Implikimi i pushtetareve ne krimin e organizuar

[Brari]

Artur Cani ngacmon MAFIAN. Kjo eshte Trimeri.

Ja c'thote Shekulli.
------

Ministri i Jashtëm, Ilir Meta ka akuzuar dje deputetin Braho se ka pajisur me vizë Genti Memollarin


Meta: Braho ka përdorur emrin tim


"Vizën për personat e akuzuar e ka kërkuar Braho. Unë s'kam lidhje"

TIRANË - Zëvendëskryeministri dhe ministri i Punëve të Jashtme Ilir Meta ka akuzuar dje kryetarin e komisionit parlamentar të ligjeve Spartak Braho se ka ndërhyrë në ambasadën italiane nëpërmjet Ministrisë së Jashtme për të pajisur me viza dy persona, që sipas gazetës "La Padania" janë kapur në Itali me 21.5 kg drogë. Sipas kësaj gazete ka qenë Ministria e Punëve të Jashtme që i ka kërkuar ambasadës italiane pajisjen me viza të Genti Memollarit dhe Edmond Rrushit, i pari si shofer dhe i dyti shoqërues i ish-kryeministrit Meta dhe atëherë deputet i Kuvendit të Shqipërisë për një vizitë në Bolonja të Italisë në 22 mars. Por, dje nëpërmjet një njoftimi, zëdhënësi i Ministrisë së Punëve të Jashtme sqaron se pas një verifikimi të bërë rezulton se ka qenë kryetari i komisionit parlamentar të ligjeve Spatak Braho, që në datën 20 mars të këtij viti është paraqitur pranë drejtorisë konsullore të Ministrisë së Punëve të Jashtme dhe ka kërkuar ndërhyrjen për vizë për dy persona, duke paraqitur një ftesë, e cila u drejtohej një grupi deputetësh dhe personalitetesh të larta politike, ndër të cilët edhe zotit Ilir Meta. Ftesa ishte bërë nga fondacioni italo-shqiptar "Betanja" për pjesëmarrje në një aktivitet dhe koncert bamirësie që do të zhvillohej në Bolonja të Italisë në datën 22 mars, në ndihmë të fëmijëve të policëve të vrarë shqiptarë. Njoftimi i zëdhënësit të Ministrisë së Jashtme shpjegon se sipas deputetit Braho, ndërhyrja e Ministrisë së Jashtme është kërkuar për shkak të kohës së kufizuar që kishte në dispozicion për të marrë pjesë në këtë aktivitet. Në njoftim shpjegohet se drejtoria konsullore ka vepruar në këtë rast në bazë të procedurës dhe praktikës se paracaktuar, duke u bazuar në ftesën e paraqitur dhe referimin e deputetit Braho. Zëdhënësi i Ministrisë së Punëve të Jashtme deklaron se zoti Ilir Meta nuk ka qenë në dijeni për këtë ndërhyrje të deputetit Braho, nuk ka marrë pjesë në këtë aktivitet, si dhe nuk ka patur asnjë lidhje me personat për të cilët sipas gazetës "La Padania" janë kapur me drogë. Nisur nga ky rast jo i pëlqyeshëm, zv/kryeministri dhe ministri i Punëve të Jashtme Ilir Meta ka urdhëruar drejtorinë konsullore pranë kësaj ministrie, të forcojë më tej procedurat e paraqitjes së notave, në mënyrë që në të ardhmen të shmangen situata dhe spekulime të tilla. Sipas gazetës italiane të datës 22 maj, Limoz Taraj, Genti Memollari dhe Avdi Demaj nga Kosova ushëtonin me një makinë tip Golf, e kuqe, me targë austriake, në të cilën u gjetën 21.5 kg heroinë. Po sipas gazetës, Limoz Taraj punonjës i policisë shqiptare, efektiv i komisariatit të Durrësit udhëtonte në makinë me dy bashkëfajtorët Memollari dhe Demaj. Pas disa thirrjeve të policisë të tre janë mundur të ndalen dhe pas kontrollit të automjetit është gjetur edhe sasia e madhe e heroinës së pastër. Kjo ngjarje është pasqyruar edhe në emisionin "Ajsberg" të gazetarit Artur Çani.


