Turqi - Shqiperi dhe Greqi - Shqiperi

[ErionB]

shance per kualifikim jane pothuajse ZERO
po tkishin me e raff Grekun zene se kemi shkuar ne botror.
Ishalla na ndihmon fati me Turqit pasi gjithmone i kemi rrahur, po per mua ta rrafin Grekun jam ne rregull me kombetaren!!!!

Para Shqipria

[BlueBaron]

Gazeta greke "Goal news", në prag të ndeshjes Greqi-Shqipëri, nis fushatën anti-shqiptare.


Rrallë mund të ndodhë që ndeshje fqinjësh të fillojë kur duhen në fakt më shumë se 16 ditë që skuadrat të ballafaqohen në fushën e lojës. Është interesant fakti se gjithnjë ndeshjet midis këtyre ekipeve kanë nisur nga ekranet televizive, redaksitë e gazetave apo nga ndonjë zyrë tjetër. Kështu ka ngjarë edhe tani, veçse sinjalin e fillimit të një "lufte" mediatike e ka nisur Federata Greke e Futbollit. Për të mos ju lodhur me hamendësime të shumta, që nuk kanë vështirësitë e zgjidhjeve të një ekuacioni, po hyjmë drejt e në temë. Gazeta e njohur greke "Goal news" shkruan në numrin e fundit: "Në mënyrën më të keqe filloi qysh dje ndeshja midis kombëtares sonë me Shqipërinë, që do të luhet me 30 mars në "Jorgos Karaiskaqis".
Pra, me të drejtë, gjithkush mund të pyesë: Çfarë ka ndodhur dhe cila na qenka kjo e keqe?
Duke iu referuar gazetës në fjalë, ajo shkruan: "Federata Shqiptare e Futbollit kërkoi nga Federata Greke e Futbollit (EPO) 5 për qind të biletave, 1575 copë, që i takojnë për ndeshjen. EPO iu përgjigj shqiptarëve, shkruan gazeta, se kanë borxh 7 mijë euro nga ndeshja që është bërë para 4 vjetësh në "Iraklio", ndërmjet dy skuadrave për eliminatoret e Botërorit 2002. Federatës shqiptare i është dhënë një afat deri të premten për të shlyer borxhin, në rast të kundërt federata greke nuk do t'ia japë biletat e kërkuara." Kjo është përgjigjja e palës greke e dhënë nëpërmjet telefonit.
Por tek lexon më poshtë atë çfarë shkruhet në gazetën në fjalë, nuk e ke të vështirë të kuptosh qëllimin e vërtetë të kësaj sjelljeje aspak miqësore. Sigurisht, asgjë nuk e përligj vonesën në shlyerjen e një borxhi, nëse ekziston një gjë e tillë. Sepse është diçka e pakuptueshme që për borxhin e 2001-shit federata greke të kujtohet në 2005-ën. Megjithatë, ky është një problem mes dy federatave, që nuk ka të bëjë fare me tifozët. Por tjetërkund, thotë populli, fle lepuri. Gjërat në shtypin grek janë thënë ashiqare, pra fare hapur. Për të mos ju lodhur, përsëri po ju ftoj të lexoni atë çfarë shkruan gazeta në fjalë: "Mundësia e ndodhjes në stadiumin "Faliros" të shqiptarëve mund të bëhet "shkëndijë" që t'i vërë... zjarrin një ndeshjeje. Pra, më troç, nuk ka ku shkon. Sipas kësaj gazete, prania e shqiptarëve në stadium qenka një rrezik i madh?!
