Fenomeni tragjik i vetevrasjes

[Beqari002]

Depresioni coi ne vetvrasje 16-vjecaren



Mjeku-ligjor Fatos Sinani ka konfirmuar dje se shkaku, qe coi, 16 vjecaren B.M, nga Ura Vajgurore te kryente aktin e vetevrasjes, ka qene nje tronditje e forte psikike, e theme ndryshe "depresion mendor akut". Mbremja e se premtes ka qene fatale per 16-vjecaren B.M nga Ura-Vajgrore, e cila brenda ne banesen e saj, ishte vetevrare me ciften e gjahut te te atit te saj. Ngjarja e pazakonte ka shokuar si te afermit ashtu edhe fqinjet, qe kane degjuar krismen dhe me pas kane pare te mbytyr ne gjak 16-vjecaren. Pervec fatkeqesise, te afermit e 16-vjecares tani i mundon edhe shkaku i vetevrasjes, pasi sipas tyre ajo asnjehere nuk kishte shfaqur shenja te tilla.




--------------------------------------------------------------------------------
Korrieri, 09/08/2002

[Beqari002]

LUSHNJE/ Në kasollen e bagëtive

E ndau e fejuara, 25-vjeçari varet me këmishën e tij


Dashuria, veç lumturisë, të fal dhe dhimbje, madje në ndonjë rast të shkakton dhe humbjen e jetës. Kështu i ka ndodhur një 25-vjeçari nga fshati Mërtish i komunës Gradisht të Lushnjës, i cili është vetëvarur në një litar të sajuar, sepse e kishte braktisur e fejuara. Ngjarja tragjike ka ndodhur dje rreth orës 7 të mëngjesit, kur familjarët e 25-vjeçarit Dashnor Qose e kanë gjetur atë të vetëvarur në kasollen e bagëtive, ngjitur me shtëpinë ku ai banonte. Familjarët e viktimës janë shashtisur kur e kanë gjetur birin e tyre pa jetë. Ndërsa e kanë liruar nga litari, kanë lajmëruar edhe Policinë e Lushnjës. Menjëherë në vendin e ngjarjes ka shkuar grupi hetimor i policisë lushnjare, i cili ka kryer veprimet e para proceduriale dhe ka bërë këqyrjen e kufomës. Nga pyetja e familjarëve dhe fqinjëve të djaloshit fatkeq, ka rezultuar se ai është vetëvarur për arsye se e ka lënë e fejuara ditë më parë për motive të dobëta. Ky akt i vajzës që ai dashuronte ka shkaktuar traumë nervore te 25-vjeçari Qose, i cili është vetëvarrur duke përdorur si litar këmishën e tij, në orët e para të mëngjesit, fshehurazi familjarëve, ndërkohë që këta të fundit po flinin. Duket se dhimbja që i shkaktoi largimi i asaj që ai e donte shumë, solli fundin tragjik të 25-vjeçarit, i cili i ka dhënë fund jetës për dashurinë.

Vetëhelmimet dhe vetëvarjet janë një problem që prej shumë kohësh e kanë pllakosur Myzeqenë. Gati çdo ditë shënohet një i vdekur apo gati për të vdekur nga vetëhelmimet, sidomos me fostoksinë (bar miu). Në kartelat e spitalit të Fierit dhe në atë të Lushnjës figurojnë dhjetëra të rinj e të reja që i kanë dhënë fund jetës me helmin vdekjeprurës. Mes shumë arsyeve ka qenë edhe ajo e një dashurie, sherri me prindërit, gjendja e vështirë eko-nomike dhe në disa raste, depresioni. Gjendja vazhdon të jetë alarmante, megjithëse askush nuk merr masa, qoftë edhe për të ndaluar shitjen e barit të miut.

