Per ata qe na harrojn ......keshtu si per qef

[EDUARDI]

Korniza me konture puthjesh
u var në pasqyrën e fundit të natës.
… “Oshpirt i vogël” thua në shumë gjuhë.
Por unë për besë…
nejse,
asgjë s`kuptoj.

S`qenka mashtrimi që fyen
por naiviteti femëror
që vuan…
Elips…!!!
Elipsi, u thye,
tani do të vdesë.

[EDUARDI]

Nudo si perëndi e egër
në rrugën e zbrazur vrapoj.
Trupi im,
qenka apokalips
i përmbysyr mbi baltë…
…Eh, për një puthje
botën do vras.
Akuarium.
Një peshk vallëzon

[EDUARDI]

Mbi një eshtër të blertë,
pushi i pupurt ledhaton.
O mrekulli, lëngu i puthjes
mëkaton.

[EDUARDI]

Moderni të lashtin pyeti:
kush jam unë?

Bishti i marrëzisë time!

[EDUARDI]

NË ËNDËRR



Ti vrapon plantacioneve të mia
si delir i heshtur.
Mbi guackat e gjijve
të mi,
pi detin.
Dhe kur ikën,
ëndërra ime griset lakuriq

[shtrigaa]

Vella te kam xhan, jan fandastike ato qe ke shkruar.
Jam e gezuar qe te njojta ne kete jete.

shtrigaa

[shtrigaa]

Puthja

Mall i ndarjes se trishtuar,
dhe dyshimi ''po me pas''?
Se gjej fjalen e bekuar qe mendimin larg ta ngas.

[EDUARDI]

PA TITULL


Të pimë o mik,
për kavalerinë e fundit,
me britmën e tufanit verdhacuk
që mbi pupla mantelesh psherëtin,
në darkat me prostitutat e Bodlerit.
Të pijmë o mik,
për mbrëmjet e lagura nga
pështyma mjellmash,
që llangosen me shampanjë
mbi fustane kurvash.
Të pijmë o mik,
pijetoreve të vona, me “show”
xhonglerësh aziatikë
që hungërijnë parlamenteve të botës ,
për politikë.
Të pijmë o mik.,
për luftën? Jo.
për paqen? Po.
për njerinë? Jo
Është i pistë.
Për dollarin, euron, për pijanecët.
Të pijmë për vdekatarët? Jo, s’ia vlen.
Të pijmë për seksin,
Ndoshta???
Të pijmë…

[EDUARDI]

Nata e ftohtë, jashtë dritares
gishtat kërcet mbi xham ,
si një zog i qeltë.
Në avujt leshtarakë fytyra ime humb,
mbi parvazin e vjetër një gonxhe është tharë
nga erërat.
Dua, sonte të të përqafoj
mbi qerpikë të puth.
Të ndjesh, është njerzore
Të duash, është hyjnore.
A s’je Ti dakort
me mua?!!.

[EDUARDI]

Një puthje, vallë sa kushton???
Kur jemi kaq pranë,
por ndihemi aq,
larg.