Braho: Nuk flas tani

TIRANË - Deputeti dhe kryetari i komisionit parlamentar të ligjeve Spartak Braho nuk ka dashur të japë sqarime të hollësishme rreth ngjarjes së ndodhur me dy shqiptarët e kapur me heroinë në Itali. Braho, sipas Ministrisë së Punëve të Jashtme është personi që ka ndërhyrë për pajisjen me viza për këta dy persona. I pyetur nga "Shekulli" rreth kësaj ngjarjeje, Braho tha se sqarime më të hollësishme do të japë më vonë, por akuzoi gazetarin Artur Çani, i cili në emisionin "Ajsberg" publikoi këtë histori. "Nga e gjithë kjo histori më rezulton se spiuni më i paguar i shërbimeve të huaja, dje i shërbimeve sekrete dhe sot i SHIK-ut është Artur Çani, por jo çdo lule që e ka emrin bozhur, vjen erë të këndshme", -tha Braho, pa dashur të japë më tepër shpjegime rreth ngjarjes. Sipas njoftimit për shtyp të Ministrisë së Punëve të Jashtme, Braho ka bërë një kërkesë që kjo ministri të ndihmojë dy personat Genti Memollari e Edmond Rrusho, për të përshpejtuar procedurat e marrjes së vizës në ambasadën italiane.
shekulli.
--------------------


----------------
....nga ..RD...
-----------
Kush është Genti Memollari....

Genti Memollari ka qenë bodigardi i Spartak Brahos dhe është arrestuar rreth tre javë më parë në Itali, si trafikant i 21.5 kilogramëve heroinë. Memollari është i njohur për aktivitetin e tij kriminal, që zë fill në vitin 1997. Ai është i njohur si zjarrvënësi i institucioneve shtetërore dhe atentateve politike gjatë vitit 1997 në Skrapar. "Genti Memollari ka qenë i futur nga njerëz me pushtet në ndërmarrjen e këtyre veprimeve". Denoncimi bëhet publik nga babai i tij nëpërmjet Enver Qamos, njërës prej viktimave, ish-sekretari i Degës së PD në Skrapar, i cili sot ka humbur një këmbë, pas një atentati të bodigardit të Spartak Brahos.

Enver Qamon, njeriun me paterica, siç e thërrasin në Vlorë, e shikon përditë duke pirë kafen e mëngjesit në një lokal në qendër të qytetit. I qeshur e plotë humor, çuditësisht flet pa hezitim, me një fuqi për t’u admiruar, për plagën fizike e morale.

Vrasësi i tij është Genti Memollari, pjesëtar i një prej bandave më të tmerrshme të Skraparit, mbi supet e të cilit rëndojnë një sërë vrasjesh në bashkëpunim. Ai ka qenë bodiguardi e shoqërues i deputetëve e personaliteteve shtetërore kryesisht të Skraparit. Një njeri me shkollë fillore e zhvillim të ulët ishte tmerri i Skraparit gjatë vitit ’97. Në ngjarjet e vitit 1997, Genti Memollari në krye të "kryengritësve" në Skrapar, drejtoi turmat në djegien, shkatërrimin dhe grabitjen e godinave të institucioneve shtetërore në qytetin e Çorovodës, midis të cilave edhe godinën e SHIK-ut, si edhe disa reparte ushtarake.

Para atentatit, Memollari kishte tentuar dy herë për të ekzekutuar Enver Qamon dhe familjen e tij. Në njërin prej këtyre tentativave, pikërisht në 14 Mars 1997, rreth orës 23.00, në drejtim të apartamentit të Enver Qamos është derdhur një breshëri plumbash të armës "Skorpions", ku për fat, nuk pati viktima, por pre e këtij ekzekutimi ngelën mobiljet dhe muret e pallatit të tij.

Autori i krimit, i pamjaftuar me prenë e tij pas kësaj, me kujdes profesionisti ndiqte lëvizjet e Enver Qamos.

Në ditët e mëvonshme ndodhi edhe akti kriminal. Enver Qamo, 52 vjeç, me profesion arsimtar, në atë kohë ish-sekretar i Këshillit të rrethit Skrapar, ish-anëtar i Kryesisë së Degës së PD, babai i tre fëmijëve, mësues letërsie për 30 vjet, gjendet fare papritur përballë vrasësit në mes të qytetit, në prani të shumë dëshmitarëve. Vrasësi tashmë i qetë shfaqet publikisht e i drejtohet viktimës së tij, duke mbajtur në dorë "skorpionsin"e tij të njohur nga qytetarët. Ka qenë një ish-nxënës i Enver Qamos, me të cilin po bisedonte, njeriu që i uli grykën e armës nga gjoksi viktimës. Por plumbat e Gentianit nuk kursyen këmbët e mësuesit…

