Trafikimi i Droges

[Beqari002]

Arrestohen dy shqiptarë, në Bari, me 7 kg heroinë



BARI (10 shtator) - Arrestohen në Bari dy shqiptarë me 7 kg heroinë. Policia e kufirit në Bari dhe forcat e Guardia di Financa, kanë arrestuar në portin e Barit dy shqiptarë, dhe kanë sekuestruar 7 kg heroinë, që ata kishin me vete. Dy shqiptarët, emrat e të cilëve nuk bëhen të ditur, vinin me traget nga Durrësi, dhe sapo kanë zbarkuar në Bari me kamionin, ku gjendej droga janë kapur nga policia e Barit. anjo/ko (BalkanWeb)

[Beqari002]

Vazhdon "Telenovela Heroina".-Gjykata rrëzon kërkesën e avokatit për gjykim të shkurtuar


Dëshmitarët policë shtyjnë procesin "Heroina"

KUKËS-Ka rifilluar në gjykatën e Kukësit, pas më shumë se një muaj e gjysëm, procesi "Heroina" në ngarkim të të akuzuarve Shkëlqim Konçi e Ylli Ibrahimi. Seanca e djeshme e këtij procesi është shtyrë sërish për datën 20 shtator, pasi dëshmitarët policë të këtij procesi nuk u paraqitën. Prokurori Ibrahim Dragoshi kërkoi që seanca të fillojë me pyetjet e dëshmitarëve, por asnjeri prej këtyre të fundit, që të gjithë policë e oficerë policie të Kukësit, nuk ishin paraqitur për të dëshmuar, megjithëse ftesat nga ana e gjykatës kanë qenë të konfirmuara. Gjykata nuk ka dhënë ndonjë arsye për mosparaqitjen e punonjësve të policisë. Para fillimit të procesit, në muajin prill të këtij viti, punonjësit e policisë kishin kërcënuar për bojkot të këtij procesi pasi Ministria e Rendit Publik nuk i kishte shpërblyer me pesë paga shpërblim, por vetëm me dy. Në bazë të urdhrit të Ministrisë së Rendit Publik, 29 policëve e oficerë policie të komisariatit të Kukësit u janë akorduar dy paga mujore si shpërblim, për operacionin e mbrëmjes së 7 shkurtit të këtij viti, që çoi në zbulimin e 20 kilogramëve heroinë e pastër si dhe në arrestimin e poseduesve të kësaj sasie droge, Shkëlqim Konçi e Ylli Ibrahimi. Janë 20 punonjës të policisë të vetmit që do të dëshmojnë në favor të akuzës së ngritur nga ana e prokurorisë për trafik të lëndëve narkotike në ngarkim të dy të akuzuarve për trafik të lëndëve narkotike. Ndërkohë, prokurori i çështjes, Ibrahim Dragoshi, kërkoi nga trupi gjykues që të rrëzojë kërkesën e avokatit mbrojtës Vladimir Meçe, për gjykim të shkurtuar, si dhe paraqitjen e dy të pandehurve në seancën gjyqësore. Trupi gjykues i kryesuar nga Isuf Shehu ka marrë parasysh njërën nga kërkesat e prokurorit, duke rrëzuar kështu kërkesën e avokatit për gjykim të shkurtuar, ndërkohë që ka lënë në fuqi vendimin e marrë në seancat e mëparshme që dy të akuzuarit të mbrohen me avokat pa qenë nevoja të jenë të pranishëm në sallën e gjyqit. Por vendimi i gjykatës përmbysi planet e avokatit Vladimir Meçe. Pas refuzimit nga ana e gjykatës për gjykim të shkurtuar, Meçe ka kërkuar që të riformulojë kërkesën deri në përfundim të shqyrtimit gjyqësor që nga ana e gjykatës të rithirren të pandehurit Shkëlqim Konçi e Ylli Ibrahimi, pasi sipas Meçes, prezenca e tyre është e domosdoshme në momentin e marrjes së provave të paraqitura nga akuza.
B.Shala

[Albo]

