Kryeredaktori i gazetës ZP jep dorëheqjen pas takimit të kryesisë së PS

[Albo]

Braçe për Kryesinë: Njerëzve ju vjen për të vjellë kur ju shohin


D. Tanushi

TIRANË – Deputeti socialist Erion Braçe, ashtu siç kishte deklaruar edhe më parë, ka kërkuar dje, në mbledhjen e Komitetit të Përgjithshëm Drejtues dorëheqje nga anëtarët e kryesisë. Duke iu drejtuar pothuaj të gjithëve, Braçe mësohet të jetë shprehur se “ju vjen njerëzve për të vjellë kur ju shohin”. Duke i pyetur, por edhe me tone të ashpra Braçe, është shprehur se “jeni shkëputur nga njerëzit. Sa kohë keni që nuk jeni futur në një dyqan?! A e dini se sa kushton një kg bukë’?!, etj.”. Sipas burimeve nga mbledhja asnjë nga anëtarët e kryesisë, madje edhe ata, me të cilët Braçe ka replikuar ashpër në ditët e mëparshme në media, nuk kanë reaguar. “Nëse unë jam i konsumuar, iki që tani dhe ia lë vendin një tjetri. Do të jem i gëzuar të fitojë partia ime”, -mësohet të jetë shprehur Braçe, duke iu drejtuar edhe kryetarit të PS-së së Beratit, zonës ku është zgjedhur. Ju të tërë jeni të verifikueshëm, prandaj duhet të ikni”, -është shprehur prerë Braçe. Ai ka propozuar ndarjen e mandateve, në mënyrë që kush është i zgjedhur në qeveri të mos ketë edhe post në kryesi, pasi nuk mund të mbahen të dy këto poste. Braçe është përkrahur në fjalën e tij edhe nga anëtarë të tjerë të KPD-së, të cilët kanë folur po me kritika për kryesinë, e cila është kryesia e parë e PS-së në të gjitha këto vite që është vënë nën presionin e kritikave të pjesës më të madhe të deputetëve dhe anëtarëve të PS-së.

[Albo]

Blushi për Sherifin: Koha e byrosë politike ka mbaruar

D. Tanushi

TIRANË – Ministri i Pushtetit Lokal dhe njëkohësisht deputet i PS-së Ben Blushi ka reaguar ashpër dje, në mbledhjen e KPD-së ndaj sekretarit të burimeve njerëzore Elmaz Sherifi. “Shansi të jepet vetëm një herë dhe ti e humbe këtë shans”, -mësohet t’i jetë drejtuar ai Sherifit. Burimet nga mbledhja bënë të ditur se Sherifi në fjalën e tij, ka vënë në dukje kritikat e fundit që atij i janë bërë nga kryeredaktori i “ZP”-së Braçe. Por, Blushi i është përgjigjur se nuk është faji i Erjonit. “Ti duhet të kishe ardhur këtu dhe të na thoshe se si duhet bërë reforma zgjedhore dhe jo të na flasësh për problemet e tua personale. Koha juaj ka mbaruar. Koha e Byrosë politike ka mbaruar qysh në 1991”, -është shprehur Blushi. Të kemi zgjedhur për t’u marrë me çështjet elektorale, ndërsa ti, nuk na the asgjë për listat e zgjedhësve, asgjë për KQZ-në. Kjo është puna jote, mësohet t’i ketë thënë Blushi Sherifit. Ndërsa Sherifi kur ka dalë nga KPD-ja mësohet të ketë thënë “Tani do ta shihni Elmazin e vërtetë”. Pas Braçes, Blushi ka qenë një ndër anëtarët e KPD-së që kanë folur më ashpër dhe gjithashtu u ka kërkuar anëtarëve të kryesisë të reflektojnë dhe t’i hapin rrugë ndryshimeve në kryesinë e partisë. Blushi është një nga të përzgjedhurit e kryetarit socialist për t’u futur në kryesi, por që do të propozohet për postin e zëdhënësit politik të PS-së.

[Albo]

