Dobjani: Politika, larg Avokatit të Popullit

[Albo]

Ombudsmani shqiptar ka akuzuar se faktori politik eshte duke nderhyre ne procesin e zgjedhjes se Avokatit te Popullit. Dobjani: "Do te ishte mire qe procesi i zgjedhjes se Ombudsmanit te mos perfshihej ne lojen politike". Perballe kandidatures se tij eshte vene ish-ministri, Besnik Dervishi

Renato KALEMI

Procesi i zgjedhjes se figures qe do te kryesoje instituconin e Avokatit te Popullit per pese vitet e ardhshme, nuk duhet te perfshihet aspak nga loja politike. Kjo ka qene deklarata qe ka leshuar dje, per politiken e vendit tone, Ombudsmani shqiptar, Ermir Dobjani, nje dite pasi u zyrtarizua edhe kandidatura e ish-Ministrit te Rregullimit te Territorit dhe Turizmit, Besnik Dervishi per postin e ketij institucioni te rendesishem. Ne kete menyre, Dobjani ka akuzuar se faktori politik eshte duke nderhyre ne procesin e zgjedhjes se Avokatit te Popullit, ndersa u shpreh i sigurte per rizgjedhjen e tij ne detyren qe e ushtron qe prej vitit 2000. "Une kam hyre per te fituar garen dhe nuk kam absolutisht asgje kunder me kandidatin e shfaqur dhe me cilindo kandidat tjeter qe do te dale. Eshte e drejta e gjithsecilit te konkuroje dhe eshte e drejta e cdo deputeti te mbeshtese kandidatet qe kerkojne mbeshtetje prej tyre. Por, do te ishte mire qe procesi i zgjedhjes se Ombudsmanit te mos perfshihej ne lojen politike", nenvizoi dje, perpara gazetareve, Dobjani. Megjithate, ky i fundit nuk do ta kete aspak te lehte rizgjedhjen e tij ne krye te institucionit te Avokatit te Popullit, per shkak se ish-ministri Dervishi, gezon mbeshtetjen politike te shumices qeverisese ashtu edhe te Kryeministrit dhe Kryetarit te PS-se, Fatos Nano. Keshtu, socialistet edhe pse nuk kane shprehur ndonje kundershtim per punen 5-vjecare te Dobjanit, i kane vene rendesi kandidatures se Dervishit dhe ndoshta do ta mbeshtesin gjeresisht ate kur te behet votimi ne Kuvendin e Shqiperise, ne muajin shkurt.

Deklaratat e mesiperme Avokati i Popullit, Dobjani i beri gjate nje konference te perbashket shtypi qe zhvilloi me Ombudsmanin danez, Hans Gammeltoft Hansen, I cili perfundoi viziten e tij kater ditore ne Shqiperi.

Ermir Dobjani

Ka depozituar kerkesen e tij per te rikandiduar per postin e Avokatit te Popullit. Eshte ne krye te ketij institucioni prej 5 vitesh duke perballuar gjate kesja periudhe, rreth 15 mije ankesa, me nje shifer prej afro 23% te rasteve te zgjidhura pozitivisht. Ai ka mbaruar Fakultetin e Juridikut dhe ne shkurt te vitit 2000 u vetekandidua per te zene kreun e Institucionit te Avokatit te Popullit. Mandati i tij perfundon me 16 shkurt te ketij viti.

Besnik Dervishi

Ka qene Minister i Rregullimit te Territorit dhe Turizmit dhe pas kesaj Kryeministri Fatos Nano e merr si keshilltar ne kabinetin e tij qeveritar. Me mbarimin e kesaj eksperience, Dervishi emerohet per nje kohe Prefekt i Tiranes, por kete detyre e la vetem pak dite me pare. Gjithashtu, ai eshte edhe anetar i Komitetit te Pergjithshem Drejtues te Partise Socialiste.

[Albo]

Berisha: Nano po cenon pavaresine e institucionit te Avokatit te Popullit

Kryetari i PD, Sali Berisha, e ka vleresuar si nje veprim absurd, nismen e Kryeministrit Fatos Nano, per te zgjedhur ne krye te institucionit te Avokatit te Popullit, Besnik Dervishin, ne vend te Avokatit aktual, Ermir Dobjani. Sipas Berishes, ndonese Dobjani eshte nje i propozuar nga shumica socialiste, per hire te se vertetes, institucioni i Avokatit te Popullit, eshte nga ato institucione qe, ne menyre te pamohueshme, ka bere perpjekje per pavaresi te ketij institucioni. "Tani ai kerkon te na vere aty nje militant te PS. Ai mendon se ne kete menyre do te mund ta manipuloje kete institucion pas humbjes ne zgjedhje. Ky eshte nje veprim shume i papergjegjshem", ka vleresuar Berisha. Sipas tij, te sjellesh nje anetare te Komitetit Qendror te PS ne krye te institucionit te Avokatit te Popullit, do te thote te asgjesosh pavaresine e ketij institucioni. "Ombusmani i Danimarkes me deklaroi se ka 18 vjet ne detyren e tij, pavaresisht se gjate ketyre 18 vjeteve, qendra e djathte dhe qendra e majte, kane alternuar disa here ne pushtet. Sic veproi me Banken e Shqiperise, ku emeroi ne bordin e saj njerezit me te ngushte te tij, kete ai po kerkon te beje edhe me Avokatin e Popullit", ka nenvizuar Berisha, pas nje takimi qe ka zhvilluar me Avokatin e Popullit te Danimarkes.

A.META

[Albo]

Avokat i Popullit apo i PS?!