Në spital trupi i tij iu nënshtrura tre herë radhazi vdekjes klinike, duke humbur shumë gjak. Mjekët e Tiranës, të detyruar, i prenë këmbën e majtë mësuesit, për të bërë të mundur ringjalljen e trupit të tij. Të çuditur kanë ngelur mjekët e spitalit nga veprimi fisnik i mësuesit. Ende pa u përmirësuar, priti disa herë vizita nga babai i vrasësit të tij. Në një nga këto vizita, i ndjerë keq, Ilmi Memollari, babai i vrasësit, detyrohet të pranojë se djali i tij ka qenë i futur nga të tjerë njerëz të fuqishëm politikisht, që të ndërmerrte këtë akt kriminal.

Megjithëse Enver Qamo e ka falur atentatorin e tij, vrasësi nuk mjaftohet me fjalë. Pas daljes nga spitali u bë bezdisëse edhe dalja në ballkon e mësuesit. Në këto raste Genti Memollari, atentatori, parakalonte me armë në dorë para pallatit të mësuesit, duke e detyruar atë të mbyllej brenda katër mureve të shtëpisë. Nën presione të tilla, ku edhe familja e tij kërcënohej përditë, mësuesi detyrohet të braktisë qytetin e tij, dhe vendoset në Vlorë, fillimisht në ilegalitet, pranë të afërmve të bashkëshortes së tij.

Pasi sistemohet në qytetin e Vlorës, zhgënjimet ndaj strukturave shtetërore vazhdojnë të pasojnë njëra-tjetrën. Zhgënjimi i fundit është Avokati i Popullit. Pas takimit, Avokati i Popullit nuk mund ta ndihmonte mësuesin, sepse autorët e sakatimit të tij ishin shoqëruesit e deputetit Spartak Braho. Duheshin prova edhe më të forta për Avokatin e Popullit. Për atë nuk mjaftonte këmba e prerë e mësuesit të letërsisë…

E befasuar ka ngelur familja Qamo, kur në edicionin e lajmeve dhe në gazeta mëson për arrestimin e vrasësit të tyre nga policia italiane, e cila e akuzon Genti Memollarin si vrasës, si posedues i 20 kg heroinë të gjetur në makinën e tij. U desh ndihma e policisë italiane, që Genti Memollari të ndërpriste aktivitetin e tij dhe që familja e Enver Qamos të merrte frymë lehtësisht…

[Henri]

E para e punes, sa nga ne e besojne qe Meta NUK ka pasur fare dijeni per perdorimin e emrit te tij ne kete rast? Te besosh kete per mua do te thote naivitet!!! Me shume me duket se po perdoret thjesht zanati i vjeter: "S'do t'i haje ti, Braho, 10 vjet burg per partine?"
Sa per aktivitetin "aq te pasur" te Memollarit, mund te them vetem se nuk qendron dhe aq me lart nga "bashke-koleget" e tij. Ndersa dihet se ne politiken e sotme mbare boterore klanet mbeshtetese kane zevendesuar mercenaret e kohes se luftes, kjo qe vazhdon te behet ne vendin tone eshte jashte perfytyrimeve. Per mendimin tim, jo vetem PS, por kushdo parti politike qe mund te vije ne pushtet ne Shqiperi, duhet te filloje patjeter me rregullimin e imazhit te tyre e ndertimin e nje shteti te forte. Kjo me lart aspak e thene per qellime idealiste. Llogjikisht, cdo qeveri qe vjen ne pushtet, ka si qellim qendrimin atje per nje kohe sa me te gjate. E kjo nuk arrihet me histori si e melartmja apo te tjera qe nuk shterojne. Kjo arrihet duke ndertuar baza te fuqishme per perkrahje te plote nga populli e bota. Politikanet tane mund te pasuroheshin shume here me teper e me me pak rreziqe per t'u bere lecka (qe mund te mos u beje shume pershtypje) apo humbje jete nese do te punonin me nje largpamesi e me qellimin qe te rrinin ne pushtet me shume se gjashte muaj!!!

[Brari]

Mirse erdhe ne Politike mikja ime Henri !


ja psh ..themi ..shtet i varfer... shtet i varfer.. po nga dalin tere keto para nuku e marr vesh.. Henri pres mendimin tend..

Ja nji artikull i RD-s c'thote..

