Leka dhe bashkimi i trojeve shqiptare

[StormAngel]

Bashkimi i trojeve shqiptare, Leka moderon qëndrimin


Ne platformen e Levizjes per Zhvillim Kombetar, pretendenti i fronit mbreteror ka vendosur te reformoje idene e tij, lidhur me qendrimin politik per bashkimin e te gjitha trojeve shqiptare, duke synuar te sigurimin e vemendjes politike edhe nga qarqet nderkombetare

Armando META

Metonjesi per fronin mbreteror Leka Zogu, ne platformen e Levizjes per Zhvillim Kombetar (LZHK), ka vendosur te reformoje idene e tij, lidhur me qendrimin politik per bashkimin e te gjitha trojeve shqiptare. Ne kushtet e zhvillimeve aktuale nderkombetare, nje teze e tille eshte shfrytezuar nga qarqet politike te vendeve rreth Shqiperise, si nacionaliste, qe ka si qellim krijimin e Shqiperise se Madhe. Kjo ka shkaktuar dhe nje seri kostosh politike per pretendentin e fronin mbreteror Leka i Pare, si dhe ka penalizuar ne mjaft raste edhe Partine "Levizja e Legalitetit", e cila e kishte si argument te sajin politik, tezen e siperpermendur.

Ne perpjekje per te siguruar vemendjen e duhur politike te qarqeve nderkombetare, si dhe per te mos i vendosur vetes "trungje nen kembe", persa i perket ecurise se Levizjes per Zhvillim Kombetar, njerezit prane Leka Zogut kane bere disa modifikime te kesaj teze. Zyrtare te larte te Oborrit Mbreteror, deklaruan posacerisht per gazeten "Korrieri" se, vullneti politik i pretendentit te fronit, por edhe i Levizjes, eshte integrimi i Shqiperise ne strukturat euro- atlantike, gje qe do te zbehte dukshem nacionalizmat, jo vetem ne Shqiperi, por edhe ne Ballkan. Sipas tyre, edhe ne takimin me Komitetin e Politikave te LZHK-se u shpreh mendimi politik, se "aspirata shqiptare euro-atlantike eshte e ligjshme dhe jetike per fatin e se ardhmes. Ndryshe nga deri me sot, shqiptaret kane me shume pergjegjesi ndaj ketij procesi, i cili do te fshije kufinjte ndares mes shqiptareve, duke i dhene fund padrejtesive historike dhe te kaluares se erret te Ballkanit". "Mendimi qe po dominon eshte se duhet mbeshtetur ne profesionalizem dhe ne shqiptarizmin, pasi kjo rruge eshte vazhdim i tradites dhe ndihmon ne zhvillimin e kultures sone, pa cenuar kulturat dhe perparimin e kujtdo qe jeton prane nesh apo brenda territoreve tona. Ne kemi nevoje per kete shqiptarizem - patriotizmi yne historik, jo per mjetet e dhunes. Ne deshirojme te miren e Atdheut tone. Historikisht, jo vetem per ne, por ne te gjithe boten, kjo do te thote qe t'i besh nder edhe fqinjit", nenvizojne drejtuesit e larte te Oborrit Mbreteror, duke cituar pjese nga deklarata e takimit te pretendentit te fronit me Komitetin e Politikave te Levizjes se krijuar prej tij. Ne kete takim Leka Zogu theksoi se "respekti qe kemi ditur dhe dime ta tregojme per te tjeret, per pakicat kombetare apo kulturore, eshte rruga me e sigurt per te kerkuar dhe garantuar respektimin e te drejtave te shqiptareve kudo ku ata ndodhen". Sipas tij, duke gjykuar mbi situaten politike aktuale, pritshmeria popullore per nje "politike ndryshe" eshte dhe mbetet e madhe. "Te gjithe sebashku, duhet te punojme qe ne Shqiperi te realizohet kerkesa nderkombetare dhe mbarekombetare qe te kete zgjedhje te lira dhe te ndershme, qe kerkojne si parakusht nje infrastrukture zgjedhore demokratike. Ne mbeshtesim cdo perpjekje qe afron kete realitet. Nuk duhet te lejojme kompromiset, manipulimet. Verdikti i popullit duhet te zbatohet. Ky eshte shansi historik per ta bere Shqiperine nje shtet te forte. Keshtu shteti ame do te ndihmoje fuqimisht ne zgjidhjen e ceshtjes sone kombetare", ka nenvizuar Leka Zogu.

