Fenomeni tragjik i vetevrasjes

[Beqari002]

Aktual kohet e fundit nje mister qe mori shume jete te rinjesh e te rejash ne gjithe truallin Arberor e qe deri me tani mbetet pa kurfar komenti nga kompetentet e vendit.Misteri i vetevrasjes momentalisht eshte aq aktual ne Shqiperi njashtu edhe ne Kosove sa qe ne baze te nje statistike te bere vetem ne rrethin e Elbasanit per shtate muaj kete akt kane kryer me se 60 te rinje e te reja.
Deri me sot si duket asfare organi kompetent apo organizate si ne Shqiperi ashtu edhe ne Kosove nuk eshte marre me kete qeshtje qe te analizohet dhe shqyrtohet kjo problematike aq e perhapur kohet e fundit dhe me pasoja jetesore.
Mendoje se eshte koha e fundit qe pushteti te angazhohet me teper ne kete drejtim e jo vetem te mbetet me konstatimin se nje i ri apo e re kreu aktin e vetevrasjes.

Familjarët: Jemi të shtangur nga ngjarja. Bashkëshorti i gruas së re, emigrant në Greqi

Misteri, vetëhelmohet 22- vjeçarj

Ishte nënë e një fëmije të vogël. Viktima kishte përdorur dy kokrra bar miu

ELBASAN- Në moshën 22- vjeçare, një grua e re, nënë e një fëmije, zgjodhi vetëflijimin për t'i dhënë fund jetës. Ndërsa të afërmit kanë mbetur të shtangur nga kjo ngjarje, policia tha se gruaja e re, nënë e një fëmije të vogël, i ka dhënë fund jetës në kushtet e depresionit. Ruzhdie Delia, banuese në fshatin Topojan të Komunës Mollas, 52 km larg Elbasanit, është viktima e cila u vetëhelmua natën e së enjtes me dy kokrra bar miu (fotoksinë). Burime zyrtare të policisë së Elbasanit, në bazë të hetimeve të para, thanë për gazetën se gruaja e re, kreu aktin fatal, në kushtet e një depresioni të rëndë. Por i njëjti burim shtoi se mbeten mister shkaqet e vetëflijimit pasi familjarët i thanë agjentëve të policisë se ishin të shtangur nga ngjarja e rëndë. Ndërkohë, sipas të dhënave, gruaja e vetëhelmuar ishte nënë e një djali të vogël dhe ishte martuar dy vite më parë. Bashkëshorit i saj prej disa muajsh ndodhej në Greqi si emigrant. 22 -vjeçarja e vetëhelmuar është sjellë në urgjencën e spitalit të Elbasanit, nga të afërmit, të cilët e kishin gjetur në lëngim e sipër, në dhomën e saj, ndërsa djali i vogël flinte. Burime të spitalit thanë se 22- vjeçarja Ruzhdie Delia mbërriti në gjendje koma dhe vdiq pak orë më pas, në të gdhirë të ditës së djeshme. "I dhamë ndihmën e menjëhershme mjekësore, por pa mundur ta shpëtojmë, pasi depërtimi i helmit në organet jetësore ishte fatal",- thanë për gazetën burime të spitalit të Elbasanit. Ky ishte rasti i 60 i vetëvrasjeve në Elbasan duke krijuar një precedent shqetësues në të gjithë vendin. Tre ditë më parë, një adoleshente 15- vjeçare u vetëvar me litar duke gjetur menjëherë vdekjen pasi iu refuzua nga nëna e saj, në kushtet e varfërisë, vazhdimi i stdimeve në gjimnaz. Ndërkohë megjithëse numri i vetëflijimeve është shumë i lartë në numër, në Elbasan nuk vepron ende asnjë organizëm i posaçëm për këshillimin dhe rehabilitimin e viktimave të kësaj dukurie. Më pak se gjysma e tentativave nuk kanë patur fund tragjik por në një pjesë të mirë të tyre, akti i vetëflijimit është përsëritur mëse dy herë.
Soni Kurani

[Beqari002]

Vlorë: Gjendet e vetvarur në shtëpinë e saj 51-vjeçarja, mister motivet


VLORE (24 Gusht) - Një 51-vjeçare nga fshati Lapardha i Vlorës u gjend e vetvarur paraditen e sotme në banesën e saj, bënë të ditur burime zyrtare nga policia vendase. Hanko Xhelilaj, 51 vjeçe, nga Lapardhaja, u gjet paraditen e sotme nga të afërm të saj, pak pasi kishte kryer aktin e vetflijimit, shtuan të njëjtat burime, pa dhanë detaje të tjera lidhur me njarjen. Burime të tjera, të cilat preferuan të qëndronin anonim, thanë se shkaku i vetvarjes së 51-vjeçares, ka të bëjë me probleme dhe shqetësime brenda familjes. in/mr (BalkanWeb)

[Beqari002]

Kjo tragjesi per cdo dite po merr jetra te rinjesh e te rejash ,por askush deri me sot nuk ndermori asgje bile per te diskutuar kete problematike sa te dhimbeshe aq edhe serioze.
Besoje se dikur kjo do te jete vone edhe pse edhe sot eshte ashtu von.

