Ushtria serbomalazeze vret një të mitur shqiptar

[Irfan]

Ushtria serbomalazeze vret një të mitur shqiptar

Preshevë, 7 janar (presheva.com) – Rojet kufitare të ushtrisë së Serbisë dhe Malit të Zi kanë vrarë të premten Dashnim Hajrullahun (16 vjeç) nga fshati Rahovicë të komunës së Preshevës. Viktima është vrarë rreth orës 13.30 në Miratoc, buzë vijës kufitare të Serbisë dhe Maqedonisë. Dëshmitarët kanë pohuar për « presheva.com » se viktima është qëlluar me armë zjarri mbi 500 metra brenda territorit të Serbisë. Ata kanë shtuar se pjesëtarët e ushtrisë serbomalazeze kanë shtënë mbi Dashnim Hajrullahun pa paralajmërim dhe se pas vrasjes së tij e kanë tërhequr kufomën afër vijës kufitare. Në mbrëmje, në shenjë revolte, qindra qytetarë janë tubuar në vendin e ngjarjes dhe në shkollën e fshatit Miratoc. Përfaqësuesit politikë shqiptarë e kanë dënuar aktin duke e cilësuar njëzëri si një vepër makabre e cila ngjallë pasiguri në rajon. « Kjo vrasje është rezultat i militarizimit të skajshëm të rajonit nga ana e forcave serbe dhe ndikon negativisht në stabilitetin e Luginës së Preshevës », deklaruan para masës protestuese liderët politikë vendorë. Të premtën në mbrëmje, ndonëse nëpër rrugët e qytetit të Preshevës vërehej prezencë e shtuar e forcave të policisë serbe, gjendja dukej e qetë.

Si përgjigje ndaj vrasjes së Dashnim Hajrullahut, të shtunën, Kuvendi Komunal i Preshevës do ta mbajë një seancë të jashtëzakonshme. Bashkësia Lokale e fshatit Miratoc ka paralajmëruar po ashtu mbajtjen e një proteste gjatë pasditës të së shtunës në Preshevë.
Që nga përfundimi i konfliktit të armatosur në Luginën e Preshevës, në maj të vitit 2001, Dashnim Hajrullahu është viktima e dytë shqiptare e rojave kufitare serbe të cilat janë të dislokuara në Miratoc, përgjatë kufirit të Serbisë dhe Maqedonisë.

Foto,femiju qe u vra nga forca sllave....

[Irfan]

Megjithë ndërprerjen e seancës, Kuvendi Komunal reagon ndaj vrasjes së Dashnim Hajrullahut

Preshevë, 8 janar (presheva.com) - Kuvendi i Komunës së Preshevës e mbajti të shtunën një seancë të jashtëzakonshme ku shqyrtoi ngjarjen tragjike të vrasjes së djeshme të të riut Dashnim Hajrullahut nga fshati Rahovicë. Gjatë mbajtjes së seancës së jashtëzakonshme, një numër i madh qytetarët të indinjuar tentoi që të hyjë në sallën ku mbahej seanca. Me këtë rast, Kuvendi Komunal ndërpreu përkohësisht seancën dhe masës së tubuar përpara objektit të komunës iu drejtuan kryetari i Kuvendit të Komunës së Preshevës, Ragmi Mustafa dhe udhëheqësi i Lëvizjes së Progresit Demoktatik për Preshevë, Orhan Rexhepi. Masa u shpërnda qetësisht pasi që ata i njoftuan për rrjedhën e seancës dhe për konkluzionet që do të propozohen gjatë vazhdimit të seancës. Me propozim të Lëvizjes për Progres Demokratik, Kuvendi i Komunës së Preshevës në këtë seancë miratoi dhjetë konkluzione të cilat do të rishqyrtohen edhe njëherë gjatë ditës së henë.Kuvendi Komunal kërkoi reagim të shpejtë diplomatik të faktorit ndërkombëtarë me qëllim parandalues, stacionim të forcave ushtarake policore ndërkombëtare me qëllim preventiv, koordinim urgjent të faktorit politik shqiptar rreth formimit të Këshillit Nacional të Luginës së Preshevës, tërheqjen e të gjitha forcave ushtarako-policore dhe të xhandarmerisë të cilat bëjnë veprime kriminale, reagim të faktorit politik mbarëkombëtar për senzibilizimin e gjendjes në Luginën e Preshevës, hapjen e vendkalimeve kufitare të reja në drejtim të Kosovës dhe të Maqedonisë, që vrasësi i fëmiut Dashnim Hajrullahu, të gjykohet dhe të dënohet në gjykatën komunale në Preshevë, Kuvendet e komunave të Preshevës, Bujanocit dhe të Medvegjës të formojnë një grup negociues për zgjidhjen e problemeve në Luginë të Preshevë; që të ftohet një seancë e rregullt të Kuvendit të Komunës së Preshevës për shqyrtimin e sigurisë ku do të ftoheshin përfaqësuesit qeveritarë dhe ndërkombëtarë dhe që organizohet një mbledhje e përbashkët e kuvendeve të komunave të Preshevës, Bujanocit dhe të Medvegjës. Kuvendi Komunal paralajmëroi po ashtu mbajtjen e një proteste gjithëpopullore në Preshevë për ditën e hënë më dhjetë janar.

