Incident mes rojeve detare greke dhe anijes së peshkimit

[GiSHteZa]

"Kufitarët grekë donin të na vrisnin"

SARANDË- “Ata qëlluan për të na vrarë". Kështu shprehen në një intervistë për gazetën “Shekulli” tre peshkatarët sarandiotë të peshkarexhës “Tre vëllezërit”, të cilët dy ditë më parë u qëlluan me breshëri arme, në ujërat tona territoriale, nga kufitarët grekë. Vëllezërit Kreshnik e Dritan Çela, pronarë të peshkarexhës dhe peshkatari Kostaq Kacorri, siç tregojnë, ishin duke bërë gjuetinë e radhës në afërsi të Vivarit në Butrint, zonë ku ata gjuajnë zakonisht. Ata thonë se rreth 20 minuta ishin nën breshërinë e zjarrit të tyre, gjë që ka zgjatur deri sa u afruan rreth 500 metra nga bregu ynë. "Zjarri ka ndalur, kur u lidhëm me kapitenerinë, me policinë tonë kufitare dhe kapitenin e saj Asim Canaj",- thotë Dritan Çela. Peshkarexha ka marrë rreth 50 plumba, të cilat e dëmtuan në pjesën fundore. Plumbat e dëmtuan atë poshtë tek vija e ujit, me qëllim që ne të mbyteshim, tek direku, në frigorifer, si dhe tek radari. Për fat, nuk u plagos njeri, dhe ata e quajnë një fat të madh që mbërritën në mol pa marrë plagë në trup. Dritan Çela, një nga pronarët e peshkarexhës, ka dhënë këtë intervistë për gazetën.

Cfarë lloj peshkimi bënte kjo varkë?
Kjo bën peshkim me tratë ose peshkim fundor. Varka është e licensuar me të gjithë dokumentacionin e rregullt. Ne kemi 3 vjet që punojmë me të. Varka është blerë në Greqi dhe e kemi lënë me atë emër që e kemi blerë atje, "Tris adherfia", që do të thotë “Tre vëllezërit”, se dhe ne tre vëllezër jemi. Por në fakt, nga sot, nuk i vlen ai emër. Kemi lënë emrin grek për të parandaluar incidente të tilla, por ata prapë vijnë e na ngacmojnë në punën tonë. Në qoftë se nuk merr ndonjë masë shteti, ne do t'u kundërpërgjigjemi siç na u përgjigjën ata.
Pse mendoni që këta janë nga Korfuzi?
Nuk ka dyshim që ishin nga Korfuzi. Na kanë qëlluar për të na vrarë drejtpërdrejt dhe për të mbytur varkën, sepse kanë qëlluar në vijën e ujit të varkës.
Keni ndonjë dyshim se nga vjen ky inat?
Ky inat vjen nga peshkatarët e grekut, nga xhelozia profesionale e tyre për ne. Ata duan që ta kenë vend të tyre gjuetie këtë dhe nuk na lejojnë ne të gjuajmë. Ne gjuajmë ditën, ata futen natën gjuajnë për hesap të tyre në ujërat tona. Kjo vjen nga që ne nuk kemi mjete për t'i ruajtur ato. Kemi thjesht dy kamardare.
Ju kishit armë me vete?
-Ata pandehën kështu. Grekët vinin për të na qëlluar neve dhe ne ua drejtonim në drejtim të kundërt varkën, Po ata trembeshin se mos kishim edhe ne armë, ndaj dhe nuk na ndoqën. Ligji nuk na lejon të mbajmë armë dhe ne e respektojmë atë. Por nëse shteti nuk bëhet i gjallë, do të detyrohemi të blejmë armë nga më të sofistikuarat.
Ka ndodhur tjetër herë një ngjarje e tillë?
Ky është një incident që ndodh gjithnjë mes nesh dhe atyre. Me aq vite sa kam unë në det, kjo mund të jetë dhe hera e 50 që ndodh kështu. Jo vetëm me ne, por edhe me peshkatarë të tjerë. Vetëm një javë më parë i njëjtti skaf goditi disa herë në ajër me armë duke terrorizuar peshkatarët pak metra më larg nga vendi ku ndodhi incidenti i dy ditëve më parë.
Çfarë kërkoni nga shteti shqiptar?
Kërkojmë marrjen e masave nga qeveria shqiptare, pasi jemi të rrezikuar dhe të pambrojtur në ujërat tona dhe përsëritja e rasteve të tilla po kthehet në një pushtim që po i bën peshkimit policia detare e Korfuzit.
Ata duhet të penalizohen, pasi kanë shkelur në ujërat tona në kuadratin C. Ata meritojnë të penalizohen edhe për dëmtimin e varkës, që llogaritet në të paktën 10 milionë lekë.