Ja disa nga vjedhjet e kryera nga Fatos Klosi nëpërmjet tenderave

292 milion lekë të zhdukura nga SHIK

Me dijeninë dhe nënshkrimet e Fatos Klosit janë shpërdoruar e vjedhur mbi 1 miliard e 470 milion lekë vetëm nga 33 tenderat e zhvilluar gjatë dy viteve të kaluar në SHIK

TIRANË - Gjatë dy viteve të kaluar, në SHIK me dijeninë dhe nënshkrimet e Fatos Klosit, janë shpërdoruar e vjedhur vetëm nga 33 tenderat e zhvilluar mbi 1 miliard e 470 milion lekë. Burime brenda SHIK-ut, të cilat ju referohen edhe konkluzioneve dhe përfundimeve të kontrolleve të ndryshme, bëjnë të ditur se të ndara sipas viteve, shpërdorimet dhe vjedhjet me 18 tenderat e vitit 2000, arrijnë në 292 milion lekë (të vjetra). Për vitin pasardhës 2001, 18 tenderat e zhvilluar llogarisin një vjedhje dhe shpërdorim në kufirin e rreth 1 miliard e 187 milion lekë (të vjetra).

Mangësitë në fazën e zhvillimit të tenderit, shënojnë kulmin e abuzimeve dhe vjedhjeve në shuma të konsiderueshme gjatë vitit 2000. Këto mangësi, sipas denoncimeve nga brenda SHIK-ut, fillojnë që me dokumentat ligjore-administrative të paraqitura, ku në pjesën më të madhe të tyre, këto dokumenta janë fiktive. Vetëm për 8 tendera të zhvilluar me fond limit 106 milion e 300 mijë lekë të vjetra, data e noterizimit të dokumenteve ligjore-administrative, është më përpara se data që është lëshuar vetë dokumenti. Në disa raste, kandidatët konkurues ofertat e tyre nuk i kanë paraqitur sipas formularit standart të ofertës, të kërkuara në dokumentat e tenderit nga enti prokurues, njëkohësisht ofertat janë paraqitur edhe të pavlerësuara. Shkeljet e mësipërme janë pasuar me vjedhjet dhe abuzimet në tenderat, "blerje vaj motorri, kamjo hidraulike, graso dhe alkol", me fond limit 10 milion lekë (të vjetra), "blerje inventar kuzhine dhe mence", me fond limit 5 milion e 940 mijë lekë (të vjetra), "blerje goma automjetesh", me fond limit 20 milion lekë (të vjetra), "blerje pajisje mence e kuzhine", me fond limit 19 milion e 300 mijë lekë (të vjetra), etj.

Proçesverbalet gjatë zhvillimit të tenderave, janë të tjera mangësi. Në 4 nga tenderat e zhvilluar në vitin 2000, fondi limit i të cilëve arrinte në 118 milion e 700 mijë lekë, (të vjetra), mësohet se komisioni i vlerësimit të ofertave nuk ka bërë krahasimin e ofertave të paraqitura nga kandidatët konkurues, me specifikimet teknike të kërkuara, por ka analizuar emrat e firmave prodhuese. Kjo gjë vihet re në tenderin "blerje aparat telefona celularë", me fond limit 8 milionë e 700 mijë lekë (të vjetra). Këtij tenderi i shtohen edhe shkelje të tjera. Ai nuk është zhvilluar në datën e caktuar, por është shtyrë dy herë me pretendimin për mungesë konkurence, megjithëse kanë marrë pjesë dy konkurentë. Në pjesën më të madhe të tenderave, në procesverbalet e zhvillimit të tyre, komisioni i vlerësimit të ofertave në kundërshtim me ligjin, nuk ka bërë klasifikimin e kandidatëve konkurues, por ka bërë testimin e tregut për artikullin e prokuruar. Në vazhdimësi të kësaj shkelje të qëllimshme nga komisioni i vlerësimit të ofertave është bërë shpallja e fituesit dhe jo klasifikimi i tyre sipas ofertave të paraqitura nga kandidatët konkurues. Këto shkelje janë provuar në tenderat, "blerje bateri automjetesh", me fond limit 5 milion lekë (të vjetra), "blerje uniforma kamuflazhi për punonjësit", me fond limit 5 milion lekë (të vjetra), "blerje karburanti, naftë, benzinë dhe benzinë pa plumb", me fond limit 100 milion lekë (të vjetra), etj.

