“Kosova është pjesë e Serbisë”, porosit Tadiqi

[mani]

A thue a ka zot Kosova,apo ka mbetur e meprekembur nga analfabete e gjytyryma ?
A thue a ka shtet Kosova apo eshte vend ku mund te hyj e dal kush te doje pa kurfar problemi?
A thue a ka qeveri, a ka polici apo ushtri Kosova per ta mbrojtur nga aata qe e vran, e dogjen e poqen me vite?
Si duket JO,JO,JO?
Si duket ketu ka vetem njerez te interesit,njeres te cilet beten e qesin mbi qeshtjen kombetare,njeres qe mendojne se nese ka nje titull eshte gjithcka,pra Jo o njerez emri nuk te bene te madh,nuk te bene patriot as kombetar.
Si munden keta lider tan keshtu,per te huajt eshte lehte per per tanet pse?
Pse u lejua nje kriminel sdi Tadiq te vij ne vendin ton????



“Kosova është pjesë e Serbisë”, porosit Tadiqi në vizitën e tij vendit tonë

Sipas njoftimeve nga mediat serbe, me qëndrimin e tij në Shillovë, kryetari i Serbisë Boris Tadiq ka filluar vizitën e tij në Kosovë. Tadiqi banorëve të Shilllovë, sipas mediave serbe, u ka thënë se “Kosova është pjesë e Serbisë dhe Malit të Zi, jo vetëm sipas të drejtës serbe por edhe sipas të drejtës ndërkombëtare”. "Ky është qëndrmi im edhe në Beograd edhe në Kosovë, në Prishtinë, në Shillovë dhe kudo që të shkoj”, tha ai.


Sikur që është paralajmëriar, pas Shillovës dhe Cërnicës, Tadiqi do ta vizitojë edhe Anamoravën , Kosovën qendrore, Shtërpcen, Hoçën e madhe, Graçanicën, Deçanin, Batusën dhe Lypianin, siikurse edhe veriun e Kosovës.
Pjesa zyrtare e vizitës dyditore do të fillpojë me bisedat e Tadiqit me kryeadministratorin Peteresen.
Kjo është vizita e parë e një kryetari të Serbisë në Kosovë, që nga viti 1999.
Siç dihet, shefi i UNMIK-ut, Jesen-Petersen, i ka bërë thirrje kryetarit serb Tadiq, që gjatë vizitës së tij në Kosovë, "të mos e ushqejë frikën e serbëve të Kosovës dhe të kontribuojë për përmirësimin real të gjendjes”. Kryeministri Haradinaj po ashtu ka shfaqur shpresën se vizita e Tadiqit në Kosovë do të jetë fillim i një roli konstruktiv të Beogradit ndaj Kosovës.

[Wordless]

ne ëndra ...

[Hyllien]

Normale, Serbia shkon deri ne Selanik sipas bemave te Car Dushanit. Me vjen cudi qe nuk paska permend dhe pretendime kundrejt Shqiperise ky mongoloid(ne kuptimin e mire te fjales... nese ka kuptim te mire).

[Llapi]

Baftiu: Tadiq do t’iu jepë serbëve impuls për mosambientim në rrethanat e reja


Prishtinë Prizren, 12 shkurt (Kosovapress) Time: 17 : 40

Analistët kosovarë vlerësojnë se vizita e planifikuar dyditore në Kosovë e presidentit serb, Boris Tadiq, është një vizitë diplomatke me qëllim të instrumentalizmit të serbëve që të mos pranojnë në asnjë mënyrë institucionet e zgjedhura demokratike në Kosovë. “Kjo vizitë ka për qëllim që t’u përcjellë porositë e shtetit serb qytetarëve të Hoqës së Madhe siç bënte dikur Shainoviqi, Perishiqi, Millutinoviqi se Kosova është dhe do të jetë serbe deri në serbin e fundit. Edhe gjatë luftës në Kosovë krerët serbë kanë vizituar fshatrat, të cilat kanë qenë me afër Shqipërisë. Cili është sot kryetar i qytetarëve të Hoqës dhe cili gëzon sovranitet dhe integritet në këtë pjesë të Kosovës, është ai Tadiq, Rugova apo Haradinaj?” tha për Kosovapress analisti kosovar Fehmi Baftiu.
-----------------------------------------------------------

