"Media, stimuloni gazetarinë investigative"

[Shijaksi-London]

"Media, stimuloni gazetarinë investigative"

Lidhur me atë pjesë të Planit të Veprimit që ka të bëjë me funksionimin e një media demokratike në Shqipëri, Komisioni sugjeron mbajtjen parasysh të disa rekomandimeve. "Në terma afatshkurtra, duhet të inkurajohet gazetaria investigative dhe të merren masa për të mbështetur pavarësinë dhe gazetarinë profesionaliste", është rekomandimi i parë për këtë çështje. Ndërsa sipas tyre, në terma afatgjata duhet të inkurajohet zhvillimi i vazhdueshëm i një gazetarie cilësore. Komisioni sugjeron që Plani i Veprimit të jetë më konkret rreth perspeektivës së forcimit të Këshillit Kombëtar të Radio-Televizionit. Ekpertët vlerësojnë se shuma e detyrave të lëna për KKRT është mbresëlënëse, por kjo arrihet vetëm me plotësimin e stafit për këtë institucion. Të gjitha këto sugjerime vijnë në një kohë që në Parlamentin Shqiptar ka rinisur debati për hartimin e një ligji për median. Disa iniciativa të propozuara që kanë të bëjnë me vendosjen e çmimeve dysheme dhe ndarjen e medias nga bizneset, ende nuk janë pranuar që të merren si kritere nga parlamentarët. Në të njëjtën kohë, parlamentarët dhe disa NGO në Shqipëri kanë kërkuar që të hiqen nga kodi i procedurës penale nenet për shpifjen gjë që nuk ekziston në legjislacionet e vendeve të tjera evropiane.