Por gazetari vendës, që ka marrë përsipër të bëjë këtë shkrim në gazetën, e cila ka qenë korrekt në pasqyrimin e vlerave të futbollistëve tanë që luajnë në kampionatin grek, nuk njeh siç duket asgjë nga ato që kanë shoqëruar takimet Shqipëri?Greqi ndër vite. Në këtë rast, ai është kthyer në një zëdhënës i keq i federatës, pa arritur të dalë në rolin e një gazetari profesionist të një gazete prestigjioze, siç është "Goal news". Gazetari në fjalë shkruan a thua se vjen nga një planet tjetër dhe nuk i përket opinionit të shëndoshë grek. Për të kuptuar më mirë këtë që po them, po u referohem sërish atyre që shkruan "Goli". "Mundësia e ndodhjes së shqiptarëve në stadiumin "Faliros" mund të bëhet "shkëndijë" që do të vërë zjarr në ndeshje dhe kjo, sipas tij, sepse "marrëdhëniet midis dy federatave nuk gjenden në momentin e tyre më të mirë, mbas atyre që kanë ndodhur në Tiranë në ndeshjen e parë të kampiones së Europës (u mund 2-1) mbas fitores në Euro"?!
Kosta Picidhopulos, autori i shkrimit në fjalë, nuk e ka idenë e asaj që përbën tifozerinë e një vendi. Tifozët, as në Shqipëri, por as edhe në Greqi, dhe as në një vend tjetër, nuk janë prodhim federatash. Madje tifozët janë nga ata njerëz, që kanë njohje më pak se askush për federatat. Tifozëria nuk është një prodhim shtetëror, partiak apo diçka tjetër të ngjashëm me to. Tifozëria është ndjenja që ka secili për futbollin, veçse në rastin e kombëtares ajo merr vlera të tjera, që lidhen me dashurinë për kombin, për simbolet e tij të shenjta. Ndaj pjesëmarrja e tifozëve shqiptarë, dhe jo vetëm e tyre, nuk ka pse të shihet e lidhur ngushtë me marrëdhëniet midis federatave. Këto kurrsesi nuk duhet të bëhen pengesë për t'i privuar tifozët të shikojnë normalisht një ndeshje futbolli. Gazetari grek harron se shqiptarët që mund të jenë në "Faliros" nuk janë më qytetarë të Shqipërisë, por të Greqisë, sepse shumë prej tyre kanë më shumë se 10-15 që jetojnë në Greqi. Shqiptarët që mund të ulen në stadiumin "Faliros" janë punëtorët e ndershëm, që punuan me mund e djersë për të ndërtuar objektet e shumta, që Greqia të dalë faqebardhë para botës për Olimpiadën 2004. Shumë prej tyre janë nga ata që kanë ringritur nga fillimi edhe vetë stadiumin "Faliros". Ata janë qytetarët e përditshëm të kryeqytetit grek dhe të qyteteve të tjera. Kësisoj, ata nuk mund të përbëjnë kurrfarë rreziku, aq më keq të bëhen shkëndijë për të ndezur zjarre. Natyrisht, ndryshe mund t'i vlerësojnë ata ca njerëz që, edhe pse jetojnë në luks, i vjen era myk. Ndryshe nuk mund të shkruhet siç shkruan më poshtë zoti Picidhopulos. Duke kujtuar ndeshjen e Tiranës midis Shqipërisë dhe Greqisë 2-1, Picidhopulos shkruan: "Shqiptarët e kishin fanatizuar ndeshjen, duke e kthyer stadiumin në "ferr", duke i dhënë paralelisht përmasa politike ndeshjes. Dhe qeveria shqiptare kishte premtuar deri edhe premio astronomike (për të dhënat e vendit fqinj). Mbas ndeshjes kishin ndodhur episode serioze sa në Shqipëri, aq edhe në Greqi, ku shqiptarë kishin dalë të festonin fitoren ndaj kombëtares sonë. Rezultati ishte që të kishte zënka me grekët, me pikë kulmore vdekjen e një shqiptari. Pra, në pak kohë shqiptarët kishin rrokur shenjat nacionale edhe brenda stadiumit "Olimpik", kur kishin fituar 2-0 ndaj kombëtares sonë dhe kishin provokuar edhe djegien e flamurit grek." Kështu shkruan Picidhopulos. Dhe të vjen keq që këtë farë shkrimi e boton një gazetë e lexueshme, siç është "Goal news".