Bllokohen 500 kg canabis, pezullohen dy police

Policia e Vlores bllokoi mengjesin e djeshem, 500 kg bime narkotike te llojit canabis sativa, nderkohe qe, pak ore pas aksionit, u pezulluan dy oficere te kesaj policie, per neglizhence ne detyre. Lajmin e konfirmuan per ATSH-ne burime zyrtare te policise vendore. "Sasia e mesiperme e bimes narkotike, u bllokua ne banesen e shtetasit Fadil Kapaj, ne fshatin Karbunare, 50 km larg qytetit te Vlores", bene te ditur burimet e mesiperme. Sipas tyre, aksioni qe nisi oret e para te mengjesit, mbi bazen e te dhenave te siguruara ne rruge operative, u konkretizua pak ore me vone, me zbulimin dhe bllokimin e sasise se pazakonte te bimes narkotike, e cila ishte ne gjendje te papresuar dhe e vendosur ne 64 thase. Gjate kontrollit te baneses se Kapajt, u gjet edhe nje pistolete e tipit "TT", qe mbahej prej tij pa leje, e cila se bashku me sasine e bimes narkotike u sekuestrua ne cilesine e proves materiale. Ndaj 54 vjecarit Kapaj u vendos masa e arrestit ne kushtet e flagrances, nderkohe qe, me urdher te drejtorit te policise, u pezulluan nga detyra, komandanti i postes policore te Selenices dhe inspektori i zones, ku ndodhet fshati Karbunare. Nga burimet e mesiperme, mesohet se jane shpallur ne kerkim edhe 2 persona te tjere, te cilet kane bashkepunuar me te arrestuarin per trafikimin e canabisit jashte vendit. Sipas burimeve zyrtare te policisde lokale behet e ditur se ky aksion eshte ne vazhdim te operacionit antitrafik, qe synon t'i prese rrugen trafiqeve te llojeve te ndryshme. Pas operacionit kunder skafeve ne det e me pas ne toke, operacioni do te nisse shtrirjen e tij te gjere ne te gjitha vendet ku dyshohet se ushtrohet kontrabande. Sipas policise, jane te piketuara zonat qe sherbejne si baza te trafikut dhe per to po punohet intensivisht. Njekohesisht do te goditen edhe elementet e inkriminuar ne radhet e policise. Vetem 4 muaj me pare, ne te njejtin fshat, policia e Vlores bllokoi nje furgon me 250 kg bime narkotike ne gjendje te presuar, destinacioni i te ciles ishte tregu italian.




--------------------------------------------------------------------------------
Korrieri, 9/14/02

[Beqari002]

Antidroga ndërmerr fushatë kërkimesh për zbulimin e bimëve narkotike në fshatrat e lumit të Vlorës


