Nafta e Partise..

[Brari]

shekulli shkruan..

----


Specialistët: Krahasuar me standardet e BE-së në Shqipëri përdoret naftë 40 herë më e keqe

Nafta në Shqipëri, 40 herë më e keqe se ajo e BE-së

Ligji për tarifat e reja doganore të makinave nuk parandalon ndotjen e ajrit nëse mjetet përdorin naftë D2

Florian Papadhimitri

TIRANË-Standardet e cilësisë së karburanteve, dhe në veçanti të naftës në vendin tonë janë dhjetëra herë mbi normativet e lejuara të Bashkimit Europian. Të dhënat alarmante për cilësinë e hidrokarbureve që lejohen dhe përdoren aktualisht në Shqipëri janë dhënë nga specialistë të hidrokarbureve në vend të cilët para pak kohësh kanë kërkuar që të ulet përdorimi i naftës së cilësisë D2. Kështu, të nisur nga ligji i ri në vendet e BE-së, ligj i cili ka detyruar përdorimin e karburanteve shumë cilësore nga automjetet atje, specialistët e fushës kërkojnë që në Shqipëri të ndryshojnë menjëherë standardet e naftës që përdoret nga automjetet dhe të kanalizohet përdorimi i naftës me cilësi të ndryshme. Një prej specialistëve të Inspektoriatit Shtetëror të Kontrollit të Naftës Gazit dhe Nënprodukteve (ISHKNG) i cili nuk dëshiron të identifikohet thotë se situata në vend është shumë dramatike dhe nëse do të lejohet akoma përdorimi i D2 dhe karburanteve të tjera jo cilësore atëherë Shqipëria do të kthehet në një vend tejet të ndotur dhe me rrezik për jetën e banorëve. Specialisti ka shpjeguar dje për “Shekulli” se krahasuar me standardet e reja që janë vendosur në BE që prej një janarit të këtij viti, standardet për naftën janë 40 herë më të larta. “Nëse në vendet e Bashkimit Europian standardi i naftës për automjete është që një litër të mos përmbajë më shumë se 50 miligram squfur (S) për litër, në vendin tonë ky standard është 2 000 miligram për litër”, -thotë specialisti i ISHKNG-së. Ai shton për më tepër se “nëse duam të hyjmë në BE po ndjekim rrugën e gabuar pasi me këto standarde nuk mundësohet një gjë e tillë”.
OBT dhe standardet
Pavarësisht nga kërkesa që bëri ministri i Industrisë dhe Energjitikës Viktor Doda për ndalimin e përdorimit të naftës D2 në vend, asgjë nuk u mor parasysh dhe problemi i D2 u la në harresë. Kështu, gjatë muajit dhjetor që lamë pas, Viktor Doda në statusin e ministrit kërkoi që të ndërpritej menjëherë importimi dhe përdorimi i naftës së cilësisë D2 nga automjetet në vend. Menjëherë pas kërkesës zyrtare të ministrit Viktor Doda, kryekoordinatorja e sekretariatit të OBT-së në Shqipëri pranë Ministrisë së Ekonomisë, Adriana Civici hodhi poshtë kërkesën duke thënë se marrëveshja e nënshkruar me OBT-në në vitin 2000 nuk e lejon ndalimin e importit të naftës D2. Megjithatë specialistët shprehen se nuk është OBT-ja që ndalon importin e naftës, por janë monopolet tregtare që e bëjnë këtë. “Nuk është OBT që ndalon importin e naftës me cilësinë më të keqe në vend, por është biznesi që e bën një gjë të tillë, dhe si ka mundësi që qeveria nuk e dinte që në vitin 2000 kishte nënshkruar marrëveshjen e OBT, në një kohë kur në vitin 2002 miratoi në një prej mbledhjeve të saj standardet e hidrokarbureve”, -thotë një prej specialistëve të sektorit hidrokarbur. Specialistët shprehen se duhet të ndiqet një politikë fiskale për uljen e përdorimit të D2 në vend. “Mendoj se akciza dhe politika të tjera fiskale duhet të zbatohen mbi dieselin D2, pasi në këtë mënyrë është vepruar dhe për benzinën me plumb”, -sqaron një prej tyre. Në fund të deklaratës së tij, specialisti i inspektoriatit e vlerëson si një turp nënshkrimin e marrëveshjes nga qeveria, pasi kjo do të thotë helmim i shqiptarëve me ndërgjegje të plotë. Me një ironi fatkeqe specialisti thotë se “besoj se vendet e OBT-së nuk lejojnë përdorimin e D2, ndërsa për Shqipërinë ndalimi i saj qenka një prishje e rregullave”.
Makinat
Ligji i ri me tarifat doganore për makinat (ka hyrë në fuqi më datë 13 janar) është një hap pozitiv në drejtim të parandalimit të ndotjes së Shqipërisë, por ky hap do të dështojë nëse këto makina përdorin karburante me cilësi të ulët. Një tjetër specialist i ISKNG-së thotë se gjithçka ngelet në vendnumëro nëse makinat djegin D2. “Parandalimi i ndotjes duhet të fillojë nga përzgjedhja cilësore e karburantit për konsumatorët, sepse një makinë sado e re qoftë, nëse përdor cilësinë më të keqe të karburantit do të shkarkojë gazra të rrezikshëm”, -thotë punonjësi i ISHKNG-së. Ai vijon më tej duke thënë se është e padrejtë që të detyrohen konsumatorët të blejnë një makinë të shtrenjtë dhe në të njëjtën kohë atyre t’u jepet naftë me cilësi të keqe që dëmton rëndë motorin e makinës dhe ambientin. “Qeveria i thotë konsumatorëve blini makinë të re dhe përdorni karburant të keq”, -thotë ai.



01/02/2005

shekulli


---


dikur thoshin Celiku Partise Drita e Partise.. por kjo qnka c'qenka..Nafta e Partise..

Ja cfar Nafte importon Partia e Nano Ruc Dokle Durakve ..

Prandaj te merret fryma ne Tirane..

40 here po ja afron kancerin mijra femijve Shqiptare kjo nafta 40 here me e keqja ne bote..qe te fitojne 40 her me shume Boset e Ps-se..qe ti shpenzojne ne hotelet 40 katshe te Sheikve..e ti shkulin ato pak peme qe i ngelen Tiranes qe te bejne nga 40 grataciela per Bos..per ti pasur pasuri te patundeshme per 40 gjenerata mbas.. kta 40 hajdutet e Ali Bab Dull Tos Kupoles..

ja per keta mafioze votojne ata gjysherit me kasketa te Adnan qatip edvinit.. qe u a fusin niperve e mbesave te tyre blozen e squfurin me tonelata ne fyt cdo minute..
kanibalet e Enverit.. asgje nuk i ndal ..

[ErionB]

Gjithashtu, ne Shqiperi futet 1 Million Ton ne vit nafte dhe vetem 280 Mije ton c'doganohen.
Imagjino se c'fare fitimesh katastrofike bejne keto kompani qe edhe helmojne popullin shqiptar