Korrieri

[palushi]

jam kurioz se cili do t'ishte qendrimi i fqinjeve ne rast te fitores se LZHK

[dodoni]

Ribashkimi i të gjitha trojeve shqiptare për rrethanat e tanishme politike është i pamundur por ribashkimi i Kosovës me Shqipërinë është plotësisht i mundur dhe edhe zgjidhja më e mirë dhe e vetme e problemit të Kosovës. Prandaj Leka me qëndrimin për ribashkimin e Kosovës me Shqipërinë jo vetëm që nuk humb përkrahje ndërkombëtare por edhe e shton atë shumë më shumë.

Qëndrimi i ribashkimit të Kosovës me Shqipërinë është qëndrimi më i moderuar që një parti apo politikan shqiptar por edhe i huaj mund të ketë në lidhje me çështjen e Kosovës. Prandaj Leka duhet të shprehet hapur për këtë.

Edhe për punën e Maqedonisë, mendoj se forcat politike shqiptaro-maqedonase dhe ato shqiptare në përgjithësi duhet të punojnë tani me të gjitha forcat që ta ribashkojmë gjithë Maqedoninë me Shqipërinë sepse edhe ata sllavo-maqedonsa janë vetëm shqiptarë të sllavizuar dhe janë shumë më krenar të thonë se janë maqedonsa se sllavë, e maqedonsat e vërtetë (fisi ilir) dihet se janë shqiptar. Kjo poashtu është zgjidhja më e mirë për të ardhmen e tyre.

Kurse për trojet e tjera duhet të kënaqemi me realizimin e të drejtave kombëtare të shqiptarëve në Çamëri, Ulqin, Tivar, Plavë, Guci, Malësi, Luginë e Preshevës etj.

Poashtu më pëlqen shumë dhe ishte një hap shumë i mirë e i domosdoshëm i Lekës në aktivizimin e at Nikolla Markut në politikë dhe qëndrimi për pastrimin e kishës shqiptaro-ortodokse nga qelbësira greke si Janullahatusi.

[Ermali-AL.....]

E dhe pse se kam perkrahur leka zugun , per braktisjen qe beri i jati ,
e perkrah tani plotesisht per bashkim kombetar .

Ay ibrahim rugova me shoqerine e tij duhen hequr nga karikja ,pasi spranojne bashkimin shqiperi kosove ( te pakten )

[dodoni]

E Marte, 31 Gusht 2004


LEKA ZOGU TAKON KOMUNITETET FETARE NE QYTETIN E ELBASANIT

Leka Zogu vazhdoi dje te promovoje Levizjen Kombetare per Zhvillim ne disa takime ne qytetin e Elbasanit, ku ai u takua me perfaqesues te klerit ne kete qytet. "Leka Zogu i Pare ka zhvilluar dje nje vizite private ne qytetin e Elbasanit, por ka folur edhe per levizjen e tij te re. Leka I u shpreh se Levizja per Zhvillim Kombetar, mori shtyse nga rreziku qe i kanoset shqiptareve nga politika aktuale qeverisese", thuhet ne njoftimin e oborrit mbreteror. Ai tha se ka vizione te qarta per zgjidhjen e probemit cam dhe shtoi se qeveria s'po ben asgje per zgjidhjen e ketij problemi. "Ekonomia jone eshte aq e dobet, sa neser Shqiperia mund te behet prone e Greqise", tha Leka Zogu I. Ai shtoi se duhet bere me shume per arvanitasit, emigrantet e camet ne Greqi. Ai kerkoi qe shqiptarizmi te jete mbi gjithcka dhe shqiptaret te mos bien pre e pseudonacionalisteve. "Jeta e shqiptareve ne Maqedoni eshte ne rrezik, nese nuk nderhyhet ne kohe. Ndersa per shqiptaret e Kosoves rruga drejt zgjidhjes se statusit po gjendet", tha Zogu. Leka Zogu I eshte takuar me simpatizante, perfaqesues te komuniteteve fetare dhe kryebashkiakun Adrian Turku. Ai vizitoi institucionet fetare te qytetit, xhamine dhe kishen e qytetit. Gjate takimit me perfaqesuesit e Myftinise, Leka I shprehu kenaqesine per rolin ne forcimin e bashkejeteses mes feve. Ndersa drejtuesin e kishes ortodokse autoqefale te Elbasanit, At Nikolle Markun, e falenderoi per gjendjen prane ne ditet e veshtira per familjen mbreterore.