Kapen 18 kg hashash, asgjësohen 6150 rrënjë kanabis

VLORË - Zbulohen 18 kg bimë narkotike të papërpunuara në fshatin Kaninë të Vlorës dhe asgjësohen mijëra rrënje të tjera në fshatrat e lumit të këtij rrethi. Forcat e sektorit të antidrogës kanë filluar një fushatë kërkimesh për zbulimin e bimëve narkotike kanabis sativa, të mbjella në gjithë fshatrat e lumit të Vlorës, thanë për gazetën burime të policisë. 18 kilogramët e hashashit të papërpunuar u gjetën në shtëpinë e shtetasit Riko Zanaj, 56 vjeç, i cili u arrestua nga policia.
Po ashtu, gjatë paradites së djeshme, si rezultat i aksioneve, janë shkatërruar disa parcela në fshatrat Treblovë, Vranisht, Karbunarë, Kuç dhe Kallarat. Në fshatrat Kuç, Kallarat, Vranisht dhe Karbunarë u asgjesuan 2400 rrënjë kanabis sativa dhe u proceduan nga policia shtetasit Yzedin Mersini, në parcelën e të cilët u gjetën 200 rrënjë kanabis dhe shtetasi Agim Kapaj, në parcelën e të cilit u gjetën 400 rrënjë kanabis. Operacioni i policisë u shtri dhe në fshatin Treblovë, pranë Selenicës, ku antidroga asgjesoi 3750 rrënjë bimë narkotike të llojit kanabis sativa. Sasia e bimëve narkotike të gjetura në këto fshatra u grumbullua në një vend të caktuar dhe më pas në mënyrë demonstrative u dogj. Operacioni është shtrirë edhe në fshatra të tjerë, ku mendohet se kanë mbetur bimë narkotike të paasgjësuara për të cilat janë ngarkuar me përgjegjësi inspektorët e policisë të zonave përkatëse. Pas një pune voluminoze që bëri Drejtoria e Policisë së Qarkut të Vlorës që në fillim të vitit për parandalimin e kultivimit të bimëve narkotike, ku u zhvilluan disa seminare së bashku edhe me pushtetin lokal, përsëri fshatarët e zonës së lumit të Vlorës mbollën farën e kanabisit në parcelat e tyre, gjë që e detyroi policinë të ndërmarrë fushatën për korrjen e kësaj bime që në mbirje të saj, duke asgjesuar rreth 290 000 rrënjë kanabis sativa. Por syrit të policisë i kanë shpëtuar edhe disa mijëra rrënjë të tjera bimësh narkotike, gjë që e detyroi atë të rikthehet edhe një herë në këtë zonë për të asgjesuar bimët e mbetura apo të fshehura. Por policia nuk është ndalur vetëm në fshatrat e lumit të Vlorës.
I. Ruci



Oj sharki e lehte si era , a ka ardhur ne Shqiperi pranvera?

[Beqari002]

Nga Durrësi në Ankona, kapet 22 kg heroinë



DURRES (17 Shtator) - Nën hundën e doganierëve durrsakë ka kaluar sërish heroinë e pastër me synim tregun italian dhe atë perëndimor. Madje me përmasa të mëdha. Policia italiane ka arrestuar dje në portin e Ankonës një çift, burri italian ndërsa gruaja shqiptare, identitetet e të cilëve nuk bëhen të ditura, me akuzën e trafikut të lëndëve narkotike. Lajmi publikohet nga agjensia italiane ANSA. Sipas policisë italiane në makinën e tyre qentë antidrogë kanë zbuluar plot 22 kilogramë heroinë të pastër. Çifti së bashku me makinën kishin udhëtuar me tragetin "Esspreso Venezia" dhe pasi kishin lënë Durrësin dje pasdite kishin tentuar që të kalonin edhe policët italianë. Por qentë antidrogë dhe mungesa e qetësisë së çiftit kanë shtuar dyshimet e karabinierëve italianë që kanë ushtruar kontroll të detajuar. Sipas policisë droga ishte e paketuar në më shumë se 30 qese dhe e vendosur në pjesët më të fshehta të makinës. Çifti i arrestuar ka nisur të japë sqarimet e para për vendin ku e kishte blerë drogën dhe lidhjet e tyre në Shqipëri. Policia italiane deklaron se, bllokimi i kësaj sasie u "ka shpëtuar nga duart trafikantëve të heroinë" mw shumë se 200 mijë euro. Vetëm pak ditë më parë policia italiane kishin bllokuar në Bari 29 kilogramë heroinë dhe 3.5 kilogramë kokainë. ro/mr (GazetaShqiptare/BalkanWeb


Oj sharki e lehte si era , a ka ardhur ne Shqiperi pranvera?

[Beqari002]

Si duket kjo nuk do te kete fund.



Bari: Arrestohet shqiptarja, transportonte 15 kg heroinë


BARI (18 shtator) - Aksion i suksesshem i antidrogës italiane. 58 pako me heroinë të pastër, që peshonte 15 kg janë zbuluar dhe sekuestruar nga skudrat e antidrogës së komandës rajonale të Puljas, në Bari. Heroina vlente rreth 10 milionë euro. Përvec sekuestrimit të drogës forcat e policisë arrestuan edhe një grua shqiptare që e kishte fshehur drogën mes bagazheve të saj ro/mr (BalkanWeb)



Oj sharki e lehte si ersa , a ka ardhur ne Shqiperi pranvera?

