Tërmeti dhe valët e oqeanit indian përpijnë jeten e mijera njerezve

[Lexuesja]

Dallgë massive, apo siç quhen ndryshe edhe cunami, të shkaktuara nga tërmete nënujore në oqeanin Indian, kanë përmbytur dhe shkaktuar dëme dhe vdekje njerëzish që nga Indonezia, në Indi e deri në Afrikë në Somali.
Vlersohet se më shumë se tetë mijë vetë kanë humbur jetën.

Sri Lankë

Ndër vendet më të prekura janë India dhe Sri Lanka, ku është shpallur gjendje e jashtëzakonshme.

Zyrtarët në Sri Lankë thonë se më së paku tre mijë vetë kanë vdekur kur zonat bregdetare u prekën nga dallgët.

Rreth një milion të tjerë janë prekur, ose janë lënduar ose kanë mbetur pa shtëpi pasi qytetet bregedetare u përmbytën.

Indi

Në jug të Indisë më shumë se një mijë vetë kanë humbur jetën dhe qindra të tjerë konsiderohen të humbur.

Vlersohet se tërmeti kishte një fuqi prej 8.9 ballësh sipas shkallës Rihter, më i forti në botë brenda 40 vjetësh.

Epiqendra e tërmetit nënujor ka qënë në ishullin Sumatra, në Indonezinë perëndimore.

Një dëshmitar që ka vizituar fshtarat atje tha se ka parë trupa njerëzish nëpër pemë.

Indonezi

Ndërkohë në Indonezi, mijëra vetë janë detyruar të braktisin shtëpitë e tyre.

Zona e prekur më rëndë duket se është ajo e Açes në ishullin e Sumatrës.
Tërmeti atje u ndje rreth orës tetë të mëngjesit, shumë pranë bregdetit veriperëndimor.

Banorët e zonës thonë se fshatrat bregdetare janë përmbytur nga dallgë të mëdha dhe njoftohet se disa ndërtesa në qytetet e mëdha janë dëmtuar rëndë.

Një dëshmitar okular në kryeqytetin e provincës tha se rruga kryesore ishte plasaritur dukshëm dhe se hoteli më i madh i qytetit ishte rrëzuar pjesërisht.

Në disa zona është ndërprerë energjia elektrike dhe linjat telefonike, gjë që e bën të vështirë që shkalla e dëmtimeve të vlerësohet saktësisht.

Vende të tjera

Në Tajlandë njoftimet thonë se më shumë se 200 vetë kanë humbur jetën.

Dhjetëra vetë kanë vdekur në Malajzi dhe Birmani.

Dallgët e mëdha të shkaktuara nga tërmeti në Indonezi kanë prekur edhe bregun verior të Somalisë.

Valët thuhet se kanë goditur qytetin Garacad.

Më së paku tre persona kanë humbur jetën.

Ky tërmet nënujor është më i madhi në 40 vjetët e fundit.

Pothuajse të gjitha vendet e prekura nga cunami, kanë kërkuar ndihmë ndërkombëtare.

Situata humanitare në disa prej tyre është e rëndë.

Marre nga BBC

[StormAngel]

Më vjen keq për këtë tragjedi.
Dhashtë Zoti mos ndodhin më!
Ngushëllimet e mia familjeve të dëmtuara!

[shigjeta]

Eshte vertet nje fatkeqsi e madhe. Numri i atyre qe kane humbur jeten vjen duke u rritur me kalimin e oreve. Eshte i trishtueshem nje lajm i tille, e aq me teper ne keto dite kur njerezit pergatiten per te festuar ardhjen e vitit te ri. Ngjarje te tilla, tregojne edhe nje here se sa i 'brishte' eshte njeriu para natyres.

[[xeni]]

Eshte me te vertete lajm trishtues.
Te tilla habere te bejne ta ndjesh veten te dobet, megjithese ngjarja ka ndodhur shume larg. Njeriu eshte shume i pafuqishem perballe ketyre fatkeqesive qe vijne kur t'i teket.
Uroj qe t'ia hedhin me sa me pak deme...

[leci]

Lajmet e oreve te fundit kane çuar numrin e te vdekurve ne 24.000.
Ky numer fatkeqesisht eshte i destinuar te rritet sepse jane me mijera personat e humbur.
Eshte e veshtire nga situacioni kaotik dhe madhesia e siperfaqes qe u godit nga dallget gjigante.

[White_Angel]

Deri me sot jane :


Vdekjen me te madhe e pati ne Sri Lanka rreth 12.000 te vdekur , me pas India me 6.000 , Indonezia me 4.730 , Tailand me 840 , Malasia me 52 , Maldives me 43 Maymnar 12 dhe Seychelles vetem 3.
Raportojne se ka pasur te vdekur eshe ne Bangladesh , mgjth akoma nuk eshte asgje e konfirmuar , por edhe ne Somali e cila ndodhet 3.000 mile larg , raportojne se ndodhet 9 te vdekur.

[White_Angel]

Problem me ujin dhe ushqimet jane shfaqur keto dite. Pershkak te termetit rrezikohet shume uji i pijshem. Typhoid, diarrea dhe hepatit jane semundjet te cilat i jane kanosur te mbijetuarve . Kjo pershkak te te vdekurve te cilet kane ngelur ne uje.
Phil Esmond thote: Kjo eshte nje disasder dhe komunikimet jane te pakta , dhe ne nuk e dime akoma saktesisht se ne cfare gjendje jemi. Duhet te marrim ndihme sa me shpejt qe te jete e mundur sepse akoma rrezikohet te shtohet nr i te vdekurve.


Shume turista nga Evropa dhe U.S kane mbetur te plagosur dhe te vdekur nga termeti i fundit.

"Askush nuk ishte i pergatitur per kete qe ndodhi - thote Daniel , nje 24 vjecar nga Stocholm, Swedi, i cili kishte dy muaj qe punonte si bartender ne ishull - Asnje lloj mase nuk u mor dhe shumica e njerezve vdiqen ne vend"


Roma deklaron se : 11 Italiane kane vdekur, Norvegjija njofton 10 te tille. Britani deklaron per 4 te vdekur , dhe America dhe Danimarka deklarojne se tre nga qytetaret e tyre jane te vdekur. Franca, Swedia, dhe Belgjika njoftojne per 2 te vdekur per secilin shtet dhe Zelanda e Re vetem 1 person.

Por asgje nuk eshte e sakte. Sri Lanka lajmeron se 72 turista kane vdekur , kurse Tailand njofton se nga te gjithe te vdekurit 35 jane deklaruar si te huaj.

Gjithashtu jane deklaruar si te humbur persona nga South Korea, Japan, Germany, South Africa, Hong Kong, Australia, Malaysia, Mexico, Russia, dhe Chile,

Shume turista jane akoma te paidentifikuar.

[White_Angel]

Shume hotele ne Tailand jane kthyer ne morg .

[KoTeLja_VL]

shume e dhimbshme ...

[White_Angel]

Ka arritur pothuajse ne 44.000 numuri i te vdekurve.Statistikat e sotme tregojne:

Sri Lanka: 18.700

Indonezia : 19.000

India: 4.371

Tailand: 1.516

Maynmar : 90

Malysia: 65

Maldives: 52

Tanzania: 10

Somalia: 110

Seycheles: 3

Bangladesh: 2




White_Angel