nuk do jenë në gjëndje t'ja japin as Maria dhe as një shenjt tjetër këtu në tokë. Këto gjëra janë blasfemi ndaj gjakut të shenjtë të Krishtit që u derdh për ne në kryq. Me mësime të tilla, unë nuk pajtohem asnjëherë.

Eshtë tepër vonë të lutemi për shpirtin e papës së vdekur - por ne i jemi borxhli Zotit tonë dhe gjithë njerëzimit që jeton ende që t’u shpallim atyre lajmin e mirë: “Sepse Perëndia e deshi aq botën, sa dha Birin e tij të vetëmlindurin, që, kushdo që beson në të, të mos humbasë, por të ketë jetë të përjetshme. Sepse Perëndia nuk e dërgoi Birin e vet në botë që ta dënojë botën, por që bota të shpëtohet prej tij” (Gjo. 3:16, 17).