[Beqari002]

Nje 14 vjecare tenton te vetvritet



Nje adoleshente nga qyteti i Elbasanit ka tentuar te vetvritej dje duke pire nje doze te madhe valiumi. Burime te spitalit kirurgjik te Elbasanit thane per ATSH-ne se, 14 vjecarja me inicialet M.G, banore e qytetit te Elbasanit, u soll dje ne kete spital nga te afermit e saj ne gjendje teper te rende, pas perdorimit te nje doze te madhe valiumi. Te njejtat burime thane se gjendja e 14 vjecares paraqitet e rende, por gjithsesi me shume shpresa per te jetuar. Rasti i djeshem e con ne rreth 65 numrin e tentativave te vetvrasjeve ne Qarkun e Elbasanit qe nga fillimi i ketij viti. Rreth 25 perqind e ketyre tentativave kane perfunduar fatalisht. Javen e kaluar nje person u vetevra, ndersa nje tjeter arriti te shpetonte fale kujdesit te mjekeve.

[Beqari002]

I dhemb koka, tenton vetevrasjen



Per te shpetuar nga dhimbja e kokes, te cilat i ishin bere te padurueshme nje 22 vjecare ka tentuar te vetehelmohet me qetesues. E.S. e fejuar dhe e papune, lindur ne Shelas dhe banuese ne Elbasan kishte dashur t`i jepte fund jetes, pasi nuk po duronte krizat e forta ne koke. Keshtu, te dielen ajo ka perdorur nje grusht me qetesues te llojit sedative. Ne gjendje te rende ate e kane gjetur familjaret, te cilet e kane nisur drejt spitalit te Elbasanit, ku ndodhet aktualisht ende ne gjendje kome. Nderkaq policia po punon per zbardhjen e rrethanave te plota te kesaj ngjarjeje.




--------------------------------------------------------------------------------
Korrieri, 09/24/2002


Oj sharki e lehte si era , a ka ardhur ne Shqiperi pranvera?

[Beqari002]

Athua cka do te jete mistiri i vdekjes se motrave Thaqi nga Tirana pas konstatimit se ato kane pire helm.


Shpresa dhe Xhuljana Thaçi vdiqën mesditën e së shtunës pasi kishin ngrënë nga një pastë. Mjekët ia vënë "fajin" barit të miut

Arben Pilaca zbardh misterin e vdekjes së dy motrave: "Përse i dërguam te ushtaraku"

"Doktor, kemi pirë helm"
Mjeku i Infektivit: Vajzat e treguan vetë


TIRANË

Kemi pirë helm". Kjo është fjalia e parë që kanë belbëzuar mes dhimbjeve vdekjeprurëse motrat Thaçi në urgjencën e Spitalit Infektiv, mesditen e së shtunës. Arben Pilaca, mjeku i rojës së repartit të urgjencës për helmimet nga ushqimet në Spitalin Infektiv hedh kështu dritë mbi misterin e vdekjes së menjëhershme të Shpresa dhe Xhuljana Thaçit.

Ky mjek dhe infermierët e turnit akuzohen nga babai i viktimave, Qerim Thaçi, për mosdhënien e ndihmës së parë vajzave të tij. Akuzat e forta të babait të vrarë shpirtërisht arrijnë deri në kërcënim për hedhje në gjyq.

Duke dashur të shfajësohet, mjeku ka nxjerrë në shesh një pjesë të së vërtetës së dy tragjedive që i solli e shtuna e kaluar familjes me origjinë kosovare. Mjeku Pilaca thotë që nuk i ka parë fare dy pacientet, meqë reparti i tij nuk është i specializuar për rastet e helmimit jo me natyrë bimore.

Pas deklaratës së njërës prej motrave, se kishin pirë helm, mjekët e urgjencës së Infektivit i kanë rekomanduar për në repartin e Toksikologjisë në Spitalin Ushtarak.

"Te ne nuk bëhen dezintoksikimet që kanë si shkaktarë helme, por vetëm ato që kanë origjinë bimore", justifikon veprimin e kolegëve të tij, Pilaca.

