Plagos njeriun e zemres,vetem pak dite martese!!

[Shpirt Njeriu]

TIRANE

Si është Lindi? Ka pësuar gjë?" Engjëllushe Boja, vajza simpatike 23-vjeçare duket më e qetë pasi mëson se bashkëshorti i saj, njeriun mbi të cilin ka qëlluar pak minuta më parë plot shtatë herë, është jashtë rrezikut për jetën. Vetëm pasi ka marrë këtë përgjigje ajo ka pranuar të flasë për hetuesit, të cilët janë habitur nga qetësia dhe kthjelltësia me të cilën ka treguar historinë e dashurisë që e detyroi deri në aktin ekstrem. "Me Eulindin ishim fejuar me mblesëri, por kemi kaluar tre vite fejesë së bashku. Ishte njeriu i jetës sime. Nuk kam dyshuar asnjëherë se ai nuk më donte dhe për këtë isha shumë e lumtur edhe kur u martuam në 16 janar të këtij viti", është shprehur para hetuesve Engjëllushja. Por vetëm një javë pas martesës, kur ajo ka gjetur një letër dashurie që i adresohej Eulindit në shtëpinë e re, kanë nisur edhe problemet që do të çonin në plagosjen e djeshme në Kamëz të bashkëshortit të saj, Eulindi Rustës.

Ngjarja
Engjëllushja nuk është përpjekur të mohojë se ka qëlluar dje në mëngjes ndaj njeriut të saj të zemrës pasi ai e kishte përzënë nga shtëpia. Por armën mesa duket e ka marrë me nj tjetër qëllim. "Kur më ra pistoleta në dorë, në fillim doja të vrisja veten, por pastaj mendova se nuk ishte kjo hakmarrja që duhej", u ka thënë Ëngjëllushja hetuesve, duke lënë të nënkuptoheshin orët e gjata të një nate më parë, kur ajo i kishte drejtuar armën rreth 100 herë vetes dhe po kaq herë e kishte tërhequr atë mbrapsht. Pa aguar ende dita, ajo ka mbyllur derën e dhomës ku flinte me çelës nga brenda dhe është hedhur nga dritarja. Për të dalë në rrugë nga shtëpia e saj në fshatin Qerek, i janë dashur të ecte 20 minuta në këmbë, dhe më pas ka vazhduar me një furgon udhëtarësh për në qendrën e Kamzës. Orarin kur dilte Eulindi nga shtëpia ajo e dinte mirë, dhe e priste pranë derës së shtëpisë ku kishte qëndruar nuse për vetëm një javë. i ka dalë përpara, pikërisht në momentin kur ai ka dalë nga rrugica e shtëpisë me furgonin tip "Benz", me targa TR 7344 E. Eulindi, si çdo ditë, dilte për të tregtuar materiale hidrosanitare dhe është treguar indiferent duke mos iu përgjigjur thirrjes së saj. "Unë doja vetëm që të kuptonte edhe njëherë se sa dhimbje më kishte shkaktuar. Por ai më ofendoi me sjelljen e tij harbute", është justifikuar Engjellushja. Kur Eulindi ka tentuar të largohet me shpejtësi me furgon, ajo e ka qëlluar atë në drejtim të derës së furgonit. Zemërimi i vajzës nuk ka pushuar derisa ka qëlluar edhe plumbin e shtatë të pistoletës. Më pas ajo është larguar në këmbë me pistoletën në dorë.

Arrestimi
Shërbimet e Komisariatit numër 4 të Policisë së Tiranës e kanë ndaluar në rrugë 23-vjeçaren. Ajo nuk ka bërë rezistencë dhe, pasi ka dorëzuar armën, është shprehur se ishte nisur për të shkuar vetë në rajon. Agjentët e kanë shoqëruar fillimisht në ambientet e izolimit në rajonin e policisë në Kamëz, dhe më pas e kanë transferuar atë në ambientet e izolimit të komisariatit. Hetuesit kanë sekuestruar në cilësinë e provës materiale edhe armën e krimit, një pistoletë tip "Berreta". Burimet policore thanë se vajza nuk ka dhënë shpjegime të sakta për mënyrën e gjetjes së armës, që rezulton të jetë e paregjistruar.


Engjëllushja dogji fotot e përbashkëta

Ëngjëllushe Boja, një ditë para se të qëllonte ish-burrin e saj kishte djegur të gjitha fotografitë që kishin bërë bashkë. 23-vjeçarja, mësohet se në depresion e sipër kishte kërkuar të zhdukte çdo gjurmë të ekzistencës së tij në tre vjetët e fejesës dhe më pas. Ajo madje ka djegur edhe fotot e bëra para 10 ditësh në fejesën e të vëllait, ku ishte prezent dhe Eulind Rusta. Sipas familjarëve, veprimi ishte kryer disa ditë pas kthimit në shtëpi, kur ajo i kishte humbur të gjitha shpresat për ribashkimin me Eulindin. Ajo, kishte zhdukur dhe filmat e fotografive, e vendosur për të zhdukur çdo gjë që kishte të bënte me të. Por edhe dy fotografitë e vetme, që çuditërisht kishin shpëtuar pa u djegur mësohet se i kanë marrë agjentët e policisë gjatë kontrollit të banesës.


