Tregtarët e religjionit

[iliria e para]

Agon Hamza

Në psikoanalizën Lacaniane, simptoma definohet si “kthimi i së vërtetës së shtypur”. Subjekti e shtyp/ndrydhë një akt ose moment traumatik në të pavetëdijshmen e tij, i cili ka ndodhë në të kaluarën, duke kujtuar se e ka harruar apo zhbërë atë ndrydhje. Mirëpo, ajo kthehet te ai pikërisht në drejtimin e kundërt me shtypjen që i ka bërë subjekti momentit traumatik. Në këtë kontekst, duhet të kuptohet rritja e islamizmit radikal në Kosovë.


Gjatë gjithë periudhës së pasluftës, kur në Kosovë filluan të shfaqen mjekrrat e gjata, pantollonat e shkurtëra, dhe vajzat e reja të mbuluara, është thënë se këta janë vetëm një pakicë shoqërore, se ata nuk duhet marrë seriozisht, janë njerëz të kësaj apo asaj katëgorie shoqërore. Arsyetimi tjetër është: nëse flasim publikisht për rritjen e radikalizmit islamik, atëherë i shërbejmë argumentit të Serbisë se në rast të pavarësisë, Kosova do të bëhet vend islamik. Dhe, në këtë mënyrë, e kemi ndrydhur përceptimin për rritjen e fenomenit të quajtur islamizëm radikal (siç po quhet tani).

E gjithë kjo mund të kuptohet vetëm nëpërmjet kuptimit të rrethanave shoqërore, të cilat kanë ndikuar në rritjen dhe forcimin e islamizmit radikal. Rrënjët e fesë janë në krizat shoqërore, dhe krizat shoqërore janë faktori kryesor që ndikojnë në rritjen dhe radikalizimin e fesë si të tillë.

Të gjithë kanë ardhur në një konkludim të përbashkët rreth rritjes së islamizmit radikal: Kosova gjendet në krizë të madhe ekonomike, sociale e kulturore, dhe rrjedhimisht, në një hapësirë ku ideologjia sunduese e hup forcën kohezive, është e lehtë të manipulohen strukturat e varfëra shoqërore. Agjentët fetarë të këtyre sekteve, po e shfrytëzojnë jashtëzakonisht mirë hapësirën shoqërore për propagandimin e fesë.

Krizat shoqërore në Kosovë veçse po rriten, e me to edhe varfëria dhe mungesa e perspektivës. Shpëtimi kërkohet në fenë. Marxi thotë në një vend se “varfëria fetare është në të njëjtën kohë shprehja e varfërisë së vërtetë dhe protesta kundër kësaj varfërie të vërtetë”. Në këtë sens, rritja e besimit fetar në Kosovë duhet të kuptohet vetëm në këtë mënyrë: si protestë kundër varfërisë ekonomike, shoqërore e kulturore. Feja është “thirrja e qenies së shtypur”.

Duke u ofruar shpëtimin në realitetin qiellor/mbinjerëzor, ata nuk bënë gjë tjetër veçse e nënshtruan njeriun edhe shiprtërisht. Pafuqia e masave të shtypura ekonomikisht e politikisht, për ta avancuar pozitën e vet, i bëri ato që të kërkojnë shpëtimin te feja, te dogma. Kjo veçse e athellon pafuqinë e njeriut. A nuk duhet t’ia lëmë qiellin hipokrizisë fetare, e ne të merremi me tokën dhe problemet reale të jetës sonë?

Argumenti i islamistëve radikalë është se Islami është alternativa ndaj jetës së korruptuar e të degjeneruar perëndimore, ndaj imoralitetit materialist dhe si shpresa e fundit për rikthimin e autoritetit të fesë në shoqëri. Këtë argument, “agjentët fetarë” po e shfrytëzojnë jashtëzakonisht mirë në Kosovë në rekturimin e “besimtarëve” të rinjë.

Në vetë esencën e vet, feja është dogmë. Siç thotë Marxi, njerëzit kanë krijuar përfytyrime imagjinare per vetveten, për atë se ç’janë e se ç’duhet të jenë, kanë krijuar përfytyrime për Zotin, për njeriun normal, etj. Tragjedia është se “pjellat e kokës së tyre janë bërë më të forta se vet ata”. Krijuesit e këtyre përfytyrimeve janë përgjunjur para krijesave të tyre. Kështu po ndodhë edhe në Kosovë. Fanatikët fetarë (si muslimanët, ashtu edhe të krishterët) po bëhen çdo ditë e më agresivë.

Çdo herë që dikush që e kritikon fenë, ballafaqohet me një reagim brutal shoqëror. Kritika ndaj fesë është simbolikisht e ndaluar, dhe për këtë, thirren në lirinë fetare, e cila është ndër të drejtat dhe liritë themelore të njeriut. Liria fetare domosdoshmërisht nënkupton lirinë për ta kritikuar fenë. Në anën tjetër, na thuhet se duhet të jemi tolerant ndaj fesë. Toleranca ndaj fesë e nënkupton pikërisht kritikën ndaj saj. Toleranca ndaj fesë nuk është nënshtrimi ndaj sekteve fetare, e as ndaj fesë në përgjithësi.

Kosova është tregu më i favorshëm për ‘tregëtarët e religjionit’. Religjioni po tregëtohet shumë lehtë. Ata janë gjithkund, dhe janë të të gjitha feve. Mjafton të përmenden njerëzit me mjekrra dhe pantollona të shkurtëra, vajzat e mbuluara me shami dhe rritja e protestantizmit. Asnjëra nga këto nuk ka pasur histori në Kosovën e paraluftës.