Rrethanat dhe dëshmia e mjekut Pilaca ishte paraprirë nga dyshimet e mjekëve specialistë të Spitalit Ushtarak. Muhamet Kondi, shefi i repartit të Kardiologjisë dhe Terapisë në SUT-së deklaroi menjëherë pas vdekjes së dy vajzave, se "shenjat klinike që kishin demonstruar vajzat tregonin se kishim të bënim me helmim nëpërmjet barit të miut".

Dy motrat ishin punonjëse në një firmë të prodhimit të këpucëve, ndërsa deri para dy vitesh kishin punuar te firma italiane "Filanto". Ky fakt provokoi dyshimet se mos helmimi i tyre kishte të bënte me ndërmarrjen ku punonin. Por këtë dyshim e hedh poshtë doktori Skënder Skënderi, shefi i pavionit të sëmundjeve profesionale. Pjesëmarrës në disa kontrolle mbi kushtet higjieno-sanitare të disa fabrikave, ai thotë që helmet që mund të gjenden në të tilla ambiente pune, janë kryesisht fenolet të cilat nuk e vënë në rrezik jetën.

Por ai gjithshtu thotë se privatët e huaj nuk e tregojnë asnjëherë përbërjen e substancave që përdorin si lëndë të parë.

Për vdekjen misterioze të dy motrave ka reaguar edhe Komiteti Shqiptar i Helsinkit. Nëpërmjet një deklarate për median ky komitet, pa paragjykuar përfundimin hetimor për shkakun e tragjedisë, ngre problemin e kushteve të punës në disa fabrika e punishte, shpesh të firmave të huaja

Oj sharki e lehte si era, a ka ardhur ne Shqiperi pranvera?

[Beqari002]

Si duket edhe pse mjaft alarmante kjo e keqe qe ka kapluar te rinjet tan deri me tani nuk prek zemren as shpirtin e askujt nga pushtetaret apo lideret politik te vendit ton per te ndermarre dicka ne kete drejtim ne ndaljen e kesaj te keqje.

Vetëhelmohet 17-vjeçarja nga Fieri pas sherrit me të vëllain


FIER (25 Shtator) - Një 17-vjeçare ka humbur jetën në mesditën e sotme si rezultat i vetëhelmimit me fotoksinë. Ngjarja e rëndë ka ndodhur në një familje të Myzeqesë, pas një grindje mes 17-vjeçares dhe të vëllait, pasi vajza nuk kishte gatuar drekën. Pas një debati të gjatë mes tyre, vajza në një gjendje të rëndë psikologjike futet në dhomën e saj dhe vendos që t' i japë fund jetës duke pirë fotoksinë. Menjëherë familjarët e kanë dërguar në spitalin e qytetit, por mjekët nuk mundën ta shpëtonin. Vetëhelmimi me fotoksinë është një nga format më të përhapura të vetëvrasjes, sidomos nga vajzat e reja në zonën e Myzeqesë. dxh/ko (RASH/BalkanWeb


Oj sharki e lehte si era , a ka ardhur ne Shqiperi prnavera?

[Beqari002]

Fjala e fundit e Mjeksise Ligjore "Motrat Thaqi kane pire helm"ky eshte shkaktari vdekjes tragjike i ketyre dy te rejave nga Tirana.
Por athua do kete ndikim ne ndergjegjsimin e pushtetareve per te ndermarre dic ne kete drejtim ne ndalimin e kesaj te keqje qe pa nda po jetra te rinjesh e te rejash ne tere vendin ton.
Athua duhet edhe ne te angazhohemi ne kete drejtim qe me idet dhe ndikim ton te bejme dic ne kete drejtim,pra apeloj tek anetaret e Forumit qe me shkrimet e tyre dhe ndikimin e tyre qe kane tek te afermit , miqt , shoket te bejne ate qe dduhet bere ne propagandimin e drejt rreth ketij problemi tragjik te kombit ton.