29-vjeçari preket vetëm nga dy plumba në pjesën e kofshës

Eulindi: S'e besoja se do arrinte deri këtu

Flet i shoqi i plagosur: U bë xheloze pa arsye
Eulind Rusta ende nuk arrin ta besojë se njeriu me të cilin kishte qëndruar tre vjet i fejuar mund të arrinte deri këtu. 29-vjeçari ka shpëtuar paq nga plumbat dhe ka qëndruar dje vetëm vetëm 20 minuta në urgjencën e Spitalit Ushtarak për t'u kuruar më pas në katin e tretë të spitalit. Prindërit i qëndrojnë gjatë gjithë kohës pranë krevatit dhe urojnë Zotin që "ua shpëtoi djalin vetëm me kaq". Eulind Rusta, ka marrë vetëm dy plumba që i kanë tejshpuar njërën këmbë dhe sipas mjekëve nuk i kanë shkaktuar probleme të pariparueshme. Sipas mjekëve organizmi i shëndetshëm i 29-vjeçari ka reaguar shumë mirë dhe gjendja e tij konsiderohet e mirë. Vetë Eulindi, mundohet t'i shmanget pyetjeve rreth ngjarjes. Ndryshe, nga rrëfimi i Ëngjëllushes në polici ai nuk pranon se ka debatuar me të në momentin e ngjarjes dhe se është qëlluar pa paralajmërim prej saj.

Si ndodhi ngjarja?
Po dilja nga shtëpia me furgon dhe në momentin që isha duke u futur në rrugën kryesore dëgjova krisma dhe ndjeva plumbat që të përshkronin derën e furgonit. Aty ndjeva kofshën të më digjte dhe dhe më pas pashë të më dilte gjak.

A e patë njeriun që ju qëlloi?
Ashtu si nëpër mjegull pashë siluetën e Ëngjëllushes, vajzën me të cilën kisha qenë 3 vjet i fejuar dhe pas një martese të dështuar me të e kisha kthyer në shtëpi një javë më parë.

Cili ishte shkaku i kësaj ndarje?
Në fakt, problemet kishin nisur më parë gjatë muajve të fundit të fejesës. Ashtu siç pritej, bashkëjetesa jonë dështoi shumë shpejt dhe ajo menjëherë filloi të grindej për shkak të një letre që unë edhe sot se di nga e nxori. Me pak fjalë u bë e padurueshme dhe theu disa rregulla që ekzistostojnë në formë tradite në shtëpinë tonë.

[Shpirt Njeriu]

Në shtëpinë e Ëngjëllushes në fshatin Qerek të Tiranës ka pllakosur heshtja. Prindërit dhe të afërmit qëndrojnë pranë televizorit për të mësuar rreth fatit të vajzës. "E ndieja që diçka do të ndodhte", psherëtin Myslimi, i ati i vajzës që qëlloi ndaj bashkëshortit të saj. Që prej një jave, kur familja e të shoqit e kishte kthyer Engjëllushën në shtëpinë e saj, ajo nuk ishte më e mëparshmja. "Ngjante si tjetër njeri dhe kishim frikë se mos na bënte ndonjë të pabërë. E kemi ruajtur natë e ditë se ajo ishte tepër e dëshpëruar", tregon Myslim Boja. Por familjarët që kishin frikë se mos ajo tentonte të vriste veten, nuk e kishin menduar kurrë se 23-vjeçarja do të kishte kurajo për të kryer një hakmarrje të tillë ndaj njeriut, të cilin e kishte pasur burrin e saj për tre vjet. Myslim Boja, i ati i saj, ka rrëfyer për Gazetën rreth konfliktit që solli divorcin dhe marrëdhiet mes familjes së tij dhe krushqve pas kësaj.

Çfarë mund të na thoni për marrëdhëniet e vajzës suaj me Eulindin?
Ata kanë qëndruar tre vjet të fejuar. Lidhja u krye me mblesëri dhe dora e vajzës u kërkua nga xhaxhai i Eulindit. Në 16 janar ata u martuan. Nuk u bë ndonjë darkë e madhe, por një koktej, ku ishin të ftuar njerëzit më të afërt të dy familjeve. Por martesa nuk zgjati më shumë se një javë, dhe vajzën ma kthyen në shtëpi.