Vetëvritet duke u hedhur nga shkëmbi

Si në legjendat e herëshme beratasi Namik Kanani i ka dhënë fund jetës së tij, duke u hedhur nga një shkëmb në rrëpirën e një përroi. Për këtë vdekje tragjike ai ka zgjedhur "Gryka e Devrisë" në rrethin e Skraparit. Dëshmitarët vendas bëjnë të ditur se ka qenë ora 18 e ditës së premte, kur beratasi Kanani është hedhur nga shkëmbi.

Burimet policore të Drejtorisë të Policisë në Berat nuk japin asnjë motiv për këtë vetvrasje. Këto burime konfirmojnë se një grup hetuesish po punon për të zbardhur rrethanat e vetvrasjes, duke bashkëpunuar edhe me familjarët e viktimës.

[Beqari002]

Vazhdon tragjedia e zeze.


Një 18- vjeçare është vetëmbytur në liqen, ndërsa një ushtar është vetëvrarë


Dy vetëvrasje në 24 orë

ELBASAN- Një vajzë 18 -vjeçare gjeti vdekjen mesditën e djeshme pasi u vetëmbyt në liqenin e Belëshit. Ngjarja tragjike ndodhi rreth orës 12.00 të ditës së djeshme në liqenin e Belëshit, 36 km larg Elbasanit, ndërsa viktima u zbulua dhe u identifikua dy orë më vonë nga kalimtarë të rastësishëm. Burime okulare në vendin e ngjarjes thanë për gazetën se vajza ishte parë të linte një bluzë dhe pantoflat në breg dhe më pas të futej në ujin e ftohtë të liqenit. Por pak para orës 14, dy kalimtarë shohin pranë bregut në pjesën anësore të liqenit të Belëshit, një kufomë të re të sapodalë në breg. Pasi kanë lajmëruar policinë kjo e fundit ka mbërritur me shpejtësi duke nxjerrë trupin në tokë. Disa minuta më vonë është identifikuar Anila Selimi, vjeç 18, banuese në fshatin Kajan, 18 km larg Belëshit. Burimet thanë se vajza dje kishte shkuar për blerje në qytetin e Belëshit kur në rrethana ende misterioze u gjend e vetëmbytur në liqen. Grupi hetimor i mbërritur në vendngjarje dërgoi kufomën në morgun e Belëshit për të bërë ekzaminimet e nevojshme ndërsa po punohet për të mësuar shkaqet e aktit tragjik. Dukuria e vetëvrasjes kthehet në Elbasan pas një ndërprerjeje disa javore. Gjatë vitit në vazhdim, 63 persona kanë kryer vetëvrasje dhe më shumë se gjysma kanë gjetur vdekjen me helmim, vetëvarje apo vetëmbytje. Ndërsa rasti i dytë i vetëvrasjes shënohet në Durrës ku një ushtar 20- vjeçar i ka dhënë fund jetës me armë zjarri. Shpëtim Bajrami ,ushtar në policinë ushtarake të Durrësit, sipas burimeve të policisë, është vetëvrarë në orët e vona të së dielës, në vendrojen e komandës së policisë ushtarake,brenda rrethimit. Bajrami, banor i fshatit Qerret të Katundit të Ri, ishte duke kryer detyrën e shërbimit të rojës kur i ka dhënë fund jetës. Grupi hetimor i cili është marrë me këtë çështje ia ka kaluar materialet prokurorisë ushtarake.
S. Kurani
Ll.Kallço

[Beqari002]

Vazhdon me marrje jetesh kjo epidemi e zeze qe ka kapluar vendin.