[Beqari002]

Asgjesohen 18 kg canabis

Aksioni i ndermarre nga policia e qytetit te Vlores per shkaterrimin e tokave te mbjella me canabis sativa, ka vazhduar edhe diten e djeshme duke rritur keshtu numrin e rrenjeve te bimes narkotike te asgjesuar. Sipas burimeve zyrtare nga policia lokale behet e ditur se pasditen e se henes, policia shkaterroi 18 kg kanabis te paperpunuar ne banesen e shtetasit Rrapo Zanaj nga fshati i Kanines. Me tej aksioni ka vazhduar edhe ne banesat e tjera te fshatit. Aksioni i policise ka nisur prej disa ditesh ne fshatrat Karbunare, Selenice, Vranisht, Terbac, etj pas njoftimeve per mbjellje te siperfaqeve me kanabis. Vetem ne pese ditet e fundit jane shkaterruar 17 mije rrenje kanabis sativa.

[Beqari002]

Evis Petritaj 26 vjeç nga Vlora kapet me 15 kile drogë të pastër në Bari. Kaloi nga Durrësi

Arrestohet korrierja e heroinës
Gruaja e një pronari shqiptar, në Itali që nga 1991


ITALI

E bukur, elegante, e martuar me një biznesmen të njohur shqiptar. Kur hetuesit e grupit operativ të antidrogës në bërthamën rajonale të policisë ligjore të Guardia di Financës, kanë ndaluar për një kontroll, të dielën në mëngjes Evis Petritaj, 26-vjeçare nga Vlora, që po ngiste "Mercedesin" e saj të "Klasit A", në zonën industriale të Modunjos, me numër 98, nuk e dinin që pas asaj fytyre ëngjëllore dhe pas atyre rrobave të kushtueshme, në të vërtetë fshihej një korriere droge.

Dyshimi i karabinierëve italianë ka lindur pikërisht për shkak të ngutjes së 26-vjeçares për t'u nisur me urgjencë menjëherë sapo kishte furnizuar me karburant makinën. Sapo e kanë ndaluar në bagazhin e makinës brenda rrotës rezervë, kanë gjetur pesëmbëdhjetë kilogramë herionë të tipit "Broun Sugar" (sheqer i kuq). E prerë, e ndarë në doza dhe e shitur në destinacionin e vet droga do të kishte nxjerrë të paktën dhjetë milionë euro.

Hetuesit veç kësaj kanë zbuluar që bukuroshja dhe elegantja Evis Petritaj, e padënuar, që ka mbërritur në Pulja në 1991 me zbarkimin e madh të Vlorës atje, kur ishte vetëm 14 vjeçe, me vendqëndrim në Korato dhe një burrë pronar të një firme transportesh në Shqipëri, është edhe motra e një trafikanti të madh droge shqiptar, Roland Lame, 33 vjeç, i arrestuar për herë të parë më 21 shtator të vitit të kaluar në Barleta (Itali). Bashkë me Rolandin në atë rast u ndaluan dhe katër persona të tjerë të akuzuar për trafik ndërkombëtar substancash narkotike. Nga kërkimet e nisura të trupave të skuadrës antikrim të Komisariatit të Barletës, dhe të skuadrës së lëvizshme të Barit, (të drejtuar nga zëvendësprokurori pranë drejtorisë rajonale të antimafias, Alessandro Messina), përfunduan dhe dhjetëra persona të regjistruar në regjistrat e hetimeve. Një lum droge, kuintalë heroine dhe marijuane të importuara nga Shqipëria dhe shpërndarë në të gjithë Italinë.

Korrikun e kaluar, skuadra e lëvizshme e Barit dhe financierët e Bërthamës rajonale të policisë ligjore, kanë zbuluar përfundimisht organizatën që drejtonte Rolandi. Shtatëmbëdhjetë vetë të arrestuar (mes të cilëve një polic), katër bashkëpunëtorët, përfshirë edhe sipërmarrësin Gennaro Tresca, i zhdukur në mars të vitit të kaluar, ortak i tregtisë së Rolandit dhe viktima e mundshme e ulkonjës së bardhë. Ndoshta Evis Petritaj kishte zënë vendin e të vëllait dhe vazhdonte punën për trafikantët shqiptarë të drogës që e furnizonin akoma organizatën e zbuluar në korrik.

