Turqi - Shqiperi dhe Greqi - Shqiperi

[sLimShady]

paraaaaaaaaaaaaa shqiperia ))

[Bledari]

Presidenti i Federatës Shqiptare të Futbollit, Armand Duka është shprehur se skuadra jonë, në takimin e nesërm, do të luajë vetëm për fitore

Presidenti i Federatës Shqiptare të Futbollit, Armand Duka, i cili ndodhet në Turqi së bashku me ekipin kombëtar, ka pranuar dje të japë një intervistë në telefon për gazetën "Sporti shqiptar". Gjatë bashkëbisedimit, Duka është shprehur se skuadra jonë, në takimin e nesërm, do të luajë vetëm për fitore. Nëse ky objektiv nuk arrihet, ai personalisht do të ishte i kënaqur edhe me një pikë. Duka gjithashtu ka përshkruar edhe gjendjen e skuadrës dhe të kundërshtarëve, të cilët duket se e kanë marrë me lehtësi ndeshjen me Shqipërinë. Ja intervista e plotë me presidentin e FSHF-së, Armand Duka. - Zoti Duka, prej dy ditësh ndodheni në Turqi. Sot që flasim, si është gjendja e ekipit tonë kombëtar para sfidës me turqit? - Gjendja e ekipit tonë tani që flasim është shumë e mirë. Nuk ka ndonjë problem. Edhe Tare me Rrakllin sot janë stërvitur me ekipin dhe mund të them se gjithçka është në rregull. Kjo është për të gjithë ekipin. Edhe kushtet këtu në Antalia kanë qenë shumë të mira dhe stërvitja është zhvilluar normalisht dhe qetësisht. Edhe gjendja morale e ekipit është nga më të mirat. Shoh që lojtarët janë përgatitur mirë edhe psikologjikisht për këtë ndeshje të vështirë me Turqinë. Shoh entuziazëm në ekipin tonë. Shpresoj që të shtunën gjithçka të shkojë sa më mirë. - Si e konsideroni këtë ndeshje përballë një kundërshtari si Turqia? - Eshtë normale të thuash që Turqia është një ekip shumë i fortë. Kjo ndeshje është shumë e rëndësishme për ne pas humbjes djegëse me Ukrainën, e cila nuk pritej nga asnjë prej nesh. Skuadra jonë është e bindur se do të futet në fushën e lojës dhe do të luajë për të marrë maksimumin e mundshëm. Pra, për të fituar takimin me Turqinë. Ne do t'i luajmë të gjitha gurët bqë të fitojmë. Për këtë kemi zhvilluar edhe një stërvitje disaditore këtu në Antalia. Shpresoj që të marrim një fitore që do të ishte shumë e mrekullueshme për ekipin tonë. Nuk kemi alternativë tjetër veçse të fitojmë. Edhe ekipi Shpresa do të bëjë të pamundurën që ta fitojë takimin e sotëm ndaj moshatarëve turq. - Turqia, një ekip të cilin e kemi mundur 2 herë rresht në fushën e saj... - Kohë më parë. Gjithsesi, është një skuadër e suksesshme. Një nga ekipet më të mëdha në botë. Dihet që turqit nisen favoritë, pasi luajnë në fushën e tyre. Në shtëpinë e tyre janë shumë potentë edhe për faktin se janë shumë lart se ne për sa përket nivelit. Dihet që janë të 3-ët në botë në 2002-shin dhe ndeshjen me Shqipërinë duhet ta fitojnë me çdo kusht. Ne e vlerësojmë shumë Turqinë si skuadër shumë të fortë, por nuk frikësohemi, pasi edhe ne luajmë për të fituar. Këto dy ditë që jam këtu në Turqi kam kuptuar se turqit na nënvleftësojnë. Këtu në Turqi është një atmosferë të tillë. Ata mendojnë se do të fitojnë në ndeshjen me Shqipërinë. Për këtë janë 100 për qind të bindur. Kjo ndoshta do të jetë një favor për ne që duam të godasim rëndë skuadra si Turqia. Shpresoj që kjo të ndodhë. - Zoti Duka, po me një pikë jeni i kënaqur? - Nëse e marrim, jam shumë i kënaqur, pasi barazojmë në një fushë shumë të vështirë, si ajo e Turqisë. Do të na bëjë shumë punë. Në rrugën e gjatë të eliminatoreve gjithçka mund të vendoset falë një pike apo qoftë edhe një goli më shumë. Gjithsesi, them se edhe një pikë do të ishte më se e mjaftueshme për skuadrën tonë. - A keni biseduar dhe a u keni premtuar lojtarëve ndonjë shpërblim në rast fitoreje me Turqinë? - Të them të vërtetën, nuk kemi biseduar për këtë gjë. Për këtë problem do të flasim pas ndeshjes, gjithmonë nëse fitojmë. Kjo edhe për faktin se djemtë e kombëtares më janë lutur të mos flas për këtë çështje. Këtë herë ata nuk duan të flitet për këtë gjë, sepse duan t'u tregojnë të gjithëve se mund të fitojnë edhe pa premio, për të shlyer humbjen e fundit me Ukrainën.

Shekulli

[[xeni]]

Pra, jo vetem qe do fitojme por do arrijme edhe nje fitore tjeter bindese si ajo e 4 me 1. ...