[Hyllien]

Peshkataret ne Sarande: Do bllokojme tragetet greke, deri ne nje sensibilizim te qeverise

Lajmi i ores 6:10 PM



arkiv
SARANDE (12 Shkurt) - Pas goditjes se peshkarexhes shqiptare "Tre vellezerit", ne ujrat tona territoriale Shoqata e Peshkatareve Sarande, qe ka ne gjirin e saj rreth 80 peshkatarem, kane protestuar diten e sotme ne molin e ketij qyteti per te sensibilizuar autoritetet shteterore. Sipas tyre, ne rast se autoritetet shteterore nuk do te reagojne, atehere anetaret e shoqates se peshkatareve do te bllokojne me varkat te gjitha tragetet greke, duke mos i lejuar ato qe te ankorohen ne portin e Sarandes. Nje nga peshkataret rrefen se me barken e tij "Eleni" eshte goditur tre here nga plumbat e rojes bregdetare greke, teksa ka qene duke peshkuar ne ujrat tona territoriale ne kanalin e Korfuzit. bm/bm(/BalkanWeb)

[Hyllien]

Një ditë pasi skafi grek goditi peshkarexhën shqiptare, policia kërkon takim me homologët e Korfuzit

"Grekët qëlluan për të na vrarë"
Sarandë, flet peshkatari: Kufitarët, 20 minuta luftë


--------------------------------------------------------------------------------

Ani Mile


SARANDE

Për afro 20 minuta kanë parë tmerr me sy, ndërsa tani falënderojnë Zotin që janë gjallë. Megjithëse kanë kaluar më tepër se 24 orë nga incidenti me anijen shqiptare të peshkimit "Tris adherfi" (Tre vëllezërit) në kanalin e Korfuzit, ende ekuipazhi i saj e quan me fat që janë gjallë, duke e konsideruar këtë "një jetë të dytë". Anija, sipas marinarëve shqiptarë, gjuante me tratakoca në kuadratin C, rreth 600 metra larg brigjeve shqiptare, por sipas rojeve bregdetare greke ajo kishte shkelur ujërat territoriale të Greqisë dhe duhej të shkonte në Korfuz për t'u bllokuar e penalizuar nga shteti helen. Ndërkohë dje prokuroria e Sarandës ka nisur hetimet dhe ka bërë edhe këqyrjen e anijes, e cila i ka të dukshme gjurmët e plumbave të mitralozit të rojeve bregdetare greke në trupin e saj, në xhamat e kabinës dhe në pajisjen e radarit, e cila ka dalë jashtë përdorimit. Pas këtij incidenti, policia e Sarandës ka bërë të ditur se me kërkesën e saj do të zhvillojë një takim me policinë e Korfuzit, për të sqaruar rrethanat e ngjarjes. Ndërkohë, kryetari i Shoqatës së Peshkimit në Sarandë, Fatmir Ruçi, ka bërë të ditur se do t'i dërgojë një letër të hapur Presidentit Moisiu, ministrit të Rendit e atij të Jashtëm, të cilëve do t'u kërkojë dhënien fund të këtyre incidenteve. Po dje, në një intervistë për Gazetën, motoristi i peshkatores "Tre vëllezërit" Dritan Çela ka treguar incidentin dhe rrezikun për t'u vrarë apo mbytur nga mitralozi i anijes kufitare greke.

Kur u nisët për peshkim?
U nisëm në orën 05.00 të së enjtes dhe për këtë njoftuam kapitenerinë e portit të Sarandës, si dhe për vendin ku do të peshkonim. Ky vend është në kuadratin C, fare pranë gjirit të Butrintit, pranë Bukës së Vivarit.

Çfarë ndodhi më pas?
Pasi kishim bërë rrethimin e vendit me rrjeta fundore dhe po bëheshim gati të mblidhnim rrjetat, na u afrua një motoskaf grek i rojeve bregdetare. Ata erdhën një metër larg nga anija jonë dhe na kërkuan të shkonim me ta, "sepse kishim hyrë në ujërat territoriale greke". Ne dhe të tjerë peshkatarë nuk është hera e parë që peshkojmë në kuadratin C në ujërat tona. Grekëve u thamë se "nuk shkonim me ta, pasi ne jemi në ujërat tona". Ata na bënë presion dhe erdhën rrotull anijes sonë. Pastaj qëlluan në ajër. U trembëm, por më shumë u tmerruam kur ata qëlluan drejtpërdrejt në anije për të na vrarë. U shtrimë menjëherë dhe vetëm fati na ka shpëtuar nga plumbat e mitralozit.

Si vepruat pasi u hap zjarr kundër jush?
Kapiteni, vëllai im, Kreshnik Çela, hyri menjëherë brenda dhe u lidh fillimisht me kapitenerinë e Sarandës për t'u komunikuar me radio se çfarë po ndodhte. Njoftuam menjëherë Policinë tonë Kufitare, së cilës i thamë të njëjtën gjë dhe i kërkuam ndihmë. Skafi grek, pa parë se çfarë shkaktoi, të vdekur apo të plagosur, u largua pas një "lufte" prej 20 minutash. Vetëm në kabinë janë gjurmët e të paktën 6 plumbave të mitralozit.

Si ndiheni tani?
Jemi të kërcënuar. Them që e kemi një jetë të dytë. Por, shteti duhet të vërë dorë një herë e mirë. Ç'rrugë na mbetet neve? Ose të bëjmë luftë edhe ne me armë në ujërat tona, ose të rrimë pa punë në shtëpi.