Ja nje shembull qe edhe Shqiperia po ecen. Nga www.shekulli.com.al
Të ardhurat nga eksportet regjistruan 603 milionë USD, ndërkohë gjatë 2003 u regjistruan 447 milionë
Eksportet, të ardhurat 35% më shumë se gjatë 2003
Aida Korkuti
TIRANË-Të ardhurat nga eksporti i mallrave gjatë vitit 2004 ishin 35 për qind më të larta se ato të vitit të kaluar. Sipas Bankës së Shqipërisë, të ardhurat nga eksportet regjistruan 603 milionë dollarë, ndërkohë që gjatë 2003 u regjistruan 447 milionë dollarë të ardhura, duke qenë 117 milionë dollarë ose 35 për qind më të larta se ato të vitit 2002. Megjithëse nga viti në vit, si importet ashtu edhe eksportet e mallrave kanë ardhur në rritje, importet janë karakterizuar nga një trend rritës më i lartë dhe më i qëndrueshëm sesa eksportet e mallrave. “Megjithatë, premtuese është rritja e eksporteve nga prodhimi vendas me tregje kryesisht në vendet e rajonit, të nxitura nga marrëveshjet e tregtisë së lirë në rajon. Me një rritje vjetore prej rreth 48 milionë dollarësh, këto të fundit kanë rritur nivelin e përfaqësimit në totalin e eksportit në 25 për qind nga 23 për qind në vitin e kaluar”, -citohet në raportin e BSH-së. Sipas të dhënave, transaksionet tregtare (importe plus eksporte) gjatë këtij viti kanë përfaqësuar mëse 45 për qind të shkëmbimeve korrente mes Shqipërisë dhe botës. Ndërkohë që vëllimi i shkëmbimeve tregtare në mallra për vitin 2003 ishte 2.2 miliardë dollarë, ose 22.8 për qind më i lartë krahasuar me vitin 2002. Vëllimi i përgjithshëm tregtar kapi shifrën e 2.8 miliardë dollarëve, me një rritje vjetore prej 568 milionë dollarësh ose 25 për qind krahasuar me vitin e kaluar, rritje e cila ka qenë më e shpejtë në krahun e eksporteve. Shkalla e mbulimit të importeve nga eksportet këtë periudhë arriti në 28 për qind, nga 25 për qind në vitin 2003. Kështu, deficiti tregtar për vitin 2004 arriti në rreth 1.6 miliard dollarë ose 19 për qind më i lartë sesa ai i vitit paraardhës, ndërkohë që në 2003 deficiti tregtar ishte rreth 1.3 miliard dollarë, ose 16 për qind më i lartë krahasuar me vitin 2002. Sipas statistikave të Bankës së Shqipërisë, importet gjatë vitit 2004 kanë rënë më 2.3 pikë përqindjeje ndaj PBB-së në 28.9 për qind të PBB-së.
22/03/2005
KATEGORIA: Ekonomi
Përgjigju Duke Cituar
Postuar më parë nga EXODUS
, ja pse nuk zhvillohet Shqiperia, sepse nje pjese e mire e shoqerise shqiptare jani si puna e ketij trimit....s'po e zgjas me se eshte harxhim i kote kohe te merresh me njerez te tille....
Krijoni Kontakt