Koja për Lakrorin: Marrëdhëniet me jashtë më keq se në ‘92


D. Tanushi

TIRANË – “Marrëdhëniet ndërkombëtare të PS-së janë katandisur më poshtë se në vitin 1992”, -mësohet të jetë shprehur dje, në mbledhjen e KPD-së deputeti dhe kryetari i FRESSH-it Gjergji Koja, i cili ka kritikuar ashpër qëndrimet dhe punën e sekretarit për marrëdhëniet ndërkombëtare në PS, Maqo Lakrori. “Më frymëzoi fjala e shokut Maqo që ka 10 vjet që nuk flet në PS, është shprehur Koja, pasi ka dëgjuar fjalën e sekretarit socialist Lakrori. Ai e ka pyetur sekretarin ndërkombëtar se përse humbi PS-ja në Devoll. Përse nuk ke reaguar pas deklaratës së ambasadorit të KE-së Saltzman?. Përse nuk ke deklaruar pas deklaratave të ambasadorit të OSBE-së Lipponen, kur tha se situata në Shqipëri është në një udhëkryq kritik”. Përse nuk ke reaguar dhe çfarë strategjie ke patur, kur nuk ke reaguar pasi kryeministri italian, ai anglez dhe ai finlandez, që kishte edhe Presidencën e BE-së folën mirë për Shqipërinë? Koja e ka kritikuar Lakrorin edhe për nivel të ulët të marrëdhënieve të PS-së me Internacionalen Socialiste. Kanë qenë këto pyetjet që i ka drejtuar Koja, sekretarit të marrëdhënieve ndërkombëtare Maqo Lakrori, i cili është edhe një nga anëtarët e kryesisë të vënë nën shënjestër dhe kritika. Koja mësohet të jetë shprehur se duhet parë mundësia e largimit të atyre që nuk prodhojnë gjë.

[Albo]

Agasi: Barçi më këshilloi të mos jap dorëheqjen


D. Tanushi

TIRANË – Dorëheqja e sekretarit për marrëdhëniet me publikun Bardhyl Agasi është pritur dje, nga anëtarët e KPD-së që t’i hapte rrugën ndryshimeve në kryesinë e PS-së. Por në një moment, kur të gjithë po prisnin që ai të ngrihej dhe të deklaronte dorëheqjen e pakthyeshme, një gjë e tillë nuk po ndodhte, tregojnë burimet nga mbledhja e KPD-së. Padurimin e anëtarëve të KPD-së për të mësuar këtë veprim, duket se më në fund e kuptoi edhe vetë Agasi, i cili në fjalën e tij, u shpreh se “dorëheqjen time unë ia kam lënë në dorë KPD-së. Por gjatë kësaj kohe, u shpreh ai, më kanë takuar shumë shokë dhe më kanë thënë të mos jap dorëheqjen. Dhe sipas Agasit, edhe një prej atyre që i kishte thënë këtë gjë kishte qenë edhe këshilltari më i afërt i kryeministrit Nano, Emin Barçi dhe kuptova, tha më tej Agasi, se pas Eminit ishte vetë kryetari. Kjo ka krijuar një situatë paksa të habitshme mes anëtarëve të KPD-së, të cilët miratuan dorëheqjen e Agasit më pas. Edhe pas mbledhjes ai shpjegoi se dorëheqja e tij ishte e pakthyeshme dhe kështu pritet që ai të zëvendësohet në fund të muajit, në mbledhjen e radhës së KPD-së.

[Albo]

Kryeministri, akuza për ish-kreun e OSBE Liponen. “Vijnë nga saunat nordike dhe s’ndryshuan as një qime në raportet e tyre”

Nano kundër raporteve të ndërkombëtarëve

S’mund të pranohet fyerja apo diskriminimi që vjen nga renditje komerciale apo alibike të Shqipërisë në klasifikime të errëta”

A. Rama

TIRANE - Sulm akuzash dhe kundërpërgjigjesh “flakë për flakë” në drejtim të institucioneve ndërkombëtare dhe përfaqësuesve të vendeve të ndryshme të BE-së dhe OSBE-së që kanë shigjetuar Shqipërinë dhe qeverisjen e saj, lëshoi dje kryeministri dhe kryetari i PS-së Fatos Nano në mbledhjen e KPD-së. Sipas tij, duhej sqaruar njëherë e mirë mjegullnaja dhe paqartësia e krijuar nga lumi i deklaratave të ardhura nga ndërkombëtarët, të cilat japin vlerësime për ekzistencën e dy standardeve në vend, ku nga njëra anë SEEC, si iniciativë rajonale vlerëson arritjen në luftën kundër trafiqeve, ndërsa një pjesë e vendeve të Bashkimit Europian, i qëndrojnë mendimit se trafiqet mbeten problemi kryesor i Shqipërisë. Madje Nano, është treguar i pakursyer në sulmin e tij edhe ndaj ambasadorit të larguar të Prezencës së OSBE-së në Tiranë Osmo Liponen, duke i konsideruar raportimet e tij në Këshillin e Përhershëm në Vjenë të pandryshuara, përgjatë dy viteve të qëndrimit në Shqipëri . “Ne duhet të sqarojmë shtetasit se pse dhe ku ndryshojnë qëndrimet e institucioneve partnere ndërkombëtare nga njëri-tjetri, sepse institucionet ndërkombëtare janë të pranishme jo vetëm në Tiranë, por janë të pranishme dhe me misione, ekipe lëvizëse apo permanente në të gjithë Shqipërinë. 100 milionë euro kredi ofroi BERZH, në fare pak kohë dhe me shumë mund për shkak të ekspertizës së qeverisë dhe të ekspertëve ekonomikë të saj, në bashkëpunim me sipërmarrjen e madhe që operon legjitimisht në Shqipëri. Përballë kësaj ka ende “ekspertë ndërkombëtarë”, që ka rrezik jo vetëm të marrin 7-fishin e rrogës së kryeministrit, por edhe më shumë sesa presidenti i vetë BERZH-it në muaj, që na vijnë nga saunat nordike dhe raportojnë pa ndryshuar as një qime në dy vjet se Shqipëria kërcënohet nga trazira sociale”, -tha Nano. Sipas tij ndërkombëtarët kanë vlerësuar vazhdimisht rolin stabilizues që ka luajtur Shqipëria në rajonin e Ballkanit, duke e konsideruar atë të pazëvendësueshëm. “Nuk mund të ketë dy standarde vlerësimi as nga ne as nga ndërkombëtarët për rolin e qeverisë së socialistëve në optikën e europianizimit të rajonit dhe të afrimit të tij me BE-në. Nuk mund thjesht të përshëndetemi për rolin dhe politikën tonë moderatore dhe konstruktive në rajon dhe të akuzohemi rëndë se jemi kërrusuar nga krimi, jeta politike është e kriminalizuar dhe gjithë ekonomia qarkullon para kriminale”, -tha Nano. Ai përfundoi për këtë çështje duke thënë se “nuk mund të pranohet fyerja apo diskriminimi kombëtar që vjen nga renditje komerciale apo alibike të Shqipërisë në klasifikime të errëta, të cilat është e qartë se ushqehen nga disa matrapazë që me mandatet e shqiptarëve dhe sidomos tonat, mbjellin dhe duan të përfitojnë në kurriz të shtetasve të këtij vendi dhe nuk guxojnë të japin as llogari ku i gjejnë paratë për të shkuar dhe për të vjellë në kanceleritë ndërkombëtare”.

