Hipnotizem

[s0ni]

Jam duke lexuar librin Dianetics nga Ron Hubbard i cili nga te shumtat tema flet dhe per hipnotizmen.
Nuk kam dijeni ne kete fenomen sepse eshte hera e pare qe lexoj mbi te, dhe dua te di c'mendoni e c'fare dini
ju rreth hipnotizmes. Se shpejti do mundohem te sjell mendimet e Hubbard ketu por deri atehere shpresoj qe dhe ju te sillni mendimet e juaja.

Jeni te mirepritur

[Mina]

Une mendoj se eshte eksplorimi i pavetedijes ne gjendje transi.

[good devil]

hypnotizimi eshte kontrollim i mendjes pak a shum, nje nga perdorjet e hypnoses eshte per te zbuluar gjera ose memorje qe mund te jen te repressionuar nga traumat.

shikone kte me vemendje per disa minuta dhe perqendrohuni

[armandovranari]

soni lexo kete teme:
pershendetje
http://www.forumishqiptar.com/showthread.php?t=15799

[helene]

good_devil ti thua shikoni kete dhe prishni syte:P

[hysnib]

HIPNOZA

Hipnoza është një gjendje e ndryshuar e ndërgjegjes që karakterizohet nga një sugjestionishmëri e lartë.Hipnoza ka të bëjë me krijimin e një gjendjeje ëndërrore të njerëzit nëpërmjet pëdorimit të sugjestionit gojor.Hipnoza dikur mendohej se qe një formë e fjetjes(fjala hipnozë vjen nga fjala greke për ”gjumë”),por prova të kohëve të fundit nga eksperimente me EEG tregojnë se modeli i valës trunore të personit të hipnotizuar është i ngjashëm me tipe të ndryshme të gjendjes së zgjimit dhe jo të gjumit.Duhet përmendur se jo të gjithë e konsiderojnë hipnozën si një gjendje të ndryshuar të ndërgjegjes,disa sygjerojnë se ajo është thjesht një gjendje normale në të cilën personi është jashtë mase i motivuar për të vepruar në përputhje me kërkesat e të tjerëve.Nga fundi i shekullit XVIII,një mjek nga Vjena,Franz Anton Mesmer,demosroi një teknikë të quajtur magnetizmi trupor,në të cilën në një vaskë uji,shufra të magnetizuara prodhonin një rrymë elektrike që jepte goditje krize te pacientët.Mesmerismi më vonë u bë i njohur si hipnotizëm meqë theksi u kalua te krijimi i një gjendje të ndryshuar të ndërgjegjes nëpërmjet sugjestionimit gojer.Nga fundi i shekullit XIX,mjeku francez Jean Charcot mendonte se ,hipnoza ishte një mënyrë për ti ndihmuar njerëzit që të shtendoseshin.Zigmund Froidi e shfrytëzoi hipnozën si një mënyrë për të analizuar mëndjen e pandërgjegjshme(rruga tjetër ishte nëpërmjet ëndërrave).Sidoqoftë,ai arriti në përfundim se hipnoza nuk ishte aq e efektshme sa metoda të tjera dhe kështu e braktisi përdorimin e saj.
Teknikat dhe ndjeshmëria.Ka shumë teknika që përdoren për të shkaktuar hipnozën;shumica e tyre kanë disa veçori të përbashkëta.Mjedisi duhet të jetë i tillë që të shtendosë njeriiun dhe të eliminojë çdo lloj frike.Zakonisht ka diçka te e cila personi e përqëndron vëmendjen.Ajo mund të jetë një objekt ose një tingull i përsëritur.Hipnotisti jep personit në mënyrë të përsëritur sugjestionimin se ai ndjehet rehat dhe është i shtendosur;ai kontrollon që të sigurohet se personi është i qetë kur hynë në gjendjen e hipnozës.Janë të disponueshme disa prova ndjeshmërisë hipnotike,si p.sh.,shkalla e ndjeshmërisë hipnotike e Stanfordit dhe shkalla e sugjestionimshmërisë e Baberit.Këto prova përmbajnë disa detyra që identifikojnë ndjeshmërinë e një individi.Të tilla janë p.sh.,ato ku kërkohet që personat të mbyllin sytë,të ulin dorën dhe të reagojnë ndaj sugjestionimi pas hipnotik.Ka ndryshime të mëdha në ndjeshmërinë e individëve ndaj hipnotizimit dhe psikologët nuk kanë identifikuar ende një personalitet të qartë ”të hipnotizueshëm”.Kur njerëzit janë të hipnotizuar,gjendja e tyre e ndryshuar e ndërgjegjes karakterizohet nga një shtim i jashtëzakonshëm i hapjes së tyre normale ndaj ndikimit të sugjestionimit.Ernest Hilgard(1975) njoftoi se personat më të përshtatshëm për hipnozë janë ata që kanë imagjinatë të mirë dhe aftësinë për të fantazuar.