Krerët e antimafias italiane kanë shfrytëzuar rastin e kapjes së 26-vjeçares për të theksuar edhe një herë se shqiptarët vazhdojnë të mbeten në qendër të trafiqeve ndërkombëtare të drogës. Dy-tre javët e fundit është vënë re një shtim i fluksit të trafikut të drogës me drejtim nga Shqipëria për në Itali. Ndërkohë burimet italiane kanë sqaruar se edhe 26-vjeçarja Petritaj ka kaluar nga Porti i Durrësit. Pa u kuptuar fare nga policia apo dogana shqiptare.


Oj sharki e lehete si era , a ka ardhur ne Shqiperi pranvera?

[Brari]

Deklarimet e Muçës anashkalohen nga gjykata, prokuroria, avokati dhe të pandehurit. Replika mes avokatit dhe dëshmitarit


"Konçi kishte dokumente me firmën e Metës"


Armand Muça, shef i policisë kriminale të Kukësit, dëshmon në procesin "Heroina"

KUKËS- "Dy të akuzuarit për trafik droge, Shkëlqim Konçi e Ylli Ibrahimi, në momentin e ndalimit nga policia u treguan mjaft të kulturuar.Ata kishin me vete dokumente me firmën e Adi Shamkut, madje edhe me firmën e Ilir Metës. Këto dokumente janë bllokuar nga ana jonë dhe nuk di nëse gjenden ose jo në dosjen e akuzës ",- kështu ka deklaruar Armand Muça, shef i policisë kriminale të komisariatit të Kukësit, i thirrur me cilësinë e dëshmitarit , në procesin "Heroina " që u zhvillua të premten në gjykatën e Kukësit. Kjo deklaratë e shefit të policisë kriminale ka ardhur pas pyetjes së drejtuar në adresë të tij nga avokati i dy të akuzuarve, Vladimir Meçe. "Në postbllok ju keni qenë vetë personalisht, përse nuk e kontrolluat makinën që në momentin e ndalimit ",- ishte pyetja e avokatit Meçe, e cila ka marrë përgjigjen e dëshmitarit të cituar më lart. Nuk u bë e ditur se për çfarë dokumentesh bëhej fjalë, pasi deklarimet e Muçës janë anashkaluar nga gjykata e prokuroria dhe vetë të pandehurit, ndërkohë që avokati Meçe u përqendrua vetëm në emrin e Adi Shamkut, ku iu drejtua dëshmitarit me pyetjen: "Drejtoria e Përgjithshme e rrugëve a është e përfshirë në strukturat e Ministrisë së Rendit, Mbrojtjes apo SHISH-it"?. Në përgjigje të kësaj pyetjeje Muça ka thënë se "unë respektoj shoferët e titullarëve". Të premten, në gjykatën e rrethit të Kukësit, ka rifilluar procesi në ngarkim të të akuzuarve për trafik droge, Shkëlqim Konçi, ish- shofer i Adi Shamkut, (ish- drejtor i drejtorisë së përgjithshme të rrugëve) dhe Ylli Ibrahimi. Nën masa të rrepta sigurie, ku ndërtesa e gjykatës ishte në ruajtje nga forca speciale të ardhura nga Tirana, ka filluar shqyrtimi i çështjes "Heroina ". Pas kërkesës së avokatit Vladimir Meçe, bërë në seancën e kaluar, dje u paraqitën në sallën e gjyqit edhe dy të akuzuarit Shkëlqim Konçi e Ylli Ibrahimi. Kërkesa e avokatit Meçe ndaj trupit gjykues ishte që seanca të fillohet me pyetjen e dëshmitarëve. I pari është thirrur për të dëshmuar shefi i policisë kriminale të komisariatit të Kukësit, Armand Muça, pjesëmarrës në operacionin e 7 shkurtit që çoi në arrestimin e dy të akuzuarve dhe kapjen e 20 kg lënde narkotike heroinë e pastër. Muça spjegoi para trupit gjykues, përveç atyre të cituara më lart, momente e detaje nga operacioni i datës 