Kanë pirë fostoksinë në doza të mëdha", deklaron qetë e bindshëm mjeku Sokrat Meksi, shefi i repartit të Mjekësisë Ligjore

Sokrat Meksi zbardh misterin e vetëhelmimit të Shpresa e Xhuljana Thaçit. Sasia nuk është përcaktuar

"Dy motrat kishin pirë bar miu"
Ekspertiza mjeko-ligjore zbulon shkakun e vdekjes


ar.hy.

TIRANË

Bar miu (fostoksinë) ka qenë helmi që u mori jetën dy motrave Thaçi, të shunën e kaluar. Mjekët thonë që helmin, Shpresa dhe Xhuljana duhet ta kenë pirë në shtëpi.

Po të ishte marrë në rrugë apo diku tjetër, ndryshimet e menjëhershme fizike të vajzave do të kishin zgjuar kureshtjen e të tjerëve. Specialistët e Mjekësisë Ligjore sqarojnë gjithashtu se helmi është marrë në mëngjes, sepse atëherë është koha kur vepron më fort dhe më shpejt.

Analizat e gjakut të njërës prej motrave Thaçi ka vërtetuar dyshimet e mjekëve, të cilat lindën që në momentin e parë të vdekjes së tyre. "Kanë pirë fostoksinë në doza të mëdha", deklaron qetë e bindshëm mjeku Sokrat Meksi, shefi i repartit të Mjekësisë Ligjore. Por ai nuk përcakton se sa është kjo sasi. "Me pirjen e kësaj sasie të madhe helmi, motrat kanë kërkuar një vdekje të sigurt ose kanë të dashur ta përdorin si presion ndaj familjes", vazhdojnë hipotezat e mjekëve. Shumë të sigurt për përdorimin e këtij helmi, komisioni mjeko-ligjor do t'ia kalojnë detajet e përfundimit të arritur Policisë Kriminale, për të vazhduar hetimet e mëtejshme deri në vërtetimin e plotë të motiveve dhe rrethanave për të cilat janë vetëflijuar motrat Xhuljana dhe Shpresa Thaçi, përkatësisht 27 dhe 25 vjeçe.

Doktor Meksi pranon që prindërit e vajzave të helmuara të "testojnë" përfundimin e tyre, edhe pse analizat deri në "kristalizimin" e përfundimit kanë kaluar në dy laboratorë krimesh. "Le të shkojnë edhe jashtë shtetit, por përfundimi do të jetë i njëjtë, kampionet e gjetura në stomakun e vajzave tregojnë për mbetje të fostoksinës", sqaron Meksi.

Por misteri i helmimit të vajzave duket se nuk e ka "ngacmuar" sedrën profesionale të hetuesve dhe të oficerëve të Antikrimit. Burime nga Prokuroria e Rrethit shtojnë se dosja e motrave Thaçi nuk ka mbërritur ende. Por shumica e vetëhelmimeve janë pushuar e, me sa duket, këtë fat do të ketë edhe dosja e motrave. Policia është mjaftuar me një kontroll në banesën e Shpresa dhe Xhuljana Thaçit, ditën e krimit. Identifikimi i shkakut që i ka shtyrë vajzat të vetëflijohen, tashmë hamendësohet nga shoqet e të afërmit e tyre.

Sipas shoqeve dhe kolegeve të punës, Shpresa 25-vjeçare, brenda javës do të vendoste t'i kalonte apo jo ethet e fejesës, para motrës më të madhe. Por ato nuk dinë të kenë pasur ndonjë arsye pse t'i jepnin fund jetës. Dhe në qoftë se arsyeja e tragjedisë ka qenë një problem familjar, qetësia në shtëpi nuk lë të kuptohet asnjë dyshim. Prej pesë ditësh të njohur e të panjohur hyjnë e dalin për ngushëllime te familja Thaçi. Më i afërti i vajzave që mund të thotë diçka për to, është i ati, Qerimi. Gjithmonë i qetë dhe i fortë, ai është krejt i sigurt se vajzat e tij nuk e morën helmin në fabrikë. Ka net tashmë që gjumin ia prishin imazhet e vajzave që u dha lamtumirën vetëm para katër ditësh. Ndërkohë për tragjedinë ai nuk zbardh asnjë motiv. "Ky ishte fati i keq i tyre dhe pakujdesia e mjekëve, që nuk u falet", thotë ai.