[Irfan]

Dashnim Hajrullahu varroset të dielën në mesditë

Preshevë, 8 janar (presheva.com) – Bashkësia Lokale e Rahovicës ka bërë të ditur se varrimi i Dashnim Hajrullahut do të bëhet të dielën me fillim në ora 12.00 në Rahovicë. I mituri Dashnim Hajrullahu (16 vjeç) është vrarë të premten nga pjesëtarët e ushtrisë serbomalazeze në Miratoc afër vijës kufitare të Serbisë me Maqedoninë.

[Irfan]

SHOQATA E VETERANËVE, INVALIDËVE DHE FAMILJEVE TË DËSHMORËVE TË USHTRISË ÇLIRIMTARE TË PRESHEVËS, MEDVEGJËS DHE BUJANOCIT

REAGIM

Ne, Shoqata e veteranëve, invalidëve dhe familjeve të dëshmorëve të ushtrisë Çlirimtare të Preshevës, medvegjës dhe Bujanocit ashpër reagojmë ndaj vrasjes së fëmiut Dashnim Hajrullahu nga fshati Rahovicë. Sipas të gjitha gjsave, kjo vrasje pa kurfarë shkaku është si pasojë e deklaratave të njëpasnjëshme e zyrtarëve sertb, si Kostiqi, Çoviçi, Kadijeviqi e të tjerë , të cilët sikur bëjnë gara në mes veti se cili do ta paraqes më bindshëm pranverën e nxehtë në Luginën të Preshevës.

Deri më sot asnjëherë nuk ka ndodhur ndonjë sulm ndaj ushtrisël serbo-malazeze, asnjëherë nuk është zënë ndonjë sasdi droge, sado e vogël në zonën kufitare me Kosovën, asnjë kontrabandë me njerëz, e megjithate situata në luginë proklamohet si shumë e tendosur. Kjo u shërben atyre për të shtuar forcat e armatosura në zonën kufitare, e pse, ata e dinë por duhet ta kenë të qartë edhe ata, e edhe bashkësia ndërkombëtare si garantues për implementimin e marrëveshjes së Konçulit, se shqiptarët këtu kanë egzistuar që nga fillimi i popullzimit të tokës, e këtu do të qëndrojnë deri në fund të egzistimit të sajë. Çdo fillim e ka edhe mbarimin. Besojmë se këto vrasje të njëpasnjëshme në fshatin Miratoc e gjetiu do të jetë fillimi i mbarimit të dhunën serbe ndaj shqiptarëve.

Preshevë, 08.01.2005 SHVIFD të UÇPMB-së

Nazmi Faiku, kryetar

[Brari]

Duhet bere Protest deri para selise se Komitetit Europian ne Bruksel..

Te mblidhen mijra e mijra Shqiptar aty e ta tundin Brukselin e tja kujtojne se SERBIA eshte ajo qe ka qene..barbare e kriminale si gjithmone..
Ngushellime Familjes dhe bashkkombasve tane ne Medvegj e Bujanovc..
I paharrushem kujtimi kti djali te pafajshem..

[Llapi]

Varroset Dashnim Hajrullahu, paralajmërohen protesta në Luginën e Preshevës

Mijëra shqiptarë të Luginës së Preshevës dhe më gjerë kanë marrë pjesë në ceremoninë e varrimit të të miturit Dashnim Hajrullahu nga Rahovica, i vrarë të premten nga pjesëtarët e ushtrisë serbomalazeze në Miratoc të Preshevës afër vijës kufitare të Serbisë me Maqedoninë.


Në shenjë proteste, funerali, i shoqëruar nga turma, marshoi nga Rahovica, deri para godinës së Kuvendit Komunal në Preshevë, nga ku u kthye në varrezat e fshatit. Në fjalimet e rastit, përfaqësuesit politik dhe institucional të Luginëssë Preshevës e dënuan “dhunën e cila në kontinuitet po ushtrohet ndaj popullatës shqiptare të këtij rajoni”. Vrasja e Dashnim Harullahut ka tensionuar në masë të madhe situatën politike dhe të sigurisë e cila nga përfaqësuesit e Ushtrisë Serbo- Malazeze, përkundrazi, vlerësohet të jetë stabile. Sipas njoftimeve të zyrtarëve serb, analizat e obduksionit dhe të balistikës do të duhej të publikoheshin sot, mirëpo një gjë e tillë ende nuk është bërë publike. Ministri serb i mbrojtjes Prvosllav Daviniq, ka paralajmruar aplikim të sanksioneve ndaj ushtarëve serb, nëse rezultatet e obduksionit dëshmojnë për parregullësi eventuale. Mirëpo, këshilltarët komunal të Preshevës kanë shprehur dyshime në deklaratat e tilla. Në këto rethana, për nesër në ora 12:00, është paralajmruar protestë gjithëpopullore e shqiptarëve të Luginës së Preshevës.


