Policia e Shtetit dhunë barbare mbi grevistët e transportit.

[BlueBaron]

"Kjo është protestë për bukën e gojës. Ne kërkojmë zgjidhjen e kërkesave tona ekonomike, ndërsa qeveria na lëshon forcat speciale për të na dhunuar barbarisht"

Presidenti i Sindikatës së Pavarur të Transporteve, Gëzim Qato dhe 30 shoferë autobuzësh, u arrestuan dje nga Forcat Speciale. Sindikata e Transporteve kishte paralajmëruar prej disa ditësh zhvillimin e një proteste me shoferët e autobuzëve nga i gjithë vendi para Ministrisë së Transportit për zgjidhjen e kërkesave të tyre ekonomike, por qeveria lëshoi forcat policore për të shpërndarë me forcë protestuesit paqësorë. Rreth 300 shoferë nga të gjitha rrethet e vendit u mblodhën dje në mesditë për të protestuar, por forca të shumta të Policisë së Rendit dhe të Forcave Speciale rrethuan protestuesit dhe u përleshën me to, duke përdorur dhunë ndaj tyre. Forcat Speciale tërhoqën zvarrë disa nga shoferët protestues dhe më pas i futën në furgonët e policisë. Ndërmjet të arresturave ndodhej edhe Presidenti i Sindikatës së Pavarur të Transporteve, Gëzim Qato.

Protesta nisi në orën 11:00 nisën protestën nga sheshi "Nënë Tereza", por shoferët nuk u lejuan të shkojnë deri te Ministria e Transporteve. Forcat Speciale u zunë pritë protestuesve në Bulevardin "Dëshmorët e Kombit" pranë Parkut "Rinia" në Tiranë dhe përdorën shkopinjtë e gomës për t'i shpërndarë ata. Në çastin kur Forcat Speciale përdorën dhunë ndaj protestuesve, ata hodhën parrulla kundë qeverisë, si "Poshtë qeveria, "Poshtë Fatos Nano", "Poshtë mafia qeveritare", etj. "Kjo është qeveri mafioze. Ne kërkojmë zgjidhjen e kërkesave tona ekonomike, ndërsa qeveria na lëshon Forcat Speciale për të na dhunuar barabarisht", tha njëri nga shoferët protestues. Ai shtoi se kishte ardhur nga Fieri për t'iu bashkuar protestës së paralajmëruar nga Sindikata e Pavarur e Transporteve, por sipas tij, qeveria e Fatos Nanos, jo vetëm që nuk i zgjidh kërkesat, por përdor policinë për të masakruar qytetarët e pafajshëm. Presidenti i Sindikatës së Pavarur të Transporteve, Gëzim Qato dhe 30 shoferët e autobuzëve, deri në orët e vona të mbëmjes së djeshme nuk u liruan nga policia. Sindikata e Pavarur e Transportit kishte kërkuar leje zyrtarisht Policisë së Tiranës për zhvillimin e protestës, por policia nuk kishte dhënë leje.

Presidenti i Sindikatës së Pavarur të Transporteve, Gëzim Qato, deklaroi fillimisht para protestuesve se kjo Sindikatë kishte 4 muaj që kërkonte realizimin e kërkesave, por zëri i shoferëve kishte rënë në vesh të shurdhër. Për këtë shkak shoferët e autobuzave në të gjitha qytetet kryesore të vendit rifilluan protestën për realizimin e kërkesave të tyre ekonomike. Sipas kryetarit të Sindikatës, Gëzim Qato, qeveria kishte premtuar para vitit të ri se do të realizonte kërkesat e Sindikatës së Transporteve, por në fakt nuk realizoi asnjë kërkesë, duke i detyruar shoferët të rifillonin protestën. Greva e Sindikatës së Pavarur të Transporteve është përkrahur edhe nga Sindikatat e Pavarura të Naftës, Minierave, Telekomit, Kimisë, Energjitikës, Mbrojtjes, Tekstilit, Bujqësisë, Ushqimit, etj. Greva e shoferëve të autobuzëve ka paralizuar transportin e udhëtarëve në të gjithë vendin, duke krijuar kaos tek qytetarët.