Mendoj se nese luajme me dy mesfushore sulmi (Skela dhe Muka) fitorja jone do jete me e sigurte dhe me bindese,
...

Une ve bast qe ti s'merr vesh nga futbolli o dodon djali... (Po gjithsesi, uroj te dale kshu si menon ti, megjithese s'ka llogjike aspak...!)





Per mendimin tim, ne duhet te lujme loje mbrojtese dhe te mundohemi qe me kundersulme t'i mposhtim turqit. Po te lozim ashu si thu ti dodon, jo Turqia po edhe Malta na rref. Se ne dihet qe s'kemi mbrojtje te mire; me tre-kater pasa na e rrasin goin. Per me teper qe kemi shume mungesa. Po a bahet kundersulm me Taren dhe Bogdanin? Jo, po inshallah Brigeli fut Bushin se ai ua di marifetin ktyne turqve. Eshte i shpejte dhe teknik. Megjithese edhe ai nuk ehste ne forme si me pare, them se mund te beje na gjo.


Para SHQIPERIA! (me ballin lart gjithmone...!)

[dodoni]

O Xen djali,

Loje mbrojtese me kundersulme eshte strategjia qe do duhej te kishim ndjekur po te ishim ne vendin e pare ne grup si Ukraina me 14 pike sepse keshtu edhe barazimi do na mjaftonte. Por duke pare gjendjen tone ne grup dhe nevojen per fitore si i vetmi rezultat qe mund te na mbaj ne vallen per kualifikim ne boteror, them se duhet luajtur loje sulmuese sepse loja mbrojtese me kundersulme mund te sjell barazim shume lehte por shume rralle dhe veshtire qe sjell edhe fitoren. Prandaj e them se duhet luajtur loje sulmuese.

Mbrojtja jone eshte shume e mire, Aliaj dhe Beqiri jane te mrekullueshem ne krahe, ne qender mund te luaj Cana (qe sipas disa infove qe sapo morra eshte duke u kerkuar edhe nga Real Madridi tani) por edhe Osmani. Keshtu qe, mbrojtja nuk ka fare problem. Eshte fakt qe do ishte shume mire sikur te kishim edhe Besnik Hasin por edhe pa te, prape shume mire jemi.

Tare dhe Bogdani jane lojtare te mrekullueshem, dhe jam i bindur qe sot do ta tregojne veten edhe me kombetaren. Jo me kot Tare eshte lojtar i disa milione eurove dhe lojtar kyc i sulmit te Bolonjes ne Serine A. Poashtu edhe Erion Bogdani golashenuesi i pare i Serise B qe eshte duke u kerkuar nga ekipet me te mira italiane dhe spanjolle tani.

Rraklli shenoi dy gola me 1998 ne fitoren 4 me 1 te kombetares dhe mendoj se do ishte mire te aktivizohej ky me Taren nga fillimi sepse edhe jane duo shume e mire qe e kuptojne mire njeri tjetrin dhe Rraklli eshte i mire per driblime kurse Tare per goditjet me koke. Pastaj ne pjesen e dyte mund te behen zevendesimet sipas nevojes.

Aktivizimi i Skeles dhe Mukes qe nga fillimi jo vetem qe do te sjell me shume raste per sulmin tone por eshte edhe ndihmese direkte sulmit sepse Muka mund te luaj edhe si sulmues. Pra mund te luaj edhe mesfushor sulmi e edhe sulmues ne te njejten kohe.

Urimi per fitore kombetares sone si gjithmone

FORCA dhe PARA SHQIPERIA

[[xeni]]

O dodon vllai,

Me kenaqe me keto fjalet e mira qe thua per kombetaren. Uroj qe optimizmi yt te jete me vend dhe kombetarja te na nderoje! Une ne fakt, me teper se lojtaret e Shqiperise i njoh turqit, sepse lojtaret tane fatkeqesisht s'kam pase mundesi me i ndjeke shume. Kur them qe duhet te luajme loje mbrojtese dhe jo sulmues bazohem ne cilesite e lojtareve turq qe jane me te vertete lojtare shume te pergatitur. Po i le hapesira Yıldıray-it, Emre-se, Fatih-ut apo Necati-se keta te fikin deren, po i bllokove dhe nuk i le shume vend per te manovru s'mund te jene shme te sukseshem. Une e them kete sepse i njoh keta lojtare... Gjithsesi uroj qe te dalim me ballin lart, se nuk durohen turqit pastaj...

Fitore!

[inter_forever]

Per gjithe emigrantet qe jetojne ne ITALI !

Ndeshja TURQI - SHQIPERI do trasmetohet DIREKT tek kanali sportiv
Si- Sport Italia .

Ky stacion kapet me nje antene te thjeshte ashtu si Rai apo Mediaseti ...

Shpresojme ne nje rezultat pozitiv...

[Lgj11Pallati392]

kush kanal gjerman e jep neshjen turqi-shqiperi

[KACAKU]

Ne internet e shofim dot?

[ledio]

KACAKU provo nje here medialb.com
Nuk ma ha mendja ta kape paster po sa pa hic.

[inter_forever]

Ata te Top Channel kane shkruar qe do e japin edhe ne internet ...Se di nese do japin vetem komentin , audion apo edhe video.