Turqi - Shqiperi dhe Greqi - Shqiperi

[niku-nyc]

Kualifikimi per 2006 ka maru por nuk u rregullu ajo mbrojtja do vazhdojm kshu edhe per euro 2008. Pa mbrojtje nuk fitoet asnji ndeshje. Gjitha ndeshjet si me Danimarken, Ukrainen dhe Turqin mbrojtja me gabime fatale na e ka humb se me loj dhe me raste jemi permisu me shum sesa ishim atehere. Prap pa mbrojtje ska ekip te forte.

[inter_forever]

Lozem dobet...
Ndoshta e kam gabim , por une pashe sot ne fushe nje ekip te CORIENTUAR ...

Duke patur 2 sulmus qe vetem me koke te bejne gol , duhet te lozesh nga krahet...kurse ne krosonim nga mezi fushes...
Tare sot as topat me koke nuk po i ulte dot, e vetmja gje qe di te beje.....ndoshta justifikimi eshte qe ka qene me grip , se dukej qe s'kish fuqi.....

Dallku na mori ne qafe...e filluam ndeshjen 0 -2 ...ne keto kushte cdo ekip do ndodhej ne veshtiresi , e jo neve qe vetem me eufori ecim para..


Kurse turqit megjithese moren 3 pikeshin nuk me pelqyen fare...Ne fakt i dhuruam 2 gola ne 5 minuta dhe ata s'kishin pse te lodheshin( mu kujtua njeri qe tha para ndeshjes se ''e kane shit ndeshjen tanet'' ) ...Une them qe nuk kane per tu kualifikuar ...
me sa kam pare danezet dhe greket jane me mire se turqit...

Nejse...iku kjo ndeshje...
Per ndeshjen me plerat greke duhet ti lutemi zotit per nje mrekulli ...se me fitoren qe arriten ne Gjeorgji morali i tyre eshte i larte , kurse yni pertoke...

Forca Shqiperia...Te pakten te dalim mbi kazaket dhe gjeorgjine ne klasifikim...

[marsela]

Per here te pare ndoqa nje ndeshje ne stadium..dhe me pelqeu shume atmosfera!Tani e kuptoj pse thuhet qe ne Tv ndeshja ndiqet me mire po s'ndjehen kurre te njejtat emocione.Une qe pa filluar ndeshja tek shikoja ato flamujt shqiptar e gjith ato te rinj te veshur kuq e zi qe brohorisnin per Shqiperine fillova te ndjej ate peshen e madhe te nje ndjenje qe s'matet me asgje..Atdhe dashurise!Nje Bravo e madhe per te gjithe Kosovaret..vertet qe jan te papare!

Loja te them te drejten s'me pelqeu..Nder me te dobtat qe kam pare kohet e fundit!Te dyja skuadrat bene shume gabime po un i kisha syte te tanet...sme pelqeu sulmi,Bogdani sikur s'shkonte shume me Taren.Nuk e kam shum parasysh c'lojtar te tjere kishte ne dispozicion Brigel po do ishte mire te kishim bere ndonje ndrrim me shpejt.
Pjesen e dyte patem disa raste,po megjithate shumicen e kohes te krijohej pershtypja se ishim ne ne avantazh nga ajo loje e ngathet plot topa te pasigurte e pakujdesi..
Albitri mund edhe temos e jepte ate penalltine,edhe ne dy tre raste mund te jepte kartona...
NUk po bej shume komente se nuk jam ndonje specialiste,sado qe kam ndjekur shume futboll.Thjesht u merzita ;per nje rezultat qe ndoshta pritej..

İshte e lezetshme se dhe turqit i kane ngjyrat e flamurit kuq e bardhe,dhe cdo here qe ato thonin e kuqe, ne shtonim e zeze(atyre si shkonte ne vesh shume,se ishim shum pak), pjesa tjeter e bardhe..
Dhe sicka tjeter qe me beri pershtypje ishte se ne qe ishim afersisht 500 veta na lane te prisnim deri sa u boshatis gjithe stadiumi(gjoja per sigurine tone)Eshte gje rregull qe miqte te dalin te dytet??

pershendetje.. me shprese per nje rezultat me pozitiv me Greqine!

[StormAngel]

marsela, te lumshin duart per analizen qe ke be.

Une them nje pune tjeter, mire e kemi, se bejme hop ende pa mos kercyer.
Do vij edhe koha jone nje dite, patjeter.