Nuk e di ku ka qenë gazetari grek ditën e zhvillimit në Tiranë të ndeshjes Shqipëri-Greqi. Nuk e di nëse ai e ka parë këtë takim edhe nga televizioni. Nuk e di nëse ai ka qenë pjesë e debatit të madh që u bë në mediat greke para dhe pas ndeshjes. Nuk e di, pra, nuk e njoh fare njeriun me emrin Picidhopulos, që fatkeqësisht ka marrë guximin e shkruan për së mbrashti këtë artikull, që gjithçka mund të quhet, por jo një shkrim gazetaresk. Sepse këtij lloj shkrimi i mungon e vërteta, i mungojnë faktet dhe, ç'është më e keqja, ka edhe shpifje. Megjithatë, unë dua t'i kujtoj Picidhopulosit fjalët e portierit Nikopolodhis, thënë për një nga kanalet më të shikuara televizive greke. Pyetjes së gazetarit nga Athina se si është situata në Tiranë, Nikopolidhis iu përgjigj: "Shumë e mirë". Nuk po zgjatem në këtë fakt, i cili nuk besoj se ka nevojë për koment, por po tregoj edhe disa shembuj të tjerë. Fjalët e disa futbollistëve grekë pas ndeshjes në Tiranë ia vjen t'i rikujtojmë. Trajneri Rehagel tha: "Bëmë 2 autogola", nuk ishim ato që kërkonin sportdashësit grekë." Trajneri gjerman ia faturoi adresën e humbjes mbrojtjes, a thua se ajo nuk bënte pjesë në skuadrën që drejtonte. Si rrallë ndonjëherë, fjalët e futbollistëve grekë nuk ishin aq mbresëlënëse te të tjerët. Sidoqoftë, ata folën konkretisht, duke u lënë të tjerëve të kuptojnë se ky është realiteti. Një nga futbollistët më me përvojë të ekipit grek, Vasili Çartas tha: "Kështu është futbolli. Duhet të shohim përpara dhe të harrojmë humbjen."
Karagunis, lojtari që ka sjellë në kombëtaren greke përvojën milaniste të Interit, nuk e shkarkoi përgjegjësinë e humbjes te të tjerët. Thënia e tij, se "Kemi faj vetëm ne", duket se largon disi larg kësaj përgjegjësie vetë Rehagelin.
Ndërsa autori i golit të vetëm të helenëve në Tiranë, Janakopulos, shtoi: "Ishim të kontraktuar". Në asnjë prej këtyre thënieve nuk gjen ato çfarë thotë Picidhopulos. Gazetari grek, i cili ka marrë përsipër ta bëjë të bardhën të zezë, harron se ajo ndeshje kishte si prolog femrat më të bukura të dy shteteve. "Mis"-et e Shqipërisë dhe të Greqisë kaluan pranë spektatorëve të mbështjella me flamujt kombëtarë të vendeve të tyre dhe, përveç luleve, ato nuk provuan asgjë tjetër. Të vjen keq që gazetari grek, për t'i dhënë pak forcë shkrimit të tij, përmend edhe djegien e flamurit. Por ai ngatërron vitet. Ngjarja nuk ka ndodhur në vitin 1991, kur Shqipëria fitonte 2-0 ndaj Greqisë, por në vitin 1996, kur Greqia fitonte 2-1 ndaj Shqipërisë. Sigurisht që djegia e flamujve nuk është e mirë as për njërin dhe as për tjetrin, sepse flamuri, ashtu si edhe kombëtarja, janë simbole të një populli që duhen respektuar. Por edhe ky rast i veçantë nuk mund të përbëjë një argument që shqiptarët të konsiderohen shkëndijë për zjarr.