Falenderimi

Pretendenti per Fronin Mbreteror, Leka Zogu, falenderoi ne fillim te muajit te gjithe shqiptaret qe i qendruan prane ne momentin e dhimbshem te humbjes se bashkeshortes se tij, Suzanes. Ai beri nje deklarate publike ku shpreh mirenjohjen per nderimin qe i bene figures se Suzanes, personalitete dhe njerez te thjeshte: "Keto dite zije per Familjen Mbreterore Shqiptare, ne, bashke me Princ Leken, kemi ndier prane perfaqesuesit nga te gjitha krahinat e Atdheut tone te dashur, nga gjithe kombi shqiptar. Falenderoj metalurget e Matit, qe ndaluan protesten e tyre te ligjshme, diten e Lamtumires per Mbretereshen Suzane, ata qe ulen flamurin ne gjysme shtize ne qender te Tiranes, si dhe ne shume rrethe te Shqiperise, delegacionet nga Prishtina, Gostivari, Gjirokastra, Gjakova, Peja, Prizreni, Shkodra, Korca, Vlora, nga te gjitha krahinat ku banojne shqiptaret. Falenderoj motrat dhe vellezerit, qe derguan perfaqesuesit e tyre nga shqiptaret e diaspores se vjeter dhe te re nga SHBA, Britania e Madhe, Franca, Italia, Zvicra, Suedia, Belgjika, Gjermania, Turqia, Greqia, etj", u shpreh ne mesazhin e tij, Leka Zogu.





Copyright ? KOHA JONE - E perditshme e pavarur

Kjo deklaratë e Leka Zogut shumë e mirë por unë kam një vërejtje të vogël në lidhje me shprehjen e tij se Ekonomia jonë është aq e dobët.. Nuk them që nuk e ka mirë, por them që nuk jemi edhe aq keq sa duket. Tani edhe SHBA, BE dhe shumë vende kanë filluar të investojnë apo kanë premtuar se do të bëjnë investime shumë të mëdha tek neve. Poashtu edhe ribashkimi i Dardanisë me Shqipërinë do të sjell një boom ekonomik në të gjitha trojet shqiptare.

Pastaj udhëheqësat dhe gjithë populli duhet të jenë më optimist për të ardhmen e kombit, të kenë më shumë vetbesim në veten dhe kombin.

Për të bërë një punë apo për të arritur diçka në jetë, gjysma e punës është besimi se mund ta arrish dhe do ta arrish atë, prandaj edhe ne duhet të besojmë fort dhe të punojmë edhe më fort, pastaj edhe rezultatet nuk mungojnë. Kot nuk e motivojnë amerikanët njëri-tjetrin dhe udhëheqësat këtu popullin me shprehjet "you can do it", "we can do it", dhe edhe vetveten e tyre "I can do it". Kjo është premisa kryesore për të arritur diçka në jetë dhe për të marrë rezultatet që dëshirojmë.
Sidoqoftë, jam i bindur që gafa të tillë nuk do të kemi në të ardhmen as nga Leka e as nga asnjë politikan shqiptarë.


Shumë suksese Lekës, dhe jam i bindur që do të ketë sukses shumë të madh në zgjedhjet e ardhshme, sepse shqiptarëve i duhet një udhëheqës si Leka.


Përshëndetje

[StormAngel]

Ne lidhje me kete do kisha thene se Leka pergezon edhe perkrahjen e ca prifterinjeve tjere mes te cileve edhe ate Nikolle Markut,i cili thote se perderisa Zogu perkrah autoqefaline e kishes ortodokse shqiptare ky gjithmone do ta perkrahe ne cdo aspekt.