Cili ishte shkaku i kësaj ndarjeje?
U tha se Ëngjëllushja kishte thyer rregullat e shtëpisë së tyre dhe kishte dalë jashtë pa leje. Në fakt, vajza ime ka shkuar te e motra, pasi kishte mësuar diçka që për të ishte e tmerrshme. Siç mësuam më vonë, ajo kishte gjetur një letër që vërtetonte lidhjen e burrit të saj me një vajzë tjetër dhe kishte shkuar të konsultohej me të motrën.

Si e pritët veprimin e dhëndrit?
Në fillim e menduam si një grindje mes tyre, dhe që do të sqarohej shpejt, e në fakt besonim që ata do të bashkoheshin prapë. Por ditët kalonin dhe pajtimi nuk po ndodhte. Me të drejtë kërkuam një arsye më të justifikueshme, por pamë që ribashkimi i tyre ishte i pamundur. Në këtë kohë filluam t'i qëndronim pranë vajzës, duke i kujtuar se ishte ende e re dhe jeta mund të ishte përsëri e bukur edhe pa Eulindin.

Po tashmë si do veproni?
Për ne rëndësi ka që Eulindi të bëhet mirë dhe të mundohemi të harrojmë atë që ka ndodhur. Padyshim që Ëngjëllushja do të përballet me ligjin për atë që ka bërë, por më parë duhen parë edhe motivet që shtynë atë deri këtu. Do përpiqemi të bisedojmë me familjen e Eulindit për të zgjidhur këtë problem që na është krijuar.

[Shpirt Njeriu]

688 kërkesa për ndarje në gjykatë
TIRANE - Mosha e re e bashkëshortëve ka qenë shkaku kryesor i çifteve që kanë kërkuar të divorcohen gjatë vitit 2004 në gjykatën e Tiranës. Gjatë vitit që sapo lamë pas plot 688 kërkesa të tilla kanë mbërritur vetëm në kryeqytet. Këtë fakt e pohojnë burime zyrtare nga ky institucion të cilët pohojnë se në krahasim me vitin 2003 ky numër është ulur me 6% më pak. Gjyqtarët pohojnë se mospërputhja e karakterit është arsyeja që detyron çiftet kryeqytetase për t'iu drejtuar dyerve të gjykatës dhe pjesa më e madhe e kërkesave vijnë nga çiftet në moshë të re. Eshtë mjaft e vështirë që dy bashkëshortët t'I kthehen më pas pajtimit. Shifrat tregojnë se vetëm 102 çifte që kishin kërkuar divorcin kanë pranuar të pajtohen pas paraqitjes në gjykatë. Ndërkohë, ndër problemet e tjera që sjellin ndarjet e çifteve renditen edhe kushtet ekonomike dhe emigracioni. Në të shumtën e rasteve, gjendja e dobët ekonomike është parë si iniciatore e konflikteve që kanë sjellë bashkëshortët në dyert e gjykatës.

[StormAngel]

A duhet thënë diçka më tepër!
Edhe dashuria mes dy personave nuk është ajo çka ka qenë.
Ruana Zot ruana,dhe mendjen mos na privo!

[ChuChu]

Uh, donte dhe Eulindi nga Kameza dashnore on the side. Tre dite i martum! Mire ia beri gomarit, madje te mos ishte mjaftuar me aq.

[KaLTerSi]

ca me lart kofshes se qellonte dot zuzarin?

[shkodrane82]

Mundet me kene dhe mundesia qe Engjellushja ( emer taman i pershtatshem),
me kene psikopate o njerez, s'kane faj vec meshkujt gjithmone jo..!

[My_Soul]

Sa te egra paskeni qene edhe ju! Nuk vritet tjetri pse paska te dashur. Ndaje dhe mirupafshim.

Tani shqiptaret jane bere si West, me kubure ne brez.

[Xhuxhumaku]

Po ju te Forumit moj gra mbani Kobure, apo thika, jatagane, kosore, gjoksore, topa obus, Raketa sting...etj etj...

Kini kujdes o meshkuj tradhetoni ne mend, jo me vegel se jeta eshte e shkurter...

p.s Seriozisht klima esht eshume e rende ne Shqiperi dhe Tirane ne vecanti, po ikin njerezit nga fiqiri. Me perpara kishim Qamushin e 21 Dhjetorit, Tit Xhanin, Kulufin dhe KIZIN tani po mbushen rruget me njerez qe flasin me vete dhe shume nga ata qe s'flasin me vete por flasim me arme te ngrota dhe t eftohta...;(

[Reina]

Ku i gjejne armet njehere dhe grate? Njera vret shoqen se i morri te dashurin, tjetra vret burrin se e la, babai ne inat e siper merr pistoleten e vret gruan. Te gjithe shqiptaret jan te armatosur dhe per nje fjale goje ne lule te ballit ta depertojne.

Kjo vajze me duket karakter i dobet, pak rendesi ka cfare beri ai, veprimet e saj anojne ne probleme mendore. Gjera me te terrmershme ju kane ndodhur shume grave por nuk kan shkuar kane vrare veten apo qelluar nja 27 here burrat e tyre.