[KOKASHTA]

Meqe une hyra dhe lexova kete teme me duhet te jap dhe une mendimin tim : Ja dhe rezultatet e parashikuara nga une !

TURQI - SHQIPERI 0 - 2
GREQI - SHQIPERI 1- 1

Besoj se keshtu mund te dalin keto rezultate ! Ne ndeshjen me turqine vura 2 -sh sepse ne keto vitet e fundit Turqia me shqiperine ska marr asnje pike ! FORCA SHQIPERIA !

[KOKASHTA]

Ska shanc as njeren me marr , kurr hiqq..

Turqi / Shqiperi 3 - 0 Minimum.

Greqi / Shqiperi 2 - 0 Minimum.

1000000%

O gjilanso bera cudi kur i pashe keto rezultate te vena nga ti . ne pergjithesi ju Kosovaret e doni shqiperine , ndersa ti me duket s`qenke nga pjesa e atyre qe e duan ! Dhe te humbe me keto rezultate qe thua ti prape moralin lart duhet ta mbajme o GJILO ...FITORE SHQIPERIA ... 3 - 0 per ne te dyja ndeshjet !

[R2T]

Turqi 2 - 1 Shqiperi
Greqi 2 - 0 Shqiperi

Realist

[Pasiqe]

Mjerisht edhe ky forum po shpreh mungesen e besimit te tifozave shqiptare te kombetarja. Perpara ukraines kishte dhjetera mesazhe shpreseplote per nje fitore. Tani, kur ndeshjet jane dy, pra me dyfishin e pikeve ne peshore, nuk para po ndihemi sepse jemi nje cike te pezmatuar.

Tani edhe FSHF-ja na e mbushi kupen me dy brockulla te tjera qe i dolen nga te huajt.

1. FIFA, e cila i nxori lakrat qe e paskesh paralajmeruar dhe gjobuar per mosorganizim te mire te ndeshjes me Danimarken po na denon (per faj te FSHF-se) qe te mos luhet me me tifoze ne ndeshjet e brendshme ne Qemal Stafa.

2. Federata greke i nxori lakrat per mospagimin e biletave te vitit 2001 per 7000 euro. Nga kjo rrezikohet qe 1500 tifozat shqiptare te mos hyjne dot ne stadium. Turp!

Starova duhet te jape doreheqjen por me sa duket eshte teper i fuqishem. Ne vend qe t'u jape 400000 dollare per ndeshje lojtareve te ndertoje nje fushe ku te luajne ekipet e te ashtuquajtures "superlige".

Megjithate keto kritika i themi neper forume. Ne stadium dhe televizora do ulurasim per Shqiperine si gjithnje. Ishalla na hyn ndonje gol qorr se loje s'kemi. Une do luaja ne dy ndeshjet me 4 mbrojtesa, 5 mesfushore (Skela me i avancuar) dhe 1 sulmues vetem (Tare ose Bogdani njelloj jane) qe te ngreje skuadren e te mbaje topin derisa te afrohen te tjeret. Kete taktike perdorte edhe Milani i Zaccheronit kur luante jashte (dhe e terhiqte Shevcenkon si mesfushor), le ta perdore edhe Shqiperia. Kur nuk jane te zotet mbrojtesit, le te fusin nje mesfushore me teper.

E keqja eshte qe Briegeli nuk njeh taktike tjeter pervec asaj 3-5-2, dhe keshtu do fuse 2 sulmues te cilet nuk jane shume te nevojshem per nje ndeshje mbrojtje e kundersulm qe duhet te bejme ne. Une dyshoj qe te kete shume lojtare te kombetares qe te jene ne forme tani per tani e kombetarja te luaje ne sulm.

[Dick Johnson]

E keqja eshte qe Briegeli nuk njeh taktike tjeter pervec asaj 3-5-2, dhe keshtu do fuse 2 sulmues te cilet nuk jane shume te nevojshem per nje ndeshje mbrojtje e kundersulm qe duhet te bejme ne. Une dyshoj qe te kete shume lojtare te kombetares qe te jene ne forme tani per tani e kombetarja te luaje ne sulm.