Qeveria e Kosovës dhe UNMIK-u bartës të pasojave të vizitës së Tadiqit


Prishtinë, 12 shkurt (Kosovapress) Time: 17 : 43

Servilizmi i Qeverisë së Kosovës dhe institucioneve në përgjithësi, dhe veprimet e UNMIK-ut janë një akt i papranueshëm, andaj ne bëjmë thirrje që mos të luhet me ndjenjat e qytetarëve të Kosovës, sepse kjo do të shkaktojë revoltë dhe përgjegjësinë për këtë do ta bartin UNMIK-u dhe Qeveria e institucionet e Kosovës, thuhet në një reagim të përbashkët të tri shoqatave të dala nga lufta e Ushtrisë Çlirimtare të Kosovës,OVLUÇK-së, SHVLÇK-së dhe SHFDLÇK-së të shtunën në Prishtinë.

[Llapi]

Protesta me vezë e fishkëllima kundër vizitës së presidentit serb Boris Tadiq në vendin tonë Qindra protestues, kryesisht familjarë të zhdukurve dhe aktivistë të Rrjetit të Aksionit Kosovar KAN, protestuan sot përpara selisë së UNMIK-ut, gjatë kohës kur kryetari i Serbisë Boris Tadiq takohej me kryeadministratorin e Kosovës Soren Jessen Petersen. Megjithëse çdo gjë në fillim dukej e qetë, pas pak u paraqitën protestuesit duke fishkllëuar me pipa. Forcat e shtuara të sigurimit penguan ata që t’iu ofrohen më shumë rrethojave të UNMIK-ut. Gjatë kësaj kohe kishte edhe fërkime mes protestuesve dhe policisë, e që filloi posaçërisht me intervenimin e policisë për t’i marrë vezët që ishin përgatitur të hedhen. Zëdhënësi i SHPK-së Refki Morina konfirmoi se disa prej protestuesve janë sjellë në stacionin policor, atyre iu është marrë deklarata dhe janë liruar.
Udhëheqësi i KAN-it Albin Kurti tha se ata po protestonin bashkë me familjarët e të pagjeturve.

“Boris Tadiqi në Kosovë nuk është i mirëseardhur. Është kryetar i Serbisë, e cila është përgjegjëse në të kaluarën për 12 mijë të vrarë, 3000 të pagjetur, 800 kufoma që ende i mbajnë peng, 20 mijë femra të dhunuara për ç’ gjë askush nuk është në burg as sot e kësaj dite dhe i cili njëkohësisht ka tendenca të qarta për ri-okupimin e Kosovës, e nëse nuk ka sukses me këtë, atëherë gjithsesi për ndarjen e saj. Ne nuk mund ta durojmë këtë”, ka thënë Albin Kurti.

Aktivisti i KAN-it, Festim Durmishi, thotë se i kanë zgjedhur metodat jo-violente të protestës.

“Këta shiritat që i kemi qitë këtu është skenë e krimit, ku krimineli vjen edhe futet në vendin e krimit. Njëkohësisht edhe simbolika e fishkëllimave, njëkohësisht shpreh pakënaqësinë tonë dhe kemi zgjedh hedhjen e vezëve në drejtim të Tadiqit, ngase kjo është protestë jo-violente dhe konsiderojmë se veja nuk është mjet i fortë, prandaj e kemi zgjedh këtë formë”, sqaron zotëri Durmishi..

