Marëveshje midis BE dhe qeverisë shqiptar për liberalizimin e vizave

[land]

Ehuuuuuuu, fjalet e shumta jane fukarallek more djale;
Zoti ju ka dhene 5 shqisa dhe nje goje te shkrete, qe te informoheni ne menyre te shumfishte dhe nga cdo pikepamje para se te flisni nje here!!! Ju me duket se nuk i perdorni fare shqisat; sa here duhet ta postoj karten e te drejtave te njeriut ketu??? Hapini syte more djale, lexojeni mire(te pakten nenin 13) pastaj na tregoni barcaleta... Nese keni veshtiresi te kuptoni shqip, ma thoni, se ua perkthej ne cdo gjuhe qe mund ta keni me te thjeshte!
Gjithe te mirat!

[Lioness]

Ehuuuuuuu, fjalet e shumta jane fukarallek more djale;
Zoti ju ka dhene 5 shqisa dhe nje goje te shkrete, qe te informoheni ne menyre te shumfishte dhe nga cdo pikepamje para se te flisni nje here!!! Ju me duket se nuk i perdorni fare shqisat; sa here duhet ta postoj karten e te drejtave te njeriut ketu??? Hapini syte more djale, lexojeni mire(te pakten nenin 13) pastaj na tregoni barcaleta... Nese keni veshtiresi te kuptoni shqip, ma thoni, se ua perkthej ne cdo gjuhe qe mund ta keni me te thjeshte!
Gjithe te mirat!

Banished, kujdes me ofendimet ndaj anetareve, se po e perseris edhe njehere, qe nuk eshte e jystifikuar.

Meqe ke bere mundimin dhe ke sjelle te gjithe Deklaraten, pa na thuaj sa zbatohen nenet e tjera? Lere menjane Nenin 13, por duke filluar qe nga neni i pare e me rradhe, fatkeqesisht, qe nga krijimi i Deklarates, mund te sjellim nje enciklopedi me shembuj per te ilustruar faktin qe ato "ligje" per shume shtete jane thjesht fjale ne leter. Dhe sic e kam thene edhe njehere, cdo shtet rezervon te drejten e tij sublime dhe sovrane te krijoje ligje qe te mbroje kushtet e jeteses, dhe te drejtat e nenshtetaseve te tij. Gje qe behet e qarte ne Artikullin 3 te EU Convention.
Keshtu qe para se t'u ofrosh te tjereve me aq bujari serviset tuaja per perkthime, perktheni njehere artikullin 3, thjesht per njohuri personale.

PS: Ne nje nen-forum tjeter, "Sa ilire jemi" nuk keni lene gje pa thene per Europen, BE, qe jane 20,000 vjet mbrapa ejtetjetj. Nqs ai eshte kendveshtrimi juaj per BE, pse atehere insistoni qe duhet te keni te drejten te hyni e te dilni si t'u doje qejfi?! Personalisht, idete tuaja me duken pak ipokrite, kur nuk keni respekt per historine, institucionet, nocionet e BE, dhe ne te njejten kohe kerkoni qe BE t'u presi me krahe hapur!!!

[Albo]

Liberalizimi vizave, ja kategoritë që përfitojnë nga marrëveshja

Nga Armand Maho

Qeveria ka miratuar dje në parim Marrëveshjen ndërmjet Republikës së Shqipërisë dhe Komunitetit Europian për lehtësimin e regjimit të vizave. Marrëveshja që pritet të hyjë në fuqi në fundin e dhjetorit 2007, ose fillimin e janarit 2008, parashikon reduktim maksimal të vizave për një kategori personash, siç janë studentët, biznesmenët, gazetarët, familjarë të qytetarëve shqiptarë me banim të ligjshëm në vendet e BE-së apo funksionarë dhe pjesëtarët e delegacioneve zyrtare. Marrëveshja parashikon mekanizma lehtësimi për marrjen e vizave, por edhe pagesa më të ulëta për qytetarët shqiptarë, në çdo seli ambasade të vendeve të BE-së që ndodhet në Tiranë. Marrëveshja gjithashtu parashikon lëshimin e vizave afatgjatë me shumë hyrje dalje, një vjeçare, dy vjeçare deri në pesë vjeçare për kategoritë e përzgjedhura, si dhe për personat që kanë respektuar ligjet e migracionit për hyrjen, qëndrimin dhe daljen nga vendeve anëtare; heqjen e taksës prej për disa kategori të tjera; dhe reduktimin e afateve të pritjes.