Lidhur me zbatimin e formulës së vlerësimit, në 8 tendera të zhvilluar me fond limit 99 milion e 300 mijë lekë (të vjetra), shihet se komisioni i vlerësimit të ofertave, në proçesverbalet e zhvillimit të tenderit, ka bërë vlerësim me pikë për kandidatët konkurues dhe nuk ka përcaktuar si ështe zbatuar formula e vlerësimit për çdo ofertë të paraqitur, si p.sh.., në tenderat "blerje benzinë super pa plumb", me fond limit 10 milion lekë (të vjetra), "blerje aparate telefoni", me fond limit 5 milion lekë (të vjetra), "blerje inventar kuzhine dhe mence", me fond limit 5 milion e 940 mijë lekë të vjetra, "blerje kanceleri", me fond limit 9 milion lekë (të vjetra) etj.

Shkeljet dhe abuzimet në 2 tendera të zhvilluar me fond 18 milion e 700 mijë lekë (të vjetra), pasohen me mangësi në ofertat tekniko-ekonomike të konkurentëve, të cilat janë të pavlerësuara, njëkohësisht dy nga tre prej tyre nuk përfshijnë detyrimet fiskale dhe konkurentet duhej të ishin skualifikuar. Në kundërshtim me ligjin, nga kandidatët konkurues, ofertat ekonomike janë paraqitur me alternativa çmimi. Këto shkelje janë të vërtetuara në tenderat, "blerje vaj motorri, kamjo hidraulike, graso dhe alkol", me fond limit 10 milion lekë (të vjetra), "blerje aparat telefona celularë", me fond limit 8 milion e 700 mijë lekë (të vjetra), etj.

Oferta të paraqitura mbi fondin limit nuk kanë përbërë aspak pengesë për shpallje fituesish tenderash. Në 7 tendera të zhvilluar me fond limit 193 milion e 3 mijë lekë (të vjetra) konstatohet se kandidati konkurues ka ofertën ekonomike mbi fondin limit të parashikuar, ndërkohë që ky kandidat shpallet fitues. Janë 3 nga 4 ofertat tekniko-ekonomike të kandidatëve konkurues, të cilat janë mbi fondin limit të parashikuar. Shkelje të tilla janë vërejtur në tenderat, "blerje pajisje mence e kuzhine", me fond limit 19 milion e 300 mijë lekë; "blerje komplet kolltuqe dhe karrike poltron", me fond limit 20 milion lekë (të vjetra) dhe "blerje kondicioner dhe televizor", me fond limit 10 milion lekë (të vjetra), etj.

Mangësitë gjatë zhvillimit të tenderave, pasohen edhe në fazën e lidhjes dhe zbatimit të kontratave. Lidhur me mënyrën e lidhjes së kontratave në 3 tendera të zhvilluar me fond limit 40 milion e 200 mijë lekë (të vjetra) u konstatua se, kontrata e lidhur me kandidatin fitues është lidhur pa vlerën e ofertës fituese, ndërsa formulari i sigurimit të kontratës në masën 10 përqind të vlerës është i fotokopjuar dhe nuk është kopja orgjinale. Mangësi të tilla pasqyrohen në tenderat, "blerje materiale fjetje-hotelerie", me fond limit 13 milion e 500 mijë lekë (të vjetra), "blerje materiale druri hotelerie", me fond limit 12 milion lekë (të vjetra) dhe "Hidroizolim tarace Shkodër", me fond limit 14 milion e 700 mijë lekë (të vjetra). Mangësive të fazës së zhvillimit të tenderit, apo të lidhjes së kontratës, ju paraprijnë mangësitë në fazën e përgatitjes së dokumentave, si në përcaktimin e formës së prokurimit dhe në hartimin e dokumentave dhe specifikimeve teknike. Vjedhjet dhe abuzimet me tenderat e vitit 2000, mbulohen dhe fshihen "me një të rënë të lapsit", kur vjen puna te inventarizimi dhe arkivimi i dosjeve. Të gjitha dosjet e tenderave të zhvilluara në SHIK janë të painventarizuara e arkivuara, bëjnë të ditur burime brenda këtij organi.

Artur BEGA

[Beqari002]

O miku im Brari dua te kujtoj se nje fjale e menqur e popullit thot

Dardha shef dardhen e piqet.

Edhe pushtetaret tane shohin e pershohin nga fqinjet e tyre pushtetar dhe atehere edhe ata duhet ashtu te veprojne.

Mbeteshi me te mirat.

Oj sharki e lehte si era , a ka ardhur ne Shqiperi pranvera?