7 shkurt. "Kishim informacion për grabitjen e autobusit të linjës Prishtinë-Tiranë, në segmentin e rrugës Morin-Kukës dhe për këtë u njoftuan të gjitha shërbimet policore, ku rreth 30 forca shkuan në vendngjarje ",- filloi dëshminë e tij Muça. Në vijim të dëshmisë së tij ai tha se ishin ngritur postblloqe përgjatë rrugës ku dhe u ndalua automjeti tip "Nissan-Patrol ", me targa policie, pasi drejtuesi i tij nuk zbatoi rregulloren duke mos ulur shpejtësinë në afërsi të postbllokut të ngritur. Pas ndalimit personat që gjendeshin në makinë u pyetën nëse dispononin sende të kundraligjshme. Përgjigjja e drejtuesit të mjetit, Shkëlqim Konçi, sipas Muçës, ka qenë: "Ne jemi punonjës të shtetit, jemi shoferë të Adi Shamkut, kemi armë, por i kemi me leje". Në atë moment sqaron Muça, ka ndërhyrë shefi i policisë së qarkullimit rrugor Pëllumb Lisha, ku dhe u kërkoi drejtuesve të mjetit, me targa të policisë, autorizimin për të lëvizur jashtë Tiranës, të cilin ata nuk e dispononin. "Ky ishte momenti fatal për dy të akuzuarit", -theksoi shefi i policisë kriminale. Ata u urdhëruan që të kthejnë automjetin për verifikim në komisariatin e policisë. Gjatë kthimit të automjetit,vazhdoi Muça dëshminë e tij, nga dritarja e krahut të pasagjerit u hodh një çantë, që pas hetimeve rezultoi të ishte heroinë e pastër. Pas dëshmisë së shefit të policisë kriminale e mori fjalën avokati mbrojtës Vladimir Meçe, i cili i drejtoi një seri pyetjesh dëshmitarit që kishin të bënin kryesisht me momentin kur dëshmitari tha se nga dritarja u hodh çanta që ndodhej droga. Avokati Meçe akuzoi dëshmitarin për pasiguri në deklarimet e tij dhe kundërshtoi njëherazi dëshminë e shefit të policisë kriminale. Të njëjtën gjë bënë dhe dy të akuzuarit Konçi e Ibrahimi. Më pas u paraqitën në sallën e gjyqit dëshmitarët, Qemal Gjana, agjent i policisë kriminale, i cili dhe gjeti çantën me drogë buzë rrugës në një kanal. Deklarimet e tij ishin disi kontradiktore me ato të dëshmitarit Muça. Në përgjigje të dëshmisë së Gjanës, i akuzuari Konçi deklaroi se droga e kapur nga agjenti i policisë kriminale nuk kishte të bënte fare me të. Në radhë për të dëshmuar në këtë proces janë Luan Arifaj, shef i policisë së rendit, Pëllumb Lisha shef i policisë së qarkullimit rrugor si dhe shumë oficerë e policë të komisariatit dhe drejtorisë së policisë së qarkut të Kukësit, pjesëmarrës në operacionin e 7 shkurtit. Dy të akuzuarit, Shkëlqim Konçi e Ylli Ibrahimi u kapën në flagrancë nga policia e Kukësit, mbrëmjen e 7-shkurtit të këtij viti, në segmentin rrugor Kukës-Morin, vetëm pak km pa mbërritur në Kosovë. Në automjetin e tyre tip "Nissan-Patrol", me targa policie, të cilat pas kontrollit rezultuan false, u gjetën 20 kg drogë heroinë e pastër si dhe dy pistoleta të cilat të pandehurit i mbanin pa leje. Prokuroria e ka akuzuar Shkëlqim Konçin e Ylli Ibrahimin për trafik të lëndëve narkotike, armëmbajtje pa leje dhe falsifikim të dokumenteve zyrtare.
Bashkim Shala



-----------

avokati me dinak Vladimir Mecja eshte mobilizuar ti nxjerri pa lagur banditet e Freshit te Ilir-monika kryemadhit.

