TIRANE
Xhelozia mes dy femrave për të njëjtin djalë ka bërë që ai të përfundojë në burg dhe të gjykohet jo në një gjykatë do si do, por pikërisht te gjykata e Krimeve të Rënda. Historia që i ngjan telenovelave me subjekte nga vendet amerikano-latine në fakt e ka zanafillën në në vitin 2003 në fshatin Hysgjokaj të Lushnjës dhe ka protagonist 28-vjeçarin Besnik Xhepexhiu. Në fillim të vitit 2003 Xhepexhiu është njohur me 16 vjeçaren Fatjona Leka, banore e fshatit të tij. Pasi i kanë dhënë fjalën njëri-tjetrit për martesë ata kanë bashkëjetuar për rreth katër muaj së bashku në qytetin e Lushnjës. Pak kohë më vonë Xhepexhiu njihet edhe me 21-vjeçaren Fatbardha Elezi nga fshatrat e Elbasanit, e cila punonte në lokalin e motrës së vet në fshatin Hysgjokaj.
Kurthi
Tre muaj pas njohjes Xhepexhiu dhe Elezi i shprehin dashurinë njëri-tjetrit dhe vendosin të martohen. Pak ditë më vonë 21-vjeçarja merr vesh se i dashuri i saj ishte i fejuar me Lekën dhe do martohej me të. "Unë e futa në kurth Besnikun, -dëshmoi ajo para pak ditësh në Gjykatën e Krimeve të Rënda. Në fillim e ftova të pinte ndonjë gotë në loaklin e motrës time. Aty i dhashë të pinte konjak me hi cigareje dhe pasi e deha shkova me të. Ditën tjetër kur i doli pija i thashë se kisha mbetur shtatzanë me të dhe se do martohesha patjetër, ose përndryshe do e denoncoja".
Denoncimi
Prindërit e Elezit, të vënë në dijeni nga e bija, i vënë kusht Besnikut duke i lënë një javë kohë që të martohej me vajzën e tyre. Ata nuk pranuan kompromis as edhe në momentin që ky i ofron një shumë të madhe parash Elezit për të rritur fëmijën. Nën presionin e vazhdueshëm ai vendos dhe martohet me Elezin. Dy javë më pas 28-vjeçari takon sërish në rrugë të fejuarën e tij të mëparshme dhe i thotë se kishte planifikuar të divorcohej nga Elezi dhe të martohej me të. Kjo bisedë e acaron vajzën dhe pasi shkëmbejnë fyerje me njëri-tjetrin Xhepexhiu e qëllon. Pas kësaj ajo e denoncon në polici për rrahje dhe më pas e shtyrë nga xhelozia shton se ai e kishte shfrytëzuar si prostitutë në Greqi. Vetëm kjo u desh që 28-vjeçari të përfundonte nën pranga dhe të mbyllej në qelitë e Lushnjës. Pak ditë më parë para Krimeve të Rënda ishte vetë kjo që pohoi se denoncimin e kishte bërë për shkak të xhelozisë. Kjo solli edhe tranferimin e procesit në gjykatën e Lushnjës. Por kjo e fundit vendosi ta kthejë përsëri këtë çështje te Krimet e Rënda, për shkak se vajza mund të ishte tërhequr nga frika dhe akuza do të ndiqej kryesisht.
I pandehuri: Prokurori më shau nga nëna, gruaja e motra
TIRANE - "Zoti gjyqtar, prokurori Ardian Nezha më shau në pushimin e seancës së kaluar të gjyqit nga nëna, gruaja dhe motra, prandaj kërkoj që të largohet ky prokuror nga kjo çështje dhe të vijë një tjetër". Kjo ishte kërkesa e djeshme e paraqitur gjykatës së Krimeve të Rënda nga i pandehuri Dashamir Sllatina, shqiptaro-maqedonas e akuzuar për "grabitje". Pas kësaj gjykata vendosi që të shtynte seancën për më datë 23 shkurt duke i dhënë kohë të pandehurit t'iu paraqesë kërkesën eprorëve të prokurorit. Seanca e djeshme u ndoq edhe nga një konsull maqedonas
Përgjigju Duke Cituar
Postuar më parë nga Shpirt Njeriu
Krijoni Kontakt