[Albo]

Kryeministri përgatit terrenin për largimet nga kryesia. “Do t’ju vlerësojë baza”

Nano: Kryesia ndryshon brenda tetorit

Pa përtëritje nuk i fitojmë dot zgjedhjet. S’mund ta shpërndaj që sot kryesinë siç bëri Nastase në Rumani”

Darina Tanushi

TIRANË – Ndryshime në kryesi dhe kooptime të reja në Komitetin e Përgjithshëm Drejtues brenda tetorit. Kështu është shprehur kryeministri dhe kryetari socialist Fatos Nano, në mbledhjen e djeshme të KPD-së. “Nuk mund ta shpërndaj kryesinë që sot, siç bëri miku im Nastase në Rumani pas zgjedhjeve dy-tre javë më parë, por e gjithë problematika do të analizohet dhe do të diskutohet brenda 10 ditëve në mbledhjen e kryesisë”, -është shprehur Nano, duke e bërë të qartë se kjo kryesi tashmë do të ekzistojë formalisht deri në KPD-në e ardhshme. Burime pranë kryetarit Nano shpjegojnë se vetë Nano do të dalë në bazë tre ditët e fundit të javës që vjen, praktikë të cilën do ta ndjekë edhe në javët në vazhdim dhe deri në mbledhjen e KPD-së në fund të muajit pritet që për çdo të zgjedhur, jo vetëm për anëtarët e kryesisë, të ketë një analizë të punës, e cila do të testohet në bazë, ku ai ka marrë votat. Në bazë të këtij testimi do të përcaktohen edhe emrat që do të ndryshojnë në kryesi, por edhe ata që do të bëhen pjesë e KPD-së.