Te mjeret police.. do jene nen terror psiqik derisa te lirohen trafikantet...
shtet i qelbur.

[Beqari002]

Helmmi i rinise shqipetare ne te gjitha trojet Arberore eshte nje nder rproblematikat me te ndieshme per momentin,jo helimim me heleme por helmimi nga mjeti me i rrezikshem qe per momentin egziston e ky eshte "DROGA".
Bie pyetja athua do te kete fund kjo tragjedi e rinise son?
Athua kane efektivitet keto arrestime,keto ndalje,keto sekuestrime te dozave te ndryshme"
Kujtoj se deri me sto jo , perkundrazi per cdo dite e me te per ne qytetet tona por si duket edhe ne fshtrat Arberore kjo pune ugurzeze po merr permasa edhe me te medha.
A thua interesohet dikush tjeter rreth kesaj problematike mjaft te ndieshme , apo vetem policia e cila arreston apo sekuestron.
Sa eshte e angazhuar shkolla ne kete drejtim"
Sa jane te angazhuar Forumet rinore te partive poltike"
Sa dhe cfar pune tjeter pos asaj qe tham bene shteti per parandalimin e kesaj te keqje te madhe"
Por eshte shume me interesant se do te ndegjoish apo lexosh se kjo eshte normale per shoqerit bashkohore(DEmokratike)por mendoj se teze dhe hipoteze eshte mjaft e gabimet e kete duhet ta lansojne ato mese apo qendra qe bejne distribuimin e droges apo vet distribusit e saj se per ndryshe kjo eshte nje e zeze,nje e keqe e madhe qe do gjeje edhe rinine tone sikur edhe te vendeve te tjera Europiane.


Arrestohen shpërndarësit e heroinës

TIRANË- Agjentët e antidrogës në Drejtorinë e Policisë së Tiranës kanë prangosur dy shpërndarës si dhe kanë bllokuar 170 doza heroinë. Zëdhënësi i policisë kryeqytetase bën të ditur se arrestimi i dy shpërndarësve të heroinës është bërë pas një aksioni të mirorganizuar të agjentëve të antidrogës, të cilët janë sinjalizuar se, në afërsi të kapanonëve, tek fusha e aviacionit ishte "krijuar" një treg i shpërndarjes së heroinës. Gjatë aksionit për "krehjen"e kësaj zone u bë i mundur arrestimi i Muhamet Shahinit dhe bashkëpunëtorit të tij, Elion Cara. Dy të rinjtë kishin me vete 170 doza heroine, të cilat i kishin bërë gati për t'i shpërndarë, por, me të dëgjuar sirenat e furgonëve të policisë, ata e kanë fshehur drogën në dy kuti kasetash videoje. Nga kontrolli i imtësishëm që u është bërë, policia ka mundur të zbulojë 170 dozat e heroinës, të cilat peshojnë rreth 60 gramë. Menjëherë pas bllokimit të kësaj sasie të drogës, agjentët policorë kanë shkuar në banesat e dy shpërndarësve, duke i kontrolluar "cep më cep" ato. Nga ky kontroll është bërë i mundur bllokimi i 15 gramëve të tjerë të heroinës, të cilat ishin të mbështjella në një letër. Gjithashtu, policia ka bllokuar edhe një peshore elektronike, që shërbente për përgatitjen e dozave. Të 75 gramët e heroinës, së bashku me peshoren elektronike, janë bllokuar nga agjentët e antidrogës, në cilësinë e provës materiale. Ndërsa dy shpërndarësit e heroinës janë dërguar në mjediset e Drejtorisë së Policisë së Tiranës, ku janë marrë në pyetje për mënyrën si e shpërndajnë heroinën. A.Bogdani



Oj sharki e lehte si era , a ka ardhur ne Shqiperi prnavera?