[Moltisanti]

Une per vete e harrova neshjen e sotme ,,pritej pak a shume humja !!!

gjithsesi te merkuren ,nuk du tme bi as llotaria as telebingo ,po du vetem grekun te rrafim ,me gjak e me shpirt nqf se e kerko partia edhe jeten ta japi nanjoni ,,tare psh se s/hy npune as per llac e tulla e jo mo per gjo tjeter qe sja pret hic !!!!!!

hajt noten

[bayern]

Pranej kena hum ne se paskan qen lloj lloj robsh ne stadium. haha
Ore i ka vdek nona muhabetit edhe me Grekut ne do humbim se interesat e ekipeve te tjera jane per kualifikim, kurse tonat thjeshte me ju largu venit te fundit. Shqiperia boterorin e saj e fitoi ne Qemal Stafa kur mundem Greqine kapjone europe. Per me u kualifiku ne botnor per ne jo vetem qe do mbetet enderr por as kemi me arrit na iher te dytet ne grup.

[Shpirt Njeriu]

Faqja 22 - SPORT
Mars 27, 2005


Gabimet e Dallkut dhe zgjedhjet e Brigelit prishën ëndrrën

Shqipëria shkatërrohet brenda 5 minutave


--------------------------------------------------------------------------------



Që një ndeshje futbolli zgjat vetëm 5 minuta këtë më mirë se kurrë e vërtetoi dje përfaqësuesja shqiptare e futbollit që, në një ndeshje pa histori, është dorëzuar në Stamboll 0-2 kundër vendësve. Armend Dallku mund të ketë kaluar mbrëmjen më të errët të gjithë jetës së tij, teksa ka "prodhuar", sigurisht pa dashje, dy golat e vetëm të ndeshjes: shkakton një 11-metërsh në minutën e 3-të dhe bën një gabim foshnjarak, që mund t'i rastisë vetëm një futbollisti të kampionatit shqiptar, vetëm dy minuta më vonë. Ates shndërron në gol 11-metërshin, ndërkohë që Basturk dhe Beqiri kombinojnë me njëri-tjetrin në rastin e golit të dytë, për të ndëruar debutimin e pafajshëm të Ilion Likës.
Trajneri Janal me siguri është sinjalizuar se një sërë eksperimentimesh i prisnin kuqezinjtë në prapavijë dhe menjëherë ka urdhëruar të tijtë për gola të shpejtë. I janë bindur, gjë që djemtë e Brigelit nuk e kanë bërë kundrejt gjermanit që drejton pankinën kuqezi. Pas minutës së 5-të ka pasur histori sa të duash, madje në ndonjë moment kemi qenë edhe pranë ndonjë goli shpresëdhënës, por kjo nuk ka ndodhur. Simptomat e fillimit janë transmetuar edhe disa minuta më vonë, kur në të 11-tën Lika, që ende s'e kishte marë veten nga dy gola të shpejtë, rrezikon dhe për pak sa nuk shkakton ai tashmë penalltinë. Rast për moviolë. Deri në minutën e 15-të ka vetëm një simfoni, ajo turke, që me dy goditje këndi rresht për pak sa nuk i çojnë shqiptarët nën dushe më shpejt se mendohej. Emre është i papërmbajtshëm dhe në ndonjë rast do të duhej një ndërhyrje e dyfishtë e Lalës dhe e Haxhit për ta ndaluar futbollistin e Interit. Pas minutës së 30-të, qoftë se turqit bien në ritmin dhe qoftë se Bogdani, mbi të gjitha, beson se skuadra shqiptare fillon e kupton se mrekullia mund të realizohet. Nuk do të ndodhë, gjithsesi. E provon Aliaj nga larg, me një goditje dënimi, por Rustu, megjithëse i pasigurt, arrin ta neutralizojë situatën. Portieri turk, i cili feston ndeshjen numër 100 me përfaqësuesen, nuk ka shumë punë dhe shqiptarët "bëjnë të pamundurën" t'ia bëjnë punën edhe më të thjeshtë. Në të 35-ën dhe 36-ën shqiptarët kanë shansin më të mirë për të shënuar golin e parë. Cana dhe më pas në goditje këndi i përhershmi Bogdani, kanë qenë pa fat teksa gjuajtjet e tyre kanë përfunduar jashtë kuadratit turk. Fraksioni i dytë duket ndryshe. Kushedi çfarë u ka thënë Brigel në pushim kuqezinjve, sepse, të paktën Lala, Cana e Skela, filluan të lëviznin në momentin e ndërrimit të portave, një gjë që në pjesën e parë as nuk kishin provuar ta bënin. Në minutën e 48-të është Tare që provon, por sërish pa probleme Rustu e ka pritur topin. Në minutën e 65-të Aliaj godet një ence, Bogdani gjuan me kokë, por Rustu vetëm e shoqëron topin jashtë portës. Nuk do ta ketë të lehtë gjithsesi 3 minuta më vonë, kur po Bogdani, njeriu i ndeshjes për shqiptarët (një Zot e di pse Brigel nuk e aktivizonte më parë!), godet shtyllën pas një topi qe për Rustunë ishte i humbur. Brigel, që deri në fund nuk bëri asgjë për të provuar se kishte dëshirë që gjërat të ndryshonin. Provoi edhe Bushin, por 12 minuta, për atë që e njeh më mirë se kushdo skuadrën turke, janë shumë pak. Në të 81-tën në mundësinë e fundit, kuqezi protagonist është piëkrisht "Loku", të cilit pas një topi të Tares i mohohet një 11-metërsh i pastër. Deri në minutën e fundit në fushë është dukur vetëm Lika, që me mrekullitë e tij provoi se Strakosha është tashmë një emër "i harruar". Nuk mjaftoi, ashtu si nuk mjaftoi as Bogdani. Dallku i vetëm u prishi ëndrrën shqiptarëve për të shkuar në Botëror. Një dorë i dha edhe Brigel me zgjedhjet e tij të çuditshme. Pas katër ditësh në Athinë të dy duhet të reflektojnë…