Shtimi i KPD

Mësohet se do të jenë rreth 10-15 veta që do të kooptohen në KPD, ndër të cilët 4-5 deputetë, midis të cilëve edhe Ilir Zela. Madje ky i fundit ka marrë pjesë në mbledhjen e djeshme të KPD-së. “Arsyetimin për të shtuar apo për të zëvendësuar, për të shtuar numrin e sekretarëve apo për të zëvendësuar sekretarë; arsyetimin për të ndarë më mirë ngarkesën e punëve midis anëtarësisë në qeveri dhe anëtarësisë në kryesi; veprimin më statutor, më institucional për të sjellë të njëjtin produkt në segmente prioritare si në qeveri, si në grupin parlamentar, si në ekzekutivin që menaxhon përditë debatin apo polemikën në publik, shoku Gramoz, në një krah bashkë me kryetarët e komisioneve të interesuara të KPD-së dhe unë bashkërisht, do i paraqesim brenda 10 ditësh kryesisë, për të marrë në shqyrtim dhe për të përcaktuar të gjitha opsionet progresiste për vendimmarrje dhe brenda muajit tetor, KPD-ja mblidhet sërish”, -ka deklaruar në mbledhjen e djeshme Nano. “Edhe një çështje që nuk dua të ketë asnjë ekuivokë. Bardhi dha dorëheqje pas vlerësimit që i bëra unë në Kryesi, moralit të tij të nderuar, pastërtisë së tij, por dhe mosndjekjes të ritmit në komunikimin publik. Por kontributi i tij do të jetë i rëndësishëm edhe në të ardhmen..”, -nënvizoi Nano. “Unë jam koherent, tha ai, në interpretimin e arsyetimit tejet politik që vjen nga e gjithë partia dhe nga gjithë ballafaqimi ynë politik me situatën, se pa përtëritje ne nuk i fitojmë dot zgjedhjet e qershorit 2005. Unë nuk shoh proces tjetër institucional, politik dhe në shpirtin dhe traditën e solidaritetit tonë për përtëritje sesa konsultimi me ata që na kanë zgjedhur. Përndryshe, do të degradojë akoma më shumë lufta e klaneve që çau partinë deri në dhjetor. Nuk besoj se ajo që karakterizon jetën e partisë mbas dhjetorit është lufta e klaneve. Ka ngelur dhe mund të rehabilitohen copëza në parti në rrethe, të cilat me Kuvendimin e Madh duhet t’i shërojmë, t’i mënjanojmë dhe të rikthejmë solidaritetin përballë rrezikut që fragmentimi i votuesve ta kalojë pushtetin në duar anonime”. “Ta zhveshim gjithë këtë gërr-mërr nga thashethemet dhe hijet e dyshimit që mbështesin edhe llafet. Njëkohësisht, përtëritje nuk do të thotë konflikt brezash, sepse kjo do të ishte e dëmshme për këtë proces. Kjo do të thotë përtëritje por jo konflikt brezash dhe përtëritje solidare për shumë arsye. Në qoftë se na rezulton nga testimi që po konkludojmë se një emër në një zonë nuk mund të shkojë më, sepse nuk ka ndryshuar emri, por ka ndryshuar zona, popullsia e zonës, orientimi i zonës, shpërndarja e zonës midis autoktonëve kryeqytetarëve dhe emigracionit, madje ka ndryshuar me një ritëm të tillë që as vetë ai që është deputet në atë zonë mund të mos arrijë të kuptojë ndryshimin e ndodhur, atëherë, ky njeri nuk do të likujdohet por do të integrohet në ekip për ta fituar zonën, sepse duke fituar zonën, fitohen të gjitha zyrat ku përdoret kjo eksperiencë”, -theksoi Nano.


Kush mund të ikë nga kryesia
1. Elmaz Sherifi
2. Maqo Lakrori
3. Et’hem Ruka
4. Spartak Poçi
5. Ermelinda Meksi

[Albo]

Anëtari i Kryesisë paraqet një paketë ndryshimesh me 10 pika. Ndryshim i sekretariatit të PS

Koçi: Kryeministri të caktohet para zgjedhjeve


D. Tanushi

TIRANË – Deputeti socialist Petro Koçi ka propozuar dje, një sërë ndryshimesh në forumet e larta drejtuese të PS-së. Nisur nga situata më e fundit politike brenda PS-së, Koçi ka hartuar dje, një paketë prej 10 pikash, të cilën e ka lënë mbi tryezat e anëtarëve të KPD-së, para se të nisej me shërbim jashtë vendit. Në këtë paketë prej dhjetë pikash, e cila mesa duket ka qenë edhe nisja e debateve për ndryshime në KPD, Koçi propozon që përcaktimi i kryeministrit të ri të qeverisjes 2005-2009 të bëhet para zgjedhjeve. Ai propozon, ndryshime në sekretariatin e PSSH-së ose me zëvendësime, ose me shtim të numrit të sekretarëve. Propozimet e deputetit Koçi, priten të diskutohen gjatë kësaj jave në komisionet e KPD-së, ndërsa mendohet që pjesa më e madhe e tyre të bëhet pjesë e rregulloreve dhe e jetës politike të PS-së, pas KPD-së tjetër, e cila mund të mblidhet në fund të këtij muaji. Koçi ka propozuar sërish ndarjen e mandatit të sekretarit të përgjithshëm nga ai i kryetarit të grupit parlamentar. Sipas tij, duhet një platformim i koalicioneve zgjedhore dhe atij qeverisës paszgjedhor me aleatët tradicionalë të PS-së apo edhe me aleatë të rinj. Gjithashtu Koçi ka bërë një propozim të ri, për herë të parë për socialistët që të zgjidhet zëdhënësi i PS-së, i cili mund të jetë edhe anëtar kryesie, ndërsa sekretari për marrëdhëniet me publikun këtej e tutje të shndërrohet në projektues, menaxher e mbikëqyrës i marrëdhënieve publike të PSSH-së. Koçi ka propozuar edhe një zbatim të sistemit të demokracisë së drejtpërdrejtë në vendimmarrje të rëndësishme përzgjedhëse, zgjedhore e politike, të cilat deri tani janë bërë pre e trafikut të influencave për interesa joparimore. Këto dhe propozime të tjera, janë mirëpritur nga anëtarët e KPD-së dhe sidomos nga pjesa e atyre që kërkojnë ndryshim të kryesisë.