Implementimi

Por hyrja në fuqi e marrëveshjes do të ndodhë vetëm kur ajo të ratifikohet nga të gjitha vendet anëtare të të BE-së. Sipas burimeve nga Ministria e Jashtme, marrëveshja e liberalizimit të vizave pritet të firmoset nga vendet anëtare të BE-së në bllok brenda muajve të vjeshtës së këtij viti sipas relacionit, me hyrjen në fuqi, marrëveshja në fjalë do të ketë vlerë mbi dispozitat e marrëveshjeve të tjera dy ose shumë palëshe në këtë fushë. Për monitorimin e zbatimit të marrëveshjes parashikohet krijimit i një Komiteti të Përbashkët ekspertësh.

Berisha

Kryeministri Sali Berisha e ka konsideruar dje firmosjën e marrëveshjes për lehtësimin e regjimit të vizave si një favor shumë të madh që Komuniteti Europian i bën Shqipërisë. Sipas tij, nga kjo marrëveshje përfitojnë institucionet zyrtare, ata që lëvizin për qëllime biznesi, të rinjtë dhe shoqëria civile. “Marrëveshja është negociuar dhe firmosur nga zoti Olldashi në Bruksel dhe pastaj është ndjekur nga ministria e Brendshme dhe ministria e Jashtme. Kjo është një marrëveshje që realisht i jep Shqipërisë një liberalizim shumë më të madh në raport me statusin në të cilin ajo ndodhet. Pra, ka patur një gjenerozitet të madh në kategoritë dhe dimensionet e lehtësimit. Në radhë të pare, lehtësime të mëdha pëson rinia shqiptare, që ajo të lëvizë më lirshëm, për të njohur hapësirën e Bashkimit Europian dhe vendeve anëtare. Përfitojnë institucionet zyrtare, por dhe ato të shoqërisë civile. Përfitojnë bizneset, si dhe ata që lëvizin për qëllime biznesi. Përfitojnë turistët, përfitojnë familjarët me bashkimin e tyre. Pra, përfitojnë të gjithë ata që lëvizin, sepse reduktohen taksat, përgjysmohen taksat. Faktikisht, kjo përbën një hap shumë të madh drejt realizmit të lëvizjes së lirë të plotë të vendit. Mendoj se masat që po merr qeveria me kontrollin e integruar të kufijve, modernizimin e pikave të kalimit, rritjen e shkallës së sigurisë, reformat, zhbllokimin e disa reformave shumë të rëndësishme, e bëjnë zbatimin e kësaj marrëveshje plotësisht të mundshme dhe sjellin avancimin e saj progresiv,” tha Kryeministri.

Kategoritë për të cilat reduktohet dokumentacionin për marrjen e vizave

Funksionarë, pjesëtarë të delegacioneve zyrtare; biznesmenët; gazetarët; përfaqësuesit e komuniteteve fetare;

pjesëtarët e programeve shkencore, kulturore, artistike dhe universitare;

nxënësit, studentët në udhëtimet e organizuara për qëllime studimore;

sportistët dhe shoqëruesit e tyre; turistët; përfaqësuesit e shoqatave jo-fitimprurëse dhe të OJQ-ve; përfaqësuesit e zejeve dhe profesioneve; përfaqësuesit e qyteteve të binjakëzuara; familjarët e afërt të qytetarëve shqiptarë me banim të ligjshëm në një nga vendet e BE; pjesëmarrësit në funerale civile dhe ushtarake; të përndjekurit politikë, që do të marrin pjesë në veprimtaritë e organizuara në kuadrin e statusit të tyre; shoferët e transporteve ndërkombëtare dhe trenistët e trenave ndërkombëtarë; rastet humanitare, psh të sëmurët dhe personat që i shoqërojnë; si dhe përfaqësuesit e komuniteteve fetare.