Brigel: Në futboll duhet edhe fat

Megjithëse e pranon se në një farë mënyrë zgjedhjet e tij nuk ishin më të mirat e mundshme, trajneri Brigel ka thënë se në futboll duhet edhe pak fat dhe se një gjë e tillë skuadrës sonë përfaqësuese nuk i ka ndodhur: "Futbolli është edhe fat. Të pësosh dy gola në atë mënyrë është foshnjarake dhe sigurisht që të gjitha skuadrat demoralizohen. Unë them se ne u munduam, madje arritëm në një farë mënyrë edhe të reagonim. Gjithsesi, nuk kemi qenë shumë të saktë në veprimet mbrojtëse, madje në ndonjë rast lojtarët dolën jashtë detyrave të tyre. Jam i kënaqur nga prova e Bogdanit, ndërkohë që mesfusha mund të kishte bërë edhe më shumë". Në konferencë trajneri Brigel u pyet edhe për Likën, portierin që zëvendësoi Strakoshën: "Ju e patë që Lika ishte ndër më të mirët dhe unë mendoj se ky portier tashmë është një zëvendësues ideal për Strakoshën". Kualifikimi është ëndrra e mbetur në sirtar? "Fitoret e grekëve dhe danezëve e bëjnë gjithçka shumë të vështirë. Megjithatë, ne shpresojmë që këto 5 minutat e para të mos përsëriten më".


Janal: Fituam ne, luajtëm më mirë

Trajneri i Turqisë, Janal, është shumë i lumtur pas ndeshje skundër Shqipërisë: "Askush të mos mendojë se ishte e thjeshtë. Vërtet shënuam dy gola, por skuadra shqiptare na vuri jo pak në vështirësi. Ne ditëm të administronim mirë lojën dhe në fund nuk lejuam as edhe një gol që do të na kishte vënë në vështirësi". Janal tha se skuadra pati vetëm një rrezik, faktin që golat u shënuan shumë shpejt dhe një gjë e tillë mund t'u jepte kohë në dispozicion shqiptarëve për të reaguar: "Kisha frikë te një gol i tyre, por kur pashë që djemtë e mi gjithë kohën sulmonin në mesfushë e kuptova që shqiptarët nuk do t'ia dilnin. I përgëzoj djemtë e mi, luajtën ashtu si desha unë dhe nuk u tërhoqën kurrë mbrapa, duke e mbajtur kundërshtarin gjithnjë në mesfushën e tyre. Tani ne jemi shumë pranë ëndrrës sonë dhe mjafton të mundim Gjeorgjinë, për të shpresuar për kualifikimin. Ne kërkojmë vetëm një dhuratë nga Shqipëria, të mundë Greqinë dhe sigurisht që me potencialin që ka skuadra kuqezi mund ta bëjë një gjë të tillë. Ata këtu nuk luajtën keq, por ne
ishim më mirë

[Shpirt Njeriu]

Faqja 23 - SPORT
Mars 27, 2005


Danimarka, Ukraina, Greqia dhe Turqia do të ndajnë tani e tutje dy vendet e para në grupin 2

Shuhen shpresat, jashtë Botërorit
Shqipëria dhe Gjeorgjia në luftë për vendin e pestë


--------------------------------------------------------------------------------

gje.st.