Sektet islamike radikale tani më janë dhe veprojnë në Kosovë. Pas zgjidhjes së statusit politik, besoj se hapi i tyre i ardhshëm do të jetë tentimi pwr inkuadrim në jetën politike. Kjo duhet jo vetëm të pengohet, por me çdo kusht të pamundësohet. Ndër detyrat kryesore të qeverisë duhet të jetë definimi i qartë i sekularizmit, duke e përjashtuar çdo mundësi keqkuptimi apo keqinterpretimi. Feja është çështje private e çdo individi. Liria publike nuk duhet rrezikuar aspak nga institucionet fetare. Ato duhet të merren vetëm me fenë. Ky duhet të jetë hapi i parë i domosdoshëm që vendi ynë duhet ta ndërmerrë, sepse, kjo liri është duke u rrezikuar për çdo ditë e më shumë.
Ekziston një shembull të cilin nuk duhet ta përcjellim: Serbia dhe ndikimi i kishës ortodokse serbe në jetën shoqëroro-politike. Edhe Serbia është vend sekular, në aspektin formalo-juridik. Mirëpo, praktikisht, dihet se ç’bëhet. Kosova nuk duhet ta bëjë këtë gabim. Në duhet që edhe praktikisht, t’ia pamundësojmë aktivitetin fetarë, të gjitha feve, jashtë institucioneve fetare. Sekularizmi duhet të jetë strikt. Baza formalo–juridike duhet të shërbejë si mjet nëpërmjet të cilës sekularizmi duhet të ruhet me fanatizëm nga fanatikët fetarë.

http://agonhamza.blogspot.com/2007/0...ligjionit.html

[iliria e para]

Sektet islamike radikale tani më janë dhe veprojnë në Kosovë. Pas zgjidhjes së statusit politik, besoj se hapi i tyre i ardhshëm do të jetë tentimi për inkuadrim në jetën politike.....

Ky tekst eshte shkruajtur nga koha kure Kosova ende nuk kishte shpallur pavarsine.
Parti te reja po formohen...

[mesia4ever]

Shqiptaret (ne Shqiperi, Kosove, Maqedoni) heret a vone (edhe nese merr dekada) do t'i kthehen besimit krishter sepse do ta kuptojne se shpetimi i shoqerise dhe kombit vjen nga besimi krishter dhe ska kurrfare rreziku nga krishterimi, perkundrazi vetem te mira dhe begati, eshte qeshtje kohe. Une s'jam as per materializem perendimor, as edhe per xhihadizem me dinamit rreth trupit se ato sjellin vetem shkatrrim, por jam per kthim ne te verteten.

Tani organizatat 'bamirese' islamike po mundohen t'i indoktrinojne njerzit duke keqperdorur gjendjen e tyre ekonomike, por nuk do ju shkoje gjate se shqiptaret jane duke mesuar te verteten rreth islamit.

Kritika ndaj fese?! Vet Kurani e Hadithet jane 'kritike' ndaj fese, ska nevoje te kritikohet por vetem te ofrohen shkrimet islamike dhe kuptohet e verteta rreth feve. Kush e ka mendjen e mbyllet dhe shpirtin e verber nuk i sheh.

[mesia4ever]

Se pari dua te identifikohem. Jam nje i Krishtere.
Po hap nje teme te re, e cila ka te beje me mundesine qe shqiptaret jo te Krishtere te konvertohen ne fene e te pareve, pra ne Krishterimin Bazik Biblik. Kjo teme nuk besoj se shkel tolerancen fetare sepse une hedh idene e kthimit te vullneteshem te te gjithe muslimaneve, bektashinjve, katolikeve etj.,ne besimin e Shenjte Krishter.
Une po paraqes ketu rrugen qe duhet ndjekur:

-Paraqituni ne ndonje Kishe Krishtere te qytetit apo fshatit tuaj dhe merrnin kontakt me prifterinjte te cilet do t`ju udhezojne se si te veproni. Ju siguroj se do te jeni shume te mirepritur. Atje do te mesoni shume per fene tone te vertete. Atje edhe do te pagezoheni ne emer te ATIT, te BIRIT e te SHPIRTIT te SHENJTE, dhe do te merrni hir mbi hir,bekimin brez pas brezi dhe shpetimin dhe ringjalljen diten e fundit.

Per Shqiperi Kosove, ju lutem drejtohuni tek Kishat Krishtere qe bazohen vetem ne Bibel dhe qe nuk kane shpikur doktrina nga vetja e tyre, qe nuk i luten njerezve apo nenes se Jezusit apo kinse disa 'shenjtore' te pikturuar ne piktura. Vetem Perendia eshte i shenjte dhe vetem Ai duhet te besohet. Hiqni dore nga doktrinat e rreme, profetet e rreme dhe budallalleqet e tyre, ato jane islami, mormonizmi, D. (e rreme) te Jehovait etj. etj. me tonelata, thjesht beso vetem Librin e Perendise, Biblen

Ju lutem ndiqni Rrugen e Vertete. ZOTI ju ndihmofte dhe bekofte kerkimin drejt te Vertetes.

Pershendetje!
Mund te me kontaktoni ne emailin tim mesia4ever, per çdo rast. Do te pergjigjem me kenaqesi ne cdo email

Kaloni mire