Propozimet e Koçit

1. Përcaktimi i kryeministrit të ri të qeverisjes 2005-2009 para zgjedhjeve
2. Ndryshime në sekretariatin e PSSH-së ose me zëvendësime, ose me shtim të numrit të sekretarëve
3. Ndarje e mandatit të sekretarit të përgjithshëm nga ai i kryetarit të grupit parlamentar
4. Platformim i koalicioneve zgjedhore dhe atij qeverisës paszgjedhor me aleatët tanë tradicionalë apo të rinj
5. Zgjedhje e zëdhënësit të PSSH-së, (deri nga radhët e kryesisë së PSSH-së). (Sekretari për marrëdhëniet me publikun shndërrohet në projektues, menaxher e mbikëqyrës i marrëdhënieve publike të PSSH-së)
6. Zbatim të sistemit të demokracisë së drejtpërdrejtë në vendimmarrje të rëndësishme përzgjedhëse, zgjedhore e politike, të cilat deri tani janë bërë pre e trafikut të influencave për interesa joparimore.
7. Riorganizim i drejtimit të grupit parlamentar nëpërmjet
a. përfshirjes ex oficio, (automatikisht për shkak të funksionit), në kryesi të grupit të drejtuesve socialistë të komisioneve parlamentare
b. vendosjes ekipore të kryesisë së grupit në sallën e Parlamentit
8. Prodhim dhe shpërndarje urgjente e Kartës së përkrahësit të PSSH-së
9. Strukturim i forumeve kombëtare në bazë interesi të gjerë social e qeverisës. (arsim, shëndetësi, zhvillim i fshatit, pushtet vendor, etj.)
10. Përcaktim statutor nëpërmjet Kongresit i kriterit të përfaqësimit mbi:
a. numri i anëtarësisë
b. rezultati zgjedhor

[kolombi]

ARTA DADE: TE IKE NANO DHE JO KRYESIA E PS-SE

Ish-ministrja e Puneve te Jashtme, Arta Dade, ne cilesine e deputetes dhe te anetares se kryesise se PS-se ka bere dje nje deklarate teper te forte qe mbetet realiste ne lidhje me cka perflitet ne korridoret socialiste, ne KPD dhe ne zyren e kryeministrit. Ajo, as me pak e as me shume, por per te gjitha verejtjet e Bashkimit Europian, te OSBE-se dhe SHBA-se ka quajtur fajtor vetem nje njeri: kryeministrin Fatos Nano dhe jo kryesine e PS-se. Natyrisht qe ajo ka pranuar qe kryesia edhe mund e duhej te ishte me ne pozita pune, porse kryesia ka nje njeri qe i ka deleguar pushtetin ekzekutiv dhe qe PS-ja po merr goditje nga komuniteti nderkombetar. Ai quhet, sipas ish-ministres Dade, Fatos Nano. Denoncimi i hapur qe beri Arta Dade dje ne media vjen pas disa kritikave te egra te Bashkimit Europian per Tiranen zyrtare, vjen pas disa vizitave te ish-ministres se Jashtme ne SHBA dhe pas disa takimeve me drejtues te ambasadave te huaja qe jane ne Tirane. Mesazhi i zonjes Dade per KPD-ne dhe anetaresine socialiste eshte mjaft i qarte: Nuk eshte faji i anetareve te kryesise se PS-se, por vetem dhe direkt i Fatos Nanos. Nuk ka nevoje te ike asnjeri nga kryesia, as nga KPD-ja, por ka nje zgjidhje qe mund ta shendoshe gjendjen ne PS: largimi i vete kryeministrit Nano. Duhet pranuar se Arta Dade ka qene nje prej ministrave te Puneve te Jashtme me te suksesshem dhe se diplomacia e saj perzier me anglishten e persosur i ka bere shume pune Shqiperise. Dje ajo foli hapur dhe leshoi mesazhin publik qe e majta nuk ka zgjidhje tjeter qe te fitoje zgjedhjet pervec largimit te kryeministrit aktual. Fakti qe zonja Dade e leshoi deklaraten dje pas takimit me nje prej diplomateve me te rendesishem perendimore le per te kuptuar se ajo ka perkthyer ne shqip shume qarte ate cfare do te percjelle Bashkimi Europian. Diplomatja socialiste Dade hodhi nje hap kurajoz publik kur denoncoi dje lojen e kryeministrit dhe nxitjen qe ai ben per te hequr gjoja "xhaketat e vjetra ne PS". Por deputetja tha se ku ka "xhakete me te vjeter se vete kryetari i PS-se?!", ndaj pastrimi apo riperteritja te filloje nga kupola e te zbrese ne baze. Loja e kryeministrit eshte qe ne fund te tetorit te pastroje te gjithe kundershtaret ne kryesine e PS-se me synimin qe para zgjedhjeve te kete nje kryesi te tijen per te miratuar emrat per kandidate per deputete te cilet jane miq te tij. Ndaj mundet qe zoti Nano te "erkedhele" ndonjerin prej oponenteve ne kryesi dhe ne momentin e duhur ta palose qe te mos e kandidoje per deputet. Duke e parandier se nuk e do me komuniteti nderkombetar, zoti Nano ka parashikuar kalimin ne opozite, por nuk do qe edhe ne opozite te kete oponence brenda vetes. Ndaj i pastron tani qe ka pushtet e fuqi ne PS te gjithe, sipas tij, "xhaketat e vjetra" dhe fut "doren" e tij. Natyrisht qe ka nevoje per ndryshime kudo e kurdo, por pikesepari nderkombetaret kerkojne ndryshime nga kryeministri, pra ne qeveri. Nuk e ka fajin Maqo Lakrori qe "nuk na paska punuar me te huajt(!)" apo "Namik Dokle qe po luan fshehur per kryeminister pas Nanos". Faji ka nje emer dhe pikerisht ate qe me nje kurajo burrerore e deklaroi nje grua qe quhet Arta Dade. Kryeministri ka marre te gjithe kartonat e verdhe qe mund te kete gjyqtari nderkombetar per gjithe ekipin qeverises. I eshte dhene kartoni i kuq. Minutat shtese zoti Nano po mundohet t'i kompensoje me prerjen e disa kokave ne kryesine e PS-se dhe t'i thote indirekt elektoratit se "ja, keta e kishin fajin!". Ne te vertete pas largimit te LSI-se, e cila po merr shume elektorat nga e majta, pjesa qe ka mbetur ne PS po rimendohet se me Nanon po kalohet ne opozite dhe duhet gjetur nje zgjidhje me largimin e tij nga posti i kryeministrit. Ky mendim lakohet neper dhembet e disa prej anetareve te kryesise se PS-se si Et'hem Ruka, Pandeli Majko, Luan Rama, Maqo Lakrori, Ermelinda Meksi, etj, porse e para qe guxoi ta thote publikisht ishte ish-ministrja Arta Dade. Megjithate kryeministri-kryetar e ka ndare mendjen qe te mos zbrese nga kali vete dhe te mbaroje qejfet e tij familjare. Nuk do t'ia dije per asnjeri. E ka ndare mendjen qe te shkoje i qete ne opozite me emra te rinj e miq te tij si deputete e anetare kryesie.