Tri skuadrat më të forta të grupit tonë arritën dje fitore, dhe në këtë mënyrë e ndezën edhe më luftën për kualifkimin për në Kampionatin Botëror. Turqia me fitoren kundër Shqipërisë, Greqia me fitoren 3-1 në Gjeorgji, dhe Danimarkia me fitoren e thellë kundër Jazakistanit demonstruan dhe njëherë që tashmë çështja e kalimit të grupit i përket vetëm 4 skuadrave: Ukraina, Danimarka, Greqia dhe Turqia. Përfaqësuesja shqiptare ka mbetur në kuotën e 6 pikëve dhe tani pret vetëm të sigurojë të paktën vendin e pestë në grup, duke lënë mbrapa krahëve Gjeorgjinë dhe Kazakistanin, që ka prenotuar fundin e renditjes. Ndeshjet e djeshme kanë qenë shumë të rëndësishme për këtë Grup, sepse tani janë bërë të qarta synimet e skuadrave. Greqia, që ka pësuar vetëm një humbje që kur u shpall kampione Europe, kundër Shqipërisë tregoi se jo rastësisht mban titullin e merituar. Në një fushë të vështirë si ajo e Tbilisit, skuadra e helene e drejtuar nga Oto Rehagel nuk mund të bënte më mirë se një fitore me shifart 3-1. Goli i shënuar nga vendësit që në fillim u zhvlerësua nga topa të realizuar nga Kapsis, Vryzas dhe Janakopulos. Tani grekët vijnë shumë më të qetë sesa shqiptarët në derbin ndërmjet tyre, që do të luhet në Pire ditën e mërkurë. Danimarka është mjaftuar me 3 gola kundër Kazakistanit të vendit të fundit dhe tani nordikët e shohin veten me pikë të barabarta me Turqinë, 9, ndërkohë që Greqia është e dyta, me 11 pikë. Ukraina e vendit të parë, megjithëse nuk ka luajtur dje, po përgatitet për një betejë të vërtetë të mërkurën në Kiev kundër Danimarkës, një ndeshje e cila mund të tregojë shumë mirë se çfarë do të ndodhë me të ardhmen e grupit. Turqia, pas fitores me Shqipërinë, ka rihapur shpresat për kualifikimin dhe do të provojë të marrë sërish tri pikët të mërkurën kundër një Gjerogjie tashmë të eliminuar praktikisht. Shqipëria do të provojë të bëjë të pamundurën në sfidën kundër Greqisë, megjithatë nuk do të jetë aspak e lehtë përballë grekëve të frymëzuar. Edhe në rast fitoreje, kuqezinjtë do ta kenë gati të pamundur të synojnë kualifikimin. Vetëm një ndeshje prestigji u ka mbetur kuqezinjve, ajo e Pireut. Hakmarrja turke, brenda 5 minutave, na la përfundimisht jashtë shpresës sonë të zakonshme për të qenë midis më të mirëve të Botës.


Grupi 2
TURQI - SHQIPËRI 2-0

GJEORGJI - GREQI 1-3

DANIMARKË - KAZAKISTAN 3-0

SKUADRA ND F B H SH P PIKË
UKRAINA 6 4 2 0 11 3 14
GREQIA 6 3 2 1 10 6 11
DANIMARKA 6 2 3 1 10 6 9
TURQIA 6 2 3 1 8 5 9
SHQIPËRIA 6 2 0 4 3 9 6
GJEORGJIA 5 1 2 2 6 8 5
KAZAKISTANI 5 0 0 5 2 13 0

[Dick Johnson]

Varja Turqise, ekip koti...dhe ne me kot se ata. Keto kohe te erreta do te analizohen nga traineret e ardhshem te Kombetares per te korrigjuar gabimet e bera nga i gjithe ekipi. Megjithate, kjo s'do te thote se nuk mund te fitojme ne Greqi, bile sic thone, nganjehere luga mbushet me plot ne nje pjate bosh...pastaj, te gjitheve na e do zemra te mundim Tiaqinonidhis me shoke!

Fitoreeeeeee!

[Dick Johnson]

...ah, se harrova. Ik Brigel, Ik! Mirupafshiiiimm...shiiiimmm...Ik! Hajt! Ik! Mjaft! Ik!