Une nuk jam specialist i futbollit, por sa vjen e me shume me mbushet mendja se Brigel do te ishte nje menaxher i shkelqyer i futbollit shqiptar, pse jo edhe kryetar nderi i FSHF-se (mund te na ndihmonte te njiheshim me shume ne bote), por jo, JO, JO, JO trajner i Kombetares, dhe kjo jo per faj te tij, aq di, aq ben! Edhe ne s'kemi para te paguajme nje trajner te mirenjohur (te pakten keshtu na kane thene deri tani), keshtu qe: Kur s'ke pulen, do te hash sorren!!! Problemi eshte se Sorrat tona thone qe jane Pula...pune m...

Le t'i urojme Kombetares 2 barazime, e te mbledhim mendjet e b y thet per nje Stadium Kombetar te ri dhe me pas nje trajner nga ata "prej verteti"! Hajt shnet!

[Dick Johnson]

Ketu mund te kerkoni per nje pike transmetimi te dy ndeshjeve te radhes:

http://www.soccertv.com/pubs.cfm

http://seattlepitch.tripod.com/publist/

Per shqiptaret ne Philadelphia:
http://www.dickensinn.com/sports_calendar.php

[[xeni]]

Po lozem me 10 mbrojtesa mund te marrim barazim. Po lozem koke me koke (per fitore d.m.th) do rrifna. Biles do rrifna keq.

Une, vetem per ndeshjen me Turqine e kam pak shprese. Kjo vjen prej faktit qe Turqia do luaje per fitore patjeter (barazimi nuk u vlen aspak) dhe mund ta lere pas dore mbrojtjen qe ne fillim. Por edhe ketu do jete vendimtare te shenumit ndonje gol aty te çereku i pare i lojes. Megjithate, kjo shprese asht e zbehte se ne sulmuesit nuk i kemi shume ne forme dhe te shpejte jo se jo. Mbase Bushi ose Rraklli i kahershem (se sot per sot jane kot) do na benin pune...
Ndersa me Greqine s'kemi shans aspak. Do e bejne naj pisllek ata...
---------------------------------------------------------------------
Nje te dhene. Fatmiresisht, Turqise do i mungoje sulmuesi me i rrezikshem: Nihat Kahveci.

Lojtaret e mbledhur nga trajneri turk per ndeshjen me Shqiperine dhe Gjeorgjine:

Rüştü Reçber, Ümit Özat, Tuncay Şanlı, Volkan Demirel, Servet Çetin, Serkan Balcı (Fenerbahçe),

Bülent Korkmaz, Necati Ateş, Cihan Haspolatlı, Orhan Ak, Ayhan Akman (Galatasaray),

Fatih Tekke, Gökdeniz Karadeniz, Tolga Seyhan, Hüseyin Cimşir (Trabzonspor),

Okan Buruk, İbrahim Toraman, Koray Avcı ( Beşiktaş )

Ersen Martin (Denizlispor),

Ömer Çatkıç (Gençlerbirliği),

Emre Belözoğlu (FC Inter),

Yıldıray Baştürk (Hertha BSC Berlin),

Hamit Altıntop (FC Schalke 04),

Halil Altıntop (FC Kaiserslautern).


*Ata ne bold jane me te rrezikshmit...