E majta tashme eshte ne krize vetem se zoti Nano nuk do ta kuptoje se duhet te ule hunden e te degjoje aleatet, koleget, deputetet dhe gjithekedo qe ia do te miren se majtes. Por kryeministri nuk pranon te shikoje turravrapin qe ka marre me qeverine e tij drejt humneres me mendimin se "une shpetoj pasi hipi ne helikopterin e Xhoanes!". Nuk ka helikopter qe e shpeton me nese nuk i del perpara pragut te humneres qe ka ardhur. Nje anetare e kryesise se PS-se dje foli. Priten te tjere te flasin qe te shpetojne ata qe i kane votuar.

Re. Po.

Arta Dade

Nuk do te pranoja te largohesha ne menyre arbitrare per t'u zevendesuar nga ata qe nuk kane kryer detyrat e tyre. Ndryshimet do i mbeshtesja vetem mbi bazen e analizave ne linje vertikale.



Servet Pellumbi

Forumet kane te drejte te ndryshohen sa here lind nevoja per ndryshime. Ndryshimet behen ne shtratin e demokracise dhe jo ne shtratin e opinioneve qe qarkullojne poshte e lart.



Namik Dokle

Partia Socialiste qe kur eshte krijuar dhe vazhdimisht eshte nje parti qe ndjek politiken e ndryshimit, politiken e ndryshimit racional, per hir te fitoreve qe kemi arritur dhe qe do arrijme.

Makbule Ceco

Une nuk kam qene dhe vazhdoj te mos jem kunder ndryshimeve, te cilat sherbejne ne permiresimin e metejshem te punes ne keto struktura.

[Genti^Itali]

Kryeministri kritikon sërish vlerësimet e ndërkombëtarëve. “Nuk lejojmë të trajtohemi si nxënës”

Nano kërcënon ndërkombëtarët

“I vetmi vend që rrethohemi nga shqiptarë. Nëse do të bënim politikë konfliktuale, Ballkani do të ishte ndryshe”