Shumica e vezëve u konfiskuan nga policia, megjithëse një numër i tyre që kishin mbetur u hodhën brenda oborrit të UNMIK-ut në kohën kur kryetari i Serbisë Boris Tadiq bëhej gati të dilte.
Ndërkaq Tadiq, pas takimit me kryeadministratorin Petersen, është larguar nga selia e UNMIK-ut përmes daljeve anësore. Kryetari i Serbisë Tadiq, ka vizituar edhe Kishën e vjetër Ortodokse në Prishtinë, ndërkohë që masat e shtuara të sigurisë hetoheshin në gjithë Prishtinën.

/Muharrem Saragjolli/





Postuar më: Sb Blue Sky & Radio Kosova Staff me Feb 13, 05 | 1:47 pm

[Llapi]

Tadiq provokon kosovarët:”Kosova është pjesë e Serbisë”


Prishtinë, 14 shkurt (Kosovapress) Time: 09 : 31

Presidenti serb, Boris Tadiq, në ditën e parë të vizitës së tij në Kosovë, ka kundërshtuar pavarësinë e Kosovës, duke thënë se “Kosova legalisht është pjesë e Serbisë” dhe se ai “është kundër pavarësisë së Kosovës dhe pavarësia është e papranueshme dhe ai nuk do ta mbështesë një zgjidhje të tillë.” Në vizitën bërë në orët e mbrëmjes në Hoqën e Madhe, ku edhe e ka kaluar natën, Tadiq është pritur nga pjesëtarë të minoritetit serb, të cilët mbanin një portret të madh të gjeneralit çetnik Drazha Mihajlloviq dhe duke brohoritur se “Kosova është pjesë serbe”.

[Llapi]

UPSUP kërkon anulimin e menjëherëshëm të vizitës së Tadiqit në Kosovë


Prishtinë, 14 shkurt (Kosovapress) Time: 10 : 46

Kosova ende lëngon nga plaget e saja për mijëra të zhdukur që ende gjenden nëpër varrezat masive apo kazamatet serbe në Serbi, andaj Boris Tadiq në vend që të kërkojë falje për gjenocid e kryer në Kosovë nga forcat ushtarako-policore serbe, atij i lejohet tinëzisht të kthehet në Prishtinë, në vendin ku nënat dhe motrat tona me fotografitë e bijëve dhe vëllezërve tanë në duar kërkojnë dretësi, thuhet në një reagim për media të lëshuar nga UPS-UP me rastin e vizitës së presidentit serb në Kosovë, Boris Tadiq.
-------------------------------------------------------


Shteti serb dikur ishte autor i krimeve, ndërsa sot është rezervat i kriminelëve


Prishtinë, 14 shkurt (Kosovapress) Time: 11 : 20

Mbi 3000 shqiptarë të zhdukur nga Kosova, zbardhja e fatit të të cilëve ka mbetur në mëshirën e autorit të krimit - shtetit të Serbisë. Shteti serb është plaçkitës i pasurisë së qytetarëve të Kosovës (fondit pensional, fondit të kursimeve, pasurisë kulturore, arkeologjike, administrative etj). Shteti serb është hartues dhe implementues i programit për gjenocidin e kryer në Kosovë, vrasjen e mbi 15 mijë njerëzve, deportimin e rreth 1 milion qytetarëve të Kosovës, shkatërrimin e 120 mijë shtëpive, dhunimin e 20 mijë femrave, thuhet në reagimin e KAN-it kundër vizitës së presidentit serb Boris Tadiq në Kosovë, dhe reagimit të policisë së SHPK-së dhe asaj të UNMIK-ut kundër protestuesve në Prishtinë, me ç’rast disa prej tyre edhe u arrestuan.