[Shpirt Njeriu]

Çështja kombëtare, harmonia fetare, gjendja ekonomike e Shqipërisë dhe qëndrimi i politikës së sotme ndaj kësaj gjendjeje kanë qenë çështjet themelore të bashkëbisedimit dhe shpalosjes në Elbasan të platformës së Lëvizjes për Zhvillim Kombëtar nga Leka Zogu.




Pretendenti i fronit mbretëror shqiptar, Leka I, është shprehur se qeveria aktuale nuk ka bërë sa duhet për t'i zgjidhur problemet që po e pengojnë Shqipërinë në arritjen e synimit të saj për t'u integruar në strukturat europiane, gjatë vizitës së djeshme në qytetin e Elbasanit. "Qeveria aktuale nuk po lufton aspak, sepse, po të bënte diçka, ajo do t'i kishte zgjidhur", tha Leka Zogu. Duke shprehur karakterin nacionalist të lëvizjes së drejtuar prej tij, Leka I ka nënvizuar se "nuk duhet të biem pre e pseudonacionalistëve; ne jemi nacionalistë në të mirë të popullit dhe kombit dhe duhet të hedhim hapa të fuqishëm për të mbështetur integrimin e shqiptarëve në Europë". Sipas tij, gjendja e rëndë ekonomike në Shqipëri do të sjellë edhe cenimin e sovranitetit të saj. "Ekonomia jonë është aq e dobët, sa nesër Shqipëria mund të bëhet pronë e Greqisë", u shpreh Leka I. Ai ka nënvizuar se LZHK-ja është krijuar si shtysë për të shpëtuar kombin nga rreziku që i kanoset prej politikës aktuale qeverisëse.

Mbështetja
Kreu i legalistëve, Ekrem Spahia, ka shprehur dje qëndrimin e PLL-së ndaj lëvizjes politike të drejtuar nga Leka I. Sipas tij, Legaliteti dhe Mbreti janë të lidhur organikishit dhe midis tyre nuk ka pasur dhe nuk ka asnjë mosmarrëveshje.

Indiferenca
I pyetur për mundësitë e një bashkëpunimi politik midis LZHK-së dhe PD-së, kreu i demokratëve, Berisha, ka preferuar ta anashkalojë përgjigjen për një gjë të tillë. Sipas tij, çdo individ apo subjekt politik ka të drejtën për të zhvilluar aktivitete të cilat mendohen se janë në dobi të vendit.

Takimet
Gjatë vizitës së tij në qytetin e Elbasanit pretendeti për fronin mbretëror, Leka I, ka zhvilluar një sërë takimesh me përfaqësues të klerit, si dhe me intelektualë të këtij qyteti. Ai u takua edhe me përfaqësuesit e komunitetit mysliman në Myftininë e Elbasanit dhe të Kishës Autoqefale Ortodokse shqiptare në qytet. Po kështu, një tjetër takim ishte edhe ai me kryetarin e Bashkisë së Elbasanit, Adrian Turku, gjatë të cilit janë përkujtuar lidhjet e Elbasanit me familjen mbretërore.


Spahia: Bashkëpunim me Lekën, por krah partive opozitare

PLL-ja duket se do të bashkëpunojë si me LZHK-në, ashtu edhe me koalicionin opozitar të udhëhequr nga Partia Demokratike. Kreu i legalistëve, Ekrem Spahia, u shpreh dje në një konferencë për shtyp se kjo parti do të jetë përkrah forcave opozitare për të vazhduar luftën politike ndaj qeverisë. "PLL-ja deklaron që është në mbështetje të koalicionit të LZHK-së dhe se marrëdhëniet me partitë e tjera opozitare do të jenë të frutshme. Kjo do të bëjë të mundur që në vitin 2005, pas zgjedhjeve parlamentare, PLL-ja dhe partitë aktuale opozitare të vijnë në pushtet", tha Spahia. Ai deklaroi se legalistët do të kenë një bashkëpunim të vazhdueshëm me forcat e tjera opozitare sidomos për sa i përket reformës zgjedhore.