[Iliriani]

Portieri i Jonikosit nuk pranon të jetë pjesë e kuqezinjve në ndeshjet e radhës, duke u justifikuar me familjen 18-03-2005

Beqaj refuzon Turqinë dhe Greqinë

Ramadan Bizga
Nga Athina RAMADAN BIGZA

Pasaporta
Emri: Arian
Mbiemri: Beqaj
Vendlindja: Prizren
Vendbanimi: Athinë
Datëlindja: 20.08.1975
Shenja horoskopit: Luani
Pesha: 82 kilogramë
Gjatësia: 188 centimetër
Ndeshje në kampionatet greke: 182
Ndeshje me ekipin kombëtar: 15

I qetë, i saktë, i qartë në mendimet e tij, Arian Beqaj, u prononcua mbrëmë për "Sportin shqiptar". "Jo, nuk mund të shkoj. Dua t'i përkushtohem gruas sime dhe fëmijës që sapo ka lindur. Nuk kam asgjë tjetër, por vika një ditë, që krahas sportit, njeriu duhet të ndjejë përgjegjësi edhe për familjen. Unë e dua futbollin dhe ashtu siç ju kam thënë edhe më parë, momenti më i gëzuar në jetën time, ka qenë ai kur unë kam veshur për herë të parë fanelën e kombëtares së Shqipërisë. Kam kontribuar aq sa kam pasur mundësi dhe asnjëherë nuk më ka munguar vullneti i mirë për t'i shërbyer kombëtares. Për të kam qenë gjithmonë i gatshëm",- tha kapiteni i Jonikosit.
Pas largimit të Strakoshës, u duk se porta do të kishte pronar Beqajn, si i vetmi njeri me një përvojë të gjatë në takimet ndërkombëtare, por që ka treguar edhe një formë të shkëlqyer në kampionatin grek. Aktualisht Arian Beqaj është futbollisti që i ka luajtur të plota të 22 ndeshjet e këtij kampionati, duke u shpallur disa herë edhe portieri më i mirë i tij. Largimi i tij i përkohshëm nga kombëtarja, pikërisht kur ai është në kulmin e tij, përbën enigmën më të madhe që deri tani nuk e mësoi dot askush. Megjithatë kosvari është i qetë. Ai nuk di të shajë e të fyej, por brengën e ka mbajtur brenda vetes. Kur thotë se do të rrijë pranë familjes, Beqaj sigurisht që ka të drejtë. Por njeriu që ka sakrifikuar shumë, sigurisht që ka ndjerë edhe zhgënjimin. Megjithatë ai nuk ka dëshirë të flasë, nuk ka dëshirë të kujtojë. Beqaj është i matur në fjalët e tij dhe asnjëherë nuk është ngutur për të folur. Gazetarëve u kujtohet mirë largimi nga Tirana, pas ndeshjes me Ukrainën. Edhe pse ai pësoi një zhgënjim të madh nga trajneri i tij, përsëri Beqaj nuk e dha veten, por si njeri shpirtmadh, pa bërë asnjë fjalë, mori rrugën drejt Athinës, familjes së tij të re, drejt Nikias, kryeqendrës së skuadrës së tij, Jonikos, kapiten i të cilit është që nga fillimi i këtij kampionati.
Arian Beqaj me formën dhe sjelljen që ka treguar gjatë 8 vjettëve të tij të aktivizimit me OFI-n dhe tani me Jonikos, mbetet një nga krenaritë e sportit tonë në vendin fqinj. Të 182 ndeshjet e zhvilluara, janë secila një fletë më vete e arkivit të tij të pasur sportiv. Beqaj, tha mbrëmë se nuk jam i gatshëm për të qenë pranë ekipit në dy ndeshjet e radhës për Botërorin 2006, por ai nuk tha se jam larguar përfundimisht nga kombëtarja, ose nuk do të luajë në këtë kombëtare për sa kohë të tjetë trajner i saj, Brigel. Jo, ai nuk i tha këto fjalë.
Siç thashë në fillim të këtij shkrimi, ai foli shkurt, qartë dhe saktë: "Nuk mund të shkoj. Dua t'i përkushtohem gruas sime dhe vajzës së porsalindur".
Kështu foli për "Sportin shqiptar" kosovari që lindi në Prizren, u formua në Tiranë, bëri emër në Kretë dhe po shkëlqen në Athinë.