RTK

[Irfan]

Mbi dhjetë mijë qytetarë marrin pjesë në varrimin e Dashnim Hajrullahut

Preshevë, 9 janar (presheva.com) – Nën përcjelljen e mbi dhjetë mijë qytetarëve, të dielën, në Rahovicë të Preshevës u varros i riu 16 vjeçar, Dashnim Hajrullahu, i cili u vra të premtën nga rojet kufitare të ushtrisë serbomalazeze, në afërsi të fshatit Miratoc, pranë vijës kufitare Serbi - Maqedoni. Kortezhi mortor ka parakaluar me arkivolin e të vrarit dhe me flamurin kombëtar nga fshati Rahovicë e deri pranë Kuvendit Komunal në Preshevë, për të vazhduar më pas deri tek varrezat e fshatit. Pas ritualit fetar dhe nderimit të viktimës me një minutë heshtje, në ceremoninë mortore e morën fjalën të gjithë liderët politikë shqiptarë. Fjalë rasti mbajtën edhe organizatorët e ceremonisë mortore, si dhe përfaqësuesit e organizatave të dalura nga lufta dhe të institucioneve fetare. Nëpërmjet telegrameve të tyre, ngushëllime shprehën edhe dy ish-drejtuesit e UÇPMB-ës, Shefket Musliu dhe Mustafë Shaqiri. Gjatë varrimit nuk është shënuar asnjë incident.

[Irfan]

Mbi dhjetë mijë qytetarë marrin pjesë në varrimin e Dashnim Hajrullahut

Preshevë, 9 janar (presheva.com) – Nën përcjelljen e mbi dhjetë mijë qytetarëve, të dielën, në Rahovicë të Preshevës u varros i riu 16 vjeçar, Dashnim Hajrullahu, i cili u vra të premtën nga rojet kufitare të ushtrisë serbomalazeze, në afërsi të fshatit Miratoc, pranë vijës kufitare Serbi - Maqedoni. Kortezhi mortor ka parakaluar me arkivolin e të vrarit dhe me flamurin kombëtar nga fshati Rahovicë e deri pranë Kuvendit Komunal në Preshevë, për të vazhduar më pas deri tek varrezat e fshatit. Pas ritualit fetar dhe nderimit të viktimës me një minutë heshtje, në ceremoninë mortore e morën fjalën të gjithë liderët politikë shqiptarë. Fjalë rasti mbajtën edhe organizatorët e ceremonisë mortore, si dhe përfaqësuesit e organizatave të dalura nga lufta dhe të institucioneve fetare. Nëpërmjet telegrameve të tyre, ngushëllime shprehën edhe dy ish-drejtuesit e UÇPMB-ës, Shefket Musliu dhe Mustafë Shaqiri. Gjatë varrimit nuk është shënuar asnjë incident.

[Irfan]

Çoviç kundërshton tërheqjen ushtarake nga Serbia Jugore
10 Janar 2005



Presidenti i qendrës së Koordinimit për Kosovën, Nebojsha Çoviç tha dje se nuk duhet të ndërmerret ndonjë tërheqje ushtarake nga Serbia Jugore dhe zona që rrethon kufirin administrativ me Kosovën.
Duke folur në televizionin shtetëror, Çoviç tha se ushtria është vendosur pasi është rënë dakord me KFOR-in dhe nuk duhet të tërhiqet nga rajoni kufitar pasi ky nuk është një rajon ndërkombëtar.
Ai i kërkoi kryeministrit malazez Milo Gjukanoviç dhe presidentit serbomalazez Svetozar Maroviç t'i përgjigjen një deklarate të Nikola Gegajt, anëtar i parlamentit nga partia Demokratike e Socialistëve, e kryesuar nga Milo Gjukanoviç, i cili deklaroi se vdekja e një të riu shqiptar etnik në kufirin me Maqedoninë tregon se Beogradi është i prirur t'i vrasë shqiptarët që ndodhen në Serbinë Jugore.

[Arb]

Qeveria e Kosovës shpreh shqetësim për vrasjen e Dashnim Hajrullahut në Luginën e Preshevës

Prishtinë, 11 janar (QIK-u) - Nëpërmjet një deklarate, Qeveria e Kosovës ka pritur me shqetësim lajmin mbi vrasjen e të riut Dashnim Hajrullahut nga forcat ushtarake të Serbisë e Malit të Zi në fshatin Miratovc të Luginës së Preshevës.

Qeveria e Kosovës shpreh ngushëllimet më të sinqerta familjes dhe të afërmve të të ndjerit.

Po kështu, Qeveria është duke e përcjellë situatën në rajon pas këtij akti dhe prêt që përgjegjësit të dalin para drejtëesisë.