- Për këtë kategori personash hiqet dhe taksa e vizës prej 35 euro

Përfitojnë viza deri në 5 vjet

- Anëtarët e Këshillit të Ministrave

- Anëtarët e Gjykatës Kushtetuese dhe Gjykatës së lartë

- Funksionarët, pjesëtarë të përhershëm të delegacioneve zyrtare shqiptare

- Bashkëshortët dhe fëmijët e shtetasve me qëndrim të ligjshëm në vendet e BE

Viza deri në një, dy apo pesë vjet

- Personat në kategoritë e përzgjedhura nëse do të justifikojnë nevojën për udhëtime të shpeshta dhe nuk kanë pasur probleme me respektimin e ligjit dhe kur kanë qenë të pajisur me viza një apo dy vjeçare

Afatet e pritjes

- Për praktikat normale deri në 10 ditë kalendarike

- Për praktikat që kërkojnë verifikim, deri në 30 ditë kalendarike

- Për praktikat urgjente, deri në tre ditë pune ose më pak

Personeli në ambasada, rritje pagash deri në 75%

Rrogat për punonjësit e shërbimit diplomatik jashtë vendit do të rriten nga 40 deri në 75 përqind, sipas rangut që kanë në ambasadën ku shërbejnë. Qeveria shqiptare ka miratuar dje në mbledhjen e radhës rritjen e pagave për këtë kategori të administratës, vendim i cili pritet të përmirësojë ndjeshëm cilësinë e shërbimit në ambasadat tona jashtë vendit. Sipas një njoftimi të Ministrisë së Jashtme, e cila është dhe propozuesja e kësaj shtese pagash, thuhet se kjo rritje e ndjeshme pagash për përfaqësuesit tanë në ambasadat jashtë vendit mban parasysh disa kritere si ai i vështirësisë së postit diplomatik, koston e jetesës në vendin ku shërbejnë etj.

“Rëndësi i është kushtuar po kështu shpërblimit për përfaqësimin, i cili shkon nga 40 përqind në rangjet e ulta diplomatike dhe deri në 75 përqind për rangjet e larta diplomatike si ai i ambasadorit,” thuhet në njoftimin shpjegues të Ministrisë së Punëve të Jashtme.

Ndërkohë, përveç pagës mujore, personeli i shërbimit diplimatik do të përfitojë edhe kompensimin për koston e jetesës sipas vendit në të cilin ndodhet. Kështu, një punonjës i ambasadës që shërben në ambasadat e vendeve të grupit të parë, që janë ambasadat e vendeve të BE-së dhe SHBA, përfitojnë 300 euro apo USD në muaj shpërblim. Punonjësit e grupit të dytë, 230 euro në muaj e kështu me radhë.

“Përcaktimi i pozicioneve administrativo-teknike, në përfaqësitë diplomatike, me kohë të plotë apo të pjesshme, deri në miratimin e plotë nga Kryeministri, të strukturave të përfaqësive diplomatike, bëhet me urdhër të përbashkët të ministrit të Financave dhe ministrit të Punëve të Jashtme. Paga mujore i nënshtrohet tatimit mbi të ardhurat personale, sipas legjislacionit në fuqi. Në bazë të saj do të paguhen edhe detyrimet për sigurimet, shoqërore dhe shëndetësore. Deri në fund të vitit 2007, numri i punonjësve të përfaqësive diplomatike është, gjithsej, 376 veta, nga të cilët 178 veta personel diplomatik dhe 198 veta punonjës administrativo-teknik,” thuhet në vendimin e qeverisë.

Masa e kompensimit për koston e jetesës është:

- 300 euro/USD, për vendet e grupit të parë;

- 260 euro/USD, për vendet e grupit të dytë;

- 230 euro/USD, për vendet e grupit të tretë;

- 200 euro/USD, për vendet e grupit të katërt;

- 150 euro/USD, për vendet e grupit të pestë.


Tema