[Brari]

Ja po vijne zgjedhjet..
Shofere .. mesues e sindikaliste le te tregojne me vote se cfare duan e nuk duan..
Le te shkojne nxenesit ne shkolla..
Mesimi eshte i shenjte..
Shkolla do rregull qetesi e disipline..

qashtu..

Rd
---



Prokurori Dhori, sindikalisti Gëzim, ministri Luan dhe Drejtoresha Majlinda


Sokol OLLDASHI


Dy editoriale, në dy prej të përditshmeve më përfaqësuese në vend, por edhe me linja editoriale tërësisht të ndryshme, Tema dhe Korrieri, nga Fatos Lubonja dhe Apollon Baçe, dy analistë të njohur, por tërësisht të ndryshëm nga njeri-tjetri në konceptet që përfaqësojnë, sinkronizonin dje në një aspekt. Në atakimin e Prokurorisë si një prej shtrembërimeve më serioze të sistemit institucional shqiptar, për shkak të shndërrimit të saj në një vegël politike tërësisht të komanduar nga qeveria.

Ky përkim, që ndoshta në pamje të parë mund të duket i rastësishëm, në fakt, vetëm i tillë nuk është. Ai mund të konsiderohet vetëm si një sinjal i qartë se institucioni i akuzës, ose ajo që mund ta konsiderojmë si terapia jonë institucionale ndaj së keqes së përbashkët, është tanimë jo vetëm joefektive, por pjesë e stimulimit të sëmundjes.

Përvec dy editorialeve të sipërcituar, shtypi i djeshëm kishte edhe një mori lajmesh, ndër të cilët, për të shkuar në analizën e logjikës me të cilën lëviz prokuroria, mund të përzgjidhen tre.

Lajmi i parë: Prokuroria shpall urdhër-arrestin për kryetarin e Sindikatës së Pavarur të Transporteve, Gëzim Qato, me akuzën për prishje të qetësisë publike. Zoti Qato drejtoi dy ditë më parë një protestë të drejtuesve të automjeteve të cilët kërkojnë të ushtrojnë aktivitetin e tyre në disa kushte të caktuara, në disa rrethana të caktuara, të cilat në aspektin e marrë në shqyrtim nuk kanë rëndësi.

Lajmi i dytë: Ministri Memushi, ky "homo", "sapiens"-i i vetëm i të cilit është se është mësuar disa vite me rradhë të mbajë çantën e Gramoz Rucit, kërcënon me arrestime dhe pushime nga puna arsimtarët që i bashkohen grevës së shpallur nga Sindikata e Pavarur e Arsimit.

Lajmi i tretë: Mësuesja e shkollës së mesme të përgjithshme "Andon Zako Çajupi", Ina Kasimati akuzon për kërcënime dhe presione Drejtoreshën Arsimore të Tiranës, Majlinda Keta.

Që prokuroria nuk ka këllqe të merret me Luanin e Ministrisë së Arsimit, pavarësisht faktit që ky nuk do të mund të jetë kurrë një felin i politikës, është një gjë thjesht e qartë për të gjithë.

Problemi qëndron në dy lajmet dhe dy personazhet e tjerë.

I pari është sindikalisti Gëzim, që paskërka kërcënuar qetësinë e qeverisë me grevën e tij dhe që, për këtë, prokuroria mendon se është e udhës t'i hedhë hekurat. E dyta, është Drejtoresha Majlinda, e cila paskërka kërcënuar mësuesit dhe që sipas prokurorisë, mund të vazhdojë ta bëjë këtë gjë qetësisht. Dhe kjo, sepse kërcënimet e drejtoreshës, në qofshin të vërteta, nuk e prishin qetësinë e qeverisë, përkundrazi e rrisin atë.

Pra, raporti i individit në këtë rast, nuk përcaktohet me qetësinë publike, por me qetësinë e qeverisë. Dhe kjo nuk mund të përbëjë ndonjë çudi, as për Baçen, as për Lubonjën as për shumë shqiptarë të tjerë. Kjo thjesht është e turpshme, për institucionin e akuzës dhe veçanërisht për titullarin e saj, Prokurorin Dhori.

--- rd--

[BlueBaron]

... do t'i merret parasysh vota grevisteve dhe sindikalisteve ???