Për të luftuar depresionin, Përparimi kish nisur të pinte ndonjë gotë, por kjo gjë e kish bërë edhe më pesimist. Prooblemet familjare, divorci dhe sidomos vështirësitë ekonomike ishin arsyet e kësaj tragjedie

41-vjeçari Përparim Cakaj i jep fund jetës në një shtëpi pranë qendrës së Tiranës

Vetëvaret me tel, shkak depresioni dhe papunësia

Ilir Bushi

Ka varur veten me tel,për shkak të depresionit dhe varfërisë, në një shtëpi në qendër të Tiranës. Përparim Cakaj, i datëlindjes 1961, është gjendur i vdekur në ballkonin e tij, me një tel të trashë që e kish lidhur rreth qafës, në mëngjesin e së djelës.

Akoma nuk kishte zbardhur mirë dita, kur djali i vogël shkoi pranë ballkonit, për të kërkuar lodrat e tij dhe papritur kish parë të jatin me sy të mbyllur. "Çohu babi, mos rri më këtu", i kish belbëzuar fëmija, por faktikisht Përparimi nuk ish përgjigjur më. Më pas djali i vogël kish konstatuar telin e lidhur në qafën e të jatit dhe kish thirrur gjyshin e tij për ndihmë. Por zgjimi i njerëzve të tjerë të familjes duket se ishte i vonuar sepse Përparimi nukmund të zgjohej më. Megjithatë vëllezërit, motra dhe njerëzit e tjerë të familjes kishin bërë të gjitha veprimet e nevojshme për dhënien e ndihmës së parë, por gjithcka kish qenë e kotë. Kjo sepse, Përparimi kish vendosur të flinte përgjithmonë, shumë kohë përpara se të zgjoheshin pjesëtarët e tjerë të familjes së tij.

Arsyet
Në vështirësitë e përditshme të jetës shqiptare, vetëvrasja duket e mundshme, por në të gjitha rastet fenomeni është i specifikuar për secilin individ. Kështu 41-vjeçari Përparim Cakaj, kishte disa kohë pa punë. Përveç kësaj, ai disa muaj më parë ish divorcuar me të shoqen. Përparimi kishte dy fëmijë, një djalë dhe një vajzë. Sipas vendimeve të gjykatës, ai jetonte me djalin ndërsa e shoqja me të bijën. Pas një periudhe të gjatë keqkuptimesh jetesa e tyre ish konsideruar e pamundur nga të dy palët, kështuqë një ditë me mirëkuptim kishin vendosur të divorcoheshin. Por pavarësisht nga akti i divorcit, Përparimi dhe gruaja e tij e ruanin resppektin për njëri tjetrin dhe keqkuptimet e tyre nuk kaluan kurrë në acarime publike apo skandale. Përkundrazi, sapo mori vesh lajmin e vetvrasjes, gruaja e tij, vrapoi në shtëpinë e ish-bashkëshortit dhe ndau hidhërimin e saj me të afërmit e tjerë. Po dje së bashku me qindra njerëz të tjerë, në rrugën Islam Alla shkuan për ngushëllimet e rastit edhe të afërmit e ish-bashkëshortes së Përparimit.

Detaje
"Përparimi ishte një djalë i qetë dhe i talentuar në profesione të ndryshme. Ai ndihmonte të gjithë njerëzit që kishin nevojë për zanatin e tij, si probleme elektrike, hidraulike apo mekanike". Kështu tregojnë fqinjët e tjerë të familjes Cakaj, të cilët gjenden në të njëjtën rrugicë (Myslym Alla), e cila kryqëzoohet me rrugën e Kavajës dhe ndodhet në qendër të Tiranës. Fqinjët tregojnë gjithashtu se "Përparimi ishte i talentuar edhe për vegla muzikore, por kohët e fundit kishte vazhdimisht një gjendje depresioni". Madje, sipas tyre, për të luftuar depresionin, Përparimi kish nisur të pinte ndonjë gotë, por kjo gjë e kish bërë edhe më pesimist. Prooblemet familiare, divorci dhe sidomos vështirësitë ekonomike kishin qenë priooritare në vendimin e tij për t'i dhënë fund jetës, me vetëvrasje. Për këtë arsye, ai kish detajuar planin, me anë të një teli, me të cilin kish realizuar vetëvarjen qysh në orët e para të mëngjesit të së djelës, duke lënë prapa dy fëmijë të vegjël, që do të gjenden tani nën kujdesin e nënës së tyre dhe vëllezërve të Përparimit

[Brari]

TIRANE (5 Shtator) - Një grua 55-vjeçare nga Tirana i jep fund jetës së saj duke pirë një dozë helmi. Ngjarja ka ndodhur mbërmjen e kaluar, kur Mine Hida, piu disa kokrra fotoksinë, të cilat përdoren për spërkatjen kulturave bujqësore. Ende nuk dihen arsyet se pse 55-vjeçarja u vetëhelmua, ndërkohë që materialet i kaluan Prokurorisë së rrethit Tiranë për hetime të mëtejshme.

anjo/mr (BalkanWeb)

---------------

Braktisja e njerzve nga "SYRI" i popullit dhe i Shtetit i ben te mjeret te ndihen "kot" ne kte bote dhe vrasin veten.
Bashkia merret me Biznes..me dhenje lejesh ku fitohen miliarda dhe me fukarenjt nuk merret kerkush.