[Llapi]

PR kundër lëvizjes së Lekës I: Të gatshëm të shkojmë të vetëm në zgjedhje

Lajmi i ores 8:45 AM

TIRANE (1 Shtator) - Kryetari i Partisë Republikane, Fatmir Mediu, e cilësoi lëvizjen e drejtuar nga Leka Zogu si një lëvizje pa një logjikë politike. Sipas tij, lëvizje të tilla tregojnë vetëm dëshirën për t'u shfaqur në politikë me individë të ndryshëm, subjekte të ndryshme, pa ndonjë thelb të veçantë. "Kjo është një lëvizje brenda opozitës, që ka idenë e një bashkimi të njerëzve pa ide të qarta politike", tha Mediu. Kreu i republikanëve nënvizoi se politika shqiptare ka vuajtur në mënyrë të vazhdueshme nga mungesa e qartësisë politike, të përcaktimit politik të subjekteve, si të majta, të djathta, apo të qendrës. "Nëse ky konfuzion shtohet me lëvizje populiste nuk ka asgjë që duhet ta presim me kënaqësi, apo si një lëvizje pozitive brenda opozitës", tha Mediu. Sipas tij, një lëvizje e tillë si ajo e drejtuar nga pretendenti për fronin mbretëror, Leka Zogu, do të krijojë konfuzion si tek elektorati i opozitës ashtu edhe te qytetarët shqiptarë. Kreu i republikanëve, Mediu, u shpreh se, nisur nga gjendja e rëndë në të cilën ndodhet Shqipëria, "ku ka një prezencë shumë të fortë të krimit të organizuar dhe korrupsionit të lidhur me qeverinë. Zgjidhja e vetme është bashkëpunimi i të gjithë opozitës, rruga e vetme për të përballuar një realitet kaq kërcënues për të ardhmen e vendit është një bashkëpunimi i të gjitha forcave të opozitës", tha Mediu. Ai u shpreh se vetëm ky bashkëpunim i forcave të opozitës bën të mundur përballimin e "tentativave të segmenteve qeveritare për të përçarë opozitën, gjë e cila ka si qëllim manipulimin e zgjedhjeve". "Megjithatë, besoj se koha është e mjaftueshme për të krijuar format e bashkëpunimit midis forcave opozitare", tha Mediu. Mediu u shpreh se për republikanët, elementet më të rëndësishme që duhen parë në refomën zgjedhore janë sistemi zgjedhor, mënyra e numërimit të votave, balancimi i KQZ-së dhe strukturave të tjera zgjedhore. Sipas tij, sistemi zgjedhor aktual krijon kushte dhe probleme jo të vogla në zhvillimin e zgjedhjeve të lira dhe të ndershme. "Ky lloj sistemi krijon mundësi për t'i manipuluar zgjedhjet, për shkak të influencës së krimeve, si dhe parave të pista", tha Mediu. Duke u shprehur se një nga problemet më të mëdha të proceseve zgjedhore në Shqipëri është numërimi i votave në mënyrë transparente, Mediu nënvizoi si domosdoshmëri edhe balancimin e strukturave zgjedhore, "dhe në mënyrë të veçantë balancimi i KQZ-së". Sipas tij, opozita ka pasur gjithnjë një rakordim për momente të tilla dhe "besoj që këtë lloj rakordimi do ta kemi dhe në grupin e ekspertëve, për të pasur proces zgjedhor sa më të qenësishëm". "Megjithatë, PR-ja është e përgatitur si parti për të ndërtuar të gjitha strukturat e saj elektorale dhe politike, në rast se nuk do të ketë një partneritet politik", nënvizoi kreu i republikanëve. bm/bm (GazetaShqiptare/BalkanWeb)

[Brari]

Leka Zogu po hedh valle nen daullen e Nanos..

Fakti qe ne betejen per Kryetar Bashkie ne tirane midis perfqasuesit te Enver-Ramiz Hysni Manush Fecorr Stalin Gebels Ruc Nano mu-tometa e Mejdan Kloseve..Edvin Ramo Hajdutit dhe disidentit Tak Ngjela.. zogistet dhane kontribut per edvinin duke nxjerre majmunin Robett Papa si shuntues te votave demokratike .. tregon se Zogistet kane kohe qe hedhin valle Punisto-Socialiste..

Fakti se ne disa votime jetike ne Parlament deputetet zogiste jane rreshtuar mbas Rucit.. tregon dhe njehere se Zogistet jane blere..