Oj sharki e lehte si era , a ka ardhur ne Shqiperi pranvera?

[Beqari002]

Të mërkurën viktima nuk kishte shkuar në martesën e shokut. Dje në mëngjes merr kallashnikovin dhe ia drejton vetes


Vetëvritet në ditën e dasmës së moshatarit


Tragjedi në Qarrishtën e largët. Një 28- vjeçar, i gjymtuar në fëmijëri, vetëqëllohet me armë zjarri


LIBRAZHD- Një 28- vjeçar është vetëqëlluar me armë zjarri në ditën e dasmës së shokut të tij, njëkohësisht dhe bashkëmoshatar. Ngjarja ka ndodhur dje në mëngjes në fshatin Qarishtë. 28-vjeçari Latif Hasa, është vetëqëlluar me armë zjarri në kushtet e depresionit të shkaktuar nga një fatkeqësi fizike që në moshë të re, thanë për gazetën burime të policisë të cilat i referohen edhe dëshmive të familjarëve. Ai është dërguar me urgjencë në spitalin e Librazhdit dhe më pas në atë të Tiranës, ku ndodhet në gjendje të rëndë shëndetësore. Dajoja i tij, Hyqmeti, thotë për gazetën se Latifi kishte një gjymtim fizik në sy, ngaqë ishte djegur që fëmijë (kishte dhe shenja në fytyrë). "Ne ishim të gjithë të mërkurën në dasmë dhe i thamë të vinte dhe Latifit se ai duhej të ishte i pari se martonte fqinjin dhe shokun e tij më të ngushtë, por nuk erdhi. Qëndroi në shtëpi",- shton dajoja i tij i cili dje ishte në spitalin e Librazhdit aty ku viktima erdhi me urgjencë. Ishte ora 08.00 e mëngjezit të djeshëm kur familja Hasa, para se të shkonte përsëri në dasmën e fqinjit, është ulur për të ngrënë mëngjes. Por nuk kaluan shumë kohë kur ata dëgjuan një krismë të shurdhër arme. Në dhomën ngjitur (nga 6 që ka kjo shtëpi), menjëherë kanë rendur familjarë për të parë se ç'ka ndodhur. Në mes të dhomës ata kanë parë pa ndjenja djalin beqar të shtëpisë, Latifin. Një grup njerëzish kanë marrë viktimën dhe përmes stuhisë kanë udhëtuar në këmbë për ta çuar atë në spital me shpresën e rikthimit në jetë. Megjithë asistencën e grupit të mjekëve specialistë, shpresa për rikthim në jetë ka qënë minimale. "Një plumb që e ka goditur në afërsi të zemrës, sipas ekzaminimit, ka sjellë vdekjen klinike të tij",- pohon kirurgu Rexhep Ballolli. Në këto kushte, në orën 16.00 të së enjtes, 28- vjeçari është dërguar drejt Tiranës. Ndërkohë, arma me të cilën është goditur 28- vjeçari Hasa, sipas burimeve zyrtare të grupit hetimor, është një automatik kallashnikov. Nga 30 fishekë që ka patur karikatori, sipas zëdhënësit të policisë, 28- vjeçari ka mundur që të shkrehë vetëm një të tillë. Sipas burimeve zyrtare policore, nga forcat e grupit të gatshëm dhe ekspertët kriminalistë që shkuan në vendngjarje janë bllokuar një automatik (i grasatuar) , 28 fishekë në karikatorin e tij dhe një fishek mod-56 në folenë e fishekut.
Kujtim Boriçi


Oj sharki e lehte si era , a ka ardhur ne Shqiperi pranvera?