[Beqari002]

Berat, 15-vjeçarja Brikena Myftari ishte nxënëse te Medreseja

Vetëvritet adoleshentja pas grindjes në familje



Zylyftar Plaku

BERAT

Një 15-vjeçare studente në shkollën fetare "Vehxhi Buharaja" në qytetin e Beratit ka guxuar që grykën e çiftes ta mbështesë në kokën e saj dhe të vetësakrifikohet.

Motivet janë ende të paqarta, që pritet të sqarohen, megjithëse të vërtetën Brikena Myftari e ka marrë me vete në varr. Deri në orët e vona të mbrëmjes janë zbardhur disi rrethanat e krimit. Tragjedia e radhës e vetëvrasjes (e hapur shumë kohët e fundit) ka ndodhur rreth orës 19.15 minuta në fshatin Guri i Bardhë, vetëm pak kilometra nga qyteti i Beratit. Brikena javën e ardhshme do të martonte motrën. Madje, dje pak orë para se ajo të ekzekutonte vendimin e saj ka pritur gjithë respekt burrin e motrës (kunatin). Por gjatë kohës që ai ka qenë i pranishëm në shtëpi, ka pasur një grindje. As motivet e grindjes nuk janë saktësuar ende. Pas grindjes 15-vjeçarja është ngjitur në katin e dytë, atje ku ishte edhe arma, një çifte. Ka kërkuar fishekët, ka mbushur armën dhe… familjarët kanë dëgjuar vetëm një krismë të vetme. Të alarmuar janë ngjitur në dhomë dhe aty kanë gjetur vetëm adoleshenten e mbuluar nga gjaku. Shpërndarja e saçmave të armës nuk u ka lejuar asnjë mundësi familjarëve që t'i jepnin asaj ndihmën e shpejtë, pasi hemoragjia nuk i ka lënë vajzës asnjë shpresë jete. Dikush është kujtuar për të lajmëruar policinë, e cila ka mbërritur në vendngjarje dhe ka kryer veprimet e domosdoshme proceduriale. Megjithatë pa shumë vështirësi ekspertët mjeko-ligjorë e kanë kuptuar se bëhej fjalë për një vetëvrasje të pastër. Brikena po jetonte ditët e fundit të pushimeve në pritje të fillimit të vitit të ri shkollor në shkollën fetare në Medresenë "Vehxhi Buharaja". Pavarësisht nga kjo rrethanë, policia e ka përjashtuar mundësinë e vetëvrasjes së saj për motive fetare. Ndërkohë policia ka marrë në pyetje dje të gjithë anëtarët e familjes Myftari për të nxjerrë motivet që e kanë shtyrë adoleshenten nga Berati për të kryer aktin sublim.

[erzeni]

Sikur mbaroj afati i dorzimit te armeve.
Ai babai i Brikenes nuk lexon gazeta?
Shtepine e paska bere dy katshe katundari dhe ciften nuk e ka dorzuar ne polici. Kokderr.

[Beqari002]

Letra; "Zoti e gjykoftë Franin (djalin e tij) që s'më ka trajtuar mirë, se unë po vras vehten"