Shekulli

ELBASAN- Kritikat e Nanos në KPD për vlerësimet e tyre negative, nuk ishin një rastësi. Dje në Elbasan në një orë leksioni me studentët e UT “Aleksandër Xhuvani” mbi kostot dhe përfitimet e integrimit, kryeministri deklaroi se evropianët nuk duhet të na trajtojnë më si nxënës por si partnerë. “Ne nuk mund lejojmë që çfarëdo i huaji apo niveli ekspertize të na trajtojë si nxënës”. Duke risjellë në vëmendje se qeveria shqiptare është e vlerësuar nga ndërkombëtarët për rolin moderator në rajon, mbi të gjitha në mosnxitjen e temave të rikthimit në të drejtën historike të shqiptarëve që jetojnë jashtë kufijve siç bën Serbia, Nano kërkoi nga institucionet evropiane standard të njëjtë edhe për reformat në vend. “Ne kemi përfshirë në dialogun partnerial me Brukselin, çështjen se nuk mund të ketë dy vullnete politike të Shqipërisë për integrim; atë të moderacionit dhe të nxitjes së transformimeve në rajon dhe atë të mungesës së vullnetit për të luftuar krimin dhe korrupsionin brenda. Shqipëria nuk mund të zhvillohet me dy standarde. Shqipëria nuk mund të vlerësohet me dy standarde. Natyrisht të ushtrosh një ndikim pozitiv politik në vende të tjera, është detyrë relativisht më e lehtë, sesa të luftosh krimin, informalitetin, korrupsionin brenda vendit tënd, sepse konsolidimi i gjyqësorit apo i sistemit të drejtësisë së organizuar që lufton krimin e organizuar natyrisht është një transformim shumë më i thellë sesa hapja e kufijve apo bashkëjetesa në kufij më të hapur, në hapësira më të gjëra midis fqinjësh që dikur kishin konflikte historike”,-tha ai. Sipas tij është konstant vlerësimi politik nga institucionet e asaj që po kristalizohet si politikë e përbashkët e jashtme e BE-së për rolin moderator dhe konstruktiv të Shqipërisë në rajon, sepse kjo është një çështje shumë delikate për vetë faktin se Shqipëria është i vetmi vend që rrethohet nga shqiptarë jashtë kufijve, në Kosovë, Maqedoni, Mal të Zi, tanimë edhe në Greqi. “Në qoftë se politika zyrtare e Tiranës zyrtare do të ishte konfliktuale, posesive apo paternaliste, Ballkani nuk do të kishte këtë stabilitet dhe ritëm zhvillimi drejt kthimit në një zonë europiane, drejt anëtarësimit në BE. Megjithatë nëse do të ishte ndryshe mund të luhej kollaj me deficitin e autoritetit brenda, me temat e rikthimit në të drejtën historike të komuniteteve shqiptare që jetojnë jashtë kufijve siç mund ta bëjë ndonjë vend në rajonin tonë”,-theksoi Nano. Sipas Nanos këtë bëjnë serbët sot. “Në vend që të dominohet, pra Beogradi zyrtar, politika zyrtare e Beogradit nga temat që dominojnë të gjitha kryeqytetet e tjera të Ballkanit, temat e reformave, temat e integrimit, temat e luftës kundër kriminalitetit, informalitetit, trafiqeve etj. temat e bashkëpunimit dominohen nga temat e nacionalizmit”.
Pamundësia ekonomike
“Shqipëria, ky vend me 3 milionë banorë,- sepse 4 milionë të tjerë janë në rajon, 6 milionë të tjerë jo vetëm shqiptarë Shqipërie janë integruar në Turqi dhe më në fund 3-4 milionë të tjerë në këta vite të hapjes janë zhvendosur që nga Greqia deri në SHBA, ku emigracioni i ri e ka kapërcyer të vjetrin dhe ku janë rreth 700 mijë shqiptarë, sot, të rinj dhe të vjetër apo 700 mijë në Greqi, 300 mijë në Itali e me radhë. Pra, Shqipëria jonë me 3 milionë shtetas me një produkt të brendshëm bruto për frymë 1930 dollarë, me një peshë të lartë të bujqësisë ende në produktin e brendshëm me afro 1/3, duke u mbështetur në perspektiva realiste të vazhdimit të rritjes ekonomike edhe për 10-15 vitet e ardhshme me ritme 6-7% siç ka ndodhur në 5-6 vitet e fundit, nuk mund të arrijë më shumë sesa niveli i prodhimit dhe të ardhurave për frymë që ka Kroacia sot apo ish- vendet e Lindjes europiane në tërësi”,-tha Nano.

[ATMAN]

E ardhmja jonë jetime

Shkruan: Gazmend KAPLLANI


Kongresi i fundit i Socialisteve s'ishte asgje me shume dhe asgje me pak se sa nje "kthim ne identitet". Per ne, vdektaret e thjeshte, ishte kthim ne realitet. Kishim kujtuar kaq vite se ndodheshim ne tranzicion. Gabim. Duhej nje Kongres qe te zbulonim se gjithe keto vite nuk gjendeshim ne tranzicion. Tranzicioni filloi pardje. Sapo mbaroi Kongresi i Socialisteve. Dhe gjithe keto vite cfare ishin? Nuk e di. Ndoshta nje para-tranzicion ose nje tranzicion drejt tranzicionit. Cfare te bejme: ne viset tona arberore ndodhin shume gjera sureale.