Fakti se Leka shpesh kuvendon me plehra te sigurimit te llojit te te ashtuquajturve Front per Bashkim Kombetar etj si puna e Idajet gafurrave etj.. tregon se ai jo padashje noton ne kenete te zhabave..

Fakti se zogistet u dalluan ne te famshmin grusht shpordhe te 14 shtatorit gjithashtu tregon se zogistat dirigjohen nga sigurimi..

Fakti se zogistet nuk reaguan ndaj deklarates se Kateshit.. tregon se i kan ujdisur pipzat me Neritan Sigurimsin..veglen nr 1 te Nano Klosave..

Leka ka te drejte te mos e doje Sali Berishen per rastin kur Ai u perzu nga gomari minister i Berishes Bashkim Kolpik Meksi i sigurimit..por Berisha nuk eshte PD-ja..
PD-ja eshte e vetmja shprese per Shqiperine..
Te hollosh popullin rreth PD-se ke bere punen e Stalinit.Enverit .Bulqizes e Spacit..

Kete po ben LEKA.

A e ben se do Pronat a si kembim te nderit qe u lejua te vije ne Shqiperi nga PS-ja..kete nuk e dime akoma..

Abaz Ermeni erdhi beri punen e Sigurimit..
Tani dhe Leka..

katastrof..

[Llapi]

LEKA ZOGU: MONARKIA NË REND DITE, VETËM NËSE FITON LZHK-JA



Leka Zogu, pretendent i fronit mbretëror dhe kryetar i LZHK-së


RADIO EVROPA E LIRË
Me çfarë synimi Lëvizja për Zhvillim Kombëtar do të garojë në zgjedhjet parlamentare të 2005-sës?

LEKA ZOGU
Do të garojë me synimin të marrë pushtetin dhe arsyeja e nevojës për të marrë pushtetin është keqqeverisja e qeverisë së sotme.

RADIO EVROPA E LIRË
A do të bëni aleancë me grupime të tjera politike gjatë fushatës zgjedhore dhe pas saj?

LEKA ZOGU
Para dhe deri sa të mbarojë fushata nuk do kemi asnjë aleancë. Më tej do të varet nga situata.

RADIO EVROPA E LIRË
Përse mendoni se duhet t'ju votojnë shqiptarët?

LEKA ZOGU
Unë nuk mendoj se shqiptarët duhet të më votojnë, unë shpresoj se do të më votojnë. Unë s'jam kandidat, por të votojnë për LZHK-në, për të mirën e tyre.

RADIO EVROPA E LIRË
A do të jetë çështja republikë apo monarki në fushatën e Lëvizjes për Zhvillim Kombëtar?

LEKA ZOGU
Jo tani. Ajo është një çështje që do të vijë më vonë dhe vetëm pasi të ketë fituar LZHK-ja.

RADIO EVROPA E LIRË
Ku mendoni se janë zonat, në të cilat ju mund të merrni më shumë vota në votime?

LEKA ZOGU
Ne synojmë për në 100 zona. Ku do të marrim më tepër ku do të marrim më pak, ajo varet.

RADIO EVROPA E LIRË
Kandidatët tuaj do të jenë kryesisht intelektualë? Apo do të jenë thjesht njerëz të cilët ju adhurojnë, adhurojnë kohën e mbretërisë?

LEKA ZOGU
Jo. Disa do të jenë intelektualë, disa do të jenë industrialë, me fjalë të tjera do të jenë nga të gjitha fushat. Do të jenë shqiptarë me një ndërgjegje të pastër karshi kombit.

RADIO EVROPA E LIRË
Po cila do të jetë e veçanta e fushatës suaj elektorale? Keni bërë ndonjë projekt, ndonjë skemë ndryshe që ju të arrini të bindni elektoratin?

LEKA ZOGU
Janë bërë disa dhe ngadalë po dalin. Do të shkojmë në të gjitha rrethet të takohemi me njerëzit, por ajo që ndoshta e dallon këtë fushatë nga të tjerat, është se jemi duke kërkuar nga zonat vetë që të emërojnë deputetët e tyre.

Intervistoi Alma Çupi