[Llapi]

Haliti: Deklarimet e Tadiqit janë provokuese dhe do të duhej të dënoheshin


Prishtinë, 14 shkurt (Kosovapress) Time: 18 : 44

Deklaratat e presidentit të Serbisë, Boris Tadiq, se ai asnjëherë nuk do të njohë pavarësinë e Kosovës, për Partinë Demokratike të Kosovës janë provokime që nuk u shërbejnë pikë së pari interesave të vetë qytetarëve serbë në Kosovë, por përkundrazi këto provokime sjellin vetëm të këqia dhe si të tilla do të duhej të dënoheshin nga UNMIK-u, institucionet e Kosovës dhe zyrat e huaja diplomatike në Prishtinë, tha të hënën për Kosovapress Xhavit Haliti, anëtar i kryesisë së PDK-së.

[sLimShady]

Kjo ishte vec se vizita e kryetarit te beogradit per pakicat e tyre vec ne enderr kosova do te jet pjes e serbis

[Arb]

Prishtinë, 14 shkurt - Duke komentuar deklaratat e presidentit serb Boris Tadiq në Kosovë, kryeparlamentari Nexhat Daci tha se të gjithë qytetarët e dinë duke përfshirë edhe serbët lokalë se Kosova nuk është pjesë e Serbisë dhe nuk do të jetë kurrë.

"Çdo qytetar i Kosovës, përfshirë edhe serbët lokalë e dinë që Kosova nuk është pjesë e Serbisë dhe nuk do të jetë kurrë".

Daci theksoi se përmbajtja e fjalëve të Tadiqit në Kosovë i dedikohet më tepër luftës së brendshme në Beograd që presin zgjedhje në Serbi.
"Është normale që qytetarët e Kosovës janë të brengosur për ato fjalë të Tadiqit, por ne e kuptojmë se loja politike është lojë politike. Ne e kemi përcaktuar drejtimin tonë me punën diplomatike 15-vjeçare. Bashkë me bashkësinë ndërkombëtare i kemi prioritetet tona, që janë standardet dhe bisedat për statusin përfundimtar të Kosovës këtë vit. Unë nuk jam i brengosur kurrë çfarë thotë kryeministrit apo presidenti i Beogradit", tha Daci dhe shtoi se popullatës serbe në Kosovë në vend të fjalëve të tilla i nevojitet më shumë ndihma materiale nga Beogradi.

Daci thotë se nuk ka asgjë të keqe në vizitën e Tadiqit në Kosovë, por ajo çfarë u solli Tadiqi serbëve të Kosovës tregon mjaft për qëllimin e vizitës dhe nuk ka nevojë për komente të tjera.

Lidhur me deklaratat e Tadiqit reagoi edhe zëvendëskryeministri Adem Salihaj, i cili tha se "askush nuk mund të veprojë duke u kthyer nga e kaluara, sepse Kosova tashmë është nën protektorat ndërkombëtarë".
Salihaj theksoi se do të ishte më pozitive që qeveria serbe ta kuptojë realitetin e krijuar në Kosovë dhe të veprojë në përputhje me zhvillimet

Kryetari i Kosovës, Ibrahim Rugova, përmes një deklarate, ka shprehur keqardhje për „keqpërdorimin që kryetari i Serbisë i ka bërë mikpritjes së ofruar nga UNMIK-u në Kosovë". Në deklaratë thuhet se kryetari Rugova e siguron popullin e Kosovës se deklaratat e ndryshme të Beogradit, si ato që bëri kryetari i Serbisë, nuk çojnë peshë dhe nuk do të kenë kurrëfarë ndikimi në vendimin për njohjen e pavarësisë së vendit tonë, Kosovës.

Kryetari Rugova shpreh bindje të plotë se Kosova, në bashkëpunim me bashkësinë ndërkombëtare, do të vazhdojë rrugën e vet të progresit dhe ndërtimin e një shoqërie dhe shteti demokratik e prosperues, shtëpi për të gjithë qytetarët e Kosovës“, thuhet në fund të deklaratës së kryetarit Rugova rreth vizitës së Tadiqit në Kosovë.