Sepse edhe fillimi i pluralizmit ne Shqiperi ishte sureal. PD-ja lindi pak a shume si nje dege rebele e Bllokut dhe e Byrose Politike, pavaresisht nga retorika primitive anti-komuniste qe adoptoi me vone. A mund te ndodhte ndryshe ne kushtet e nje regjimi totalitar qe kishte zhdukur cdo lloj qelize oponence? PS-ja nga ana tjeter e cila asnjehere nuk u shkeput me te vertete nga mentaliteti i Bllokut dhe i Byrose Politike (pavaresisht nga retorika folklorike anti-Enveriste) pas 1991 u katandis pak a shume ne nje germadhe. Kjo edhe fale politikes agresive te Berishes i cili kishte vendosur te mos e leshonte pushtetin pa kaluar te pakten tre dekada. Partine Socialiste nuk e nxirrte jashte ligjit sepse i duhej si alibi per te perligjur pluralizmin politik. Vete Socialistet - me vetedijen e mekateve te se kaluares - nuk e besonin se do vinin ne pushtet pa kaluar nje kohe e gjate.

E vetmja kokecarje e tyre ishte te mbijetonin nga ana politike. Por nje dite te bukur per ta, e cila koincidonte me ditet me te zeza per Shqiperine (anarkia e vitit 1997), u trokiti pushteti ne dere. Ishte vete Berisha qe ja u dhuroje pushtetin. Ishte autoritarizmi, verbesia politike, katastrofomania dhe pushtetomania e Berishes. Partia Socialiste ne ate kohe kishte instiktin e pushtetit (45 vjet ne pushtet nuk jane pak) por i ngjante me shume nje klubi se sa nje Partie. Gjate kesaj kohe nuk nguroi te jepte edhe ndonje shoe ne TV-i ku anetaret e "klubit" i benin akuza te perbindshme njeri-tjetrit per lidhje me krimin e organizuar. Per me shume kishin perballe tyre nje kundershtar te dobet i cili konsiderohej si `karte e djegur'. Ashtu si Berishes i duhej nje PS-se germadhe qe te perligjte pluralizmin politik, tani PS-se i duhej "Berisha germadhe" per te aplikur `teorine e Gogolit'.

Sidoqofte disa vite rresht ekzistonte pershtypja qe PS-ja ishte nje Parti e emancipuar, te pakten per standartet shqiptare. Por pushteti sjell edhe tertipet e veta alla shqiptare: trafiqe, milona dollare, dogana, embelsine e qeverisjes... Meqenese shoqeria jone ndodhet ne fazen e asaj qe Marksi e quan ?grumbullim fillestar i kapitalit', ne PS ?zbuluan' pak nga pak se duhej ndare shapi nga sheqeri. Me pak fjale erdhi koha qe PS-ja te kthehej ne identitet. Ne fakt PS-ja nuk ka devijuar ndonjehere nga ?identiteti' i saj: eshte nje Parti e cila ka mbetur ende tek mentaliteti i Bllokut dhe Byrose Politike, te pershtatura sigurisht ne kushtet e kapitalizmit suralist qe mbizoteron ne Shqiperi. Kete fakt askush nuk e dinte me mire se sa z. Nano. Dhe dija ne fushen e politikes shperblehet me fitore. Dhe fitorja do shoqeruar me poezi, lote dhe brohoritje. (Sepse pervec te tjerave, Kongresi i fundit i PS-se shenon edhe lindjen e melodrames se re shqiptare, ashtu si pleniumet e PPSH-se percaktuan estetiken e realizmit socialist).

Tani kemi dy parti monolitike, PS-ne dhe PD-ne. Tranzicioni pra mund te filloje. Ne krye te dy Partive kemi dy udheheqes te cilet kane te shkuar dhe "u vjen prapa historia". Kane edhe te tashme por nuk kane te ardhme. Nuk zgjojne asnje lloj perspektive per te ardhmen. Si e ardhme ata shihen vetem nga fanatiket partiake te cilet zakonisht te ardhmen e shohin ne formen e tenderave, subvencioneve, posteve ne dogana, ambasada, ministri dhe mundesise qe t'a "luajne" pak parane dhe pushtetin.


Keshtu qe tranzicioni i vertete fillon pa te ardhme. Ne nje Shqiperi te krethur ne skamje dhe krim te organizuar. E ardhmja u "tret" gjate tranzicionit drejt tranzicionit. Prej emigracionit shoqeria Shqiptare ka humbur goxha gjak. Nuk e ka marre vehten prej tmerrit te vitit 1997. Per me shume 1997 penalizoi deshiren per t'u rebeluar dhe per t'u organizuar. "Shoqeria civile" u "integrua" tashme. Zuri postet qe i dhane, rregulloi grate neper ambasada, burrat neper dogana, femijet neper ministrira - dhe nga tenderat edhe pse modeste dicka del. Me pak fjale durim. Tranzicioni do jete i gjate por krejt i parashikueshem. P.sh. ne zgjedhjet ardhshme numeri i votuesve zor se do t'i kaloje 35%. (Vecse ne se vene edhe pemet e te vdekurit te votojne). Ose po te dalin forca alternative dhe progresiste - te cilat nuk do trashegojne "barren" e Bllokut dhe Byrose Politike - qe te ringjallin serish sensin e te ardhmes. Pse jo