Kandidimi i zotit Besnik Dervishi, perkrah shefit aktual Emir Dobjani, per postin e Avokatit te Popullit, eshte sa qesharake, aq edhe e rrezikshme per demokracine shqiptare. Kjo per faktin e thjeshte se ne nenin 61/4 te Kushtetutes, percaktohet se "Avokati i Popullit nuk mund te beje pjese ne asnje parti politike, nuk mund te kryeje veprimtari tjeter politike, shteterore ose profesionale dhe as te marre pjese ne organizmat drejtues te organizatave shoqerore, ekonomike dhe tregetare". Qofte edhe nisur nga kjo, zoti Dervishi, ne rast se zgjidhet me shumicen e votave te mazhorances ne Parlament, nuk do te jete me Avokat i Popullit Shqiptar, por thjeshte dhe vetem Thjeshte Avokat i Partise Socialiste.

Se pari, kjo lidhet jo vetem me funksionet e tij te meparshme si minister i Territorit dhe Turizmit, apo prefekt i Tiranes. Por, mbi te gjitha si anetar i Partise Socialiste dhe i forumit te saj te larte, Komitetit te Pergjithshem Drejtues.

Se dyti, kete teze e ben me te besueshme fakti i kandidimit te tij per kete post, eshte bere vetem pak dite pasi ai u shkarkua nga posti i Prefektit te kryeqytetit. Veprim ky i llogaritur per tu bere ne limitin kohohor qe parashikon ligji per te dorezuar kerkesen me 28 firmat e nevojshme te deputeteve ne Kuvend.

Se treti, nese do te pranojme per nje moment se zoti Dervishi me kete rast do te dorezoje teseren roze dhe do te heqe dore nga te gjitha funksionet drejtuese ne PS, kjo nuk ka asnje vlere reale. Per aq kohe, sa kjo praktike ndiqet dhe pranohet vetem per rastet e atyre qe zgjidhen ne postin e Presidentit te Republikes.

Dhe sefundi, Shqiperia ka me mijera njerez te shkolluar dhe te arsimuar qe mund te plotesonin kriteret kushtetuese per te kandiduar per postin e nderuar te Avokatit te Popullit. Por, kjo loje politike e Dervishit dhe deputeteve te mazhorances qe ai perfaqeson, duket se e ka kompromentuar kete gare, pa nisur ende. Ndaj, askush nuk ka "guxuar" t'i hyje nje aventure perfundimi i se ciles, duket se eshte paracaktuar tashme ne seline e PS qe zoteron edhe votat mazhoritare ne Kuvend.

Ndaj, ye te mjaftueshme per te besuar, se nese ligjvenesit shqiptare do tia japin voten Besnik Dervishit per kete rast, atehere Shqiperia po pergatitet qe te jape shembullin e pare ne boten e qytetareuar, se Avokati i Popullit mund te zevendesohet me avokatin e Partise ne pushtet.

"Korrieri"

[Albo]

Ish-ministri dhe ish-prefekti pritet që të rimarrë postin e këshilltarit pranë kryeministrit

Dervishi tërhiqet nga gara për Avokatin e Popullit

Shekulli

TIRANË- Besnik Dervishi nuk do të kandidojë për postin e Avokatit të Popullit. Ish-prefekti i Tiranës që vetëm pak ditë më parë vendosi të konkurronte, duke mbledhur firmat e 28 deputetëve të majtë, ka vendosur sipas burimeve nga Kuvendi që të tërhiqet nga votimi, që do të zhvillohet pas 16 shkurtit. Deri dje në mbrëmje nuk diheshin arsyet e kësaj tërheqje, por pritet që ish-ministri i Rregullimit të Territorit dhe Turizmit t’i kthehet detyrës si këshilltar pranë kryeministrit Nano. Kandidimi i Dervishit që njihet si një nga njerëzit e afërt të kryeministrit, u njoftua një javë më parë gjatë seancës plenare. Sipas ligjit për postin e Avokatit të Popullit në Kuvend mund të konkurrojnë deri në pesë kandidatë, të cilët me iniciativën e tyre personale mbledhin firma nga të paktën 28 deputetë. Dobjani dhe Dervishi, me nismë personale, kanë siguruar secili firmat e 28 deputetëve të Kuvendit, për të formalizuar kandidaturat e tyre, që më pas do të kalojnë për votim në seancë plenare. Përfshirja në garë e Dervishit, ish -ministër i Rregullimit të Territorit dhe Turizmit, u kuptua fillimisht se socialistët nuk do të mbështesin Emir Dobjanin, për një mandat tjetër në postin e Avokatit të Popullit. Kjo për faktin që Dervishi, konsiderohet si një nga njerëzit e afërt të kryeministrit Fatos Nano. Sipas burimeve nga Kuvendi, emrat e 28 firmëtarëve që kanë firmosur për të formalizuar kandidaturën e Dervishit kanë qenë kryesisht deputetë të PS-së. Një prej tyre Lekë Çukaj, kryetari i komisionit të Mandateve tha se ai kishte firmosur për kandidaturën e Besnik Dervishit, por ajo ka qenë një mbështetje personale dhe jo e diktuar nga partia. Ndërkohë kandidatura e Dobjanit, është firmosur nga deputetë që u përkasin të dyja kaheve politike, kryesisht deputetë të partive të vogla. Në mesjavë Dobjani duke ndier se Dervishi kishte mbështetjen e PS dhe kryeministrit, deklaroi se politika nuk duhet të përzihet me zgjedhjen e Avokatit të Popullit dhe se aktiviteti i tij nuk kishte qenë i lehtë për faktin se të gjitha çështjet e trajtuara prej tij kishin të bënin gjatë këtij pesëvjeçari me punën e qeverisë.