Teoritë e Hipnozës.Ka disa teori të hipnozës,ku përfshihen teoria e gjendjes ëndërrore,teoria e rolit sociologjik dhe teoria e motivimit nga detyrat(Wallace dhe Fisher,1987).Sipas teorisë së gjendjes ëndërrore,hipnoza lidhet me një gjendje të ndryshuar të ndërgjegjes në të cilën personi është në një gjendje të lartësuar sugjestionimshmërie(Hilgard,1979).Hilgard sugjeronte në teorinë e tij të rindarjes se ndërgjegja mund të ndahet në disa rrjedha të mendimit që janë pjesërisht të pavarura nga njëra-tjetra.Personi i hipnotizuar nuk është i vetëdijshëm për të gjitha ngjarjet që ndodhin në secilin nga nivelet e ndërgjegjes.Teoria e rolit sociologjik e Sarbin dhe Coe(1979) ppohon se,personat e hipnotizuar janë në gjendje normale të ndërgjegjes dhe përpiqen të arrijnë objektivat e rolit që u është vendosur nga hipnotizuesi dhe shoqëria.Barbe gjithashtu argumentonte në teorinë e motivimit nga detyrat,se hipnotizimi nuk është një gjendje e ndryshuar e ndërgjegjes,por më tepër një gjendje normale e ndërgjegjes në të cilën personi është i motivuar tu përgjigjet sugjestionimeve të hipnotizuesit.Deri tani,ende nuk është rënë dakort për një teori të vetme për hopnozën.
Përdorimet e hipnozës.Hipnoza është përdorur për një shumëllojshmëri qëllimesh,siç janë kontrolli i dhimbjeve,ndryshimi i sjelljes,përmirësimi i kujtesës dhe modifikimi i perceptimit.Në shekullin XIX hipnoza përdorej si anastezi për pacientët që operoheshin,por me daljen e drogave anastezike hipnoza nuk u përdor më ppër këtë qëllim.Ajo është përdorur me sukses për të pakësuar dhimbjet gjatë lindjes.Hilgard dhe Hilgard(1983) sugjeronin se,hipnoza e lejon individin ta ndajë ndërgjegjen në dy nivele dhe se në hipnozë,dhimbja nuk përjetohet në një nivel të ndërgjegjshëm të vetëdijes.Një nga përdorimet më të zakonshëm të hipnozës ka qenë për të kontrolluar problemet e sjelljes së përditshme,siç janë pirja e duhanit dhe ngjallja.Duke bërë sugjestionime se pirja e duhanit dhe ngrënia jashtë mase është e dëmshme për shëndetin,dhe duke inkurajuar një imazh pozitiv për veten.hipnotizuesit janë në gjendje ti ndihmojnë njerëzit që të ndryshojnë zakonet e këqia.Anderson(1985) zbuloi se,përdorimi i hipnozës për të kontrolluar ngjalljen ishte më i suksesshëm kur personat ishin më të ndjeshëm,sipas matjeve në shkallën e ndjeshmërisë hipnotike të Stanfordit dhe kur hipnoza përdorej së bashku me teknika të tjera të modifikimit të sjelljes.Kjo për shkak të prirjes së disa individëve për t`iu rikthyer zakoneve të padëshirueshme.
Hipnoza është përdorur gjithashtu për të ndihmuar individët që të kujtojnë ngjarjet e shkuara.Psikologët kanë hipnotizuar dëshmitarë për ti ndihmuar ata që të kujtojnë detajet e një krimi.Në disa raste dëshmitari trillon informacion (ose ndikohet nga sugjestionimet e hipnotizuesit),ndërsa në raste të tjera kjo procedurë ka siguruar informacion me vlerë(Sheehan dhe Tilden,1983).Një studim i kohëve të fundit nga MckKonkey dhe Kinoshita (1988) zbulonte se,personat e hipnotizuar ishin në gjendje të kujtonin një numër shumë më të madh fotografish,që u ishin treguar një javë më parë,sesa personat që nuk u hipnotizuan.
Në një teknikë të diskutueshme të quajtur prapavajtje moshore hipnotike,një individi të hipnotizuar i kërkohet të kujtojë informacion rreth ngjarjesh të ndodhura në një datë shumë më të hershme(p.sh.,gjatë fëmijërisë).Ndonëse ky përsorim i hipnozës nuk jep gjithmonë efekte pozitive,kjo gjendje e ndryshuaar e ndërgjegjes vazhdon të zgjojë interesin e psikologëve.