Vetëvritet se nuk e donin djemtë


Viktima ishte martuar pesë herë dhe kjo kishte sjellë konflikte atë-bir

SHKODËR- Një 63- vjeçar i dëshpëruar ngaqë nuk e donin djemtë e tij, i ka dhënë fund jetës dje në mesditë. Gjon Pjetër Ndoi, 63 vjeç, nga fshati Nënshat i ka dhënë fund jetës në oborrin e një bunkeri, i cili shërbentë si shtëpi e tij; thanë për gazetën burime të policisë së Shkodrës që shkuan në vendngjarje. Burimet thanë se sipas hetimeve të para Ndoi ka dalë në oborrin e banesës së tij, me një pushkë model 54. Me gishtin e madh të këmbës ai ka tërhequr këmbëzën e armës, tytën e së cilës e ka drejtuar në zemër dhe kjo i ka sjellë vdekjen e menjëhershme. Motivi i kësaj ngjarjeje, sipas hetimeve, mendohet të jenë grindjet e vazhdueshme të 63- vjeçarit me djemtë e tij. Këto grindje, sipas burimeve, ishin shkaktuar ngaqë Ndoi është martuar 5 herë dhe së fundmi jetonte me shtetasen Marije Ndoi. 63- vjeçari ishte baba i tre djemve, Franit, Paulinit dhe Lekës, të cilët e kishin nxjerrë jashtë nga banesa babanë e tyre, pasi ai ishte ndarë me nënën e tyre. Djemtë e martuar dhe me fëmijë jetonin me nënën, ndërsa babai i tyre Gjoni jetonte me gra të tjera që pastaj e ndanin ose ndahej nga ato. Së fundmi ai jetonte në një bunker me Marijen dhe gjendja ekonomike dhe kushtet e jetesës ishin shumë të vështira. Konfliktet e vazhdueshme me djemtë që nuk e donin për shkak të sjelljeve të tij ka bërë që sot ai të marrë armën dhe qetësisht t'ia drejtojë vehtes. Të pranishëm në oborrin para bunkerit ku banonte kanë qenë dhe gruaja e fundit e tij Marija si dhe një komshi. Këta kanë lajmëruar policinë pasi vdekja e 63- vjeçarit ka qenë e menjëhershme. Policia pas pyetjes së dëshmitarëve ka sekuestruar si provë materiale pushkën si dhe një gëzhojë. Burimet thanë për gazetën se Gjon Ndoi para se të kryente aktin e vetëvrasjes ka shkruar një letër në të cilën thoshte "Zoti e gjykoftë Franin (djalin e tij) që s'më ka trajtuar mirë, se unë po vras vehten…" Edhe kjo letër e gjetur nga policia, është bllokuar nga policia në cilësinë e provës materiale. Të njohur, bashkëfshatarë të Gjonit, tregojnë se jo vetëm djemtë nuk e donin, por edhe gruaja e tij e fundit zihej shpesh me të për shkak se jetonin në një bunker të improvizuar.
Anila Dushi

[Brari]

gazeta shqiptare
---------------------------
Policia: Pagoi 21 mijë Euro

Kakavijë, i zoti merr municionet


--------------------------------------------------------------------------------

e.sh

GJIROKASTER

Pronari i 2 tonë municioneve të gjahut, të bllokuara para tri ditësh në pikën e kalimit kufitar të Kakavijës, ka vendosur ta marrë mallin, duke paguar një shumë të konsiderueshme. Burime zyrtare nga Drejtoria e Policisë së Fierit, kanë treguar për Gazetën Shqiptare, se Leonard Ferro ka vendosur të paguajë plot 21 mijë Euro për arkat me municion gjahu, shumë kjo që e parashikon ligji, duke pasur parasysh vlerën e mallit të bllokuar në doganë. Kështu, dje në mesditë fieraku Ferro ka derdhur pranë pikës doganore të Kakavijës shumën e 21 mijë Eurove dhe më pas ka marrë mallin e tij.

Municioni i gjahut është bllokuar para tri ditësh nga policia doganore e Kakavijës. Sipas uniformave blu, arkat transportoheshin nga një autobus pa pasagjerë i shoqërisë "Albania Interlines", i cili do të shkonte në Fier. Shoferi i mjetit dhe ndihmësi i tij nuk e kanë deklaruar mallin në doganë, dhe për këtë sipas policisë, do të hetohet në gjendje të lirë. Ndërsa pronari i municionit nuk është arrestuar, pasi në bazë të ligjit, "në rast se vlera e mallit nuk i kalon 5 milionë lekë, kjo nuk përbën çështje penale". Në këto kushte ai i ka shpëtuar burgut, ndërsa malli nuk i është bllokuar, pasi e ka paguar gjithë detyrimin që kishte ndaj doganës së Kakavijës, prej 21 mijë eurosh.

-------------------

Perse duhen municioni gjahut ne Shqiperi?
A nuk u vra me Cifte kjo Brikena dhe plote te tjere?

Ka krokodila tek ne dhe u dashkan mbrojtur fshataret e Fierit nga ata ose Luanet ose Tigrat..
Myzeqeja dhe gjith Shqiperia ka vetem zhapike me dy dhe kater kembe.
Hajde shtet hajde.

Trut i dalshin atyre qe nuk dorzojne armet.
Le ta gezoje pushken Gjon Tarallaku.